नारद अम्बरीष की कथा कहते हैं

श्लोक 1 (7.64.1)

नाभागमम्बरीषं च मृतं सृञ्जय शुश्रुम । यः सहस्रं सहस्राणां राज्ञां चैकस्त्वयोधयत् ॥

nābhāgamambarīṣaṃ ca mṛtaṃ sṛñjaya śuśruma | yaḥ sahasraṃ sahasrāṇāṃ rājñāṃ caikastvayodhayat

हे सृञ्जय, हमने सुना है कि नाभाग के पुत्र अम्बरीष भी मृत्यु को प्राप्त हुए — जिन्होंने अकेले एक हज़ार गुणा एक हज़ार (दस लाख) राजाओं से युद्ध किया था।

श्लोक 2 (7.64.2)

जिगीषमाणाः सङ्ग्रामे समन्ताद्वैरिणोऽभ्ययुः । अस्त्रयुद्धविदो घोराः सृजन्तश्चाशिवा गिरः ॥

jigīṣamāṇāḥ saṅgrāme samantādvairiṇo'bhyayuḥ | astrayuddhavido ghorāḥ sṛjantaścāśivā giraḥ

जीतने की इच्छा वाले शत्रु युद्ध में चारों ओर से उन पर चढ़ आए — भयंकर, अस्त्र-युद्ध के जानने वाले और अमंगल वचन बोलने वाले।

श्लोक 3 (7.64.3)

बललाघवशिक्षाभिस्तेषां सोऽस्त्रबलेन च । छत्रायुधध्वजरथांश्छित्त्वा प्रासान्गतव्यथः ॥

balalāghavaśikṣābhisteṣāṃ so'strabalena ca | chatrāyudhadhvajarathāṃśchittvā prāsāngatavyathaḥ

बल और फुर्ती की शिक्षा से और अपने अस्त्रों के बल से उन्होंने उनके छत्र, शस्त्र, ध्वज, रथ और भाले काट डाले, और स्वयं व्यथा से रहित रहे।

श्लोक 4 (7.64.4)

त एनं मुक्तसन्नाहाः प्रार्थयञ्जीवितैषिणः । शरण्यमीयुः शरणं तवास्म इति वादिनः ॥

ta enaṃ muktasannāhāḥ prārthayañjīvitaiṣiṇaḥ | śaraṇyamīyuḥ śaraṇaṃ tavāsma iti vādinaḥ

कवच उतारकर और जीवन की इच्छा से वे उनकी शरण में गए और "हम आपके हैं" कहते हुए उनसे याचना करने लगे।

श्लोक 5 (7.64.5)

स तु तान्वशगान्कृत्वा जित्वा चेमां वसुन्धराम् । ईजे यज्ञशतैरिष्टैर्यथा शक्रस्तथाऽनघः ॥

sa tu tānvaśagānkṛtvā jitvā cemāṃ vasundharām | īje yajñaśatairiṣṭairyathā śakrastathā'naghaḥ

उन्हें अपने वश में करके और इस सारी पृथ्वी को जीतकर उन निष्पाप ने इन्द्र की भाँति सौ यज्ञों से यजन किया।

श्लोक 6 (7.64.6)

बुभुजुः सर्वसम्पन्नमन्नमन्ये जनाः सदा । तस्मिन्यज्ञे तु विप्रेन्द्राः सन्तृप्ताः परमार्चिताः ॥

bubhujuḥ sarvasampannamannamanye janāḥ sadā | tasminyajñe tu viprendrāḥ santṛptāḥ paramārcitāḥ

दूसरे लोग भी सदा सब प्रकार से उत्तम अन्न का भोजन करते थे; और उस यज्ञ में श्रेष्ठ ब्राह्मण पूर्ण तृप्त और अत्यन्त सम्मानित हुए।

श्लोक 7 (7.64.7)

मोदकान्पूरिकापूपान्स्वादुपूर्णाश्च शष्कुलीः । करम्भान्पृथुमृद्वीका अन्नानि सुकृतानि च ॥

modakānpūrikāpūpānsvādupūrṇāśca śaṣkulīḥ | karambhānpṛthumṛdvīkā annāni sukṛtāni ca

मोदक, पूरिकाएँ और पूए, स्वाद से भरी शष्कुलियाँ, करम्भ, बड़े कोमल किशमिश और अन्य भली-भाँति बने हुए पकवान;

श्लोक 8 (7.64.8)

सूपान्मैरेयकापूपान्रागषाडवपानकान् । मृष्टान्नानि सुयुक्तानि मृदूनि सुरभीणि च ॥

sūpānmaireyakāpūpānrāgaṣāḍavapānakān | mṛṣṭānnāni suyuktāni mṛdūni surabhīṇi ca

सूप, मैरेय के पूए और रागषाडव पेय, तथा भली-भाँति बने हुए कोमल और सुगन्धित मिष्टान्न;

श्लोक 9 (7.64.9)

घृतं मधु पयस्तोयं दधीनि रसवन्ति च । फलं मूलं सुस्वादु द्विजास्तत्रोपभुञ्जते ॥

ghṛtaṃ madhu payastoyaṃ dadhīni rasavanti ca | phalaṃ mūlaṃ susvādu dvijāstatropabhuñjate

घी, मधु, दूध, जल, रसीले दही तथा स्वादिष्ट फल-मूल — ब्राह्मण वहाँ इनका भोग करते थे।

श्लोक 10 (7.64.10)

मदनीयानि पापानि विदित्वा चात्मनः सुखम् । अपिबन्त यथाकामं पानपा गीतवादितैः ॥

madanīyāni pāpāni viditvā cātmanaḥ sukham | apibanta yathākāmaṃ pānapā gītavāditaiḥ

नशा करने वाले पेयों को पापयुक्त जानते हुए भी, अपने सुख का विचार करके, पीने वाले गीत-वाद्य के साथ अपनी इच्छा के अनुसार पीते थे।

श्लोक 11 (7.64.11)

तत्र स्म गाथा गायन्ति क्षीबा हृष्टाः पठन्ति च । नाभागस्तुतिसंयुक्ता ननृतुश्च सहस्रशः ॥

tatra sma gāthā gāyanti kṣībā hṛṣṭāḥ paṭhanti ca | nābhāgastutisaṃyuktā nanṛtuśca sahasraśaḥ

वहाँ मतवाले और प्रसन्न लोग नाभाग के पुत्र की स्तुति से भरी गाथाएँ गाते और पढ़ते थे, और हज़ारों नाचते थे।

श्लोक 12 (7.64.12)

तेषु यज्ञेष्वम्बरीषो दक्षिणामत्यकालयत् । राज्ञां शतसहस्राणि दशप्रयुतयाजिनाम् ॥

teṣu yajñeṣvambarīṣo dakṣiṇāmatyakālayat | rājñāṃ śatasahasrāṇi daśaprayutayājinām

उन यज्ञों में अम्बरीष ने दक्षिणा में सैकड़ों-हज़ारों राजा दिए, जो दस-दस प्रयुत (दस लाख) यज्ञ करने वाले थे,

श्लोक 13 (7.64.13)

हिरण्यकवचान्सर्वाञ्श्वेतच्छत्रप्रकीर्णकान् । हिरण्यस्यन्दनारूढान्सानुयात्रपरिच्छादान् ॥

hiraṇyakavacānsarvāñśvetacchatraprakīrṇakān | hiraṇyasyandanārūḍhānsānuyātraparicchādān

सब सोने के कवच पहने हुए, श्वेत छत्रों और चँवरों से सुशोभित, सोने के रथों पर सवार, अपने अनुचरों और साज-सामान सहित।

श्लोक 14 (7.64.14)

ईजानो वितते यज्ञे दक्षिणामत्यकालयत् । मूर्धाभिषिक्तांश्च नृपान्राजपुत्रशतानि च ॥

ījāno vitate yajñe dakṣiṇāmatyakālayat | mūrdhābhiṣiktāṃśca nṛpānrājaputraśatāni ca

उस विशाल यज्ञ में उन्होंने मूर्धाभिषिक्त राजाओं और सैकड़ों राजकुमारों को दक्षिणा में दे दिया।

श्लोक 15 (7.64.15)

स दण्डकोशनिचयान्ब्राह्मणेभ्यो ह्यमन्यत । नैवं पूर्वे जनाश्चक्रुर्न करिष्यन्ति चापरे ॥

sa daṇḍakośanicayānbrāhmaṇebhyo hyamanyata | naivaṃ pūrve janāścakrurna kariṣyanti cāpare

उन्होंने अपनी सेना और कोश के ढेर ब्राह्मणों को सौंप दिए। उनसे पहले के लोगों ने ऐसा नहीं किया और बाद के लोग भी नहीं करेंगे।

श्लोक 16 (7.64.16)

यदम्बरीषो नृपतिः करोत्यमितदक्षिणः । इत्येवमनुमोदन्ते प्रीता यस्य महर्षयः ॥

yadambarīṣo nṛpatiḥ karotyamitadakṣiṇaḥ | ityevamanumodante prītā yasya maharṣayaḥ

"असीम दक्षिणा देने वाले राजा अम्बरीष जो करते हैं" — इस प्रकार प्रसन्न महर्षि उनकी प्रशंसा करते हैं।

श्लोक 17 (7.64.17)

स चेन्ममार सृञ्जय चतुर्भद्रतरस्त्वया । पुत्रात्पुण्यतरस्तुभ्यं मा पुत्रमनुतप्यथाः । अयज्वानमदक्षिण्यमभि श्वैत्येत्युदाहरत् ॥

sa cenmamāra sṛñjaya caturbhadratarastvayā | putrātpuṇyatarastubhyaṃ mā putramanutapyathāḥ | ayajvānamadakṣiṇyamabhi śvaityetyudāharat

यदि वह भी मर गया, हे सृञ्जय — जो तुमसे चार प्रकार से अधिक भाग्यशाली था और तुम्हारे पुत्र से अधिक पुण्यवान् था — तो तुम अपने उस पुत्र के लिए शोक मत करो, जिसने न यज्ञ किया, न दक्षिणा दी। इस प्रकार नारद ने श्वैत्य से कहा।