प्रजा की ओर से ब्राह्मण का उत्तर

श्लोक 1 (15.11.1)

एवमुक्तास्तु ते तेन पौरजानपदा जनाः । वृद्धेन राज्ञा कौरव्य नष्टसंज्ञा इवाभवन् ॥

evamuktāstu te tena paurajānapadā janāḥ | vṛddhena rājñā kauravya naṣṭasaṃjñā ivābhavan

वृद्ध राजा के इस प्रकार कहने पर, हे कौरव्य, वे नगरवासी और जनपदवासी मानो चेतना खो बैठे।

श्लोक 2 (15.11.2)

तूष्णींभूतांस्ततस्तांस्तु वाष्पकण्ठान्महीपतिः । धृतराष्ट्रो महीपालः पुनरेवाभ्यभाषत ॥

tūṣṇīṃbhūtāṃstatastāṃstu vāṣpakaṇṭhānmahīpatiḥ | dhṛtarāṣṭro mahīpālaḥ punarevābhyabhāṣata

आँसुओं से रुँधे कण्ठ वाले उन लोगों के चुप हो जाने पर पृथ्वी के रक्षक राजा धृतराष्ट्र ने उनसे फिर कहा।

श्लोक 3 (15.11.3)

वृद्धं च हतपुत्रं च धर्मपत्न्या सहानया । विलपन्तं बहुविधं कृपणं चैव सत्तमाः ॥

vṛddhaṃ ca hataputraṃ ca dharmapatnyā sahānayā | vilapantaṃ bahuvidhaṃ kṛpaṇaṃ caiva sattamāḥ

हे सज्जनो, मुझ वृद्ध और पुत्रहीन को, जो अपनी इस धर्मपत्नी के साथ तरह-तरह से विलाप कर रहा है और दीन हो गया है,

श्लोक 4 (15.11.4)

पित्रा स्वयमनुज्ञातं कृष्णद्वैपायनेन वै । वनवासाय धर्मज्ञा धर्मजेन नृपेण ह ॥

pitrā svayamanujñātaṃ kṛṣṇadvaipāyanena vai | vanavāsāya dharmajñā dharmajena nṛpeṇa ha

जिसे पिता कृष्णद्वैपायन ने स्वयं और धर्मपुत्र राजा युधिष्ठिर ने भी, हे धर्मज्ञो, वनवास के लिए अनुमति दे दी है,

श्लोक 5 (15.11.5)

सोहं पुनःपुनर्याचे शिरसाऽवनतोऽनघाः । गान्धार्या सहितं तन्मां समनुज्ञातुमर्हथ ॥

sohaṃ punaḥpunaryāce śirasā'vanato'naghāḥ | gāndhāryā sahitaṃ tanmāṃ samanujñātumarhatha

वही मैं, हे निष्पापो, सिर झुकाकर आप लोगों से बार-बार याचना करता हूँ: गान्धारी के साथ मुझे जाने की अनुमति दें।

श्लोक 6 (15.11.6)

तच्छ्रुत्वा कुरुराजस्य वाक्यानि करुणानि ते । रुरुदुः सर्वशो राजन्समेताः कुरुजाङ्गलाः ॥

tacchrutvā kururājasya vākyāni karuṇāni te | ruruduḥ sarvaśo rājansametāḥ kurujāṅgalāḥ

कुरुराज के ये करुण वचन सुनकर, हे राजन्, वहाँ एकत्र हुए सब कुरुजाङ्गलवासी फूट-फूटकर रो पड़े।

श्लोक 7 (15.11.7)

उत्तरीयैः करैश्चापि संछाद्य वदनानि ते । रुरुदुः शोकसंतप्ता मुहूर्तं पितृमातृवत् ॥

uttarīyaiḥ karaiścāpi saṃchādya vadanāni te | ruruduḥ śokasaṃtaptā muhūrtaṃ pitṛmātṛvat

उत्तरीय वस्त्रों और हाथों से अपने मुँह ढँककर वे शोक से सन्तप्त होकर कुछ देर तक ऐसे रोते रहे जैसे पिता या माता के लिए रोया जाता है।

श्लोक 8 (15.11.8)

हृदयैः शून्यभूतैस्ते धृतराष्ट्रप्रवासजम् । दुःखं संधारयन्तो हि नष्टसंज्ञा इवाभवन् ॥

hṛdayaiḥ śūnyabhūtaiste dhṛtarāṣṭrapravāsajam | duḥkhaṃ saṃdhārayanto hi naṣṭasaṃjñā ivābhavan

सूने हृदयों से धृतराष्ट्र के प्रवास से उत्पन्न दुःख को सहते हुए वे मानो चेतना खो बैठे।

श्लोक 9 (15.11.9)

ते विनीय तमायासं धृतराष्ट्रवियोगजम् । शनैः शनैस्तदाऽन्योन्यमब्रुवन्स्वमतान्युत ॥

te vinīya tamāyāsaṃ dhṛtarāṣṭraviyogajam | śanaiḥ śanaistadā'nyonyamabruvansvamatānyuta

धृतराष्ट्र के वियोग से उत्पन्न उस पीड़ा को दबाकर वे धीरे-धीरे आपस में अपने-अपने मत कहने लगे।

श्लोक 10 (15.11.10)

ततः सञ्चिन्त्य ते सर्वे वाक्यान्यथ समासतः । एकस्मिन्ब्राह्मणे कार्यमावेश्योचुर्नराधिपम् ॥

tataḥ sañcintya te sarve vākyānyatha samāsataḥ | ekasminbrāhmaṇe kāryamāveśyocurnarādhipam

फिर सब ने विचार करके संक्षेप में अपनी बात एक ब्राह्मण को सौंपकर उसके द्वारा राजा से निवेदन किया।

श्लोक 11 (15.11.11)

ततः स्वाचरणो विप्रः सम्मतोऽर्थविशारदः । सम्भाव्यो बह्वृचो राजन्वक्तुं समुपचक्रमे ॥

tataḥ svācaraṇo vipraḥ sammato'rthaviśāradaḥ | sambhāvyo bahvṛco rājanvaktuṃ samupacakrame

तब उत्तम आचरण वाले, सम्मानित, अर्थ-निपुण, पूज्य एक ऋग्वेदी ब्राह्मण ने, हे राजन्, बोलना आरम्भ किया।

श्लोक 12 (15.11.12)

अनुमान्य महाराजं सदः समनुभाष्य च । विप्रः प्रगल्भो मेधावी स राजानमुवाच ह ॥

anumānya mahārājaṃ sadaḥ samanubhāṣya ca | vipraḥ pragalbho medhāvī sa rājānamuvāca ha

महाराज का सम्मान करके और सभा को सम्बोधित करके उस निर्भीक और बुद्धिमान् ब्राह्मण ने राजा से कहा।

श्लोक 13 (15.11.13)

राजन्वाक्यं जनस्यास्य मयि सर्वं समर्पितम् । वक्ष्यामि तदहं वीर तज्जुषस्व नराधिप ॥

rājanvākyaṃ janasyāsya mayi sarvaṃ samarpitam | vakṣyāmi tadahaṃ vīra tajjuṣasva narādhipa

हे राजन्, इन सब लोगों की बात मुझे सौंपी गई है; हे वीर, मैं वही कहूँगा; हे नराधिप, उसे सुनिए।

श्लोक 14 (15.11.14)

यथा वदसि राजेन्द्र सर्वमेतत्तथा विभो । नात्र मिथ्या वचः किञ्चित्सुहृत्त्वं नः परस्परम् ॥

yathā vadasi rājendra sarvametattathā vibho | nātra mithyā vacaḥ kiñcitsuhṛttvaṃ naḥ parasparam

हे राजेन्द्र, हे विभो, आप जैसा कहते हैं वह सब वैसा ही है; इसमें कुछ भी असत्य नहीं; हमारा आपस में सुहृद्भाव है।

श्लोक 15 (15.11.15)

न जात्वस्य च वंशस्य राज्ञां कश्चित्कदाचन । राजाऽऽसीद्यः प्रजापालः प्रजानामप्रियोऽभवत् ॥

na jātvasya ca vaṃśasya rājñāṃ kaścitkadācana | rājā''sīdyaḥ prajāpālaḥ prajānāmapriyo'bhavat

इस वंश में कभी कोई ऐसा राजा नहीं हुआ जो प्रजा का पालक होकर प्रजा को अप्रिय हुआ हो।

श्लोक 16 (15.11.16)

पितृवन्मातृवच्चैव भवन्तः पालयन्ति नः । न च दुर्योधनः किञ्चिदयुक्तं कृतवान्नृपः ॥

pitṛvanmātṛvaccaiva bhavantaḥ pālayanti naḥ | na ca duryodhanaḥ kiñcidayuktaṃ kṛtavānnṛpaḥ

आप लोग पिता और माता के समान हमारी रक्षा करते हैं; और राजा दुर्योधन ने भी कुछ अनुचित नहीं किया।

श्लोक 17 (15.11.17)

प्रियाणि कुर्वन्सर्वेषामनुवृत्त्यर्थमुद्यतः । यथा ब्रवीति धर्मात्मा मुनिः सत्यवतीसुतः । तथा कुरु महाराज स हि नः परमो गुरुः ॥

priyāṇi kurvansarveṣāmanuvṛttyarthamudyataḥ | yathā bravīti dharmātmā muniḥ satyavatīsutaḥ | tathā kuru mahārāja sa hi naḥ paramo guruḥ

वह सबका प्रिय करता हुआ उनके अनुकूल चलने में तत्पर रहता था। सत्यवती के पुत्र धर्मात्मा मुनि (व्यास) जैसा कहते हैं, हे महाराज, वैसा ही कीजिए; वे हमारे परम गुरु हैं।

श्लोक 18 (15.11.18)

त्यक्ता वयं तु भवता दुःखशोकपरायणाः । भविष्यामश्चिरं राजन्भवद्गुणशतैर्हृताः ॥

tyaktā vayaṃ tu bhavatā duḥkhaśokaparāyaṇāḥ | bhaviṣyāmaściraṃ rājanbhavadguṇaśatairhṛtāḥ

आपसे त्यागे जाकर हम दुःख और शोक में डूबे हुए, हे राजन्, आपके सैकड़ों गुणों से मोहित होकर चिरकाल तक रहेंगे।

श्लोक 19 (15.11.19)

यथा शन्तनुना गुप्ता राज्ञा चित्राङ्गदेन च । भीष्मवीर्योपगूढेन पित्रा तव च पार्थिव । भवद्बुद्धियुजा चैव पाण्डुना पृथिवीक्षिता ॥

yathā śantanunā guptā rājñā citrāṅgadena ca | bhīṣmavīryopagūḍhena pitrā tava ca pārthiva | bhavadbuddhiyujā caiva pāṇḍunā pṛthivīkṣitā

जैसे शन्तनु ने, राजा चित्राङ्गद ने, और भीष्म के पराक्रम से सुरक्षित आपके पिता ने, हे पार्थिव, तथा आपकी बुद्धि से मेल रखने वाले राजा पाण्डु ने हमारी रक्षा की,

श्लोक 20 (15.11.20)

तथा दुर्योधनेनापि राज्ञा सुपरिपालिताः । न स्वल्पमपि पुत्रस्ते व्यलीकं कृतवान्नृप ॥

tathā duryodhanenāpi rājñā suparipālitāḥ | na svalpamapi putraste vyalīkaṃ kṛtavānnṛpa

वैसे ही राजा दुर्योधन ने भी भली-भाँति हमारा पालन किया। हे राजन्, आपके पुत्र ने हमारा थोड़ा-सा भी अपकार नहीं किया।

श्लोक 21 (15.11.21)

पितरीव सुविश्वस्तास्तस्मिन्नपि नराधिपे । वयमास्म यथा सम्यग्भवतो विदितं तथा ॥

pitarīva suviśvastāstasminnapi narādhipe | vayamāsma yathā samyagbhavato viditaṃ tathā

आप भली-भाँति जानते हैं कि हम उस राजा पर भी पिता के समान पूर्ण विश्वास रखते हुए रहे।

श्लोक 22 (15.11.22)

तथा वर्षसहस्राणि कुन्तीपुत्रेण धीमता । पाल्यमाना धृतिमता सुखं विन्दामहे नृप ॥

tathā varṣasahasrāṇi kuntīputreṇa dhīmatā | pālyamānā dhṛtimatā sukhaṃ vindāmahe nṛpa

वैसे ही बुद्धिमान् और धैर्यवान् कुन्तीपुत्र से पाले जाते हुए हम, हे राजन्, हज़ारों वर्षों तक सुख पाते रहेंगे।

श्लोक 23 (15.11.23)

राजर्षीणां पुराणानां भवतां पुण्यकर्मणाम् । कुरुसंवरणादीनां भरतस्य च धीमतः ॥

rājarṣīṇāṃ purāṇānāṃ bhavatāṃ puṇyakarmaṇām | kurusaṃvaraṇādīnāṃ bharatasya ca dhīmataḥ

प्राचीन राजर्षियों के, आप पुण्यकर्मा पूर्वजों के, कुरु, संवरण आदि के और बुद्धिमान् भरत के,

श्लोक 24 (15.11.24)

वृत्तं समनुयात्येष धर्मात्मा भूरिदक्षिणः । नात्र वाच्यं महाराज सुसूक्ष्ममपि विद्यते ॥

vṛttaṃ samanuyātyeṣa dharmātmā bhūridakṣiṇaḥ | nātra vācyaṃ mahārāja susūkṣmamapi vidyate

आचरण का यह धर्मात्मा, उदार दाता (युधिष्ठिर) अनुसरण करता है। हे महाराज, इसमें निन्दा करने योग्य बात थोड़ी-सी भी नहीं है।

श्लोक 25 (15.11.25)

उषिताः स्म सुखं नित्यं भवता परिपालिताः । सुसूक्ष्मं च व्यलीकं ते सपुत्रस्य न विद्यते ॥

uṣitāḥ sma sukhaṃ nityaṃ bhavatā paripālitāḥ | susūkṣmaṃ ca vyalīkaṃ te saputrasya na vidyate

आपसे पाले जाकर हम सदा सुख से रहे हैं; आप में और आपके पुत्र में थोड़ा-सा भी अपराध नहीं पाया जाता।

श्लोक 26 (15.11.26)

यत्तु ज्ञातिविमर्देऽस्मिन्नात्थ दुर्योधनं प्रति । भवन्तमनुनेष्यामि तत्रापि कुरुनन्दन ॥

yattu jñātivimarde'sminnāttha duryodhanaṃ prati | bhavantamanuneṣyāmi tatrāpi kurunandana

कुटुम्बियों के इस संहार में आपने दुर्योधन के विषय में जो कहा, उसके सम्बन्ध में भी, हे कुरुनन्दन, मैं आपको समझा दूँगा।

श्लोक 27 (15.11.27)

न तद्दुर्योधनकृतं न च तद्भवता कृतम् । न कर्णसौबलाभ्यां च कुरवो यत्क्षयं गताः ॥

na tadduryodhanakṛtaṃ na ca tadbhavatā kṛtam | na karṇasaubalābhyāṃ ca kuravo yatkṣayaṃ gatāḥ

कुरुओं का जो विनाश हुआ, वह न दुर्योधन ने किया, न आपने, न कर्ण और शकुनि ने।

श्लोक 28 (15.11.28)

दैवं तत्तु विजानीमो यन्न शक्यं प्रबाधितुम् । दैवं पुरुषकारेण न शक्यमपि बाधितुम् ॥

daivaṃ tattu vijānīmo yanna śakyaṃ prabādhitum | daivaṃ puruṣakāreṇa na śakyamapi bādhitum

वह दैव था, यह हम जानते हैं, जिसे रोका नहीं जा सकता; दैव को पुरुषार्थ से भी नहीं टाला जा सकता।

श्लोक 29 (15.11.29)

अक्षौहिण्यो महाराज दशाष्टौ च समागताः । अष्टादशाहेन हताः कुरुभिर्योधपुङ्गवैः ॥

akṣauhiṇyo mahārāja daśāṣṭau ca samāgatāḥ | aṣṭādaśāhena hatāḥ kurubhiryodhapuṅgavaiḥ

हे महाराज, अठारह अक्षौहिणी सेनाएँ एकत्र हुई थीं, और अठारह दिनों में कुरुवंश के श्रेष्ठ योद्धाओं द्वारा मारी गईं।

श्लोक 30 (15.11.30)

भीष्मद्रोणकृपाद्यैश्च कर्णेन च महात्मना । युयुधानेन वीरेण धृष्टद्युम्नेन चाहवे ॥

bhīṣmadroṇakṛpādyaiśca karṇena ca mahātmanā | yuyudhānena vīreṇa dhṛṣṭadyumnena cāhave

भीष्म, द्रोण, कृप आदि से, महात्मा कर्ण से, वीर सात्यकि से और धृष्टद्युम्न से युद्ध में,

श्लोक 31 (15.11.31)

चतुर्भिः पाण्डुपुत्रैश्च भीमार्जुनयमैस्तथा । न च क्षयोऽयं नृपते ऋते दैवबलादभूत् ॥

caturbhiḥ pāṇḍuputraiśca bhīmārjunayamaistathā | na ca kṣayo'yaṃ nṛpate ṛte daivabalādabhūt

तथा भीम, अर्जुन और दोनों जुड़वाँ, इन चार पाण्डवों से; हे राजन्, यह विनाश दैव के बल के बिना नहीं हुआ।

श्लोक 32 (15.11.32)

अवश्यमेव सङ्ग्रामे क्षत्रियेण विशेषतः । कर्तव्यं निधनं काले मर्तव्यं क्षत्रबन्धुना ॥

avaśyameva saṅgrāme kṣatriyeṇa viśeṣataḥ | kartavyaṃ nidhanaṃ kāle martavyaṃ kṣatrabandhunā

संग्राम में क्षत्रिय को विशेष रूप से उचित समय पर निधन अवश्य स्वीकार करना होता है; क्षत्रिय को मरना ही है।

श्लोक 33 (15.11.33)

तैरियं पुरुषव्याघ्रैर्विद्याबाहुबलान्वितैः । पृथिवी निहता सर्वा सहया सरथद्विपा ॥

tairiyaṃ puruṣavyāghrairvidyābāhubalānvitaiḥ | pṛthivī nihatā sarvā sahayā sarathadvipā

विद्या और बाहुबल से सम्पन्न उन पुरुषसिंहों द्वारा घोड़ों, रथों और हाथियों सहित यह सारी पृथ्वी मानो मार दी गई।

श्लोक 34 (15.11.34)

न स राज्ञां वधे सूनुः कारणं ते महात्मनाम् । न भवान्न च ते भृत्या न कर्णो न च सौबलः ॥

na sa rājñāṃ vadhe sūnuḥ kāraṇaṃ te mahātmanām | na bhavānna ca te bhṛtyā na karṇo na ca saubalaḥ

आपका वह पुत्र उन महात्मा राजाओं के वध का कारण नहीं था; न आप, न आपके सेवक, न कर्ण, न शकुनि।

श्लोक 35 (15.11.35)

यद्विशस्ताः कुरुश्रेष्ठ राजानश्च सहस्रशः । सर्वं दैवकृतं विद्धि कोत्र किं वक्तुमर्हति ॥

yadviśastāḥ kuruśreṣṭha rājānaśca sahasraśaḥ | sarvaṃ daivakṛtaṃ viddhi kotra kiṃ vaktumarhati

हे कुरुश्रेष्ठ, जो हज़ारों राजा मारे गए, उस सबको दैव का किया हुआ जानिए; इसमें कौन क्या कह सकता है?

श्लोक 36 (15.11.36)

गुरुर्मतो भवानस्य कृत्स्नस्य जगतः प्रभुः । धर्मात्मानमतस्तुभ्यमनुजानीमहे सुतम् ॥

gururmato bhavānasya kṛtsnasya jagataḥ prabhuḥ | dharmātmānamatastubhyamanujānīmahe sutam

आप इस सारे जगत् के गुरु और स्वामी माने जाते हैं; इसलिए आपके धर्मात्मा पुत्र को हम क्षमा करते हैं।

श्लोक 37 (15.11.37)

लभतां वीरलोकं स ससहायो नराधिपः । द्विजाग्र्यैः समनुज्ञातस्त्रिदिवे मोदतां सुखम् ॥

labhatāṃ vīralokaṃ sa sasahāyo narādhipaḥ | dvijāgryaiḥ samanujñātastridive modatāṃ sukham

वह राजा अपने साथियों सहित वीरलोक पाए, और श्रेष्ठ ब्राह्मणों की अनुमति से स्वर्ग में सुख से आनन्द करे।

श्लोक 38 (15.11.38)

प्राप्स्यते च भवान्पुण्यं धर्मे च सततं स्थितः । वेद धर्मं महाबाहो लौक्यं वैदिकमेव च ॥

prāpsyate ca bhavānpuṇyaṃ dharme ca satataṃ sthitaḥ | veda dharmaṃ mahābāho laukyaṃ vaidikameva ca

और आप सदा धर्म में स्थित रहकर पुण्य पाएँगे; हे महाबाहो, आप लौकिक और वैदिक, दोनों धर्मों को जानते हैं।

श्लोक 39 (15.11.39)

दृष्टापदानाश्चास्माभिः पाण्डवाः पुरुषर्षभाः । समर्थास्त्रिदिवस्यापि पालने किं पुनः क्षितेः ॥

dṛṣṭāpadānāścāsmābhiḥ pāṇḍavāḥ puruṣarṣabhāḥ | samarthāstridivasyāpi pālane kiṃ punaḥ kṣiteḥ

हमने पाण्डवों के पराक्रम देखे हैं, वे पुरुषश्रेष्ठ स्वर्ग की भी रक्षा करने में समर्थ हैं, फिर पृथ्वी की तो बात ही क्या।

श्लोक 40 (15.11.40)

अनुवर्त्स्यन्ति वा धीमन्समेषु विषमेषु च । प्रजाः कुरुकुलश्रेष्ठ पाण्डवाञ्शीलभूषणान् ॥

anuvartsyanti vā dhīmansameṣu viṣameṣu ca | prajāḥ kurukulaśreṣṭha pāṇḍavāñśīlabhūṣaṇān

और हे बुद्धिमान् कुरुकुलश्रेष्ठ, प्रजाएँ सुख और दुःख, दोनों अवस्थाओं में शील को ही आभूषण मानने वाले पाण्डवों का अनुसरण करेंगी।

श्लोक 41 (15.11.41)

ब्रह्मदेयाग्रहारांश्च पारिबर्हांश्च पार्थिवः । पूर्वराजातिसर्गांश्च पालयत्येव पाण्डवः ॥

brahmadeyāgrahārāṃśca pāribarhāṃśca pārthivaḥ | pūrvarājātisargāṃśca pālayatyeva pāṇḍavaḥ

पाण्डव राजा ब्राह्मणों को दिए गए दानों, अग्रहारों, उपहारों और पूर्व राजाओं की दी हुई भेंटों की रक्षा करता ही है।

श्लोक 42 (15.11.42)

दीर्घदर्शी मृदुर्दान्तः सदा वैश्रवणो यथा । अक्षुद्रसचिवश्चायं कुन्तीपुत्रो महामनाः ॥

dīrghadarśī mṛdurdāntaḥ sadā vaiśravaṇo yathā | akṣudrasacivaścāyaṃ kuntīputro mahāmanāḥ

कुन्ती का यह महामना पुत्र दूरदर्शी, कोमल, संयमी, कुबेर के समान और क्षुद्र न होने वाले मन्त्रियों से युक्त है।

श्लोक 43 (15.11.43)

अप्यमित्रे दयावांश्च शुचिश्च भरतर्षभः । ऋजु पश्यति मेधावी पुत्रवत्पाति नः सदा ॥

apyamitre dayāvāṃśca śuciśca bharatarṣabhaḥ | ṛju paśyati medhāvī putravatpāti naḥ sadā

हे भरतश्रेष्ठ, वह शत्रु पर भी दयालु और पवित्र है; वह बुद्धिमान् सीधी दृष्टि रखता है और पुत्र की भाँति सदा हमारी रक्षा करता है।

श्लोक 44 (15.11.44)

विप्रियं च जनस्यास्य संसर्गाद्धर्मजस्य वै । न करिष्यन्ति राजर्षे तथा भीमार्जुनादयः ॥

vipriyaṃ ca janasyāsya saṃsargāddharmajasya vai | na kariṣyanti rājarṣe tathā bhīmārjunādayaḥ

हे राजर्षि, धर्मपुत्र के संसर्ग से भीम, अर्जुन आदि भी इन लोगों का कभी अप्रिय नहीं करेंगे।

श्लोक 45 (15.11.45)

मन्दा मृदुषु कौरव्य तीक्ष्णेष्वाशीविषोपमाः । वीर्यवन्तो महात्मानः पौराणां च हिते रताः ॥

mandā mṛduṣu kauravya tīkṣṇeṣvāśīviṣopamāḥ | vīryavanto mahātmānaḥ paurāṇāṃ ca hite ratāḥ

हे कौरव्य, वे कोमलों के प्रति कोमल हैं, और कठोरों के प्रति विषधर सर्पों के समान; वे पराक्रमी, महात्मा और नगरवासियों के हित में लगे रहने वाले हैं।

श्लोक 46 (15.11.46)

न कुन्ती न च पाञ्चाली न चोलूपी न सात्वती । अस्मिञ्जने करिष्यन्ति प्रतिकूलानि कर्हिचित् ॥

na kuntī na ca pāñcālī na colūpī na sātvatī | asmiñjane kariṣyanti pratikūlāni karhicit

न कुन्ती, न पाञ्चाली, न उलूपी, न सात्वती, कोई भी इन लोगों के साथ कभी प्रतिकूल आचरण नहीं करेगी।

श्लोक 47 (15.11.47)

भवत्कृतमिमं स्नेहं युधिष्ठिरविवर्धितम् । न पृष्ठतः करिष्यन्ति पौरा जानपदा जनाः ॥

bhavatkṛtamimaṃ snehaṃ yudhiṣṭhiravivardhitam | na pṛṣṭhataḥ kariṣyanti paurā jānapadā janāḥ

आपके किए और युधिष्ठिर के बढ़ाए इस स्नेह से नगरवासी और जनपदवासी कभी मुँह नहीं मोड़ेंगे।

श्लोक 48 (15.11.48)

अधर्मिष्ठानपि सतः कुन्तीपुत्रा महारथाः । मानवान्पालयिष्यन्ति भूत्वा धर्मपरायणाः ॥

adharmiṣṭhānapi sataḥ kuntīputrā mahārathāḥ | mānavānpālayiṣyanti bhūtvā dharmaparāyaṇāḥ

जो लोग अधर्मी भी हैं, उन मनुष्यों का भी कुन्ती के महारथी पुत्र स्वयं धर्मपरायण रहकर पालन करेंगे।

श्लोक 49 (15.11.49)

स राजन्मानसं दुःखमपनीय युधिष्ठिरात् । कुरु कार्याणि धर्म्याणि नमस्ते पुरुषर्षभ ॥

sa rājanmānasaṃ duḥkhamapanīya yudhiṣṭhirāt | kuru kāryāṇi dharmyāṇi namaste puruṣarṣabha

इसलिए, हे राजन्, युधिष्ठिर के विषय में अपने मन का दुःख दूर करके धर्मसम्मत कार्य कीजिए; हे पुरुषश्रेष्ठ, आपको नमस्कार है।

श्लोक 50 (15.11.50)

तस्य तद्वचनं धर्म्यमनुमान्य गुणोत्तरम् । साधुसाध्विति सर्वः स जनः प्रतिगृहीतवान् ॥

tasya tadvacanaṃ dharmyamanumānya guṇottaram | sādhusādhviti sarvaḥ sa janaḥ pratigṛhītavān

उसके उस धर्मसम्मत, उत्तम वचन का सम्मान करके सब लोगों ने 'साधु, साधु' कहकर उसे स्वीकार किया।

श्लोक 51 (15.11.51)

धृतराष्ट्रश्च तद्वाक्यमभिपूज्य पुनःपुनः । विसर्जयामास तदा प्रकृतीस्तु शनैःशनैः ॥

dhṛtarāṣṭraśca tadvākyamabhipūjya punaḥpunaḥ | visarjayāmāsa tadā prakṛtīstu śanaiḥśanaiḥ

और धृतराष्ट्र ने उस वचन का बार-बार अभिनन्दन करके प्रजाजनों को धीरे-धीरे विदा किया।

श्लोक 52 (15.11.52)

स तैः सम्पूजितो राजा शिवेनावेक्षितस्तथा । प्राञ्जलिः पूजयामास तं जनं भरतर्षभ ॥

sa taiḥ sampūjito rājā śivenāvekṣitastathā | prāñjaliḥ pūjayāmāsa taṃ janaṃ bharatarṣabha

उन लोगों से सम्मानित और कल्याणकारी दृष्टि से देखे गए राजा ने, हे भरतश्रेष्ठ, हाथ जोड़कर उन लोगों का सत्कार किया।

श्लोक 53 (15.11.53)

ततो विवेश भवनं गान्धार्या सहितो निजम् । आगतायां च शर्वर्यां सुखं शेते नराधिपः ॥

tato viveśa bhavanaṃ gāndhāryā sahito nijam | āgatāyāṃ ca śarvaryāṃ sukhaṃ śete narādhipaḥ

फिर वे गान्धारी के साथ अपने भवन में गए; और रात आने पर राजा सुख से सोए।