कौशिक की धर्मव्याध से भेंट

श्लोक 1 (3.210.1)

चिन्तयित्वा तदाश्चर्यं स्त्रिया प्रोक्तमशेषतः । विनिन्दन्स द्विजोऽऽत्मानमागस्कृत इवाबभौ ॥

cintayitvā tadāścaryaṃ striyā proktamaśeṣataḥ | vinindansa dvijo''tmānamāgaskṛta ivābabhau

उस स्त्री द्वारा पूरी तरह कही गई उस आश्चर्यजनक बात पर विचार करते हुए वह ब्राह्मण अपने आप को धिक्कारने लगा और किसी अपराधी के समान दिखाई देने लगा।

श्लोक 2 (3.210.2)

चिन्तयानः स धर्मस्य सूक्ष्मां गतिमथाब्रवीत् । श्रद्दधानेन वै भाव्यं गच्छामि मिथिलामहम् ॥

cintayānaḥ sa dharmasya sūkṣmāṃ gatimathābravīt | śraddadhānena vai bhāvyaṃ gacchāmi mithilāmaham

धर्म की सूक्ष्म गति पर विचार करते हुए उसने कहा — "श्रद्धा रखनी ही चाहिए। मैं मिथिला जाऊँगा।

श्लोक 3 (3.210.3)

कृतात्मा धर्मवित्तस्यां व्याधो निवसते किल । तं गच्छाम्यहमद्यैव धर्मं प्रष्टुं तपोधनम् ॥

kṛtātmā dharmavittasyāṃ vyādho nivasate kila | taṃ gacchāmyahamadyaiva dharmaṃ praṣṭuṃ tapodhanam

सुना है, वहाँ एक आत्मसंयमी, धर्मज्ञ व्याध रहता है। मैं आज ही उस तपोधन के पास धर्म के विषय में पूछने जाऊँगा।"

श्लोक 4 (3.210.4)

इतिसंचिन्त्य मनसा श्रद्दधानः स्त्रिया वचः । बलाकाप्रत्ययेनासौ धर्म्यैश्च वचनैः शुभैः ॥

itisaṃcintya manasā śraddadhānaḥ striyā vacaḥ | balākāpratyayenāsau dharmyaiśca vacanaiḥ śubhaiḥ

मन में इस प्रकार विचार करके, बगुली वाली घटना के कारण और उसके धर्मयुक्त शुभ वचनों के कारण उस स्त्री की बात पर श्रद्धा रखते हुए,

श्लोक 5 (3.210.5)

संप्रतस्थे स मिथिलां कौतूहलसमन्वितः । अतिक्रामन्नरण्यानि ग्रामांश्च नगराणि च ॥

saṃpratasthe sa mithilāṃ kautūhalasamanvitaḥ | atikrāmannaraṇyāni grāmāṃśca nagarāṇi ca

वह कौतूहल से भरकर मिथिला की ओर चल पड़ा, और वनों, गाँवों तथा नगरों को पार करता गया।

श्लोक 6 (3.210.6)

ततो जगाम मिथिलां जनकेन सुरक्षिताम् । धर्मसेतुसमाकीर्णां यज्ञोत्सववतीं शुभाम् ॥

tato jagāma mithilāṃ janakena surakṣitām | dharmasetusamākīrṇāṃ yajñotsavavatīṃ śubhām

तब वह जनक द्वारा भलीभाँति सुरक्षित मिथिला पहुँचा — वह सुन्दर नगरी, जो धर्म की मर्यादाओं से भरी थी और जहाँ यज्ञ और उत्सव होते रहते थे।

श्लोक 7 (3.210.7)

गोपुराट्टालकवतीं हर्म्यप्राकारशोभनाम् । प्रविश्य नगरीं रम्यां विमानैर्बहुभिर्युताम् ॥

gopurāṭṭālakavatīṃ harmyaprākāraśobhanām | praviśya nagarīṃ ramyāṃ vimānairbahubhiryutām

उसमें गोपुर और अटारियाँ थीं, और वह भवनों तथा परकोटों से सुशोभित थी। अनेक ऊँचे महलों से युक्त उस रमणीय नगरी में उसने प्रवेश किया,

श्लोक 8 (3.210.8)

पण्यैश्च बहुभिर्युक्तां सुविभक्तमहापथाम् । अश्वै रथैस्तथा नागैर्योधैश्च बहुभिर्युताम् ॥

paṇyaiśca bahubhiryuktāṃ suvibhaktamahāpathām | aśvai rathaistathā nāgairyodhaiśca bahubhiryutām

जो अनेक प्रकार की व्यापार की वस्तुओं से भरी थी, जिसके राजमार्ग सुव्यवस्थित ढंग से बने थे, और जो घोड़ों, रथों, हाथियों तथा बहुत-से योद्धाओं से भरी थी,

श्लोक 9 (3.210.9)

हृष्टपुष्टजनाकीर्णां नित्योत्सवसमाकुलाम् । सोऽपश्यद्बहुवृत्तान्तां ब्राह्मणः समतिक्रमन् ॥

hṛṣṭapuṣṭajanākīrṇāṃ nityotsavasamākulām | so'paśyadbahuvṛttāntāṃ brāhmaṇaḥ samatikraman

जो प्रसन्न और हृष्ट-पुष्ट लोगों से भरी थी और सदा उत्सवों से गूँजती रहती थी। अनेक प्रकार की गतिविधियों वाली उस नगरी को ब्राह्मण उसमें से गुज़रते हुए देखता गया।

श्लोक 10 (3.210.10)

धर्मव्याधमपृच्छच्च स चास्य कथितो द्विजैः । अपश्यत्तत्रगत्वा तं सूनामध्ये व्यवस्थितम् ॥

dharmavyādhamapṛcchacca sa cāsya kathito dvijaiḥ | apaśyattatragatvā taṃ sūnāmadhye vyavasthitam

उसने धर्मव्याध के विषय में पूछा, और ब्राह्मणों ने उसे उसका पता बता दिया। वहाँ जाकर उसने उसे वधशाला के बीच खड़ा देखा,

श्लोक 11 (3.210.11)

मार्गमाहिषमांसानि विक्रीणन्तं तपस्विनम् । आकुलत्वाच्च क्रेतृणामेकान्ते संस्थितो द्विजः ॥

mārgamāhiṣamāṃsāni vikrīṇantaṃ tapasvinam | ākulatvācca kretṛṇāmekānte saṃsthito dvijaḥ

वह तपस्वी हिरन और भैंसे का मांस बेच रहा था। खरीदारों की भीड़ के कारण ब्राह्मण एकान्त में एक ओर खड़ा हो गया।

श्लोक 12 (3.210.12)

स तु ज्ञात्वा द्विजं प्राप्तं सहसा संभ्रमोत्थितः । आजगाम यतो विप्रः स्थित एकान्त आसने ॥

sa tu jñātvā dvijaṃ prāptaṃ sahasā saṃbhramotthitaḥ | ājagāma yato vipraḥ sthita ekānta āsane

परन्तु व्याध यह जानकर कि ब्राह्मण आया है, तुरन्त हड़बड़ाकर उठ खड़ा हुआ और जहाँ विप्र एकान्त स्थान में खड़ा था, वहाँ आ पहुँचा।

श्लोक 13 (3.210.13)

अभिवादये त्वां भगवन्स्वागतं ते द्विजोत्तम । अहं व्याधो हि भद्रं ते किं करोमि प्रशाधि माम् ॥

abhivādaye tvāṃ bhagavansvāgataṃ te dvijottama | ahaṃ vyādho hi bhadraṃ te kiṃ karomi praśādhi mām

"भगवन्, मैं आपको प्रणाम करता हूँ। हे द्विजश्रेष्ठ, आपका स्वागत है। मैं ही वह व्याध हूँ; आपका कल्याण हो। मैं आपके लिए क्या करूँ? मुझे आज्ञा दीजिए।

श्लोक 14 (3.210.14)

एकपत्न्या यदुक्तोसि गच्छ त्वं मिथिलामिति । जानाम्येतदहं सर्वं यदर्थं त्वमिहागतः ॥

ekapatnyā yaduktosi gaccha tvaṃ mithilāmiti | jānāmyetadahaṃ sarvaṃ yadarthaṃ tvamihāgataḥ

उस पतिव्रता ने आपसे कहा था, 'तुम मिथिला जाओ।' मैं यह सब जानता हूँ, और यह भी कि आप यहाँ किस प्रयोजन से आए हैं।"

श्लोक 15 (3.210.15)

श्रुत्वा च तस्य तद्वाक्यं स विप्रो भृशविस्मितः । द्वितीयमिदमाश्चर्यमित्यचिन्तयत द्विजः ॥

śrutvā ca tasya tadvākyaṃ sa vipro bhṛśavismitaḥ | dvitīyamidamāścaryamityacintayata dvijaḥ

उसकी यह बात सुनकर वह ब्राह्मण अत्यन्त विस्मित हुआ। "यह दूसरा आश्चर्य है," उस द्विज ने सोचा।

श्लोक 16 (3.210.16)

अदेशस्थं हि ते स्थानमिति व्याधोऽब्रवीद्द्विजम् । गृहं गच्छाव भगवन्यदि ते रोचतेऽनघ ॥

adeśasthaṃ hi te sthānamiti vyādho'bravīddvijam | gṛhaṃ gacchāva bhagavanyadi te rocate'nagha

व्याध ने ब्राह्मण से कहा — "यह स्थान आपके ठहरने योग्य नहीं है। भगवन्, हे निष्पाप, यदि आपको अच्छा लगे तो हम मेरे घर चलें।"

श्लोक 17 (3.210.17)

बाढमित्येव तं विप्रो हृष्टो वचनमब्रवीत् । अग्रतस्तु द्विजं कृत्वा स जगाम गृहं प्रति ॥

bāḍhamityeva taṃ vipro hṛṣṭo vacanamabravīt | agratastu dvijaṃ kṛtvā sa jagāma gṛhaṃ prati

"बहुत अच्छा," ब्राह्मण ने प्रसन्न होकर उससे कहा। ब्राह्मण को आगे करके व्याध अपने घर की ओर चला।

श्लोक 18 (3.210.18)

प्रविश्य च गृहंरम्यमासनेनाभिपूजितः । अर्घ्येण च स वै तेन व्याधेन द्विजसत्तमः ॥

praviśya ca gṛhaṃramyamāsanenābhipūjitaḥ | arghyeṇa ca sa vai tena vyādhena dvijasattamaḥ

उस सुन्दर घर में प्रवेश करने पर उस व्याध ने द्विजश्रेष्ठ का आसन और अर्घ्य से सत्कार किया।

श्लोक 19 (3.210.19)

पाद्यमाचमनीयं च प्रतिगृह्य द्विजोत्तमः । ततः सुखोपविष्टस्तं व्याधं वचनमब्रवीत् ॥

pādyamācamanīyaṃ ca pratigṛhya dvijottamaḥ | tataḥ sukhopaviṣṭastaṃ vyādhaṃ vacanamabravīt

पैर धोने का जल और आचमन का जल ग्रहण करके, सुखपूर्वक बैठने के बाद उस श्रेष्ठ ब्राह्मण ने व्याध से कहा —

श्लोक 20 (3.210.20)

कर्मैतद्वै न सदृशं भवतः प्रतिभाति मे । अनुतप्ये भृशं तात तव घोरेण कर्मणा ॥

karmaitadvai na sadṛśaṃ bhavataḥ pratibhāti me | anutapye bhṛśaṃ tāta tava ghoreṇa karmaṇā

"यह कर्म मुझे आपके योग्य नहीं लगता। तात, आपके इस भयानक कर्म से मुझे बहुत दुःख होता है।"

श्लोक 21 (3.210.21)

कुलोचितमिदं कर्म पितृपैतामहं परम् । वर्तमानस्य मे धर्मे स्वे मन्युं मा कृथा द्विज ॥

kulocitamidaṃ karma pitṛpaitāmahaṃ param | vartamānasya me dharme sve manyuṃ mā kṛthā dvija

"यह कर्म मेरे कुल के अनुरूप है; यह मेरे पिता-पितामहों से चला आया श्रेष्ठ कर्म है। हे द्विज, अपने धर्म में लगे रहने के कारण मुझ पर क्रोध न कीजिए।

श्लोक 22 (3.210.22)

विधात्रा विहितं पूर्वं कर्म स्वमनुपालयन् । प्रयत्नाच्च गुरू वृद्धौ शुश्रूषेऽहं द्विजोत्तम ॥

vidhātrā vihitaṃ pūrvaṃ karma svamanupālayan | prayatnācca gurū vṛddhau śuśrūṣe'haṃ dvijottama

विधाता ने पहले से मेरे लिए जो कर्म निर्धारित किया है, उसका पालन करते हुए, हे द्विजोत्तम, मैं अपने दोनों वृद्ध गुरुजनों — माता-पिता — की यत्नपूर्वक सेवा करता हूँ।

श्लोक 23 (3.210.23)

सत्यं वदे नाभ्यसूये यथाशक्ति ददामि च । देवतातिथिभृत्यानामवशिष्टेन वर्तये ॥

satyaṃ vade nābhyasūye yathāśakti dadāmi ca | devatātithibhṛtyānāmavaśiṣṭena vartaye

मैं सत्य बोलता हूँ, किसी से ईर्ष्या नहीं करता और अपनी शक्ति के अनुसार दान देता हूँ। देवताओं, अतिथियों और आश्रितों को देने के बाद जो बचता है, उसी से मैं निर्वाह करता हूँ।

श्लोक 24 (3.210.24)

न कुत्सयाम्यहं किंचिन्न गर्हे बलवत्तरम् । कृतमन्वेति कर्तारं पुरा कर्म द्विजोत्तम ॥

na kutsayāmyahaṃ kiṃcinna garhe balavattaram | kṛtamanveti kartāraṃ purā karma dvijottama

मैं किसी की निन्दा नहीं करता, और न ही अपने से बलवान पर झूठा दोष लगाता हूँ। हे द्विजश्रेष्ठ, पहले किया हुआ कर्म कर्ता के पीछे-पीछे चलता है।

श्लोक 25 (3.210.25)

कृषिगोरक्ष्यवाणिज्यमिह लोकस्य जीवनम् । दण्डनीतिस्त्रयी विद्या तेन लोको भवत्युत ॥

kṛṣigorakṣyavāṇijyamiha lokasya jīvanam | daṇḍanītistrayī vidyā tena loko bhavatyuta

खेती, पशुपालन और व्यापार — यही इस लोक में लोगों की आजीविका है। दण्डनीति और तीनों वेदों की विद्या से लोक टिका रहता है।

श्लोक 26 (3.210.26)

कर्म शूद्रे कृषिर्वैश्ये संग्रामः क्षत्रिये स्मृतः । ब्रह्मचर्यतपोमन्त्राः सत्यं च ब्राह्मणे सदा ॥

karma śūdre kṛṣirvaiśye saṃgrāmaḥ kṣatriye smṛtaḥ | brahmacaryatapomantrāḥ satyaṃ ca brāhmaṇe sadā

शूद्र के लिए सेवा-कर्म, वैश्य के लिए खेती और क्षत्रिय के लिए युद्ध बताया गया है; और ब्राह्मण के लिए सदा ब्रह्मचर्य, तप, मन्त्र और सत्य।

श्लोक 27 (3.210.27)

राजा प्रशास्ति धर्मेण स्वकर्मनिरताः प्रजाः । विकर्माणश्च ये केचित्तान्युनक्ति स्वकर्मसु ॥

rājā praśāsti dharmeṇa svakarmaniratāḥ prajāḥ | vikarmāṇaśca ye kecittānyunakti svakarmasu

राजा धर्मपूर्वक उन प्रजाओं पर शासन करता है जो अपने-अपने कर्म में लगी हैं, और जो अपने कर्म से भटक गए हैं, उन्हें वह फिर उनके अपने कर्मों में लगाता है।

श्लोक 28 (3.210.28)

भेतव्यं हि सदा राज्ञां प्रजानामधिपा हिते । मारयन्ति विकर्मस्थं लुब्धा मृगमिवेषुभिः ॥

bhetavyaṃ hi sadā rājñāṃ prajānāmadhipā hite | mārayanti vikarmasthaṃ lubdhā mṛgamiveṣubhiḥ

राजाओं से सदा डरना चाहिए, क्योंकि वे प्रजा के स्वामी हैं। जो अपने कर्म से हटता है, उसे वे वैसे ही मार गिराते हैं जैसे शिकारी बाणों से मृग को।

श्लोक 29 (3.210.29)

जनकस्येह विप्रर्षे विकर्मस्थो न विद्यते । स्वकर्मनिरता वर्णाश्चत्वारोपि द्विजोत्तम ॥

janakasyeha viprarṣe vikarmastho na vidyate | svakarmaniratā varṇāścatvāropi dvijottama

हे विप्रर्षि, यहाँ जनक के राज्य में कोई भी अपने कर्म से भटका हुआ नहीं है; हे द्विजोत्तम, चारों वर्ण अपने-अपने कर्म में लगे हैं।

श्लोक 30 (3.210.30)

स एष जनको राजा दुर्वृत्तमपि चेत्सुतम् । दण्ड्यं दण्डे निक्षिपति यथा न ग्लाति धार्मिकम् ॥

sa eṣa janako rājā durvṛttamapi cetsutam | daṇḍyaṃ daṇḍe nikṣipati yathā na glāti dhārmikam

यह राजा जनक अपने पुत्र को भी, यदि वह दुराचारी और दण्ड के योग्य हो, दण्ड देता है, ताकि धर्मात्मा को कोई कष्ट न पहुँचे।

श्लोक 31 (3.210.31)

सुयुक्तचारो नृपतिः सर्वं धर्मेण पश्यति । श्रीश्च राज्यं च दण्डश्च क्षत्रियाणां द्विजोत्तम ॥

suyuktacāro nṛpatiḥ sarvaṃ dharmeṇa paśyati | śrīśca rājyaṃ ca daṇḍaśca kṣatriyāṇāṃ dvijottama

भलीभाँति नियुक्त गुप्तचरों वाला यह राजा सब कुछ धर्म की दृष्टि से देखता है। हे द्विजोत्तम, लक्ष्मी, राज्य और दण्ड — ये क्षत्रियों के होते हैं।

श्लोक 32 (3.210.32)

राजानो हि स्वधर्मेण श्रियमिच्छन्ति भूयसीम् । सर्वेषामेव वर्णानां त्राता राजा भवत्युत ॥

rājāno hi svadharmeṇa śriyamicchanti bhūyasīm | sarveṣāmeva varṇānāṃ trātā rājā bhavatyuta

राजा अपने धर्म के द्वारा ही अधिक से अधिक समृद्धि चाहते हैं; राजा ही सभी वर्णों का रक्षक होता है।

श्लोक 33 (3.210.33)

परेण हि हतान्ब्रह्मन्वराहमहिषानहम् । न स्वयं हन्मि विप्रर्षे विक्रीणामि सदा त्वहम् ॥

pareṇa hi hatānbrahmanvarāhamahiṣānaham | na svayaṃ hanmi viprarṣe vikrīṇāmi sadā tvaham

हे ब्रह्मन्, जिन सूअरों और भैंसों का मांस मैं बेचता हूँ, वे दूसरों द्वारा मारे गए होते हैं। हे विप्रर्षि, मैं स्वयं उन्हें नहीं मारता; मैं तो केवल बेचता हूँ।

श्लोक 34 (3.210.34)

न भक्षयामि मांसानि ऋतुगामी तथाह्यहम् । सदोपवासी च तथा नक्तभोजी सदा द्विज ॥

na bhakṣayāmi māṃsāni ṛtugāmī tathāhyaham | sadopavāsī ca tathā naktabhojī sadā dvija

मैं मांस नहीं खाता, ऋतुकाल में ही पत्नी के पास जाता हूँ, नियमित उपवास करता हूँ, और हे द्विज, सदा रात में ही भोजन करता हूँ।

श्लोक 35 (3.210.35)

अशीलश्चापि पुरुषो भूत्वा भवति शीलवान् । प्राणिहिंसारतिश्चापि भवते धार्मिकः पुनः ॥

aśīlaścāpi puruṣo bhūtvā bhavati śīlavān | prāṇihiṃsāratiścāpi bhavate dhārmikaḥ punaḥ

दुःशील पुरुष भी आगे चलकर शीलवान बन सकता है, और प्राणियों की हिंसा में रुचि रखने वाला भी फिर धर्मात्मा हो सकता है।

श्लोक 36 (3.210.36)

व्यभिचारान्नरेन्द्राणां धर्मः संकीर्यते महान् । अधर्मो वर्तते चापि संकीर्यन्ते ततः प्रजाः ॥

vyabhicārānnarendrāṇāṃ dharmaḥ saṃkīryate mahān | adharmo vartate cāpi saṃkīryante tataḥ prajāḥ

राजाओं के स्वेच्छाचार से महान धर्म-व्यवस्था बिगड़ जाती है, अधर्म फैलने लगता है और तब प्रजा में भी संकरता और अव्यवस्था फैल जाती है।

श्लोक 37 (3.210.37)

भेरुण्डा वामनाः कुब्जाः स्थूलशीर्षास्तथैव च । क्लीबाश्चान्धाश्च बधिरा जायन्तेऽत्युच्चलोचनाः ॥

bheruṇḍā vāmanāḥ kubjāḥ sthūlaśīrṣāstathaiva ca | klībāścāndhāśca badhirā jāyante'tyuccalocanāḥ

तब भयानक रूप वाले, बौने, कुबड़े और बड़े सिर वाले, नपुंसक, अंधे, बहरे और बहुत उभरी आँखों वाले लोग जन्म लेते हैं।

श्लोक 38 (3.210.38)

पार्थिवानामधर्मत्वात्प्रजानामभवः सदा । स एष राजा जनकः प्रजा धर्मेण पश्यति ॥

pārthivānāmadharmatvātprajānāmabhavaḥ sadā | sa eṣa rājā janakaḥ prajā dharmeṇa paśyati

राजाओं के अधर्म से प्रजा का सदा विनाश होता है। यह राजा जनक अपनी प्रजा को धर्म की दृष्टि से देखता है,

श्लोक 39 (3.210.39)

अनुगृह्णन्प्रजाः सर्वाः स्वधर्मनिरताः सदा । पात्येष राजा जनकः पितृवद्द्विजसत्तम ॥

anugṛhṇanprajāḥ sarvāḥ svadharmaniratāḥ sadā | pātyeṣa rājā janakaḥ pitṛvaddvijasattama

और अपने-अपने धर्म में सदा लगी हुई समस्त प्रजा पर अनुग्रह करता है। हे द्विजश्रेष्ठ, यह राजा जनक पिता की भाँति उनकी रक्षा करता है।

श्लोक 40 (3.210.40)

येचैव मां प्रशंसन्ति येच निन्दन्ति मानवाः । सर्वान्सुपरिणीतेन कर्मणा तोषयाम्यहम् ॥

yecaiva māṃ praśaṃsanti yeca nindanti mānavāḥ | sarvānsupariṇītena karmaṇā toṣayāmyaham

जो लोग मेरी प्रशंसा करते हैं और जो मेरी निन्दा करते हैं, उन सबको मैं भलीभाँति किए गए कर्म से संतुष्ट करता हूँ।

श्लोक 41 (3.210.41)

ये जीवन्ति स्वधर्मेण संयुञ्जन्ति च पार्थिवाः । न किंचिदुपजीवन्ति दान्ता उत्थानशीलिनः ॥

ye jīvanti svadharmeṇa saṃyuñjanti ca pārthivāḥ | na kiṃcidupajīvanti dāntā utthānaśīlinaḥ

जो राजा अपने धर्म के अनुसार जीते हैं और भलीभाँति शासन करते हैं, वे संयमी और सदा उद्यमी होते हैं, और किसी दूसरे के आश्रय पर नहीं जीते।

श्लोक 42 (3.210.42)

शक्त्याऽन्नदानं सततं तितिक्षा धर्मनित्यता । यथार्हं प्रतिपूजा च सर्वभूतेषु वै दया ॥

śaktyā'nnadānaṃ satataṃ titikṣā dharmanityatā | yathārhaṃ pratipūjā ca sarvabhūteṣu vai dayā

अपनी शक्ति के अनुसार सदा अन्नदान, सहनशीलता, धर्म में निरन्तर निष्ठा, सबका यथायोग्य सत्कार और समस्त प्राणियों पर दया —

श्लोक 43 (3.210.43)

त्यागान्नान्यत्र मर्त्यानां गुणास्तिष्ठन्ति पूरुषे । मृषावादं परिहरेत्कुर्यात्प्रियमयाचितः ॥

tyāgānnānyatra martyānāṃ guṇāstiṣṭhanti pūruṣe | mṛṣāvādaṃ pariharetkuryātpriyamayācitaḥ

ये गुण मनुष्य में त्याग के बिना और किसी तरह नहीं टिकते। झूठ बोलना छोड़ देना चाहिए और बिना माँगे दूसरों का प्रिय करना चाहिए।

श्लोक 44 (3.210.44)

न च कामान्न संरम्भान्न द्वेषाद्धर्ममुत्सृजेत् । प्रिये नातिभृशं हृष्येदप्रिये न च संज्वरेत् ॥

na ca kāmānna saṃrambhānna dveṣāddharmamutsṛjet | priye nātibhṛśaṃ hṛṣyedapriye na ca saṃjvaret

काम, भय या द्वेष के कारण धर्म को नहीं छोड़ना चाहिए। प्रिय होने पर अत्यधिक हर्षित नहीं होना चाहिए और अप्रिय होने पर संताप से नहीं जलना चाहिए।

श्लोक 45 (3.210.45)

न मुह्येदर्थकृच्छ्रेषु न च धर्मं परित्यजेत् । कर्म चेत्किंचिदन्यत्स्यादितरन्न तदाचरेत् ॥

na muhyedarthakṛcchreṣu na ca dharmaṃ parityajet | karma cetkiṃcidanyatsyāditaranna tadācaret

धन के संकट में मोहग्रस्त नहीं होना चाहिए और न धर्म को त्यागना चाहिए। यदि कोई कर्म उल्टा पड़ जाए, तो वैसा कर्म फिर नहीं करना चाहिए।

श्लोक 46 (3.210.46)

यत्कल्याणमभिध्यायेत्तत्रात्मानं नियोजयेत् । न पापं प्रति पापः स्यात्साधुरेव सदा भवेत् ॥

yatkalyāṇamabhidhyāyettatrātmānaṃ niyojayet | na pāpaṃ prati pāpaḥ syātsādhureva sadā bhavet

जिसे कल्याणकारी समझे, उसी में अपने को लगाए। बुराई के बदले बुराई न करे, सदा सज्जन ही बना रहे।

श्लोक 47 (3.210.47)

आत्मनैव हतः पापो यः पापं कर्तुमिच्छति । कर्म चैतदसाधूनां वृजिनानामसाधुकम् ॥

ātmanaiva hataḥ pāpo yaḥ pāpaṃ kartumicchati | karma caitadasādhūnāṃ vṛjinānāmasādhukam

जो पापी पाप करना चाहता है, वह स्वयं अपने ही हाथों मारा जाता है। ऐसा आचरण दुष्टों और पापियों का है, और यह निन्दनीय है।

श्लोक 48 (3.210.48)

न धर्मोस्तीति मन्वानाः शुचीनवहसन्ति ये । अश्रद्दधाना धर्मस्य ते नश्यन्ति न संशयः ॥

na dharmostīti manvānāḥ śucīnavahasanti ye | aśraddadhānā dharmasya te naśyanti na saṃśayaḥ

जो "धर्म है ही नहीं" ऐसा मानकर पवित्र लोगों की हँसी उड़ाते हैं, धर्म में श्रद्धा न रखने वाले वे लोग निःसन्देह नष्ट हो जाते हैं।

श्लोक 49 (3.210.49)

महादृतिरिवाध्मातः पापो भवति नित्यदा । साधुः सन्नतिमानेव सर्वत्रद्विजसत्तम ॥

mahādṛtirivādhmātaḥ pāpo bhavati nityadā | sādhuḥ sannatimāneva sarvatradvijasattama

पापी मनुष्य सदा हवा से फूली बड़ी धौंकनी की तरह फूला रहता है; परन्तु हे द्विजश्रेष्ठ, सज्जन सर्वत्र विनम्र ही रहता है।

श्लोक 50 (3.210.50)

मूढानामवलिप्तानामसारं भाषितं भवेत् । दर्शयन्त्यन्तरात्मानं दिवा रूपमिवांशुमान् ॥

mūḍhānāmavaliptānāmasāraṃ bhāṣitaṃ bhavet | darśayantyantarātmānaṃ divā rūpamivāṃśumān

मूर्खों और घमंडियों की बातें सारहीन होती हैं; वे अपना भीतरी स्वरूप वैसे ही प्रकट कर देते हैं जैसे सूर्य दिन में रूपों को।

श्लोक 51 (3.210.51)

न लोके राजते मूर्खः केवलात्मप्रशंसया । अपिचेह मृजाहीनः कृतविद्यः प्रकाशते ॥

na loke rājate mūrkhaḥ kevalātmapraśaṃsayā | apiceha mṛjāhīnaḥ kṛtavidyaḥ prakāśate

मूर्ख केवल अपनी प्रशंसा करने से संसार में शोभा नहीं पाता; जबकि विद्वान मनुष्य मैला-कुचैला होने पर भी यहाँ चमकता है।

श्लोक 52 (3.210.52)

अब्रुवन्कस्यचिन्निन्दामात्मपूजामवर्णयन् । न कश्चिद्गुणसंपन्नः प्रकाशो भुवि दृश्यते ॥

abruvankasyacinnindāmātmapūjāmavarṇayan | na kaścidguṇasaṃpannaḥ prakāśo bhuvi dṛśyate

ऐसे मूर्ख सोचते हैं कि किसी की निन्दा किए बिना और अपनी प्रशंसा का बखान किए बिना पृथ्वी पर कोई भी गुणवान प्रसिद्ध होता नहीं दिखता।

श्लोक 53 (3.210.53)

विकर्मणा तप्यमानः पापाद्विपरिमुच्यते । न तत्कुर्यां पुनरिति द्वितीयात्परिमुच्यते ॥

vikarmaṇā tapyamānaḥ pāpādviparimucyate | na tatkuryāṃ punariti dvitīyātparimucyate

जो अनुचित कर्म के लिए पश्चात्ताप करता है, वह उस पाप से छूट जाता है; और "मैं फिर ऐसा नहीं करूँगा" — यह संकल्प करके वह दूसरे, आगे होने वाले पाप से भी छूट जाता है।

श्लोक 54 (3.210.54)

कर्मणा येन केनापि पापात्मा द्विजसत्तम । एवं श्रुतिरियं ब्रह्मन्धर्मेषु प्रतिदृश्यते ॥

karmaṇā yena kenāpi pāpātmā dvijasattama | evaṃ śrutiriyaṃ brahmandharmeṣu pratidṛśyate

हे द्विजश्रेष्ठ, किसी भी पुण्य कर्म के द्वारा पापी मनुष्य पाप से छूट जाता है — हे ब्रह्मन्, धर्म के विषय में श्रुति का यही वचन मिलता है।

श्लोक 55 (3.210.55)

पापानि बुद्ध्वेह पुरा कृतानि । स्वधर्मशीलो विनिहन्ति पश्चात् । धर्मो ब्रह्मन्नुदते ब्राह्मणानां । यत्कुर्वते पापमिह प्रमादात् ॥

pāpāni buddhveha purā kṛtāni | svadharmaśīlo vinihanti paścāt | dharmo brahmannudate brāhmaṇānāṃ | yatkurvate pāpamiha pramādāt

पहले किए गए पापों को पहचानकर, अपने धर्म में निष्ठ मनुष्य बाद में उन्हें नष्ट कर देता है। हे ब्रह्मन्, ब्राह्मण यहाँ असावधानी से जो पाप करते हैं, उन्हें धर्म दूर कर देता है।

श्लोक 56 (3.210.56)

पापं कृत्वा हि मन्येत नाहमस्मीति पूरुषः । तं तु देवाः प्रपश्यन्ति स्वस्यैवान्तरपूरुषः ॥

pāpaṃ kṛtvā hi manyeta nāhamasmīti pūruṣaḥ | taṃ tu devāḥ prapaśyanti svasyaivāntarapūruṣaḥ

पाप करके मनुष्य सोच सकता है, "यह मैंने नहीं किया।" परन्तु देवता उसे देखते हैं, और उसके अपने भीतर स्थित अन्तरात्मा भी।

श्लोक 57 (3.210.57)

चिकीर्षेदेव कल्याणं श्रद्दधानोऽनसूयकः ॥

cikīrṣedeva kalyāṇaṃ śraddadhāno'nasūyakaḥ

श्रद्धावान और ईर्ष्यारहित होकर उसे केवल कल्याणकारी कर्म ही करना चाहिए।

श्लोक 58 (3.210.58)

वसनस्येव च्छिद्राणि साधूनां विवृणोति यः । अपश्यन्नात्मनो दोषान्स पापः प्रेत्य नश्यति ॥

vasanasyeva cchidrāṇi sādhūnāṃ vivṛṇoti yaḥ | apaśyannātmano doṣānsa pāpaḥ pretya naśyati

जो सज्जनों के दोषों को वस्त्र के छेदों की तरह उघाड़ता है और अपने दोष नहीं देखता, वह पापी मरने के बाद नष्ट हो जाता है।

श्लोक 59 (3.210.59)

पापं चेत्पुरुषः कृत्वा कल्याणमभिपद्यते । मुच्यते सर्वपापेभ्यो महाभ्रेणेव चन्द्रमाः ॥

pāpaṃ cetpuruṣaḥ kṛtvā kalyāṇamabhipadyate | mucyate sarvapāpebhyo mahābhreṇeva candramāḥ

यदि मनुष्य पाप करके भी कल्याण के मार्ग पर चल पड़े, तो वह सब पापों से वैसे ही मुक्त हो जाता है जैसे चन्द्रमा बड़े बादल से।

श्लोक 60 (3.210.60)

यथाऽऽदित्यः समुद्यन्वै तमः सर्वं व्यपोहति । एवं कल्याणमातिष्ठन्सर्वपापैः प्रमुच्यते ॥

yathā''dityaḥ samudyanvai tamaḥ sarvaṃ vyapohati | evaṃ kalyāṇamātiṣṭhansarvapāpaiḥ pramucyate

जैसे उदय होता हुआ सूर्य सारे अन्धकार को दूर कर देता है, वैसे ही कल्याणकारी आचरण करने वाला सब पापों से छूट जाता है।

श्लोक 61 (3.210.61)

पापानां विद्ध्यधिष्ठानं लोभमोहौ द्विजोत्तम । तस्मात्तौ विदुषा विप्र वर्जनीयौ विशेषतः ॥

pāpānāṃ viddhyadhiṣṭhānaṃ lobhamohau dvijottama | tasmāttau viduṣā vipra varjanīyau viśeṣataḥ

हे द्विजोत्तम, लोभ और मोह को पापों का आधार जानो। इसलिए, हे विप्र, विद्वान को इन दोनों का विशेष रूप से त्याग करना चाहिए।

श्लोक 62 (3.210.62)

लुब्धाः पापं व्यवस्यन्ति नरा नातिबहुश्रुताः । अधर्म्या धर्मरूपेण तृणैः कूपा इवावृताः ॥

lubdhāḥ pāpaṃ vyavasyanti narā nātibahuśrutāḥ | adharmyā dharmarūpeṇa tṛṇaiḥ kūpā ivāvṛtāḥ

अल्पज्ञ लोभी लोग पाप करने का निश्चय कर लेते हैं। वे धर्म का वेश धारण किए हुए अधर्मी होते हैं, घास से ढके कुओं की तरह।

श्लोक 63 (3.210.63)

येषां पञ्च पवित्राणि प्रलापा धर्मसंश्रिताः । सर्वं हि विद्यते तेषु शिष्टाचारः सुदुर्लभः ॥

yeṣāṃ pañca pavitrāṇi pralāpā dharmasaṃśritāḥ | sarvaṃ hi vidyate teṣu śiṣṭācāraḥ sudurlabhaḥ

भले ही उनमें पाँचों पवित्र करने वाले साधन हों और उनकी बातें धर्म का सहारा लेती हों — उनमें सब कुछ पाया जाता है, पर शिष्टों का आचरण अत्यन्त दुर्लभ है।"