धृतराष्ट्र की प्रजाजनों से क्षमा-याचना

श्लोक 1 (15.10.1)

शान्तनुः पालयामास यथावद्वसुधामिमाम् । तथा विचित्रवीर्यश्च भीष्मेण परिपालितः । पालयामास नस्तातो विदितं वो न संशयः ॥

śāntanuḥ pālayāmāsa yathāvadvasudhāmimām | tathā vicitravīryaśca bhīṣmeṇa paripālitaḥ | pālayāmāsa nastāto viditaṃ vo na saṃśayaḥ

शान्तनु ने इस पृथ्वी का यथावत् पालन किया; वैसे ही भीष्म से रक्षित विचित्रवीर्य ने, और हमारे पिता ने भी पालन किया। यह आप जानते हैं, इसमें सन्देह नहीं।

श्लोक 2 (15.10.2)

यथा च पाण्डुर्भाता मे दयितो भवतामभूत् । स चापि पालयामास यथावत्तच्च वेत्थ ह ॥

yathā ca pāṇḍurbhātā me dayito bhavatāmabhūt | sa cāpi pālayāmāsa yathāvattacca vettha ha

और जैसे मेरे भाई पाण्डु आप लोगों को प्रिय थे, उन्होंने भी यथावत् पालन किया; यह भी आप जानते हैं।

श्लोक 3 (15.10.3)

अनन्तरं हि पितरमनुज्ञातो युधिष्ठिरः । नात्र किञ्चिन्मृषा जातु भाषतेति मतिर्मम ॥

anantaraṃ hi pitaramanujñāto yudhiṣṭhiraḥ | nātra kiñcinmṛṣā jātu bhāṣateti matirmama

पिता के बाद अनुमति पाए हुए युधिष्ठिर यहाँ कभी कुछ भी मिथ्या नहीं बोलते, ऐसा मेरा विश्वास है।

श्लोक 4 (15.10.4)

मया च भवतां सम्यक् शुश्रूषा या कृताऽनघाः । असम्यग्वा महाभागास्तत्क्षन्तव्यमतन्द्रितैः ॥

mayā ca bhavatāṃ samyak śuśrūṣā yā kṛtā'naghāḥ | asamyagvā mahābhāgāstatkṣantavyamatandritaiḥ

हे निष्पापो, मैंने आप लोगों की जो सेवा की, वह ठीक रही हो या अनुचित, हे महाभागो, उसे आप क्षमा कर दें।

श्लोक 5 (15.10.5)

यदा दुर्योधनेनेदं भुक्तं राज्यमकण्टकम् । अपि तत्र न वो मन्दो दुर्बुद्धिरपराद्धवान् ॥

yadā duryodhanenedaṃ bhuktaṃ rājyamakaṇṭakam | api tatra na vo mando durbuddhiraparāddhavān

जब दुर्योधन ने इस निष्कण्टक राज्य का भोग किया, तब भी उस मन्दबुद्धि और दुर्बुद्धि ने आप लोगों के प्रति कोई अपराध नहीं किया।

श्लोक 6 (15.10.6)

तस्यापराधाद्दुर्बुद्धेरभिमानान्महीक्षिताम् । विमर्दः सुमहानासीदनयात्स्वकृतादथ । घातिताः कौरवेयाश्च पृथिवी च विनाशिता ॥

tasyāparādhāddurbuddherabhimānānmahīkṣitām | vimardaḥ sumahānāsīdanayātsvakṛtādatha | ghātitāḥ kauraveyāśca pṛthivī ca vināśitā

उस दुर्बुद्धि के अपराध से और राजाओं के अभिमान से, हमारे ही किए अन्याय के कारण, एक बहुत बड़ा संहार हुआ। कौरव मारे गए और पृथ्वी उजड़ गई।

श्लोक 7 (15.10.7)

तन्मया साधु वाऽपीदं यदि वाऽसाधु वै कृतम् । तद्वो हृदि न कर्तव्यं मया बद्धोऽयमञ्जलिः ॥

tanmayā sādhu vā'pīdaṃ yadi vā'sādhu vai kṛtam | tadvo hṛdi na kartavyaṃ mayā baddho'yamañjaliḥ

इसलिए मैंने जो कुछ भला या बुरा किया, उसे आप लोग हृदय में न रखें; मैंने यह हाथ जोड़ लिए हैं।

श्लोक 8 (15.10.8)

वृद्धोऽयं हतपुत्रोऽयं दुःखितोऽयं नराधिपः । पूर्वराज्ञां च पुत्रोऽयमिति कृत्वाऽनुजानथ ॥

vṛddho'yaṃ hataputro'yaṃ duḥkhito'yaṃ narādhipaḥ | pūrvarājñāṃ ca putro'yamiti kṛtvā'nujānatha

यह राजा वृद्ध है, पुत्रहीन है, दुःखी है, और पूर्व राजाओं का पुत्र है; यह समझकर आप अनुमति दें।

श्लोक 9 (15.10.9)

इयं च कृपणा वृद्धा हतपुत्रा तपस्विनी । गान्धारी पुत्रशोकार्ता तुल्यं याचति वो मया ॥

iyaṃ ca kṛpaṇā vṛddhā hataputrā tapasvinī | gāndhārī putraśokārtā tulyaṃ yācati vo mayā

और यह दीन, वृद्धा, पुत्रहीन, तपस्विनी गान्धारी पुत्रशोक से पीड़ित होकर मेरे ही समान आप लोगों से याचना करती है।

श्लोक 10 (15.10.10)

हतपुत्राविमौ वृद्धौ विदित्वा दुःखितौ तथा । अनुजानीत भद्रं वो व्रजाव शरणं च वः ॥

hataputrāvimau vṛddhau viditvā duḥkhitau tathā | anujānīta bhadraṃ vo vrajāva śaraṇaṃ ca vaḥ

हम दोनों को वृद्ध, पुत्रहीन और दुःखी जानकर अनुमति दीजिए; आपका कल्याण हो; हम आपकी शरण में हैं।

श्लोक 11 (15.10.11)

अयं च कौरवो राजा कुन्तीपुत्रो युधिष्ठिरः । सर्वैर्भवद्भिर्द्रष्टव्यः समेषु विषमेषु च । न जातु विषमं चैव गमिष्यति कदाचन ॥

ayaṃ ca kauravo rājā kuntīputro yudhiṣṭhiraḥ | sarvairbhavadbhirdraṣṭavyaḥ sameṣu viṣameṣu ca | na jātu viṣamaṃ caiva gamiṣyati kadācana

और यह कुरुराज, कुन्तीपुत्र युधिष्ठिर, आप सबके द्वारा सुख और दुःख, दोनों अवस्थाओं में देखभाल के योग्य है; वह कभी भी विपत्ति में नहीं पड़ेगा।

श्लोक 12 (15.10.12)

चत्वारः सचिवा यस्य भ्रातरो विपुलौजसः । लोकपालसमा ह्येते सर्वधर्मार्थदर्शिनः ॥

catvāraḥ sacivā yasya bhrātaro vipulaujasaḥ | lokapālasamā hyete sarvadharmārthadarśinaḥ

जिसके चार महाबली भाई मन्त्री हैं, जो लोकपालों के समान हैं और धर्म तथा अर्थ को सब प्रकार देखने वाले हैं।

श्लोक 13 (15.10.13)

चतुर्णां लोकपालानां मध्ये विपरिवर्तते । ब्रह्मेव भगवानेष सर्वभूतजगत्पतिः ॥

caturṇāṃ lokapālānāṃ madhye viparivartate | brahmeva bhagavāneṣa sarvabhūtajagatpatiḥ

वह उन चार लोकपालों के बीच विचरता है, ब्रह्मा के समान भगवान् की भाँति, सब प्राणियों और जगत् के स्वामी के रूप में।

श्लोक 14 (15.10.14)

एवमेव महाबाहुर्भीमार्जुनयमैर्वृतः । युधिष्ठिरो महातेजा भवतः पालयिष्यति ॥

evameva mahābāhurbhīmārjunayamairvṛtaḥ | yudhiṣṭhiro mahātejā bhavataḥ pālayiṣyati

इसी प्रकार भीम, अर्जुन और दोनों जुड़वाँ भाइयों से घिरे हुए महाबाहु, महातेजस्वी युधिष्ठिर आप लोगों का पालन करेंगे।

श्लोक 15 (15.10.15)

अवश्यमेव वक्तव्यमिति कृत्वा ब्रवीमि वः । एष न्यासो मया दत्तः सर्वेषां वो युधिष्ठिरः । भवन्तोऽस्य च वीरस्य न्यासभूताः कृता मया ॥

avaśyameva vaktavyamiti kṛtvā bravīmi vaḥ | eṣa nyāso mayā dattaḥ sarveṣāṃ vo yudhiṣṭhiraḥ | bhavanto'sya ca vīrasya nyāsabhūtāḥ kṛtā mayā

'यह कहना अवश्य चाहिए', ऐसा सोचकर मैं आपसे कहता हूँ: मैंने युधिष्ठिर को आप सबके पास धरोहर के रूप में रखा है, और आप सबको इस वीर के पास धरोहर बना दिया है।

श्लोक 16 (15.10.16)

यदेव तैः कृतं किञ्चिद्व्यलीकं वः सुतैर्मम । यदन्येन मदीयेन तदनुज्ञातुमर्हथ ॥

yadeva taiḥ kṛtaṃ kiñcidvyalīkaṃ vaḥ sutairmama | yadanyena madīyena tadanujñātumarhatha

मेरे पुत्रों ने आप लोगों का जो भी अपराध किया हो, या मेरे किसी और सेवक ने, उसे आप क्षमा करें।

श्लोक 17 (15.10.17)

भवद्भिर्न हि मे मन्युः कृतपूर्वः कथञ्चन । अत्यन्तगुरुभक्तानामेषोऽञ्जलिरिदं नमः ॥

bhavadbhirna hi me manyuḥ kṛtapūrvaḥ kathañcana | atyantagurubhaktānāmeṣo'ñjaliridaṃ namaḥ

आप लोगों के प्रति मेरा क्रोध कभी किसी प्रकार उत्पन्न नहीं हुआ; गुरुजनों के प्रति अत्यन्त भक्ति रखने वाले आप लोगों को यह मेरी अञ्जलि है, यह मेरा नमस्कार है।

श्लोक 18 (15.10.18)

तेषामस्थिरबुद्धीनां लुब्धानां कामचारिणाम् । कृते याचेऽद्य वः सर्वान्गान्धारीसहितोऽनघाः ॥

teṣāmasthirabuddhīnāṃ lubdhānāṃ kāmacāriṇām | kṛte yāce'dya vaḥ sarvāngāndhārīsahito'naghāḥ

उन अस्थिरबुद्धि, लोभी और स्वेच्छाचारी पुत्रों के लिए, हे निष्पापो, मैं गान्धारी के साथ आज आप सबसे क्षमा माँगता हूँ।

श्लोक 19 (15.10.19)

इत्युक्तांस्तेन ते सर्वे पौरजानपदा जनाः । नोचुर्बाष्पकलाः किञ्चिद्वीक्षांचक्रुः परस्परम् ॥

ityuktāṃstena te sarve paurajānapadā janāḥ | nocurbāṣpakalāḥ kiñcidvīkṣāṃcakruḥ parasparam

उसके ऐसा कहने पर वे सब नगरवासी और जनपदवासी आँखों में आँसू भरे कुछ नहीं बोले, केवल एक-दूसरे की ओर देखने लगे।