पुलस्त्य द्वारा तीर्थों का माहात्म्य: पुष्कर और पश्चिम के तीर्थ

श्लोक 1 (3.80.1)

अनेन तव धर्मज्ञ प्रश्रयेण दमेन च । सत्येन च महाभाग तुष्टोऽस्मि तव सुव्रत ॥

anena tava dharmajña praśrayeṇa damena ca | satyena ca mahābhāga tuṣṭo'smi tava suvrata

हे धर्मज्ञ, हे महाभाग, हे उत्तम व्रत वाले, तुम्हारी इस विनम्रता, संयम और सत्यनिष्ठा से मैं तुम पर प्रसन्न हूँ।

श्लोक 2 (3.80.2)

यस्येदृशस्ते धर्मोऽयं पितृवाक्याश्रितोऽनघ । तेन पश्यसि मां पुत्र प्रीतिश्च परमा त्वयि ॥

yasyedṛśaste dharmo'yaṃ pitṛvākyāśrito'nagha | tena paśyasi māṃ putra prītiśca paramā tvayi

हे निष्पाप, तुम्हारा धर्म ऐसा है जो पिता के वचन पर टिका है; इसी कारण, पुत्र, तुम मेरा दर्शन कर रहे हो, और तुम पर मेरा अत्यधिक स्नेह है।

श्लोक 3 (3.80.3)

अमोघदर्शी भीष्माहं ब्रूहि किं करवाणि ते । यद्वक्ष्यसि कुरुश्रेष्ठ तस्य दाताऽस्मि तेऽनघ ॥

amoghadarśī bhīṣmāhaṃ brūhi kiṃ karavāṇi te | yadvakṣyasi kuruśreṣṭha tasya dātā'smi te'nagha

भीष्म, मेरा दर्शन कभी निष्फल नहीं जाता। बताओ, मैं तुम्हारे लिए क्या करूँ? हे कुरुश्रेष्ठ, हे निष्पाप, तुम जो भी माँगोगे, वह मैं तुम्हें दूँगा।

श्लोक 4 (3.80.4)

प्रीते त्वयि महाभाग सर्वलोकाभिपूजिते । कृतमित्येव मन्येऽहं यदहं दृष्टवान्प्रभुम् ॥

prīte tvayi mahābhāga sarvalokābhipūjite | kṛtamityeva manye'haṃ yadahaṃ dṛṣṭavānprabhum

हे महाभाग, सब लोकों से पूजित आप मुझ पर प्रसन्न हैं और मैंने आप जैसे प्रभु के दर्शन कर लिए हैं; इसी को मैं अपनी कृतार्थता मानता हूँ।

श्लोक 5 (3.80.5)

यदि त्वहमनुग्राह्यस्तव धर्मभृतांवर । संदेहं ते प्रवक्ष्यामि तन्मे त्वं छेत्तुमर्हसि ॥

yadi tvahamanugrāhyastava dharmabhṛtāṃvara | saṃdehaṃ te pravakṣyāmi tanme tvaṃ chettumarhasi

फिर भी, हे धर्मधारियों में श्रेष्ठ, यदि मैं आपकी कृपा का पात्र हूँ तो मैं आपसे अपना एक संदेह कहूँगा; आप उसे दूर करने की कृपा करें।

श्लोक 6 (3.80.6)

अस्ति मे भगवन्कश्चित्तीर्थानि प्रति संशयः । तमहं श्रोतुमिच्छामि तद्भवान्वक्तुमर्हति ॥

asti me bhagavankaścittīrthāni prati saṃśayaḥ | tamahaṃ śrotumicchāmi tadbhavānvaktumarhati

भगवन्, तीर्थों के विषय में मेरे मन में एक संशय है। मैं उसके बारे में सुनना चाहता हूँ; आप उसे बताने की कृपा करें।

श्लोक 7 (3.80.7)

प्रदक्षिणां यः पृथिवीं करोत्यमरसन्निभ । किं फलं तस्य विप्रर्षे तन्मे ब्रूहि तपोधन ॥

pradakṣiṇāṃ yaḥ pṛthivīṃ karotyamarasannibha | kiṃ phalaṃ tasya viprarṣe tanme brūhi tapodhana

हे देवतुल्य, हे तपोधन ब्रह्मर्षि, जो मनुष्य पृथ्वी की प्रदक्षिणा करता है, उसे क्या फल मिलता है? यह मुझे बताइए।

श्लोक 8 (3.80.8)

हन्त तेऽहंप्रवक्ष्यामि यदृषीणां परायणम् । तदेकाग्रमनास्तात शृणु तीर्थेषु यत्फलम् ॥

hanta te'haṃpravakṣyāmi yadṛṣīṇāṃ parāyaṇam | tadekāgramanāstāta śṛṇu tīrtheṣu yatphalam

अच्छा, मैं तुम्हें वह बताता हूँ जो ऋषियों का परम आश्रय है। तात, एकाग्र मन से सुनो कि तीर्थों में क्या फल है।

श्लोक 9 (3.80.9)

यस्य हस्तौ च पादौ च मनश्चैव सुसंयतम् । विद्या तपश्च कीर्तिश्च स तीर्थफलमश्नुते ॥

yasya hastau ca pādau ca manaścaiva susaṃyatam | vidyā tapaśca kīrtiśca sa tīrthaphalamaśnute

जिसके हाथ, पैर और मन भली-भाँति संयमित हैं, और जिसके पास विद्या, तप और कीर्ति है, वही तीर्थ का फल पाता है।

श्लोक 10 (3.80.10)

प्रतिग्रहादपावृत्तः संतुष्टो येन केनचित् । अहंकारनिवृत्तश्च स तीर्थफलमश्नुते ॥

pratigrahādapāvṛttaḥ saṃtuṣṭo yena kenacit | ahaṃkāranivṛttaśca sa tīrthaphalamaśnute

जो दान लेने से विमुख है, जो कुछ भी मिल जाए उसी में संतुष्ट रहता है और अहंकार से मुक्त है, वही तीर्थ का फल पाता है।

श्लोक 11 (3.80.11)

अकल्कको निरारम्भो लघ्वाहारो जितेन्द्रियः । विमुक्तः सर्वपापेभ्यः स तीर्थफलमश्नुते ॥

akalkako nirārambho laghvāhāro jitendriyaḥ | vimuktaḥ sarvapāpebhyaḥ sa tīrthaphalamaśnute

जो दंभ से रहित है, सांसारिक आरंभों से दूर रहता है, अल्पाहारी और जितेन्द्रिय है तथा सब पापों से मुक्त है, वही तीर्थ का फल पाता है।

श्लोक 12 (3.80.12)

अक्रोधनश्च राजेन्द्र सत्यशीलो दृढव्रतः । आत्मोपमश्च भूतेषु स तीर्थफलमश्नुते ॥

akrodhanaśca rājendra satyaśīlo dṛḍhavrataḥ | ātmopamaśca bhūteṣu sa tīrthaphalamaśnute

हे राजेन्द्र, जो क्रोध से रहित, सत्यनिष्ठ और दृढ़व्रती है, तथा सब प्राणियों को अपने समान समझता है, वही तीर्थ का फल पाता है।

श्लोक 13 (3.80.13)

ऋषिभिः क्रतवः प्रोक्ता वेदेष्विह यथाक्रमम् । फलं चैव यथातत्त्वं प्रेत्य चेह च सर्वशः ॥

ṛṣibhiḥ kratavaḥ proktā vedeṣviha yathākramam | phalaṃ caiva yathātattvaṃ pretya ceha ca sarvaśaḥ

ऋषियों ने वेदों में यज्ञों का क्रम से वर्णन किया है, और यह भी पूरी तरह यथार्थ रूप में बताया है कि उनका फल इस लोक में और मृत्यु के बाद क्या होता है।

श्लोक 14 (3.80.14)

न ते शक्या दरिद्रेण यज्ञाः प्राप्तुं महीपते । बहूपकरणा यज्ञा नानासंभारविस्तराः ॥

na te śakyā daridreṇa yajñāḥ prāptuṃ mahīpate | bahūpakaraṇā yajñā nānāsaṃbhāravistarāḥ

परंतु हे पृथ्वीपति, दरिद्र मनुष्य उन यज्ञों को नहीं कर सकता, क्योंकि यज्ञों में बहुत-से उपकरण और अनेक प्रकार की सामग्री का विस्तार चाहिए।

श्लोक 15 (3.80.15)

प्राप्यन्ते पार्थिवैरेतैः समृद्धैर्वा नरैः क्वचित् । नार्थन्यूनोपकरणैरेकात्मभिरसंहतैः ॥

prāpyante pārthivairetaiḥ samṛddhairvā naraiḥ kvacit | nārthanyūnopakaraṇairekātmabhirasaṃhataiḥ

उन्हें राजा, या कभी-कभी धनी लोग ही कर पाते हैं; जिनके पास धन और साधन कम हैं, जो अकेले हैं और जिनका कोई सहायक नहीं, वे उन्हें नहीं कर पाते।

श्लोक 16 (3.80.16)

यो दरिद्रैरपि विधिः शक्यः प्राप्तुं नरेश्वर । तुल्यो यज्ञफलैः पुण्यैस्तं निबोध युधांवर ॥

yo daridrairapi vidhiḥ śakyaḥ prāptuṃ nareśvara | tulyo yajñaphalaiḥ puṇyaistaṃ nibodha yudhāṃvara

हे नरेश्वर, हे योद्धाओं में श्रेष्ठ, उस विधि को जानो जिसे दरिद्र भी कर सकते हैं और जो यज्ञों के पुण्य फलों के समान है।

श्लोक 17 (3.80.17)

ऋषीणां परमं गुह्यमिदं भरतसत्तम । तीर्थाभिगमनं पुण्यं यज्ञैरपि विशिष्यते ॥

ṛṣīṇāṃ paramaṃ guhyamidaṃ bharatasattama | tīrthābhigamanaṃ puṇyaṃ yajñairapi viśiṣyate

हे भरतश्रेष्ठ, यह ऋषियों का परम रहस्य है: पवित्र तीर्थयात्रा यज्ञों से भी बढ़कर है।

श्लोक 18 (3.80.18)

अनुपोष्य त्रिरात्राणि तीर्थान्यनभिगम्य च । अदत्त्वा काञ्चनं गाश्च दरिद्रो नाम जायते ॥

anupoṣya trirātrāṇi tīrthānyanabhigamya ca | adattvā kāñcanaṃ gāśca daridro nāma jāyate

जिसने कभी तीन रात का उपवास नहीं किया, तीर्थों की यात्रा नहीं की और सोना तथा गौएँ दान नहीं कीं, वह दरिद्र होकर जन्म लेता है।

श्लोक 19 (3.80.19)

अग्निष्टोमादिभिर्यज्ञैरिष्ट्वा विपुलदक्षिणैः । न तत्फलमवाप्नोति तीर्थाभिगमनेन यत् ॥

agniṣṭomādibhiryajñairiṣṭvā vipuladakṣiṇaiḥ | na tatphalamavāpnoti tīrthābhigamanena yat

अग्निष्टोम आदि यज्ञों को भरपूर दक्षिणा के साथ करके भी मनुष्य वह फल नहीं पाता, जो तीर्थयात्रा से मिलता है।

श्लोक 20 (3.80.20)

सर्वतीर्थेषु राजेन्द्र तीर्थं त्रैलोक्यविश्रुतम् । पुष्करं नाम विख्यातं महाभागः समाविशेत् ॥

sarvatīrtheṣu rājendra tīrthaṃ trailokyaviśrutam | puṣkaraṃ nāma vikhyātaṃ mahābhāgaḥ samāviśet

हे राजेन्द्र, सब तीर्थों में पुष्कर नाम का तीर्थ तीनों लोकों में प्रसिद्ध है। सौभाग्यशाली मनुष्य को वहाँ जाना चाहिए।

श्लोक 21 (3.80.21)

दशकोटिसहस्राणि तीर्थानां वै महामते । सान्निध्यं पुष्करे येषां त्रिसन्ध्यं कुरुनन्दन ॥

daśakoṭisahasrāṇi tīrthānāṃ vai mahāmate | sānnidhyaṃ puṣkare yeṣāṃ trisandhyaṃ kurunandana

हे महामति, हे कुरुनन्दन, दस हज़ार करोड़ तीर्थ तीनों संध्याओं के समय पुष्कर में उपस्थित रहते हैं।

श्लोक 22 (3.80.22)

आदित्या वसवो रुद्राः साध्याश्च समरुद्गणाः । गन्धर्वाप्सरसश्चैव नित्यं सन्निहिता विभो ॥

ādityā vasavo rudrāḥ sādhyāśca samarudgaṇāḥ | gandharvāpsarasaścaiva nityaṃ sannihitā vibho

हे विभो, आदित्य, वसु, रुद्र, मरुद्गणों सहित साध्य, तथा गन्धर्व और अप्सराएँ वहाँ सदा उपस्थित रहते हैं।

श्लोक 23 (3.80.23)

यत्र देवास्तपस्तप्त्वा दैत्या ब्रह्मर्षयस्तथा । तपोविशेषैर्बहुभिः स्थानान्यापुर्महौजसः । दिव्ययोगा महाराज पुण्येन महताऽन्विताः ॥

yatra devāstapastaptvā daityā brahmarṣayastathā | tapoviśeṣairbahubhiḥ sthānānyāpurmahaujasaḥ | divyayogā mahārāja puṇyena mahatā'nvitāḥ

हे महाराज, वहाँ देवताओं, दैत्यों और ब्रह्मर्षियों ने तप किया; अनेक विशेष तपों से उन महातेजस्वियों ने अपने-अपने पद पाए और महान पुण्य से युक्त होकर दिव्य योग-शक्ति प्राप्त की।

श्लोक 24 (3.80.24)

मनसाभ्येतुकामस्य पुष्कराणि मनस्विनः । पूयन्ते सर्वपापानि नाकपृष्ठे च पूज्यते ॥

manasābhyetukāmasya puṣkarāṇi manasvinaḥ | pūyante sarvapāpāni nākapṛṣṭhe ca pūjyate

जो मनस्वी पुरुष मन से भी पुष्कर जाने की इच्छा करता है, उसके सब पाप धुल जाते हैं और वह स्वर्ग में पूजित होता है।

श्लोक 25 (3.80.25)

तस्मिंस्तीर्थे महाभागो नित्यमेव पितामहः । उवास परमप्रीतो देवदानवसत्तमः ॥

tasmiṃstīrthe mahābhāgo nityameva pitāmahaḥ | uvāsa paramaprīto devadānavasattamaḥ

हे महाभाग, उस तीर्थ में देवताओं और दानवों में श्रेष्ठ पितामह ब्रह्मा अत्यंत प्रसन्न होकर सदा निवास करते आए हैं।

श्लोक 26 (3.80.26)

पुष्करेषु महाभाग देवाः सर्षिगणाः पुरा । सिद्धिं समभिसंप्राप्ताः पुण्येन महताऽन्विताः ॥

puṣkareṣu mahābhāga devāḥ sarṣigaṇāḥ purā | siddhiṃ samabhisaṃprāptāḥ puṇyena mahatā'nvitāḥ

हे महाभाग, प्राचीन काल में ऋषिगणों सहित देवताओं ने पुष्कर में महान पुण्य से युक्त होकर सिद्धि प्राप्त की थी।

श्लोक 27 (3.80.27)

तत्राभिषेकं यः कुर्यात्पितृदेवांश्च तर्पयेत् । सर्वपापविनिर्मुक्तो ब्रह्मलोके च पूज्यते ॥

tatrābhiṣekaṃ yaḥ kuryātpitṛdevāṃśca tarpayet | sarvapāpavinirmukto brahmaloke ca pūjyate

जो वहाँ स्नान करके पितरों और देवताओं का तर्पण करता है, वह सब पापों से मुक्त होकर ब्रह्मलोक में पूजित होता है।

श्लोक 28 (3.80.28)

अप्येकं भोजयेद्विप्रं पुष्करारण्यमाश्रितः । तेनासौ कर्मणा भीष्म प्रेत्य चेह च मोदते ॥

apyekaṃ bhojayedvipraṃ puṣkarāraṇyamāśritaḥ | tenāsau karmaṇā bhīṣma pretya ceha ca modate

भीष्म, पुष्कर वन में रहते हुए जो एक ब्राह्मण को भी भोजन कराता है, वह उस कर्म से इस लोक में और परलोक में आनंद पाता है।

श्लोक 29 (3.80.29)

शाकैर्मूलैः फलैर्वाऽपि येन वर्तयते स्वयम् । तद्वै दद्याद्ब्राह्मणाय श्रद्धावाननसूयकः । तेनैव प्राप्नुयात्प्राज्ञो हयमेधफलं नरः ॥

śākairmūlaiḥ phalairvā'pi yena vartayate svayam | tadvai dadyādbrāhmaṇāya śraddhāvānanasūyakaḥ | tenaiva prāpnuyātprājño hayamedhaphalaṃ naraḥ

मनुष्य स्वयं जिस साग, कंद-मूल या फल पर निर्वाह करता है, वही श्रद्धा से और बिना ईर्ष्या के ब्राह्मण को दे; उसी से वह बुद्धिमान अश्वमेध यज्ञ का फल पाता है।

श्लोक 30 (3.80.30)

अपि वाऽप्युदपात्रेण ब्राह्मणान्स्वस्ति वाचयेत् । तेनापि पूजनेनाशु प्रेत्यानन्त्याय कल्पते ॥

api vā'pyudapātreṇa brāhmaṇānsvasti vācayet | tenāpi pūjanenāśu pretyānantyāya kalpate

अथवा केवल जल के पात्र से ही ब्राह्मणों से स्वस्तिवाचन कराए, तो उस पूजा से भी वह शीघ्र ही परलोक में अक्षय फल का अधिकारी हो जाता है।

श्लोक 31 (3.80.31)

ब्राह्मणाः क्षत्रिया वैश्याः शूद्रा वा राजसत्तम । न वै योनौ प्रजायन्ते स्नातास्तीर्थे महात्मनः ॥

brāhmaṇāḥ kṣatriyā vaiśyāḥ śūdrā vā rājasattama | na vai yonau prajāyante snātāstīrthe mahātmanaḥ

हे राजश्रेष्ठ, ब्राह्मण, क्षत्रिय, वैश्य या शूद्र — जो भी उस महात्मा के तीर्थ में स्नान कर लेते हैं, वे फिर गर्भ से जन्म नहीं लेते।

श्लोक 32 (3.80.32)

कार्तिक्यां तु विशेषेण योऽभिगच्छति पुष्करम् । फलं तत्राक्षयं तेन लभते भरतर्षभ ॥

kārtikyāṃ tu viśeṣeṇa yo'bhigacchati puṣkaram | phalaṃ tatrākṣayaṃ tena labhate bharatarṣabha

हे भरतर्षभ, विशेषकर जो कार्तिक पूर्णिमा को पुष्कर जाता है, वह वहाँ अक्षय फल प्राप्त करता है।

श्लोक 33 (3.80.33)

सायंप्रातः स्मरेद्यस्तु पुष्कराणि कृताञ्जलिः । उपस्पृष्टं भवेत्तेन सर्वतीर्थेषु भारत । प्राप्नुयाच्च नरो लोकान्ब्रह्मणः सदनेऽक्षयान् ॥

sāyaṃprātaḥ smaredyastu puṣkarāṇi kṛtāñjaliḥ | upaspṛṣṭaṃ bhavettena sarvatīrtheṣu bhārata | prāpnuyācca naro lokānbrahmaṇaḥ sadane'kṣayān

हे भारत, जो सुबह-शाम हाथ जोड़कर पुष्कर का स्मरण करता है, उसे सब तीर्थों में स्नान का फल मिल जाता है और वह ब्रह्मा के धाम में अक्षय लोक प्राप्त करता है।

श्लोक 34 (3.80.34)

जन्मप्रभृतियत्पापं स्त्रिया वा पुरुषस्य वा । पुष्करे स्नातमात्रस्य सर्वमेव प्रणश्यति ॥

janmaprabhṛtiyatpāpaṃ striyā vā puruṣasya vā | puṣkare snātamātrasya sarvameva praṇaśyati

स्त्री हो या पुरुष, जन्म से लेकर जो भी पाप किया हो, वह सब पुष्कर में स्नान करते ही नष्ट हो जाता है।

श्लोक 35 (3.80.35)

यथा सुराणां सर्वेषामादिस्तु मधुसूदनः । तथैव पुष्करं राजंस्तीर्थानामादिरुच्यते ॥

yathā surāṇāṃ sarveṣāmādistu madhusūdanaḥ | tathaiva puṣkaraṃ rājaṃstīrthānāmādirucyate

हे राजन्, जैसे सब देवताओं में मधुसूदन आदि हैं, वैसे ही पुष्कर को तीर्थों में आदि कहा जाता है।

श्लोक 36 (3.80.36)

उष्य द्वादशवर्षाणि पुष्करे नियतः शुचिः । क्रतून्सर्वानवाप्नोति ब्रह्मलोकं स गच्छति ॥

uṣya dvādaśavarṣāṇi puṣkare niyataḥ śuciḥ | kratūnsarvānavāpnoti brahmalokaṃ sa gacchati

जो पुष्कर में बारह वर्ष संयमी और पवित्र होकर रहता है, वह सब यज्ञों का फल पाता है और ब्रह्मलोक को जाता है।

श्लोक 37 (3.80.37)

यस्तु वर्षशतं पूर्णमग्निहोत्रमुपासते । कार्तिकीं वा वसेदेकां पुष्करे सममेव तत् ॥

yastu varṣaśataṃ pūrṇamagnihotramupāsate | kārtikīṃ vā vasedekāṃ puṣkare samameva tat

कोई पूरे सौ वर्ष अग्निहोत्र करे, या केवल कार्तिक की एक पूर्णिमा पुष्कर में निवास करे — दोनों का फल बराबर है।

श्लोक 38 (3.80.38)

त्रीणि शृङ्गाणि शुभ्राणि त्रीणि प्रस्रवणानि च । पुष्कराण्यादिसिद्धानि न विद्मस्तत्र कारणम् ॥

trīṇi śṛṅgāṇi śubhrāṇi trīṇi prasravaṇāni ca | puṣkarāṇyādisiddhāni na vidmastatra kāraṇam

तीन उजले शिखर, तीन झरने और आदिकाल से सिद्ध पुष्कर-सरोवर — इसका कारण हम नहीं जानते।

श्लोक 39 (3.80.39)

दुष्करं पुष्करं गन्तुं दुष्करं पुष्करे तपः । दुष्करं पुष्करे दानं वस्तुं चैव सुदुष्करम् ॥

duṣkaraṃ puṣkaraṃ gantuṃ duṣkaraṃ puṣkare tapaḥ | duṣkaraṃ puṣkare dānaṃ vastuṃ caiva suduṣkaram

पुष्कर जाना कठिन है, पुष्कर में तप करना कठिन है, पुष्कर में दान देना कठिन है, और वहाँ निवास करना तो अत्यंत कठिन है।

श्लोक 40 (3.80.40)

उष्य द्वादशरात्रं तु नियतो नियताशनः । प्रदक्षिणमुपावृत्य जम्बूमार्गं समाविशेत् ॥

uṣya dvādaśarātraṃ tu niyato niyatāśanaḥ | pradakṣiṇamupāvṛtya jambūmārgaṃ samāviśet

बारह रातें संयम और नियमित आहार के साथ रहकर, प्रदक्षिणा करके, उसे जम्बूमार्ग जाना चाहिए।

श्लोक 41 (3.80.41)

जम्बूमार्गं समाविश्य देवर्षिपितृसेवितम् । अश्वमेधमवाप्नोति विष्णुलोकं च गच्छति ॥

jambūmārgaṃ samāviśya devarṣipitṛsevitam | aśvamedhamavāpnoti viṣṇulokaṃ ca gacchati

देवताओं, ऋषियों और पितरों से सेवित जम्बूमार्ग में प्रवेश करके मनुष्य अश्वमेध का फल पाता है और विष्णुलोक को जाता है।

श्लोक 42 (3.80.42)

तत्रोष्य रजनीः पञ्च षष्ठकालक्षमी नरः । न दुर्गतिमवाप्नोति विष्णुलोकं च गच्छति ॥

tatroṣya rajanīḥ pañca ṣaṣṭhakālakṣamī naraḥ | na durgatimavāpnoti viṣṇulokaṃ ca gacchati

जो मनुष्य वहाँ पाँच रातें रहकर केवल छठे भोजनकाल पर भोजन करने का संयम निभाता है, वह दुर्गति नहीं पाता और विष्णुलोक को जाता है।

श्लोक 43 (3.80.43)

तत्रगत्वा महाप्राज्ञः कुर्याच्छ्राद्धं दृढव्रतः । वाजपेयमवाप्नोति दुष्कृतं चास्य नश्यति ॥

tatragatvā mahāprājñaḥ kuryācchrāddhaṃ dṛḍhavrataḥ | vājapeyamavāpnoti duṣkṛtaṃ cāsya naśyati

जो दृढ़व्रती बुद्धिमान वहाँ जाकर श्राद्ध करता है, उसे वाजपेय यज्ञ का फल मिलता है और उसके दुष्कर्म नष्ट हो जाते हैं।

श्लोक 44 (3.80.44)

जम्बूमार्गादुपावृत्य गच्छेत्स्थण्डिलकाश्रमम् । न दुर्गतिमवाप्नोति ब्रह्मलोकं च गच्छति ॥

jambūmārgādupāvṛtya gacchetsthaṇḍilakāśramam | na durgatimavāpnoti brahmalokaṃ ca gacchati

जम्बूमार्ग से लौटकर उसे स्थण्डिलक आश्रम जाना चाहिए; वहाँ जाने वाला दुर्गति नहीं पाता और ब्रह्मलोक को जाता है।

श्लोक 45 (3.80.45)

आगस्त्यं सर आसाद्य पितृदेवार्चने रतः । त्रिरात्रोपोषितो राजन्नग्निष्टोमफलं लभेत् ॥

āgastyaṃ sara āsādya pitṛdevārcane rataḥ | trirātropoṣito rājannagniṣṭomaphalaṃ labhet

हे राजन्, अगस्त्य सरोवर पहुँचकर, पितरों और देवताओं की पूजा में लगे रहकर तीन रात उपवास करने से अग्निष्टोम का फल मिलता है।

श्लोक 46 (3.80.46)

शाकवृत्तिः फलैर्वाऽपि कौमारं विन्दते पदम् । कण्वाश्रमं ततो गच्छेच्छ्रीजुष्टं लोकपूजितम् ॥

śākavṛttiḥ phalairvā'pi kaumāraṃ vindate padam | kaṇvāśramaṃ tato gacchecchrījuṣṭaṃ lokapūjitam

वहाँ साग या फलों पर निर्वाह करने से वह कुमार (स्कन्द) का पद पाता है। फिर उसे शोभा से युक्त, लोकपूजित कण्व-आश्रम जाना चाहिए।

श्लोक 47 (3.80.47)

धर्मारण्यं हि तत्पुण्यमाद्यं च भरतर्षभ । यत्र प्रविष्टमात्रो वै सर्वपापैः प्रमुच्यते ॥

dharmāraṇyaṃ hi tatpuṇyamādyaṃ ca bharatarṣabha | yatra praviṣṭamātro vai sarvapāpaiḥ pramucyate

हे भरतर्षभ, वह पवित्र स्थान आदि धर्मारण्य है, जिसमें प्रवेश करते ही मनुष्य सब पापों से छूट जाता है।

श्लोक 48 (3.80.48)

अर्चयित्वा पितॄन्देवान्नियतो नियताशनः । सर्वकामसमृद्धः स्याद्यज्ञस्य फलमश्नुते ॥

arcayitvā pitṝndevānniyato niyatāśanaḥ | sarvakāmasamṛddhaḥ syādyajñasya phalamaśnute

वहाँ संयम और नियमित आहार के साथ पितरों और देवताओं की पूजा करने से मनुष्य सब कामनाओं से समृद्ध होता है और यज्ञ का फल पाता है।

श्लोक 49 (3.80.49)

प्रदक्षिणं ततः कृत्वा ययातिपतनं व्रजेत् । हयमेधस्य यज्ञस्य फलं प्राप्नोति तत्र वै ॥

pradakṣiṇaṃ tataḥ kṛtvā yayātipatanaṃ vrajet | hayamedhasya yajñasya phalaṃ prāpnoti tatra vai

फिर उसकी प्रदक्षिणा करके ययातिपतन जाना चाहिए; वहाँ अश्वमेध यज्ञ का फल मिलता है।

श्लोक 50 (3.80.50)

महाकालं ततो गच्छेन्नियतो नियताशनः । कोटितीर्थमुपस्पृश्य हयमेधफलं लभेत् ॥

mahākālaṃ tato gacchenniyato niyatāśanaḥ | koṭitīrthamupaspṛśya hayamedhaphalaṃ labhet

फिर संयम और नियमित आहार के साथ महाकाल जाना चाहिए; कोटितीर्थ में स्नान करके वह अश्वमेध का फल पाता है।

श्लोक 51 (3.80.51)

ततो गच्छेत धर्मज्ञः स्थाणोस्तीर्थमुमापतेः । नाम्ना भद्रवटं नाम त्रिषु लोकेषु विश्रुतम् ॥

tato gaccheta dharmajñaḥ sthāṇostīrthamumāpateḥ | nāmnā bhadravaṭaṃ nāma triṣu lokeṣu viśrutam

फिर धर्मज्ञ को उमापति स्थाणु (शिव) के भद्रवट नामक तीर्थ में जाना चाहिए, जो तीनों लोकों में प्रसिद्ध है।

श्लोक 52 (3.80.52)

तत्राभिगम्य चेशानं गोसहस्रफलं लभेत् । महादेवप्रसादाच्च गाणपत्यं च विन्दति ॥

tatrābhigamya ceśānaṃ gosahasraphalaṃ labhet | mahādevaprasādācca gāṇapatyaṃ ca vindati

वहाँ ईशान (शिव) के पास जाने से सहस्र गौओं का फल मिलता है, और महादेव की कृपा से वह गणों का अधिपतित्व पाता है।

श्लोक 53 (3.80.53)

समृद्धमसपत्नं च श्रिया युक्तं नरोत्तमः । राज्ञां चैवाधिपत्यं हि तत्र गत्वा समाप्नुयात् ॥

samṛddhamasapatnaṃ ca śriyā yuktaṃ narottamaḥ | rājñāṃ caivādhipatyaṃ hi tatra gatvā samāpnuyāt

वहाँ जाकर श्रेष्ठ पुरुष राजाओं पर भी ऐसा आधिपत्य पाता है जो समृद्ध, शत्रुरहित और लक्ष्मी से युक्त हो।

श्लोक 54 (3.80.54)

नर्मदां स समासाद्य नदीं त्रैलोक्यविश्रुताम् । तर्पयित्वा पितॄन्देवानग्निष्टोमफलं लभेत् ॥

narmadāṃ sa samāsādya nadīṃ trailokyaviśrutām | tarpayitvā pitṝndevānagniṣṭomaphalaṃ labhet

तीनों लोकों में प्रसिद्ध नर्मदा नदी पर पहुँचकर पितरों और देवताओं का तर्पण करने से अग्निष्टोम का फल मिलता है।

श्लोक 55 (3.80.55)

दक्षिणं सिन्धुमासाद्य ब्रह्मचारी जितेन्द्रियः । अग्निष्टोममवाप्नोति विमानं चाधिरोहति ॥

dakṣiṇaṃ sindhumāsādya brahmacārī jitendriyaḥ | agniṣṭomamavāpnoti vimānaṃ cādhirohati

दक्षिण सिन्धु पहुँचकर ब्रह्मचर्य और इन्द्रिय-संयम का पालन करने वाला अग्निष्टोम का फल पाता है और दिव्य विमान पर चढ़ता है।

श्लोक 56 (3.80.56)

चर्मण्वतीं समासाद्य नियतो नियताशनः । रन्तिदेवाभ्यनुज्ञातमग्निष्टोमफलं लभेत् ॥

carmaṇvatīṃ samāsādya niyato niyatāśanaḥ | rantidevābhyanujñātamagniṣṭomaphalaṃ labhet

चर्मण्वती पहुँचकर संयम और नियमित आहार रखने वाला रन्तिदेव द्वारा अनुमोदित अग्निष्टोम का फल पाता है।

श्लोक 57 (3.80.57)

ततो गच्छेत धर्मज्ञ हिमवत्सुतमर्बुदम् । पृथिव्यां यत्रवै छिद्रं पूर्वमासीद्युधिष्ठिर ॥

tato gaccheta dharmajña himavatsutamarbudam | pṛthivyāṃ yatravai chidraṃ pūrvamāsīdyudhiṣṭhira

हे धर्मज्ञ, फिर हिमवान के पुत्र अर्बुद पर्वत पर जाना चाहिए, जहाँ प्राचीन काल में पृथ्वी में एक छिद्र था, युधिष्ठिर।

श्लोक 58 (3.80.58)

तत्राश्रमो वसिष्ठस्य त्रिषु लोकेषु विश्रुतः । तत्रोष्य रजनीमेकां गोसहस्रफलं लभेत् ॥

tatrāśramo vasiṣṭhasya triṣu lokeṣu viśrutaḥ | tatroṣya rajanīmekāṃ gosahasraphalaṃ labhet

वहाँ वसिष्ठ का आश्रम है, जो तीनों लोकों में प्रसिद्ध है; वहाँ एक रात रहने से सहस्र गौओं का फल मिलता है।

श्लोक 59 (3.80.59)

पिङ्गतीर्थमुपस्पृश्य ब्रह्मचारी जितेन्द्रियः । कपिलानां नरश्रेष्ठ शतस्य फलमश्नुते ॥

piṅgatīrthamupaspṛśya brahmacārī jitendriyaḥ | kapilānāṃ naraśreṣṭha śatasya phalamaśnute

हे नरश्रेष्ठ, पिङ्गतीर्थ में स्नान करके ब्रह्मचर्य और इन्द्रिय-संयम रखने वाला सौ कपिला गौओं के दान का फल पाता है।

श्लोक 60 (3.80.60)

ततो गच्छेत राजेन्द्र प्रभासं लोकविश्रुतम् । तीर्थं देवगणैः पूज्यमृषिभिश्च निषेवितम् ॥

tato gaccheta rājendra prabhāsaṃ lokaviśrutam | tīrthaṃ devagaṇaiḥ pūjyamṛṣibhiśca niṣevitam

हे राजेन्द्र, फिर लोकप्रसिद्ध प्रभास जाना चाहिए, जो देवगणों द्वारा पूजित और ऋषियों द्वारा सेवित तीर्थ है।

श्लोक 61 (3.80.61)

यत्र संनिहितो नित्यं स्वयमेव हुताशनः । देवतानां मुखं वीर ज्वलनोऽनिलसारथिः ॥

yatra saṃnihito nityaṃ svayameva hutāśanaḥ | devatānāṃ mukhaṃ vīra jvalano'nilasārathiḥ

हे वीर, वहाँ स्वयं हुताशन अग्निदेव सदा उपस्थित रहते हैं — वे देवताओं के मुख हैं और वायु उनका सारथी है।

श्लोक 62 (3.80.62)

तस्मिंस्तीर्थे नरः स्नात्वा शुचिः प्रयतमानसः । अग्निष्टोमातिरात्राभ्यां फलं प्राप्नोति मानवः ॥

tasmiṃstīrthe naraḥ snātvā śuciḥ prayatamānasaḥ | agniṣṭomātirātrābhyāṃ phalaṃ prāpnoti mānavaḥ

उस तीर्थ में स्नान करके पवित्र और संयत मन वाला मनुष्य अग्निष्टोम और अतिरात्र यज्ञों का फल पाता है।

श्लोक 63 (3.80.63)

ततो गत्वा सरस्वत्याः सागरस्य च संगमे । गोसहस्रफलं तस्य स्वर्गलोकं च विन्दति । प्रभया दीप्यते नित्यमग्निवद्भरतर्षभ ॥

tato gatvā sarasvatyāḥ sāgarasya ca saṃgame | gosahasraphalaṃ tasya svargalokaṃ ca vindati | prabhayā dīpyate nityamagnivadbharatarṣabha

फिर सरस्वती और समुद्र के संगम पर जाकर उसे सहस्र गौओं का फल और स्वर्गलोक मिलता है; हे भरतर्षभ, वह अग्नि के समान तेज से सदा दीप्त रहता है।

श्लोक 64 (3.80.64)

त्रिरात्रमुषितस्तत्र तर्पयेत्पितृदेवताः । प्रभासते यथा सोमः सोऽश्वमेधं च विन्दति ॥

trirātramuṣitastatra tarpayetpitṛdevatāḥ | prabhāsate yathā somaḥ so'śvamedhaṃ ca vindati

वहाँ तीन रात रहकर पितरों और देवताओं का तर्पण करे; वह चन्द्रमा के समान प्रकाशित होता है और अश्वमेध का फल पाता है।

श्लोक 65 (3.80.65)

वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर । वरदाने नरः स्नात्वा गोसहस्रफलं लभेत् ॥

varadānaṃ tato gacchettīrthaṃ bharatasattama | viṣṇordurvāsasā yatra varo datto yudhiṣṭhira | varadāne naraḥ snātvā gosahasraphalaṃ labhet

हे भरतश्रेष्ठ, फिर वरदान तीर्थ जाना चाहिए, जहाँ दुर्वासा ने विष्णु को वर दिया था, युधिष्ठिर। वरदान में स्नान करने वाला सहस्र गौओं का फल पाता है।

श्लोक 66 (3.80.66)

ततो द्वारवतीं गच्छेन्नियतो नियताशनः । पिण्डारके नरः स्नात्वा लभेद्बहुसुवर्णकम् ॥

tato dvāravatīṃ gacchenniyato niyatāśanaḥ | piṇḍārake naraḥ snātvā labhedbahusuvarṇakam

फिर संयम और नियमित आहार के साथ द्वारवती (द्वारका) जाना चाहिए; पिण्डारक में स्नान करने वाला बहुत-सा सोना पाता है।

श्लोक 67 (3.80.67)

तस्मिंस्तीर्थे महाभाग पद्मलक्षणलक्षिताः । अद्यापि मुद्रा दृश्यन्ते तदद्भुतमरिंदम ॥

tasmiṃstīrthe mahābhāga padmalakṣaṇalakṣitāḥ | adyāpi mudrā dṛśyante tadadbhutamariṃdama

हे महाभाग, उस तीर्थ में आज भी कमल के चिह्न से अंकित मुद्राएँ दिखाई देती हैं; हे शत्रुदमन, यह एक आश्चर्य है।

श्लोक 68 (3.80.68)

त्रिशूलाङ्कानि पद्मानि दृश्यन्ते कुरुनन्दन । महादेवस्य सांनिध्यं तत्र वै पुरुषर्षभ ॥

triśūlāṅkāni padmāni dṛśyante kurunandana | mahādevasya sāṃnidhyaṃ tatra vai puruṣarṣabha

हे कुरुनन्दन, वहाँ त्रिशूल के चिह्न वाले कमल दिखते हैं; हे पुरुषश्रेष्ठ, वहाँ महादेव का सान्निध्य है।

श्लोक 69 (3.80.69)

सागरस्य च सिन्धोश्च संगमं प्राप्य दुर्लभम् । तीर्थे सलिलराजस्य स्नात्वा प्रयतमानसः ॥

sāgarasya ca sindhośca saṃgamaṃ prāpya durlabham | tīrthe salilarājasya snātvā prayatamānasaḥ

समुद्र और सिन्धु के दुर्लभ संगम पर पहुँचकर, जल के स्वामी (वरुण) के तीर्थ में संयत मन से स्नान करके,

श्लोक 70 (3.80.70)

तर्पयित्वा पितॄन्देवानृषींश्च भरतर्षभ । प्राप्नोति वारुणं लोकं दीप्यमानं स्वतेजसा ॥

tarpayitvā pitṝndevānṛṣīṃśca bharatarṣabha | prāpnoti vāruṇaṃ lokaṃ dīpyamānaṃ svatejasā

और हे भरतर्षभ, पितरों, देवताओं और ऋषियों का तर्पण करके वह अपने ही तेज से दीप्त वरुणलोक को प्राप्त करता है।

श्लोक 71 (3.80.71)

शङ्कुकर्णेश्वरं देवमर्चयित्वा युधिष्ठिर । अश्वमेधाद्दशगुणं प्रवदन्ति मनीषिणः ॥

śaṅkukarṇeśvaraṃ devamarcayitvā yudhiṣṭhira | aśvamedhāddaśaguṇaṃ pravadanti manīṣiṇaḥ

युधिष्ठिर, मनीषी कहते हैं कि शंकुकर्णेश्वर देव की पूजा अश्वमेध से दस गुना फल देती है।

श्लोक 72 (3.80.72)

प्रदक्षिणमुपावृत्य गच्छेत भरतर्षभ । तीर्थं कुरुवरश्रेष्ठ त्रिषु लोकेषु विश्रुतम् ॥

pradakṣiṇamupāvṛtya gaccheta bharatarṣabha | tīrthaṃ kuruvaraśreṣṭha triṣu lokeṣu viśrutam

हे भरतर्षभ, हे कुरुश्रेष्ठ, उसकी प्रदक्षिणा करके तीनों लोकों में प्रसिद्ध एक तीर्थ को जाना चाहिए,

श्लोक 73 (3.80.73)

शमीति नाम्ना विख्यातं सर्वपापप्रणाशनम् । तत्रब्रह्मादयो देवा उपासन्ते महेश्वरम् ॥

śamīti nāmnā vikhyātaṃ sarvapāpapraṇāśanam | tatrabrahmādayo devā upāsante maheśvaram

जो शमी नाम से विख्यात है और सब पापों का नाश करता है। वहाँ ब्रह्मा आदि देवता महेश्वर की उपासना करते हैं।

श्लोक 74 (3.80.74)

तत्रस्नात्वाऽर्चयित्वा च रुद्रं देवगणैर्वृतम् । जन्मप्रभृतियत्पापं तत्स्नातस्य प्रणश्यति ॥

tatrasnātvā'rcayitvā ca rudraṃ devagaṇairvṛtam | janmaprabhṛtiyatpāpaṃ tatsnātasya praṇaśyati

वहाँ स्नान करके देवगणों से घिरे रुद्र की पूजा करने वाले के जन्म से लेकर किए गए सब पाप नष्ट हो जाते हैं।

श्लोक 75 (3.80.75)

शमी चात्रनरश्रेष्ठ सर्वदेवैरभिष्टुता । तत्र स्नात्वा नरव्याघ्र हयमेधमवाप्नुयात् ॥

śamī cātranaraśreṣṭha sarvadevairabhiṣṭutā | tatra snātvā naravyāghra hayamedhamavāpnuyāt

हे नरश्रेष्ठ, यहाँ सब देवताओं द्वारा स्तुत शमी है; हे नरव्याघ्र, वहाँ स्नान करने से अश्वमेध का फल मिलता है।

श्लोक 76 (3.80.76)

गत्वा यत्रमहाप्राज्ञ विष्णुना प्रभविष्णुना । पुरा शौचं कृतंराजन्हत्वा दैवतकण्टकान् ॥

gatvā yatramahāprājña viṣṇunā prabhaviṣṇunā | purā śaucaṃ kṛtaṃrājanhatvā daivatakaṇṭakān

हे महाप्राज्ञ राजन्, यह वही स्थान है जहाँ प्राचीन काल में प्रभावशाली विष्णु ने देवताओं के कंटकरूप शत्रुओं का वध करके आकर शुद्धि की थी।

श्लोक 77 (3.80.77)

ततो गच्छेत धर्मज्ञ वसोर्धारामभिष्टुताम् । गमनादेवतस्यां हि हयमेधफलं लभेत् ॥

tato gaccheta dharmajña vasordhārāmabhiṣṭutām | gamanādevatasyāṃ hi hayamedhaphalaṃ labhet

हे धर्मज्ञ, फिर प्रशंसित वसोर्धारा जाना चाहिए; वहाँ जाने मात्र से अश्वमेध का फल मिलता है।

श्लोक 78 (3.80.78)

स्नात्वा कुरुवरश्रेष्ठ प्रयतात्मा समाहितः । तर्प्य देवान्पितॄंश्चैव विष्णुलोके महीयते ॥

snātvā kuruvaraśreṣṭha prayatātmā samāhitaḥ | tarpya devānpitṝṃścaiva viṣṇuloke mahīyate

हे कुरुश्रेष्ठ, वहाँ स्नान करके शुद्ध चित्त और एकाग्र होकर देवताओं और पितरों का तर्पण करने वाला विष्णुलोक में प्रतिष्ठित होता है।

श्लोक 79 (3.80.79)

तीर्थे चात्र सरः पुण्यं वसूनां भरतर्षभ । तत्र स्नात्वा च पीत्वा च वसूनां संमतोभवेत् ॥

tīrthe cātra saraḥ puṇyaṃ vasūnāṃ bharatarṣabha | tatra snātvā ca pītvā ca vasūnāṃ saṃmatobhavet

हे भरतर्षभ, इस तीर्थ में वसुओं का पवित्र सरोवर है; वहाँ स्नान करके और उसका जल पीकर मनुष्य वसुओं का प्रिय हो जाता है।

श्लोक 80 (3.80.80)

सिन्धूत्तममिति ख्यातं सर्वपापप्रणाशनम् । तत्र स्नात्वा नरश्रेष्ठ लभेद्बहुसुवर्णकम् ॥

sindhūttamamiti khyātaṃ sarvapāpapraṇāśanam | tatra snātvā naraśreṣṭha labhedbahusuvarṇakam

सिन्धूत्तम नाम से प्रसिद्ध तीर्थ सब पापों का नाश करने वाला है; हे नरश्रेष्ठ, वहाँ स्नान करने से बहुत-सा सोना मिलता है।

श्लोक 81 (3.80.81)

ब्रह्मतीर्थं समासाद्य शुचिः शीलसमन्वितः । ब्रह्मलोकमवाप्नोति गतिं च परमां व्रजेत् ॥

brahmatīrthaṃ samāsādya śuciḥ śīlasamanvitaḥ | brahmalokamavāpnoti gatiṃ ca paramāṃ vrajet

ब्रह्मतीर्थ पहुँचकर पवित्र और सदाचारी मनुष्य ब्रह्मलोक पाता है और परम गति को प्राप्त होता है।

श्लोक 82 (3.80.82)

कुमारिकाणां शक्रस्य तीर्थं सिद्धनिषेवितम् । तत्र स्नात्वा नरः क्षिप्रं स्वर्गलोकमवाप्नुयात् ॥

kumārikāṇāṃ śakrasya tīrthaṃ siddhaniṣevitam | tatra snātvā naraḥ kṣipraṃ svargalokamavāpnuyāt

इन्द्र की कुमारियों का तीर्थ सिद्धों से सेवित है; वहाँ स्नान करके मनुष्य शीघ्र स्वर्गलोक पाता है।

श्लोक 83 (3.80.83)

रेणुकायाश्च तत्रैव तीर्थं सिद्धनिषेवितम् । तत्र स्नात्वा भवेद्विप्रो निर्मलश्चन्द्रमा यथा ॥

reṇukāyāśca tatraiva tīrthaṃ siddhaniṣevitam | tatra snātvā bhavedvipro nirmalaścandramā yathā

वहीं रेणुका का तीर्थ भी है, जो सिद्धों से सेवित है; वहाँ स्नान करने से ब्राह्मण चन्द्रमा के समान निर्मल हो जाता है।

श्लोक 84 (3.80.84)

अथ पञ्चनदं गत्वा नियतो नियताशनः । पञ्चयज्ञानवाप्नोति क्रमशो येऽनुकीर्तिताः ॥

atha pañcanadaṃ gatvā niyato niyatāśanaḥ | pañcayajñānavāpnoti kramaśo ye'nukīrtitāḥ

फिर पञ्चनद जाकर संयम और नियमित आहार रखने वाला क्रम से बताए गए पाँचों यज्ञों का फल पाता है।

श्लोक 85 (3.80.85)

ततो गच्छेत राजेन्द्र भीमायाः स्थानमुत्तमम् । तत्रस्नात्वा न योन्यां वै भवेद्भरतसत्तम ॥

tato gaccheta rājendra bhīmāyāḥ sthānamuttamam | tatrasnātvā na yonyāṃ vai bhavedbharatasattama

हे राजेन्द्र, फिर भीमा देवी के उत्तम स्थान पर जाना चाहिए। हे भरतश्रेष्ठ, वहाँ स्नान करने वाला फिर गर्भ से जन्म नहीं लेता;

श्लोक 86 (3.80.86)

देव्याः पुत्रो भवेद्राजंस्तप्तकुण्डलभूषणः । गवां शतसहस्रस्य फलं प्राप्नोति मानवः ॥

devyāḥ putro bhavedrājaṃstaptakuṇḍalabhūṣaṇaḥ | gavāṃ śatasahasrasya phalaṃ prāpnoti mānavaḥ

हे राजन्, वह देवी का पुत्र होता है, तपे हुए सोने के कुण्डलों से सुशोभित, और उसे एक लाख गौओं के दान का फल मिलता है।

श्लोक 87 (3.80.87)

गिरिकुञ्जं समासाद्य त्रिषु लोकेषु विश्रुतम् । पितामहं नमस्कृत्य गोसहस्रफलं लभेत् ॥

girikuñjaṃ samāsādya triṣu lokeṣu viśrutam | pitāmahaṃ namaskṛtya gosahasraphalaṃ labhet

तीनों लोकों में प्रसिद्ध गिरिकुञ्ज पहुँचकर पितामह ब्रह्मा को प्रणाम करने से सहस्र गौओं का फल मिलता है।

श्लोक 88 (3.80.88)

ततो गच्छेत धर्मज्ञ विमलं तीर्थमुत्तमम् । अद्यापि यत्रदृश्यन्ते मत्स्याः सौवर्णराजताः ॥

tato gaccheta dharmajña vimalaṃ tīrthamuttamam | adyāpi yatradṛśyante matsyāḥ sauvarṇarājatāḥ

हे धर्मज्ञ, फिर उत्तम विमल तीर्थ जाना चाहिए, जहाँ आज भी सोने और चाँदी की मछलियाँ दिखाई देती हैं।

श्लोक 89 (3.80.89)

तत्र स्नात्वा नरः क्षिप्रं वासवं लोकमाप्नुयात् । सर्वपापविशुद्धात्मा गच्छेत परमां गतिम् ॥

tatra snātvā naraḥ kṣipraṃ vāsavaṃ lokamāpnuyāt | sarvapāpaviśuddhātmā gaccheta paramāṃ gatim

वहाँ स्नान करके मनुष्य शीघ्र इन्द्रलोक पाता है और सब पापों से शुद्ध होकर परम गति को जाता है।

श्लोक 90 (3.80.90)

वितस्तां च समासाद्य संतर्प्य पितृदेवताः । नरः फलमवाप्नोति वाजपेयस्य भारत ॥

vitastāṃ ca samāsādya saṃtarpya pitṛdevatāḥ | naraḥ phalamavāpnoti vājapeyasya bhārata

हे भारत, वितस्ता पहुँचकर पितरों और देवताओं को तृप्त करने से मनुष्य वाजपेय का फल पाता है।

श्लोक 91 (3.80.91)

काश्मीरेष्वेव नागस्य भवनं तक्षकस्य च । वितस्ताख्यमिति ख्यातं सर्वपापप्रमोचनम् ॥

kāśmīreṣveva nāgasya bhavanaṃ takṣakasya ca | vitastākhyamiti khyātaṃ sarvapāpapramocanam

कश्मीर में ही नाग तक्षक का भवन है, जो वितस्ता नाम से प्रसिद्ध है और सब पापों से छुड़ाने वाला है।

श्लोक 92 (3.80.92)

तत्रस्नात्वा नरो नूनं वाजपेयमवाप्नुयात् । सर्वपापविशुद्धात्मा गच्छेच्च परमां गतिम् ॥

tatrasnātvā naro nūnaṃ vājapeyamavāpnuyāt | sarvapāpaviśuddhātmā gacchecca paramāṃ gatim

वहाँ स्नान करने वाला मनुष्य निश्चय ही वाजपेय का फल पाता है और सब पापों से शुद्ध होकर परम गति को जाता है।

श्लोक 93 (3.80.93)

ततो गच्छेत मलदां त्रिषु लोकेषु विश्रुताम् । पश्चिमायां तु संध्यायामुपस्पृश्य यथाविधि ॥

tato gaccheta maladāṃ triṣu lokeṣu viśrutām | paścimāyāṃ tu saṃdhyāyāmupaspṛśya yathāvidhi

फिर तीनों लोकों में प्रसिद्ध मलदा जाना चाहिए; वहाँ सायंकाल की संध्या में विधिपूर्वक स्नान करके,

श्लोक 94 (3.80.94)

चरुं सप्तार्चिषे राजन्यथाशक्ति निवेदयेत् । पितॄणामक्षयं दानं प्रवदन्ति मनीषिणः ॥

caruṃ saptārciṣe rājanyathāśakti nivedayet | pitṝṇāmakṣayaṃ dānaṃ pravadanti manīṣiṇaḥ

हे राजन्, यथाशक्ति सप्तार्चि अग्नि को चरु अर्पित करे। मनीषी इसे पितरों के लिए अक्षय दान कहते हैं।

श्लोक 95 (3.80.95)

ऋषयः पितरो देवा गन्धर्वाप्सरसां गणाः । गुह्यकाः किन्नरा यक्षाः सिद्धा विद्याधरा नराः ॥

ṛṣayaḥ pitaro devā gandharvāpsarasāṃ gaṇāḥ | guhyakāḥ kinnarā yakṣāḥ siddhā vidyādharā narāḥ

ऋषि, पितर, देवता, गन्धर्वों और अप्सराओं के गण, गुह्यक, किन्नर, यक्ष, सिद्ध, विद्याधर और मनुष्य,

श्लोक 96 (3.80.96)

राक्षसा दितिजा रुद्रा ब्रह्मा च मनुजाधिप । नियतः परमां दीक्षामास्थायाब्दसहस्रिकीम् ॥

rākṣasā ditijā rudrā brahmā ca manujādhipa | niyataḥ paramāṃ dīkṣāmāsthāyābdasahasrikīm

राक्षस, दितिपुत्र, रुद्र और ब्रह्मा — हे मनुजाधिप, इन सबने संयमित होकर हज़ार वर्ष की परम दीक्षा ली;

श्लोक 97 (3.80.97)

विष्णोः प्रसादनं कुर्वंश्चरुं च श्रपयंस्तथा । सप्तभिः सप्तभिश्चैव ऋग्भिस्तुष्टाव केशवम् ॥

viṣṇoḥ prasādanaṃ kurvaṃścaruṃ ca śrapayaṃstathā | saptabhiḥ saptabhiścaiva ṛgbhistuṣṭāva keśavam

विष्णु को प्रसन्न करने के लिए चरु पकाते हुए उन्होंने सात-सात ऋचाओं से केशव की स्तुति की।

श्लोक 98 (3.80.98)

ददावष्टगुणैश्वर्यं तेषां तुष्टस्तु केशवः । यथाभिलषितानन्यान्कामान्दत्त्वा महीपते ॥

dadāvaṣṭaguṇaiśvaryaṃ teṣāṃ tuṣṭastu keśavaḥ | yathābhilaṣitānanyānkāmāndattvā mahīpate

उनसे प्रसन्न होकर केशव ने उन्हें आठ गुणों वाला ऐश्वर्य दिया, और हे महीपति, उनकी इच्छा के अनुसार अन्य कामनाएँ भी पूरी करके,

श्लोक 99 (3.80.99)

तत्रैवान्तर्दधे देवो विद्युदभ्रेषु वै यथा । नाम्ना सप्तचरुं तेन ख्यातं लोकेषु भारत ॥

tatraivāntardadhe devo vidyudabhreṣu vai yathā | nāmnā saptacaruṃ tena khyātaṃ lokeṣu bhārata

वे देव वहीं अंतर्धान हो गए, जैसे बादलों में बिजली। हे भारत, इसी कारण वह स्थान लोक में सप्तचरु नाम से प्रसिद्ध है।

श्लोक 100 (3.80.100)

गवां शतसहस्रेण राजसूयशतेन च । अश्वमेधसहस्रेण श्रेयान्सप्तार्चिषे चरुः ॥

gavāṃ śatasahasreṇa rājasūyaśatena ca | aśvamedhasahasreṇa śreyānsaptārciṣe caruḥ

सप्तार्चि अग्नि को अर्पित चरु एक लाख गौओं, सौ राजसूय यज्ञों और हज़ार अश्वमेध यज्ञों से भी श्रेष्ठ है।

श्लोक 101 (3.80.101)

ततो निवृत्तो राजेन्द्र रुद्रं पदमथाविशेत् । अर्चयित्वामहादेवमश्वमेधफलं लभेत् ॥

tato nivṛtto rājendra rudraṃ padamathāviśet | arcayitvāmahādevamaśvamedhaphalaṃ labhet

हे राजेन्द्र, वहाँ से लौटकर रुद्र के स्थान (रुद्रपद) में प्रवेश करना चाहिए; वहाँ महादेव की पूजा करने से अश्वमेध का फल मिलता है।

श्लोक 102 (3.80.102)

मणिमन्तं समासाद्य ब्रह्मचारी समाहितः । एकरात्रोषितो राजन्नग्निष्टोमफलं लभेत् ॥

maṇimantaṃ samāsādya brahmacārī samāhitaḥ | ekarātroṣito rājannagniṣṭomaphalaṃ labhet

हे राजन्, मणिमन्त पहुँचकर ब्रह्मचारी और एकाग्र रहते हुए एक रात निवास करने से अग्निष्टोम का फल मिलता है।

श्लोक 103 (3.80.103)

अथ गच्छेत राजेन्द्र देविकां लोकविश्रुताम् । प्रसूतिर्यत्र विप्राणां श्रूयते भरतर्षभ ॥

atha gaccheta rājendra devikāṃ lokaviśrutām | prasūtiryatra viprāṇāṃ śrūyate bharatarṣabha

हे राजेन्द्र, फिर लोकप्रसिद्ध देविका नदी पर जाना चाहिए, जहाँ, हे भरतर्षभ, ब्राह्मणों की उत्पत्ति सुनी जाती है।

श्लोक 104 (3.80.104)

त्रिशूलपाणेः स्थानं च त्रिषु लोकेषु विश्रुतम् । देविकायां नरः स्नात्वा समभ्यर्च्य महेश्वरम् ॥

triśūlapāṇeḥ sthānaṃ ca triṣu lokeṣu viśrutam | devikāyāṃ naraḥ snātvā samabhyarcya maheśvaram

वहाँ त्रिशूलधारी शिव का स्थान भी है, जो तीनों लोकों में प्रसिद्ध है। देविका में स्नान करके महेश्वर की पूजा करने वाला मनुष्य,

श्लोक 105 (3.80.105)

यथाशक्ति चरुं तत्र निवेद्य भरतर्षभ । सर्वकामसमृद्धस्य यज्ञस्य लभते फलम् ॥

yathāśakti caruṃ tatra nivedya bharatarṣabha | sarvakāmasamṛddhasya yajñasya labhate phalam

हे भरतर्षभ, वहाँ यथाशक्ति चरु अर्पित करके सब कामनाओं से समृद्ध यज्ञ का फल पाता है।

श्लोक 106 (3.80.106)

कामाख्यं तत्र रुद्रस्य तीर्थं देवनिषेवितम् । तत्रस्नात्वा नरः क्षिप्रं सिद्धिं प्राप्नोति भारत ॥

kāmākhyaṃ tatra rudrasya tīrthaṃ devaniṣevitam | tatrasnātvā naraḥ kṣipraṃ siddhiṃ prāpnoti bhārata

वहाँ रुद्र का कामाख्य नामक तीर्थ है, जो देवताओं से सेवित है; हे भारत, वहाँ स्नान करके मनुष्य शीघ्र सिद्धि पाता है।

श्लोक 107 (3.80.107)

यजनं याजनं चैवतथैव ब्रह्मबालुकम् । पुष्पाम्भश्च उपस्पृश्य न शोचेन्मरणं गतः ॥

yajanaṃ yājanaṃ caivatathaiva brahmabālukam | puṣpāmbhaśca upaspṛśya na śocenmaraṇaṃ gataḥ

यजन, याजन, ब्रह्मबालुक और पुष्पाम्भ में स्नान करके मनुष्य मृत्यु आने पर शोक नहीं करता।

श्लोक 108 (3.80.108)

अर्धयोजनविस्तारां पञ्चयोजनमायताम् । एतां हि देविकामाहुः पुण्यां देवर्षिसेविताम् ॥

ardhayojanavistārāṃ pañcayojanamāyatām | etāṃ hi devikāmāhuḥ puṇyāṃ devarṣisevitām

आधा योजन चौड़ी और पाँच योजन लंबी — इसी को देवताओं और ऋषियों से सेवित पवित्र देविका कहते हैं।

श्लोक 109 (3.80.109)

ततो गच्छेत धर्मज्ञ दीर्घसत्रं यथाक्रमम् । तत्र ब्रह्मादयो देवाः सिद्धाश्च परमर्षयः । दीर्घसत्रमुपासन्ते दीक्षिता नियतव्रताः ॥

tato gaccheta dharmajña dīrghasatraṃ yathākramam | tatra brahmādayo devāḥ siddhāśca paramarṣayaḥ | dīrghasatramupāsante dīkṣitā niyatavratāḥ

हे धर्मज्ञ, फिर क्रम से दीर्घसत्र जाना चाहिए, जहाँ ब्रह्मा आदि देवता, सिद्ध और परमर्षि दीक्षा लेकर और नियमों का पालन करते हुए दीर्घ सत्र में उपस्थित रहते हैं।

श्लोक 110 (3.80.110)

गमनादेव राजेन्द्र दीर्घसत्रमरिंदम । राजसूयाश्वमेधाभ्यां फलं प्राप्नोति भारत ॥

gamanādeva rājendra dīrghasatramariṃdama | rājasūyāśvamedhābhyāṃ phalaṃ prāpnoti bhārata

हे राजेन्द्र, हे शत्रुदमन, दीर्घसत्र जाने मात्र से, हे भारत, राजसूय और अश्वमेध का फल मिलता है।

श्लोक 111 (3.80.111)

ततो विनशनं गच्छेन्नियतो नियताशनः । गच्छत्यन्तर्हिता यत्रमेरुपृष्ठे सरस्वती ॥

tato vinaśanaṃ gacchenniyato niyatāśanaḥ | gacchatyantarhitā yatramerupṛṣṭhe sarasvatī

फिर संयम और नियमित आहार के साथ विनशन जाना चाहिए, जहाँ सरस्वती मेरु के पृष्ठ पर अदृश्य होकर बहती है।

श्लोक 112 (3.80.112)

चमसेऽथ शिवोद्भेदे नागोद्भेदे च दृश्यते । तत्र स्नात्वा नरव्याघ्र द्योतते शशिवत्सदा । स्नात्वा तु चमसोद्भेदे अग्निष्टोमफलं लभेत् ॥

camase'tha śivodbhede nāgodbhede ca dṛśyate | tatra snātvā naravyāghra dyotate śaśivatsadā | snātvā tu camasodbhede agniṣṭomaphalaṃ labhet

वह फिर चमस, शिवोद्भेद और नागोद्भेद में दिखाई देती है। हे नरव्याघ्र, वहाँ स्नान करने वाला सदा चन्द्रमा के समान चमकता है; चमसोद्भेद में स्नान करने से अग्निष्टोम का फल मिलता है।

श्लोक 113 (3.80.113)

शिवोद्भेदे नरः स्नात्वा गोसहस्रफलं लभेत् । नागोद्भेदे नरः स्नात्वा नागलोकमवाप्नुयात् ॥

śivodbhede naraḥ snātvā gosahasraphalaṃ labhet | nāgodbhede naraḥ snātvā nāgalokamavāpnuyāt

शिवोद्भेद में स्नान करने वाला सहस्र गौओं का फल पाता है; नागोद्भेद में स्नान करने वाला नागलोक पाता है।

श्लोक 114 (3.80.114)

शशयानं च राजेन्द्रतीर्थमासाद्य दुर्लभम् । शतरूपप्रतिच्छन्नाः पुष्करा यत्र भारत ॥

śaśayānaṃ ca rājendratīrthamāsādya durlabham | śatarūpapraticchannāḥ puṣkarā yatra bhārata

हे राजेन्द्र, दुर्लभ शशयान तीर्थ पर पहुँचकर — जहाँ, हे भारत, कमल सौ रूपों में छिपे रहते हैं —

श्लोक 115 (3.80.115)

सरस्वत्यां महाराज शतं संवत्सरं च ते । दृश्यन्ते भरतश्रेष्ठ वृत्तां वै कार्तिकीं सदा ॥

sarasvatyāṃ mahārāja śataṃ saṃvatsaraṃ ca te | dṛśyante bharataśreṣṭha vṛttāṃ vai kārtikīṃ sadā

हे महाराज, हे भरतश्रेष्ठ, वे सरस्वती में सौ वर्षों तक सदा कार्तिक पूर्णिमा के बीतने पर दिखाई देते हैं।

श्लोक 116 (3.80.116)

तत्रस्नात्वा नरव्याघ्र द्योतते शशिवत्सदा । गोसहस्रफलं चैव प्राप्नुयाद्भरतर्षभ ॥

tatrasnātvā naravyāghra dyotate śaśivatsadā | gosahasraphalaṃ caiva prāpnuyādbharatarṣabha

हे नरव्याघ्र, वहाँ स्नान करने वाला सदा चन्द्रमा की तरह चमकता है और, हे भरतर्षभ, सहस्र गौओं का फल पाता है।

श्लोक 117 (3.80.117)

कुमारकोटीमासाद्य नियतः कुरुनन्दन । तत्राभिषेकं कुर्वीत पितृदेवार्चने रतः ॥

kumārakoṭīmāsādya niyataḥ kurunandana | tatrābhiṣekaṃ kurvīta pitṛdevārcane rataḥ

हे कुरुनन्दन, कुमारकोटि पहुँचकर संयमपूर्वक, पितरों और देवताओं की पूजा में लगे रहकर वहाँ स्नान करे।

श्लोक 118 (3.80.118)

गवामयुतमाप्नोति कुलं चैव समुद्धरेत् । ततो गच्छेत धर्मज्ञ रुद्रकोटिं समाहितः ॥

gavāmayutamāpnoti kulaṃ caiva samuddharet | tato gaccheta dharmajña rudrakoṭiṃ samāhitaḥ

वह दस हज़ार गौओं का फल पाता है और अपने कुल का उद्धार करता है। हे धर्मज्ञ, फिर एकाग्र मन से रुद्रकोटि जाना चाहिए,

श्लोक 119 (3.80.119)

पुरा यत्र महाराज मुनिकोटिः समागता । हर्षेण महताऽऽविष्टा रुद्रदर्शनकाङ्क्षया ॥

purā yatra mahārāja munikoṭiḥ samāgatā | harṣeṇa mahatā''viṣṭā rudradarśanakāṅkṣayā

जहाँ, हे महाराज, प्राचीन काल में एक करोड़ मुनि बड़े हर्ष से भरकर रुद्र के दर्शन की इच्छा से एकत्र हुए थे।

श्लोक 120 (3.80.120)

अहंपूर्वमहंपूर्वं द्रक्ष्यामि वृषभध्वजम् । एवं संप्रस्थिता राजन्नृषयः किल भारत ॥

ahaṃpūrvamahaṃpūrvaṃ drakṣyāmi vṛṣabhadhvajam | evaṃ saṃprasthitā rājannṛṣayaḥ kila bhārata

"मैं पहले वृषभध्वज के दर्शन करूँगा, मैं पहले!" — हे राजन्, हे भारत, कहा जाता है कि ऐसा सोचकर वे ऋषि चल पड़े।

श्लोक 121 (3.80.121)

ततो योगीश्वरेणापि योगमास्थाय भूपते । तेषां मन्युप्रणाशार्थमृषीणां भावितात्मनाम् ॥

tato yogīśvareṇāpi yogamāsthāya bhūpate | teṣāṃ manyupraṇāśārthamṛṣīṇāṃ bhāvitātmanām

तब, हे भूपति, योगेश्वर शिव ने भी योग का आश्रय लेकर उन शुद्धचित्त ऋषियों का रोष शांत करने के लिए

श्लोक 122 (3.80.122)

सृष्टा कोटिस्तु रुद्राणामृषीणामग्रतः स्थिता । मया पूर्वतरं दृष्ट इतिते मेनिरे पृथक् ॥

sṛṣṭā koṭistu rudrāṇāmṛṣīṇāmagrataḥ sthitā | mayā pūrvataraṃ dṛṣṭa itite menire pṛthak

रुद्रों की एक करोड़ मूर्तियाँ रचीं, जो ऋषियों के सामने खड़ी हो गईं; और प्रत्येक ऋषि ने अलग-अलग यही माना कि "सबसे पहले मैंने ही उनके दर्शन किए।"

श्लोक 123 (3.80.123)

तेषां तुष्टो महादेवो मुनीनां भावितात्मनाम् । भक्त्या परमया राजन्वरं तेषां प्रदिष्टवान् ॥

teṣāṃ tuṣṭo mahādevo munīnāṃ bhāvitātmanām | bhaktyā paramayā rājanvaraṃ teṣāṃ pradiṣṭavān

हे राजन्, उन शुद्धात्मा मुनियों की परम भक्ति से प्रसन्न होकर महादेव ने उन्हें वर दिया:

श्लोक 124 (3.80.124)

अद्यप्रभृति युष्माकं धर्मवृद्धिर्भविष्यति । तत्रस्नात्वा नरव्याघ्र रुद्रकोट्यां नरः शुचिः ॥

adyaprabhṛti yuṣmākaṃ dharmavṛddhirbhaviṣyati | tatrasnātvā naravyāghra rudrakoṭyāṃ naraḥ śuciḥ

"आज से तुम्हारा धर्म बढ़ता रहेगा।" हे नरव्याघ्र, वहाँ रुद्रकोटि में स्नान करने वाला पवित्र मनुष्य

श्लोक 125 (3.80.125)

अश्वमेधमवाप्नोति कुलं चैव समुद्धरेत् । ततो गच्छेत राजेन्द्र संगमं लोकविश्रुतम् ॥

aśvamedhamavāpnoti kulaṃ caiva samuddharet | tato gaccheta rājendra saṃgamaṃ lokaviśrutam

अश्वमेध का फल पाता है और अपने कुल का उद्धार करता है। हे राजेन्द्र, फिर उस लोकप्रसिद्ध संगम पर जाना चाहिए,

श्लोक 126 (3.80.126)

सरस्वत्या महापुण्यं केशवं समुपासते । यत्रब्रह्मादयो देवा ऋषयश्च तपोधनाः ॥

sarasvatyā mahāpuṇyaṃ keśavaṃ samupāsate | yatrabrahmādayo devā ṛṣayaśca tapodhanāḥ

सरस्वती का वह महापवित्र संगम, जहाँ केशव की उपासना होती है; जहाँ ब्रह्मा आदि देवता और तपोधन ऋषि

श्लोक 127 (3.80.127)

अभिगच्छन्ति राजेन्द्र चैत्रशुक्लचतुर्दशीम् । तत्रस्नात्वा नरव्याघ्र विन्देद्बहुसुवर्णकम् । सर्वपापविशुद्धात्मा ब्रह्मलोकं च गच्छति ॥

abhigacchanti rājendra caitraśuklacaturdaśīm | tatrasnātvā naravyāghra vindedbahusuvarṇakam | sarvapāpaviśuddhātmā brahmalokaṃ ca gacchati

हे राजेन्द्र, चैत्र शुक्ल चतुर्दशी को आते हैं। हे नरव्याघ्र, वहाँ स्नान करके मनुष्य बहुत-सा सोना पाता है और सब पापों से शुद्ध होकर ब्रह्मलोक को जाता है।

श्लोक 128 (3.80.128)

ऋषीणां यत्र सत्राणि समाप्तानि नराधिप । तत्रावसानमासाद्य गोसहस्रफलं लभेत् ॥

ṛṣīṇāṃ yatra satrāṇi samāptāni narādhipa | tatrāvasānamāsādya gosahasraphalaṃ labhet

हे नराधिप, जहाँ ऋषियों के सत्र पूरे हुए थे, उस समापन-स्थल पर पहुँचकर मनुष्य सहस्र गौओं का फल पाता है।