हनुमान द्वारा चारों युगों का वर्णन

श्लोक 1 (3.151.1)

एवमुक्तो महाबाहुर्भीमसेनः प्रतापवान् । प्रणिपत्य ततः प्रीत्या भ्रातरं हृष्टमानसः ॥

evamukto mahābāhurbhīmasenaḥ pratāpavān | praṇipatya tataḥ prītyā bhrātaraṃ hṛṣṭamānasaḥ

ऐसा कहे जाने पर महाबाहु, प्रतापी भीमसेन ने प्रसन्न मन से प्रेमपूर्वक अपने भाई को प्रणाम किया

श्लोक 2 (3.151.2)

उवाच श्लक्ष्णया वाचा हनूमन्तं कपीश्वरम् । मत्तो धन्यतरो नास्ति यदार्यं दृष्टवानहम् ॥

uvāca ślakṣṇayā vācā hanūmantaṃ kapīśvaram | matto dhanyataro nāsti yadāryaṃ dṛṣṭavānaham

और वानरराज हनुमान से मधुर वाणी में कहा — “मुझसे अधिक धन्य कोई नहीं, क्योंकि मैंने अपने पूज्य बड़े भाई के दर्शन किए हैं।

श्लोक 3 (3.151.3)

अनुग्रहो मे सुमहांस्तृप्तिश्च तव दर्शनात् । एतत्तु कृतमिच्छामि त्वयाऽऽर्येण प्रियं मम ॥

anugraho me sumahāṃstṛptiśca tava darśanāt | etattu kṛtamicchāmi tvayā''ryeṇa priyaṃ mama

आपने मुझ पर बड़ा अनुग्रह किया है, और आपके दर्शन से मैं तृप्त हो गया हूँ। पर हे आर्य, मैं चाहता हूँ कि आप मेरा यह प्रिय कार्य करें —

श्लोक 4 (3.151.4)

यत्त्वेतदासीत्प्लवतः सागरं मकरालयम् । रूपमप्रतिमं वीर तदिच्छामि निरीक्षितुम् ॥

yattvetadāsītplavataḥ sāgaraṃ makarālayam | rūpamapratimaṃ vīra tadicchāmi nirīkṣitum

हे वीर, मगरों के निवास समुद्र को लाँघते समय आपका जो अनुपम रूप था, उसे मैं देखना चाहता हूँ।

श्लोक 5 (3.151.5)

एवं तुष्टो भविष्यामि श्रद्धास्यामि च ते वचः । एवमुक्तः स तेजस्वी प्रहस्य हरिरब्रवीत् ॥

evaṃ tuṣṭo bhaviṣyāmi śraddhāsyāmi ca te vacaḥ | evamuktaḥ sa tejasvī prahasya harirabravīt

इससे मुझे संतोष होगा और मैं आपकी बात पर विश्वास करूँगा।” ऐसा कहे जाने पर वह तेजस्वी वानर हँसकर बोला —

श्लोक 6 (3.151.6)

न तच्छक्यं त्वया द्रष्टुं रूपं नान्येन केनचित् । कालावस्था तदा ह्यन्या वर्तते सा न सांप्रतम् । ततोऽद्य दुष्करं द्रष्टुं मम रूपं नरोत्तम ॥

na tacchakyaṃ tvayā draṣṭuṃ rūpaṃ nānyena kenacit | kālāvasthā tadā hyanyā vartate sā na sāṃpratam | tato'dya duṣkaraṃ draṣṭuṃ mama rūpaṃ narottama

“वह रूप न तुम देख सकते हो, न कोई और। उस समय काल की अवस्था दूसरी थी; वह अब नहीं है। इसलिए, हे नरश्रेष्ठ, आज मेरा वह रूप देखना कठिन है।

श्लोक 7 (3.151.7)

अन्यः कृतयुगे कालस्त्रेतायां द्वापरे परः । अयं प्रध्वंसनः कालो नाद्य तद्रूपमस्ति मे ॥

anyaḥ kṛtayuge kālastretāyāṃ dvāpare paraḥ | ayaṃ pradhvaṃsanaḥ kālo nādya tadrūpamasti me

कृतयुग में काल एक प्रकार का होता है, त्रेता में दूसरा और द्वापर में और ही। यह विनाश का काल है; आज मेरे पास वह रूप नहीं है।

श्लोक 8 (3.151.8)

भूमिर्नद्यो नगाः शैलाः सिद्धा देवा महर्षयः । कालं समनुवर्तन्ते यथा भावा युगेयुगे ॥

bhūmirnadyo nagāḥ śailāḥ siddhā devā maharṣayaḥ | kālaṃ samanuvartante yathā bhāvā yugeyuge

पृथ्वी, नदियाँ, वृक्ष, पर्वत, सिद्ध, देवता और महर्षि — सब काल का अनुसरण करते हैं, जैसे युग-युग में सारे पदार्थ करते हैं।

श्लोक 9 (3.151.9)

कालंकालं समासाद्य नराणां नरपुङ्गव । बलवर्ष्मप्रभावा हि प्रहीयन्त्युद्भवन्ति च ॥

kālaṃkālaṃ samāsādya narāṇāṃ narapuṅgava | balavarṣmaprabhāvā hi prahīyantyudbhavanti ca

हे नरश्रेष्ठ, एक-एक काल के आने पर मनुष्यों का बल, शरीर और प्रभाव घटते और फिर बढ़ते हैं।

श्लोक 10 (3.151.10)

तदलं बत तद्रूपं द्रष्टुं कुरुकुलोद्वह । युगं समनुवर्तामि कालो हि दुरतिक्रमः ॥

tadalaṃ bata tadrūpaṃ draṣṭuṃ kurukulodvaha | yugaṃ samanuvartāmi kālo hi duratikramaḥ

इसलिए, हे कुरुकुल-धुरन्धर, उस रूप को देखने की बात रहने दो। मैं युग का अनुसरण करता हूँ, क्योंकि काल का उल्लंघन कठिन है।”

श्लोक 11 (3.151.11)

युगसङ्ख्यां समाचक्ष्व आचारं च युगेयुगे । धर्मकामार्थभावांश्च कर्मवीर्ये भवाभवौ ॥

yugasaṅkhyāṃ samācakṣva ācāraṃ ca yugeyuge | dharmakāmārthabhāvāṃśca karmavīrye bhavābhavau

मुझे युगों की गणना और प्रत्येक युग का आचार बताइए; धर्म, काम और अर्थ का स्वरूप, कर्म और उसकी शक्ति, तथा उत्पत्ति और विनाश भी।

श्लोक 12 (3.151.12)

कृतं नाम युगं श्रेष्ठं यत्र धर्मः सनातनः । कृतमेव न कर्तव्यं तस्मिन्काले युगोत्तमे ॥

kṛtaṃ nāma yugaṃ śreṣṭhaṃ yatra dharmaḥ sanātanaḥ | kṛtameva na kartavyaṃ tasminkāle yugottame

कृत नाम का युग सबसे श्रेष्ठ है, जिसमें धर्म सनातन रहता है। उस उत्तम युग में सब कुछ किया हुआ ही होता है; कुछ करना शेष नहीं रहता।

श्लोक 13 (3.151.13)

न तत्र धर्माः सीदन्ति क्षीयन्ते न च वै प्रजाः । ततः कृतयुगं नाम कालेन गुणतां गतम् ॥

na tatra dharmāḥ sīdanti kṣīyante na ca vai prajāḥ | tataḥ kṛtayugaṃ nāma kālena guṇatāṃ gatam

उसमें धर्म शिथिल नहीं होते और प्रजाएँ क्षीण नहीं होतीं; इसी गुण के कारण समय के साथ उसका नाम कृतयुग पड़ा।

श्लोक 14 (3.151.14)

देवदानवगन्धर्वयक्षराक्षसपन्नगाः । नासन्कृतयुगे तात तदा न क्रयविक्रयः ॥

devadānavagandharvayakṣarākṣasapannagāḥ | nāsankṛtayuge tāta tadā na krayavikrayaḥ

तात, कृतयुग में देवता, दानव, गन्धर्व, यक्ष, राक्षस और नाग नहीं थे, और न ही क्रय-विक्रय होता था।

श्लोक 15 (3.151.15)

न सामऋग्यजुर्वर्णाः क्रिया नासीच्च मानवी । अभिध्याय फलं तत्र धर्मः संन्यास एव च ॥

na sāmaṛgyajurvarṇāḥ kriyā nāsīcca mānavī | abhidhyāya phalaṃ tatra dharmaḥ saṃnyāsa eva ca

तब साम, ऋक् और यजुः के भेद नहीं थे, न मनुष्यों का परिश्रम था। वहाँ संकल्प करते ही फल मिल जाता था, और धर्म केवल संन्यास (त्याग) था।

श्लोक 16 (3.151.16)

न तस्मिन्युगसंसर्गे व्याधयो नेन्द्रियक्षयः । नासूया नापि रुदितं न दर्पो नापि वैकृतम् ॥

na tasminyugasaṃsarge vyādhayo nendriyakṣayaḥ | nāsūyā nāpi ruditaṃ na darpo nāpi vaikṛtam

उस युग में न रोग थे, न इन्द्रियों का क्षय; न असूया, न रोना, न दर्प और न कपट;

श्लोक 17 (3.151.17)

न विग्रहः कुतस्तन्द्री न द्वेषो न च पैशुनम् । न भयं नापि संतापो न चेर्ष्या न च मत्सरः ॥

na vigrahaḥ kutastandrī na dveṣo na ca paiśunam | na bhayaṃ nāpi saṃtāpo na cerṣyā na ca matsaraḥ

न कलह था, फिर आलस्य कहाँ? न द्वेष, न चुगली; न भय, न संताप, न ईर्ष्या और न मत्सर।

श्लोक 18 (3.151.18)

ततः परमकं ब्रह्म सा गतिर्योगिनां परा । आत्मा च सर्वभूतानां शुक्लो नारायणस्तदा ॥

tataḥ paramakaṃ brahma sā gatiryogināṃ parā | ātmā ca sarvabhūtānāṃ śuklo nārāyaṇastadā

इसलिए परम ब्रह्म की प्राप्ति होती थी, जो योगियों की परम गति है; और सब प्राणियों के आत्मा नारायण उस युग में श्वेत वर्ण के होते थे।

श्लोक 19 (3.151.19)

ब्राह्मणाः क्षत्रिया वैश्याः शूद्राश्च कृतलक्षणाः । कृते युगे समभवन्स्वकर्मनिरताः प्रजाः ॥

brāhmaṇāḥ kṣatriyā vaiśyāḥ śūdrāśca kṛtalakṣaṇāḥ | kṛte yuge samabhavansvakarmaniratāḥ prajāḥ

कृतयुग में ब्राह्मण, क्षत्रिय, वैश्य और शूद्र कृतयुग के लक्षणों से युक्त थे, और सारी प्रजा अपने-अपने कर्म में लगी रहती थी।

श्लोक 20 (3.151.20)

समाश्रयं समाचारं समज्ञानं च केवलम् । तदा हि समकर्माणो वर्णा धर्मानवाप्नुवन् ॥

samāśrayaṃ samācāraṃ samajñānaṃ ca kevalam | tadā hi samakarmāṇo varṇā dharmānavāpnuvan

तब सभी वर्णों का आश्रय एक था, आचार एक था और ज्ञान भी केवल एक ही था; समान कर्म करते हुए वे धर्म को प्राप्त होते थे।

श्लोक 21 (3.151.21)

एकदेवसदायुक्ता एकमन्त्रविधिक्रियाः । पृथग्धर्मास्त्वेकवेदा धर्ममेकमनुव्रताः ॥

ekadevasadāyuktā ekamantravidhikriyāḥ | pṛthagdharmāstvekavedā dharmamekamanuvratāḥ

वे सदा एक ही देव में लगे रहते थे, उनकी मन्त्र-विधि और क्रियाएँ एक थीं; अलग-अलग कर्तव्य होने पर भी उनका वेद एक था और वे एक ही धर्म का पालन करते थे।

श्लोक 22 (3.151.22)

चातुराश्रम्ययुक्तेन कर्मणा कालयोगिना । अकामफलसंयोगात्प्राप्नुवन्ति परां गतिम् ॥

cāturāśramyayuktena karmaṇā kālayoginā | akāmaphalasaṃyogātprāpnuvanti parāṃ gatim

चारों आश्रमों से युक्त और समय के अनुरूप कर्म से, तथा कामना के फल से असंग रहकर, वे परम गति को प्राप्त करते थे।

श्लोक 23 (3.151.23)

आत्मयोगसमायुक्तो धर्मोऽयं कृतलक्षणः । कृते युगे चतुष्पादश्चातुर्वर्ण्यस्य शाश्वतः ॥

ātmayogasamāyukto dharmo'yaṃ kṛtalakṣaṇaḥ | kṛte yuge catuṣpādaścāturvarṇyasya śāśvataḥ

आत्मयोग से युक्त, कृतयुग के लक्षणों वाला यह धर्म कृतयुग में चारों चरणों पर स्थित रहता है और चारों वर्णों के लिए शाश्वत है।

श्लोक 24 (3.151.24)

कामः कामयमानेषु ब्राह्मणेषु तिरोहितः । एतत्कृतयुगं नाम त्रैगुण्यपरिवर्जितम् ॥

kāmaḥ kāmayamāneṣu brāhmaṇeṣu tirohitaḥ | etatkṛtayugaṃ nāma traiguṇyaparivarjitam

कामना करने वाले ब्राह्मणों में भी काम लुप्त हो गया था। यही कृतयुग है, जो तीनों गुणों से रहित है।

श्लोक 25 (3.151.25)

त्रेतामपि निबोध त्वं यस्मिन्सत्रं प्रवर्तते । पादेन ह्रसते धर्मो रक्ततां याति चाच्युतः ॥

tretāmapi nibodha tvaṃ yasminsatraṃ pravartate | pādena hrasate dharmo raktatāṃ yāti cācyutaḥ

अब त्रेता को भी जानो, जिसमें यज्ञ आरम्भ होता है। उसमें धर्म एक चरण घट जाता है और अच्युत लाल वर्ण के हो जाते हैं।

श्लोक 26 (3.151.26)

सत्यप्रवृत्ताश्च नराः क्रिया धर्मपरायणाः । ततो यज्ञाः प्रवर्तन्ते धर्माश्च विविधाः क्रियाः ॥

satyapravṛttāśca narāḥ kriyā dharmaparāyaṇāḥ | tato yajñāḥ pravartante dharmāśca vividhāḥ kriyāḥ

मनुष्य सत्य में लगे रहते हैं और उनकी क्रियाएँ धर्मपरायण होती हैं। तब यज्ञ आरम्भ होते हैं और अनेक प्रकार के धर्म और कर्म चल पड़ते हैं।

श्लोक 27 (3.151.27)

त्रेतायां भावसंकल्पाः क्रियादानफलोपगाः । प्रचलन्ति न वै धर्मात्तपोदानपरायणाः । स्वधर्मस्थाः क्रियावन्तो नरास्त्रेतायुगेऽभवन् ॥

tretāyāṃ bhāvasaṃkalpāḥ kriyādānaphalopagāḥ | pracalanti na vai dharmāttapodānaparāyaṇāḥ | svadharmasthāḥ kriyāvanto narāstretāyuge'bhavan

त्रेता में मन के संकल्प कर्म और दान के फल की ओर जाते हैं। तप और दान में लगे लोग धर्म से विचलित नहीं होते; त्रेतायुग में मनुष्य अपने धर्म में स्थित और क्रियावान थे।

श्लोक 28 (3.151.28)

द्वापरे च युगे धर्मो द्विभागोनः प्रवर्तते । विष्णुर्वै पीततां याति चतुर्धा वेद एव च ॥

dvāpare ca yuge dharmo dvibhāgonaḥ pravartate | viṣṇurvai pītatāṃ yāti caturdhā veda eva ca

द्वापर युग में धर्म दो चरण कम होकर चलता है। विष्णु पीले वर्ण के हो जाते हैं और वेद चार भागों में बँट जाता है।

श्लोक 29 (3.151.29)

ततोऽन्ये च चतुर्वेदास्त्रिवेदाश्च तथा परे । द्विवेदाश्चैकवेदाश्चाप्यनृचश्च तथा परे ॥

tato'nye ca caturvedāstrivedāśca tathā pare | dvivedāścaikavedāścāpyanṛcaśca tathā pare

तब कुछ लोग चारों वेदों के ज्ञाता होते हैं, कुछ तीन के, कुछ दो के, कुछ एक के, और कुछ ऋचाओं से बिल्कुल रहित।

श्लोक 30 (3.151.30)

एवं शास्त्रेषु भिन्नेषु बहुधा नीयते क्रिया । तपोदानप्रवृत्ता च राजसी भवति प्रजा ॥

evaṃ śāstreṣu bhinneṣu bahudhā nīyate kriyā | tapodānapravṛttā ca rājasī bhavati prajā

इस प्रकार शास्त्रों के बँट जाने पर कर्मकाण्ड अनेक रूपों में फैल जाता है; प्रजा तप और दान में प्रवृत्त होकर राजसी हो जाती है।

श्लोक 31 (3.151.31)

एकवेदस्य चाज्ञानाद्वेदास्ते बहवः कृताः । सत्यस्य चेह विभ्रंशात्सत्ये कश्चिदवस्थितः ॥

ekavedasya cājñānādvedāste bahavaḥ kṛtāḥ | satyasya ceha vibhraṃśātsatye kaścidavasthitaḥ

एक वेद को न समझने के कारण वेद अनेक कर दिए गए; और सत्य के लुप्त होने पर कोई विरला ही सत्य में स्थित रहता है।

श्लोक 32 (3.151.32)

सत्यात्प्रच्यवमानानां व्याधयो बहवोऽभवन् । कामाश्चोपद्रवाश्चैव तदा वै दैवकारिताः ॥

satyātpracyavamānānāṃ vyādhayo bahavo'bhavan | kāmāścopadravāścaiva tadā vai daivakāritāḥ

सत्य से च्युत होने वालों में अनेक रोग उत्पन्न हो गए, और दैव से प्रेरित कामनाएँ तथा उपद्रव भी।

श्लोक 33 (3.151.33)

यैरर्द्यमानाः सुभृशं तपस्तप्यन्ति मानवाः । कामकामाः स्वर्गकामा यज्ञांस्तन्वन्ति चापरे ॥

yairardyamānāḥ subhṛśaṃ tapastapyanti mānavāḥ | kāmakāmāḥ svargakāmā yajñāṃstanvanti cāpare

उनसे अत्यन्त पीड़ित होकर मनुष्य तप करते हैं; और कुछ भोगों की या स्वर्ग की कामना से यज्ञ करते हैं।

श्लोक 34 (3.151.34)

एवं द्वापरमासाद्य प्रजाः क्षीयन्त्यधर्मतः । पादेनैकेन कौन्तेय धर्मः कलियुगे स्थितः ॥

evaṃ dvāparamāsādya prajāḥ kṣīyantyadharmataḥ | pādenaikena kaunteya dharmaḥ kaliyuge sthitaḥ

इस प्रकार द्वापर में पहुँचकर प्रजाएँ अधर्म के कारण क्षीण होती हैं। हे कुन्तीपुत्र, कलियुग में धर्म केवल एक चरण पर टिका रहता है।

श्लोक 35 (3.151.35)

तामसं युगमासाद्य कृष्णो भवति केशवः । वेदाचाराः प्रशाम्यन्ति धर्मयज्ञक्रियास्तथा ॥

tāmasaṃ yugamāsādya kṛṣṇo bhavati keśavaḥ | vedācārāḥ praśāmyanti dharmayajñakriyāstathā

तमोगुण-प्रधान युग के आने पर केशव काले वर्ण के हो जाते हैं। वैदिक आचार शान्त हो जाते हैं, और वैसे ही धर्म, यज्ञ और कर्म भी।

श्लोक 36 (3.151.36)

ईतयो व्याधयस्तन्द्री दोषाः क्रोधादयस्तथा । उपद्रवाः प्रवर्तन्ते आधयो व्याधयस्तथा ॥

ītayo vyādhayastandrī doṣāḥ krodhādayastathā | upadravāḥ pravartante ādhayo vyādhayastathā

ईतियाँ (अतिवृष्टि आदि आपदाएँ), रोग, आलस्य, क्रोध आदि दोष, उपद्रव, तथा मानसिक और शारीरिक व्याधियाँ फैल जाती हैं।

श्लोक 37 (3.151.37)

युगेष्वावर्तमानेषु धर्मो व्यावर्तते पुनः । धर्मे व्यावर्तमाने तु लोको व्यावर्तते पुनः ॥

yugeṣvāvartamāneṣu dharmo vyāvartate punaḥ | dharme vyāvartamāne tu loko vyāvartate punaḥ

युगों के बदलने के साथ धर्म फिर क्षीण होता है; और धर्म के क्षीण होने पर संसार भी फिर क्षीण होता है।

श्लोक 38 (3.151.38)

लोके क्षीणे क्षयं यान्ति भावा लोकप्रवर्तकाः । युगक्षयकृता धर्माः प्रार्थनानि विकुर्वते ॥

loke kṣīṇe kṣayaṃ yānti bhāvā lokapravartakāḥ | yugakṣayakṛtā dharmāḥ prārthanāni vikurvate

संसार के क्षीण होने पर उसे चलाने वाले भाव भी नष्ट हो जाते हैं। युग के क्षय से उत्पन्न धर्म मनुष्यों की कामनाओं को उलट देते हैं।

श्लोक 39 (3.151.39)

एतत्कलियुगं नाम अचिराद्यत्प्रवर्तते । युगानुवर्तनं त्वेतत्कुर्वन्ति चिरजीविनः ॥

etatkaliyugaṃ nāma acirādyatpravartate | yugānuvartanaṃ tvetatkurvanti cirajīvinaḥ

यही कलियुग है, जो शीघ्र ही आरम्भ होने वाला है। चिरजीवी भी युगों के इस क्रम का अनुसरण करते हैं।

श्लोक 40 (3.151.40)

यच्च ते मत्परिज्ञाने कौतूहलमरिंदम । अनर्थकेषु को भावः पुरुषस्य विजानतः ॥

yacca te matparijñāne kautūhalamariṃdama | anarthakeṣu ko bhāvaḥ puruṣasya vijānataḥ

और हे शत्रुदमन, मुझे जानने की जो तुम्हारी उत्सुकता है — समझदार पुरुष का निरर्थक बातों में क्या आग्रह?

श्लोक 41 (3.151.41)

एतत्ते सर्वमाख्यातं यन्मां त्वं परिपृच्छसि । युगसङ्ख्यां महाबाहो स्वस्ति प्राप्नुहि गम्यताम् ॥

etatte sarvamākhyātaṃ yanmāṃ tvaṃ paripṛcchasi | yugasaṅkhyāṃ mahābāho svasti prāpnuhi gamyatām

हे महाबाहु, तुमने मुझसे जो पूछा, वह युगों की गणना मैंने तुम्हें पूरी बता दी। तुम्हारा कल्याण हो; अब जाओ।