श्रेष्ठ दान और ब्राह्मणों का सत्कार

श्लोक 1 (13.94.1)

यानीमानि बहिर्वेद्यां दानानि परिचक्षते । तेभ्यो विशिष्टं किं दानं मतं ते कुरुपुङ्गव ॥

yānīmāni bahirvedyāṃ dānāni paricakṣate | tebhyo viśiṣṭaṃ kiṃ dānaṃ mataṃ te kurupuṅgava

जिन दानों को वेदी के बाहर किया जानेवाला दान कहते हैं, हे कुरुश्रेष्ठ, उनमें आप किस दान को सबसे श्रेष्ठ मानते हैं?

श्लोक 2 (13.94.2)

कौतूहलं हि परमं तत्र मे विद्यते प्रभो । दातारं दत्तमन्वेति यद्दानं तत्प्रचक्ष्व मे ॥

kautūhalaṃ hi paramaṃ tatra me vidyate prabho | dātāraṃ dattamanveti yaddānaṃ tatpracakṣva me

हे प्रभो, इस विषय में मुझे बड़ी जिज्ञासा है; मुझे बताइए कि कौन-सा दान देने के बाद दाता के पीछे-पीछे जाता है।

श्लोक 3 (13.94.3)

अभयं सर्वभूतेभ्यो व्यसने चाप्यनुग्रहः । यच्चाभिलषितं दद्यात्तृषितायाभियाचते ॥

abhayaṃ sarvabhūtebhyo vyasane cāpyanugrahaḥ | yaccābhilaṣitaṃ dadyāttṛṣitāyābhiyācate

सब प्राणियों को अभय देना, संकट के समय सहायता करना, और प्यासे याचक को जो वह चाहे वह दे देना:

श्लोक 4 (13.94.4)

भरणे पुत्रदाराणां तद्दानं श्रेष्ठमुच्यते । दत्तं दातारमन्वेति तद्दानं भरतर्षभ ॥

bharaṇe putradārāṇāṃ taddānaṃ śreṣṭhamucyate | dattaṃ dātāramanveti taddānaṃ bharatarṣabha

पुत्रों और स्त्रियों के भरण-पोषण के लिए दिया गया दान श्रेष्ठ दान कहा जाता है; हे भरतश्रेष्ठ, वही दान दाता के पीछे-पीछे जाता है।

श्लोक 5 (13.94.5)

हिरण्यदानं गोदानं पृथिवीदानमेव च । एतानि वै पवित्राणि तारयन्त्यपि दुष्कृतात् ॥

hiraṇyadānaṃ godānaṃ pṛthivīdānameva ca | etāni vai pavitrāṇi tārayantyapi duṣkṛtāt

सोने, गौओं और भूमि के दान पवित्र करनेवाले हैं; वे पाप-कर्म से भी पार लगा देते हैं।

श्लोक 6 (13.94.6)

एतानि पुरुषव्याघ्र साधुभ्यो देहि नित्यदा । दानानि हि नरं पापान्मोक्षयन्ति न संशयः ॥

etāni puruṣavyāghra sādhubhyo dehi nityadā | dānāni hi naraṃ pāpānmokṣayanti na saṃśayaḥ

हे पुरुषव्याघ्र, ये दान सदा सज्जनों को दो; दान निस्सन्देह मनुष्य को पाप से मुक्त कर देते हैं।

श्लोक 7 (13.94.7)

यद्यदिष्टतमं लोके यच्चास्य दयितं गृहे । तत्तद्गुणवते देयं तदेवाक्षयमिच्छता ॥

yadyadiṣṭatamaṃ loke yaccāsya dayitaṃ gṛhe | tattadguṇavate deyaṃ tadevākṣayamicchatā

संसार में जो वस्तु सबसे प्रिय हो और जो घर में सबसे प्यारी हो, उसे वही दान अक्षय बनाने की इच्छा रखनेवाले को किसी गुणवान् को देना चाहिए।

श्लोक 8 (13.94.8)

प्रियाणि लभते नित्यं प्रियदः प्रियकृत्तथा । प्रियो भवति भूतानामिह चैव परत्र च ॥

priyāṇi labhate nityaṃ priyadaḥ priyakṛttathā | priyo bhavati bhūtānāmiha caiva paratra ca

जो प्रिय वस्तु देता है और प्रिय करता है, वह सदा प्रिय वस्तुएँ पाता है; वह इस लोक में भी और परलोक में भी प्राणियों का प्रिय हो जाता है।

श्लोक 9 (13.94.9)

याचमानमभीमानादनासक्तमकिञ्चनम् । यो नार्चति यथाशक्ति स नृशंसो युधिष्ठिर ॥

yācamānamabhīmānādanāsaktamakiñcanam | yo nārcati yathāśakti sa nṛśaṃso yudhiṣṭhira

हे युधिष्ठिर, जो अभिमान के कारण अपनी शक्ति के अनुसार उस याचक का सत्कार नहीं करता, जो अनासक्त और अकिंचन है, वह क्रूर है।

श्लोक 10 (13.94.10)

अमित्रमपि चेद्दीनं शरणैषिणमागतम् । व्यसने योऽनुगृह्णाति स वै पुरुषसत्तमः ॥

amitramapi ceddīnaṃ śaraṇaiṣiṇamāgatam | vyasane yo'nugṛhṇāti sa vai puruṣasattamaḥ

यदि शत्रु भी दीन होकर शरण माँगता हुआ आए और कोई संकट में उस पर अनुग्रह करे, तो वही सचमुच पुरुषों में श्रेष्ठ है।

श्लोक 11 (13.94.11)

कृशाय कृतविद्याय वृत्तिक्षीणाय सीदते । अपहन्यात्क्षुधां यस्तु न तेन पुरुषः समः ॥

kṛśāya kṛtavidyāya vṛttikṣīṇāya sīdate | apahanyātkṣudhāṃ yastu na tena puruṣaḥ samaḥ

जो दुबले, विद्वान्, जीविका खो चुके और कष्ट पाते हुए मनुष्य की भूख मिटाता है, उसके समान कोई पुरुष नहीं।

श्लोक 12 (13.94.12)

क्रियानियमितान्साधून्पुत्रदारैश्च कर्शितान् । अयाचमानान्कौन्तेय सर्वोपायैर्निमन्त्रयेत् ॥

kriyāniyamitānsādhūnputradāraiśca karśitān | ayācamānānkaunteya sarvopāyairnimantrayet

हे कुन्तीपुत्र, जो अपने कर्मों से बँधे हुए सज्जन पुत्र-स्त्रियों के पालन से क्षीण हो गए हैं और माँगते नहीं, उन्हें सब उपायों से आमन्त्रित करो।

श्लोक 13 (13.94.13)

आशिषं ये न देवेषु न च मर्त्येषु कुर्वते । अर्हन्तो नित्यसत्वस्था यथालब्धोपजीविनः ॥

āśiṣaṃ ye na deveṣu na ca martyeṣu kurvate | arhanto nityasatvasthā yathālabdhopajīvinaḥ

जो योग्य पुरुष न देवताओं से और न मनुष्यों से आशीर्वाद चाहते हैं, जो सदा सत्त्व में स्थित रहते हैं और जो कुछ मिल जाए उसी से जीवन चलाते हैं:

श्लोक 14 (13.94.14)

आशीविषसमेभ्यश्च तेभ्यो रक्षस्व भारत । तान्युक्तैरुपजिज्ञास्य भोगैर्निर्वप रक्ष च ॥

āśīviṣasamebhyaśca tebhyo rakṣasva bhārata | tānyuktairupajijñāsya bhogairnirvapa rakṣa ca

हे भारत, उनसे सावधान रहो, क्योंकि वे विषैले सर्पों के समान हैं; विश्वस्त लोगों के द्वारा उनके विषय में जानकारी लेकर उन्हें भोग-सामग्री दो और उनकी रक्षा करो।

श्लोक 15 (13.94.15)

कृतैरावसथैर्नित्यं सप्रेष्यैः सपरिच्छदैः । निमन्त्रयेथाः कौरव्य सर्वभूतसुखावहैः ॥

kṛtairāvasathairnityaṃ sapreṣyaiḥ saparicchadaiḥ | nimantrayethāḥ kauravya sarvabhūtasukhāvahaiḥ

हे कौरव, उनके लिए घर बनवाकर, सेवकों और साज-सामान सहित, सब प्राणियों को सुख देनेवाले साधनों से तुम उन्हें सदा आमन्त्रित करना।

श्लोक 16 (13.94.16)

यदि ते प्रतिगृह्णीयुः श्रद्धापूतं युधिष्ठिर । कार्यमित्येव मन्वाना धार्मिकाः पुण्यकर्मिणः ॥

yadi te pratigṛhṇīyuḥ śraddhāpūtaṃ yudhiṣṭhira | kāryamityeva manvānā dhārmikāḥ puṇyakarmiṇaḥ

हे युधिष्ठिर, यदि वे धार्मिक पुण्यकर्मा पुरुष श्रद्धा से पवित्र किए हुए तुम्हारे दान को कर्तव्य मानकर स्वीकार कर लें:

श्लोक 17 (13.94.17)

विद्यास्नाता व्रतस्नाता धर्ममाश्रित्य जीविनः । गूढस्वाध्यायतपसो ब्राह्मणाः संशितव्रताः ॥

vidyāsnātā vratasnātā dharmamāśritya jīvinaḥ | gūḍhasvādhyāyatapaso brāhmaṇāḥ saṃśitavratāḥ

जो विद्या और व्रत में स्नातक हैं, धर्म का आश्रय लेकर जीते हैं, जिनका स्वाध्याय और तप छिपा रहता है, और जिनके व्रत कठोर हैं, ऐसे ब्राह्मण:

श्लोक 18 (13.94.18)

तेषु शुद्धेषु दान्तेषु स्वदारनिरतेषु च । यत्करिष्यसि कल्याणं तत्ते लोके युधाम्पते ॥

teṣu śuddheṣu dānteṣu svadāranirateṣu ca | yatkariṣyasi kalyāṇaṃ tatte loke yudhāmpate

हे योद्धाओं के स्वामी, उन शुद्ध, संयमी और अपनी ही पत्नियों में अनुरक्त पुरुषों के प्रति तुम जो कल्याण करोगे, वह परलोक में तुम्हारा होगा।

श्लोक 19 (13.94.19)

यथाऽग्निहोत्रं सुहुतं सायम्प्रातर्द्विजातिना । तथा भवति दत्तं वै विद्वद्भ्यो यत्कृतात्मना ॥

yathā'gnihotraṃ suhutaṃ sāyamprātardvijātinā | tathā bhavati dattaṃ vai vidvadbhyo yatkṛtātmanā

जैसे द्विज के द्वारा सायं और प्रातः भली-भाँति किया गया अग्निहोत्र होता है, वैसा ही शुद्ध अन्तःकरण वाले मनुष्य का विद्वानों को दिया हुआ दान होता है।

श्लोक 20 (13.94.20)

एष ते विततो यज्ञः श्रद्धापूतः सदक्षिणः । विशिष्टः सर्वयज्ञेभ्यो ददतस्तात वर्तताम् ॥

eṣa te vitato yajñaḥ śraddhāpūtaḥ sadakṣiṇaḥ | viśiṣṭaḥ sarvayajñebhyo dadatastāta vartatām

हे तात, यह तुम्हारा फैला हुआ यज्ञ है, जो श्रद्धा से पवित्र और दक्षिणा सहित है; यह सब यज्ञों से श्रेष्ठ है; दान देनेवाले तुम्हारा यह यज्ञ चलता रहे।

श्लोक 21 (13.94.21)

निवापो दानसदृशः सदृशेषु युधिष्ठिर । निवेदयन्पूजयन्वै तेष्वानृण्यं निगच्छति ॥

nivāpo dānasadṛśaḥ sadṛśeṣu yudhiṣṭhira | nivedayanpūjayanvai teṣvānṛṇyaṃ nigacchati

हे युधिष्ठिर, पितरों को निवाप देना योग्य पात्रों को दान देने के समान है; उन्हें अर्पण करने और उनका सत्कार करने से मनुष्य ऋण से मुक्त हो जाता है।

श्लोक 22 (13.94.22)

य एवं नैव कुप्यन्ते न लुभ्यन्ति तृणेष्वपि । त एव नः पूज्यतमा ये चापि प्रियवादिनः ॥

ya evaṃ naiva kupyante na lubhyanti tṛṇeṣvapi | ta eva naḥ pūjyatamā ye cāpi priyavādinaḥ

जो इस प्रकार कभी क्रोध नहीं करते और तिनकों तक का लोभ नहीं करते, और जो प्रिय बोलनेवाले हैं, वे ही हमारे लिए सबसे अधिक पूज्य हैं।

श्लोक 23 (13.94.23)

ये नो न बहुमन्यन्ते न प्रवर्तन्ति याचने । पुत्रवत्परिपाल्यास्ते नमस्तेभ्यस्तथाऽभयम् ॥

ye no na bahumanyante na pravartanti yācane | putravatparipālyāste namastebhyastathā'bhayam

जो हमें बहुत नहीं मानते और माँगने नहीं आते, उनका पुत्र की भाँति पालन करना चाहिए; उन्हें हमारा नमस्कार और अभय।

श्लोक 24 (13.94.24)

ऋत्विक्पुरोहिताचार्या मृदुधर्मपरा हि ये । क्षात्रेणापि हि संसृष्टं तेजः शाम्यति तेष्वपि ॥

ṛtvikpurohitācāryā mṛdudharmaparā hi ye | kṣātreṇāpi hi saṃsṛṣṭaṃ tejaḥ śāmyati teṣvapi

ऋत्विज, पुरोहित और आचार्य जो कोमल धर्म में लगे रहते हैं: क्षत्रिय-भाव से मिला हुआ तेज भी उनके निकट शान्त हो जाता है।

श्लोक 25 (13.94.25)

ईश्वरो बलवानस्मि राजाऽस्मीति युधिष्ठिर । ब्राह्मणान्मास्म पर्यासीर्वासोभिरशनेन च ॥

īśvaro balavānasmi rājā'smīti yudhiṣṭhira | brāhmaṇānmāsma paryāsīrvāsobhiraśanena ca

हे युधिष्ठिर, "मैं स्वामी हूँ, बलवान् हूँ, राजा हूँ," ऐसा सोचकर तुम वस्त्र और भोजन के विषय में ब्राह्मणों का अनादर कभी न करना।

श्लोक 26 (13.94.26)

यच्छोभार्थं बलार्थं वा वित्तमस्ति तवानघ । तेन ते ब्राह्मणाः पूज्याः स्वधर्ममनुतिष्ठता ॥

yacchobhārthaṃ balārthaṃ vā vittamasti tavānagha | tena te brāhmaṇāḥ pūjyāḥ svadharmamanutiṣṭhatā

हे निष्पाप, शोभा के लिए या बल के लिए तुम्हारे पास जो धन है, उसी से अपने धर्म का पालन करते हुए तुम्हें ब्राह्मणों की पूजा करनी चाहिए।

श्लोक 27 (13.94.27)

नमस्कार्यास्तथा विप्रा वर्तमाना यथातथम् । यथासुखं यथोत्साहं ललन्तु त्वयि पुत्रवत् ॥

namaskāryāstathā viprā vartamānā yathātatham | yathāsukhaṃ yathotsāhaṃ lalantu tvayi putravat

जो ब्राह्मण यथोचित रीति से जीवन बिताते हैं, उन्हें तुम्हें नमस्कार करना चाहिए; वे अपनी इच्छा और उत्साह के अनुसार तुम्हारे साथ पुत्रों की भाँति सुख से रहें।

श्लोक 28 (13.94.28)

को ह्यक्षयप्रसादानां सुहृदामल्पतोषिणाम् । वृत्तिमर्हत्युपक्षेप्तुं त्वदन्यः कुरुसत्तम ॥

ko hyakṣayaprasādānāṃ suhṛdāmalpatoṣiṇām | vṛttimarhatyupakṣeptuṃ tvadanyaḥ kurusattama

हे कुरुश्रेष्ठ, जिनकी कृपा कभी घटती नहीं और जो थोड़े में सन्तुष्ट हो जाते हैं, ऐसे मित्रों को जीविका देने के योग्य तुम्हारे सिवा और कौन है?

श्लोक 29 (13.94.29)

यथा पत्याश्रयो धर्मः स्त्रीणां लोके सनातनः । सदैव सा गतिर्नान्या तथाऽस्माकं द्विजातयः ॥

yathā patyāśrayo dharmaḥ strīṇāṃ loke sanātanaḥ | sadaiva sā gatirnānyā tathā'smākaṃ dvijātayaḥ

जैसे इस लोक में स्त्रियों का सनातन धर्म पति पर आश्रित है, और वही सदा उनकी गति है, दूसरी नहीं, वैसे ही हमारे लिए द्विजाति हैं।

श्लोक 30 (13.94.30)

यदि नो ब्राह्मणास्तात संत्यजेयुरपूजिताः । पश्यन्तो दारुणं कर्म सततं क्षत्रिये स्थितम् ॥

yadi no brāhmaṇāstāta saṃtyajeyurapūjitāḥ | paśyanto dāruṇaṃ karma satataṃ kṣatriye sthitam

हे तात, यदि क्षत्रिय में सदा विद्यमान क्रूर कर्म को देखकर ब्राह्मण हमारा सत्कार न पाकर हमें छोड़ दें,

श्लोक 31 (13.94.31)

अवेदानामकीर्तीनामलोकानामयज्विनाम् । कोनु स्याज्जीवितेनार्थस्तद्धिनो ब्राह्मणाश्रयम् ॥

avedānāmakīrtīnāmalokānāmayajvinām | konu syājjīvitenārthastaddhino brāhmaṇāśrayam

तो वेद, कीर्ति, परलोक और यज्ञ से रहित हम लोगों के जीवन से क्या प्रयोजन रहेगा? क्योंकि हमारा जीवन तो ब्राह्मणों के आश्रय पर ही है।

श्लोक 32 (13.94.32)

अत्र ते वर्तयिष्यामि यथा धर्मं सनातनम् । राजन्यो ब्राह्मणान्राजन्पुरा परिचचार ह । वैश्यो राजन्यमित्येव शूद्रो वैश्यमिति श्रुतिः ॥

atra te vartayiṣyāmi yathā dharmaṃ sanātanam | rājanyo brāhmaṇānrājanpurā paricacāra ha | vaiśyo rājanyamityeva śūdro vaiśyamiti śrutiḥ

इस विषय में मैं तुम्हें सनातन धर्म बताऊँगा: हे राजन्, पूर्वकाल में क्षत्रिय ब्राह्मण की सेवा करता था, वैश्य क्षत्रिय की और शूद्र वैश्य की; ऐसा श्रुति कहती है।

श्लोक 33 (13.94.33)

दूराच्छूद्रेणोपचर्यो ब्राह्मणोऽग्निरिव ज्वलन् । संस्पर्शपरिचर्यस्तु वैश्येन क्षत्रियेण च ॥

dūrācchūdreṇopacaryo brāhmaṇo'gniriva jvalan | saṃsparśaparicaryastu vaiśyena kṣatriyeṇa ca

अग्नि के समान जलते हुए ब्राह्मण की सेवा शूद्र को दूर से करनी चाहिए, और वैश्य तथा क्षत्रिय को स्पर्श और निकट की परिचर्या से।

श्लोक 34 (13.94.34)

मृदुभावान्सत्यशीलान्सत्यधर्मानुपालकान् । आशीविषानिव क्रुद्धांस्तानुपाचरत द्विजान् ॥

mṛdubhāvānsatyaśīlānsatyadharmānupālakān | āśīviṣāniva kruddhāṃstānupācarata dvijān

जो द्विज कोमल स्वभाव के, सत्यशील और सत्य तथा धर्म के पालक हैं, उनकी सेवा करो, चाहे वे विषैले सर्पों की तरह क्रुद्ध ही क्यों न हों।

श्लोक 35 (13.94.35)

अपरेषां परेषां च परेभ्यश्चापि ये परे । क्षत्रियाणां प्रतपतां तेजसा च बलेन च । ब्राह्मणेष्वेव शाम्यन्ति तेजांसि च तपांसि च ॥

apareṣāṃ pareṣāṃ ca parebhyaścāpi ye pare | kṣatriyāṇāṃ pratapatāṃ tejasā ca balena ca | brāhmaṇeṣveva śāmyanti tejāṃsi ca tapāṃsi ca

दूसरों में, उनसे भी दूसरों में, और तेज तथा बल से तपते हुए क्षत्रियों में जो तेज और तप हैं, वे सब ब्राह्मणों में ही शान्त हो जाते हैं।

श्लोक 36 (13.94.36)

न मे पिता प्रियतरो न त्वं तात तथा प्रियः । न मे पितुः पिता राजन्न चात्मा न च जीवितम् ॥

na me pitā priyataro na tvaṃ tāta tathā priyaḥ | na me pituḥ pitā rājanna cātmā na ca jīvitam

हे तात, मुझे न मेरे पिता उतने प्रिय हैं, न तुम; हे राजन्, न मेरे पितामह, न मेरा अपना शरीर और न मेरा जीवन।

श्लोक 37 (13.94.37)

त्वत्तश्च मे प्रियतरः पृथिव्यां नास्ति कश्चन । त्वत्तोऽपि मे प्रियतरा ब्राह्मणा भरतर्षभ ॥

tvattaśca me priyataraḥ pṛthivyāṃ nāsti kaścana | tvatto'pi me priyatarā brāhmaṇā bharatarṣabha

पृथ्वी पर तुमसे अधिक प्रिय मुझे कोई नहीं है, फिर भी हे भरतश्रेष्ठ, ब्राह्मण मुझे तुमसे भी अधिक प्रिय हैं।

श्लोक 38 (13.94.38)

ब्रवीमि सत्यमेतच्च यथाऽहं पाण्डुनन्दन । तेन सत्येन गच्छेयं लोकान्यत्र स शान्तनुः ॥

bravīmi satyametacca yathā'haṃ pāṇḍunandana | tena satyena gaccheyaṃ lokānyatra sa śāntanuḥ

हे पाण्डुनन्दन, मैं यह सत्य कहता हूँ; इसी सत्य के बल से मैं उन लोकों में जाऊँ जहाँ शान्तनु हैं।

श्लोक 39 (13.94.39)

पश्येयं च सतां लोकाञ्छुचीन्ब्रह्मपुरस्कृतान् । तत्र मे तात गन्तव्यमह्नाय च चिराय च ॥

paśyeyaṃ ca satāṃ lokāñchucīnbrahmapuraskṛtān | tatra me tāta gantavyamahnāya ca cirāya ca

मैं सज्जनों के उन पवित्र लोकों को देखूँ जहाँ ब्राह्मणों को आगे रखा जाता है; हे तात, मुझे वहाँ शीघ्र और चिरकाल के लिए जाना है।

श्लोक 40 (13.94.40)

सोहमेतादृशान्लोकान्दृष्ट्वा भरतसत्तम । यन्मे कृतं ब्राह्मणेषु न तप्ये तेन पार्थिव ॥

sohametādṛśānlokāndṛṣṭvā bharatasattama | yanme kṛtaṃ brāhmaṇeṣu na tapye tena pārthiva

हे भरतश्रेष्ठ, ऐसे लोकों को देखकर, हे राजन्, मैंने ब्राह्मणों के प्रति जो कुछ किया है उसका मुझे कोई पश्चात्ताप नहीं।