कर्मफल पर मार्कण्डेय का उपदेश

श्लोक 1 (3.186.1)

तं विवक्षन्तमालक्ष्यकुरुराजो महामुनिम् । कथासंजननार्थाय चोदयामास पाण्डवः ॥

taṃ vivakṣantamālakṣyakururājo mahāmunim | kathāsaṃjananārthāya codayāmāsa pāṇḍavaḥ

महामुनि को बोलने के लिए उद्यत देखकर कुरुराज पाण्डुनन्दन युधिष्ठिर ने कथा आरम्भ कराने के लिए उनसे कहा —

श्लोक 2 (3.186.2)

भवान्दैवतदैत्यानामृषीणां च महात्मनाम् । राजर्षीणां च सर्वेषां चरितज्ञः पुरातनः ॥

bhavāndaivatadaityānāmṛṣīṇāṃ ca mahātmanām | rājarṣīṇāṃ ca sarveṣāṃ caritajñaḥ purātanaḥ

आप देवताओं, दैत्यों, महात्मा ऋषियों और सभी राजर्षियों के चरित्र जानने वाले पुरातन पुरुष हैं।

श्लोक 3 (3.186.3)

सेव्यश्चोपासितव्यश्च मतो नः काङ्क्षितश्चिरम् । अयं च देवकीपुत्रः प्राप्तोऽस्मानवलोककः ॥

sevyaścopāsitavyaśca mato naḥ kāṅkṣitaściram | ayaṃ ca devakīputraḥ prāpto'smānavalokakaḥ

हम आपको सेवा और उपासना के योग्य मानते हैं, और बहुत समय से आपकी प्रतीक्षा कर रहे थे। और ये देवकीनन्दन भी हमें देखने यहाँ आ पहुँचे हैं।

श्लोक 4 (3.186.4)

भ्रमत्येव हि मे बुद्धिर्दृष्ट्वाऽऽत्मानं सुखाच्च्युतम् । धार्तराष्ट्रांश्च दुर्वृत्तानृद्ध्यतः प्रेक्ष्य सर्वशः ॥

bhramatyeva hi me buddhirdṛṣṭvā''tmānaṃ sukhāccyutam | dhārtarāṣṭrāṃśca durvṛttānṛddhyataḥ prekṣya sarvaśaḥ

जब मैं स्वयं को सुख से वंचित देखता हूँ और दुराचारी धृतराष्ट्रपुत्रों को सब प्रकार से फलते-फूलते देखता हूँ, तो मेरी बुद्धि चकरा जाती है।

श्लोक 5 (3.186.5)

कर्मणः पुरुषः कर्ता शुभस्याप्यशुभस्य वा । स्वफलं तदुपाश्नाति कथं कर्ता स्विदीश्वरः ॥

karmaṇaḥ puruṣaḥ kartā śubhasyāpyaśubhasya vā | svaphalaṃ tadupāśnāti kathaṃ kartā svidīśvaraḥ

मनुष्य अपने शुभ या अशुभ कर्मों का कर्ता है, और वही उनका फल भोगता है। तो फिर ईश्वर कर्ता कैसे हुआ?

श्लोक 6 (3.186.6)

अथवा सुखदुःखेषु नृणां ब्रह्मविदांवर । इह वा कृतमन्वेति परदेहेऽथवा पुनः ॥

athavā sukhaduḥkheṣu nṛṇāṃ brahmavidāṃvara | iha vā kṛtamanveti paradehe'thavā punaḥ

अथवा, हे ब्रह्मज्ञानियों में श्रेष्ठ! मनुष्यों के सुख-दुःख के विषय में, किया हुआ कर्म इसी जन्म में उसके पीछे आता है, या फिर दूसरे शरीर में?

श्लोक 7 (3.186.7)

देही च देहं संत्यज्य मृग्यमाणः शुभाशुभैः । कथं संयुज्यतेप्रेत्य इह वा द्विजसत्तम ॥

dehī ca dehaṃ saṃtyajya mṛgyamāṇaḥ śubhāśubhaiḥ | kathaṃ saṃyujyatepretya iha vā dvijasattama

और जब देहधारी जीव शरीर छोड़ देता है, तब शुभ-अशुभ कर्म उसे खोजते हुए कैसे उससे आ जुड़ते हैं — मृत्यु के बाद, या यहीं, हे द्विजश्रेष्ठ?

श्लोक 8 (3.186.8)

ऐहलौकिकमेवैतदुताहो पारलौकिकम् । क्व वा कर्माणि तिष्ठन्ति जन्तोः प्रेतस्य भार्गव ॥

aihalaukikamevaitadutāho pāralaukikam | kva vā karmāṇi tiṣṭhanti jantoḥ pretasya bhārgava

क्या यह (कर्मफल) इसी लोक का है या परलोक का? और हे भार्गव! मरे हुए प्राणी के कर्म कहाँ रहते हैं?

श्लोक 9 (3.186.9)

त्वद्युक्तोऽयमनुप्रश्नो यथावद्वदतांवर । विदितं वेदितव्यं ते स्थित्यर्थं त्वं तु पृच्छसि ॥

tvadyukto'yamanupraśno yathāvadvadatāṃvara | viditaṃ veditavyaṃ te sthityarthaṃ tvaṃ tu pṛcchasi

हे वक्ताओं में श्रेष्ठ! यह प्रश्न तुम्हारे योग्य है और उचित ही है। जो जानने योग्य है, वह तुम जानते हो; तुम तो केवल लोक-मर्यादा की स्थापना के लिए पूछ रहे हो।

श्लोक 10 (3.186.10)

अत्र ते कथयिष्यामि तदिहैकमनाः शृणु । यथेहामुत्र च नरः सुखदुःखमुपाश्नुते ॥

atra te kathayiṣyāmi tadihaikamanāḥ śṛṇu | yathehāmutra ca naraḥ sukhaduḥkhamupāśnute

इस विषय में मैं तुम्हें बताऊँगा; एकाग्र मन से सुनो कि मनुष्य इस लोक और परलोक में सुख-दुःख कैसे भोगता है।

श्लोक 11 (3.186.11)

निर्मलानि शरीराणि विशुद्धानि शरीरिणाम् । ससर्ज धर्मतन्त्राणि पूर्वोत्पन्नः प्रजापतिः ॥

nirmalāni śarīrāṇi viśuddhāni śarīriṇām | sasarja dharmatantrāṇi pūrvotpannaḥ prajāpatiḥ

सबसे पहले उत्पन्न प्रजापति ने देहधारियों के लिए निर्मल, विशुद्ध और धर्म के साधन-रूप शरीरों की रचना की।

श्लोक 12 (3.186.12)

अमोघफलसंकल्पाः सुव्रताः सत्यवादिनः । ब्रह्मभूता नराः पुण्याः पुराणाः कुरुसत्तम ॥

amoghaphalasaṃkalpāḥ suvratāḥ satyavādinaḥ | brahmabhūtā narāḥ puṇyāḥ purāṇāḥ kurusattama

हे कुरुश्रेष्ठ! प्राचीन काल के मनुष्य पवित्र थे; उनके संकल्प अमोघ फल देने वाले थे; वे उत्तम व्रतधारी, सत्यवादी और ब्रह्मभाव को प्राप्त थे।

श्लोक 13 (3.186.13)

सर्वे देवैः समायान्ति स्वच्छन्देन नभस्तलम् । ततश्च पुनरायान्ति सर्वे स्वच्छन्दचारिणः ॥

sarve devaiḥ samāyānti svacchandena nabhastalam | tataśca punarāyānti sarve svacchandacāriṇaḥ

वे सब अपनी इच्छा से देवताओं के साथ आकाश में जाते थे, और फिर लौट आते थे; सब अपनी इच्छा के अनुसार विचरते थे।

श्लोक 14 (3.186.14)

स्वच्छन्दमरणाश्चासन्नराः स्वच्छन्दजीविनः । अल्पबाधा निरातङ्काः सिद्धार्था निरुपद्रवाः ॥

svacchandamaraṇāścāsannarāḥ svacchandajīvinaḥ | alpabādhā nirātaṅkāḥ siddhārthā nirupadravāḥ

वे मनुष्य अपनी इच्छा से मरते और इच्छा से जीते थे; उन्हें थोड़ी ही बाधा थी, कोई भय नहीं था; उनके प्रयोजन सिद्ध थे और वे उपद्रवों से मुक्त थे।

श्लोक 15 (3.186.15)

द्रष्टारोदेवसङ्घानामृषीणां च महात्मनाम् । प्रत्यक्षाः सर्वधर्माणां दान्ता विगतमत्सराः ॥

draṣṭārodevasaṅghānāmṛṣīṇāṃ ca mahātmanām | pratyakṣāḥ sarvadharmāṇāṃ dāntā vigatamatsarāḥ

वे देवताओं के समूहों और महात्मा ऋषियों के दर्शन करते थे; सब धर्म उनके प्रत्यक्ष थे; वे जितेन्द्रिय और ईर्ष्या से रहित थे।

श्लोक 16 (3.186.16)

आसन्वर्षसहस्राणि तथा पुत्रसहस्रिणः । ततः कालान्तरे तस्मिन्पृथिवीतलचारिणः ॥

āsanvarṣasahasrāṇi tathā putrasahasriṇaḥ | tataḥ kālāntare tasminpṛthivītalacāriṇaḥ

वे सहस्रों वर्ष जीवित रहते थे और उनके सहस्रों पुत्र होते थे। फिर समय बीतने पर पृथ्वी पर विचरने वाले वे मनुष्य

श्लोक 17 (3.186.17)

कामक्रोधाभिभूतास्ते मायाव्याजोपजीविनः । लोभमोहाभिभूताश्च त्यक्ता देवैस्ततो नराः ॥

kāmakrodhābhibhūtāste māyāvyājopajīvinaḥ | lobhamohābhibhūtāśca tyaktā devaistato narāḥ

काम और क्रोध से अभिभूत होकर छल-कपट से जीविका चलाने लगे; लोभ और मोह के वश में हो गए, और तब देवताओं ने उन्हें त्याग दिया।

श्लोक 18 (3.186.18)

अशुभैः कर्मभिः पापास्तिर्यङ्निरयगामिनः । संसारेषु विचित्रेषु पच्यमानाः पुनः पुनः ॥

aśubhaiḥ karmabhiḥ pāpāstiryaṅnirayagāminaḥ | saṃsāreṣu vicitreṣu pacyamānāḥ punaḥ punaḥ

अपने अशुभ कर्मों के कारण वे पापी पशु-पक्षी की योनियों और नरक में जाने लगे, और विविध संसार-चक्रों में बार-बार पकाए जाने लगे।

श्लोक 19 (3.186.19)

मोघेष्टा मोघसंकल्पा मोघज्ञाना विचेतसः । काङ्क्षिणः सर्वकामानां नास्तिका भिन्नसेतवः ॥

mogheṣṭā moghasaṃkalpā moghajñānā vicetasaḥ | kāṅkṣiṇaḥ sarvakāmānāṃ nāstikā bhinnasetavaḥ

उनकी इच्छाएँ व्यर्थ, संकल्प व्यर्थ और ज्ञान व्यर्थ हो गया; वे विवेकहीन हो गए; सब कामनाओं के लोभी, नास्तिक और मर्यादा तोड़ने वाले बन गए।

श्लोक 20 (3.186.20)

सर्वाभिशङ्किनश्चैव संवृत्ताः क्लेशदायिनः । अशुभैः कर्मभिश्चापि प्रायशः परिचिह्निताः ॥

sarvābhiśaṅkinaścaiva saṃvṛttāḥ kleśadāyinaḥ | aśubhaiḥ karmabhiścāpi prāyaśaḥ paricihnitāḥ

वे सब पर शंका करने वाले और दूसरों को क्लेश देने वाले हो गए, और प्रायः अपने अशुभ कर्मों के चिह्नों से पहचाने जाने लगे।

श्लोक 21 (3.186.21)

दौष्कुल्या व्याधिबहुला दुरात्मानोऽभितापिनः । भवन्त्यल्पायुषः पापा रौद्रकर्मफलोदयाः । नाथन्तः सर्वकामानां नास्तिका भिन्नचेतसः ॥

dauṣkulyā vyādhibahulā durātmāno'bhitāpinaḥ | bhavantyalpāyuṣaḥ pāpā raudrakarmaphalodayāḥ | nāthantaḥ sarvakāmānāṃ nāstikā bhinnacetasaḥ

वे नीच कुलों में जन्म लेते हैं, अनेक रोगों से ग्रस्त, दुष्टात्मा और दूसरों को पीड़ा देने वाले होते हैं; वे पापी अल्पायु होते हैं और अपने क्रूर कर्मों का फल भोगते हैं — सब कामनाओं की याचना करते हैं, नास्तिक और चंचल-चित्त होते हैं।

श्लोक 22 (3.186.22)

जन्तोः प्रेतस्य कौन्तेय गतिः स्वैरिह कर्मभिः । प्राज्ञस्य हीनबुद्धेश्च कर्मकोशः क्व तिष्ठति ॥

jantoḥ pretasya kaunteya gatiḥ svairiha karmabhiḥ | prājñasya hīnabuddheśca karmakośaḥ kva tiṣṭhati

हे कुन्तीपुत्र! मृत प्राणी की गति यहाँ उसके अपने कर्मों से बनती है। तुम्हारा प्रश्न है कि बुद्धिमान और मन्दबुद्धि का कर्म-संचय कहाँ रहता है,

श्लोक 23 (3.186.23)

क्वस्थस्तत्समुपाश्नाति सुकृतं यदि वेतरत् । इति ते दर्शनं यच्च तत्राप्यनुनयं शृणु ॥

kvasthastatsamupāśnāti sukṛtaṃ yadi vetarat | iti te darśanaṃ yacca tatrāpyanunayaṃ śṛṇu

और वह कहाँ रहकर अपने सुकर्म या दुष्कर्म का फल भोगता है — यह तुम्हारी जिज्ञासा है; अब इस विषय में सिद्धान्त भी सुनो।

श्लोक 24 (3.186.24)

अयमादिशरीरेण देवसृष्टेन मानवः । शुभानामशुभानां च कुरुते संचयं महत् ॥

ayamādiśarīreṇa devasṛṣṭena mānavaḥ | śubhānāmaśubhānāṃ ca kurute saṃcayaṃ mahat

देवताओं द्वारा रचे गए इस पहले शरीर से मनुष्य शुभ और अशुभ कर्मों का बड़ा संचय करता है।

श्लोक 25 (3.186.25)

आयुषोऽन्ते प्रहायेदं क्षीणप्रायं कलेबरम् । संभवत्येव युगपद्योनौ नास्त्यन्तराऽभवः ॥

āyuṣo'nte prahāyedaṃ kṣīṇaprāyaṃ kalebaram | saṃbhavatyeva yugapadyonau nāstyantarā'bhavaḥ

आयु के अन्त में वह इस लगभग क्षीण हो चुके शरीर को छोड़कर उसी क्षण किसी योनि में जन्म लेता है; बीच में कोई अन्य अवस्था नहीं होती।

श्लोक 26 (3.186.26)

तत्रास्य स्वकृतं कर्म च्छायेवानुगतं सदा । फलत्यथ सुखार्हो वा दुःखार्होवाऽथ जायते ॥

tatrāsya svakṛtaṃ karma cchāyevānugataṃ sadā | phalatyatha sukhārho vā duḥkhārhovā'tha jāyate

वहाँ उसका अपना किया हुआ कर्म छाया की भाँति सदा उसके पीछे लगा रहता है और फल देता है; इसी से वह सुख का पात्र या दुःख का पात्र होकर जन्म लेता है।

श्लोक 27 (3.186.27)

कृतान्तविधिसंयुक्तः स जन्तुर्लक्षणैः शुभैः । अशुभैर्वा निरादानो लक्ष्यते ज्ञानदृष्टिभिः ॥

kṛtāntavidhisaṃyuktaḥ sa janturlakṣaṇaiḥ śubhaiḥ | aśubhairvā nirādāno lakṣyate jñānadṛṣṭibhiḥ

विधाता के विधान से बँधा वह प्राणी, जो उससे छूट नहीं सकता, ज्ञान-दृष्टि वालों को शुभ या अशुभ लक्षणों से युक्त दिखाई देता है।

श्लोक 28 (3.186.28)

एषा तावदबुद्धीनां गतिरुक्ता युधिष्ठिर । अतः परं ज्ञानवतां निबोध गतिमुत्तमाम् ॥

eṣā tāvadabuddhīnāṃ gatiruktā yudhiṣṭhira | ataḥ paraṃ jñānavatāṃ nibodha gatimuttamām

हे युधिष्ठिर! यह अज्ञानियों की गति कही गई। अब ज्ञानियों की उत्तम गति को समझो।

श्लोक 29 (3.186.29)

मनुष्यास्तप्ततपसः सर्वागमपरायणाः । स्थिरव्रताः सत्यपरा गुरुशुश्रूषणे रताः ॥

manuṣyāstaptatapasaḥ sarvāgamaparāyaṇāḥ | sthiravratāḥ satyaparā guruśuśrūṣaṇe ratāḥ

जो मनुष्य तप कर चुके हैं, सब शास्त्रों में निष्ठा रखते हैं, व्रतों में दृढ़ हैं, सत्यपरायण हैं और गुरु-सेवा में रत रहते हैं,

श्लोक 30 (3.186.30)

सुशीलाः शुक्लजातीयाः क्षान्ता दान्ताः सुतेजसः । शुचियोन्यन्तरगताः प्रायशः शुभलक्षणाः ॥

suśīlāḥ śuklajātīyāḥ kṣāntā dāntāḥ sutejasaḥ | śuciyonyantaragatāḥ prāyaśaḥ śubhalakṣaṇāḥ

जो सुशील, शुद्ध कुल वाले, क्षमाशील, संयमी और तेजस्वी हैं, पवित्र योनियों में जन्म लेते हैं और प्रायः शुभ लक्षणों से युक्त होते हैं —

श्लोक 31 (3.186.31)

जितेन्द्रियत्वाद्वशिनः सत्कृत्यान्मन्दरागिणः । अल्पाबाधपरित्रासा भवन्ति निरुपद्रवाः ॥

jitendriyatvādvaśinaḥ satkṛtyānmandarāgiṇaḥ | alpābādhaparitrāsā bhavanti nirupadravāḥ

वे इन्द्रियों को जीत लेने से वशी होते हैं, सत्कर्मों के कारण उनमें आसक्ति कम होती है, उन्हें बाधा और भय थोड़े होते हैं, और वे उपद्रवों से मुक्त रहते हैं।

श्लोक 32 (3.186.32)

च्यवन्तं जायमानं च गर्भस्थं चैव सर्वशः । स्वमात्मानं परं चैव बुध्यन्ते ज्ञानचक्षुषः ॥

cyavantaṃ jāyamānaṃ ca garbhasthaṃ caiva sarvaśaḥ | svamātmānaṃ paraṃ caiva budhyante jñānacakṣuṣaḥ

ज्ञान-नेत्र वाले वे लोग अपने आत्मा को और दूसरों को भी सब अवस्थाओं में जान लेते हैं — मरते हुए, जन्म लेते हुए और गर्भ में स्थित।

श्लोक 33 (3.186.33)

ऋषयस्ते महात्मानः प्रत्यक्षागमबुद्धयः । कर्मभूमिमिमां प्राप्य पुनर्यान्ति सुरालयम् । कृत्वा शुभानि कर्माणि ज्ञानेन भरतर्षभ ॥

ṛṣayaste mahātmānaḥ pratyakṣāgamabuddhayaḥ | karmabhūmimimāṃ prāpya punaryānti surālayam | kṛtvā śubhāni karmāṇi jñānena bharatarṣabha

हे भरतश्रेष्ठ! प्रत्यक्ष और शास्त्र पर टिकी बुद्धि वाले वे महात्मा ऋषि इस कर्मभूमि में आकर, ज्ञानपूर्वक शुभ कर्म करके फिर देवलोक को चले जाते हैं।

श्लोक 34 (3.186.34)

किंचिद्दैवाद्धठात्किंचित्किंचिदेव स्वकर्मभिः । प्राप्नुवन्ति नरा राजन्मा तेऽस्त्वन्याविचारणा ॥

kiṃciddaivāddhaṭhātkiṃcitkiṃcideva svakarmabhiḥ | prāpnuvanti narā rājanmā te'stvanyāvicāraṇā

हे राजन्! मनुष्य कुछ भाग्य से, कुछ संयोग से और कुछ अपने कर्मों से पाते हैं। तुम्हारे मन में इसके अतिरिक्त कोई अन्य विचार न हो।

श्लोक 35 (3.186.35)

इमामत्रोपमां चापि निबोध वदतांवर । मनुष्यलोके यच्छ्रेयः परंमन्ये युधिष्ठिर ॥

imāmatropamāṃ cāpi nibodha vadatāṃvara | manuṣyaloke yacchreyaḥ paraṃmanye yudhiṣṭhira

हे वक्ताओं में श्रेष्ठ युधिष्ठिर! इस विषय में यह दृष्टान्त भी समझो, जिसे मैं मनुष्यलोक में परम कल्याणकारी मानता हूँ।

श्लोक 36 (3.186.36)

इहैवैकस्य नामुत्र अमुत्रैकस्य नो इह । इह चामुत्र चैकस्य नामुत्रैकस्य नो इह ॥

ihaivaikasya nāmutra amutraikasya no iha | iha cāmutra caikasya nāmutraikasya no iha

किसी के लिए यही लोक है, परलोक नहीं; किसी के लिए परलोक है, यह लोक नहीं; किसी के लिए यह लोक और परलोक दोनों हैं; और किसी के लिए न परलोक है, न यह लोक।

श्लोक 37 (3.186.37)

धनानि येषां विपुलानि सन्ति । नित्यंरमन्ते सुविभूषिताङ्गाः । तेषामयं शत्रुवरघ्नलोको । नासौ सदा ग्राम्यसुखे रतानाम् ॥

dhanāni yeṣāṃ vipulāni santi | nityaṃramante suvibhūṣitāṅgāḥ | teṣāmayaṃ śatruvaraghnaloko | nāsau sadā grāmyasukhe ratānām

जिनके पास विपुल धन है और जो सदा सुन्दर आभूषणों से सजे भोग-विलास में रमे रहते हैं — हे श्रेष्ठ शत्रुओं के संहारक! उनके लिए यही लोक है, परलोक नहीं, क्योंकि वे सदा विषय-सुख में आसक्त रहते हैं।

श्लोक 38 (3.186.38)

ये योगयुक्तास्तपसि प्रसक्ताः । स्वाध्यायशीला जरयन्ति देहान् । जितेन्द्रिया भूतहिते निविष्टा । स्तेषामसौ नायमरिघ्नलोकः ॥

ye yogayuktāstapasi prasaktāḥ | svādhyāyaśīlā jarayanti dehān | jitendriyā bhūtahite niviṣṭā | steṣāmasau nāyamarighnalokaḥ

जो योगयुक्त हैं, तप में लगे रहते हैं, स्वाध्यायशील हैं, अपने शरीर को (तप से) क्षीण करते हैं, जितेन्द्रिय हैं और प्राणियों के हित में लगे रहते हैं — हे शत्रुनाशक! उनके लिए परलोक है, यह लोक नहीं।

श्लोक 39 (3.186.39)

ये धर्ममेव प्रथमं चरन्ति । धर्मेण लब्ध्वा च धनानि काले । दारानवाप्य क्रतुभिर्यजन्ते । तेषामयं चैव परश्च लोकः ॥

ye dharmameva prathamaṃ caranti | dharmeṇa labdhvā ca dhanāni kāle | dārānavāpya kratubhiryajante | teṣāmayaṃ caiva paraśca lokaḥ

जो सबसे पहले धर्म का आचरण करते हैं, समय पर धर्म से धन प्राप्त करते हैं, और विवाह करके यज्ञों द्वारा यजन करते हैं — उनके लिए यह लोक भी है और परलोक भी।

श्लोक 40 (3.186.40)

ये नैव विद्यां न तपो न दानं । न चापि मूढाः प्रजने यतन्ते । न चापिगच्छन्ति शुभान्यभाग्या- । स्तेषामयं चैव परश्च नास्ति ॥

ye naiva vidyāṃ na tapo na dānaṃ | na cāpi mūḍhāḥ prajane yatante | na cāpigacchanti śubhānyabhāgyā- | steṣāmayaṃ caiva paraśca nāsti

जो मूर्ख न विद्या के लिए, न तप के लिए, न दान के लिए और न सन्तान के लिए ही प्रयत्न करते हैं, और जो अभागे कोई शुभ वस्तु प्राप्त नहीं करते — उनके लिए न यह लोक है, न परलोक।

श्लोक 41 (3.186.41)

सर्वे भवन्तस्त्वतिवीर्यसत्वा । दिव्यौजसः संहननोपपन्नाः । लोकादमुष्मादवनिं प्रपन्नाः । स्वधीतविद्याः सुरकार्यहेतोः ॥

sarve bhavantastvativīryasatvā | divyaujasaḥ saṃhananopapannāḥ | lokādamuṣmādavaniṃ prapannāḥ | svadhītavidyāḥ surakāryahetoḥ

तुम सब अत्यन्त पराक्रमी और बलवान हो, दिव्य तेज और सुदृढ़ शरीर से सम्पन्न हो; तुम भली-भाँति विद्या पढ़कर देवताओं का कार्य करने के लिए उस लोक से पृथ्वी पर आए हो।

श्लोक 42 (3.186.42)

कृत्वैव कर्माणि महान्ति शूरा- । स्तपोदमाचारविहारशीलाः । देवानृषीन्प्रेतगतांश्च सर्वा- । न्संतर्पयित्वा विधिना परेण ॥

kṛtvaiva karmāṇi mahānti śūrā- | stapodamācāravihāraśīlāḥ | devānṛṣīnpretagatāṃśca sarvā- | nsaṃtarpayitvā vidhinā pareṇa

हे शूरवीरो! तप, दम, सदाचार और उत्तम आचरण में लगे हुए तुम महान कर्म करोगे, और देवताओं, ऋषियों तथा सब दिवंगत पितरों को श्रेष्ठ विधि से तृप्त करके

श्लोक 43 (3.186.43)

स्वर्गं परं पुण्यकृतां निवासं । क्रमेण संप्राप्स्यथ कर्मभिः स्वैः । माभूद्विशङ्का तव कौरवेन्द्र । दृष्ट्वाऽऽत्मनः क्लेशमिमं सुखार्थम् ॥

svargaṃ paraṃ puṇyakṛtāṃ nivāsaṃ | krameṇa saṃprāpsyatha karmabhiḥ svaiḥ | mābhūdviśaṅkā tava kauravendra | dṛṣṭvā''tmanaḥ kleśamimaṃ sukhārtham

अपने कर्मों द्वारा क्रम से पुण्यात्माओं के निवास परम स्वर्ग को प्राप्त करोगे। हे कौरवराज! सुख के लिए उठाए जा रहे अपने इस क्लेश को देखकर तुम्हारे मन में कोई संशय न हो।