युधिष्ठिर का प्रतिज्ञा-पालन

श्लोक 1 (3.34.1)

स एवमुक्तस्तु महानुभावः । सत्यव्रतो भीमसेनेन राजा । अजातशत्रुस्तदनन्तरं वै । धैर्यान्वितो वाक्यमिदं बभाषे ॥

sa evamuktastu mahānubhāvaḥ | satyavrato bhīmasenena rājā | ajātaśatrustadanantaraṃ vai | dhairyānvito vākyamidaṃ babhāṣe

भीमसेन के ऐसा कहने पर सत्यव्रती, महानुभाव राजा अजातशत्रु (युधिष्ठिर) ने धैर्य धारण किया और फिर ये वचन कहे।

श्लोक 2 (3.34.2)

असंशयं भारत सत्यमेत- । द्यन्मां तुदन्वाक्यशल्यैः क्षिणोषि । न त्वां विगर्हे प्रतिकूलमेत- । न्ममानयाद्धि व्यसनं व आगात् ॥

asaṃśayaṃ bhārata satyameta- | dyanmāṃ tudanvākyaśalyaiḥ kṣiṇoṣi | na tvāṃ vigarhe pratikūlameta- | nmamānayāddhi vyasanaṃ va āgāt

हे भारत, निःसंदेह यह सत्य है, जो तुम वचनरूपी बाणों से बेधते हुए मुझे पीड़ा दे रहे हो। तुम्हारी इस कठोर बात के लिए मैं तुम्हें दोष नहीं देता; मेरी ही भूल से तुम सब पर यह विपत्ति आई है।

श्लोक 3 (3.34.3)

अहं ह्यक्षानन्वपद्यं जिहीर्षन् । राज्यं सराष्ट्रं धृतराष्ट्रस्य पुत्रात् । तन्मां शठः कितवः प्रत्यदेवी- । त्सुयोधनार्थं सुबलस्य पुत्रः ॥

ahaṃ hyakṣānanvapadyaṃ jihīrṣan | rājyaṃ sarāṣṭraṃ dhṛtarāṣṭrasya putrāt | tanmāṃ śaṭhaḥ kitavaḥ pratyadevī- | tsuyodhanārthaṃ subalasya putraḥ

मैंने धृतराष्ट्र के पुत्र से राष्ट्र सहित राज्य जीत लेने की इच्छा से जुआ खेलना स्वीकार किया था; पर उस धूर्त जुआरी सुबलपुत्र (शकुनि) ने दुर्योधन की ओर से मेरे विरुद्ध खेला।

श्लोक 4 (3.34.4)

महामायः शकुनिः पार्वतीयः । सभामध्ये प्रवपन्नक्षपूगान् । अमायिनं मायया प्रत्यजैषी- । त्ततोऽपश्यं वृजिनं भीमसेन ॥

mahāmāyaḥ śakuniḥ pārvatīyaḥ | sabhāmadhye pravapannakṣapūgān | amāyinaṃ māyayā pratyajaiṣī- | ttato'paśyaṃ vṛjinaṃ bhīmasena

महामायावी पर्वतीय शकुनि ने सभा के बीच पासों के ढेर फेंकते हुए मुझ निष्कपट को कपट से जीत लिया; तब, हे भीमसेन, मैंने यह विपत्ति देखी।

श्लोक 5 (3.34.5)

अक्षांश्च दृष्ट्वा शकुनेर्यथावत् । कामानुकूलानयुजो युजश्च । शक्यो नियन्तुमभविष्यदात्मा । मन्युस्तु हन्यात्पुरुषस्य धैर्यम् ॥

akṣāṃśca dṛṣṭvā śakuneryathāvat | kāmānukūlānayujo yujaśca | śakyo niyantumabhaviṣyadātmā | manyustu hanyātpuruṣasya dhairyam

शकुनि के पासों को उसकी इच्छा के अनुसार विषम और सम पड़ते देखकर मैं अपने को रोक सकता था; परंतु क्रोध मनुष्य के धैर्य को नष्ट कर देता है।

श्लोक 6 (3.34.6)

यन्तुं नात्मा शक्यते पौरुषेण । मानेन वीर्येण च तात नद्धः । न ते वाचो भीमसेनाभ्यसूये । मन्ये तथा तद्भवितव्यमासीत् ॥

yantuṃ nātmā śakyate pauruṣeṇa | mānena vīryeṇa ca tāta naddhaḥ | na te vāco bhīmasenābhyasūye | manye tathā tadbhavitavyamāsīt

हे तात, अभिमान और पराक्रम से बँधे मन को पौरुष से वश में नहीं किया जा सकता। हे भीमसेन, मैं तुम्हारी बातों से रुष्ट नहीं हूँ; मुझे लगता है कि जो हुआ, वह होना ही था।

श्लोक 7 (3.34.7)

स नो राजा धृतराष्ट्रस्य पुत्रो । न्यपातयद्व्यसने राज्यमिच्छन् । दास्यं च नोऽगमयद्भीमसेन । यत्राभवच्छरणं द्रौपदी नः ॥

sa no rājā dhṛtarāṣṭrasya putro | nyapātayadvyasane rājyamicchan | dāsyaṃ ca no'gamayadbhīmasena | yatrābhavaccharaṇaṃ draupadī naḥ

हे भीमसेन, धृतराष्ट्र के उस पुत्र राजा ने राज्य के लोभ में हमें विपत्ति में डाला और दासता तक पहुँचा दिया, जहाँ द्रौपदी हमारी शरण बनी।

श्लोक 8 (3.34.8)

त्वं चापि तद्वेत्थ धनंजयश्च । पुनर्द्यूतायागतास्तां सभां नः । यन्माऽब्रवीद्धृतराष्ट्रस्य पुत्र । एकग्लहार्थं भरतानां समक्षम् ॥

tvaṃ cāpi tadvettha dhanaṃjayaśca | punardyūtāyāgatāstāṃ sabhāṃ naḥ | yanmā'bravīddhṛtarāṣṭrasya putra | ekaglahārthaṃ bharatānāṃ samakṣam

तुम भी जानते हो और धनंजय भी, कि जब हम दोबारा जुआ खेलने उस सभा में आए थे, तब धृतराष्ट्रपुत्र ने भरतवंशियों के सामने एक ही दाँव के लिए मुझसे क्या कहा था —

श्लोक 9 (3.34.9)

वने समा द्वादश राजपुत्र । यथाकामं विदितमजातशत्रो । अथापरं चाविदितश्चरेथाः । सर्वैः सह भ्रातृभिश्छद्मरूपः ॥

vane samā dvādaśa rājaputra | yathākāmaṃ viditamajātaśatro | athāparaṃ cāviditaścarethāḥ | sarvaiḥ saha bhrātṛbhiśchadmarūpaḥ

"हे राजपुत्र अजातशत्रु, बारह वर्ष तुम इच्छानुसार सबके जानते हुए वन में रहोगे; और फिर एक वर्ष सब भाइयों के साथ वेष बदलकर अज्ञात रूप से विचरोगे।

श्लोक 10 (3.34.10)

त्वां चेच्छ्रुत्वा तात तथा चरन्त- । मवभोत्स्यन्ते भारतानां चराश्च । अन्यांश्चरेथास्तावतोऽब्दांस्तथा त्वं । निश्चित्य तत्प्रतिजानीहि पार्थ ॥

tvāṃ cecchrutvā tāta tathā caranta- | mavabhotsyante bhāratānāṃ carāśca | anyāṃścarethāstāvato'bdāṃstathā tvaṃ | niścitya tatpratijānīhi pārtha

हे तात, यदि उस प्रकार विचरते समय भरतवंशियों के गुप्तचर तुम्हारे बारे में सुनकर तुम्हें पहचान लें, तो तुम्हें उतने ही वर्ष फिर विचरना होगा। हे पार्थ, यह निश्चय करके प्रतिज्ञा करो।

श्लोक 11 (3.34.11)

चरैश्चेन्नो विदितः कालमेतं । युक्तो राजन्मोहयित्वा मदीयान् । ब्रवीमि सत्यं कुरुसंसदीह । तवैव ता भारत पञ्च नद्यः ॥

caraiścenno viditaḥ kālametaṃ | yukto rājanmohayitvā madīyān | bravīmi satyaṃ kurusaṃsadīha | tavaiva tā bhārata pañca nadyaḥ

हे राजन्, यदि तुम सावधान रहकर और मेरे लोगों को भ्रम में डालकर इतने समय तक गुप्तचरों से अज्ञात रहे, तो मैं यहाँ कुरुओं की सभा में सत्य कहता हूँ, हे भारत, वह पाँच नदियों वाला प्रदेश तुम्हारा ही होगा।

श्लोक 12 (3.34.12)

वयं चैतद्भारत सर्व एव । त्वया जिताः कालमपास्य भोगान् । चरेम इत्याह पुरा स राजा । मध्ये कुरूणां स मयोक्तस्तथेति ॥

vayaṃ caitadbhārata sarva eva | tvayā jitāḥ kālamapāsya bhogān | carema ityāha purā sa rājā | madhye kurūṇāṃ sa mayoktastatheti

और हे भारत, यदि हम सब तुमसे हार गए, तो हम भी भोगों को त्यागकर उतने ही समय तक विचरेंगे।" उस राजा ने पहले कुरुओं के बीच ऐसा कहा था, और मैंने उत्तर दिया था, "ऐसा ही हो।"

श्लोक 13 (3.34.13)

तत्र द्यूतमभवन्नो जघन्यं । यस्मिञ्जिताः प्रव्रजिताश्च सर्वे । इत्थं तु देशाननुसंचरामो । वनानि कृच्छ्राणि च कृच्छ्ररूपाः ॥

tatra dyūtamabhavanno jaghanyaṃ | yasmiñjitāḥ pravrajitāśca sarve | itthaṃ tu deśānanusaṃcarāmo | vanāni kṛcchrāṇi ca kṛcchrarūpāḥ

तब वह नीच द्यूत हुआ, जिसमें हम हार गए और सबको वनवास में जाना पड़ा; और इस प्रकार दुर्दशा में पड़े हम देश-देश और कष्टों से भरे वनों में भटक रहे हैं।

श्लोक 14 (3.34.14)

सुयोधनश्चापि न शान्तिमिच्छन् । भूयः स मन्योर्वशमन्वगच्छत् । उद्योजयामास कुरूंश्च सर्वान् । ये चास्य केचिद्वशमन्वगच्छन् ॥

suyodhanaścāpi na śāntimicchan | bhūyaḥ sa manyorvaśamanvagacchat | udyojayāmāsa kurūṃśca sarvān | ye cāsya kecidvaśamanvagacchan

और दुर्योधन ने शान्ति न चाहते हुए फिर से क्रोध के वश में होकर सब कुरुओं को तथा जो कोई भी उसके अधीन हुए थे, उन सबको अपने कार्यों में लगा दिया।

श्लोक 15 (3.34.15)

तां सिद्धिमास्थाय सतां सकाशे । को नाम जह्यादिह राज्यहेतोः । आर्यस्य मन्ये मरणाद्गरीयो । यद्धर्ममुत्क्रम्य महीं प्रशासेत् ॥

tāṃ siddhimāsthāya satāṃ sakāśe | ko nāma jahyādiha rājyahetoḥ | āryasya manye maraṇādgarīyo | yaddharmamutkramya mahīṃ praśāset

सज्जनों के सामने उस समझौते को स्वीकार करके कौन ऐसा होगा जो राज्य के लिए उसे तोड़ दे? मेरी समझ में किसी आर्य पुरुष के लिए धर्म का उल्लंघन करके पृथ्वी पर शासन करना मृत्यु से भी बुरा है।

श्लोक 16 (3.34.16)

तदैव चेद्वीरकर्माकरिष्यो । यदा द्यूते परिघं पर्यमृक्षः । बाहू दिधक्षन्वारितः फल्गुनेन । किं दुष्कृतं भीम तदाऽभविष्यत् ॥

tadaiva cedvīrakarmākariṣyo | yadā dyūte parighaṃ paryamṛkṣaḥ | bāhū didhakṣanvāritaḥ phalgunena | kiṃ duṣkṛtaṃ bhīma tadā'bhaviṣyat

जब द्यूत के समय तुमने परिघ थाम लिया था और मेरी भुजाएँ जला देना चाहते थे, पर अर्जुन ने तुम्हें रोक दिया था — यदि तभी तुमने वीरता का कार्य कर दिया होता, तो हे भीम, उसमें क्या अनुचित होता?

श्लोक 17 (3.34.17)

प्रागेव चैवं समयक्रियायाः । किं नाब्रवीः पौरुषमाविदानः । प्राप्तं तु कालं त्वभिपद्य पश्चात् । किं मामिदानीमतिवेलमात्थ ॥

prāgeva caivaṃ samayakriyāyāḥ | kiṃ nābravīḥ pauruṣamāvidānaḥ | prāptaṃ tu kālaṃ tvabhipadya paścāt | kiṃ māmidānīmativelamāttha

अपने पौरुष को जानते हुए भी तुमने समझौता होने से पहले ही ऐसा क्यों नहीं कहा? अब आए हुए समय को स्वीकार कर लेने के बाद तुम मुझसे इस प्रकार सीमा से बढ़कर क्यों बोल रहे हो?

श्लोक 18 (3.34.18)

भूयोपि दुःखं मम भीमसेन । दूये विषस्येव रसं हि पीत्वा । यद्याज्ञसेनीं परिक्लिश्यमानां । संदृश्य तत्क्षान्तमिति स्म भीम ॥

bhūyopi duḥkhaṃ mama bhīmasena | dūye viṣasyeva rasaṃ hi pītvā | yadyājñasenīṃ parikliśyamānāṃ | saṃdṛśya tatkṣāntamiti sma bhīma

हे भीमसेन, मेरा दुःख तो और भी अधिक है; मैं ऐसे जल रहा हूँ मानो विष पी लिया हो, क्योंकि याज्ञसेनी को सताई जाती देखकर भी मैंने उसे सह लिया, हे भीम।

श्लोक 19 (3.34.19)

न त्वद्य शक्यं भरतप्रवीर । कृत्वा यदुक्तं कुरुवीरमध्ये । कालं प्रतीक्षस्व सुखोदयाय । पाकं फलानामिव बीजवापः ॥

na tvadya śakyaṃ bharatapravīra | kṛtvā yaduktaṃ kuruvīramadhye | kālaṃ pratīkṣasva sukhodayāya | pākaṃ phalānāmiva bījavāpaḥ

पर हे भरतवीर, कुरुवीरों के बीच जो वचन दिया था उसे स्वीकार कर लेने के बाद अब उससे हटना संभव नहीं। सुख के उदय के लिए समय की प्रतीक्षा करो, जैसे बीज बोने वाला फसल के पकने की प्रतीक्षा करता है।

श्लोक 20 (3.34.20)

यदा हि पूर्वं निकृतो निकृन्ते- । द्वैरं सपुष्पं सफलं विदित्वा । महागुणं हरति हि पौरुषेण । तदा वीरो जीवति जीवलोके ॥

yadā hi pūrvaṃ nikṛto nikṛnte- | dvairaṃ sapuṣpaṃ saphalaṃ viditvā | mahāguṇaṃ harati hi pauruṣeṇa | tadā vīro jīvati jīvaloke

जब पहले छला गया मनुष्य वैर को पुष्पित और फलित हुआ जानकर उसे काट डालता है, तब वह अपने पौरुष से महान लाभ प्राप्त करता है; तभी वह वीर जीवलोक में सचमुच जीता है।

श्लोक 21 (3.34.21)

श्रियं च लोके लभते समग्रां । मन्ये चास्मै शत्रवः सन्नमन्ते । मित्राणि चैनमतिरागाद्भजन्ते । देवा इवेन्द्रमुपजीवन्ति चैनम् ॥

śriyaṃ ca loke labhate samagrāṃ | manye cāsmai śatravaḥ sannamante | mitrāṇi cainamatirāgādbhajante | devā ivendramupajīvanti cainam

वह संसार में सम्पूर्ण लक्ष्मी प्राप्त करता है; मेरी समझ में शत्रु भी उसके आगे झुकते हैं, मित्र अत्यंत प्रेम से उसका साथ देते हैं और जैसे देवता इन्द्र के सहारे जीते हैं, वैसे ही वे उसके सहारे जीते हैं।

श्लोक 22 (3.34.22)

मम प्रतिज्ञां च निबोध सत्यां । वृणे सत्यममृताज्जीविताच्च । राज्यं च पुत्राश्च यशो धनं च । सर्वं न सत्यस्य कलामुपैति ॥

mama pratijñāṃ ca nibodha satyāṃ | vṛṇe satyamamṛtājjīvitācca | rājyaṃ ca putrāśca yaśo dhanaṃ ca | sarvaṃ na satyasya kalāmupaiti

और मेरी सच्ची प्रतिज्ञा जान लो: मैं अमरता और जीवन से भी बढ़कर सत्य को चुनता हूँ। राज्य, पुत्र, यश और धन — ये सब मिलकर भी सत्य के सोलहवें अंश के बराबर नहीं हैं।