राम का वनवास और रावण का क्रोध

श्लोक 1 (3.278.1)

उक्तं भगवता जन्म रामादीनां पृथक्पृथक् । प्रस्थानकारणं ब्रह्मञ्श्रोतुमिच्छामि कथ्यताम् ॥

uktaṃ bhagavatā janma rāmādīnāṃ pṛthakpṛthak | prasthānakāraṇaṃ brahmañśrotumicchāmi kathyatām

"भगवन्, आपने राम आदि के जन्म का अलग-अलग वर्णन किया। हे ब्रह्मन्, अब मैं उनके वन-प्रस्थान का कारण सुनना चाहता हूँ; कृपया बताइए।

श्लोक 2 (3.278.2)

कथं दाशरथी वीरौ भ्रातरौ रामलक्ष्मणौ । प्रस्थापितौ वने ब्रह्मन्मैथिली च यशस्विनी ॥

kathaṃ dāśarathī vīrau bhrātarau rāmalakṣmaṇau | prasthāpitau vane brahmanmaithilī ca yaśasvinī

"हे ब्रह्मन्, दशरथ के दोनों वीर पुत्र, भाई राम और लक्ष्मण, तथा यशस्विनी मैथिली वन में कैसे भेजे गए?"

श्लोक 3 (3.278.3)

जातपुत्रो दशरथः प्रीतिमानभवन्नृप । क्रियारतिर्धर्मरतः सततं वृद्धसेविता ॥

jātaputro daśarathaḥ prītimānabhavannṛpa | kriyāratirdharmarataḥ satataṃ vṛddhasevitā

हे राजन्, पुत्र पाकर दशरथ बहुत प्रसन्न हुए; वे यज्ञ-कर्मों और धर्म में लगे रहते और सदा वृद्धों की सेवा करते थे।

श्लोक 4 (3.278.4)

क्रमेण चास्य ते पुत्रा व्यवर्धन्त महौजसः । वेदेषु सरहस्येषु धनुर्वेदेषु पारगाः ॥

krameṇa cāsya te putrā vyavardhanta mahaujasaḥ | vedeṣu sarahasyeṣu dhanurvedeṣu pāragāḥ

समय के साथ उनके महान् तेजस्वी पुत्र बड़े हुए; वे रहस्यों सहित वेदों और धनुर्वेद में पारंगत हो गए।

श्लोक 5 (3.278.5)

चरितब्रह्मचर्यास्ते कृतदाराश्च पार्थिव । दृष्ट्वा रामं दशरथः प्रीतिमानभवत्सुखी ॥

caritabrahmacaryāste kṛtadārāśca pārthiva | dṛṣṭvā rāmaṃ daśarathaḥ prītimānabhavatsukhī

हे राजन्, उन्होंने ब्रह्मचर्य का पालन पूरा किया और उनके विवाह हुए; राम को देखकर दशरथ प्रसन्न और सुखी हुए।

श्लोक 6 (3.278.6)

ज्येष्ठो रामोऽभवत्तेषां रमयामास हि प्रजाः । मनोहरतया धीमान्पितुर्हृदयनन्दनः ॥

jyeṣṭho rāmo'bhavatteṣāṃ ramayāmāsa hi prajāḥ | manoharatayā dhīmānpiturhṛdayanandanaḥ

उनमें सबसे बड़े राम थे। बुद्धिमान् राम अपनी मनोहरता से प्रजा को आनन्दित करते और पिता के हृदय को प्रसन्न रखते थे।

श्लोक 7 (3.278.7)

ततः स राजा मतिमान्मत्वाऽऽत्मानं वयोधिकम् । मन्त्रयामास सचिवैर्मन्त्रज्ञैश्च पुरोहितैः ॥

tataḥ sa rājā matimānmatvā''tmānaṃ vayodhikam | mantrayāmāsa sacivairmantrajñaiśca purohitaiḥ

तब उन बुद्धिमान् राजा ने स्वयं को वृद्ध मानकर अपने मन्त्रियों और मन्त्रणा में निपुण पुरोहितों से परामर्श किया

श्लोक 8 (3.278.8)

अभिषेकाय रामस्य यौवराज्येन भारत । प्राप्तकालं च ते सर्वे मेनिरे मन्त्रिसत्तमाः ॥

abhiṣekāya rāmasya yauvarājyena bhārata | prāptakālaṃ ca te sarve menire mantrisattamāḥ

कि राम का युवराज-पद पर अभिषेक किया जाए, हे भारत; और उन सभी श्रेष्ठ मन्त्रियों ने माना कि इसका समय आ गया है।

श्लोक 9 (3.278.9)

लोहिताक्षं महाबाहुं मत्तमातङ्गगामिनम् । कम्बुग्रीवं महोरस्कं नीलकुञ्चितमूर्धजम् ॥

lohitākṣaṃ mahābāhuṃ mattamātaṅgagāminam | kambugrīvaṃ mahoraskaṃ nīlakuñcitamūrdhajam

राम के नेत्र लाल थे, भुजाएँ विशाल थीं, और चाल मतवाले हाथी जैसी थी; उनकी ग्रीवा शंख जैसी, छाती चौड़ी और केश काले घुँघराले थे।

श्लोक 10 (3.278.10)

दीप्यमानं श्रिया वीरं शक्रादनवरं बले । पारगं सर्वधर्माणां बृहस्पतिसमं मतौ ॥

dīpyamānaṃ śriyā vīraṃ śakrādanavaraṃ bale | pāragaṃ sarvadharmāṇāṃ bṛhaspatisamaṃ matau

वे शोभा से दमकते थे; बल में इन्द्र से कम न थे; सब धर्मों में पारंगत और बुद्धि में बृहस्पति के समान थे।

श्लोक 11 (3.278.11)

सर्वानुरक्तप्रकृतिं सर्वविद्याविशारदम् । जितेन्द्रियममित्राणामपि दृष्टिमनोहरम् ॥

sarvānuraktaprakṛtiṃ sarvavidyāviśāradam | jitendriyamamitrāṇāmapi dṛṣṭimanoharam

सारी प्रजा उनसे प्रेम करती थी; वे सब विद्याओं में निपुण, जितेन्द्रिय और शत्रुओं को भी देखने में मनोहर लगते थे।

श्लोक 12 (3.278.12)

नियन्तारमसाधूनां गोप्तारं धर्मचारिणाम् । धृतिमन्तमनाधृष्यं जेतारमपराजितम् ॥

niyantāramasādhūnāṃ goptāraṃ dharmacāriṇām | dhṛtimantamanādhṛṣyaṃ jetāramaparājitam

वे दुष्टों का दमन और धर्मात्माओं की रक्षा करने वाले, धैर्यवान्, अजेय, विजयी और कभी पराजित न होने वाले थे।

श्लोक 13 (3.278.13)

पुत्रं राजा दशरथः कौसल्यानन्दवर्धनम् । संदृश्यपरमां प्रीतिमगच्छत्कुलनन्दनम् ॥

putraṃ rājā daśarathaḥ kausalyānandavardhanam | saṃdṛśyaparamāṃ prītimagacchatkulanandanam

कौसल्या का आनन्द बढ़ाने वाले और कुल को हर्षित करने वाले ऐसे पुत्र को देखकर राजा दशरथ को परम प्रसन्नता हुई।

श्लोक 14 (3.278.14)

चिन्तयंश्च महातेजा गुणान्रामस्य वीर्यवान् । अभ्यभाषत भद्रं ते प्रीयमाणः पुरोहितम् ॥

cintayaṃśca mahātejā guṇānrāmasya vīryavān | abhyabhāṣata bhadraṃ te prīyamāṇaḥ purohitam

राम के गुणों का चिन्तन करते हुए महातेजस्वी और पराक्रमी राजा ने प्रसन्न होकर अपने पुरोहित से कहा; हे राजन्, तुम्हारा कल्याण हो।

श्लोक 15 (3.278.15)

अद्य पुष्यो निशि ब्रह्मन्पुण्यं योगमुपैष्यति । संभाराः संभ्रियन्तां मे रामश्चोपनिमन्त्र्यताम् ॥

adya puṣyo niśi brahmanpuṇyaṃ yogamupaiṣyati | saṃbhārāḥ saṃbhriyantāṃ me rāmaścopanimantryatām

"हे ब्रह्मन्, आज रात पुष्य नक्षत्र शुभ योग में आएगा। मेरे लिए सामग्री जुटाई जाए और राम को बुलवाया जाए।

श्लोक 16 (3.278.16)

श्व एवपुष्यो भविता यत्ररामः सुतो मया । यौवराज्येऽभिषेक्तव्यः पौरेषु सहमन्त्रिभिः ॥

śva evapuṣyo bhavitā yatrarāmaḥ suto mayā | yauvarājye'bhiṣektavyaḥ paureṣu sahamantribhiḥ

"कल ही पुष्य होगा, जब मुझे अपने पुत्र राम का मन्त्रियों के साथ नगरवासियों के बीच युवराज-पद पर अभिषेक करना है।"

श्लोक 17 (3.278.17)

इति तद्राजवचनं प्रतिश्रुत्याथ मन्थरा । कैकेयीमभिगम्येदं काले वचनमब्रवीत् ॥

iti tadrājavacanaṃ pratiśrutyātha mantharā | kaikeyīmabhigamyedaṃ kāle vacanamabravīt

राजा के ये वचन सुनकर मन्थरा कैकेयी के पास गई और अवसर देखकर उससे यह बात कही:

श्लोक 18 (3.278.18)

अद्य कैकेयि दौर्भाग्यं राज्ञा ते ख्यापितं महत् । आशीविषस्त्वां संक्रुद्धश्छन्नो दशति दुर्भगे ॥

adya kaikeyi daurbhāgyaṃ rājñā te khyāpitaṃ mahat | āśīviṣastvāṃ saṃkruddhaśchanno daśati durbhage

"कैकेयी, आज राजा ने तुम्हारे महान् दुर्भाग्य की घोषणा कर दी है। अभागिनी, एक क्रुद्ध विषधर सर्प छिपकर तुम्हें डस रहा है।

श्लोक 19 (3.278.19)

सुभगा खलु कौसल्या यस्याः पुत्रोऽभिषेक्ष्यते । कुतो हि तव सौभाग्यं यस्याः पुत्रो न राज्यभाक् ॥

subhagā khalu kausalyā yasyāḥ putro'bhiṣekṣyate | kuto hi tava saubhāgyaṃ yasyāḥ putro na rājyabhāk

"भाग्यशाली तो कौसल्या है, जिसके पुत्र का अभिषेक होने जा रहा है। तुम्हारा सौभाग्य कहाँ, जब तुम्हारे पुत्र को राज्य में कोई भाग नहीं मिलेगा?"

श्लोक 20 (3.278.20)

सा तद्वचनमाज्ञाय सर्वाभरणभूषिता । वेदीविलग्नमध्येन बिभ्रती रूपमुत्तमम् ॥

sā tadvacanamājñāya sarvābharaṇabhūṣitā | vedīvilagnamadhyena bibhratī rūpamuttamam

ये वचन सुनकर कैकेयी ने सारे आभूषण पहने, और वेदी के मध्य भाग जैसी पतली कमर के साथ अपना उत्तम रूप धारण किए हुए,

श्लोक 21 (3.278.21)

विविक्ते पतिमासाद्य हसन्तीव शुचिस्मिता । राजानं तर्जयन्तीव मधुरं वाक्यमब्रवीत् ॥

vivikte patimāsādya hasantīva śucismitā | rājānaṃ tarjayantīva madhuraṃ vākyamabravīt

एकान्त में पति के पास जाकर, मानो हँसती हुई, उज्ज्वल मुस्कान के साथ, मानो राजा को धमकाती हुई, मीठी वाणी में बोली:

श्लोक 22 (3.278.22)

सत्यप्रतिज्ञ यन्मे त्वं काममेकं विसृष्टवान् । उपाकुरुष्व तद्राजंस्तस्मान्मुञ्चस्व संकटात् । तदद्य कुरु सत्यं मे वरं वरद भूपते ॥

satyapratijña yanme tvaṃ kāmamekaṃ visṛṣṭavān | upākuruṣva tadrājaṃstasmānmuñcasva saṃkaṭāt | tadadya kuru satyaṃ me varaṃ varada bhūpate

"हे सत्यप्रतिज्ञ, आपने मुझे एक मनचाहा वर दिया था। हे राजन्, उसे अब पूरा कीजिए और इस प्रकार संकट से मुक्त होइए। हे वर देने वाले भूपति, आज मेरा वह वर सत्य कीजिए।"

श्लोक 23 (3.278.23)

वरं ददानि ते हन्त तद्गृहाण यदिच्छसि । अवध्यो वध्यतां कोद्य वध्यः कोऽद्य विमुच्यतां ॥

varaṃ dadāni te hanta tadgṛhāṇa yadicchasi | avadhyo vadhyatāṃ kodya vadhyaḥ ko'dya vimucyatāṃ

"मैं तुम्हें वर देता हूँ, प्रसन्नता से; जो चाहो, ले लो। आज किस अवध्य का वध किया जाए? आज किस वध-योग्य को छोड़ दिया जाए?

श्लोक 24 (3.278.24)

धनं ददानि कस्याद्य ह्रियतां कस्य वा पुनः । ब्राह्मणस्वादिहान्यत्रयत्किंचिद्वित्तमस्ति मे ॥

dhanaṃ dadāni kasyādya hriyatāṃ kasya vā punaḥ | brāhmaṇasvādihānyatrayatkiṃcidvittamasti me

"आज किसे धन दूँ, और फिर किसका धन छीना जाए? ब्राह्मणों के धन को छोड़कर, यहाँ या कहीं और मेरे पास जो भी सम्पत्ति है, वह मैं दे सकता हूँ।

श्लोक 25 (3.278.25)

पृथिव्यां राजराजोस्मि चातुर्वर्ण्यस्य रक्षिता । यस्तेऽभिलषितः कामो ब्रूहि कल्याणि माचिरं ॥

pṛthivyāṃ rājarājosmi cāturvarṇyasya rakṣitā | yaste'bhilaṣitaḥ kāmo brūhi kalyāṇi māciraṃ

"मैं पृथ्वी पर राजाओं का राजा और चारों वर्णों का रक्षक हूँ। हे कल्याणी, तुम्हारी जो भी अभिलाषा है, वह बिना देर किए बताओ।"

श्लोक 26 (3.278.26)

सातद्वचनमाज्ञाय परिगृह्य नराधिपम् । आत्मनो बलमाज्ञाय तत एनमुवाच ह ॥

sātadvacanamājñāya parigṛhya narādhipam | ātmano balamājñāya tata enamuvāca ha

उनके वचन समझकर, राजा को अपने वचन में बाँधकर और अपने बल को पहचानकर, कैकेयी ने तब उनसे कहा:

श्लोक 27 (3.278.27)

आभिषेचनिकं यत्ते रामार्थमुपकल्पितम् । भरतस्तदवाप्नोतु वनं गच्छतु राघवः ॥

ābhiṣecanikaṃ yatte rāmārthamupakalpitam | bharatastadavāpnotu vanaṃ gacchatu rāghavaḥ

"राम के लिए जो अभिषेक की तैयारी की गई है, वह भरत को मिले; और राघव वन को जाएँ।

श्लोक 28 (3.278.28)

नव पञ्च च वर्षाणि दण्डकारण्यमाश्रितः । चीराजिनजटाधारी रामो भवतु तापसः ॥

nava pañca ca varṣāṇi daṇḍakāraṇyamāśritaḥ | cīrājinajaṭādhārī rāmo bhavatu tāpasaḥ

"नौ और पाँच, यानी चौदह वर्ष तक दण्डकारण्य में रहकर, चीर, मृगचर्म और जटा धारण किए हुए राम तपस्वी बनकर रहें।"

श्लोक 29 (3.278.29)

स तं राजा वरं श्रुत्वा विप्रियं दारुणोदयम् । दुःखार्तो भरतश्रेष्ठ न किंचिद्व्याजहार ह ॥

sa taṃ rājā varaṃ śrutvā vipriyaṃ dāruṇodayam | duḥkhārto bharataśreṣṭha na kiṃcidvyājahāra ha

हे भरतश्रेष्ठ, वह अप्रिय और भयंकर परिणाम वाला वर सुनकर दुःख से व्याकुल राजा कुछ भी न बोले।

श्लोक 30 (3.278.30)

ततस्तथोक्तं पितरं रामो विज्ञाय वीर्यवान् । वनं प्रतस्थे धर्मात्मा राजा सत्यो भवत्विति ॥

tatastathoktaṃ pitaraṃ rāmo vijñāya vīryavān | vanaṃ pratasthe dharmātmā rājā satyo bhavatviti

तब पराक्रमी धर्मात्मा राम, यह जानकर कि पिता से ऐसा माँगा गया है, वन को चल पड़े, ताकि राजा का वचन सत्य रहे।

श्लोक 31 (3.278.31)

तमन्वगच्छल्लक्ष्मीवान्धनुष्माँल्लक्ष्मणस्तदा । सीता च भार्या भद्रं ते वैदेही जनकात्मजा ॥

tamanvagacchallakṣmīvāndhanuṣmām̐llakṣmaṇastadā | sītā ca bhāryā bhadraṃ te vaidehī janakātmajā

तब शोभासम्पन्न लक्ष्मण धनुष लेकर उनके पीछे चले, और उनकी पत्नी सीता भी, जनक की पुत्री वैदेही; तुम्हारा कल्याण हो।

श्लोक 32 (3.278.32)

ततो वनं गतेरामे राजा दशरथस्तदा । समयुज्यत देहस्य कालपर्यायधर्मणा ॥

tato vanaṃ gaterāme rājā daśarathastadā | samayujyata dehasya kālaparyāyadharmaṇā

राम के वन चले जाने के बाद राजा दशरथ काल के क्रम से शरीर के अन्त को प्राप्त हुए।

श्लोक 33 (3.278.33)

रामं तु गतमाज्ञाय राजानं च तथागतम् । अनार्या भरतं देवी कैकेयी वाक्यमब्रवीत् ॥

rāmaṃ tu gatamājñāya rājānaṃ ca tathāgatam | anāryā bharataṃ devī kaikeyī vākyamabravīt

राम का जाना और राजा का देहान्त जानकर अनार्या रानी कैकेयी ने भरत से कहा:

श्लोक 34 (3.278.34)

गतोदशरथः स्वर्गं वनस्थौ रामलक्ष्मणौ । गृहाण राज्यंविपुलं क्षेमं निहतकण्टकम् ॥

gatodaśarathaḥ svargaṃ vanasthau rāmalakṣmaṇau | gṛhāṇa rājyaṃvipulaṃ kṣemaṃ nihatakaṇṭakam

"दशरथ स्वर्ग चले गए हैं, और राम-लक्ष्मण वन में हैं। यह विशाल राज्य ले लो, जो सुरक्षित है और जिसके काँटे दूर हो चुके हैं।"

श्लोक 35 (3.278.35)

तामुवाच स धर्मात्मा नृशंसं बत ते कृतम् । पतिं हत्वाकुलं चेदमुत्साद्य धनलुब्धया ॥

tāmuvāca sa dharmātmā nṛśaṃsaṃ bata te kṛtam | patiṃ hatvākulaṃ cedamutsādya dhanalubdhayā

धर्मात्मा भरत ने उससे कहा, "हाय, धन के लोभ में पति को मारकर और इस कुल को उजाड़कर तुमने कितना क्रूर काम किया है!

श्लोक 36 (3.278.36)

अयशः पातयित्वा मे मूर्ध्नि त्वं कुलपांसने । सकामा भव मे मातरित्युक्त्वा प्ररुरोद ह ॥

ayaśaḥ pātayitvā me mūrdhni tvaṃ kulapāṃsane | sakāmā bhava me mātarityuktvā praruroda ha

"हे कुल को कलंकित करने वाली, मेरे सिर पर अपयश डालकर अब तुम अपनी कामना पूरी कर लो, माँ!" यह कहकर वे रो पड़े।

श्लोक 37 (3.278.37)

स चारित्रं विशोध्याथ सर्वप्रकृतिसन्निधौ । अन्वयाद्भ्रातरं रामं विनिवर्तनलालसः ॥

sa cāritraṃ viśodhyātha sarvaprakṛtisannidhau | anvayādbhrātaraṃ rāmaṃ vinivartanalālasaḥ

सारी प्रजा के सामने अपना आचरण निर्दोष सिद्ध करके वे राम को लौटा लाने की लालसा से अपने भाई के पीछे गए।

श्लोक 38 (3.278.38)

कौसल्यां च सुमित्रां च कैकेयीं च सुदुःखितः । अग्रे प्रस्थाप्य यानैः स शत्रुघ्नसहितो ययौ ॥

kausalyāṃ ca sumitrāṃ ca kaikeyīṃ ca suduḥkhitaḥ | agre prasthāpya yānaiḥ sa śatrughnasahito yayau

अत्यन्त दुःखी होकर उन्होंने कौसल्या, सुमित्रा और कैकेयी को वाहनों में आगे भेजा और शत्रुघ्न के साथ स्वयं चले,

श्लोक 39 (3.278.39)

वसिष्ठवामदेवाभ्यां विप्रैश्चान्यैः सहस्रशः । पौरजानपदैः सार्धं रामानयनकाङ्क्षया ॥

vasiṣṭhavāmadevābhyāṃ vipraiścānyaiḥ sahasraśaḥ | paurajānapadaiḥ sārdhaṃ rāmānayanakāṅkṣayā

वसिष्ठ, वामदेव और हज़ारों अन्य ब्राह्मणों तथा नगर और जनपद के लोगों के साथ, राम को लौटा लाने की इच्छा से।

श्लोक 40 (3.278.40)

ददर्श चित्रकूटस्थं स रामं सहलक्ष्मणम् । तापसानामलंकारं धारयन्तं धनुर्धरम् ॥

dadarśa citrakūṭasthaṃ sa rāmaṃ sahalakṣmaṇam | tāpasānāmalaṃkāraṃ dhārayantaṃ dhanurdharam

उन्होंने चित्रकूट पर लक्ष्मण के साथ राम को देखा, जो तपस्वियों का वेश धारण किए हुए धनुष लिए थे।

श्लोक 41 (3.278.41)

उवाच प्राञ्जलिर्भूत्वाप्रणिपत्य रघूत्तमम् । शशंस मरणं राज्ञः सोऽनाथांश्चापि कोसलान् ॥

uvāca prāñjalirbhūtvāpraṇipatya raghūttamam | śaśaṃsa maraṇaṃ rājñaḥ so'nāthāṃścāpi kosalān

हाथ जोड़कर और रघुश्रेष्ठ को प्रणाम करके वे बोले। उन्होंने राजा की मृत्यु का समाचार दिया और बताया कि कोसलवासी अनाथ हो गए हैं,

श्लोक 42 (3.278.42)

नाथ त्वं प्रतिपद्यस्व स्वराज्यमिति चोक्तवान् ॥

nātha tvaṃ pratipadyasva svarājyamiti coktavān

और कहा, "स्वामी, अपना राज्य स्वीकार कीजिए।"

श्लोक 43 (3.278.43)

स तस्य वचनं श्रुत्वा रामः परमदुःखितः । चकार देवकल्पस्य पितुः स्नात्वोदकक्रियाम् ॥

sa tasya vacanaṃ śrutvā rāmaḥ paramaduḥkhitaḥ | cakāra devakalpasya pituḥ snātvodakakriyām

उनकी बात सुनकर अत्यन्त दुःखी राम ने स्नान करके अपने देवतुल्य पिता को जलाञ्जलि दी।

श्लोक 44 (3.278.44)

अब्रवीत्स तदारामो भ्रातरं भ्रातृवत्सलम् । पादुके मे भविष्येते राज्यगोप्त्र्यौ परंतप । एवमस्त्विति तं प्राह भरतः प्रणतस्तदा ॥

abravītsa tadārāmo bhrātaraṃ bhrātṛvatsalam | pāduke me bhaviṣyete rājyagoptryau paraṃtapa | evamastviti taṃ prāha bharataḥ praṇatastadā

तब राम ने भ्रातृप्रेमी भाई से कहा, "हे परन्तप, मेरी पादुकाएँ राज्य की रक्षा करेंगी।" भरत ने झुककर प्रणाम करते हुए उनसे कहा, "ऐसा ही हो।"

श्लोक 45 (3.278.45)

विसर्जितः स रामेण पितुर्वचनकारिणा । नन्दिग्रामेऽकरोद्राज्यं पुरस्कृत्यास्य पादुके ॥

visarjitaḥ sa rāmeṇa piturvacanakāriṇā | nandigrāme'karodrājyaṃ puraskṛtyāsya pāduke

पिता की आज्ञा का पालन करने वाले राम से विदा लेकर भरत ने उनकी पादुकाओं को आगे रखकर नन्दिग्राम से राज्य चलाया।

श्लोक 46 (3.278.46)

रामस्तु पुनराशङ्क्य पौरजानपदागमम् । प्रविवेश महारण्यं शरभङ्गाश्रमं प्रति ॥

rāmastu punarāśaṅkya paurajānapadāgamam | praviveśa mahāraṇyaṃ śarabhaṅgāśramaṃ prati

परन्तु राम ने यह आशंका करके कि नगर और जनपद के लोग फिर आ जाएँगे, शरभङ्ग के आश्रम की ओर महावन में प्रवेश किया।

श्लोक 47 (3.278.47)

सत्कृत्य शरभङ्गं स दण्डकारण्यमाश्रितः । नदीं गोदावरीं रम्यामाश्रित्य न्यवसत्तदा ॥

satkṛtya śarabhaṅgaṃ sa daṇḍakāraṇyamāśritaḥ | nadīṃ godāvarīṃ ramyāmāśritya nyavasattadā

शरभङ्ग का सत्कार करके वे दण्डकारण्य में पहुँचे और रमणीय गोदावरी नदी के किनारे रहने लगे।

श्लोक 48 (3.278.48)

वसतस्तस्य रामस्य ततः शूर्पणखाकृतम् । खरेणासीन्महद्वैरं जनस्थाननिवासिना ॥

vasatastasya rāmasya tataḥ śūrpaṇakhākṛtam | khareṇāsīnmahadvairaṃ janasthānanivāsinā

वहाँ रहते हुए राम का शूर्पणखा के कारण जनस्थान-निवासी खर से बड़ा वैर हो गया।

श्लोक 49 (3.278.49)

रक्षार्थं तापसानां तु राघवो धर्मवत्सलः । चतुर्दशसहस्राणि जघान भुवि राक्षसान् ॥

rakṣārthaṃ tāpasānāṃ tu rāghavo dharmavatsalaḥ | caturdaśasahasrāṇi jaghāna bhuvi rākṣasān

तपस्वियों की रक्षा के लिए धर्मप्रेमी राघव ने पृथ्वी पर चौदह हज़ार राक्षसों का वध किया।

श्लोक 50 (3.278.50)

दूषणं च खरं चैवनिहत्य सुमहाबलौ । चक्रे क्षेमं पुनर्धीमान्धर्मारण्यं स राघवः ॥

dūṣaṇaṃ ca kharaṃ caivanihatya sumahābalau | cakre kṣemaṃ punardhīmāndharmāraṇyaṃ sa rāghavaḥ

महाबली दूषण और खर को मारकर बुद्धिमान् राघव ने उस धर्मारण्य को फिर से निर्भय कर दिया।

श्लोक 51 (3.278.51)

हतेषु तेषु रक्षःसु ततः शूर्पणखा पुनः । ययौ निकृत्तनासोष्ठी लङ्कां भ्रातुर्निवेशनम् ॥

hateṣu teṣu rakṣaḥsu tataḥ śūrpaṇakhā punaḥ | yayau nikṛttanāsoṣṭhī laṅkāṃ bhrāturniveśanam

उन राक्षसों के मारे जाने पर कटी नाक और होंठों वाली शूर्पणखा फिर अपने भाई के निवास लङ्का गई।

श्लोक 52 (3.278.52)

ततो रावणमभ्येत्य राक्षसी दुःखमूर्च्छिता । पपात पादयोर्भ्रातुः संशुष्करुधिरानना ॥

tato rāvaṇamabhyetya rākṣasī duḥkhamūrcchitā | papāta pādayorbhrātuḥ saṃśuṣkarudhirānanā

रावण के पास पहुँचकर दुःख से मूर्च्छित वह राक्षसी, जिसके मुख पर खून सूख गया था, अपने भाई के चरणों में गिर पड़ी।

श्लोक 53 (3.278.53)

तां तथा विकृतां दृष्ट्वा रावणः क्रोधमूर्च्छितः । उत्पपातासनात्क्रुद्धो दन्तैर्दन्तानुपस्पृशन् ॥

tāṃ tathā vikṛtāṃ dṛṣṭvā rāvaṇaḥ krodhamūrcchitaḥ | utpapātāsanātkruddho dantairdantānupaspṛśan

उसे इस प्रकार विकृत देखकर क्रोध से बेसुध रावण दाँत पीसता हुआ आसन से उछल पड़ा।

श्लोक 54 (3.278.54)

स्वानमात्यान्विसृज्याथ विविक्ते तामुवाच सः । केनास्येवं कृता भद्रे मामचिन्त्यावमत्य च ॥

svānamātyānvisṛjyātha vivikte tāmuvāca saḥ | kenāsyevaṃ kṛtā bhadre māmacintyāvamatya ca

अपने मन्त्रियों को विदा करके उसने एकान्त में उससे कहा, "भद्रे, मेरी परवाह न करके और मेरा अपमान करके किसने तुम्हारी यह दशा की है?

श्लोक 55 (3.278.55)

कः शूलं तीक्ष्णमासाद्य सर्वगात्रेषु सेवते । कः शिरस्यग्निमाधाय विश्वस्तः स्वपते सुखम् ॥

kaḥ śūlaṃ tīkṣṇamāsādya sarvagātreṣu sevate | kaḥ śirasyagnimādhāya viśvastaḥ svapate sukham

"कौन तीखा शूल लेकर उसे अपने सारे अंगों पर फेरता है? कौन सिर पर आग रखकर निश्चिन्त होकर सुख से सोता है?

श्लोक 56 (3.278.56)

आशीविषं घोरतरं पादेन स्पृशतीह कः । सिंहं केसरिणं मत्तः स्पृष्ट्वा दंष्ट्रासु तिष्ठति ॥

āśīviṣaṃ ghorataraṃ pādena spṛśatīha kaḥ | siṃhaṃ kesariṇaṃ mattaḥ spṛṣṭvā daṃṣṭrāsu tiṣṭhati

"यहाँ कौन अत्यन्त भयंकर विषधर सर्प को पैर से छूता है? कौन उन्मत्त होकर अयालवाले सिंह के दाँतों को छूकर खड़ा रह सकता है?"

श्लोक 57 (3.278.57)

इत्येवं ब्रुवतस्तस्य नेत्रेभ्यस्तेजसोऽर्चिषः । निश्चेरुर्दह्यतो रात्रौ वृक्षस्येव स्वरन्ध्रतः ॥

ityevaṃ bruvatastasya netrebhyastejaso'rciṣaḥ | niścerurdahyato rātrau vṛkṣasyeva svarandhrataḥ

ऐसा कहते हुए उसके नेत्रों से आग की लपटें निकलने लगीं, जैसे रात में जलते हुए वृक्ष के कोटरों से निकलती हैं।

श्लोक 58 (3.278.58)

तस्य तत्सर्वमाचख्यौ भगिनी रामविक्रमम् । खरदूषणसंयुक्तं राक्षसानां पराभवम् ॥

tasya tatsarvamācakhyau bhaginī rāmavikramam | kharadūṣaṇasaṃyuktaṃ rākṣasānāṃ parābhavam

बहन ने उसे राम का सारा पराक्रम और खर-दूषण सहित राक्षसों की पराजय का पूरा वृत्तान्त सुनाया।

श्लोक 59 (3.278.59)

ततो ज्ञातिवधं श्रुत्वा रावणः कालचोदितः । रामस्य वधमाकाङ्क्षन्मारीचं मनसागमत् ॥

tato jñātivadhaṃ śrutvā rāvaṇaḥ kālacoditaḥ | rāmasya vadhamākāṅkṣanmārīcaṃ manasāgamat

तब अपने जाति-बन्धुओं के वध का समाचार सुनकर काल से प्रेरित रावण ने राम के वध की इच्छा से मन ही मन मारीच का स्मरण किया।

श्लोक 60 (3.278.60)

स निश्चित्यततः कृत्यं सागरं लवणाकरम् । ऊर्ध्वमाचक्रमे राजा विधाय नगरे विधिम् ॥

sa niścityatataḥ kṛtyaṃ sāgaraṃ lavaṇākaram | ūrdhvamācakrame rājā vidhāya nagare vidhim

क्या करना है, यह निश्चय करके राजा रावण ने नगर की व्यवस्था की और लवण की खान समुद्र के ऊपर आकाश में चल पड़ा।

श्लोक 61 (3.278.61)

त्रिकूटं समतिक्रम्य कालपर्वतमेव च । ददर्श मकरावासं गम्भीरोदं महोदधिम् ॥

trikūṭaṃ samatikramya kālaparvatameva ca | dadarśa makarāvāsaṃ gambhīrodaṃ mahodadhim

त्रिकूट और कालपर्वत को लाँघकर उसने मगरों के निवास, गहरे जल वाले महासागर को देखा।

श्लोक 62 (3.278.62)

तमतीत्याथ गोकर्णमभ्यगच्छद्दशाननः । दयितं स्थानमव्यग्रं शूलपाणेर्महात्मनः ॥

tamatītyātha gokarṇamabhyagacchaddaśānanaḥ | dayitaṃ sthānamavyagraṃ śūlapāṇermahātmanaḥ

उसे पार करके दशानन महात्मा शूलपाणि शिव के प्रिय और शान्त स्थान गोकर्ण पहुँचा।

श्लोक 63 (3.278.63)

तत्राभ्यगच्छन्मारीचं पूर्वामात्यं दशाननः । पुरा रामभयादेव तापसं प्रियजीवितम् ॥

tatrābhyagacchanmārīcaṃ pūrvāmātyaṃ daśānanaḥ | purā rāmabhayādeva tāpasaṃ priyajīvitam

वहाँ दशानन अपने पुराने मन्त्री मारीच के पास गया, जो बहुत पहले राम के भय से ही प्राण बचाने के लिए तपस्वी बन गया था।