दुर्योधन का वैष्णव यज्ञ

श्लोक 1 (3.257.1)

ततस्तु शिल्पिनः सर्वं कृतमूचुर्नराधिपम् । विदुरश्च महाप्राज्ञो धृतराष्ट्रे न्यवेदयत् ॥

tatastu śilpinaḥ sarvaṃ kṛtamūcurnarādhipam | viduraśca mahāprājño dhṛtarāṣṭre nyavedayat

वैशम्पायन बोले — तब सब शिल्पियों ने राजा को बताया कि सारा काम हो गया है, और परम बुद्धिमान विदुर ने धृतराष्ट्र को सूचना दी —

श्लोक 2 (3.257.2)

सज्जं क्रतुवरं राजन्कालप्राप्तं च भारत । सौवर्णं च कृतं सर्वं लाङ्गलं च महाधनम् ॥

sajjaṃ kratuvaraṃ rājankālaprāptaṃ ca bhārata | sauvarṇaṃ ca kṛtaṃ sarvaṃ lāṅgalaṃ ca mahādhanam

"हे राजन्, हे भारत! वह श्रेष्ठ यज्ञ तैयार है और उसका समय भी आ गया है; सोने की सारी वस्तुएँ बन चुकी हैं और बहुमूल्य हल भी।"

श्लोक 3 (3.257.3)

एतच्छ्रुत्वा नृपश्रेष्ठो धृतराष्ट्रो विशांपते । आज्ञापयामास नृपः क्रतुराजप्रवर्तनम् ॥

etacchrutvā nṛpaśreṣṭho dhṛtarāṣṭro viśāṃpate | ājñāpayāmāsa nṛpaḥ kraturājapravartanam

हे प्रजानाथ! यह सुनकर नृपश्रेष्ठ धृतराष्ट्र ने उस श्रेष्ठ यज्ञ को आरम्भ करने की आज्ञा दी।

श्लोक 4 (3.257.4)

ततः प्रववृते यज्ञः प्रभूतार्थः सुसंस्कृतः । दीक्षितश्चापि गान्धारिर्यथाशास्त्रं यथाक्रमम् ॥

tataḥ pravavṛte yajñaḥ prabhūtārthaḥ susaṃskṛtaḥ | dīkṣitaścāpi gāndhāriryathāśāstraṃ yathākramam

तब धन-सम्पन्न और भली-भाँति सजाया हुआ यज्ञ आरम्भ हुआ, और गान्धारीपुत्र दुर्योधन ने शास्त्र और क्रम के अनुसार यज्ञ की दीक्षा ली।

श्लोक 5 (3.257.5)

प्रहृष्टो धृतराष्ट्रश्च विदुरश्च महायशाः । भीष्मो द्रोणः कृपः कर्णो गान्धारी च यशस्विनी ॥

prahṛṣṭo dhṛtarāṣṭraśca viduraśca mahāyaśāḥ | bhīṣmo droṇaḥ kṛpaḥ karṇo gāndhārī ca yaśasvinī

धृतराष्ट्र प्रसन्न हुए, और यशस्वी विदुर, भीष्म, द्रोण, कृप, कर्ण तथा यशस्विनी गान्धारी भी।

श्लोक 6 (3.257.6)

निमन्त्रणार्थं दूतांश्च प्रेषयामास शीघ्रगान् । पार्थिवानां च राजेन्द्र ब्राह्मणानां तथैव च ॥

nimantraṇārthaṃ dūtāṃśca preṣayāmāsa śīghragān | pārthivānāṃ ca rājendra brāhmaṇānāṃ tathaiva ca

हे राजेन्द्र! उसने पृथ्वी के राजाओं और ब्राह्मणों को निमन्त्रण देने के लिए शीघ्रगामी दूत भेजे।

श्लोक 7 (3.257.7)

ते प्रयाता यथोद्दिष्टा दूतास्त्वरितवाहनाः । तत्र कंचित्प्रयान्तं तु दूतं दुःशासनोऽब्रवीत् ॥

te prayātā yathoddiṣṭā dūtāstvaritavāhanāḥ | tatra kaṃcitprayāntaṃ tu dūtaṃ duḥśāsano'bravīt

दूत आदेश के अनुसार तेज़ वाहनों पर चल पड़े। तब जाते हुए एक दूत से दुःशासन ने कहा —

श्लोक 8 (3.257.8)

गच्छ द्वैतवनं शीघ्रं पाण्डवान्पापपूरुषान् । निमन्त्रय यथान्यायं विप्रांस्तस्मिन्वने तदा ॥

gaccha dvaitavanaṃ śīghraṃ pāṇḍavānpāpapūruṣān | nimantraya yathānyāyaṃ viprāṃstasminvane tadā

"शीघ्र द्वैतवन जाओ और उन पापी पाण्डवों को तथा उस वन में रहने वाले ब्राह्मणों को भी यथोचित रूप से निमन्त्रण दो।"

श्लोक 9 (3.257.9)

स गत्वा पाण्डवान्सर्वानुवाचाभिप्रणम्य च । दुर्योधनो महाराज यजते नृपसत्तमः ॥

sa gatvā pāṇḍavānsarvānuvācābhipraṇamya ca | duryodhano mahārāja yajate nṛpasattamaḥ

वह सब पाण्डवों के पास गया और प्रणाम करके बोला — "हे महाराज! नृपश्रेष्ठ दुर्योधन यज्ञ कर रहे हैं;

श्लोक 10 (3.257.10)

स्ववीर्यार्जितमर्थौघमवाप्य कुरुसत्तमः । तत्र गच्छन्ति राजानो ब्राह्मणाश्च ततस्ततः ॥

svavīryārjitamarthaughamavāpya kurusattamaḥ | tatra gacchanti rājāno brāhmaṇāśca tatastataḥ

उस कुरुश्रेष्ठ ने अपने पराक्रम से धन का भण्डार पाया है। वहाँ जगह-जगह से राजा और ब्राह्मण जा रहे हैं।

श्लोक 11 (3.257.11)

अहं तु प्रेषितो राजन्कौरवेण महात्मना । आमन्त्रयति वो राजा धार्तराष्ट्रो जनेश्वरः । मनोभिलषितं राज्ञस्तं क्रतुं द्रष्टुमर्हथ ॥

ahaṃ tu preṣito rājankauraveṇa mahātmanā | āmantrayati vo rājā dhārtarāṣṭro janeśvaraḥ | manobhilaṣitaṃ rājñastaṃ kratuṃ draṣṭumarhatha

हे राजन्! मुझे महात्मा कौरव ने भेजा है। धृतराष्ट्रपुत्र राजा, जनेश्वर दुर्योधन आप लोगों को आमन्त्रित करते हैं — राजा के मन को प्रिय उस यज्ञ को आप आकर देखें।"

श्लोक 12 (3.257.12)

ततो युधिष्ठिरो राजा तच्छ्रुत्वा दूतभाषितम् । अब्रवीन्नृपशार्दूलो दिष्ट्या राजा सुयोधनः । यजते क्रतुमुख्येन पूर्वेषां कीर्तिवर्धनः ॥

tato yudhiṣṭhiro rājā tacchrutvā dūtabhāṣitam | abravīnnṛpaśārdūlo diṣṭyā rājā suyodhanaḥ | yajate kratumukhyena pūrveṣāṃ kīrtivardhanaḥ

दूत की बात सुनकर राजाओं में सिंह के समान राजा युधिष्ठिर ने कहा — "सौभाग्य की बात है कि राजा सुयोधन पूर्वजों की कीर्ति बढ़ाते हुए श्रेष्ठ यज्ञ कर रहे हैं।

श्लोक 13 (3.257.13)

वयमप्युपयास्यामो न त्विदानीं कथंचन । समयः परिपाल्यो नो यावद्वर्षं त्रयोदशम् ॥

vayamapyupayāsyāmo na tvidānīṃ kathaṃcana | samayaḥ paripālyo no yāvadvarṣaṃ trayodaśam

हम भी आते, पर अभी किसी भी तरह नहीं; तेरहवाँ वर्ष पूरा होने तक हमें अपनी प्रतिज्ञा का पालन करना है।"

श्लोक 14 (3.257.14)

श्रुत्वैतद्धर्मराजस्य भीमो वचनमब्रवीत् । तदा तु नृपतिर्गन्ता धर्मराजो युधिष्ठिरः ॥

śrutvaitaddharmarājasya bhīmo vacanamabravīt | tadā tu nṛpatirgantā dharmarājo yudhiṣṭhiraḥ

धर्मराज की यह बात सुनकर भीम बोले — "धर्मराज राजा युधिष्ठिर तब जाएँगे,

श्लोक 15 (3.257.15)

अस्त्रशस्त्रप्रदीप्तेऽग्नौ यदा तं पातयिष्यति । वर्षात्रयोदशादूर्ध्वं रणसत्रे नराधिपः ॥

astraśastrapradīpte'gnau yadā taṃ pātayiṣyati | varṣātrayodaśādūrdhvaṃ raṇasatre narādhipaḥ

जब तेरहवें वर्ष के बाद रणयज्ञ में वे उस राजा को अस्त्र-शस्त्रों से धधकती आग में झोंक देंगे।

श्लोक 16 (3.257.16)

यदा क्रोधहविर्मोक्ता धार्तराष्ट्रेषु पाण्डवः । आगन्तारस्तदा स्मेति वाच्यस्ते स सुयोधनः ॥

yadā krodhahavirmoktā dhārtarāṣṭreṣu pāṇḍavaḥ | āgantārastadā smeti vācyaste sa suyodhanaḥ

जब पाण्डव धृतराष्ट्र के पुत्रों पर अपने क्रोध की आहुति डालेंगे, तब हम आएँगे — यही बात तुम सुयोधन से कहना।"

श्लोक 17 (3.257.17)

शेषास्तु पाण्डवा राजन्नैवोचुः किंचिदप्रियम् । दूतश्चापि यथावृत्तं धार्तराष्ट्रे न्यवेदयत् ॥

śeṣāstu pāṇḍavā rājannaivocuḥ kiṃcidapriyam | dūtaścāpi yathāvṛttaṃ dhārtarāṣṭre nyavedayat

हे राजन्! शेष पाण्डवों ने कोई अप्रिय बात नहीं कही, और दूत ने जो कुछ हुआ था वह ज्यों-का-त्यों धृतराष्ट्रपुत्र को बता दिया।

श्लोक 18 (3.257.18)

अथाजग्मुर्नरश्रेष्ठा नानाजनपदेश्वराः । ब्राह्मणाश्च महाभाग धार्तराष्ट्रपुरं प्रति ॥

athājagmurnaraśreṣṭhā nānājanapadeśvarāḥ | brāhmaṇāśca mahābhāga dhārtarāṣṭrapuraṃ prati

हे महाभाग! तब अनेक जनपदों के स्वामी श्रेष्ठ नरेश और ब्राह्मण भी धृतराष्ट्रपुत्र के नगर में आए।

श्लोक 19 (3.257.19)

ते त्वर्चिता यथाशास्त्रं यथाविधि यथाक्रमम् । मुदा परमया युक्ताः प्रीताश्चापि नरेश्वराः ॥

te tvarcitā yathāśāstraṃ yathāvidhi yathākramam | mudā paramayā yuktāḥ prītāścāpi nareśvarāḥ

शास्त्र, विधि और क्रम के अनुसार सत्कार पाकर वे नरेश अत्यन्त आनन्दित और सन्तुष्ट हुए।

श्लोक 20 (3.257.20)

धृतराष्ट्रोऽपि राजेन्द्र संवृतः सर्वकौरवैः । हर्षेण महता युक्तो विदुरं प्रत्यभाषत ॥

dhṛtarāṣṭro'pi rājendra saṃvṛtaḥ sarvakauravaiḥ | harṣeṇa mahatā yukto viduraṃ pratyabhāṣata

हे राजेन्द्र! धृतराष्ट्र ने भी सब कौरवों से घिरे हुए, बड़े हर्ष के साथ विदुर से कहा —

श्लोक 21 (3.257.21)

यथा सुखी जनः सर्वः क्षत्तः स्यादन्नसंयुतः । तुष्येत्तु यज्ञसदने तथा नीतिर्विधीयताम् ॥

yathā sukhī janaḥ sarvaḥ kṣattaḥ syādannasaṃyutaḥ | tuṣyettu yajñasadane tathā nītirvidhīyatām

"हे क्षत्ता! ऐसी व्यवस्था करो कि यज्ञमण्डप में सब लोग सुखी, भरपेट भोजन पाए हुए और सन्तुष्ट रहें।"

श्लोक 22 (3.257.22)

विदुरस्तु तदाज्ञाय सर्ववर्णानरिंदम । यथा प्रमाणतो विद्वान्पूजयामास धर्मवित् ॥

vidurastu tadājñāya sarvavarṇānariṃdama | yathā pramāṇato vidvānpūjayāmāsa dharmavit

हे शत्रुदमन! यह समझकर धर्मज्ञ और विद्वान विदुर ने सभी वर्णों के लोगों का उनकी योग्यता के अनुसार सम्मान किया,

श्लोक 23 (3.257.23)

भक्ष्यपेयान्नपानेन माल्यैश्चापि सुगन्धिभिः । वासोभिर्विविधैश्चैव योजयामास हृष्टवत् ॥

bhakṣyapeyānnapānena mālyaiścāpi sugandhibhiḥ | vāsobhirvividhaiścaiva yojayāmāsa hṛṣṭavat

और प्रसन्नतापूर्वक उन्हें खाने-पीने की वस्तुएँ, सुगन्धित मालाएँ और अनेक प्रकार के वस्त्र दिए।

श्लोक 24 (3.257.24)

कृत्वा ह्यवभृथं वीरो यथाशास्त्रं यथाक्रमम् । सान्त्वयित्वा च राजेन्द्रो दत्त्वा च विविधं वसु । विसर्जयामास नृपान्ब्राह्मणांश्च सहस्रशः ॥

kṛtvā hyavabhṛthaṃ vīro yathāśāstraṃ yathākramam | sāntvayitvā ca rājendro dattvā ca vividhaṃ vasu | visarjayāmāsa nṛpānbrāhmaṇāṃśca sahasraśaḥ

उस वीर ने शास्त्र और क्रम के अनुसार अवभृथ स्नान किया; फिर उस राजेन्द्र ने मधुर वचनों से सान्त्वना देकर और अनेक प्रकार का धन देकर हज़ारों राजाओं और ब्राह्मणों को विदा किया।

श्लोक 25 (3.257.25)

विसृज्यच नृपान्सर्वान्भ्रातृभिः परिवारितः । विवेश हास्तिनपुरं सहितः कर्णसौबलैः ॥

visṛjyaca nṛpānsarvānbhrātṛbhiḥ parivāritaḥ | viveśa hāstinapuraṃ sahitaḥ karṇasaubalaiḥ

सब राजाओं को विदा करके, भाइयों से घिरा हुआ वह कर्ण और सुबलपुत्र शकुनि के साथ हस्तिनापुर में प्रविष्ट हुआ।