ऋषियों का प्रश्न: कौन-सा धर्म श्रेष्ठ है

श्लोक 1 (14.49.1)

को वा स्विदिह धर्माणामनुष्ठेयतमो मतः । व्याहतामिव पश्यामो धर्मस्य विविधां गतिम् ॥

ko vā svidiha dharmāṇāmanuṣṭheyatamo mataḥ | vyāhatāmiva paśyāmo dharmasya vividhāṃ gatim

तो यहाँ धर्मों में सबसे अधिक करने योग्य धर्म कौन-सा माना गया है? हमें धर्म के अनेक मार्ग मानो एक-दूसरे को काटते हुए दिखाई देते हैं।

श्लोक 2 (14.49.2)

ऊर्द्ध्वं देहाद्वदन्त्येके नैतदस्तीति चापरे । केचित्संशयितं सर्वं निःसंशयमथापरे ॥

ūrddhvaṃ dehādvadantyeke naitadastīti cāpare | kecitsaṃśayitaṃ sarvaṃ niḥsaṃśayamathāpare

कुछ कहते हैं कि देह के बाद भी कुछ रहता है, दूसरे कहते हैं कि ऐसा नहीं है; कुछ सब कुछ संशययुक्त मानते हैं, दूसरे निःसंशय।

श्लोक 3 (14.49.3)

अनित्यं नित्यमित्येके नास्त्यस्तीत्यपि चापरे । त्रिधेत्येके द्विधेत्येके व्याकीर्णमिति चापरे ॥

anityaṃ nityamityeke nāstyastītyapi cāpare | tridhetyeke dvidhetyeke vyākīrṇamiti cāpare

कुछ इसे अनित्य कहते हैं, कुछ नित्य; दूसरे कहते हैं 'यह नहीं है', 'यह है'; कुछ इसे तीन प्रकार का, कुछ दो प्रकार का और दूसरे मिला-जुला बताते हैं।

श्लोक 4 (14.49.4)

मन्यन्ते ब्राह्मणा एव ब्रह्मज्ञास्तत्त्वदर्शिनः । एकमेके पृथक्चान्ये बहुत्वमिति चापरे ॥

manyante brāhmaṇā eva brahmajñāstattvadarśinaḥ | ekameke pṛthakcānye bahutvamiti cāpare

ब्रह्म को जानने वाले, तत्त्व देखने वाले ब्राह्मण भी ऐसे ही मत रखते हैं: कोई इसे एक मानता है, कोई अलग, और दूसरे अनेक।

श्लोक 5 (14.49.5)

देशकालावुभौ केचिन्नैतदस्तीति चापरे । जटाजिनधराश्चान्ये मुण्डाः केचिदसंवृताः ॥

deśakālāvubhau kecinnaitadastīti cāpare | jaṭājinadharāścānye muṇḍāḥ kecidasaṃvṛtāḥ

कुछ देश और काल दोनों को मानते हैं, दूसरे कहते हैं कि ऐसा नहीं है; कुछ जटा और मृगचर्म धारण करते हैं, कुछ मुण्डित रहते हैं, कुछ बिना ढके रहते हैं।

श्लोक 6 (14.49.6)

अस्नानं केचिदिच्छन्ति स्नानमप्यपरे जनाः । मन्यन्ते ब्राह्मणा देवा ब्रह्मज्ञास्तत्त्वदर्शिनः ॥

asnānaṃ kecidicchanti snānamapyapare janāḥ | manyante brāhmaṇā devā brahmajñāstattvadarśinaḥ

कुछ स्नान नहीं करना चाहते, दूसरे स्नान चाहते हैं; इसी प्रकार ब्रह्मज्ञ और तत्त्वदर्शी ब्राह्मण और देवता भी अपने-अपने मत रखते हैं।

श्लोक 7 (14.49.7)

आहारं केचिदिच्छन्ति केचिच्चानशने रताः । कर्म केचित्प्रशंसन्ति प्रशान्तिं चापरे जनाः ॥

āhāraṃ kecidicchanti keciccānaśane ratāḥ | karma kecitpraśaṃsanti praśāntiṃ cāpare janāḥ

कुछ आहार चाहते हैं, दूसरे उपवास में रमते हैं; कुछ कर्म की प्रशंसा करते हैं, दूसरे शान्ति की।

श्लोक 8 (14.49.8)

केचिन्मोक्षं प्रशंसन्ति केचिद्भोगान्पृथग्विधान् । धनानि केचिदिच्छन्ति निर्धनत्वमथापरे । उपास्य साधनं त्वेके नैतदस्तीति चापरे ॥

kecinmokṣaṃ praśaṃsanti kecidbhogānpṛthagvidhān | dhanāni kecidicchanti nirdhanatvamathāpare | upāsya sādhanaṃ tveke naitadastīti cāpare

कुछ मोक्ष की प्रशंसा करते हैं, दूसरे नाना प्रकार के भोगों की; कुछ धन चाहते हैं, दूसरे निर्धनता; कुछ उपासना को साधन मानते हैं, दूसरे कहते हैं कि इसमें कुछ नहीं।

श्लोक 9 (14.49.9)

अहिंसानिरताश्चान्ये केचिद्धिंसापरायणाः । पुण्येन यशसा चान्ये नैतदस्तीति चापरे ॥

ahiṃsāniratāścānye keciddhiṃsāparāyaṇāḥ | puṇyena yaśasā cānye naitadastīti cāpare

कुछ अहिंसा में लगे हैं, दूसरे हिंसा में तत्पर; कुछ पुण्य और यश के लिए यत्न करते हैं, दूसरे कहते हैं कि इनमें कुछ नहीं।

श्लोक 10 (14.49.10)

सद्भावनिरताश्चान्ये केचित्संशयिते स्थिताः । दुःखादन्ये सुखादन्ये ध्यानमित्यपरे जनाः ॥

sadbhāvaniratāścānye kecitsaṃśayite sthitāḥ | duḥkhādanye sukhādanye dhyānamityapare janāḥ

कुछ सद्भाव में लगे हैं, कुछ संशय में स्थित हैं; कोई दुःख के कारण, कोई सुख के कारण चलता है, और दूसरे ध्यान को ही सब कुछ कहते हैं।

श्लोक 11 (14.49.11)

यज्ञ इत्यपरे विप्राः प्रदानमिति चापरे । तपस्त्वन्ये प्रशंसन्ति स्वाध्यायमपरे जनाः ॥

yajña ityapare viprāḥ pradānamiti cāpare | tapastvanye praśaṃsanti svādhyāyamapare janāḥ

कुछ ब्राह्मण यज्ञ कहते हैं, दूसरे दान; कुछ तप की प्रशंसा करते हैं, दूसरे स्वाध्याय की।

श्लोक 12 (14.49.12)

ज्ञानं संन्यासमित्येके स्वभावं भूतचिन्तकाः । सर्वमेके प्रशंसन्ति न सर्वमिति चापरे ॥

jñānaṃ saṃnyāsamityeke svabhāvaṃ bhūtacintakāḥ | sarvameke praśaṃsanti na sarvamiti cāpare

कुछ ज्ञान कहते हैं, कुछ संन्यास, और प्राणियों के स्वरूप पर विचार करने वाले स्वभाव को कहते हैं; कुछ सबकी प्रशंसा करते हैं, दूसरे कहते हैं कि सबकी नहीं।

श्लोक 13 (14.49.13)

एवं व्युत्थापिते धर्मे बहुधा विप्रबोधिते । निश्चयं नाधिगच्छामः श्रेयः किमिति सत्तम ॥

evaṃ vyutthāpite dharme bahudhā viprabodhite | niścayaṃ nādhigacchāmaḥ śreyaḥ kimiti sattama

धर्म के इस प्रकार अनेक रूपों में खड़ा किए और बहस में डाले जाने पर, हे श्रेष्ठ पुरुष, हम निश्चय नहीं कर पाते कि परम कल्याण क्या है।

श्लोक 14 (14.49.14)

इदं श्रेय इदं श्रेय इत्येवं व्यवस्थितो जनः । यो हि यस्मिन्रतो धर्मे स तं पूजयते सदा ॥

idaṃ śreya idaṃ śreya ityevaṃ vyavasthito janaḥ | yo hi yasminrato dharme sa taṃ pūjayate sadā

"यह श्रेष्ठ है, यह श्रेष्ठ है" — इस प्रकार लोग अलग-अलग बँधे हुए हैं। जो जिस धर्म में रमा है, वह सदा उसी का आदर करता है।

श्लोक 15 (14.49.15)

तेन नोऽविहिता प्रज्ञा मनश्च बहुलीकृतम् । एतदाख्यातमिच्छामः श्रेयः किमिति सत्तम ॥

tena no'vihitā prajñā manaśca bahulīkṛtam | etadākhyātamicchāmaḥ śreyaḥ kimiti sattama

इसीलिए हमारी बुद्धि अशिक्षित-सी रह गई है और मन अनेक दिशाओं में बँट गया है। हे श्रेष्ठ पुरुष, हम आपसे यह सुनना चाहते हैं कि परम कल्याण क्या है।

श्लोक 16 (14.49.16)

अतः परं तु यद्गुह्यं तद्भवान्वक्तुमर्हति । सत्वक्षेत्रज्ञयोश्चापि सम्बन्धः केन हेतुना ॥

ataḥ paraṃ tu yadguhyaṃ tadbhavānvaktumarhati | satvakṣetrajñayoścāpi sambandhaḥ kena hetunā

इससे आगे जो रहस्य है, वह भी आप हमें बताइए: सत्त्व और क्षेत्रज्ञ का सम्बन्ध किस कारण से है?

श्लोक 17 (14.49.17)

एवमुक्तः स तैर्विप्रैर्भगवाँल्लोकभावनः । तेभ्यः शशंस धर्मात्मा याथातथ्येन बुद्धिमान् ॥

evamuktaḥ sa tairviprairbhagavām̐llokabhāvanaḥ | tebhyaḥ śaśaṃsa dharmātmā yāthātathyena buddhimān

उन ब्राह्मणों के इस प्रकार कहने पर लोकों के रचयिता, धर्मात्मा और बुद्धिमान् भगवान् ने उन्हें यथार्थ रूप से समझाना आरम्भ किया।