युद्ध के लिए सन्नद्ध कौरव सेना

श्लोक 1 (6.18.1)

ततो मुहूर्तात्तुमुलः शब्दो हृदयकम्पनः । अश्रूयत महाराज योधानां प्रयुयुत्सताम् ॥

tato muhūrtāttumulaḥ śabdo hṛdayakampanaḥ | aśrūyata mahārāja yodhānāṃ prayuyutsatām

हे महाराज, फिर क्षण भर में युद्ध के लिए उत्सुक योद्धाओं का हृदय को कँपा देने वाला तुमुल नाद सुनाई दिया।

श्लोक 2 (6.18.2)

शङ्खदुन्दुभिघोषैश्च वारणानां च बृंहितैः । नेमिघोषै रथानां च दीर्यतीव वसुन्धरा ॥

śaṅkhadundubhighoṣaiśca vāraṇānāṃ ca bṛṃhitaiḥ | nemighoṣai rathānāṃ ca dīryatīva vasundharā

शंखों और दुन्दुभियों के घोष, हाथियों की चिंघाड़ और रथों के पहियों की घरघराहट से पृथ्वी मानो फटने लगी।

श्लोक 3 (6.18.3)

हयानां हेषमाणानां योधानां चैव गर्जताम् । क्षणेनैव नभो भूमिः शब्देनापूरितं तदा ॥

hayānāṃ heṣamāṇānāṃ yodhānāṃ caiva garjatām | kṣaṇenaiva nabho bhūmiḥ śabdenāpūritaṃ tadā

हिनहिनाते घोड़ों और गरजते योद्धाओं के शब्द से क्षण भर में ही आकाश और पृथ्वी गूँज उठे।

श्लोक 4 (6.18.4)

पुत्राणां तव दुर्धर्ष पाण्डवानां तथैव च । समकम्पन्त सैन्यानि परस्परसमागमे ॥

putrāṇāṃ tava durdharṣa pāṇḍavānāṃ tathaiva ca | samakampanta sainyāni parasparasamāgame

हे दुर्धर्ष, तुम्हारे पुत्रों और पाण्डवों की सेनाएँ परस्पर आमने-सामने होते समय काँप उठीं।

श्लोक 5 (6.18.5)

तत्र नागा रथाश्चैव जाम्बूनदविभूषिताः । भ्राजमाना व्यदृश्यन्त मेघा इव सविद्युतः ॥

tatra nāgā rathāścaiva jāmbūnadavibhūṣitāḥ | bhrājamānā vyadṛśyanta meghā iva savidyutaḥ

वहाँ जाम्बूनद सोने से सजे हाथी और रथ बिजली से युक्त बादलों के समान चमकते दिखाई दिए।

श्लोक 6 (6.18.6)

ध्वजा बहुविधाकारास्तावकानां नराधिप । काञ्चनाङ्गदिनो रेजुर्ज्वलिता इव पावकाः ॥

dhvajā bahuvidhākārāstāvakānāṃ narādhipa | kāñcanāṅgadino rejurjvalitā iva pāvakāḥ

हे नरेश्वर, तुम्हारे पक्ष के अनेक आकारों वाले, सोने के अंगदों से सजे ध्वज जलती हुई अग्नियों के समान शोभा पा रहे थे।

श्लोक 7 (6.18.7)

स्वेषां चैव परेषां च समदृश्यन्त भारत । महेन्द्रकेतवः शुभ्रा महेन्द्रसदनेष्विव ॥

sveṣāṃ caiva pareṣāṃ ca samadṛśyanta bhārata | mahendraketavaḥ śubhrā mahendrasadaneṣviva

हे भारत, अपने और शत्रु — दोनों पक्षों में उज्ज्वल ध्वज ऐसे दिखाई दिए जैसे इन्द्र के भवनों में इन्द्र के ध्वज।

श्लोक 8 (6.18.8)

काञ्चनैः कवचैर्वीरा ज्वलनार्कसमप्रभैः । सन्नद्धाः समदृश्यन्त ज्वलनार्कसमप्रभाः ॥

kāñcanaiḥ kavacairvīrā jvalanārkasamaprabhaiḥ | sannaddhāḥ samadṛśyanta jvalanārkasamaprabhāḥ

अग्नि और सूर्य के समान चमकते सोने के कवच पहने, युद्ध के लिए सन्नद्ध वीर स्वयं अग्नि और सूर्य के समान तेजस्वी दिखाई दे रहे थे।

श्लोक 9 (6.18.9)

कुरुयोधवरा राजन्विचित्रायुधकार्मुकाः । उद्यतैरायुधैश्चित्रैस्तलबद्धाः पताकिनः ॥

kuruyodhavarā rājanvicitrāyudhakārmukāḥ | udyatairāyudhaiścitraistalabaddhāḥ patākinaḥ

हे राजन्, विचित्र आयुधों और धनुषों वाले, चमकते शस्त्र उठाए, हाथों में गोह-चर्म के दस्ताने बाँधे और पताकाएँ लिए कौरवों के श्रेष्ठ योद्धा,

श्लोक 10 (6.18.10)

ऋषभाक्षा महेष्वासाश्चमूमुखगता बभुः । पृष्ठगोपास्तु भीष्मस्य पुत्रास्तव नराधिप । दुःशासनो दुर्विषहो दुर्मुखो दुःसहस्तथा ॥

ṛṣabhākṣā maheṣvāsāścamūmukhagatā babhuḥ | pṛṣṭhagopāstu bhīṣmasya putrāstava narādhipa | duḥśāsano durviṣaho durmukho duḥsahastathā

बैल-जैसी आँखों वाले महाधनुर्धर, सेना के अग्रभाग में शोभा पा रहे थे। हे नरेश्वर, तुम्हारे पुत्र भीष्म के पृष्ठरक्षक थे — दुःशासन, दुर्विषह, दुर्मुख और दुःसह,

श्लोक 11 (6.18.11)

विविंशतिश्चित्रसेनो विकर्णश्च महारथः । सत्यव्रतः पुरुमित्रो जयो भूरिश्रवाः शलः ॥

viviṃśatiścitraseno vikarṇaśca mahārathaḥ | satyavrataḥ purumitro jayo bhūriśravāḥ śalaḥ

विविंशति, चित्रसेन, महारथी विकर्ण, सत्यव्रत, पुरुमित्र, जय, भूरिश्रवा और शल।

श्लोक 12 (6.18.12)

रथा विंशतिसाहस्रास्तथैषामनुयायिनः । अभीषाहाः शूरसेनाः शिबयोऽथ वसातयः ॥

rathā viṃśatisāhasrāstathaiṣāmanuyāyinaḥ | abhīṣāhāḥ śūrasenāḥ śibayo'tha vasātayaḥ

बीस हज़ार रथ उनके पीछे चल रहे थे। अभीषाह, शूरसेन, शिबि और वसाति,

श्लोक 13 (6.18.13)

शाल्वा मत्स्यास्तथाम्बष्ठास्त्रैगर्ताः केकयास्तथा । सौवीराः कैतवाः प्राच्याः प्रतीच्योदीच्यवासिनः ॥

śālvā matsyāstathāmbaṣṭhāstraigartāḥ kekayāstathā | sauvīrāḥ kaitavāḥ prācyāḥ pratīcyodīcyavāsinaḥ

शाल्व, मत्स्य, अम्बष्ठ, त्रिगर्त, केकय, सौवीर, कैतव, पूर्व के लोग, तथा पश्चिम और उत्तर के निवासी —

श्लोक 14 (6.18.14)

द्वादशैते जनपदाः सर्वे शूरास्तनुत्यजः । महता रथवंशेन ते ररक्षुः पितामहम् ॥

dvādaśaite janapadāḥ sarve śūrāstanutyajaḥ | mahatā rathavaṃśena te rarakṣuḥ pitāmaham

ये बारह जनपद, सब-के-सब प्राण देने को तैयार शूरवीर, रथों के विशाल समूह से पितामह की रक्षा कर रहे थे।

श्लोक 15 (6.18.15)

अनीकं दशसाहस्रं कुञ्जराणां तरस्विनाम् । मागधो यत्र नृपतिस्तद्रथानीकमन्वयात् ॥

anīkaṃ daśasāhasraṃ kuñjarāṇāṃ tarasvinām | māgadho yatra nṛpatistadrathānīkamanvayāt

दस हज़ार वेगवान् हाथियों की एक सेना, जिसमें मगधराज था, उस रथसेना के पीछे-पीछे चली।

श्लोक 16 (6.18.16)

रथानां चक्ररक्षाश्च पादरक्षाश्च दन्तिनाम् । अभवन्वाहिनीमध्ये शतानामयुतानि षट् ॥

rathānāṃ cakrarakṣāśca pādarakṣāśca dantinām | abhavanvāhinīmadhye śatānāmayutāni ṣaṭ

सेना के बीच रथों के पहियों के रक्षक और हाथियों के पैरों के रक्षक छह अयुत सौ (साठ लाख) थे।

श्लोक 17 (6.18.17)

पादाताश्चाग्रतोऽगच्छन्धनुश्चर्मासिपाणयः । अनेकशतसाहस्रा नखरप्रासयोधिनः ॥

pādātāścāgrato'gacchandhanuścarmāsipāṇayaḥ | anekaśatasāhasrā nakharaprāsayodhinaḥ

आगे-आगे पैदल सैनिक चल रहे थे — हाथों में धनुष, ढाल और तलवार लिए, कई लाख, नखर और प्रास से लड़ने वाले।

श्लोक 18 (6.18.18)

अक्षौहिण्यो दशैका च तव पुत्रस्य भारत । अदृश्यन्त महाराज गङ्गेव यमुनान्तरा ॥

akṣauhiṇyo daśaikā ca tava putrasya bhārata | adṛśyanta mahārāja gaṅgeva yamunāntarā

हे भारत, हे महाराज, तुम्हारे पुत्र की ग्यारह अक्षौहिणी सेनाएँ ऐसी दिखाई दे रही थीं मानो गंगा के बीच यमुना बह रही हो।