नारद ययाति की कथा कहते हैं

श्लोक 1 (7.63.1)

ययातिं नाहुषं चैव मृतं सृञ्जय शुश्रुम । य इमां पृथिवीं जित्वा ससमुद्रां सपर्वताम् ॥

yayātiṃ nāhuṣaṃ caiva mṛtaṃ sṛñjaya śuśruma | ya imāṃ pṛthivīṃ jitvā sasamudrāṃ saparvatām

हे सृञ्जय, हमने सुना है कि नहुष के पुत्र ययाति भी मृत्यु को प्राप्त हुए — जिन्होंने समुद्रों और पर्वतों सहित इस पृथ्वी को जीता,

श्लोक 2 (7.63.2)

शम्याप्रासेन निर्माय वेदीः सन्नतदक्षिणाः । ईजानः क्रतुभिः पुण्यैः पर्यगच्छत्प्रदक्षिणम् ॥

śamyāprāsena nirmāya vedīḥ sannatadakṣiṇāḥ | ījānaḥ kratubhiḥ puṇyaiḥ paryagacchatpradakṣiṇam

और शम्या-प्रास (शमी की लकड़ी के फेंकने) से वेदियाँ नापकर, भारी दक्षिणा के साथ, पवित्र यज्ञों से यजन करते हुए उसकी प्रदक्षिणा की।

श्लोक 3 (7.63.3)

राजसूयशतैरिष्ट्वा सोऽश्वमेधशतेन च । पुण्डरीकसहस्रेण वाजपेयशतैस्तथा ॥

rājasūyaśatairiṣṭvā so'śvamedhaśatena ca | puṇḍarīkasahasreṇa vājapeyaśataistathā

सौ राजसूय, सौ अश्वमेध, हज़ार पुण्डरीक और सौ वाजपेय यज्ञ करके,

श्लोक 4 (7.63.4)

अतिरात्रसहस्रेण चातुर्मास्यैश्च कामतः । अग्निष्टोमैश्च विविधैः सत्रैश्च प्राज्यदक्षिणैः ॥

atirātrasahasreṇa cāturmāsyaiśca kāmataḥ | agniṣṭomaiśca vividhaiḥ satraiśca prājyadakṣiṇaiḥ

हज़ार अतिरात्र, इच्छानुसार चातुर्मास्य, अनेक प्रकार के अग्निष्टोम और प्रचुर दक्षिणा वाले सत्रों से,

श्लोक 5 (7.63.5)

अब्राह्मणानां यद्वित्तं पृथिव्यामस्ति किञ्चन । तत्सर्वं परिसङ्ख्याय ततो ब्राह्मणसात्करोत् ॥

abrāhmaṇānāṃ yadvittaṃ pṛthivyāmasti kiñcana | tatsarvaṃ parisaṅkhyāya tato brāhmaṇasātkarot

पृथ्वी पर अब्राह्मणों का जो कुछ धन था, उस सबकी गणना करके उन्होंने उसे ब्राह्मणों को सौंप दिया।

श्लोक 6 (7.63.6)

सरस्वती पुण्यतमा नदीनां । तथा समुद्राः सरितः साद्रयश्च । ईजानाय पुण्यतमाय राज्ञे । घृतं पयो दुदुहुर्नाहुषाय ॥

sarasvatī puṇyatamā nadīnāṃ | tathā samudrāḥ saritaḥ sādrayaśca | ījānāya puṇyatamāya rājñe | ghṛtaṃ payo duduhurnāhuṣāya

नदियों में परम पवित्र सरस्वती ने, तथा समुद्रों, नदियों और पर्वतों ने भी, यज्ञ करने वाले उन परम पुण्यवान् राजा, नहुषपुत्र के लिए घी और दूध दुहा।

श्लोक 7 (7.63.7)

व्यूढे देवासुरे युद्धे कृत्वा देवसहायताम् । चतुर्धा व्यभजत्सर्वां चतुर्भ्यः पृथिवीमिमाम् ॥

vyūḍhe devāsure yuddhe kṛtvā devasahāyatām | caturdhā vyabhajatsarvāṃ caturbhyaḥ pṛthivīmimām

देवासुर-संग्राम की व्यूह-रचना होने पर उन्होंने देवताओं की सहायता की; और इस सारी पृथ्वी को चार भागों में बाँटकर चार ऋत्विजों को दे दिया।

श्लोक 8 (7.63.8)

यज्ञैर्नानाविधैरिष्ट्वा प्रजामुत्पाद्य चोत्तमाम् । देवयान्यां चौशनस्यां शर्मिष्ठायां च धर्मतः ॥

yajñairnānāvidhairiṣṭvā prajāmutpādya cottamām | devayānyāṃ cauśanasyāṃ śarmiṣṭhāyāṃ ca dharmataḥ

अनेक प्रकार के यज्ञ करके और उशना की पुत्री देवयानी तथा शर्मिष्ठा से धर्मपूर्वक उत्तम सन्तान उत्पन्न करके,

श्लोक 9 (7.63.9)

देवारण्येषु सर्वेषु विजहारामरोपमः । आत्मनः कामचारेण द्वितीय इव वासवः ॥

devāraṇyeṣu sarveṣu vijahārāmaropamaḥ | ātmanaḥ kāmacāreṇa dvitīya iva vāsavaḥ

वे देवताओं के सब वनों में अमर के समान अपनी इच्छा से विचरते रहे, मानो दूसरे इन्द्र हों।

श्लोक 10 (7.63.10)

यदा नाभ्यगमच्छान्तिं कामानां सर्ववेदवित् । ततो गाथामिमां गीत्वा सदारः प्राविशद्वनम् ॥

yadā nābhyagamacchāntiṃ kāmānāṃ sarvavedavit | tato gāthāmimāṃ gītvā sadāraḥ prāviśadvanam

जब सब वेदों के उन ज्ञाता को कामनाओं से शान्ति न मिली, तब यह गाथा गाकर वे पत्नी सहित वन में चले गए।

श्लोक 11 (7.63.11)

यत्पृथिव्यां व्रीहियवं हिरण्यं पशवः स्त्रियः । नालमेकस्य तत्सर्वमिति मत्वा शमं व्रजेत् ॥

yatpṛthivyāṃ vrīhiyavaṃ hiraṇyaṃ paśavaḥ striyaḥ | nālamekasya tatsarvamiti matvā śamaṃ vrajet

"पृथ्वी पर जो चावल, जौ, सोना, पशु और स्त्रियाँ हैं, वे सब एक मनुष्य के लिए भी पर्याप्त नहीं हैं; यह जानकर शान्ति को अपनाना चाहिए।"

श्लोक 12 (7.63.12)

एवं कामान्परित्यज्य ययातिर्धृतिमेत्य च । पूरुं राज्ये प्रतिष्ठाप्य प्रयातो वनमीश्वरः ॥

evaṃ kāmānparityajya yayātirdhṛtimetya ca | pūruṃ rājye pratiṣṭhāpya prayāto vanamīśvaraḥ

इस प्रकार कामनाओं को त्यागकर और धैर्य धारण करके ययाति ने पुरु को राज्य पर बैठाया और वे स्वामी वन को चले गए।

श्लोक 13 (7.63.13)

स चेन्ममार सृञ्जय चतुर्भद्रतरस्त्वया । पुत्रात्पुण्यतरस्तुभ्यं मा पुत्रमनुतप्यथाः । अयज्वानमदक्षिण्यमभि श्वैत्येत्युदाहरत् ॥

sa cenmamāra sṛñjaya caturbhadratarastvayā | putrātpuṇyatarastubhyaṃ mā putramanutapyathāḥ | ayajvānamadakṣiṇyamabhi śvaityetyudāharat

यदि वह भी मर गया, हे सृञ्जय — जो तुमसे चार प्रकार से अधिक भाग्यशाली था और तुम्हारे पुत्र से अधिक पुण्यवान् था — तो तुम अपने उस पुत्र के लिए शोक मत करो, जिसने न यज्ञ किया, न दक्षिणा दी। इस प्रकार नारद ने श्वैत्य से कहा।