अग्नि द्वारा मरुत्त को इन्द्र का सन्देश

श्लोक 1 (14.9.1)

कच्चित्सुखं स्वपिषि त्वं बृहस्पते । कच्चिन्मनोज्ञाः परिचारकास्ते । कच्चिद्देवानां सुखकामोसि विप्र । कच्चिद्देवास्त्वां परिपालयन्ति ॥

kaccitsukhaṃ svapiṣi tvaṃ bṛhaspate | kaccinmanojñāḥ paricārakāste | kacciddevānāṃ sukhakāmosi vipra | kacciddevāstvāṃ paripālayanti

बृहस्पति, क्या तुम सुख से सोते हो? क्या तुम्हारे सेवक तुम्हें प्रिय हैं? हे विप्र, क्या तुम देवताओं का हित चाहते हो, और क्या देवता तुम्हारी देखभाल करते हैं?

श्लोक 2 (14.9.2)

सुखं शये शयने देवराज । तथा मनोज्ञाः परिचारका मे । तथा देवानां सुखकामोस्मि नित्यं । देवाश्च मां सुभृशं पालयन्ति ॥

sukhaṃ śaye śayane devarāja | tathā manojñāḥ paricārakā me | tathā devānāṃ sukhakāmosmi nityaṃ | devāśca māṃ subhṛśaṃ pālayanti

हे देवराज, मैं अपनी शय्या पर सुख से सोता हूँ और मेरे सेवक मुझे प्रिय हैं। मैं सदा देवताओं का हित चाहता हूँ और देवता भी मेरी भली-भाँति रक्षा करते हैं।

श्लोक 3 (14.9.3)

कुतो दुःखं मानसं देहजं वा । पाण्डुर्विवर्णश्च कुतस्त्वमद्य । आचक्ष्व मे ब्राह्मण यावदेता- । न्निहन्मि सर्वांस्तव दुःखकर्तॄन् ॥

kuto duḥkhaṃ mānasaṃ dehajaṃ vā | pāṇḍurvivarṇaśca kutastvamadya | ācakṣva me brāhmaṇa yāvadetā- | nnihanmi sarvāṃstava duḥkhakartṝn

यह दुःख कहाँ से आया है, मन का है या शरीर का? आज तुम पीले और विवर्ण क्यों हो? हे ब्राह्मण, मुझे बताओ; जितने भी तुम्हें दुःख देने वाले हैं, उन सबको मैं मार डालूँगा।

श्लोक 4 (14.9.4)

मरुत्तमाहुर्मघवन्यक्ष्यमाणं । महायज्ञेनोत्तमदक्षिणेन । संवर्तो याजयतीति मे श्रुतं । तदिच्छामि न स तं याजयेत् ॥

maruttamāhurmaghavanyakṣyamāṇaṃ | mahāyajñenottamadakṣiṇena | saṃvarto yājayatīti me śrutaṃ | tadicchāmi na sa taṃ yājayet

हे मघवन्, लोग कहते हैं कि मरुत्त उत्तम दक्षिणाओं वाला महायज्ञ करने वाला है। मैंने सुना है कि संवर्त उसका यज्ञ कराएगा। मैं चाहता हूँ कि वह उसका यज्ञ न कराए।

श्लोक 5 (14.9.5)

सर्वान्कामाननुयातोसि विप्र । त्वं देवानां मन्त्रयसे पुरोधाः । उभौ च ते जरामृत्यू व्यतीतौ । किं संवर्तस्तव कर्ताऽद्य विप्र ॥

sarvānkāmānanuyātosi vipra | tvaṃ devānāṃ mantrayase purodhāḥ | ubhau ca te jarāmṛtyū vyatītau | kiṃ saṃvartastava kartā'dya vipra

हे विप्र, तुमने सभी कामनाएँ पा ली हैं; तुम देवताओं के पुरोहित बनकर उन्हें परामर्श देते हो। जरा और मृत्यु दोनों तुमसे दूर हो चुके हैं। हे विप्र, अब संवर्त तुम्हारा क्या बिगाड़ेगा?

श्लोक 6 (14.9.6)

देवैः सह त्वमसुरान्सम्प्रणुद्य । जिघांससे चाप्युत सानुबन्धान् । यंयं समृद्धं पश्यसि तत्रतत्र । दुःखं सपत्नेषु समृद्धिभावः ॥

devaiḥ saha tvamasurānsampraṇudya | jighāṃsase cāpyuta sānubandhān | yaṃyaṃ samṛddhaṃ paśyasi tatratatra | duḥkhaṃ sapatneṣu samṛddhibhāvaḥ

देवताओं के साथ तुमने असुरों को खदेड़ा और आज भी उन्हें उनके बन्धुओं सहित मार डालना चाहते हो। जहाँ-जहाँ तुम किसी को समृद्ध देखते हो, वहाँ प्रतिद्वन्द्वियों की समृद्धि दुःख ही होती है।

श्लोक 7 (14.9.7)

अतोस्मि देवेन्द्र विवर्णरूपः । सपत्नो मे वर्धते तन्निशम्य । सर्वोपायैर्मघवन्संनियच्छ । संवर्तं वा पार्थिवं वा मरुत्तम् ॥

atosmi devendra vivarṇarūpaḥ | sapatno me vardhate tanniśamya | sarvopāyairmaghavansaṃniyaccha | saṃvartaṃ vā pārthivaṃ vā maruttam

हे देवेन्द्र, इसीलिए मेरा रंग उतर गया है: मेरा प्रतिद्वन्द्वी बढ़ रहा है और यह सुनकर मैं मुरझा गया हूँ। हे मघवन्, सब उपायों से या तो संवर्त को रोको या राजा मरुत्त को।

श्लोक 8 (14.9.8)

एहि गच्छ प्रहितो जातवेदो । बृहस्पतिं परिदातुं मरुत्ते । अयं वै त्वां याजयिता बृहस्पति- । स्तथाऽमरं चैव करिष्यतीति ॥

ehi gaccha prahito jātavedo | bṛhaspatiṃ paridātuṃ marutte | ayaṃ vai tvāṃ yājayitā bṛhaspati- | stathā'maraṃ caiva kariṣyatīti

हे जातवेदा, मेरे भेजे हुए जाओ और बृहस्पति को मरुत्त को सौंप दो। उससे कहो: "यह बृहस्पति तुम्हारा यज्ञ कराएँगे और तुम्हें अमर कर देंगे।"

श्लोक 9 (14.9.9)

अहं गच्छामि तव शक्राद्य दूतो । बृहस्पतिं परिदातुं मरुत्ते । वाचं सत्यां पुरुहूतस्य कर्तुं । बृहस्पतेश्चापचितिं चिकीर्षुः ॥

ahaṃ gacchāmi tava śakrādya dūto | bṛhaspatiṃ paridātuṃ marutte | vācaṃ satyāṃ puruhūtasya kartuṃ | bṛhaspateścāpacitiṃ cikīrṣuḥ

हे शक्र, मैं आज आपका दूत बनकर बृहस्पति को मरुत्त को सौंपने जाता हूँ; मैं पुरुहूत की वाणी सत्य करना और बृहस्पति का सम्मान करना चाहता हूँ।

श्लोक 10 (14.9.10)

ततः प्रायाद्धूमकेतुर्महात्मा । वनस्पतीन्वीरुधश्चावमृद्नन् । कामाद्धिमान्ते परिवर्तमानः । काष्ठातिगो मातरिश्वेव नर्दन् ॥

tataḥ prāyāddhūmaketurmahātmā | vanaspatīnvīrudhaścāvamṛdnan | kāmāddhimānte parivartamānaḥ | kāṣṭhātigo mātariśveva nardan

तब महात्मा अग्नि (धूमकेतु) चल पड़े; वे वृक्षों और लताओं को रौंदते हुए, शिशिर के अन्त में इच्छानुसार घूमते, वायु की तरह गरजते और सब दिशाओं को लाँघते जा रहे थे।

श्लोक 11 (14.9.11)

आश्चर्यमद्य पश्यामि रूपिणं वह्निमागतम् । आसनं सलिलं पाद्यं गां चोपानय वै मुने ॥

āścaryamadya paśyāmi rūpiṇaṃ vahnimāgatam | āsanaṃ salilaṃ pādyaṃ gāṃ copānaya vai mune

आज मैं आश्चर्य देख रहा हूँ: अग्नि स्वयं रूप धारण करके आया है। हे मुने, आसन, जल, पैर धोने का जल और गौ ले आओ।

श्लोक 12 (14.9.12)

आसनं सलिलं पाद्यं प्रतिनन्दामि तेऽनघ । इन्द्रेण तु समादिष्टं विद्धि मां दूतमागतम् ॥

āsanaṃ salilaṃ pādyaṃ pratinandāmi te'nagha | indreṇa tu samādiṣṭaṃ viddhi māṃ dūtamāgatam

हे निष्पाप, आसन, जल और पाद्य मैं सहर्ष स्वीकार करता हूँ। जान लो कि मैं इन्द्र का भेजा हुआ दूत बनकर आया हूँ।

श्लोक 13 (14.9.13)

कच्चिच्छ्रीमान्देवराजः सुखी च । कच्चिच्चास्मान्प्रीयते धूमकेतो । कच्चिद्देवा अस्य वशे यथाव- । त्प्रब्रूहि त्वं मम कार्त्स्न्येन देव ॥

kaccicchrīmāndevarājaḥ sukhī ca | kacciccāsmānprīyate dhūmaketo | kacciddevā asya vaśe yathāva- | tprabrūhi tvaṃ mama kārtsnyena deva

क्या श्रीमान् देवराज कुशल और सुखी हैं? हे धूमकेतु, क्या वे हम पर प्रसन्न हैं? क्या देवता उनके वश में यथावत् हैं? हे देव, यह सब मुझे पूरा-पूरा बताइए।

श्लोक 14 (14.9.14)

शक्रो भृशं सुसुखी पार्थिवेन्द्र । प्रीतिं चेच्छत्यजरां वै त्वया सः । देवाश्च सर्वे वशगास्तस्य राज- । न्संदेशं त्वं शृणु मे देवराज्ञः ॥

śakro bhṛśaṃ susukhī pārthivendra | prītiṃ cecchatyajarāṃ vai tvayā saḥ | devāśca sarve vaśagāstasya rāja- | nsaṃdeśaṃ tvaṃ śṛṇu me devarājñaḥ

हे राजेन्द्र, शक्र अत्यन्त सुखी हैं और आपके साथ अटूट प्रीति चाहते हैं। हे राजन्, सब देवता उनके वश में हैं। अब मुझसे देवराज का सन्देश सुनिए।

श्लोक 15 (14.9.15)

यदर्थं मां प्राहिणोत्त्वत्सकाशं । बृहस्पतिं परिदातुं मरुत्ते । अयं गुरुर्याजयतां नृप त्वां । मर्त्यं सन्तममरं त्वां करोतु ॥

yadarthaṃ māṃ prāhiṇottvatsakāśaṃ | bṛhaspatiṃ paridātuṃ marutte | ayaṃ gururyājayatāṃ nṛpa tvāṃ | martyaṃ santamamaraṃ tvāṃ karotu

जिस प्रयोजन से उन्होंने मुझे आपके पास भेजा है, बृहस्पति को मरुत्त को सौंपने के लिए, वह यह है: "हे राजन्, ये गुरु तुम्हारा यज्ञ कराएँ और तुम्हें, मर्त्य होते हुए भी, अमर कर दें।"

श्लोक 16 (14.9.16)

संवर्तोऽयं याजयिता द्विजो मां । बृहस्पतेरञ्जलिरेष तस्य । न चैवासौ याजयित्वा महेन्द्रं । मर्त्यं सन्तं याजयन्नद्य शोभेत् ॥

saṃvarto'yaṃ yājayitā dvijo māṃ | bṛhaspaterañjalireṣa tasya | na caivāsau yājayitvā mahendraṃ | martyaṃ santaṃ yājayannadya śobhet

ये ब्राह्मण संवर्त मेरे यज्ञ कराने वाले हैं; बृहस्पति को तो मेरी यही हाथ जोड़कर की गई प्रणति है। और जिसने महेन्द्र का यज्ञ कराया है, वह आज एक मर्त्य का यज्ञ कराता हुआ शोभा नहीं पाएगा।

श्लोक 17 (14.9.17)

ये वै लोका देवलोके महान्तः । सम्प्राप्स्यसे तान्देवराजप्रसादात् । त्वां चेदसौ याजयेद्वै बृहस्पति- । र्नूनं स्वर्गं त्वं जयेः कीर्तियुक्तः ॥

ye vai lokā devaloke mahāntaḥ | samprāpsyase tāndevarājaprasādāt | tvāṃ cedasau yājayedvai bṛhaspati- | rnūnaṃ svargaṃ tvaṃ jayeḥ kīrtiyuktaḥ

देवराज की कृपा से तुम देवलोक के जो महान् लोक हैं, उन्हें प्राप्त करोगे। यदि बृहस्पति तुम्हारा यज्ञ कराएँ, तो तुम निश्चय ही कीर्ति से युक्त होकर स्वर्ग जीत लोगे।

श्लोक 18 (14.9.18)

तथा लोका मानुषा ये च दिव्याः । प्रजापतेश्चापि ये वै महान्तः । तेते जिता देवराज्यं च कृत्स्नं । बृहस्पतिर्याजयेच्चेन्नरेन्द्र ॥

tathā lokā mānuṣā ye ca divyāḥ | prajāpateścāpi ye vai mahāntaḥ | tete jitā devarājyaṃ ca kṛtsnaṃ | bṛhaspatiryājayeccennarendra

हे नरेन्द्र, यदि बृहस्पति तुम्हारा यज्ञ कराएँ तो मानवीय और दिव्य लोक, प्रजापति के जो महान् लोक हैं, वे सब और देवताओं का सम्पूर्ण राज्य भी तुम्हारे द्वारा जीत लिया जाएगा।

श्लोक 19 (14.9.19)

मा स्मैव त्वं पुनरागाः कथंचि- । द्बृहस्पतिं परिदातुं मरुत्ते । मा त्वां धक्ष्ये चक्षुषा दारुणेन । संक्रुद्धोऽहं पावक त्वं निबोध ॥

mā smaiva tvaṃ punarāgāḥ kathaṃci- | dbṛhaspatiṃ paridātuṃ marutte | mā tvāṃ dhakṣye cakṣuṣā dāruṇena | saṃkruddho'haṃ pāvaka tvaṃ nibodha

तुम फिर कभी किसी प्रकार यहाँ मत आना, बृहस्पति को मरुत्त को सौंपने के लिए। मैं तुम्हें अपनी भयंकर दृष्टि से भस्म कर दूँगा; हे पावक, मैं क्रुद्ध हूँ, इसे समझ लो।

श्लोक 20 (14.9.20)

ततो देवानगमद्धूमकेतु- । दाहाद्भीतो व्यथितोऽश्वत्थपर्णवत् । तं वै दृष्ट्वा प्राह शक्रो महात्मा । बृहस्पतेः सन्निधौ हव्यवाहम् ॥

tato devānagamaddhūmaketu- | dāhādbhīto vyathito'śvatthaparṇavat | taṃ vai dṛṣṭvā prāha śakro mahātmā | bṛhaspateḥ sannidhau havyavāham

तब धूमकेतु जलाए जाने के भय से काँपता हुआ, पीपल के पत्ते की तरह थरथराता, देवताओं के पास लौट गया। उसे देखकर महात्मा शक्र ने बृहस्पति के सामने उस हव्यवाहन से कहा।

श्लोक 21 (14.9.21)

यस्त्वं गतः प्रहितो जातवेदो । बृहस्पतिं परिदातुं मरुत्ते । तत्किं प्राह स नृपो यक्ष्यमाणः । कच्चिद्वचः प्रतिगृह्णाति तच्च ॥

yastvaṃ gataḥ prahito jātavedo | bṛhaspatiṃ paridātuṃ marutte | tatkiṃ prāha sa nṛpo yakṣyamāṇaḥ | kaccidvacaḥ pratigṛhṇāti tacca

हे जातवेदा, तुम जो बृहस्पति को मरुत्त को सौंपने के लिए भेजे गए थे, यज्ञ करने को उद्यत उस राजा ने क्या कहा? क्या वह मेरी बात स्वीकार करता है?

श्लोक 22 (14.9.22)

न ते वाचं रोचयते मरुत्तो । बृहस्पतेरञ्जलिं प्राहिणोत्सः । संवर्तो मां याजयितेत्युवाच । पुनः पुनः स मया याच्यमानः ॥

na te vācaṃ rocayate marutto | bṛhaspaterañjaliṃ prāhiṇotsaḥ | saṃvarto māṃ yājayitetyuvāca | punaḥ punaḥ sa mayā yācyamānaḥ

मरुत्त को आपकी बात नहीं रुचती। उसने बृहस्पति के लिए केवल प्रणाम भेजा है। मेरे बार-बार कहने पर भी वह यही कहता रहा कि संवर्त मेरा यज्ञ कराएँगे।

श्लोक 23 (14.9.23)

उवाचेदं मानुषा ये च दिव्या । प्रजापतेर्ये च लोका महान्तः । तांश्चेल्लभेयं संविदं तेन कृत्वा । तथापि नेच्छेयमिति प्रतीतः ॥

uvācedaṃ mānuṣā ye ca divyā | prajāpaterye ca lokā mahāntaḥ | tāṃścellabheyaṃ saṃvidaṃ tena kṛtvā | tathāpi neccheyamiti pratītaḥ

उसने कहा: "मनुष्यों के जो लोक हैं, देवताओं के जो हैं और प्रजापति के जो महान् लोक हैं, उन्हें भी यदि मैं उसके साथ समझौता करके पा लूँ, तब भी मैं उसे नहीं चाहूँगा।" यह उसने दृढ़ निश्चय से कहा।

श्लोक 24 (14.9.24)

पुनर्गत्वा पार्थिवं त्वं समेत्य । वाक्यं मदीयं प्रापय स्वार्थयुक्तम् । पुनर्यद्युक्तो न करिष्यते वच- । स्त्वत्तो वज्रं सम्प्रहर्तास्मि तस्मै ॥

punargatvā pārthivaṃ tvaṃ sametya | vākyaṃ madīyaṃ prāpaya svārthayuktam | punaryadyukto na kariṣyate vaca- | stvatto vajraṃ samprahartāsmi tasmai

फिर उस राजा के पास जाकर उससे मिलो और मेरा यह सन्देश उसके अपने हित के लिए पहुँचाओ। यदि फिर कहने पर भी वह मेरी बात नहीं मानेगा, तो मैं उस पर अपना वज्र चला दूँगा।

श्लोक 25 (14.9.25)

गन्धर्वराड्यात्वयं तत्र दूतो । बिभेम्यहं वासव तत्र गन्तुम् । संरब्धो मामब्रवीत्तीक्ष्णरोषः । संवर्तो वाक्यं चरितब्रह्मचर्यः ॥

gandharvarāḍyātvayaṃ tatra dūto | bibhemyahaṃ vāsava tatra gantum | saṃrabdho māmabravīttīkṣṇaroṣaḥ | saṃvarto vākyaṃ caritabrahmacaryaḥ

हे वासव, इस बार गन्धर्वराज दूत बनकर वहाँ जाएँ; मैं वहाँ जाने से डरता हूँ। ब्रह्मचर्य का पालन किए हुए तीक्ष्ण क्रोध वाले संवर्त ने रोष में भरकर मुझसे यह कहा था।

श्लोक 26 (14.9.26)

यद्यागच्छेः पुनरेवं कथंचि- । द्बृहस्पतिं परिदातुं मरुत्ते । दहेयं त्वां चक्षुषा दारुणेन । संक्रुद्ध इत्येतदवैहि शक्र ॥

yadyāgaccheḥ punarevaṃ kathaṃci- | dbṛhaspatiṃ paridātuṃ marutte | daheyaṃ tvāṃ cakṣuṣā dāruṇena | saṃkruddha ityetadavaihi śakra

"यदि तुम कभी फिर इस प्रकार बृहस्पति को मरुत्त को सौंपने आओगे, तो मैं तुम्हें अपनी भयंकर दृष्टि से जला दूँगा; जान लो कि मैं क्रुद्ध हूँ।" हे शक्र, उसने यही कहा।

श्लोक 27 (14.9.27)

त्वमेवान्यान्दहसे जातवेदो । न हि त्वदन्यो विद्यते भस्मकर्ता । त्वत्संस्पर्शात्सर्वलोको बिभेति । अश्रद्धेयं वदसे हव्यवाह ॥

tvamevānyāndahase jātavedo | na hi tvadanyo vidyate bhasmakartā | tvatsaṃsparśātsarvaloko bibheti | aśraddheyaṃ vadase havyavāha

हे जातवेदा, दूसरों को तो तुम जलाते हो, और तुम्हारे सिवा राख करने वाला कोई नहीं है। तुम्हारे स्पर्श से सारा संसार डरता है; हे हव्यवाहन, तुम जो कह रहे हो वह विश्वास के योग्य नहीं है।

श्लोक 28 (14.9.28)

दिवं देवेन्द्र पृथिवीं च सर्वां । संवेष्टयेस्त्वं स्वबलेनैव शक्र । एवंविधस्येह सतस्तवासौ । कथं वृत्रस्त्रिदिवं प्राग्जहार ॥

divaṃ devendra pṛthivīṃ ca sarvāṃ | saṃveṣṭayestvaṃ svabalenaiva śakra | evaṃvidhasyeha satastavāsau | kathaṃ vṛtrastridivaṃ prāgjahāra

हे देवेन्द्र, हे शक्र, आप अपने ही बल से स्वर्ग और सारी पृथ्वी को लपेट सकते हैं। ऐसे होते हुए भी वृत्र ने पहले आपसे त्रिलोकी का स्वर्ग कैसे छीन लिया?

श्लोक 29 (14.9.29)

नगण्डिकाकारयोगं करेऽणुं । न चारिसोमं प्रपिबामि वह्ने । न क्षीणशक्तौ प्रहरामि वज्रं । को मेऽसुखाय प्रहरेत मर्त्यः ॥

nagaṇḍikākārayogaṃ kare'ṇuṃ | na cārisomaṃ prapibāmi vahne | na kṣīṇaśaktau praharāmi vajraṃ | ko me'sukhāya prahareta martyaḥ

मैं अपने हाथ में पर्वत को भी मच्छर के आकार का नन्हा कण बना सकता हूँ। हे अग्नि, मैं शत्रु का दिया सोम नहीं पीता और जिसकी शक्ति क्षीण हो गई हो उस पर वज्र नहीं चलाता। कौन मरणशील मुझे दुःख पहुँचाने के लिए मुझ पर प्रहार करेगा?

श्लोक 30 (14.9.30)

प्रव्रजयेयं कालकेयान्पृथिव्या- । मपाकर्षन्दानवानन्तरिक्षात् । दिवः प्रह्लादमवसानमानयं । को मेऽसुखाय प्रहरेत मानवः ॥

pravrajayeyaṃ kālakeyānpṛthivyā- | mapākarṣandānavānantarikṣāt | divaḥ prahlādamavasānamānayaṃ | ko me'sukhāya prahareta mānavaḥ

मैंने कालकेयों को पृथ्वी से निकाला, दानवों को आकाश से खींच गिराया और प्रह्लाद को स्वर्ग से उतारकर उसके अन्त तक पहुँचाया। कौन मनुष्य मुझे दुःख पहुँचाने के लिए मुझ पर प्रहार करेगा?

श्लोक 31 (14.9.31)

यत्र शर्यातिं च्यवनो याजयिष्य- । न्सहाश्विभ्यां सोममगृह्णदेकः । तं त्वं क्रुद्धः प्रत्यषेधीः पुरस्ता- । च्छर्यातियज्ञं स्मर तं महेन्द्र ॥

yatra śaryātiṃ cyavano yājayiṣya- | nsahāśvibhyāṃ somamagṛhṇadekaḥ | taṃ tvaṃ kruddhaḥ pratyaṣedhīḥ purastā- | ccharyātiyajñaṃ smara taṃ mahendra

जहाँ शर्याति का यज्ञ कराते हुए च्यवन ने अकेले ही अश्विनों के साथ सोम ग्रहण किया था, वहाँ आपने क्रुद्ध होकर उन्हें पहले रोका था। हे महेन्द्र, शर्याति के उस यज्ञ को याद कीजिए।

श्लोक 32 (14.9.32)

वज्रं गृहीत्वा च पुरन्दर त्वं । सम्प्राहार्षीश्च्यवनस्यातिघोरम् । स ते विप्रः सह वज्रेण बाहु- । मपागृह्णात्तपसा जातमन्युः ॥

vajraṃ gṛhītvā ca purandara tvaṃ | samprāhārṣīścyavanasyātighoram | sa te vipraḥ saha vajreṇa bāhu- | mapāgṛhṇāttapasā jātamanyuḥ

हे पुरन्दर, आपने वज्र उठाकर च्यवन पर अत्यन्त घोर प्रहार किया था; पर तपस्या से क्रोधित उस विप्र ने वज्र सहित आपकी भुजा को जकड़ लिया।

श्लोक 33 (14.9.33)

ततो रोषात्सर्वतो घोररूपं । सपत्नं ते जनयामास भूयः । मदं नाम्ना चासुरं विश्वरूपं । यं त्वं दृष्ट्वा चक्षुषी संन्यमीलः ॥

tato roṣātsarvato ghorarūpaṃ | sapatnaṃ te janayāmāsa bhūyaḥ | madaṃ nāmnā cāsuraṃ viśvarūpaṃ | yaṃ tvaṃ dṛṣṭvā cakṣuṣī saṃnyamīlaḥ

तब रोष में उन्होंने आपके लिए एक और शत्रु उत्पन्न किया, जो चारों ओर से भयंकर रूप वाला था: मद नाम का विश्वरूप असुर, जिसे देखकर आपने आँखें मूँद लीं।

श्लोक 34 (14.9.34)

हनुरेका जगतीस्था तथैका । दिवं गता महतो दानवस्य । सहस्रं दन्तानां शतयोजनानां । सुतीक्ष्णानां घोररूपं बभूव ॥

hanurekā jagatīsthā tathaikā | divaṃ gatā mahato dānavasya | sahasraṃ dantānāṃ śatayojanānāṃ | sutīkṣṇānāṃ ghorarūpaṃ babhūva

उस महान् दानव का एक जबड़ा पृथ्वी पर टिका था और दूसरा आकाश तक पहुँचा था। उसके हज़ार दाँत थे, प्रत्येक सौ योजन लम्बा, अत्यन्त तीखा और भयंकर रूप वाला।

श्लोक 35 (14.9.35)

वृत्ताः स्थूला रजतस्तम्भवर्णा । दंष्ट्राश्चतस्रो द्वे शते योजनानाम् । स त्वां दन्तान्विदशन्नभ्यधाव- । ज्जिघांसया शूलमुद्यम्य घोरम् ॥

vṛttāḥ sthūlā rajatastambhavarṇā | daṃṣṭrāścatasro dve śate yojanānām | sa tvāṃ dantānvidaśannabhyadhāva- | jjighāṃsayā śūlamudyamya ghoram

उसके चार गोल, मोटे, चाँदी के खम्भों जैसे चमकते दाँत थे, जो दो-दो सौ योजन के थे। वह दाँत किटकिटाता हुआ भयंकर शूल उठाकर आपको मारने की इच्छा से आपकी ओर दौड़ा।

श्लोक 36 (14.9.36)

तं नापश्यस्त्वं तदा घोररूपं । सर्वे वै त्वां ददृशुर्दर्शनीयम् । यस्माद्भीतः प्राञ्जलिस्त्वं महर्षि- । मागच्छेथाः शरणं दानवघ्न ॥

taṃ nāpaśyastvaṃ tadā ghorarūpaṃ | sarve vai tvāṃ dadṛśurdarśanīyam | yasmādbhītaḥ prāñjalistvaṃ maharṣi- | māgacchethāḥ śaraṇaṃ dānavaghna

उस भयंकर रूप वाले को आप उस समय देख नहीं पाए, पर सबने आपको स्पष्ट देखा। हे दानवघ्न, जिसके भय से आप हाथ जोड़कर उन महर्षि की शरण में आए थे।

श्लोक 37 (14.9.37)

क्षात्राद्बलाद्ब्रह्मबलं गरीयो । न ब्रह्मतः किञ्चिदन्यद्गरीयः । सोहं जानन्ब्रह्मतेजो यथाव- । न्न संवर्तं गन्तुमिच्छामि शक्र ॥

kṣātrādbalādbrahmabalaṃ garīyo | na brahmataḥ kiñcidanyadgarīyaḥ | sohaṃ jānanbrahmatejo yathāva- | nna saṃvartaṃ gantumicchāmi śakra

क्षत्रिय के बल से ब्राह्मण का बल बड़ा है; ब्राह्मण से बढ़कर और कुछ नहीं। मैं ब्राह्मण के तेज को यथार्थ रूप में जानता हूँ, इसलिए हे शक्र, मैं संवर्त के पास नहीं जाना चाहता।