रावण का जन्म और ब्रह्मा के वरदान

श्लोक 1 (3.276.1)

पुलस्त्यस्य तु यः क्रोधादर्धदेहोऽभवन्मुनिः । विश्रवानाम सक्रोधः स वैश्रवणमैक्षत ॥

pulastyasya tu yaḥ krodhādardhadeho'bhavanmuniḥ | viśravānāma sakrodhaḥ sa vaiśravaṇamaikṣata

पुलस्त्य के क्रोध से जो मुनि उनके आधे शरीर के रूप में प्रकट हुए, उनका नाम विश्रवा था; वे क्रोध से भरकर वैश्रवण (कुबेर) की ओर देखने लगे।

श्लोक 2 (3.276.2)

बुबुधे तं तु सक्रोधं पितरं राक्षसेश्वरः । कुबेरस्तत्प्रसादार्थं यतते स्म सदा नृप ॥

bubudhe taṃ tu sakrodhaṃ pitaraṃ rākṣaseśvaraḥ | kuberastatprasādārthaṃ yatate sma sadā nṛpa

राक्षसों के स्वामी कुबेर ने जान लिया कि पिता उनसे रुष्ट हैं, और हे राजन्, वे उन्हें प्रसन्न करने का निरन्तर प्रयत्न करने लगे।

श्लोक 3 (3.276.3)

स राजराजो लङ्कायां न्यवसन्नरवाहनः । राक्षसीः प्रददौ तिस्रः पितुर्वै परिचारिकाः ॥

sa rājarājo laṅkāyāṃ nyavasannaravāhanaḥ | rākṣasīḥ pradadau tisraḥ piturvai paricārikāḥ

मनुष्यों को वाहन बनाने वाले वे राजराज लङ्का में रहते थे; उन्होंने अपने पिता की सेवा के लिए तीन राक्षसियाँ दीं।

श्लोक 4 (3.276.4)

ताः सदा तं महात्मानं संतोषयितुमुद्यताः । ऋषिं भरतशार्दूल नृत्यगीतविशारदाः ॥

tāḥ sadā taṃ mahātmānaṃ saṃtoṣayitumudyatāḥ | ṛṣiṃ bharataśārdūla nṛtyagītaviśāradāḥ

हे भरतश्रेष्ठ, नृत्य और गीत में निपुण वे स्त्रियाँ उन महात्मा ऋषि को प्रसन्न करने में सदा लगी रहती थीं।

श्लोक 5 (3.276.5)

पुष्पोत्कटा च राका च मालिनी च विशांपते । अन्योन्यस्पर्धयाराजञ्श्रेयस्कामाः सुमध्यमाः ॥

puṣpotkaṭā ca rākā ca mālinī ca viśāṃpate | anyonyaspardhayārājañśreyaskāmāḥ sumadhyamāḥ

हे प्रजानाथ, वे थीं पुष्पोत्कटा, राका और मालिनी; हे राजन्, पतली कमर वाली वे तीनों एक-दूसरे से होड़ करती हुई अपना कल्याण चाहती थीं।

श्लोक 6 (3.276.6)

स तासां भगवांस्तुष्टो महात्मा प्रददौ वरान् । लोकपालोपमान्पुत्रानेकैकस्या यथेप्सितान् ॥

sa tāsāṃ bhagavāṃstuṣṭo mahātmā pradadau varān | lokapālopamānputrānekaikasyā yathepsitān

उनसे प्रसन्न होकर उन महात्मा भगवान् मुनि ने उन्हें वर दिए: प्रत्येक को उसकी इच्छा के अनुसार लोकपालों के समान पुत्र।

श्लोक 7 (3.276.7)

पुष्पोत्कटायां जज्ञाते द्वौ पुत्रौ राक्षसेश्वरौ । कुम्भकर्णदशग्रीवौ बलेनाप्रतिमौ भुवि ॥

puṣpotkaṭāyāṃ jajñāte dvau putrau rākṣaseśvarau | kumbhakarṇadaśagrīvau balenāpratimau bhuvi

पुष्पोत्कटा से दो पुत्र जन्मे, जो राक्षसों के स्वामी बने: कुम्भकर्ण और दशग्रीव, जिनके बल की पृथ्वी पर कोई बराबरी नहीं थी।

श्लोक 8 (3.276.8)

मालिनी जनयामास पुत्रमेकं विभीषणम् । राकायां मिथुनं जज्ञे खरः शूर्पणखा तथा ॥

mālinī janayāmāsa putramekaṃ vibhīṣaṇam | rākāyāṃ mithunaṃ jajñe kharaḥ śūrpaṇakhā tathā

मालिनी ने एक ही पुत्र विभीषण को जन्म दिया; और राका से जुड़वाँ सन्तान हुई, खर और शूर्पणखा।

श्लोक 9 (3.276.9)

विभीषणस्तु रूपेण सर्वेभ्योऽभ्यधिकोऽभवत् । स बभूव महाभागो धर्मगोप्ता क्रियारतिः ॥

vibhīṣaṇastu rūpeṇa sarvebhyo'bhyadhiko'bhavat | sa babhūva mahābhāgo dharmagoptā kriyāratiḥ

विभीषण रूप में सबसे बढ़कर थे; वे बड़े भाग्यशाली, धर्म के रक्षक और यज्ञ-कर्मों में अनुरक्त थे।

श्लोक 10 (3.276.10)

दशग्रीवस्तु सर्वेषां श्रेष्ठो राक्षसपुङ्गवः । महोत्साहो महावीर्यो महासत्वपराक्रमः ॥

daśagrīvastu sarveṣāṃ śreṣṭho rākṣasapuṅgavaḥ | mahotsāho mahāvīryo mahāsatvaparākramaḥ

दशग्रीव उन सबमें श्रेष्ठ था, राक्षसों में प्रमुख; वह महान् उत्साह, महान् वीर्य तथा महान् बल और पराक्रम से युक्त था।

श्लोक 11 (3.276.11)

कुम्भकर्णो बलेनासीत्सर्वेभ्योऽभ्यधिको युधि । मायावी रणशौण्डश्चरौद्रश्च रजनीचरः ॥

kumbhakarṇo balenāsītsarvebhyo'bhyadhiko yudhi | māyāvī raṇaśauṇḍaścaraudraśca rajanīcaraḥ

कुम्भकर्ण युद्ध में बल में सबसे बढ़कर था; वह मायावी, रण में प्रचण्ड और भयंकर निशाचर था।

श्लोक 12 (3.276.12)

खरो धनुषि विक्रान्तो ब्रह्मद्विट् पिशिताशनः । सिद्धविघ्नकरी चापि रौद्री शूर्पणखा तदा ॥

kharo dhanuṣi vikrānto brahmadviṭ piśitāśanaḥ | siddhavighnakarī cāpi raudrī śūrpaṇakhā tadā

खर धनुष चलाने में पराक्रमी, ब्राह्मणों से द्वेष रखने वाला और मांसभक्षी था; और शूर्पणखा भयंकर थी, जो सिद्धों के कार्यों में विघ्न डालती थी।

श्लोक 13 (3.276.13)

सर्वे वेदविदः शूराः सर्वेसुचरितव्रताः । ऊषुः पित्रा सह रता गन्धमादनपर्वते ॥

sarve vedavidaḥ śūrāḥ sarvesucaritavratāḥ | ūṣuḥ pitrā saha ratā gandhamādanaparvate

वे सभी वेदों के ज्ञाता, शूरवीर और अपने व्रतों का भली-भाँति पालन करने वाले थे; वे गन्धमादन पर्वत पर पिता के साथ आनन्द से रहते थे।

श्लोक 14 (3.276.14)

ततो वैश्रवणं तत्र ददृशुर्नरवाहनम् । पित्रा सार्धं समासीनमृद्ध्या परमया युतम् ॥

tato vaiśravaṇaṃ tatra dadṛśurnaravāhanam | pitrā sārdhaṃ samāsīnamṛddhyā paramayā yutam

वहाँ उन्होंने मनुष्य-वाहन वैश्रवण को परम ऐश्वर्य से युक्त होकर पिता के साथ बैठे देखा।

श्लोक 15 (3.276.15)

जातामर्षास्ततस्ते तु तपसे धृतनिश्चयाः । ब्रह्माणं तोषयामासुर्घोरेण तपसा तदा ॥

jātāmarṣāstataste tu tapase dhṛtaniścayāḥ | brahmāṇaṃ toṣayāmāsurghoreṇa tapasā tadā

तब उनके मन में असहिष्णुता जागी, और तप का दृढ़ निश्चय करके उन्होंने घोर तपस्या से ब्रह्मा को प्रसन्न किया।

श्लोक 16 (3.276.16)

अतिष्ठदेकपादेन सहस्रं परिवत्सरान् । वायुभक्षो दशग्रीवः पञ्चाग्निः सुसमाहितः ॥

atiṣṭhadekapādena sahasraṃ parivatsarān | vāyubhakṣo daśagrīvaḥ pañcāgniḥ susamāhitaḥ

दशग्रीव एक हज़ार वर्ष तक एक पैर पर खड़ा रहा; वह वायु पीकर रहता, पञ्चाग्नि के बीच तप करता और मन को पूर्णतः एकाग्र रखता था।

श्लोक 17 (3.276.17)

अधःशायी कुम्भकर्णो यताहारो यतव्रतः । विभीषणः शीर्णपर्णमेकमभ्यवहारयन् ॥

adhaḥśāyī kumbhakarṇo yatāhāro yatavrataḥ | vibhīṣaṇaḥ śīrṇaparṇamekamabhyavahārayan

कुम्भकर्ण भूमि पर सोता, आहार को संयमित रखता और व्रत में दृढ़ रहता था; विभीषण केवल एक सूखा पत्ता खाकर,

श्लोक 18 (3.276.18)

उपवासरतिर्धीमान्सदा जप्यपरायणः । तमेव कालमातिष्ठत्तीव्रं तप उदारधीः ॥

upavāsaratirdhīmānsadā japyaparāyaṇaḥ | tameva kālamātiṣṭhattīvraṃ tapa udāradhīḥ

उपवास में रुचि रखते हुए, सदा जप में लगे रहकर, उन उदार-बुद्धि और विवेकी विभीषण ने उतने ही समय तक तीव्र तप किया।

श्लोक 19 (3.276.19)

खरः शूर्पणखा चैव तेषां वै तप्यतां तपः । परिचर्यां च रक्षां च चक्रतुर्हृष्टमानसौ ॥

kharaḥ śūrpaṇakhā caiva teṣāṃ vai tapyatāṃ tapaḥ | paricaryāṃ ca rakṣāṃ ca cakraturhṛṣṭamānasau

जब वे तप कर रहे थे, तब खर और शूर्पणखा प्रसन्न मन से उनकी सेवा और रक्षा करते रहे।

श्लोक 20 (3.276.20)

पूर्णे वर्षसहस्रेतु शिरश्छित्त्वा दशाननः । जुहोत्यग्नौ दुराधर्षस्तेनातुष्यज्जगत्प्रभुः ॥

pūrṇe varṣasahasretu śiraśchittvā daśānanaḥ | juhotyagnau durādharṣastenātuṣyajjagatprabhuḥ

पूरे एक हज़ार वर्ष बीतने पर उस दुर्जय दशानन ने अपना सिर काटकर अग्नि में आहुति दे दी; इससे जगत् के स्वामी ब्रह्मा प्रसन्न हुए।

श्लोक 21 (3.276.21)

ततो ब्रह्मा स्वयं गत्वा तपसस्तान्न्यवारयत् । प्रलोभ्यवरदानेन सर्वानेवपृथक्पृथक् ॥

tato brahmā svayaṃ gatvā tapasastānnyavārayat | pralobhyavaradānena sarvānevapṛthakpṛthak

तब ब्रह्मा स्वयं उनके पास गए और प्रत्येक को अलग-अलग वरदान का प्रलोभन देकर उन्हें तप से रोका।

श्लोक 22 (3.276.22)

प्रीतोऽस्मि वो निवर्तध्वं वरान्वृणुत पुत्रकाः । यद्यदिष्टमृते त्वेकममरत्वं तथाऽस्तु तत् ॥

prīto'smi vo nivartadhvaṃ varānvṛṇuta putrakāḥ | yadyadiṣṭamṛte tvekamamaratvaṃ tathā'stu tat

"मैं तुमसे प्रसन्न हूँ। पुत्रो, अब रुक जाओ और वर माँगो। एक अमरत्व को छोड़कर तुम जो कुछ चाहोगे, वह वैसा ही होगा।

श्लोक 23 (3.276.23)

यद्यदग्नौ हुतं सर्वं शिरस्ते महदीप्सया । तथैव तानि ते देहे भविष्यन्ति यथेप्सया ॥

yadyadagnau hutaṃ sarvaṃ śiraste mahadīpsayā | tathaiva tāni te dehe bhaviṣyanti yathepsayā

"महानता की कामना से तुमने जो-जो सिर अग्नि में होम किए हैं, वे सब तुम्हारी इच्छा के अनुसार पहले की तरह तुम्हारे शरीर पर फिर से होंगे।

श्लोक 24 (3.276.24)

वैरूप्यं च न ते देहे कामरूपधरस्तथा । भविष्यसि रणेऽरीणां विजेता न च संशयः ॥

vairūpyaṃ ca na te dehe kāmarūpadharastathā | bhaviṣyasi raṇe'rīṇāṃ vijetā na ca saṃśayaḥ

"तुम्हारे शरीर पर कोई विकृति न रहेगी; तुम इच्छानुसार रूप धारण कर सकोगे और युद्ध में शत्रुओं को जीतोगे, इसमें सन्देह नहीं।"

श्लोक 25 (3.276.25)

गन्धर्वदेवासुरतो यक्षराक्षसतस्तथा । सर्पकिंनरभूतेभ्यो न मे भूयात्पराभवः ॥

gandharvadevāsurato yakṣarākṣasatastathā | sarpakiṃnarabhūtebhyo na me bhūyātparābhavaḥ

"गन्धर्व, देवता, असुर, यक्ष, राक्षस, सर्प, किन्नर और भूत, इनमें से किसी से मेरी पराजय न हो।"

श्लोक 26 (3.276.26)

य एते कीर्तिताः सर्वे न तेभ्योस्ति भयं तव । ऋते मनुष्याद्भद्रं ते तथा तद्विहितं मया ॥

ya ete kīrtitāḥ sarve na tebhyosti bhayaṃ tava | ṛte manuṣyādbhadraṃ te tathā tadvihitaṃ mayā

"जिन-जिनका तुमने नाम लिया है, उनमें से किसी से तुम्हें भय नहीं होगा, केवल मनुष्य को छोड़कर। तुम्हारा कल्याण हो; मैंने ऐसा ही विधान कर दिया है।"

श्लोक 27 (3.276.27)

एवमुक्तो दशग्रीवस्तुष्टः समभवत्तदा । अवमेने हि दुर्बुद्धिर्मनुष्यान्पुरुषादकः ॥

evamukto daśagrīvastuṣṭaḥ samabhavattadā | avamene hi durbuddhirmanuṣyānpuruṣādakaḥ

यह सुनकर दशग्रीव सन्तुष्ट हो गया; क्योंकि वह दुर्बुद्धि नरभक्षी मनुष्यों को तुच्छ समझता था।

श्लोक 28 (3.276.28)

कुम्भकर्णमथोवाच तथैव प्रपितामहः । वरं वृणीष्व भद्रं ते प्रीतोस्मीति पुनःपुनः । स वव्रे महतीं निद्रां तमसा ग्रस्तचेतनः ॥

kumbhakarṇamathovāca tathaiva prapitāmahaḥ | varaṃ vṛṇīṣva bhadraṃ te prītosmīti punaḥpunaḥ | sa vavre mahatīṃ nidrāṃ tamasā grastacetanaḥ

फिर प्रपितामह ब्रह्मा ने उसी प्रकार कुम्भकर्ण से बार-बार कहा, "तुम्हारा कल्याण हो, वर माँगो; मैं प्रसन्न हूँ।" तमोगुण से जिसकी चेतना ढँकी हुई थी, उस कुम्भकर्ण ने लम्बी और गहरी नींद माँगी।

श्लोक 29 (3.276.29)

तथाभविष्यतीत्युक्त्वा विभीषणमुवाच ह । वरं वृणीष्व पुत्र त्वं प्रीतोऽस्मीति पुनःपुनः ॥

tathābhaviṣyatītyuktvā vibhīṣaṇamuvāca ha | varaṃ vṛṇīṣva putra tvaṃ prīto'smīti punaḥpunaḥ

"ऐसा ही होगा" कहकर ब्रह्मा ने विभीषण से बार-बार कहा, "पुत्र, वर माँगो; मैं प्रसन्न हूँ।"

श्लोक 30 (3.276.30)

परमापद्गतस्यापि नाधर्मे मे मतिर्भवेत् । अशिक्षितं च भगवन्ब्रह्मास्त्रं प्रतिभातु मे ॥

paramāpadgatasyāpi nādharme me matirbhavet | aśikṣitaṃ ca bhagavanbrahmāstraṃ pratibhātu me

"घोर विपत्ति में पड़कर भी मेरी बुद्धि अधर्म की ओर न जाए; और हे भगवन्, बिना सीखे ही ब्रह्मास्त्र मेरे मन में प्रकट हो जाए।"

श्लोक 31 (3.276.31)

यस्माद्राक्षसयोनौ ते जातस्यामित्रकर्शन । नाधर्मे धीयते बुद्धिरमरत्वं ददानि ते ॥

yasmādrākṣasayonau te jātasyāmitrakarśana | nādharme dhīyate buddhiramaratvaṃ dadāni te

"हे शत्रुसंहारक, राक्षस-योनि में जन्म लेकर भी तुम्हारी बुद्धि अधर्म में नहीं लगती, इसलिए मैं तुम्हें अमरत्व देता हूँ।"

श्लोक 32 (3.276.32)

राक्षसस्तु वरंलब्ध्वा दशग्रीवो विशांपते । लङ्कायाश्च्यावयामास युधि जित्वा धनेश्वरम् ॥

rākṣasastu varaṃlabdhvā daśagrīvo viśāṃpate | laṅkāyāścyāvayāmāsa yudhi jitvā dhaneśvaram

हे प्रजानाथ, वर पाकर राक्षस दशग्रीव ने युद्ध में धन के स्वामी कुबेर को हराकर लङ्का से निकाल दिया।

श्लोक 33 (3.276.33)

हित्वास भगवाँल्लङ्कामाविशद्गन्धमादनम् । गन्धर्वयक्षानुगतो रक्षःकिंपुरुषैः सह ॥

hitvāsa bhagavām̐llaṅkāmāviśadgandhamādanam | gandharvayakṣānugato rakṣaḥkiṃpuruṣaiḥ saha

भगवान् कुबेर लङ्का छोड़कर गन्धमादन चले गए; गन्धर्व और यक्ष उनके पीछे चले, और राक्षस तथा किम्पुरुष भी उनके साथ थे।

श्लोक 34 (3.276.34)

विमानं पुष्पकं तस्य जहाराक्रम्य रावणः । शशाप तं वैश्रवणो न त्वामेतद्वहिष्यति ॥

vimānaṃ puṣpakaṃ tasya jahārākramya rāvaṇaḥ | śaśāpa taṃ vaiśravaṇo na tvāmetadvahiṣyati

रावण ने बलपूर्वक उनका पुष्पक विमान छीन लिया। तब वैश्रवण ने उसे शाप दिया, "यह तुम्हें नहीं ढोएगा;

श्लोक 35 (3.276.35)

यस्तु त्वां समरे हन्ता तमेवैतद्वहिष्यति । अवमत्य गुरुं मां च क्षिप्रं त्वंनभविष्यसि ॥

yastu tvāṃ samare hantā tamevaitadvahiṣyati | avamatya guruṃ māṃ ca kṣipraṃ tvaṃnabhaviṣyasi

"यह केवल उसी को ढोएगा जो युद्ध में तुम्हारा वध करेगा। और मुझ बड़े का अपमान करने के कारण तुम शीघ्र ही नष्ट हो जाओगे।"

श्लोक 36 (3.276.36)

विभीषणस्तु धर्मात्मा सतां मार्गमनुस्मरन् । अन्वगच्छन्महाराज श्रिया परमया युतः ॥

vibhīṣaṇastu dharmātmā satāṃ mārgamanusmaran | anvagacchanmahārāja śriyā paramayā yutaḥ

हे महाराज, धर्मात्मा विभीषण सज्जनों के मार्ग का स्मरण करते हुए परम शोभा से युक्त होकर कुबेर के पीछे चल दिए।

श्लोक 37 (3.276.37)

तस्मै स भगवांस्तुष्टो भ्राता भ्रात्रे धनेश्वरः । सैनापत्यं ददौ धीमान्यक्षराक्षससेनयोः ॥

tasmai sa bhagavāṃstuṣṭo bhrātā bhrātre dhaneśvaraḥ | saināpatyaṃ dadau dhīmānyakṣarākṣasasenayoḥ

उनसे प्रसन्न होकर बुद्धिमान् भगवान् धनेश्वर ने, भाई होने के नाते, अपने भाई को यक्षों और राक्षसों की सेनाओं का सेनापतित्व दे दिया।

श्लोक 38 (3.276.38)

राक्षसाः पुरुषादाश्च पिशाचाश्च महाबलाः । सर्वे समेत्य राजानमभ्यषिञ्चन्दशाननम् ॥

rākṣasāḥ puruṣādāśca piśācāśca mahābalāḥ | sarve sametya rājānamabhyaṣiñcandaśānanam

राक्षस, नरभक्षी और महाबली पिशाच, सबने मिलकर दशानन का राजा के रूप में अभिषेक किया।

श्लोक 39 (3.276.39)

दशग्रीवश्चदैत्यानां दानवानां बलोत्कटः । आक्रम्य रत्नान्यहरत्कामरूपी विहंगमः ॥

daśagrīvaścadaityānāṃ dānavānāṃ balotkaṭaḥ | ākramya ratnānyaharatkāmarūpī vihaṃgamaḥ

बल में प्रचण्ड, इच्छानुसार रूप धरने वाले और आकाश में विचरने वाले दशग्रीव ने दैत्यों और दानवों के रत्न बलपूर्वक छीन लिए।

श्लोक 40 (3.276.40)

रावयामास लोकान्यत्तस्माद्रावण उच्यते । दशग्रीवः कामबलो देवानां भयमादधत् ॥

rāvayāmāsa lokānyattasmādrāvaṇa ucyate | daśagrīvaḥ kāmabalo devānāṃ bhayamādadhat

क्योंकि उसने लोकों को रुलाया, इसलिए वह रावण कहलाता है। इच्छानुसार बल वाले दशग्रीव ने देवताओं के मन में भय भर दिया।