उर्वशी का अर्जुन को शाप

श्लोक 1 (3.44.1)

कदाचित्स हि देवेन्द्रश्चित्रसेनं रहोऽब्रवीत् । पार्थस्य चक्षुरुर्वश्यां सक्तं विज्ञाय वासवः ॥

kadācitsa hi devendraścitrasenaṃ raho'bravīt | pārthasya cakṣururvaśyāṃ saktaṃ vijñāya vāsavaḥ

एक बार देवराज इन्द्र ने यह जानकर कि पार्थ की दृष्टि उर्वशी पर टिकी है, चित्रसेन से एकान्त में कहा।

श्लोक 2 (3.44.2)

गन्धर्वराज गच्छाद्य प्रहितोऽप्सरसांवराम् । उर्वशीं पुरुषव्याघ्रं सोपातिष्ठतु फल्गुनम् ॥

gandharvarāja gacchādya prahito'psarasāṃvarām | urvaśīṃ puruṣavyāghraṃ sopātiṣṭhatu phalgunam

"हे गन्धर्वराज, आज मेरे भेजे हुए तुम श्रेष्ठ अप्सरा उर्वशी के पास जाओ; वह पुरुषसिंह फल्गुन (अर्जुन) की सेवा में उपस्थित हो।

श्लोक 3 (3.44.3)

यथा न तामभिसृतां विद्यादस्मन्नियोगतः । तथा त्वया विधातव्यं स्त्रीसंसर्गविशारद ॥

yathā na tāmabhisṛtāṃ vidyādasmanniyogataḥ | tathā tvayā vidhātavyaṃ strīsaṃsargaviśārada

"तुम स्त्रियों के व्यवहार में निपुण हो; ऐसा प्रबन्ध करना कि वह यह न जान पाए कि वह मेरी आज्ञा से उसके पास आई है।"

श्लोक 4 (3.44.4)

एवमुक्तस्तथेत्युक्त्वा सोऽनुज्ञां प्राप्य वासवात् । गन्धर्वराजोऽप्सरसमभ्यगादुर्वशीं वराम् ॥

evamuktastathetyuktvā so'nujñāṃ prāpya vāsavāt | gandharvarājo'psarasamabhyagādurvaśīṃ varām

यह सुनकर गन्धर्वराज ने "ऐसा ही होगा" कहा और इन्द्र से अनुमति लेकर श्रेष्ठ अप्सरा उर्वशी के पास गए।

श्लोक 5 (3.44.5)

तां दृष्ट्वा विदितो हृष्टः स्वागतेनार्चितस्तया । सुखासीनः सुखासीनां स्मितपूर्वं वचोऽब्रवीत् ॥

tāṃ dṛṣṭvā vidito hṛṣṭaḥ svāgatenārcitastayā | sukhāsīnaḥ sukhāsīnāṃ smitapūrvaṃ vaco'bravīt

उन्हें देखकर उर्वशी ने पहचान लिया और स्वागत करके उनका सत्कार किया। प्रसन्न होकर वे आराम से बैठे, और सुखपूर्वक बैठी उर्वशी से मुस्कुराकर बोले —

श्लोक 6 (3.44.6)

विदितं तेऽस्तु सुश्रोणि प्रेषितोऽहमिहागतः । त्रिदिवस्यैकराजेन त्वत्प्रसादाभिनन्दिना ॥

viditaṃ te'stu suśroṇi preṣito'hamihāgataḥ | tridivasyaikarājena tvatprasādābhinandinā

"हे सुन्दरी, जान लो कि मुझे स्वर्ग के एकमात्र राजा ने भेजा है, जो तुम्हारी कृपा चाहते हैं; इसीलिए मैं यहाँ आया हूँ।

श्लोक 7 (3.44.7)

यः स देवमनुष्येषु प्रख्यातः सहजैर्गुणैः । श्रिया शीलेन रूपेण श्रुतेन च बलेन च । प्रख्यातः शौर्यवीर्याभ्यां प्रपन्नः प्रतिभानवान् ॥

yaḥ sa devamanuṣyeṣu prakhyātaḥ sahajairguṇaiḥ | śriyā śīlena rūpeṇa śrutena ca balena ca | prakhyātaḥ śauryavīryābhyāṃ prapannaḥ pratibhānavān

"जो अपने सहज गुणों के कारण देवताओं और मनुष्यों में प्रसिद्ध हैं — श्री, शील, रूप, शास्त्रज्ञान और बल के लिए; जो शौर्य और पराक्रम से विख्यात, विनीत और प्रत्युत्पन्नमति हैं;

श्लोक 8 (3.44.8)

तेजस्वी सौम्यशीलश्च क्षमावाञ्जितमत्सरः । साङ्गोपनिषदान्वेदांश्चतुराख्यानपञ्चमान् ॥

tejasvī saumyaśīlaśca kṣamāvāñjitamatsaraḥ | sāṅgopaniṣadānvedāṃścaturākhyānapañcamān

"तेजस्वी, सौम्य स्वभाव वाले, क्षमाशील और मत्सर-रहित हैं; जिन्होंने अंगों और उपनिषदों सहित चारों वेदों का और पाँचवें वेद के रूप में आख्यानों का अध्ययन किया है;

श्लोक 9 (3.44.9)

योऽधीते गुरुशुश्रूषां मेधां चाष्टगुणाश्रयाम् । ब्रह्मचर्येण दाक्ष्येण प्रसवैर्वयसाऽपि च ॥

yo'dhīte guruśuśrūṣāṃ medhāṃ cāṣṭaguṇāśrayām | brahmacaryeṇa dākṣyeṇa prasavairvayasā'pi ca

"जिन्होंने गुरु-सेवा और आठ गुणों पर टिकी मेधा प्राप्त की है; जो ब्रह्मचर्य, दक्षता, कुल और यौवन के कारण

श्लोक 10 (3.44.10)

एको वै रक्षिता चैव त्रिदिवं मघवानिव । अकत्थनो मानयिता स्थूललक्ष्यः प्रियंवदः ॥

eko vai rakṣitā caiva tridivaṃ maghavāniva | akatthano mānayitā sthūlalakṣyaḥ priyaṃvadaḥ

"अकेले ही रक्षक हैं, जैसे मघवा (इन्द्र) स्वर्ग के; जो आत्मप्रशंसा नहीं करते, दूसरों का मान रखते हैं, उदार दानी और मधुरभाषी हैं;

श्लोक 11 (3.44.11)

सुहृदश्चान्नपानेन विविधेनाभिवर्षति । सत्यवागूर्जितो वक्ता रूपवाननहंकृतः ॥

suhṛdaścānnapānena vividhenābhivarṣati | satyavāgūrjito vaktā rūpavānanahaṃkṛtaḥ

"जो अपने मित्रों पर नाना प्रकार के अन्न-पान की वर्षा करते हैं; सत्यवादी, ओजस्वी, कुशल वक्ता, रूपवान और अहंकार-रहित हैं;

श्लोक 12 (3.44.12)

भक्तानुकम्पी कान्तश्च प्रियश्च स्थिरसंगरः । प्रार्थनीयैर्गुणगणैर्महेन्द्रवरुणोपमः ॥

bhaktānukampī kāntaśca priyaśca sthirasaṃgaraḥ | prārthanīyairguṇagaṇairmahendravaruṇopamaḥ

"भक्तों पर दया करने वाले, मनोहर, प्रिय और वचन के पक्के हैं; जिनके गुणों का समूह सबके लिए स्पृहणीय है और जो महेन्द्र तथा वरुण के समान हैं —

श्लोक 13 (3.44.13)

विदितस्तेऽर्जुनो वीरः स स्वर्गफलमाप्तवान् । तव शक्राभ्यनुज्ञातः पादावद्यप्रपद्यताम् ॥

viditaste'rjuno vīraḥ sa svargaphalamāptavān | tava śakrābhyanujñātaḥ pādāvadyaprapadyatām

"वे वीर अर्जुन तुम्हें ज्ञात ही हैं। उन्होंने स्वर्ग का फल पा लिया है। इन्द्र की अनुमति से आज वे तुम्हारे चरणों में आएँ।"

श्लोक 14 (3.44.14)

एवमुक्ता स्मितं कृत्वा स्वात्मानं बहुमान्य च । प्रत्युवाचोर्वशी प्रीता चित्रसेनमनिन्दिता ॥

evamuktā smitaṃ kṛtvā svātmānaṃ bahumānya ca | pratyuvācorvaśī prītā citrasenamaninditā

यह सुनकर अनिन्द्य सुन्दरी उर्वशी मुस्कुराई, और अपने को बहुत सम्मानित मानकर प्रसन्नता से चित्रसेन को उत्तर दिया।

श्लोक 15 (3.44.15)

यत्त्वस्य कथितः सत्यो गुणोद्देशस्त्वयाऽनघ । तं श्रुत्वाऽन्यं प्रियं नारी वृणुयात्किमतोऽर्जुनं ॥

yattvasya kathitaḥ satyo guṇoddeśastvayā'nagha | taṃ śrutvā'nyaṃ priyaṃ nārī vṛṇuyātkimato'rjunaṃ

"हे निष्पाप, तुमने उनके गुणों का जो वर्णन किया है वह सत्य है। उसे सुनकर कौन स्त्री अर्जुन को छोड़ किसी और को प्रिय रूप में चुनेगी?

श्लोक 16 (3.44.16)

तस्य चाहं गुणौघेन फल्गुने जातमन्मथा । गच्छत्वं हि यथाकाममागमिष्याम्यहं सुखम् ॥

tasya cāhaṃ guṇaughena phalgune jātamanmathā | gacchatvaṃ hi yathākāmamāgamiṣyāmyahaṃ sukham

"उनके गुणों के प्रवाह से फल्गुन के प्रति मेरे मन में काम जाग उठा है। तुम अपनी इच्छा से जाओ; मैं प्रसन्नता से आऊँगी।"

श्लोक 17 (3.44.17)

ततो विसृज्यगन्धर्वं कृतकृत्या शुचिस्मिता । उर्वशी चाकरोत्स्नानं पार्थप्रार्थनलालसा ॥

tato visṛjyagandharvaṃ kṛtakṛtyā śucismitā | urvaśī cākarotsnānaṃ pārthaprārthanalālasā

तब गन्धर्व को विदा करके, कृतार्थ हुई पवित्र मुस्कान वाली उर्वशी ने पार्थ को पाने की लालसा से स्नान किया।

श्लोक 18 (3.44.18)

स्नानालङ्कारनेपथ्यैर्गन्धमाल्यैश्च शोभनैः । धनंजयस्य रूपेण शरैर्मन्मथचोदितैः ॥

snānālaṅkāranepathyairgandhamālyaiśca śobhanaiḥ | dhanaṃjayasya rūpeṇa śarairmanmathacoditaiḥ

स्नान के बाद आभूषणों, वेशभूषा, सुन्दर सुगन्धियों और मालाओं से सजी हुई, और धनंजय के रूप के कारण कामदेव के छोड़े बाणों से बिंधी हुई,

श्लोक 19 (3.44.19)

अतिविद्धेन मनसा मन्मथेन प्रदीपिता । दिव्यास्तरणसंस्तीर्णे विस्तीर्णे शयनोत्तमे ॥

atividdhena manasā manmathena pradīpitā | divyāstaraṇasaṃstīrṇe vistīrṇe śayanottame

अत्यन्त बिंधे हुए मन से, काम से प्रज्वलित वह दिव्य बिछौनों से ढकी विशाल उत्तम शय्या पर

श्लोक 20 (3.44.20)

चित्तसंकल्पभावेन सुचित्ताऽनन्यमानसा । मनोरथेन संप्राप्तं रमयन्तीव फल्गुनम् ॥

cittasaṃkalpabhāvena sucittā'nanyamānasā | manorathena saṃprāptaṃ ramayantīva phalgunam

मन की कल्पनाओं में डूबी, अनन्य चित्त से, मानो मनोरथ से प्राप्त फल्गुन के साथ रमण कर रही थी।

श्लोक 21 (3.44.21)

निशाम्य चन्द्रोदयनं विगाढे रजनीमुखे । प्रस्थिता सा पृथुश्रोणी पार्थस्य भवनं महत् ॥

niśāmya candrodayanaṃ vigāḍhe rajanīmukhe | prasthitā sā pṛthuśroṇī pārthasya bhavanaṃ mahat

चन्द्रोदय देखकर, जब रात्रि का आरम्भ गहरा गया, वह विशाल नितम्बों वाली पार्थ के विशाल भवन की ओर चल पड़ी।

श्लोक 22 (3.44.22)

मृदुकुञ्चितदीर्घेण कुसुमोत्तमधारिणा । केशपाशेन ललना गच्छमाना व्यराजत ॥

mṛdukuñcitadīrgheṇa kusumottamadhāriṇā | keśapāśena lalanā gacchamānā vyarājata

कोमल, घुँघराले, लम्बे और उत्तम फूलों से सजे केश-पाश के साथ चलती हुई वह ललना शोभा पा रही थी।

श्लोक 23 (3.44.23)

भ्रूक्षेपालापमाधुर्यैः कान्त्या सौम्यतयाऽपि च । शशिनं वक्त्रचन्द्रेण साऽऽह्वयन्तीव गच्छती ॥

bhrūkṣepālāpamādhuryaiḥ kāntyā saumyatayā'pi ca | śaśinaṃ vaktracandreṇa sā''hvayantīva gacchatī

भौंहों की भंगिमा, बातचीत की मधुरता, कान्ति और सौम्यता के साथ चलती हुई वह मानो अपने मुखचन्द्र से चन्द्रमा को चुनौती दे रही थी।

श्लोक 24 (3.44.24)

दिव्याङ्गरागौ सुमुखौ दिव्यचन्दनरूषितौ । गच्छन्त्या हाररुचिरौ स्तनौ तस्या ववल्गतुः ॥

divyāṅgarāgau sumukhau divyacandanarūṣitau | gacchantyā hārarucirau stanau tasyā vavalgatuḥ

चलते समय दिव्य अंगराग और दिव्य चन्दन से लिप्त, हारों से सुशोभित उसके सुन्दर स्तन हिल रहे थे।

श्लोक 25 (3.44.25)

स्तनोद्वहनसंक्षोभात्ताम्यमाना पदेपदे । त्रिवलीदामचित्रेण मध्येनातीव शोभिना ॥

stanodvahanasaṃkṣobhāttāmyamānā padepade | trivalīdāmacitreṇa madhyenātīva śobhinā

स्तनों के भार के हिलने से पग-पग पर थकती हुई वह त्रिवली से अलंकृत अत्यन्त सुन्दर कटि से शोभित थी।

श्लोक 26 (3.44.26)

रथकूबरविस्तीर्णं नितम्बोन्नतपीवरम् । मन्मथायतनं शुभ्रं रशनादामभूषितम् ॥

rathakūbaravistīrṇaṃ nitambonnatapīvaram | manmathāyatanaṃ śubhraṃ raśanādāmabhūṣitam

रथ के कूबर जैसी चौड़ी, ऊँचे और पुष्ट नितम्बों वाली, कामदेव का निवास, उज्ज्वल और करधनी से सजी,

श्लोक 27 (3.44.27)

ऋषीणामपि दिव्यानां मनोव्याघातकारणम् । सूक्ष्मवस्त्रधरं भाति जघनं निरवद्यवत् ॥

ṛṣīṇāmapi divyānāṃ manovyāghātakāraṇam | sūkṣmavastradharaṃ bhāti jaghanaṃ niravadyavat

दिव्य ऋषियों के मन को भी विचलित कर देने वाली उसकी जघनस्थली महीन वस्त्र में निर्दोष शोभा पा रही थी।

श्लोक 28 (3.44.28)

गूढगुल्फधरौ पादौ ताम्रायततलाङ्गुली । कूर्मपृष्ठोन्नतौ चास्याः शोभेते किङ्किणीकिणौ ॥

gūḍhagulphadharau pādau tāmrāyatatalāṅgulī | kūrmapṛṣṭhonnatau cāsyāḥ śobhete kiṅkiṇīkiṇau

छिपे टखनों वाले, ताँबे जैसे लाल लम्बे तलवों और अँगुलियों वाले, कछुए की पीठ जैसे उभरे और घुँघरुओं से रुनझुन करते उसके चरण शोभित हो रहे थे।

श्लोक 29 (3.44.29)

शीधुपानेन चाल्पेन तुष्टा च मदनेन च । विलासितैश्च विविधैः प्रेक्षणीयतराऽभवत् ॥

śīdhupānena cālpena tuṣṭā ca madanena ca | vilāsitaiśca vividhaiḥ prekṣaṇīyatarā'bhavat

थोड़ी-सी मदिरा और काम से प्रसन्न, तथा नाना विलासों से युक्त वह और भी दर्शनीय हो गई।

श्लोक 30 (3.44.30)

सिद्धचारणगन्धर्वैः साध्यैर्याति विलासिनी । बह्वाश्चर्येऽपि वै स्वर्गे दर्शनीयतमाकृतिः ॥

siddhacāraṇagandharvaiḥ sādhyairyāti vilāsinī | bahvāścarye'pi vai svarge darśanīyatamākṛtiḥ

वह विलासिनी सिद्धों, चारणों, गन्धर्वों और साध्यों के बीच से होकर जा रही थी; आश्चर्यों से भरे स्वर्ग में भी उसका रूप सबसे अधिक दर्शनीय था।

श्लोक 31 (3.44.31)

सुसूक्ष्मेणोत्तरीयेण मेघवर्णेन राजता । तन्वभ्रप्रावृता व्योम्नि चन्द्रलेखेव गच्छति ॥

susūkṣmeṇottarīyeṇa meghavarṇena rājatā | tanvabhraprāvṛtā vyomni candralekheva gacchati

बादल के रंग के चमकते, अत्यन्त महीन उत्तरीय में वह आकाश में पतले बादल से ढकी चन्द्रकला-सी चल रही थी।

श्लोक 32 (3.44.32)

ततः प्राप्तातिदुष्प्रापा मनसाऽपि विकर्मभिः । भवनं पाण्डुपुत्रस्य फल्गुनस्य शुचिस्मिता ॥

tataḥ prāptātiduṣprāpā manasā'pi vikarmabhiḥ | bhavanaṃ pāṇḍuputrasya phalgunasya śucismitā

तब वह पवित्र मुस्कान वाली, जिसे दुराचारी मन से भी नहीं पा सकते, पाण्डुपुत्र फल्गुन के भवन पहुँची।

श्लोक 33 (3.44.33)

तत्र द्वारमनुप्राप्ता द्वारस्थैश्च निवेदिता । अर्जुनस्य नरश्रेष्ठ उर्वशी शुभलोचना ॥

tatra dvāramanuprāptā dvārasthaiśca niveditā | arjunasya naraśreṣṭha urvaśī śubhalocanā

हे नरश्रेष्ठ, द्वार पर पहुँचने पर द्वारपालों ने सुन्दर नेत्रों वाली उर्वशी के आने की सूचना अर्जुन को दी।

श्लोक 34 (3.44.34)

उपातिष्ठत तद्वेश्म निर्मलं सुमनोहरम् । स शङ्कितमना राजन्प्रत्यगच्छत तां निशि ॥

upātiṣṭhata tadveśma nirmalaṃ sumanoharam | sa śaṅkitamanā rājanpratyagacchata tāṃ niśi

वह उस निर्मल, अत्यन्त मनोहर भवन में आई। हे राजन्, शंकित मन से अर्जुन रात में उसकी अगवानी को आए।

श्लोक 35 (3.44.35)

दृष्ट्वैव चोर्वशीं पार्थो लज्जासंवृतलोचनः । तदाऽभिवादनं कृत्वा गुरुपूजां प्रयुक्तवान् ॥

dṛṣṭvaiva corvaśīṃ pārtho lajjāsaṃvṛtalocanaḥ | tadā'bhivādanaṃ kṛtvā gurupūjāṃ prayuktavān

उर्वशी को देखते ही पार्थ ने लज्जा से आँखें झुका लीं, और प्रणाम करके उसका गुरुजन जैसा सत्कार किया।

श्लोक 36 (3.44.36)

अभिवादये त्वां शिरसा प्रवराप्सरसांवरे । किं चागमनकृत्यं ते ब्रूहि सर्वं यथातथम् । किमाज्ञापयसे देवि प्रेष्यस्तेऽहमुपस्थितः ॥

abhivādaye tvāṃ śirasā pravarāpsarasāṃvare | kiṃ cāgamanakṛtyaṃ te brūhi sarvaṃ yathātatham | kimājñāpayase devi preṣyaste'hamupasthitaḥ

"हे श्रेष्ठ अप्सराओं में भी श्रेष्ठ, मैं सिर झुकाकर आपको प्रणाम करता हूँ। आपके आने का प्रयोजन क्या है, सब ठीक-ठीक बताइए। देवि, क्या आज्ञा है? मैं आपका सेवक उपस्थित हूँ।"

श्लोक 37 (3.44.37)

अकामं फल्गुनं ज्ञात्वा इङ्गितज्ञा तदोर्वशी । गन्धर्ववचनं सर्वं श्रावयामास फल्गुनम् ॥

akāmaṃ phalgunaṃ jñātvā iṅgitajñā tadorvaśī | gandharvavacanaṃ sarvaṃ śrāvayāmāsa phalgunam

संकेतों को समझने वाली उर्वशी ने तब जान लिया कि फल्गुन के मन में कोई कामना नहीं है, और उसने गन्धर्व की कही सारी बात उन्हें सुना दी।

श्लोक 38 (3.44.38)

यथा मे चित्रसेनेन कथितं मनुजोत्तम । तत्तेऽहं संप्रवक्ष्यामि यथा चाहमिहागता ॥

yathā me citrasenena kathitaṃ manujottama | tatte'haṃ saṃpravakṣyāmi yathā cāhamihāgatā

"हे मनुष्यों में श्रेष्ठ, चित्रसेन ने मुझसे जो कहा और मैं यहाँ क्यों आई हूँ, वह सब मैं तुम्हें बताती हूँ।

श्लोक 39 (3.44.39)

उपस्थाने महेन्द्रस्य वर्तमाने मनोरमे । तवागमनतुष्ट्या च स्वर्गस्य परमोत्सवे ॥

upasthāne mahendrasya vartamāne manorame | tavāgamanatuṣṭyā ca svargasya paramotsave

"महेन्द्र की मनोरम सभा में, तुम्हारे आगमन के हर्ष में स्वर्ग में मनाए गए महान उत्सव के समय,

श्लोक 40 (3.44.40)

रुद्राणां चैव सान्निध्यमादित्यानां च सर्वशः । समागमेऽश्विनोश्चैव वसूनां च नरोत्तम ॥

rudrāṇāṃ caiva sānnidhyamādityānāṃ ca sarvaśaḥ | samāgame'śvinoścaiva vasūnāṃ ca narottama

"जब रुद्र और सभी आदित्य उपस्थित थे, और हे नरोत्तम, दोनों अश्विनीकुमार तथा वसु भी एकत्र थे,

श्लोक 41 (3.44.41)

महर्षीणां च सङ्घेषु राजर्षिप्रवरेषु च । सिद्धचारणयक्षेषु महोरगगणेषु च ॥

maharṣīṇāṃ ca saṅgheṣu rājarṣipravareṣu ca | siddhacāraṇayakṣeṣu mahoragagaṇeṣu ca

"महर्षियों के समूह, श्रेष्ठ राजर्षि, सिद्ध, चारण, यक्ष और महान नागों के समूह भी थे,

श्लोक 42 (3.44.42)

उपविष्टेषु सर्वेषु स्थानमानप्रभावतः । ऋद्ध्या प्रज्वलमानेषु अग्निसोमार्कवर्ष्मसु ॥

upaviṣṭeṣu sarveṣu sthānamānaprabhāvataḥ | ṛddhyā prajvalamāneṣu agnisomārkavarṣmasu

"जब वे सब अपने-अपने स्थान, मान और प्रभाव के अनुसार बैठे थे, ऐश्वर्य से दीप्त और अग्नि, चन्द्र तथा सूर्य जैसे शरीरों वाले;

श्लोक 43 (3.44.43)

वीणासु वाद्यमानासु गन्धर्वैः शक्रनन्दन । दिव्ये मनोरमे गीते प्रवृत्ते पृथुलोचन ॥

vīṇāsu vādyamānāsu gandharvaiḥ śakranandana | divye manorame gīte pravṛtte pṛthulocana

"हे इन्द्रनन्दन, जब गन्धर्व वीणाएँ बजा रहे थे और हे विशाललोचन, दिव्य मनोहर गान आरम्भ हो चुका था,

श्लोक 44 (3.44.44)

सर्वाप्सरःसु मुख्यासु प्रनृत्तासु कुरूद्वह । त्वं किलानिमिषः पार्थ मामेकां तत्र दृष्टवान् ॥

sarvāpsaraḥsu mukhyāsu pranṛttāsu kurūdvaha | tvaṃ kilānimiṣaḥ pārtha māmekāṃ tatra dṛṣṭavān

"और हे कुरुश्रेष्ठ, जब सभी प्रमुख अप्सराएँ नृत्य कर रही थीं, तब हे पार्थ, कहते हैं तुम एकटक केवल मुझे ही देख रहे थे।

श्लोक 45 (3.44.45)

तत्र चावभृथे तस्मिन्नुपस्थाने दिवौकसाम् । तव पित्राऽभ्यनुज्ञाता गताः स्वनिलयान्सुराः ॥

tatra cāvabhṛthe tasminnupasthāne divaukasām | tava pitrā'bhyanujñātā gatāḥ svanilayānsurāḥ

"देवताओं की उस सभा के समापन पर तुम्हारे पिता की अनुमति से देवता अपने-अपने निवासों को चले गए।

श्लोक 46 (3.44.46)

तथैवाप्सरसः सर्वाविशिष्टाः स्वगृहं गताः । अपि चान्याश्च शत्रुघ्न तव पित्रा विसर्जिताः ॥

tathaivāpsarasaḥ sarvāviśiṣṭāḥ svagṛhaṃ gatāḥ | api cānyāśca śatrughna tava pitrā visarjitāḥ

"उसी प्रकार सभी विशिष्ट अप्सराएँ अपने घर चली गईं, और हे शत्रुनाशक, बाकी सबको भी तुम्हारे पिता ने विदा कर दिया।

श्लोक 47 (3.44.47)

ततः शक्रेण संदिष्टश्चित्रसेनो ममान्तिकम् । प्राप्तः कमलपत्राक्ष स च मामब्रवीत्स्वयम् ॥

tataḥ śakreṇa saṃdiṣṭaścitraseno mamāntikam | prāptaḥ kamalapatrākṣa sa ca māmabravītsvayam

"तब हे कमलनयन, इन्द्र के आदेश से चित्रसेन मेरे पास आए और स्वयं मुझसे बोले —

श्लोक 48 (3.44.48)

त्वत्कृतेऽहं सुरेशेन प्रेषितो वरवर्णिनि । प्रियं कुरु महेन्द्रस्य मम चैवात्मनश्च ह ॥

tvatkṛte'haṃ sureśena preṣito varavarṇini | priyaṃ kuru mahendrasya mama caivātmanaśca ha

"'हे सुन्दरी, देवराज ने मुझे तुम्हारे लिए भेजा है। महेन्द्र का, मेरा और अपना भी प्रिय करो।

श्लोक 49 (3.44.49)

शक्रतुल्यं रणे शूरं रूपौदार्यगुणान्वितम् । पार्थं प्रार्थय सुश्रोणि त्वमित्येवं तदाऽब्रवीत् ॥

śakratulyaṃ raṇe śūraṃ rūpaudāryaguṇānvitam | pārthaṃ prārthaya suśroṇi tvamityevaṃ tadā'bravīt

"'हे सुश्रोणि, युद्ध में इन्द्र के समान शूर, रूप, उदारता और गुणों से सम्पन्न पार्थ की कामना करो' — उन्होंने तब ऐसा कहा।

श्लोक 50 (3.44.50)

ततोऽहं समनुज्ञाता तेन पित्रा च तेऽनघ । तवान्तिकमनुप्राप्ता शुश्रूषितुमरिंदम ॥

tato'haṃ samanujñātā tena pitrā ca te'nagha | tavāntikamanuprāptā śuśrūṣitumariṃdama

"हे निष्पाप, उनकी और तुम्हारे पिता की अनुमति पाकर, हे शत्रुदमन, मैं तुम्हारी सेवा करने तुम्हारे पास आई हूँ।

श्लोक 51 (3.44.51)

न केवलं हि शक्रेण प्रेषिता चाहमागता । चिराभिलषितो वीर ममाप्येष मनोरथः ॥

na kevalaṃ hi śakreṇa preṣitā cāhamāgatā | cirābhilaṣito vīra mamāpyeṣa manorathaḥ

"हे वीर, मैं केवल इन्द्र के भेजने से नहीं आई हूँ; यह मेरा भी बहुत समय से चाहा हुआ मनोरथ है।"

श्लोक 52 (3.44.52)

तां तथा ब्रुवतीं श्रुत्वा भृशं लज्जान्वितोऽर्जुनः । उवाच कर्णौ हस्ताभ्यां पिधाय त्रिदशोपमः ॥

tāṃ tathā bruvatīṃ śrutvā bhṛśaṃ lajjānvito'rjunaḥ | uvāca karṇau hastābhyāṃ pidhāya tridaśopamaḥ

उसे ऐसा कहते सुनकर देवतुल्य अर्जुन अत्यन्त लज्जित हुए और दोनों हाथों से कान ढककर बोले —

श्लोक 53 (3.44.53)

दुःश्रुतं मेऽस्तु सुभगे यन्मां वदसि भामिनि । गुरुदारैः समाना मे निश्चयेन वरानने ॥

duḥśrutaṃ me'stu subhage yanmāṃ vadasi bhāmini | gurudāraiḥ samānā me niścayena varānane

"हे सौभाग्यशालिनी, हे भामिनी, तुम जो मुझसे कह रही हो वह मेरे कानों ने न सुना हो! हे सुमुखी, निश्चय ही तुम मेरे लिए गुरुपत्नियों के समान हो।

श्लोक 54 (3.44.54)

यथा कुन्ती महाभागा यथेन्द्राणी शची मम । तथा त्वमपि कल्याणी नात्र कार्या विचारणा ॥

yathā kuntī mahābhāgā yathendrāṇī śacī mama | tathā tvamapi kalyāṇī nātra kāryā vicāraṇā

"जैसे महाभागा कुन्ती और इन्द्राणी शची मेरे लिए हैं, वैसे ही हे कल्याणी, तुम भी हो; इसमें कोई सन्देह नहीं।

श्लोक 55 (3.44.55)

यच्चेक्षिताऽसि विस्पष्टं विशेषेण मया शुभे । तच्च मे कारणं सर्वं शृणु सत्येन सुस्मिते ॥

yaccekṣitā'si vispaṣṭaṃ viśeṣeṇa mayā śubhe | tacca me kāraṇaṃ sarvaṃ śṛṇu satyena susmite

"हे शुभे, मैंने जो तुम्हें विशेष रूप से और खुलकर देखा था, उसका पूरा कारण, हे सुस्मिते, सच-सच सुनो।

श्लोक 56 (3.44.56)

इयं पौरववंशस्य जननी सुदतीति ह । त्वामहं दृष्टवांस्तत्र विस्मयोत्फुल्ललोचनः ॥

iyaṃ pauravavaṃśasya jananī sudatīti ha | tvāmahaṃ dṛṣṭavāṃstatra vismayotphullalocanaḥ

"'यह सुन्दर दाँतों वाली पौरव वंश की जननी है' — यही सोचकर मैंने वहाँ विस्मय से खिली आँखों से तुम्हें देखा था।

श्लोक 57 (3.44.57)

न मामर्हसि कल्याणि अन्यथा ध्यातुमप्सरः । गुरोर्गुरुतरा मे त्वं मम त्वं वंशवर्धिनी ॥

na māmarhasi kalyāṇi anyathā dhyātumapsaraḥ | gurorgurutarā me tvaṃ mama tvaṃ vaṃśavardhinī

"हे कल्याणी अप्सरा, तुम्हें मेरे बारे में कुछ और नहीं सोचना चाहिए। तुम मेरे लिए गुरु से भी बढ़कर पूज्य हो; तुम मेरे वंश को बढ़ाने वाली हो।"

श्लोक 58 (3.44.58)

अनावृताश्च सर्वाः स्म देवराजाभिनन्दन । गुरुस्थाने न मां वीर नियोक्तुं त्वमिहार्हसि ॥

anāvṛtāśca sarvāḥ sma devarājābhinandana | gurusthāne na māṃ vīra niyoktuṃ tvamihārhasi

"हे देवराजनन्दन, हम सब अप्सराएँ किसी बन्धन में नहीं हैं। हे वीर, तुम्हें मुझे गुरुजन के स्थान पर नहीं रखना चाहिए।

श्लोक 59 (3.44.59)

पितरः सोदराः पुत्रा नप्तारो वा त्विहागताः । तपसा रमयन्त्यस्मान्न च तेषां व्यतिक्रमः ॥

pitaraḥ sodarāḥ putrā naptāro vā tvihāgatāḥ | tapasā ramayantyasmānna ca teṣāṃ vyatikramaḥ

"जो पिता, भाई, पुत्र या पौत्र अपने तप के बल से यहाँ आते हैं, वे हमारे साथ रमण करते हैं, और इसमें उनका कोई दोष नहीं होता।

श्लोक 60 (3.44.60)

तत्प्रसीद न मामार्तां विसर्जयितुमर्हसि । हृच्छयेन च संतप्तां भक्तां च भज मानद ॥

tatprasīda na māmārtāṃ visarjayitumarhasi | hṛcchayena ca saṃtaptāṃ bhaktāṃ ca bhaja mānada

"इसलिए प्रसन्न हो जाओ; मुझ दुखियारी को लौटाओ मत। मैं काम से संतप्त हूँ और तुम्हारी अनुरागिनी हूँ; हे मानद, मुझे स्वीकार करो।"

श्लोक 61 (3.44.61)

शृणु सत्यंवरारोहे यत्त्वां वक्ष्याम्यनिन्दिते । शृण्वन्तु मे दिशश्चैव विदिशश्च सदेवताः ॥

śṛṇu satyaṃvarārohe yattvāṃ vakṣyāmyanindite | śṛṇvantu me diśaścaiva vidiśaśca sadevatāḥ

"हे सुन्दरी, हे अनिन्दिते, मैं तुमसे जो सत्य कहता हूँ उसे सुनो; दिशाएँ, उपदिशाएँ और उनके देवता भी मेरी बात सुनें।

श्लोक 62 (3.44.62)

यथा कुन्ती च माद्री च शची चैव समा इह । तथा च वंशजननी त्वं हि मेऽद्य गरीयसी ॥

yathā kuntī ca mādrī ca śacī caiva samā iha | tathā ca vaṃśajananī tvaṃ hi me'dya garīyasī

"जैसे कुन्ती, माद्री और शची मेरे लिए समान हैं, वैसे ही वंश की जननी होने से तुम आज मेरे लिए और भी अधिक पूज्य हो।

श्लोक 63 (3.44.63)

गच्छ मूर्ध्ना प्रपन्नोस्मि पादौ ते वरवर्णिनि । त्वं हि मे मातृवत्पूज्या रक्ष्योऽहं पुत्रवत्त्वया ॥

gaccha mūrdhnā prapannosmi pādau te varavarṇini | tvaṃ hi me mātṛvatpūjyā rakṣyo'haṃ putravattvayā

"जाओ, हे सुन्दरी, मैं सिर झुकाकर तुम्हारे चरणों में प्रणाम करता हूँ। तुम मेरे लिए माता के समान पूज्य हो और मैं तुम्हारे लिए पुत्र के समान रक्षणीय हूँ।"

श्लोक 64 (3.44.64)

ततोऽवधूता पार्थेन उर्वशी क्रोधमूर्च्छिता । वेपन्ती भ्रुकुटीवक्रा शशापाथ धनंजयम् ॥

tato'vadhūtā pārthena urvaśī krodhamūrcchitā | vepantī bhrukuṭīvakrā śaśāpātha dhanaṃjayam

पार्थ के इस प्रकार ठुकराने पर क्रोध से मूर्छित-सी, काँपती हुई, टेढ़ी भौंहें किए उर्वशी ने तब धनंजय को शाप दिया —

श्लोक 65 (3.44.65)

तव पित्राऽभ्यनुज्ञातां स्वयं च गृहमागताम् । यस्मान्मां नाभिनन्देथाः कामबाणवशंगताम् ॥

tava pitrā'bhyanujñātāṃ svayaṃ ca gṛhamāgatām | yasmānmāṃ nābhinandethāḥ kāmabāṇavaśaṃgatām

"तुम्हारे पिता की अनुमति से स्वयं तुम्हारे घर आई और काम के बाणों के वश में पड़ी मुझको तुमने स्वीकार नहीं किया,

श्लोक 66 (3.44.66)

तस्मात्त्वं नर्तकः पार्थ स्त्रीमध्ये मानवर्जितः । अपुंस्त्वेन च विख्यातः पण्ढवद्विचरिष्यसि ॥

tasmāttvaṃ nartakaḥ pārtha strīmadhye mānavarjitaḥ | apuṃstvena ca vikhyātaḥ paṇḍhavadvicariṣyasi

"इसलिए हे पार्थ, तुम स्त्रियों के बीच सम्मान-रहित नर्तक बनकर, पुरुषत्व-हीन के रूप में प्रसिद्ध होकर, नपुंसक की तरह विचरोगे।"

श्लोक 67 (3.44.67)

एवं दत्त्वाऽर्जुने शापं स्फुरितोष्ठी श्वसन्त्यथ । पुनः प्रत्यागता क्षिप्रमुर्वशी स्वं निवेशनम् ॥

evaṃ dattvā'rjune śāpaṃ sphuritoṣṭhī śvasantyatha | punaḥ pratyāgatā kṣipramurvaśī svaṃ niveśanam

अर्जुन को यह शाप देकर, फड़कते होंठों और तेज़ साँसों के साथ उर्वशी शीघ्र ही अपने भवन लौट गई।

श्लोक 68 (3.44.68)

पार्थोपि लब्ध्वा शापं तं तां निशां दुःखितोऽवसत् । विवक्षुश्चित्रसेनाय प्रातः सर्वमहृष्टवत् ॥

pārthopi labdhvā śāpaṃ taṃ tāṃ niśāṃ duḥkhito'vasat | vivakṣuścitrasenāya prātaḥ sarvamahṛṣṭavat

पार्थ ने भी वह शाप पाकर वह रात दुःख में बिताई; वे उदास मन से सवेरे चित्रसेन को सब कुछ बताना चाहते थे।

श्लोक 69 (3.44.69)

ततः प्रभाते विमले गन्धर्वाय यथातथम् । निवेदयामास तदा चित्रसेनाय पाण्डवः ॥

tataḥ prabhāte vimale gandharvāya yathātatham | nivedayāmāsa tadā citrasenāya pāṇḍavaḥ

फिर निर्मल प्रभात होने पर पाण्डुपुत्र ने गन्धर्व चित्रसेन को सारी बात ज्यों की त्यों बता दी।

श्लोक 70 (3.44.70)

तच्च सर्वं यथावृत्तं शापं चैव यथातथम् । अवेदयच्च शक्रस्य चित्रसेनोऽपि सर्वशः ॥

tacca sarvaṃ yathāvṛttaṃ śāpaṃ caiva yathātatham | avedayacca śakrasya citraseno'pi sarvaśaḥ

चित्रसेन ने भी जो कुछ हुआ था और शाप भी ज्यों का त्यों, सब इन्द्र को बता दिया।

श्लोक 71 (3.44.71)

तदा त्वानाय्य तनयं विविक्ते हरिवाहनः । सान्त्वयित्वा शुभैर्वाक्यैः स्मयमानोऽभ्यभाषत ॥

tadā tvānāyya tanayaṃ vivikte harivāhanaḥ | sāntvayitvā śubhairvākyaiḥ smayamāno'bhyabhāṣata

तब हरे घोड़ों वाले इन्द्र ने अपने पुत्र को एकान्त में बुलवाया, शुभ वचनों से सान्त्वना दी और मुस्कुराते हुए कहा —

श्लोक 72 (3.44.72)

सुपुत्राद्यपृथा तात त्वया पुत्रेण सत्तम । ऋषयोपि हि धैर्येण जिता वै ते महाभुज ॥

suputrādyapṛthā tāta tvayā putreṇa sattama | ṛṣayopi hi dhairyeṇa jitā vai te mahābhuja

"हे तात, हे सज्जनश्रेष्ठ, आज तुम जैसे पुत्र से पृथा सचमुच सुपुत्रवती हुई है। हे महाबाहु, धैर्य में तुमने ऋषियों को भी जीत लिया है।

श्लोक 73 (3.44.73)

यं च दत्तवती शापमुर्वशी तव मानद । स चापि तेऽर्थकृत्तात साधकश्च भविष्यति ॥

yaṃ ca dattavatī śāpamurvaśī tava mānada | sa cāpi te'rthakṛttāta sādhakaśca bhaviṣyati

"हे मानद, उर्वशी ने तुम्हें जो शाप दिया है, वह भी, तात, तुम्हारे काम आएगा और तुम्हारा प्रयोजन सिद्ध करेगा।

श्लोक 74 (3.44.74)

अज्ञातवासो वस्तव्यो भवद्भिर्भूतलेऽनघ । वर्षे त्रयोदशे वीर तत्र त्वं गमयिष्यसि ॥

ajñātavāso vastavyo bhavadbhirbhūtale'nagha | varṣe trayodaśe vīra tatra tvaṃ gamayiṣyasi

"हे निष्पाप, तेरहवें वर्ष में तुम सबको पृथ्वी पर अज्ञातवास करना होगा; हे वीर, उस समय तुम इसी शाप के सहारे वह वर्ष बिताओगे।

श्लोक 75 (3.44.75)

तेन नर्तकवेषेण अपुंस्त्वेन तथैव च । वर्षमेकं विहृत्यैव ततः पुंस्त्वमवाप्स्यसि ॥

tena nartakaveṣeṇa apuṃstvena tathaiva ca | varṣamekaṃ vihṛtyaiva tataḥ puṃstvamavāpsyasi

"उस नर्तक के वेश में और पुरुषत्व-हीन होकर एक वर्ष बिताने के बाद तुम फिर अपना पुरुषत्व प्राप्त कर लोगे।"

श्लोक 76 (3.44.76)

एवमुक्तस्तु शक्रेण फल्गुनः परवीरहा । मुदं परमिकां लेभे न च शापं व्यचिन्तयत् ॥

evamuktastu śakreṇa phalgunaḥ paravīrahā | mudaṃ paramikāṃ lebhe na ca śāpaṃ vyacintayat

इन्द्र के ऐसा कहने पर शत्रुवीरों का संहार करने वाले फल्गुन अत्यन्त प्रसन्न हुए और उन्होंने शाप की चिन्ता छोड़ दी।

श्लोक 77 (3.44.77)

चित्रसेनेन सहितो गन्धर्वेण यशस्विना । रेमे स स्वर्गभवने पाण्डुपुत्रो धनंजयः ॥

citrasenena sahito gandharveṇa yaśasvinā | reme sa svargabhavane pāṇḍuputro dhanaṃjayaḥ

पाण्डुपुत्र धनंजय यशस्वी गन्धर्व चित्रसेन के साथ स्वर्ग के भवन में आनन्दपूर्वक रहने लगे।

श्लोक 78 (3.44.78)

य इमां शृणुयान्नित्यं धृतिं पाण्डुसुतस्य वै । न तस्य कामः कामेषु पापकेषु प्रवर्तते ॥

ya imāṃ śṛṇuyānnityaṃ dhṛtiṃ pāṇḍusutasya vai | na tasya kāmaḥ kāmeṣu pāpakeṣu pravartate

जो पाण्डुपुत्र के इस धैर्य की कथा नित्य सुनता है, उसकी कामना पापपूर्ण भोगों की ओर नहीं जाती।

श्लोक 79 (3.44.79)

इदममरवरात्मजस्य घोरं । शुचि चरितं विनिशाम्य फल्गुनस्य । व्यपगतमददम्भरागदोषा- । स्त्रिदिवगताऽभिरमन्ति मानवेन्द्राः ॥

idamamaravarātmajasya ghoraṃ | śuci caritaṃ viniśāmya phalgunasya | vyapagatamadadambharāgadoṣā- | stridivagatā'bhiramanti mānavendrāḥ

देवश्रेष्ठ इन्द्र के पुत्र फल्गुन के इस कठोर और पवित्र आचरण को सुनकर राजा लोग मद, दम्भ और राग के दोषों से मुक्त होकर स्वर्ग जाते हैं और वहाँ आनन्द करते हैं।