अर्जुन को दिखाने वाले के लिए कर्ण की पुरस्कार-घोषणा

श्लोक 1 (8.32.1)

प्रयत्नेन तदा कर्णो हर्षयन्वाहिनीं तव । एकैकं समरे दृष्ट्वा पाण्डवं पर्यपृच्छत ॥

prayatnena tadā karṇo harṣayanvāhinīṃ tava | ekaikaṃ samare dṛṣṭvā pāṇḍavaṃ paryapṛcchata

तब कर्ण ने बड़े प्रयत्न से आपकी सेना को हर्षित करते हुए रण में एक-एक पाण्डव योद्धा को देखकर उससे पूछा:

श्लोक 2 (8.32.2)

यो ममाद्य महात्मानं दर्शयेच्छ्वेतवाहनम् । तस्मै दद्यामभिप्रेतं धनं यन्मनसेच्छति ॥

yo mamādya mahātmānaṃ darśayecchvetavāhanam | tasmai dadyāmabhipretaṃ dhanaṃ yanmanasecchati

"जो आज मुझे उस महात्मा श्वेतवाहन (अर्जुन) को दिखा देगा, उसे मैं वह धन दूँगा जो उसका मन चाहे।

श्लोक 3 (8.32.3)

न चेत्तदभिमन्येत तस्मै दद्यामहं पुनः । शकटं रत्नसम्पूर्णं यो मे ब्रूयाद्धनञ्जयम् ॥

na cettadabhimanyeta tasmai dadyāmahaṃ punaḥ | śakaṭaṃ ratnasampūrṇaṃ yo me brūyāddhanañjayam

"यदि वह इतने से सन्तुष्ट न हो, तो मैं उसे और भी दूँगा: रत्नों से भरा एक छकड़ा, उसे जो मुझे धनञ्जय का पता बताएगा।

श्लोक 4 (8.32.4)

न चेत्तदभिमन्येत पुरुषोऽर्जुनदर्शिवान् । शतं दद्यां गवां तस्मै नैत्यकं कांस्यदोहनम् ॥

na cettadabhimanyeta puruṣo'rjunadarśivān | śataṃ dadyāṃ gavāṃ tasmai naityakaṃ kāṃsyadohanam

"यदि अर्जुन को देख लेने वाला वह पुरुष सन्तुष्ट न हो, तो मैं उसे काँसे के दोहनपात्रों सहित प्रतिदिन दूध देने वाली सौ गायें दूँगा।

श्लोक 5 (8.32.5)

शतं ग्रामवरांश्चैव दद्यामर्जुनदर्शिने । तथा तस्मै पुनर्दद्यां श्वेतमश्वतरीरथम् । युक्तमञ्जनकेशीभिर्यो मे ब्रूयाद्धनञ्जयम् ॥

śataṃ grāmavarāṃścaiva dadyāmarjunadarśine | tathā tasmai punardadyāṃ śvetamaśvatarīratham | yuktamañjanakeśībhiryo me brūyāddhanañjayam

"जो मुझे अर्जुन दिखाएगा, उसे मैं सौ श्रेष्ठ गाँव दूँगा, और साथ ही काले केशों वाली खच्चरियों से जुता एक श्वेत खच्चरी-रथ भी, उसे जो मुझे धनञ्जय का पता बताएगा।

श्लोक 6 (8.32.6)

न चेत्तदभिमन्येत पुरुषोऽर्जुनदर्शिवान् । अन्यं वाऽस्मै पुनर्दद्यां सौवर्णं हस्तिषङ्गवम् ॥

na cettadabhimanyeta puruṣo'rjunadarśivān | anyaṃ vā'smai punardadyāṃ sauvarṇaṃ hastiṣaṅgavam

"यदि अर्जुन को देखने वाला पुरुष सन्तुष्ट न हो, तो मैं उसे एक और उपहार दूँगा: छह हाथियों से खिंचने वाला सोने का रथ।

श्लोक 7 (8.32.7)

तथाप्यस्मै पुनर्दद्यां स्त्रीणां शतमलङ्कृतम् । श्यामानां निष्ककण्ठीनां गीतवाद्यविपश्चिताम् ॥

tathāpyasmai punardadyāṃ strīṇāṃ śatamalaṅkṛtam | śyāmānāṃ niṣkakaṇṭhīnāṃ gītavādyavipaścitām

"और मैं उसे गले में स्वर्णहार पहने, गाने-बजाने में निपुण, सजी-धजी सौ युवतियाँ दूँगा।

श्लोक 8 (8.32.8)

न चेत्तदभिमन्येत पुरुषोऽर्जुनदर्शिवान् । तस्मै दद्यां शतं नागाञ्शतं ग्रामाञ्शतं रथान् ॥

na cettadabhimanyeta puruṣo'rjunadarśivān | tasmai dadyāṃ śataṃ nāgāñśataṃ grāmāñśataṃ rathān

"यदि अर्जुन को देखने वाला पुरुष सन्तुष्ट न हो, तो मैं उसे सौ हाथी, सौ गाँव और सौ रथ दूँगा,

श्लोक 9 (8.32.9)

सुवर्णस्य च मुख्यस्य हयाग्र्याणां शतं शतान् । ऋद्ध्या गुणैः सुदान्तांश्च धुर्यवाहान्सुशिक्षितान् ॥

suvarṇasya ca mukhyasya hayāgryāṇāṃ śataṃ śatān | ṛddhyā guṇaiḥ sudāntāṃśca dhuryavāhānsuśikṣitān

"श्रेष्ठ सोने के साथ दस हज़ार (सौ गुणा सौ) उत्तम घोड़े, जो समृद्धि और गुणों से युक्त, भलीभाँति सधे हुए और रथ खींचने में कुशल हैं,

श्लोक 10 (8.32.10)

तथा सुवर्णशृङ्गीणां गोधेनूनां चतुःशतम् । दद्यां तस्मै सवत्सानां यो मे ब्रूयाद्धनञ्जयम् ॥

tathā suvarṇaśṛṅgīṇāṃ godhenūnāṃ catuḥśatam | dadyāṃ tasmai savatsānāṃ yo me brūyāddhanañjayam

"और सोने से मढ़े सींगों वाली, बछड़ों सहित चार सौ दुधारू गायें दूँगा, उसे जो मुझे धनञ्जय का पता बताएगा।

श्लोक 11 (8.32.11)

न चेत्तदभिमन्येत पुरुषोऽर्जुनदर्शिवान् । अन्यदस्मै वरं दद्यां श्वेतान्पञ्चशतान्हयान् ॥

na cettadabhimanyeta puruṣo'rjunadarśivān | anyadasmai varaṃ dadyāṃ śvetānpañcaśatānhayān

"यदि वह सन्तुष्ट न हो, तो मैं उसे एक और उपहार दूँगा: पाँच सौ श्वेत घोड़े,

श्लोक 12 (8.32.12)

हेमभाण्डपरिच्छन्नान्सुमृष्टमणिभूषणान् । सुदान्तानपि चैवाहं दद्यामष्टादशापरान् ॥

hemabhāṇḍaparicchannānsumṛṣṭamaṇibhūṣaṇān | sudāntānapi caivāhaṃ dadyāmaṣṭādaśāparān

"जो सोने के साज से ढके और चमकाए हुए मणिमय आभूषणों से सजे हों; और अठारह घोड़े और, भलीभाँति सधे हुए।

श्लोक 13 (8.32.13)

रथं च शुभ्रं सौवर्णं दद्यां तस्मै स्वलङ्कृतम् । युक्तं परमकाम्भोजैर्यो मे ब्रूयाद्धनञ्जयम् ॥

rathaṃ ca śubhraṃ sauvarṇaṃ dadyāṃ tasmai svalaṅkṛtam | yuktaṃ paramakāmbhojairyo me brūyāddhanañjayam

"मैं उसे सुन्दर सजा हुआ, उत्तम काम्बोज घोड़ों से जुता, चमकता सोने का रथ दूँगा, उसे जो मुझे धनञ्जय का पता बताएगा।

श्लोक 14 (8.32.14)

न चेत्तदभिमन्येत पुरुषोऽर्जुनदर्शिवान् । अन्यदस्मै वरं दद्यां कुञ्जराणां शतानि षट् ॥

na cettadabhimanyeta puruṣo'rjunadarśivān | anyadasmai varaṃ dadyāṃ kuñjarāṇāṃ śatāni ṣaṭ

"यदि अर्जुन को देखने वाला पुरुष सन्तुष्ट न हो, तो मैं उसे एक और उपहार दूँगा: छह सौ हाथी,

श्लोक 15 (8.32.15)

काञ्चनैर्विविधैर्भाण्डैराच्छन्नान्हेममालिनः । उत्पन्नानपरान्तेषु विनीतान्हस्तिशिक्षकैः ॥

kāñcanairvividhairbhāṇḍairācchannānhemamālinaḥ | utpannānaparānteṣu vinītānhastiśikṣakaiḥ

"जो सोने के अनेक साजों से ढके हों, सोने की मालाएँ पहने हों, पश्चिमी देशों में उत्पन्न हुए हों और हाथी-शिक्षकों द्वारा सधाए गए हों।

श्लोक 16 (8.32.16)

न चेत्तदभिमन्येत पुरुषोऽर्जुनदर्शिवान् । अन्यदस्मै वरं दद्यां वैश्यग्रामांश्चतुर्दश ॥

na cettadabhimanyeta puruṣo'rjunadarśivān | anyadasmai varaṃ dadyāṃ vaiśyagrāmāṃścaturdaśa

"यदि अर्जुन को देखने वाला पुरुष सन्तुष्ट न हो, तो मैं उसे एक और उपहार दूँगा: वैश्यों के चौदह गाँव,

श्लोक 17 (8.32.17)

सुस्फीतान्धनसंयुक्तान्प्रत्यासन्नवनोदकान् । अकुतोभयान्सुसम्पन्नान्राजभोज्यांश्चतुर्दश ॥

susphītāndhanasaṃyuktānpratyāsannavanodakān | akutobhayānsusampannānrājabhojyāṃścaturdaśa

"जो समृद्ध और धनधान्य से भरे हों, वन और जल के निकट हों, निर्भय और सम्पन्न हों और राजा के उपभोग के योग्य हों: ऐसे चौदह गाँव।

श्लोक 18 (8.32.18)

दासीनां निष्ककण्ठीनां मागधीनां शतं तथा । प्रत्यग्रवयसां दद्यां यो मे ब्रूयाद्धनञ्जयम् ॥

dāsīnāṃ niṣkakaṇṭhīnāṃ māgadhīnāṃ śataṃ tathā | pratyagravayasāṃ dadyāṃ yo me brūyāddhanañjayam

"और गले में स्वर्णहार पहने, नवयौवन वाली मगध देश की सौ दासियाँ, उसे जो मुझे धनञ्जय का पता बताएगा।

श्लोक 19 (8.32.19)

न चेत्तदभिमन्येत पुरुषोऽर्जुनदर्शिवान् । अन्यं तस्मै वरं दद्यां यमसौ कामयेत्स्वयम् ॥

na cettadabhimanyeta puruṣo'rjunadarśivān | anyaṃ tasmai varaṃ dadyāṃ yamasau kāmayetsvayam

"यदि अर्जुन को देखने वाला पुरुष सन्तुष्ट न हो, तो मैं उसे वह अन्य उपहार दूँगा जिसे वह स्वयं चाहे।

श्लोक 20 (8.32.20)

पुत्रदारान्विहायैव यदन्यद्वित्तमस्ति मे । तच्च तस्मै पुनर्दद्यां यद्यच्च मनसेच्छति ॥

putradārānvihāyaiva yadanyadvittamasti me | tacca tasmai punardadyāṃ yadyacca manasecchati

"पुत्रों और पत्नियों को छोड़कर मेरे पास और जो कुछ धन है, वह भी मैं उसे दूँगा, जो-जो उसका मन चाहे।

श्लोक 21 (8.32.21)

हत्वा च सहितौ कृष्णौ तयोर्वित्तानि सर्वशः । तस्मै दद्यामहं यो मे प्रब्रूयात्केशवार्जुनौ ॥

hatvā ca sahitau kṛṣṇau tayorvittāni sarvaśaḥ | tasmai dadyāmahaṃ yo me prabrūyātkeśavārjunau

"और दोनों कृष्णों को एक साथ मारकर उन दोनों का सारा धन मैं उसे दे दूँगा जो मुझे केशव और अर्जुन को बताएगा।"

श्लोक 22 (8.32.22)

एता वाचः सुबहुशः कर्ण उच्चारयन्युधि । दध्मौ सागरसम्भूतं सुस्वरं शङ्खमुत्तमम् ॥

etā vācaḥ subahuśaḥ karṇa uccārayanyudhi | dadhmau sāgarasambhūtaṃ susvaraṃ śaṅkhamuttamam

युद्ध में ऐसी अनेक बातें कहते हुए कर्ण ने समुद्र से उत्पन्न अपना उत्तम, मधुर स्वर वाला शंख बजाया।

श्लोक 23 (8.32.23)

ता वाचः सूतपुत्रस्य तथा युक्ता निशम्य तु । दुर्योधनो महाराज संहृष्टः सानुजोऽभवत् ॥

tā vācaḥ sūtaputrasya tathā yuktā niśamya tu | duryodhano mahārāja saṃhṛṣṭaḥ sānujo'bhavat

सूतपुत्र के इस प्रकार कहे हुए वे वचन सुनकर, हे महाराज, दुर्योधन अपने भाइयों सहित अत्यन्त हर्षित हुआ।

श्लोक 24 (8.32.24)

ततो दुन्दुभिनिर्घोषो मृदङ्गानां च सर्वशः । सिंहनादः सवादित्रः कुञ्जराणां च निःस्वनः ॥

tato dundubhinirghoṣo mṛdaṅgānāṃ ca sarvaśaḥ | siṃhanādaḥ savāditraḥ kuñjarāṇāṃ ca niḥsvanaḥ

तब चारों ओर दुन्दुभियों और मृदंगों की ध्वनि, वाद्यों सहित सिंहनाद और हाथियों की चिंघाड़,

श्लोक 25 (8.32.25)

प्रादुरासीत्तदा राजंस्त्वत्सैन्ये पुरुषर्षभ । योधानां सम्प्रहृष्टानां तथा समभवत्स्वनः ॥

prādurāsīttadā rājaṃstvatsainye puruṣarṣabha | yodhānāṃ samprahṛṣṭānāṃ tathā samabhavatsvanaḥ

हे राजन्, हे पुरुषश्रेष्ठ, तब आपकी सेना में प्रकट हुई; और इसी प्रकार हर्ष से भरे योद्धाओं का कोलाहल भी गूँज उठा।

श्लोक 26 (8.32.26)

तथा प्रहृष्टे सैन्ये तं प्लुवमानं महारथम् । विकत्थमानं च तदा राधेयमरिकर्शनम् । मद्रराजः प्रहस्येदं वचनं प्रत्यभाषत ॥

tathā prahṛṣṭe sainye taṃ pluvamānaṃ mahāratham | vikatthamānaṃ ca tadā rādheyamarikarśanam | madrarājaḥ prahasyedaṃ vacanaṃ pratyabhāṣata

सेना के इस प्रकार हर्षित होने पर, उस कूदते-उछलते, डींग हाँकते, शत्रुओं को सताने वाले महारथी राधापुत्र से मद्रराज ने हँसकर यह उत्तर दिया: