दोनों सेनाओं का हर्ष और आमना-सामना

श्लोक 1 (6.24.1)

केषां प्रहृष्टास्तत्राग्रे योधा युध्यन्ति सञ्जय । उदग्रमनसः के वा के वा दीना विचेतसः ॥

keṣāṃ prahṛṣṭāstatrāgre yodhā yudhyanti sañjaya | udagramanasaḥ ke vā ke vā dīnā vicetasaḥ

हे सञ्जय, वहाँ आगे किसके योद्धा प्रसन्न होकर लड़ रहे थे? किनका मन उत्साह से भरा था, और कौन दीन और हतबुद्धि थे?

श्लोक 2 (6.24.2)

के पूर्वं प्राहरंस्तत्र युद्धे हृदयकम्पने । मामकाः पाण्डवेया वा तन्ममाचक्ष्व सञ्जय ॥

ke pūrvaṃ prāharaṃstatra yuddhe hṛdayakampane | māmakāḥ pāṇḍaveyā vā tanmamācakṣva sañjaya

हृदय को कँपा देने वाले उस युद्ध में पहले किसने प्रहार किया — मेरे पक्ष के लोगों ने या पाण्डवों ने? हे सञ्जय, यह मुझे बताओ।

श्लोक 3 (6.24.3)

कस्य सेनासमुदये गन्धो माल्यसमुद्भवः । वायुः प्रदक्षिणश्चैव योधानामभिगर्जताम् ॥

kasya senāsamudaye gandho mālyasamudbhavaḥ | vāyuḥ pradakṣiṇaścaiva yodhānāmabhigarjatām

किसकी एकत्र सेना में मालाओं की सुगन्ध उठी, और गरजते हुए किन योद्धाओं के लिए वायु दाहिनी ओर से अनुकूल बही?

श्लोक 4 (6.24.4)

उभयोः सेनयोस्तत्र योधा जहृषिरे तदा । स्रजः समाः सुगन्धानामुभयत्र समुद्भवः ॥

ubhayoḥ senayostatra yodhā jahṛṣire tadā | srajaḥ samāḥ sugandhānāmubhayatra samudbhavaḥ

वहाँ उस समय दोनों सेनाओं के योद्धा हर्षित थे। दोनों ओर समान मालाएँ थीं और दोनों ओर सुगन्ध उठ रही थी।

श्लोक 5 (6.24.5)

संहतानामनीकानां व्यूढानां भरतर्षभ । संसर्गात्समुदीर्णानां विमर्दः सुमहानभूत् ॥

saṃhatānāmanīkānāṃ vyūḍhānāṃ bharatarṣabha | saṃsargātsamudīrṇānāṃ vimardaḥ sumahānabhūt

हे भरतश्रेष्ठ, जब संगठित, व्यूहबद्ध और उत्तेजित सेनाएँ आपस में भिड़ीं, तो बहुत भारी संघर्ष हुआ।

श्लोक 6 (6.24.6)

वादित्रशब्दस्तुमुलः शङ्खभेरीविमिश्रितः । शूराणां रणशूराणां गर्जतामितरेतरम् ॥

vāditraśabdastumulaḥ śaṅkhabherīvimiśritaḥ | śūrāṇāṃ raṇaśūrāṇāṃ garjatāmitaretaram

शंखों और भेरियों से मिला बाजों का तुमुल नाद गूँज उठा, और रणशूर वीर एक-दूसरे पर गरजने लगे।

श्लोक 7 (6.24.7)

उभयोः सेनयो राजन्महान्व्यतिकरोऽभवत् । अन्योन्यं वीक्षमाणानां योधानां भरतर्षभ । कुञ्जराणां च नदतां सैन्यानां च प्रहृष्यताम् ॥

ubhayoḥ senayo rājanmahānvyatikaro'bhavat | anyonyaṃ vīkṣamāṇānāṃ yodhānāṃ bharatarṣabha | kuñjarāṇāṃ ca nadatāṃ sainyānāṃ ca prahṛṣyatām

हे राजन्, हे भरतश्रेष्ठ, एक-दूसरे को देखते योद्धाओं, चिंघाड़ते हाथियों और हर्ष से भरी सेनाओं के कारण दोनों सेनाओं में भारी हलचल मच गई।