आमने-सामने खड़ी दोनों सेनाएँ

श्लोक 1 (6.20.1)

सूर्योदये सञ्जय के नु पूर्वं । युयुत्सवो हृष्यमाणा इवासन् । मामका वा भीष्मनेत्राः समीपे । पाण्डवा वा भीमनेत्रास्तदानीम् ॥

sūryodaye sañjaya ke nu pūrvaṃ | yuyutsavo hṛṣyamāṇā ivāsan | māmakā vā bhīṣmanetrāḥ samīpe | pāṇḍavā vā bhīmanetrāstadānīm

हे संजय, सूर्योदय के समय पहले कौन युद्ध के लिए उत्सुक और मानो हर्षित दिखाई दिए — भीष्म के नेतृत्व में पास खड़े मेरे लोग, या भीम के नेतृत्व में पाण्डव?

श्लोक 2 (6.20.2)

केषां जघन्यौ सोमसूर्यौ सवायू । केषां सेनां श्वापदाश्चाभषन्त । केषां यूनां मुखवर्णाः प्रसन्नाः । सर्वं ह्येतद्ब्रूहि तत्त्वं यथावत् ॥

keṣāṃ jaghanyau somasūryau savāyū | keṣāṃ senāṃ śvāpadāścābhaṣanta | keṣāṃ yūnāṃ mukhavarṇāḥ prasannāḥ | sarvaṃ hyetadbrūhi tattvaṃ yathāvat

चन्द्रमा और सूर्य, वायु सहित, किसके पीछे थे? किसकी सेना की ओर हिंसक पशु चिल्लाए? किसके युवकों के मुख प्रसन्न थे? यह सब मुझे ठीक-ठीक, जैसा हुआ वैसा बताओ।

श्लोक 3 (6.20.3)

उभे सेने तुल्यमिवोपयाते । उभे व्यूहे हृष्टरूपे नरेन्द्र । उभे चित्रे वनराजिप्रकाशे । तथैवोभे नागरथाश्वपूर्णे ॥

ubhe sene tulyamivopayāte | ubhe vyūhe hṛṣṭarūpe narendra | ubhe citre vanarājiprakāśe | tathaivobhe nāgarathāśvapūrṇe

हे नरेन्द्र, दोनों सेनाएँ मानो बराबर होकर आगे बढ़ीं; दोनों व्यूह हर्ष से भरे दिखते थे; दोनों वन-पंक्तियों के समान रंग-बिरंगे थे, और दोनों हाथियों, रथों और घोड़ों से भरे हुए थे।

श्लोक 4 (6.20.4)

उभे सेने बृहत्यौ भीमरूपे । तथैवोभे भारत दुर्विषह्ये । तथैवोभे स्वर्गजयाय सृष्टे । तथैवोभे सत्पुरुषोपजुष्टे ॥

ubhe sene bṛhatyau bhīmarūpe | tathaivobhe bhārata durviṣahye | tathaivobhe svargajayāya sṛṣṭe | tathaivobhe satpuruṣopajuṣṭe

दोनों सेनाएँ विशाल और भयानक रूप वाली थीं, और हे भारत, दोनों ही दुःसह थीं; दोनों स्वर्ग जीतने के लिए रची गई थीं, और दोनों में सत्पुरुष सम्मिलित थे।

श्लोक 5 (6.20.5)

पश्चान्मुखाः कुरवो धार्तराष्ट्राः । स्थिताः पार्थाः प्राङ्मुखा योत्स्यमानाः । दैत्येन्द्रसेनेव च कौरवाणां । देवेन्द्रसेनेव च पाण्डवानाम् ॥

paścānmukhāḥ kuravo dhārtarāṣṭrāḥ | sthitāḥ pārthāḥ prāṅmukhā yotsyamānāḥ | daityendraseneva ca kauravāṇāṃ | devendraseneva ca pāṇḍavānām

धृतराष्ट्र के पुत्र कौरव पश्चिम की ओर मुख किए थे; युद्ध को तैयार पार्थ पूर्व की ओर मुख करके खड़े थे। कौरवों की सेना दैत्यराज की सेना के समान थी और पाण्डवों की सेना देवराज की सेना के समान।

श्लोक 6 (6.20.6)

शीतो वायुः पृष्ठतः पाण्डवानां । धार्तराष्ट्राञ्श्वापदा व्याहरन्त । गजेन्द्राणां मदगन्धांश्च तीव्रा- । न्न सेहिरे तव पुत्रस्य नागाः ॥

śīto vāyuḥ pṛṣṭhataḥ pāṇḍavānāṃ | dhārtarāṣṭrāñśvāpadā vyāharanta | gajendrāṇāṃ madagandhāṃśca tīvrā- | nna sehire tava putrasya nāgāḥ

पाण्डवों के पीछे शीतल वायु बह रही थी, और हिंसक पशु धृतराष्ट्र के पुत्रों की ओर चिल्ला रहे थे; तुम्हारे पुत्र के हाथी (पाण्डवों के) गजराजों के मद की तीखी गन्ध को सह नहीं पा रहे थे।

श्लोक 7 (6.20.7)

दुर्योधनो हस्तिनं पद्मवर्णं । सुवर्णकक्षं जालवन्तं प्रभिन्नम् । समास्थितो मध्यगतः कुरूणां । संस्तूयमानो बन्दिभिर्मागधैश्च ॥

duryodhano hastinaṃ padmavarṇaṃ | suvarṇakakṣaṃ jālavantaṃ prabhinnam | samāsthito madhyagataḥ kurūṇāṃ | saṃstūyamāno bandibhirmāgadhaiśca

सोने की कक्षा और आभूषणों की जाली से सजे, कमल के रंग वाले मदमत्त हाथी पर आरूढ़ दुर्योधन कौरवों के मध्य में था, और बन्दी तथा मागध उसकी स्तुति कर रहे थे।

श्लोक 8 (6.20.8)

चन्द्रप्रभं श्वेतमथातपत्रं । सौवर्णस्रग्भ्राजति चोत्तमाङ्गे । तं सर्वतः शकुनिः पार्वतीयैः । सार्धं गान्धारैर्याति गान्धारराजः ॥

candraprabhaṃ śvetamathātapatraṃ | sauvarṇasragbhrājati cottamāṅge | taṃ sarvataḥ śakuniḥ pārvatīyaiḥ | sārdhaṃ gāndhārairyāti gāndhārarājaḥ

उसके ऊपर चन्द्रमा-सा उज्ज्वल श्वेत छत्र था और उसके सिर पर सोने की माला चमक रही थी। गान्धारराज शकुनि पर्वतीय योद्धाओं और गान्धारों के साथ चारों ओर से उसके साथ चल रहा था।

श्लोक 9 (6.20.9)

भीष्मोऽग्रतः सर्वसैन्यस्य वृद्धः । श्वेतच्छत्रः श्वेतधनुः सखड्गः । श्वेतोष्णीषः पाण्डुरेण ध्वजेन । श्वेतैरश्वैः श्वेतशैलप्रकाशैः ॥

bhīṣmo'grataḥ sarvasainyasya vṛddhaḥ | śvetacchatraḥ śvetadhanuḥ sakhaḍgaḥ | śvetoṣṇīṣaḥ pāṇḍureṇa dhvajena | śvetairaśvaiḥ śvetaśailaprakāśaiḥ

वृद्ध भीष्म सारी सेना के आगे थे — श्वेत छत्र, श्वेत धनुष और खड्ग लिए, श्वेत पगड़ी और पाण्डुर ध्वज के साथ, और श्वेत पर्वतों जैसे श्वेत घोड़ों से युक्त।

श्लोक 10 (6.20.10)

तस्य सैन्ये धार्तराष्ट्राश्च सर्वे । बाह्लीकानामेकदेशः शलश्च । ये चाम्बष्ठाः क्षत्रिया ये च सिन्धो- । स्तथा सौवीराः पञ्चनदाश्च शूराः ॥

tasya sainye dhārtarāṣṭrāśca sarve | bāhlīkānāmekadeśaḥ śalaśca | ye cāmbaṣṭhāḥ kṣatriyā ye ca sindho- | stathā sauvīrāḥ pañcanadāśca śūrāḥ

उनकी सेना में धृतराष्ट्र के सब पुत्र, बाह्लीकों का एक भाग और शल थे; अम्बष्ठ क्षत्रिय, सिन्धु देश के योद्धा, सौवीर और पंचनद (पंजाब) के शूरवीर भी थे।

श्लोक 11 (6.20.11)

शोणैर्हयै रुक्मरथो महात्मा । द्रोणो धनुष्पाणिरदीनसत्त्वः । आप्तो गुरुः प्रथितः सर्वराज्ञां । पश्चाच्चमूमिन्द्र इवाभियाति ॥

śoṇairhayai rukmaratho mahātmā | droṇo dhanuṣpāṇiradīnasattvaḥ | āpto guruḥ prathitaḥ sarvarājñāṃ | paścāccamūmindra ivābhiyāti

लाल घोड़ों वाले सोने के रथ पर, हाथ में धनुष लिए, अदम्य साहस वाले महात्मा द्रोण — सब राजाओं के विश्वस्त और प्रसिद्ध गुरु — इन्द्र के समान सेना के पीछे चल रहे थे।

श्लोक 12 (6.20.12)

वार्धक्षत्रिः सर्वसैन्यस्य मध्ये । भूरिश्रवाः पुरुमित्रो जयश्च । साल्वा मत्स्याः केकयाश्चेति सर्वे । गजानीकैर्भ्रातरो योत्स्यमानाः ॥

vārdhakṣatriḥ sarvasainyasya madhye | bhūriśravāḥ purumitro jayaśca | sālvā matsyāḥ kekayāśceti sarve | gajānīkairbhrātaro yotsyamānāḥ

सारी सेना के मध्य में वार्धक्षत्रि (जयद्रथ), भूरिश्रवा, पुरुमित्र और जय थे; और शाल्व, मत्स्य तथा केकय — सब भाई — हाथियों की सेनाओं के साथ लड़ने को तैयार थे।

श्लोक 13 (6.20.13)

शारद्वतश्चोत्तरधूर्महात्मा । महेष्वासो गौतमश्चित्रयोधी । शकैः किरातैर्यवनैः पह्लवैश्च । सार्धं चमूमुत्तरतोऽभियाति ॥

śāradvataścottaradhūrmahātmā | maheṣvāso gautamaścitrayodhī | śakaiḥ kirātairyavanaiḥ pahlavaiśca | sārdhaṃ camūmuttarato'bhiyāti

उत्तरी भाग का भार सँभालने वाले महात्मा शरद्वान् के पुत्र, विचित्र युद्ध करने वाले महाधनुर्धर गौतम (कृप) शक, किरात, यवन और पह्लव योद्धाओं के साथ सेना के उत्तर की ओर चल रहे थे।

श्लोक 14 (6.20.14)

महारथैर्वृष्णिभोजैः सुगुप्तं । सुराष्ट्रकैर्विदितैरात्तशस्त्रैः । बृहद्बलं कृतवर्माभिगुप्तं । बलं त्वदीयं दक्षिणेनाभियाति ॥

mahārathairvṛṣṇibhojaiḥ suguptaṃ | surāṣṭrakairviditairāttaśastraiḥ | bṛhadbalaṃ kṛtavarmābhiguptaṃ | balaṃ tvadīyaṃ dakṣiṇenābhiyāti

वृष्णि और भोज वंश के महारथियों तथा शस्त्र उठाए प्रसिद्ध सौराष्ट्र योद्धाओं से भली-भाँति सुरक्षित, कृतवर्मा द्वारा रक्षित तुम्हारी विशाल सेना दक्षिण की ओर चल रही थी।

श्लोक 15 (6.20.15)

संशप्तकानामयुतं रथानां । मृत्युर्जयो वार्जुनस्येति सृष्टाः । येनार्जुनस्तेन राजन्कृतास्त्राः । प्रयातारस्ते त्रिगर्ताश्च शूराः ॥

saṃśaptakānāmayutaṃ rathānāṃ | mṛtyurjayo vārjunasyeti sṛṣṭāḥ | yenārjunastena rājankṛtāstrāḥ | prayātāraste trigartāśca śūrāḥ

संशप्तकों के दस हज़ार रथ — जो या तो अर्जुन की मृत्यु या अपनी विजय के लिए बने थे — शस्त्रविद्या में निपुण, हे राजन्, जिधर अर्जुन जाते उधर ही चलते थे; उनके साथ शूरवीर त्रिगर्त भी थे।

श्लोक 16 (6.20.16)

साग्रं शतसहस्रं तु नागानां तव भारत । नागेनागे रथशतं शतमश्वा रथेरथे ॥

sāgraṃ śatasahasraṃ tu nāgānāṃ tava bhārata | nāgenāge rathaśataṃ śatamaśvā ratherathe

हे भारत, तुम्हारे पक्ष में एक लाख से भी अधिक हाथी थे; हर हाथी के साथ सौ रथ, और हर रथ के साथ सौ घोड़े;

श्लोक 17 (6.20.17)

अश्वेऽश्वे दश धानुष्का धानुष्के दश चर्मिणः । एवं व्यूढान्यनीकानि भीष्मेण तव भारत ॥

aśve'śve daśa dhānuṣkā dhānuṣke daśa carmiṇaḥ | evaṃ vyūḍhānyanīkāni bhīṣmeṇa tava bhārata

हर घोड़े के साथ दस धनुर्धर, और हर धनुर्धर के साथ दस ढालधारी। हे भारत, इस प्रकार भीष्म ने तुम्हारी सेनाओं का व्यूह रचा था।

श्लोक 18 (6.20.18)

संव्यूह्य मानुषं व्यूहं दैवं गान्धर्वमासुरम् । दिवसेदिवसे प्राप्ते भीष्मः शान्तनवोऽग्रणीः ॥

saṃvyūhya mānuṣaṃ vyūhaṃ daivaṃ gāndharvamāsuram | divasedivase prāpte bhīṣmaḥ śāntanavo'graṇīḥ

प्रतिदिन, दिन आने पर, शान्तनुनन्दन भीष्म मानव, देव, गन्धर्व और असुर व्यूहों की रचना करके सबसे आगे रहते थे।

श्लोक 19 (6.20.19)

महारथौघविपुलः समुद्र इव घोषवान् । भीष्मेण धार्तराष्ट्राणां व्यूहः प्रत्यङ्मुखो युधि ॥

mahārathaughavipulaḥ samudra iva ghoṣavān | bhīṣmeṇa dhārtarāṣṭrāṇāṃ vyūhaḥ pratyaṅmukho yudhi

महारथियों के समूहों से भरा और समुद्र के समान गर्जता हुआ, भीष्म द्वारा रचा गया धृतराष्ट्र-पुत्रों का व्यूह युद्ध में पश्चिम की ओर मुख किए था।

श्लोक 20 (6.20.20)

अनन्तरूपा ध्वजिनी नरेन्द्र । भीमा त्वदीया न तु पाण्डवानाम् । तां चैव मन्ये बृहतीं दुष्प्रधर्षां । यस्या नेता केशवश्चार्जुनश्च ॥

anantarūpā dhvajinī narendra | bhīmā tvadīyā na tu pāṇḍavānām | tāṃ caiva manye bṛhatīṃ duṣpradharṣāṃ | yasyā netā keśavaścārjunaśca

हे नरेन्द्र, तुम्हारी सेना असीम और भयंकर थी, पाण्डवों की वैसी नहीं थी। फिर भी मैं उसी सेना को महान् और अजेय मानता हूँ जिसके नेता केशव और अर्जुन हैं।