स्वर्ग से अर्जुन का लौटना

श्लोक 1 (3.166.1)

ततः कदाचिद्धरिसंप्रयुक्तं । महेन्द्रवाहं सहसोपयातम् । विद्युत्प्रभं प्रेक्ष्य महारथानां । हर्षोऽर्जुनं चिन्तयतां बभूव ॥

tataḥ kadāciddharisaṃprayuktaṃ | mahendravāhaṃ sahasopayātam | vidyutprabhaṃ prekṣya mahārathānāṃ | harṣo'rjunaṃ cintayatāṃ babhūva

फिर एक दिन अर्जुन का चिन्तन करते हुए उन महारथियों ने हरित अश्वों से जुता, बिजली के समान चमकता महेन्द्र का रथ सहसा आते देखा, और वे हर्ष से भर गए।

श्लोक 2 (3.166.2)

स दीप्यमानः सहसाऽन्तरिक्षं । प्रकाशयन्मातलिसंगृहीतः । बभौ महोल्केव घनान्तरस्था । शिखेव चाग्नेर्ज्वलिता विधूमा ॥

sa dīpyamānaḥ sahasā'ntarikṣaṃ | prakāśayanmātalisaṃgṛhītaḥ | babhau maholkeva ghanāntarasthā | śikheva cāgnerjvalitā vidhūmā

मातलि द्वारा चलाया जाता हुआ वह रथ सहसा आकाश को प्रकाशित करता हुआ दमक रहा था; वह बादलों के बीच किसी विशाल उल्का के समान और धुएँ से रहित धधकती अग्निशिखा के समान शोभित हुआ।

श्लोक 3 (3.166.3)

तमास्थितः संददृशे किरीटी । स्रग्वी नवान्याभरणानि बिभ्रत् । धनंजयो वज्रधरप्रभावः । श्रिया ज्वलन्पर्वतमाजगाम ॥

tamāsthitaḥ saṃdadṛśe kirīṭī | sragvī navānyābharaṇāni bibhrat | dhanaṃjayo vajradharaprabhāvaḥ | śriyā jvalanparvatamājagāma

उस पर किरीटधारी धनंजय दिखाई दिए — माला पहने, नए आभूषण धारण किए, वज्रधारी इन्द्र के समान प्रभावशाली; श्री से दमकते हुए वे पर्वत पर आए।

श्लोक 4 (3.166.4)

स शैलमासाद्य किरीटमाली । महेन्द्रवाहादवरुह्य तस्मात् । धौम्यस्य पादावभिवाद्य पूर्व- । मजातशत्रोस्तदनन्तरं च ॥

sa śailamāsādya kirīṭamālī | mahendravāhādavaruhya tasmāt | dhaumyasya pādāvabhivādya pūrva- | majātaśatrostadanantaraṃ ca

पर्वत पर पहुँचकर किरीट और माला धारण किए अर्जुन महेन्द्र के उस रथ से उतरे और पहले धौम्य के, फिर अजातशत्रु युधिष्ठिर के चरणों में प्रणाम किया।

श्लोक 5 (3.166.5)

वृकोदरस्यापि च वन्द्य पादौ । माद्रीसुताभ्यामभिवादितश्च । समेत्य कृष्णां परिसान्त्व्य चैनां । प्रह्वोऽभवद्भ्रातुरुपह्वरे सः ॥

vṛkodarasyāpi ca vandya pādau | mādrīsutābhyāmabhivāditaśca | sametya kṛṣṇāṃ parisāntvya caināṃ | prahvo'bhavadbhrāturupahvare saḥ

उन्होंने वृकोदर भीम के चरणों की भी वन्दना की और माद्री के दोनों पुत्रों ने उन्हें प्रणाम किया। फिर कृष्णा (द्रौपदी) से मिलकर उन्हें सान्त्वना दी और विनीत भाव से भाई के पास जा खड़े हुए।

श्लोक 6 (3.166.6)

बभूव तेषां परमः प्रहर्ष- । स्तेनाप्रमेयेण समेत्य तत्र । स चापि तान्प्रेक्ष्य किरीटमाली । ननन्द राजानमभिप्रशंसन् ॥

babhūva teṣāṃ paramaḥ praharṣa- | stenāprameyeṇa sametya tatra | sa cāpi tānprekṣya kirīṭamālī | nananda rājānamabhipraśaṃsan

वहाँ उस अप्रमेय वीर से मिलकर उन्हें परम हर्ष हुआ; और किरीट-मालाधारी अर्जुन भी उन्हें देखकर राजा की प्रशंसा करते हुए आनन्दित हुए।

श्लोक 7 (3.166.7)

यमास्थितः सप्त जघान पूगान् । दितेः सुतानां नमुचेर्निहन्ता । तमिन्द्रवाहं समुपेत्य पार्थाः । प्रदक्षिणं चक्रुरदीनसत्त्वाः ॥

yamāsthitaḥ sapta jaghāna pūgān | diteḥ sutānāṃ namucernihantā | tamindravāhaṃ samupetya pārthāḥ | pradakṣiṇaṃ cakruradīnasattvāḥ

जिस रथ पर बैठकर नमुचि का वध करने वाले इन्द्र ने दिति के पुत्रों के सात दलों का संहार किया था, इन्द्र के उस रथ के पास जाकर अदीन चित्त वाले पार्थों ने उसकी प्रदक्षिणा की।

श्लोक 8 (3.166.8)

ते मातलेश्चक्रुरतीव हृष्टाः । सत्कारमग्र्यं सुरराजतुल्यम् । सर्वं यथावच्च दिवौकसङ्घं । पप्रच्छुरेनं कुरुराजपुत्राः ॥

te mātaleścakruratīva hṛṣṭāḥ | satkāramagryaṃ surarājatulyam | sarvaṃ yathāvacca divaukasaṅghaṃ | papracchurenaṃ kururājaputrāḥ

अत्यन्त हर्षित होकर कुरुराज के पुत्रों ने मातलि का देवराज के समान उत्तम सत्कार किया और उनसे देवताओं के समूह के विषय में सब कुछ यथावत् पूछा।

श्लोक 9 (3.166.9)

तानप्यसौ मातलिरभ्यनन्द- । त्पितेव पुत्राननुशिष्य पार्थान् । ययौ रथेनाप्रतिमप्रभेण । पुनः सकाशं त्रिदिवेश्वरस्य ॥

tānapyasau mātalirabhyananda- | tpiteva putrānanuśiṣya pārthān | yayau rathenāpratimaprabheṇa | punaḥ sakāśaṃ tridiveśvarasya

मातलि ने भी पार्थों का अभिनन्दन किया और पिता जैसे पुत्रों को सीख देता है वैसे उन्हें उपदेश देकर अपने अनुपम प्रभा वाले रथ से फिर स्वर्ग के स्वामी इन्द्र के पास चले गए।

श्लोक 10 (3.166.10)

गते तु तस्मिन्वरदेववाहे । शक्रात्मजः सर्वरिपुप्रमाथी । साक्षात्सहस्राक्ष इव प्रतीतः । श्रीमान्स्वदेहादवमुच्य जिष्णुः ॥

gate tu tasminvaradevavāhe | śakrātmajaḥ sarvaripupramāthī | sākṣātsahasrākṣa iva pratītaḥ | śrīmānsvadehādavamucya jiṣṇuḥ

देवश्रेष्ठ इन्द्र का वह रथ चले जाने पर सब शत्रुओं का संहार करने वाले, साक्षात् सहस्राक्ष के समान प्रतीत होने वाले श्रीमान् इन्द्रपुत्र जिष्णु ने अपने शरीर से उतारकर

श्लोक 11 (3.166.11)

शक्रेण दत्तानि ददौ महात्मा । महाधनान्युत्तमरूपवन्ति । दिवाकराभाणि विभूषणानि । प्रीतः प्रियायै सुतसोममात्रे ॥

śakreṇa dattāni dadau mahātmā | mahādhanānyuttamarūpavanti | divākarābhāṇi vibhūṣaṇāni | prītaḥ priyāyai sutasomamātre

इन्द्र के दिए हुए वे बहुमूल्य, अत्यन्त सुन्दर और सूर्य के समान दीप्त आभूषण प्रसन्न होकर अपनी प्रिया, सुतसोम की माता द्रौपदी को दे दिए।

श्लोक 12 (3.166.12)

ततः स तेषां कुरुपुङ्गवानां । तेषां च सूर्याग्निसमप्रभाणाम् । विप्रर्षभाणामुपविश्य मध्ये । सर्वं यथावत्कथयांबभूव ॥

tataḥ sa teṣāṃ kurupuṅgavānāṃ | teṣāṃ ca sūryāgnisamaprabhāṇām | viprarṣabhāṇāmupaviśya madhye | sarvaṃ yathāvatkathayāṃbabhūva

फिर कुरुश्रेष्ठों और सूर्य तथा अग्नि के समान तेजस्वी उन श्रेष्ठ ब्राह्मणों के बीच बैठकर उन्होंने सब कुछ यथावत् कह सुनाया।

श्लोक 13 (3.166.13)

एवं मयाऽस्त्राण्युपशिक्षितानि । शक्राच्च वायोश्च शिवाच्च साक्षात् । तथैव शीलेन समाधिना च । प्रीताः सुरा मे सहिताः सहेन्द्राः ॥

evaṃ mayā'strāṇyupaśikṣitāni | śakrācca vāyośca śivācca sākṣāt | tathaiva śīlena samādhinā ca | prītāḥ surā me sahitāḥ sahendrāḥ

"इस प्रकार मैंने इन्द्र से, वायु से और साक्षात् शिव से अस्त्रों की शिक्षा पाई; और मेरे शील तथा एकाग्रता से इन्द्र सहित सब देवता मुझ पर प्रसन्न हुए।"

श्लोक 14 (3.166.14)

संक्षेपतो वै स विशुद्धकर्मा । तेभ्यः समाख्याय दिवः प्रवेशम् । माद्रीसुताभ्यां सहितः किरीटी । सुष्वाप तामावसतिं प्रतीतः ॥

saṃkṣepato vai sa viśuddhakarmā | tebhyaḥ samākhyāya divaḥ praveśam | mādrīsutābhyāṃ sahitaḥ kirīṭī | suṣvāpa tāmāvasatiṃ pratītaḥ

शुद्ध कर्मों वाले किरीटी अर्जुन ने संक्षेप में उन्हें अपने स्वर्ग-प्रवेश का वृत्तान्त सुनाया और फिर प्रसन्नचित्त होकर माद्री के दोनों पुत्रों के साथ वह रात सोकर बिताई।