रमणक, हिरण्मय और ऐरावत

श्लोक 1 (6.8.1)

वर्षाणां चैव नामानि पर्वतानां च संजय । आचक्ष्व मे यथातत्त्वं ये च पर्वतवासिनः ॥

varṣāṇāṃ caiva nāmāni parvatānāṃ ca saṃjaya | ācakṣva me yathātattvaṃ ye ca parvatavāsinaḥ

"हे संजय, मुझे वर्षों और पर्वतों के नाम ठीक-ठीक बताओ, और उनके भी जो पर्वतों पर रहते हैं।"

श्लोक 2 (6.8.2)

दक्षिणेन तु श्वेतस्य नीलस्यैवोत्तरेण तु । वर्षं रमणकं नाम जायन्ते तत्र मानवाः ॥

dakṣiṇena tu śvetasya nīlasyaivottareṇa tu | varṣaṃ ramaṇakaṃ nāma jāyante tatra mānavāḥ

श्वेत के दक्षिण और नील के उत्तर में रमणक नामक वर्ष है, जहाँ ऐसे मनुष्य जन्म लेते हैं

श्लोक 3 (6.8.3)

शुक्लाभिजनसंपन्नाः सर्वे सुप्रियदर्शनाः । निःसपत्नाश्च ते सर्वे जायन्ते तत्र मानवाः ॥

śuklābhijanasaṃpannāḥ sarve supriyadarśanāḥ | niḥsapatnāśca te sarve jāyante tatra mānavāḥ

जो शुद्ध कुल से सम्पन्न और सब देखने में अत्यन्त प्रिय होते हैं; वहाँ जन्म लेने वाले सब मनुष्य शत्रुरहित होते हैं।

श्लोक 4 (6.8.4)

दशवर्षसहस्राणि शतानि दश पञ्च च । जीवन्ति ते महाराज नित्यं मुदितमानसाः ॥

daśavarṣasahasrāṇi śatāni daśa pañca ca | jīvanti te mahārāja nityaṃ muditamānasāḥ

हे महाराज, वे दस हजार और पंद्रह सौ वर्ष जीवित रहते हैं और सदा प्रसन्नचित्त रहते हैं।

श्लोक 5 (6.8.5)

दक्षिणे शृङ्गिणश्चैव श्वेतस्याथोत्तरेण तु । वर्षं हिरण्मयं नाम यत्र हैरण्वती नदी ॥

dakṣiṇe śṛṅgiṇaścaiva śvetasyāthottareṇa tu | varṣaṃ hiraṇmayaṃ nāma yatra hairaṇvatī nadī

शृङ्गी पर्वत के दक्षिण और श्वेत के उत्तर में हिरण्मय नामक वर्ष है, जहाँ हैरण्वती नदी बहती है।

श्लोक 6 (6.8.6)

यत्र चायं महाराज पक्षिराट् पतगोत्तमः । यक्षानुगा महाराज धनिनः प्रियदर्शनाः ॥

yatra cāyaṃ mahārāja pakṣirāṭ patagottamaḥ | yakṣānugā mahārāja dhaninaḥ priyadarśanāḥ

हे महाराज, वहाँ यह पक्षिराज, पक्षियों में श्रेष्ठ, रहता है। हे महाराज, वहाँ के लोग यक्षों के अनुयायी, धनवान और देखने में प्रिय होते हैं;

श्लोक 7 (6.8.7)

महाबलास्तत्र जना राजन्मुदितमानसाः । एकादशसहस्राणि वर्षाणां ते जनाधिप ॥

mahābalāstatra janā rājanmuditamānasāḥ | ekādaśasahasrāṇi varṣāṇāṃ te janādhipa

हे राजन्, वे महाबली और प्रसन्नचित्त होते हैं। हे जनाधिप, उनकी आयु ग्यारह हजार वर्ष

श्लोक 8 (6.8.8)

आयुःप्रमाणं जीवन्ति शतानि दश पञ्च च । शृङ्गाणि वै शृङ्गवतस्त्रीण्येव मनुजाधिप ॥

āyuḥpramāṇaṃ jīvanti śatāni daśa pañca ca | śṛṅgāṇi vai śṛṅgavatastrīṇyeva manujādhipa

और पंद्रह सौ वर्ष होती है; इतने समय तक वे जीते हैं। हे मनुजाधिप, शृङ्गवान् पर्वत के तीन ही शिखर हैं:

श्लोक 9 (6.8.9)

एकं मणिमयं तत्र तथैकं रौक्ममद्भुतम् । सर्वरत्नमयं चैकं भवनैरुपशोभितम् । तत्र स्वयंप्रभा देवी नित्यं वसति शाण्डिली ॥

ekaṃ maṇimayaṃ tatra tathaikaṃ raukmamadbhutam | sarvaratnamayaṃ caikaṃ bhavanairupaśobhitam | tatra svayaṃprabhā devī nityaṃ vasati śāṇḍilī

एक मणिमय है, एक अद्भुत स्वर्णमय, और एक सब रत्नों से बना तथा भवनों से सुशोभित है। वहाँ स्वयंप्रभा देवी शाण्डिली सदा निवास करती हैं।

श्लोक 10 (6.8.10)

उत्तरेण तु शृङ्गस्य समुद्रान्ते जनाधिप । वर्षमैरावतं नाम तस्माच्छृङ्गवतः परम् ॥

uttareṇa tu śṛṅgasya samudrānte janādhipa | varṣamairāvataṃ nāma tasmācchṛṅgavataḥ param

हे जनाधिप, उस शृङ्गवान् के उत्तर में, समुद्र के किनारे, शृङ्गवान् से परे ऐरावत नामक वर्ष है।

श्लोक 11 (6.8.11)

न तत्र सूर्यस्तपति न जीर्यन्ते च मानवाः । चन्द्रमाश्च सनक्षत्रो ज्योतिर्भूत इवावृतः ॥

na tatra sūryastapati na jīryante ca mānavāḥ | candramāśca sanakṣatro jyotirbhūta ivāvṛtaḥ

वहाँ सूर्य तपता नहीं और मनुष्य बूढ़े नहीं होते; नक्षत्रों सहित चन्द्रमा मानो प्रकाश बनकर सब ओर छाया रहता है।

श्लोक 12 (6.8.12)

पद्मप्रभाः पद्मवर्णाः पद्मपत्रनिभेक्षणाः । पद्मपत्रसुगन्धाश्च जायन्ते तत्र मानवाः ॥

padmaprabhāḥ padmavarṇāḥ padmapatranibhekṣaṇāḥ | padmapatrasugandhāśca jāyante tatra mānavāḥ

वहाँ जन्म लेने वाले मनुष्य कमल की प्रभा और कमल के वर्ण वाले होते हैं; उनकी आँखें कमलदल के समान होती हैं और उनसे कमलपत्र जैसी सुगन्ध आती है।

श्लोक 13 (6.8.13)

अनिष्पन्दा इष्टगन्धा निराहारा जितेन्द्रियाः । देवलोकच्युताः सर्वे तथा विरजसो नृप ॥

aniṣpandā iṣṭagandhā nirāhārā jitendriyāḥ | devalokacyutāḥ sarve tathā virajaso nṛpa

उन्हें पसीना नहीं आता, उनकी गन्ध प्रिय होती है, वे आहार नहीं करते और जितेन्द्रिय होते हैं; हे नृप, वे सब देवलोक से च्युत और रजोगुण से रहित होते हैं।

श्लोक 14 (6.8.14)

त्रयोदशसहस्राणि वर्षाणां ते जनाधिप । आयुःप्रमाणं जीवन्ति नरा भरतसत्तम ॥

trayodaśasahasrāṇi varṣāṇāṃ te janādhipa | āyuḥpramāṇaṃ jīvanti narā bharatasattama

हे जनाधिप, हे भरतसत्तम, वहाँ के मनुष्य तेरह हजार वर्ष की आयु तक जीते हैं।

श्लोक 15 (6.8.15)

क्षीरोदस्य समुद्रस्य तथैवोत्तरतः प्रभुः । हरिर्वसति वैकुण्ठः शकटे कनकोज्ज्वले ॥

kṣīrodasya samudrasya tathaivottarataḥ prabhuḥ | harirvasati vaikuṇṭhaḥ śakaṭe kanakojjvale

इसी प्रकार क्षीरसागर के उत्तर में प्रभु हरि वैकुण्ठ स्वर्ण से जगमगाते रथ पर निवास करते हैं।

श्लोक 16 (6.8.16)

अष्टचक्रं हि तद्यानं भूतयुक्तं मनोजवम् । अग्निवर्णं महातेजो जाम्बूनदविभूषितम् ॥

aṣṭacakraṃ hi tadyānaṃ bhūtayuktaṃ manojavam | agnivarṇaṃ mahātejo jāmbūnadavibhūṣitam

उस रथ में आठ पहिए हैं; उसमें भूत जुते हैं और वह मन के समान वेगवान है; वह अग्नि के वर्ण का, महान् तेज से युक्त और जाम्बूनद स्वर्ण से विभूषित है।

श्लोक 17 (6.8.17)

स प्रभुः सर्वभूतानां विभुश्च भरतर्षभ । संक्षेपो विस्तरश्चैव कर्ता कारयिता तथा ॥

sa prabhuḥ sarvabhūtānāṃ vibhuśca bharatarṣabha | saṃkṣepo vistaraścaiva kartā kārayitā tathā

हे भरतश्रेष्ठ, वे सब प्राणियों के प्रभु और सर्वव्यापक हैं; वे ही संक्षेप और विस्तार हैं, कर्ता हैं और करवाने वाले भी।

श्लोक 18 (6.8.18)

पृथिव्यापस्तथाऽऽकाशं वायुस्तेजश्च पार्थिव । स यज्ञः सर्वभूतानामास्यं तस्य हुताशनः ॥

pṛthivyāpastathā''kāśaṃ vāyustejaśca pārthiva | sa yajñaḥ sarvabhūtānāmāsyaṃ tasya hutāśanaḥ

हे राजन्, वे ही पृथ्वी, जल, आकाश, वायु और तेज हैं; वे सब प्राणियों का यज्ञ हैं और अग्नि उनका मुख है।

श्लोक 19 (6.8.19)

एवमुक्तः संजयेन धृतराष्ट्रो महामनाः । ध्यानमन्वगमद्राजा पुत्रान्प्रति जनाधिप ॥

evamuktaḥ saṃjayena dhṛtarāṣṭro mahāmanāḥ | dhyānamanvagamadrājā putrānprati janādhipa

हे जनाधिप, संजय के ऐसा कहने पर महामना राजा धृतराष्ट्र अपने पुत्रों के विषय में चिन्तन में डूब गए।

श्लोक 20 (6.8.20)

स विचिन्त्य महातेजाः पुनरेवाब्रवीद्वचः । असंशयं सूतपुत्र कालः संक्षिपते जगत् ॥

sa vicintya mahātejāḥ punarevābravīdvacaḥ | asaṃśayaṃ sūtaputra kālaḥ saṃkṣipate jagat

विचार करके वे महातेजस्वी राजा फिर बोले: "हे सूतपुत्र, निःसन्देह काल ही जगत् को समेट लेता है,

श्लोक 21 (6.8.21)

सृजते च पुनः सर्वं नेह विद्यति शाश्वतम् । नरो नारायणश्चैव सर्वज्ञः सर्वभूतहृत् ॥

sṛjate ca punaḥ sarvaṃ neha vidyati śāśvatam | naro nārāyaṇaścaiva sarvajñaḥ sarvabhūtahṛt

और फिर सबकी सृष्टि करता है; यहाँ कुछ भी शाश्वत नहीं है। नर और नारायण, जो सर्वज्ञ हैं और सब प्राणियों को अपने में समेट लेते हैं,

श्लोक 22 (6.8.22)

देवा वैकुण्ठ इत्याहुर्वेदा विष्णुरिति प्रभुम् ॥

devā vaikuṇṭha ityāhurvedā viṣṇuriti prabhum

उन प्रभु को देवता वैकुण्ठ कहते हैं और वेद विष्णु कहते हैं।"