दमयन्ती की पहचान और विदर्भ-वापसी

श्लोक 1 (3.66.1)

विदर्भराजो धर्मात्मा भीमो भीमपराक्रमः । सुतेयं तस्य कल्याणी दमयन्तीति विश्रुता ॥

vidarbharājo dharmātmā bhīmo bhīmaparākramaḥ | suteyaṃ tasya kalyāṇī damayantīti viśrutā

"विदर्भ के राजा धर्मात्मा भीम हैं, जिनका पराक्रम भयंकर है। यह कल्याणी उन्हीं की पुत्री है, जो दमयन्ती नाम से विख्यात है।

श्लोक 2 (3.66.2)

राजा तु नैषधो नाम वीरसेनसुतो नलः । भार्येयं तस्य कल्याणी पुण्यश्लोकस्य धीमतः ॥

rājā tu naiṣadho nāma vīrasenasuto nalaḥ | bhāryeyaṃ tasya kalyāṇī puṇyaślokasya dhīmataḥ

निषध के राजा वीरसेन के पुत्र नल हैं; यह कल्याणी उन्हीं पुण्यकीर्ति बुद्धिमान राजा की पत्नी है।

श्लोक 3 (3.66.3)

स द्यूतेन जितो भ्रात्रा हृतराज्यो महामनाः । दमयन्त्या गतः सार्धं न प्रज्ञायत कस्यचित् ॥

sa dyūtena jito bhrātrā hṛtarājyo mahāmanāḥ | damayantyā gataḥ sārdhaṃ na prajñāyata kasyacit

भाई ने उन्हें जुए में हराकर उनका राज्य छीन लिया, तब वे महामना दमयन्ती के साथ चले गए और किसी को उनका पता नहीं चला।

श्लोक 4 (3.66.4)

ते वयं दमयन्त्यर्थे चरामः पृथिवीमिमाम् । सेयमासादिता बाला तव देवि निवेशने ॥

te vayaṃ damayantyarthe carāmaḥ pṛthivīmimām | seyamāsāditā bālā tava devi niveśane

दमयन्ती के लिए हम इस पृथ्वी पर घूम रहे हैं, और हे देवि, वही युवती आपके भवन में मिल गई है।

श्लोक 5 (3.66.5)

अस्या रूपेण सदृशी मानुषी न हि विद्यते । अस्या ह्येष भ्रुवोर्मध्ये सहजः पिप्लुरुत्तमः ॥

asyā rūpeṇa sadṛśī mānuṣī na hi vidyate | asyā hyeṣa bhruvormadhye sahajaḥ pipluruttamaḥ

रूप में इसके समान कोई मानवी नहीं है। इसकी भौंहों के बीच जन्म से ही एक सुन्दर तिल है,

श्लोक 6 (3.66.6)

श्यामायाः पद्मसंकाशो लक्षितोऽन्तर्हितो मया । मलेन संवृतो ह्यस्याश्छन्नोऽभ्रेणेव चन्द्रमाः ॥

śyāmāyāḥ padmasaṃkāśo lakṣito'ntarhito mayā | malena saṃvṛto hyasyāśchanno'bhreṇeva candramāḥ

इस श्यामा का वह कमल-सा तिल छिपा होने पर भी मैंने पहचान लिया है; वह मैल से ढका है, जैसे बादल से ढका चन्द्रमा।

श्लोक 7 (3.66.7)

चिह्नभूतो विभूत्यर्थमयं धात्रा विनिर्मितः । प्रतिपत्कलुषेवेन्दोर्लेखा नातिविराजते ॥

cihnabhūto vibhūtyarthamayaṃ dhātrā vinirmitaḥ | pratipatkaluṣevendorlekhā nātivirājate

विधाता ने इसे उसके सौभाग्य के चिह्न के रूप में रचा है। इस समय वह प्रतिपदा को मलिन हुई चन्द्रमा की रेखा की तरह अधिक नहीं चमक रहा।

श्लोक 8 (3.66.8)

न चास्या नश्यते रूपं वपुर्मलसमाचितम् । असंस्कृतमपि व्यक्तं भाति काञ्चनसन्निभम् ॥

na cāsyā naśyate rūpaṃ vapurmalasamācitam | asaṃskṛtamapi vyaktaṃ bhāti kāñcanasannibham

फिर भी उसका रूप नष्ट नहीं हुआ है, यद्यपि उसका शरीर मैल से भरा है। बिना सँवारे भी वह स्पष्ट दिखता है और सोने की तरह चमकता है।

श्लोक 9 (3.66.9)

अनेन वपुषा बाला पिप्लुनाऽनेन सूचिता । लक्षितेयं मया देवी पिहितोऽग्निरिवोष्मणा ॥

anena vapuṣā bālā piplunā'nena sūcitā | lakṣiteyaṃ mayā devī pihito'gnirivoṣmaṇā

इसी शरीर और इसी तिल के संकेत से मैंने इस युवती को राजकुमारी के रूप में पहचान लिया है, जैसे छिपी हुई अग्नि उसकी गर्मी से पहचानी जाती है।"

श्लोक 10 (3.66.10)

तच्छ्रुत्वा वचनं तस्य सुदेवस्य विशांपते । सुनन्दा शोधयामास पिप्लुप्रच्छादनं मलम् ॥

tacchrutvā vacanaṃ tasya sudevasya viśāṃpate | sunandā śodhayāmāsa piplupracchādanaṃ malam

हे प्रजानाथ! सुदेव का यह वचन सुनकर सुनन्दा ने तिल को ढकने वाला मैल धो डाला।

श्लोक 11 (3.66.11)

स मलेनापकृष्टेन पिप्लुस्तस्या व्यरोचत । दमयन्त्या यथा व्यभ्रे नभसीव निशाकरः ॥

sa malenāpakṛṣṭena piplustasyā vyarocata | damayantyā yathā vyabhre nabhasīva niśākaraḥ

मैल हट जाने पर दमयन्ती का वह तिल ऐसे चमक उठा जैसे बादल-रहित आकाश में चन्द्रमा।

श्लोक 12 (3.66.12)

पिप्लुं दृष्ट्वा सुनन्दा च राजमाता च भारत । रुदन्त्यौ तां परिष्वज्य मुहूर्तमिव तस्थतुः ॥

pipluṃ dṛṣṭvā sunandā ca rājamātā ca bhārata | rudantyau tāṃ pariṣvajya muhūrtamiva tasthatuḥ

हे भारत! तिल को देखकर सुनन्दा और राजमाता दोनों रोती हुई उससे लिपट गईं और कुछ देर वैसे ही खड़ी रहीं।

श्लोक 13 (3.66.13)

उत्सृज्य बाष्पं शनकै राजमातेदमब्रवीत् । भगिन्या दुहिता मेऽसि पिप्लुनानेन सूचिता ॥

utsṛjya bāṣpaṃ śanakai rājamātedamabravīt | bhaginyā duhitā me'si piplunānena sūcitā

फिर धीरे-धीरे आँसू बहाते हुए राजमाता ने कहा — "तुम मेरी बहन की बेटी हो; यह तिल इसकी सूचना दे रहा है।

श्लोक 14 (3.66.14)

अहं च तव माता च राजन्यस्य महात्मनः । सुते दशार्णाधिपतेः सुदाम्नश्चारुदर्शने ॥

ahaṃ ca tava mātā ca rājanyasya mahātmanaḥ | sute daśārṇādhipateḥ sudāmnaścārudarśane

हे सुन्दरी! मैं और तुम्हारी माता दोनों दशार्ण देश के अधिपति, महात्मा क्षत्रिय सुदामा की पुत्रियाँ हैं।

श्लोक 15 (3.66.15)

भीमस्य राज्ञः सा दत्ता वीरबाहोरहं पुनः । त्वं तु जाता मया दृष्टा दशार्णेषु पितुर्गृहे ॥

bhīmasya rājñaḥ sā dattā vīrabāhorahaṃ punaḥ | tvaṃ tu jātā mayā dṛṣṭā daśārṇeṣu piturgṛhe

वह राजा भीम को ब्याही गई और मैं वीरबाहु को। तुम्हारा जन्म होने पर मैंने तुम्हें दशार्ण देश में अपने पिता के घर देखा था।

श्लोक 16 (3.66.16)

यथैव ते पितुर्गेहं तथेदमपि भामिनि । यथैव च ममैश्वर्यं दमयन्ति तथा तव ॥

yathaiva te piturgehaṃ tathedamapi bhāmini | yathaiva ca mamaiśvaryaṃ damayanti tathā tava

हे भामिनी! जैसा तुम्हारे पिता का घर है, वैसा ही यह भी है; और हे दमयन्ती, जैसा मेरा ऐश्वर्य है, वैसा ही तुम्हारा भी है।"

श्लोक 17 (3.66.17)

तां प्रहृष्टेन मनसा दमयन्ती विशांपते । प्रणम्य मातुर्भगिनीमिदं वचनमब्रवीत् ॥

tāṃ prahṛṣṭena manasā damayantī viśāṃpate | praṇamya māturbhaginīmidaṃ vacanamabravīt

हे प्रजानाथ! दमयन्ती ने प्रसन्न मन से अपनी मौसी को प्रणाम किया और यह वचन कहा —

श्लोक 18 (3.66.18)

अज्ञायमानाऽपि सती सुखमस्म्युषिता त्वयि । सर्वकामैः सुविहिता रक्ष्यमाणा सदा त्वया ॥

ajñāyamānā'pi satī sukhamasmyuṣitā tvayi | sarvakāmaiḥ suvihitā rakṣyamāṇā sadā tvayā

"पहचानी न जाने पर भी मैं आपके पास सुख से रही हूँ; आपने मेरी हर इच्छा पूरी की और सदा मेरी रक्षा की।

श्लोक 19 (3.66.19)

सुखात्सुखतरो वासो भविष्यति न संशयः । चिरविप्रोषितां मातर्मामनुज्ञातुमर्हसि ॥

sukhātsukhataro vāso bhaviṣyati na saṃśayaḥ | ciraviproṣitāṃ mātarmāmanujñātumarhasi

इसमें सन्देह नहीं कि यहाँ मेरा रहना और भी सुखद होता जाएगा; पर माँ, मैं बहुत समय से घर से दूर हूँ, इसलिए आप मुझे जाने की अनुमति दें।

श्लोक 20 (3.66.20)

दारकौ च हि मे नीतौ वसतस्तत्र बालकौ । पित्रा विहीनौ शोकार्तौ मया चैव कथं नु तौ ॥

dārakau ca hi me nītau vasatastatra bālakau | pitrā vihīnau śokārtau mayā caiva kathaṃ nu tau

मेरे दोनों बच्चे वहाँ पहुँचा दिए गए थे और वहीं रह रहे हैं। वे छोटे बालक पिता से बिछुड़कर शोक में हैं, और मुझसे भी — न जाने वे कैसे होंगे?

श्लोक 21 (3.66.21)

यदि चापि प्रियं किंचिन्मयि कर्तुमिहेच्छसि । विदर्भान्यातुमिच्छामि शीघ्रं मे यानमादिश ॥

yadi cāpi priyaṃ kiṃcinmayi kartumihecchasi | vidarbhānyātumicchāmi śīghraṃ me yānamādiśa

यदि आप मेरा कुछ भी प्रिय करना चाहती हैं, तो मैं विदर्भ जाना चाहती हूँ; शीघ्र मेरे लिए सवारी की आज्ञा दीजिए।"

श्लोक 22 (3.66.22)

बाढमित्येव तामुक्त्वा हृष्टा मातृष्वसा नृप । गुप्तां बलेन महता पुत्रस्यानुमते ततः ॥

bāḍhamityeva tāmuktvā hṛṣṭā mātṛṣvasā nṛpa | guptāṃ balena mahatā putrasyānumate tataḥ

हे राजन्! "ठीक है" कहकर प्रसन्न हुई मौसी ने फिर अपने पुत्र की अनुमति से उसे एक बड़ी सेना की रक्षा में रखा,

श्लोक 23 (3.66.23)

प्रास्थापयद्राजमाता श्रीमतीं नरवाहिना । यानेन भरतश्रेष्ठ स्वन्नपानपरिच्छदाम् ॥

prāsthāpayadrājamātā śrīmatīṃ naravāhinā | yānena bharataśreṣṭha svannapānaparicchadām

और हे भरतश्रेष्ठ! राजमाता ने उस शोभामयी को मनुष्यों द्वारा ढोई जाने वाली पालकी में, भोजन, पेय और वस्त्रों से भलीभाँति सम्पन्न करके विदा किया।

श्लोक 24 (3.66.24)

ततः सा नचिरादेव विदर्भानगमच्छुभा । तां तु बन्धुजनः सर्वः प्रहृष्टः समपूजयत् ॥

tataḥ sā nacirādeva vidarbhānagamacchubhā | tāṃ tu bandhujanaḥ sarvaḥ prahṛṣṭaḥ samapūjayat

थोड़े ही समय में वह कल्याणी विदर्भ पहुँच गई, और उसके सभी बन्धु-बान्धवों ने प्रसन्न होकर उसका सत्कार किया।

श्लोक 25 (3.66.25)

सर्वान्कुशलिनो दृष्ट्वा बान्धवान्दारकौ च तौ । मातरं पितरं चोभौ सर्वं चैव सखीजनम् ॥

sarvānkuśalino dṛṣṭvā bāndhavāndārakau ca tau | mātaraṃ pitaraṃ cobhau sarvaṃ caiva sakhījanam

अपने सब बन्धु-बान्धवों को, दोनों बच्चों को, माता-पिता दोनों को और सारी सखियों को सकुशल देखकर,

श्लोक 26 (3.66.26)

देवताः पूजयामास ब्राह्मणांश्च यशस्विनी । परेण विधिना देवी दमयन्ती विशांपते ॥

devatāḥ pūjayāmāsa brāhmaṇāṃśca yaśasvinī | pareṇa vidhinā devī damayantī viśāṃpate

हे प्रजानाथ! यशस्विनी देवी दमयन्ती ने उत्तम विधि से देवताओं और ब्राह्मणों की पूजा की।

श्लोक 27 (3.66.27)

अतर्पयत्सुदेवं च गोसहस्रेण पार्थिवः । प्रीतो दृष्ट्वैव तनयां ग्रामेण द्रविणेन च ॥

atarpayatsudevaṃ ca gosahasreṇa pārthivaḥ | prīto dṛṣṭvaiva tanayāṃ grāmeṇa draviṇena ca

पुत्री को देखते ही प्रसन्न हुए राजा ने सुदेव को एक हज़ार गौएँ, एक गाँव और धन देकर सन्तुष्ट किया।

श्लोक 28 (3.66.28)

सा व्युष्टा रजनीं तत्र पितुर्वेश्मनि भामिनी । विश्रान्ता मातरं राजन्निदं वचनमब्रवीत् ॥

sā vyuṣṭā rajanīṃ tatra piturveśmani bhāminī | viśrāntā mātaraṃ rājannidaṃ vacanamabravīt

हे राजन्! उस सुन्दरी ने वहाँ पिता के भवन में रात बिताई, और विश्राम कर लेने पर अपनी माता से यह वचन कहा —