कर्ण का सर्पबाण और धँसता हुआ पहिया

श्लोक 1 (8.97.1)

ततोऽपयाताः शरपातमात्रमवस्थिता वै कुरवो नरेन्द्र । विद्युत्प्रकाशं ददृशुः समन्ताद्धनञ्जयास्त्रं समुदीर्यमाणम् ॥

tato'payātāḥ śarapātamātramavasthitā vai kuravo narendra | vidyutprakāśaṃ dadṛśuḥ samantāddhanañjayāstraṃ samudīryamāṇam

तब, हे नरेन्द्र, पीछे हटकर बाण की पहुँच से कुछ ही दूर खड़े कौरवों ने चारों ओर धनञ्जय के उस अस्त्र को बिजली की तरह चमकते हुए छूटते देखा।

श्लोक 2 (8.97.2)

ततोऽग्रसत्सूतपुत्रोऽर्जुनस्य वियद्गतं घोरतरं शरैस्तत् । क्रुद्धेन पार्थेन शरं विसृष्टं वधाय कर्णस्य महाविमर्दे ॥

tato'grasatsūtaputro'rjunasya viyadgataṃ ghorataraṃ śaraistat | kruddhena pārthena śaraṃ visṛṣṭaṃ vadhāya karṇasya mahāvimarde

तब सूतपुत्र ने अर्जुन के उस भयंकर अस्त्र को, जो आकाश में उड़ रहा था और जिसे क्रुद्ध पार्थ ने उस महासंग्राम में कर्ण के वध के लिए छोड़ा था, अपने बाणों से निगल लिया।

श्लोक 3 (8.97.3)

उदीर्यमाणं स्म कुरून्दहन्तं सुवर्णपुङ्खैर्विशिखैर्ममर्द । कर्णस्त्वमोघेष्वसनं दृढज्यं विस्फारयित्वा विसृजञ्छरौघान् ॥

udīryamāṇaṃ sma kurūndahantaṃ suvarṇapuṅkhairviśikhairmamarda | karṇastvamogheṣvasanaṃ dṛḍhajyaṃ visphārayitvā visṛjañcharaughān

कर्ण ने अपने अमोघ और दृढ़ प्रत्यंचा वाले धनुष को खींचकर बाणों की झड़ी छोड़ते हुए, सोने के पंखों वाले तीरों से उस अस्त्र को कुचल डाला, जो ऊपर उठकर कौरवों को जला रहा था।

श्लोक 4 (8.97.4)

रामादुपात्तेन महामहिम्ना ह्याथर्वणेनारिविनाशनेन । तदर्जुनास्त्रं व्यघमद्दहन्तं पार्थं च वाणैर्निशितैरविध्यत् ॥

rāmādupāttena mahāmahimnā hyātharvaṇenārivināśanena | tadarjunāstraṃ vyaghamaddahantaṃ pārthaṃ ca vāṇairniśitairavidhyat

राम (परशुराम) से प्राप्त, शत्रुओं का नाश करने वाले, अत्यन्त महिमामय अथर्व-अस्त्र से उसने अर्जुन के उस जलते हुए अस्त्र को नष्ट कर दिया और पार्थ को भी तीखे बाणों से बींध दिया।

श्लोक 5 (8.97.5)

ततो विमर्दः सुमहान्बभूव तत्रार्जुनस्याधिरथेश्च राजन् । अन्योन्यमासादयतोः पृषत्कैर्विषाणघातैर्द्विपयोरिवाजौ ॥

tato vimardaḥ sumahānbabhūva tatrārjunasyādhiratheśca rājan | anyonyamāsādayatoḥ pṛṣatkairviṣāṇaghātairdvipayorivājau

तब, हे राजन्, अर्जुन और अधिरथ के पुत्र के बीच बड़ा भारी संघर्ष छिड़ गया; वे एक-दूसरे पर बाणों से वैसे ही प्रहार करने लगे जैसे युद्ध में दो हाथी दाँतों की मार से एक-दूसरे पर प्रहार करते हैं।

श्लोक 6 (8.97.6)

ततोऽस्त्रसंघातसमावृतं तदा बभूव राजंस्तुमुलं रणाजिरम् । तत्कर्णपार्थौ शरवृष्टिसङ्घैर्निरन्तरं चक्रतुरम्बरं तदा ॥

tato'strasaṃghātasamāvṛtaṃ tadā babhūva rājaṃstumulaṃ raṇājiram | tatkarṇapārthau śaravṛṣṭisaṅghairnirantaraṃ cakraturambaraṃ tadā

तब, हे राजन्, वह भीषण रणभूमि अस्त्रों के समूहों से ढक गई, क्योंकि कर्ण और पार्थ ने बाणों की वर्षा की धाराओं से आकाश को बिना किसी अन्तर के भर दिया था।

श्लोक 7 (8.97.7)

ततो जालं वाणमयं महान्तं सर्वेऽद्राक्षुः कुरवः सोमकाश्च । नान्यं च भूतं ददृशुस्तदा ते बाणान्धकारे तुमुलेऽथ किंचित् ॥

tato jālaṃ vāṇamayaṃ mahāntaṃ sarve'drākṣuḥ kuravaḥ somakāśca | nānyaṃ ca bhūtaṃ dadṛśustadā te bāṇāndhakāre tumule'tha kiṃcit

तब सभी कौरवों और सोमकों ने बाणों का बना हुआ एक विशाल जाल देखा, और बाणों के उस घोर अन्धकार में उन्हें कोई दूसरा प्राणी बिलकुल दिखाई नहीं दिया।

श्लोक 8 (8.97.8)

तौ सन्दधानावनिशं च राजन् समस्यन्तौ चापि शराननेकान् । सन्दर्शयेतां युधि मार्गान्विचित्रान्धनुर्धरौ तौ विविधैः कृतास्त्रैः ॥

tau sandadhānāvaniśaṃ ca rājan samasyantau cāpi śarānanekān | sandarśayetāṃ yudhi mārgānvicitrāndhanurdharau tau vividhaiḥ kṛtāstraiḥ

वे दोनों धनुर्धर, हे राजन्, निरन्तर अनेक बाण चढ़ाते और छोड़ते हुए, अपनी भाँति-भाँति की सधी हुई अस्त्र-विद्याओं से युद्ध में विचित्र रणकौशल दिखाने लगे।

श्लोक 9 (8.97.9)

तयोरेवं युध्यतोराजिमध्ये सूतात्मजोऽभूदधिकः कदाचित् । पार्थः कदाचित्त्वधिकः किरीटी वीर्यास्त्रमायाबलपौरुषेण ॥

tayorevaṃ yudhyatorājimadhye sūtātmajo'bhūdadhikaḥ kadācit | pārthaḥ kadācittvadhikaḥ kirīṭī vīryāstramāyābalapauruṣeṇa

रणभूमि के बीच इस प्रकार युद्ध करते हुए उन दोनों में कभी सूतपुत्र पराक्रम, अस्त्र, माया, बल और पौरुष में बढ़ जाता था और कभी किरीटधारी पार्थ बढ़ जाता था।

श्लोक 10 (8.97.10)

दृष्ट्वा तयोस्तं युधि संप्रहारं परस्परस्यान्तरमीक्षमाणयोः । घोरं तयोर्दुर्विषहं रणेऽन्यैर्योधाः सर्वे विस्मयमभ्यगच्छन् ॥

dṛṣṭvā tayostaṃ yudhi saṃprahāraṃ parasparasyāntaramīkṣamāṇayoḥ | ghoraṃ tayordurviṣahaṃ raṇe'nyairyodhāḥ sarve vismayamabhyagacchan

एक-दूसरे की चूक की ताक में लगे उन दोनों का वह भयंकर और असह्य संग्राम देखकर दूसरे सभी योद्धा आश्चर्य से भर गए।

श्लोक 11 (8.97.11)

ततो भूतान्यन्तरिक्षस्थितानि तौ कर्णपार्थौ प्रशशंसुर्नरेन्द्र । भोः कर्ण साध्वर्जुन साधु चेति वियत्सु वाणी श्रूयते सर्वतोऽपि ॥

tato bhūtānyantarikṣasthitāni tau karṇapārthau praśaśaṃsurnarendra | bhoḥ karṇa sādhvarjuna sādhu ceti viyatsu vāṇī śrūyate sarvato'pi

तब, हे नरेन्द्र, आकाश में स्थित प्राणी कर्ण और पार्थ दोनों की प्रशंसा करने लगे, और चारों ओर आकाश में यह वाणी सुनाई देती थी: "वाह कर्ण! वाह अर्जुन! धन्य हो!"

श्लोक 12 (8.97.12)

तस्मिन्विमर्दे रथवाजिनागैस्तदाऽभिघातैर्दलिते हि भूतले । ततस्तु पातालतले शयानो नागोऽश्वसेनः कृतवैरोऽर्जुनेन ॥

tasminvimarde rathavājināgaistadā'bhighātairdalite hi bhūtale | tatastu pātālatale śayāno nāgo'śvasenaḥ kṛtavairo'rjunena

उस संग्राम में रथों, घोड़ों और हाथियों की चोटों से जब धरती रौंदी जा रही थी, तब पाताल में अर्जुन से वैर रखने वाला नाग अश्वसेन पड़ा हुआ था।

श्लोक 13 (8.97.13)

राजंस्तदा खाण्डवदाहमुक्तो विवेश कोपाद्वसुधातले यः । अथोत्पपातोर्ध्वगतिर्जवेन सन्दृश्य कर्णार्जुनयोर्विमर्दम् ॥

rājaṃstadā khāṇḍavadāhamukto viveśa kopādvasudhātale yaḥ | athotpapātordhvagatirjavena sandṛśya karṇārjunayorvimardam

हे राजन्, यह वही था जो खाण्डव-दाह से बच निकला था और क्रोध से पृथ्वी के भीतर घुस गया था। अब कर्ण और अर्जुन के उस संग्राम को देखकर वह बड़े वेग से ऊपर की ओर उछला।

श्लोक 14 (8.97.14)

अयं हि कालोऽस्य दुरात्मनो वै पार्थस्य वैरप्रतियातनाय । सञ्चिन्त्य तूर्णं प्रविवेश चैव कर्णस्य राजन्शररूपधारी ॥

ayaṃ hi kālo'sya durātmano vai pārthasya vairapratiyātanāya | sañcintya tūrṇaṃ praviveśa caiva karṇasya rājanśararūpadhārī

यह सोचकर कि "इस दुष्ट पार्थ से वैर का बदला चुकाने का यही समय है", हे राजन्, वह शीघ्र ही बाण का रूप धरकर कर्ण के बाणों में जा घुसा।

श्लोक 15 (8.97.15)

ततोऽस्त्रसङ्घातसमाकुलं तदा बभूव जन्यं विततांशुजालम् । तत्कर्णपार्थौ शरसङ्घवृष्टिभिर्निरन्तरं चक्रतुरंबरं तदा ॥

tato'strasaṅghātasamākulaṃ tadā babhūva janyaṃ vitatāṃśujālam | tatkarṇapārthau śarasaṅghavṛṣṭibhirnirantaraṃ cakraturaṃbaraṃ tadā

तब वह संग्राम अस्त्रों के समूहों से भर गया, मानो किरणों का जाल फैल गया हो; और कर्ण तथा पार्थ ने बाणों की वर्षा की धाराओं से आकाश को बिना अन्तर के ढक दिया।

श्लोक 16 (8.97.16)

तद्वाणजालैकमयं महान्तं सर्वेऽत्रसन्कुरवः सोमकाश्च । नान्यत्किञ्चिद्ददृशुः सम्पतद्वै बाणान्धकारे तुमुलेऽतिमात्रम् ॥

tadvāṇajālaikamayaṃ mahāntaṃ sarve'trasankuravaḥ somakāśca | nānyatkiñciddadṛśuḥ sampatadvai bāṇāndhakāre tumule'timātram

बाणों के जालों से ही बने उस विशाल विस्तार को देखकर सभी कौरव और सोमक भयभीत हो गए; बाणों के उस अत्यन्त घोर अन्धकार में उन्हें गिरते हुए बाणों के सिवा और कुछ नहीं दिखाई देता था।

श्लोक 17 (8.97.17)

ततस्तौ पुरुषव्याघ्रौ सर्वलोकधनुर्धरौ । त्यक्तप्राणौ रणे वीरौ युद्धश्रममुपागतौ ॥

tatastau puruṣavyāghrau sarvalokadhanurdharau | tyaktaprāṇau raṇe vīrau yuddhaśramamupāgatau

तब सारे संसार के श्रेष्ठ धनुर्धर, प्राणों की परवाह छोड़ चुके वे दोनों पुरुषसिंह वीर युद्ध की थकान से चूर हो गए।

श्लोक 18 (8.97.18)

समुत्क्षेपैर्वीक्षमाणौ सिक्तौ चन्दनवारिणा । सवालव्यजनैर्दिव्यैर्दिविस्थैरप्सरोगणैः । शक्रसूर्यकराब्जाभ्यां प्रमार्जितमुखावुभौ ॥

samutkṣepairvīkṣamāṇau siktau candanavāriṇā | savālavyajanairdivyairdivisthairapsarogaṇaiḥ | śakrasūryakarābjābhyāṃ pramārjitamukhāvubhau

ऊपर से होती उछाल-बौछारों के बीच चारों ओर देखते हुए, चन्दन के जल से सींचे जाते और स्वर्ग में स्थित अप्सराओं के दल द्वारा दिव्य चँवरों से हवा किए जाते हुए, उन दोनों के मुख इन्द्र और सूर्य के कमल-जैसे हाथों से पोंछे गए।

श्लोक 19 (8.97.19)

कर्णोऽथ पार्थं न विशेषयद्यदा भृशं च पार्थेन शराभितप्तः । ततस्तु वीरः शरविक्षताङ्गो दघ्रे मनो ह्येकशयस्य तस्य ॥

karṇo'tha pārthaṃ na viśeṣayadyadā bhṛśaṃ ca pārthena śarābhitaptaḥ | tatastu vīraḥ śaravikṣatāṅgo daghre mano hyekaśayasya tasya

जब कर्ण पार्थ से बढ़ न सका और पार्थ के बाणों से बुरी तरह तपाया गया, तब बाणों से घायल अंगों वाले उस वीर ने अपना मन उस अकेले पड़े रहने वाले की ओर लगाया।

श्लोक 20 (8.97.20)

ततो रिपुघ्नं समधत्त कर्णः सुसंचितं सर्पमुखं ज्वलन्तम् । रौद्रं शरं सन्नतमुग्रघौतं पार्थार्थमित्येव चिराभिगुप्तम् ॥

tato ripughnaṃ samadhatta karṇaḥ susaṃcitaṃ sarpamukhaṃ jvalantam | raudraṃ śaraṃ sannatamugraghautaṃ pārthārthamityeva cirābhiguptam

तब कर्ण ने शत्रु का नाश करने वाले उस जलते हुए, सर्प के मुख वाले भयंकर बाण को धनुष पर चढ़ाया, जो भली-भाँति सँजोकर रखा गया था, झुका हुआ और तीखा सान चढ़ा हुआ था, और जिसे उसने "यह पार्थ के लिए है" यह सोचकर बहुत दिनों से सँभालकर रखा था।

श्लोक 21 (8.97.21)

सदार्चितं चन्दनचूर्णशायितं सुवर्णतूणीरशयं महार्चिषम् । आकर्णपूर्णं विचकर्ष कर्णो विमोक्तुकामः शरमुग्रवेगम् ॥

sadārcitaṃ candanacūrṇaśāyitaṃ suvarṇatūṇīraśayaṃ mahārciṣam | ākarṇapūrṇaṃ vicakarṣa karṇo vimoktukāmaḥ śaramugravegam

छोड़ने की इच्छा से कर्ण ने उस उग्र वेग वाले बाण को कान तक खींचा, जो सदा पूजित था, चन्दन-चूर्ण पर सुवर्ण के तूणीर में पड़ा रहता था और बड़ी तेजस्वी ज्वाला से दमकता था।

श्लोक 22 (8.97.22)

प्रदीप्तमैरावतवंशसंभवं शिरो जिहीर्षुर्युधि सव्यसाचिनः । ततः प्रजज्वाल दिशो नभश्च उल्काश्च घोराः शतशः प्रपेतुः ॥

pradīptamairāvatavaṃśasaṃbhavaṃ śiro jihīrṣuryudhi savyasācinaḥ | tataḥ prajajvāla diśo nabhaśca ulkāśca ghorāḥ śataśaḥ prapetuḥ

ऐरावत के वंश में उत्पन्न उस प्रज्वलित बाण से युद्ध में सव्यसाची का सिर हर लेने की इच्छा करते ही दिशाएँ और आकाश जल उठे और सैकड़ों भयंकर उल्काएँ गिरने लगीं।

श्लोक 23 (8.97.23)

तस्मिस्तु नागे धनुषि प्रयुक्ते हाहाकृता लोकपालाः सशक्राः ॥

tasmistu nāge dhanuṣi prayukte hāhākṛtā lokapālāḥ saśakrāḥ

जब उस नाग को धनुष पर चढ़ाया गया, तब इन्द्र सहित सब लोकपाल हाहाकार कर उठे।

श्लोक 24 (8.97.24)

स सूतपुत्रस्तमपाङ्गदेशे अवाड्मुखं संधयति स्म रोषात् । न तं स्म जानाति महानुभावमपाङ्गदेशेऽभिनिविष्टमाजौ ॥

sa sūtaputrastamapāṅgadeśe avāḍmukhaṃ saṃdhayati sma roṣāt | na taṃ sma jānāti mahānubhāvamapāṅgadeśe'bhiniviṣṭamājau

सूतपुत्र ने क्रोध में उसे मुख नीचे की ओर करके बगल में साधा; और उस युद्ध में वह उस महाप्रभावशाली को नहीं पहचान सका जो उसी बगल में आ बैठा था।

श्लोक 25 (8.97.25)

न चापि तं बुबुधे सूतपुत्रो बाणे प्रविष्टं योगबलेन नागम् । दशशतनयनोऽहिं दृश्य बाणे प्रविष्टं निहत इति सुतो मे स्रस्तगात्रो बभूव । जलजकुसुमयोनिः श्रेष्ठभावो जितात्मा त्रिदशपतिमवोचन्मा व्यथिष्ठा जये श्रीः ॥

na cāpi taṃ bubudhe sūtaputro bāṇe praviṣṭaṃ yogabalena nāgam | daśaśatanayano'hiṃ dṛśya bāṇe praviṣṭaṃ nihata iti suto me srastagātro babhūva | jalajakusumayoniḥ śreṣṭhabhāvo jitātmā tridaśapatimavocanmā vyathiṣṭhā jaye śrīḥ

सूतपुत्र यह नहीं जान पाया कि योगबल से एक नाग बाण में प्रवेश कर गया है। बाण में बैठे उस नाग को देखकर सहस्रनेत्र इन्द्र "मेरा पुत्र मारा गया" यह सोचकर शिथिल अंगों वाला हो गया; तब श्रेष्ठ स्वभाव वाले, जितात्मा कमलयोनि ब्रह्मा ने देवराज से कहा, "दुःखी मत हो; विजय में ही श्री है।"

श्लोक 26 (8.97.26)

ततोऽब्रवीन्मद्रराजो महात्मा दृष्ट्वा कर्णं प्रहितेषुं तमुग्रम् । ग्रीवायतः कर्ण न संहितोऽयं समीक्ष्य संधत्स्व शरं परध्नम् ॥

tato'bravīnmadrarājo mahātmā dṛṣṭvā karṇaṃ prahiteṣuṃ tamugram | grīvāyataḥ karṇa na saṃhito'yaṃ samīkṣya saṃdhatsva śaraṃ paradhnam

तब महात्मा मद्रराज ने बाण साधे हुए उस उग्र कर्ण को देखकर कहा, "कर्ण, यह बाण गर्दन पर नहीं साधा गया है; ठीक से देखकर शत्रु का नाश करने वाला बाण साधो।"

श्लोक 27 (8.97.27)

अथाब्रवीत्क्रोधसंरक्तनेत्रो मद्राधिपं सूतपुत्रो मनस्वी । न संधत्ते द्विः शरं शल्य कर्णो न मादृशाः जिह्मयुद्धाः भवन्ति ॥

athābravītkrodhasaṃraktanetro madrādhipaṃ sūtaputro manasvī | na saṃdhatte dviḥ śaraṃ śalya karṇo na mādṛśāḥ jihmayuddhāḥ bhavanti

तब क्रोध से लाल आँखों वाले बुद्धिमान सूतपुत्र ने मद्रराज से कहा, "शल्य, कर्ण एक बार साधे हुए बाण को दुबारा नहीं साधता; मुझ जैसे लोग कपट से युद्ध करने वाले नहीं होते।"

श्लोक 28 (8.97.28)

इतीदमुक्त्वा विससर्ज तं शरं प्रयत्नतो वर्षगणाभिपूजितम् । हतोऽसि रे फल्गुन इत्यधिक्षिपन्नुवाच चोच्चैर्गिरमूर्जितां वृषः ॥

itīdamuktvā visasarja taṃ śaraṃ prayatnato varṣagaṇābhipūjitam | hato'si re phalguna ityadhikṣipannuvāca coccairgiramūrjitāṃ vṛṣaḥ

यह कहकर उसने वर्षों से यत्नपूर्वक पूजित उस बाण को छोड़ दिया और वृष (कर्ण) ने "अरे फल्गुन, तू मारा गया!" कहकर ऊँचे, प्रबल स्वर में ललकारा।

श्लोक 29 (8.97.29)

स सायकः कर्णभुजप्रसृष्टो हुताशनार्कप्रतिमः सुघोरः । गुणच्युतः कर्णधनुः प्रमुक्तो वियद्गतः प्राज्वलदन्तरिक्षे ॥

sa sāyakaḥ karṇabhujaprasṛṣṭo hutāśanārkapratimaḥ sughoraḥ | guṇacyutaḥ karṇadhanuḥ pramukto viyadgataḥ prājvaladantarikṣe

कर्ण की भुजा से छूटा, अग्नि और सूर्य के समान दमकता हुआ वह अत्यन्त भयंकर बाण प्रत्यंचा से छूटकर कर्ण के धनुष से निकला और आकाश में उड़ता हुआ अन्तरिक्ष में जगमगा उठा।

श्लोक 30 (8.97.30)

तमापतन्तं ज्वलितं निरीक्ष्य वियद्गतं वृष्णिकुलप्रवीरः । रथस्य चक्रं सहसा निपीड्य पञ्चाङ्गुलं मज्जयति स्म वीरः ॥

tamāpatantaṃ jvalitaṃ nirīkṣya viyadgataṃ vṛṣṇikulapravīraḥ | rathasya cakraṃ sahasā nipīḍya pañcāṅgulaṃ majjayati sma vīraḥ

उसे आकाश में जलते हुए आते देखकर वृष्णि-कुल के उस श्रेष्ठ वीर ने सहसा रथ के पहिये को दबाकर उसे पाँच अँगुल धरती में धँसा दिया।

श्लोक 31 (8.97.31)

ततोऽन्तरिक्षे सुमहान्निनादः संपूजनार्थं मधुसूदनस्य । दिव्याश्च वाचः सहसा बभूवुर्दिव्यानि पुष्पाण्यथ सिंहनादाः । तस्मिंस्तथा वै धरणीं निमग्ने रथे प्रयत्नान्मधुसूदनस्य ॥

tato'ntarikṣe sumahānninādaḥ saṃpūjanārthaṃ madhusūdanasya | divyāśca vācaḥ sahasā babhūvurdivyāni puṣpāṇyatha siṃhanādāḥ | tasmiṃstathā vai dharaṇīṃ nimagne rathe prayatnānmadhusūdanasya

तब आकाश में मधुसूदन के सम्मान में बड़ा भारी निनाद उठा; दिव्य वाणियाँ एक साथ गूँज उठीं, दिव्य पुष्प बरसे और सिंहनाद हुए, जब मधुसूदन के प्रयत्न से रथ धरती में धँस गया।

श्लोक 32 (8.97.32)

ततः किरीटं बहुरत्नचित्रं जघान नागोऽर्जुनमूर्धतो बलात् । गिरेः सुजाताङ्कुरपुष्पितद्रुमं महेन्द्रवज्रं शिखरं यथोत्तमम् ॥

tataḥ kirīṭaṃ bahuratnacitraṃ jaghāna nāgo'rjunamūrdhato balāt | gireḥ sujātāṅkurapuṣpitadrumaṃ mahendravajraṃ śikharaṃ yathottamam

तब उस नाग ने अर्जुन के मस्तक से अनेक रत्नों से जगमगाते मुकुट को बलपूर्वक वैसे ही गिरा दिया, जैसे महेन्द्र का वज्र उस पर्वत के उत्तम शिखर को गिरा देता है, जिस पर भली-भाँति उगे अंकुर और फूले हुए वृक्ष हों।

श्लोक 33 (8.97.33)

ततः किरीटं तपनीयचित्रं पार्थोत्तमाङ्गादहरत्तरस्वी । तद्धेमजालावनतं सुघोरं संप्रज्वलत्तन्निपपात भूमौ ॥

tataḥ kirīṭaṃ tapanīyacitraṃ pārthottamāṅgādaharattarasvī | taddhemajālāvanataṃ sughoraṃ saṃprajvalattannipapāta bhūmau

तब उस बलवान ने पार्थ के मस्तक से तपाए सोने की-सी आभा वाले उस मुकुट को ले लिया; सुनहरे जाल से झुका हुआ वह भयंकर और जलता हुआ मुकुट धरती पर गिर पड़ा।

श्लोक 34 (8.97.34)

ततोऽर्जुनस्योत्तमगात्रभूषणं सुवर्णमुक्तामणिवज्रचित्रितम् । धरावियद्द्योसलिलेषु विश्रुतं बलं निसर्गोत्तममन्युभिः सदा ॥

tato'rjunasyottamagātrabhūṣaṇaṃ suvarṇamuktāmaṇivajracitritam | dharāviyaddyosalileṣu viśrutaṃ balaṃ nisargottamamanyubhiḥ sadā

तब सोने, मोतियों, मणियों और हीरों से जड़े तथा पृथ्वी, आकाश, स्वर्ग और जलों में प्रसिद्ध अर्जुन के उस सर्वोत्तम आभूषण को—बल और अपने जन्मजात उत्कट क्रोध के साथ—

श्लोक 35 (8.97.35)

शरेण मूर्ध्नि प्रजहार सूतजो दिवाकरेन्दुज्वलनग्रहत्विषम् । सुवर्णमुक्तामणिवज्रभूषणं पुरन्दरार्थं तपसा प्रयत्नतः ॥

śareṇa mūrdhni prajahāra sūtajo divākarendujvalanagrahatviṣam | suvarṇamuktāmaṇivajrabhūṣaṇaṃ purandarārthaṃ tapasā prayatnataḥ

सूतपुत्र ने बाण से सिर पर मारा; वह मुकुट सूर्य, चन्द्रमा, अग्नि और ग्रहों के समान दीप्त था, सोने, मोतियों, मणियों और हीरों से सजा था, और पुरन्दर के लिए तपस्या और यत्न से बनाया गया था।

श्लोक 36 (8.97.36)

स्वयं कृतं यद्विधिना स्वयंभुवा महार्हरूपं द्विषतां भयंकरम् । निजघ्नुषे देवरिपून्सुरेश्वरः स्वयं ददौ यद्धि मुदाऽर्जुनाय ॥

svayaṃ kṛtaṃ yadvidhinā svayaṃbhuvā mahārharūpaṃ dviṣatāṃ bhayaṃkaram | nijaghnuṣe devaripūnsureśvaraḥ svayaṃ dadau yaddhi mudā'rjunāya

उसे स्वयं सृष्टिकर्ता स्वयम्भू ने बनाया था—बहुमूल्य रूप वाला, शत्रुओं के लिए भयंकर—और देवताओं के शत्रुओं का संहार करने वाले अर्जुन को देवेश्वर इन्द्र ने स्वयं प्रसन्न होकर दिया था।

श्लोक 37 (8.97.37)

हरिप्रचेतोहरिवित्तगोप्तृभिः पिनाकपाशाशनिदण्डधारिभिः । सुरोत्तमैरप्यविषह्यमर्दितुं प्रसह्य नागेन जहार तद्वृषः ॥

haripracetoharivittagoptṛbhiḥ pinākapāśāśanidaṇḍadhāribhiḥ | surottamairapyaviṣahyamardituṃ prasahya nāgena jahāra tadvṛṣaḥ

पिनाक, पाश, वज्र और दण्ड धारण करने वाले हरि, प्रचेता, दूसरे हरि और धन के रक्षक जैसे श्रेष्ठ देवता भी जिसे कुचल नहीं सकते थे, उस मुकुट को वृष (कर्ण) ने नाग के द्वारा बलपूर्वक हर लिया।

श्लोक 38 (8.97.38)

तदुत्तमेषून्मथितं विषाहिना प्रदीप्तमर्चिष्मदतीव सुन्दरम् । पपात पार्थस्य किरीटमुत्तमं दिवाकरोऽस्तादिव पर्वताज्ज्वलन् ॥

taduttameṣūnmathitaṃ viṣāhinā pradīptamarciṣmadatīva sundaram | papāta pārthasya kirīṭamuttamaṃ divākaro'stādiva parvatājjvalan

उस श्रेष्ठ बाण, उस विषैले सर्प, से टूटा हुआ पार्थ का वह उत्तम मुकुट—दहकता, दीप्तिमान और अत्यन्त सुन्दर—अस्ताचल से गिरते हुए जलते सूर्य की भाँति नीचे गिर पड़ा।

श्लोक 39 (8.97.39)

महीवियद्द्योसलिलानि वायुना प्रसह्य रुग्णानि विघूर्णितानि वा । इतीव शब्दं भुवनेषु तत्तथा जना व्यवस्यन्ति दिशश्च विह्वलाः ॥

mahīviyaddyosalilāni vāyunā prasahya rugṇāni vighūrṇitāni vā | itīva śabdaṃ bhuvaneṣu tattathā janā vyavasyanti diśaśca vihvalāḥ

लोकों में ऐसा शोर उठा मानो पृथ्वी, आकाश, स्वर्ग और जल को वायु बलपूर्वक तोड़-मरोड़कर घुमा रही हो; लोगों ने ऐसा ही समझा, और दिशाएँ व्याकुल हो उठीं।

श्लोक 40 (8.97.40)

विना किरीटं शुशुभे स पार्थः श्यामो युवा शैल इव त्रिशृङ्गैः ॥

vinā kirīṭaṃ śuśubhe sa pārthaḥ śyāmo yuvā śaila iva triśṛṅgaiḥ

मुकुट के बिना भी वह श्यामवर्ण तरुण पार्थ तीन शिखरों वाले पर्वत के समान शोभित हुआ।

श्लोक 41 (8.97.41)

ततः समुद्ग्रथ्य सितेन वाससा स्वमूर्धजानव्यथितस्तदाऽर्जुनः । बभौ सुसंपूर्णमरीचिनेन्दुना शिरोगतेनोदयपर्वतो यथा ॥

tataḥ samudgrathya sitena vāsasā svamūrdhajānavyathitastadā'rjunaḥ | babhau susaṃpūrṇamarīcinendunā śirogatenodayaparvato yathā

तब अर्जुन ने विचलित हुए बिना श्वेत वस्त्र से अपने केश बाँध लिए और वह मस्तक पर स्थित पूर्ण किरणों वाले चन्द्रमा से युक्त उदयाचल की भाँति शोभित हुआ।

श्लोक 42 (8.97.42)

स चापि राधेयभुजप्रमुक्तो हुताशनार्कप्रतिमद्युतिर्महान् । महोरगः कृतवैरोऽर्जुनेन किरीटमाहृत्य समुत्पपात ॥

sa cāpi rādheyabhujapramukto hutāśanārkapratimadyutirmahān | mahoragaḥ kṛtavairo'rjunena kirīṭamāhṛtya samutpapāta

और वह महान नाग भी, जो राधेय की भुजा से छूटा था, अग्नि और सूर्य के समान कान्तिमान था और अर्जुन से वैर रखता था, मुकुट को लेकर ऊपर उड़ गया।

श्लोक 43 (8.97.43)

तमुत्पतन्तं द्विपदां वरिष्ठो दृष्ट्वा वचः पार्थमुवाच कृष्णः । महोरगं पाण्डव पश्यपश्य प्रयोजितं त्वन्निधनार्थमुग्रम् ॥

tamutpatantaṃ dvipadāṃ variṣṭho dṛṣṭvā vacaḥ pārthamuvāca kṛṣṇaḥ | mahoragaṃ pāṇḍava paśyapaśya prayojitaṃ tvannidhanārthamugram

उसे ऊपर उड़ते देखकर द्विपदों में श्रेष्ठ कृष्ण ने पार्थ से कहा, "पाण्डव, देखो, देखो! यह महानाग तुम्हारे वध के लिए भेजा गया है, यह भयंकर है।"

श्लोक 44 (8.97.44)

स एवमुक्तो मधुसूदनेन गाण्डीवधन्वा हरिमुग्रवाचा । उवाच को न्वेष ममाद्य नागः क्षयाय नागाद्गरुडस्य वक्त्रम् ॥

sa evamukto madhusūdanena gāṇḍīvadhanvā harimugravācā | uvāca ko nveṣa mamādya nāgaḥ kṣayāya nāgādgaruḍasya vaktram

मधुसूदन के इस प्रकार कहने पर गाण्डीवधारी अर्जुन ने उग्र वाणी में हरि से कहा, "यह कौन-सा नाग है, जो आज अपने ही विनाश के लिए मेरे सामने इस प्रकार आ रहा है, जैसे गरुड़ के मुख में साँप चला आए?"

श्लोक 45 (8.97.45)

योऽसौ त्वया खाण्डवे चित्रभानुं संतर्पयाणेन धनुर्धरेण । वियद्गतो जननीगुप्तदेहो मत्वैकरूपं निहताऽस्य माता ॥

yo'sau tvayā khāṇḍave citrabhānuṃ saṃtarpayāṇena dhanurdhareṇa | viyadgato jananīguptadeho matvaikarūpaṃ nihatā'sya mātā

कृष्ण बोले, "यह वही है, जो खाण्डव में तुम्हारे धनुष से अग्नि को तृप्त करते समय, माता से सुरक्षित देह वाला होकर आकाश में उड़ गया था; माता को एक ही रूप की समझता हुआ वह चला गया और उसकी माता मारी गई।"

श्लोक 46 (8.97.46)

स एष तद्वैरमनुस्मरन्वै त्वां प्रार्थयत्यात्मवधाय नूनम् । नभश्च्युतां प्रज्वलितामिवोल्कां पश्यैनमायान्तममित्रसाह ॥

sa eṣa tadvairamanusmaranvai tvāṃ prārthayatyātmavadhāya nūnam | nabhaścyutāṃ prajvalitāmivolkāṃ paśyainamāyāntamamitrasāha

"उसी वैर को स्मरण करता हुआ वह निश्चय ही अपने ही वध के लिए तुम्हें चाहता है। हे शत्रुसंहारक, आकाश से गिरी हुई जलती उल्का की भाँति आते हुए उसे देखो।"

श्लोक 47 (8.97.47)

ततः स जिष्णुः परिवृत्य रोषाच्चिच्छेद षड्भिर्निशितैः सुधारैः । नागं वियत्तिर्यगिवोत्पतन्तं स च्छिन्नगात्रो निपपात भूमौ ॥

tataḥ sa jiṣṇuḥ parivṛtya roṣācciccheda ṣaḍbhirniśitaiḥ sudhāraiḥ | nāgaṃ viyattiryagivotpatantaṃ sa cchinnagātro nipapāta bhūmau

तब जिष्णु ने क्रोध से मुड़कर, आकाश में तिरछा उड़ते हुए उस नाग को छह तीखी, तेज धार वाले बाणों से काट डाला, और कटे अंगों वाला वह धरती पर गिर पड़ा।

श्लोक 48 (8.97.48)

हते च तस्मिन्भुजगे किरीटिना स्वयं विभुः पार्थिव भूतलादथ । समुज्जहाराशु पुनः पतन्तं रथं भुजाभ्यां पुरुषोत्तमस्ततः ॥

hate ca tasminbhujage kirīṭinā svayaṃ vibhuḥ pārthiva bhūtalādatha | samujjahārāśu punaḥ patantaṃ rathaṃ bhujābhyāṃ puruṣottamastataḥ

और हे राजन्, किरीटी द्वारा उस सर्प के मारे जाने पर स्वयं प्रभु पुरुषोत्तम ने धरती में फिर से धँसते हुए रथ को अपनी दोनों भुजाओं से तुरन्त ऊपर उठा लिया।

श्लोक 49 (8.97.49)

तस्मिन्मुहूर्ते दशभिः पृषत्कैः शिलाशितैर्बर्हिणबर्हवाजितैः । विव्याघ कर्णः पुरुषप्रवीरो धनञ्जयं तिर्यगवेक्षमाणः ॥

tasminmuhūrte daśabhiḥ pṛṣatkaiḥ śilāśitairbarhiṇabarhavājitaiḥ | vivyāgha karṇaḥ puruṣapravīro dhanañjayaṃ tiryagavekṣamāṇaḥ

उसी क्षण नरश्रेष्ठ वीर कर्ण ने तिरछी दृष्टि से देखते हुए धनञ्जय को पत्थर पर तेज किए, मोर-पंख लगे दस बाणों से बींध दिया।

श्लोक 50 (8.97.50)

ततोऽर्जुनो द्वादशभिः सुमुक्तैर्वराहकर्णैर्निशितैः समर्प्य । नाराचमाशीविषतुल्यवेगमाकर्णपूर्णायतमुत्ससर्ज ॥

tato'rjuno dvādaśabhiḥ sumuktairvarāhakarṇairniśitaiḥ samarpya | nārācamāśīviṣatulyavegamākarṇapūrṇāyatamutsasarja

तब अर्जुन ने बारह अच्छी तरह छोड़े हुए, तीखे वराहकर्ण बाणों से उसे बींधकर, विषैले सर्प के समान वेग वाला और कान तक पूरा खिंचा हुआ एक नाराच छोड़ा।

श्लोक 51 (8.97.51)

स चित्रवर्मेषुवरो विदार्य प्राणान्निरस्यन्निव साधुमुक्तः । कर्णस्य पीत्वा रुधिरं विवेश वसुंधरां शोणितदिग्धवाजः ॥

sa citravarmeṣuvaro vidārya prāṇānnirasyanniva sādhumuktaḥ | karṇasya pītvā rudhiraṃ viveśa vasuṃdharāṃ śoṇitadigdhavājaḥ

वह भली-भाँति छोड़ा गया श्रेष्ठ बाण कर्ण के रंग-बिरंगे कवच को चीरकर मानो उसके प्राणों को निकालता हुआ, उसका रक्त पीकर, रक्त से सने पंखों के साथ पृथ्वी में समा गया।

श्लोक 52 (8.97.52)

ततो वृषो बाणनिपातकोपितो महोरगो दण्डविघट्टितो यथा । तदाऽऽशुकारी व्यसृजच्छरोत्तमान् महाविषः सर्प इवोत्तमं विषम् ॥

tato vṛṣo bāṇanipātakopito mahorago daṇḍavighaṭṭito yathā | tadā''śukārī vyasṛjaccharottamān mahāviṣaḥ sarpa ivottamaṃ viṣam

तब बाण के प्रहार से क्रुद्ध वृष ने, डण्डे से छेड़े गए महासर्प के समान, शीघ्रता से अपने उत्तम बाण छोड़े, जैसे महाविषैला साँप अपना उत्तम विष उगलता है।

श्लोक 53 (8.97.53)

जनार्दनं द्वादशभिः पराभिनन्नवैर्नवत्या च शरैस्तथाऽर्जुनम् । शरेण घोरेण पुनश्च पाण्डवं विदार्य कर्णो व्यनदज्जहास च ॥

janārdanaṃ dvādaśabhiḥ parābhinannavairnavatyā ca śaraistathā'rjunam | śareṇa ghoreṇa punaśca pāṇḍavaṃ vidārya karṇo vyanadajjahāsa ca

उसने जनार्दन को बारह और अर्जुन को नब्बे नए बाणों से बींधा; फिर एक भयंकर बाण से पाण्डव को पुनः छेदकर कर्ण गरजा और हँसा।

श्लोक 54 (8.97.54)

तमस्य हर्षं ममृषे न पाण्डवो बिभेद मर्माणि ततोऽस्य मर्मवित् । परःशतैः पत्रिभिरिन्द्रविक्रमस्तथा यथेन्द्रो बलमोजसा रणे ॥

tamasya harṣaṃ mamṛṣe na pāṇḍavo bibheda marmāṇi tato'sya marmavit | paraḥśataiḥ patribhirindravikramastathā yathendro balamojasā raṇe

पाण्डव उसके उस हर्ष को सह न सका; मर्म जानने वाले उसने तब इन्द्र के-से पराक्रम से सौ से अधिक पंखदार बाणों से उसके मर्मस्थलों को बींध दिया, जैसे इन्द्र ने रण में अपने ओज और बल से बल (दानव) को मारा था।

श्लोक 55 (8.97.55)

ततः शराणां नवतिं तदाऽर्जुनः ससर्ज कर्णेऽन्तकदण्डसंनिभाम् । तैः पत्रिभिर्विद्धतनुः स विव्यथे तथा यथा वज्रविदारितोऽचलः ॥

tataḥ śarāṇāṃ navatiṃ tadā'rjunaḥ sasarja karṇe'ntakadaṇḍasaṃnibhām | taiḥ patribhirviddhatanuḥ sa vivyathe tathā yathā vajravidārito'calaḥ

तब अर्जुन ने कर्ण पर यमदण्ड के समान नब्बे बाण छोड़े; उन बाणों से बिंधे शरीर वाला कर्ण वैसे ही काँप उठा जैसे वज्र से फटा हुआ पर्वत।

श्लोक 56 (8.97.56)

मणिप्रवेकोत्तमवज्रहाटकैरलंकृतं चास्य वराङ्गभूषणम् । प्रविद्धमुर्व्यां निपपात पत्रिभिर्धनञ्जयेनोत्तमकुण्डलेऽपि च ॥

maṇipravekottamavajrahāṭakairalaṃkṛtaṃ cāsya varāṅgabhūṣaṇam | praviddhamurvyāṃ nipapāta patribhirdhanañjayenottamakuṇḍale'pi ca

उत्तम मणियों, हीरों और सोने से अलंकृत उसका श्रेष्ठ मस्तकाभूषण धनञ्जय के बाणों से बिंधकर पृथ्वी पर गिर पड़ा, और उसके उत्तम कुण्डल भी गिर गए।

श्लोक 57 (8.97.57)

महाधनं शिल्पिवरैः प्रयत्नतः कृतं यदस्योत्तमवर्म भास्वरम् । सुदीर्घकालेन ततोऽस्य पाण्डवः क्षणेन बाणैर्बहुधा व्यशातयत् ॥

mahādhanaṃ śilpivaraiḥ prayatnataḥ kṛtaṃ yadasyottamavarma bhāsvaram | sudīrghakālena tato'sya pāṇḍavaḥ kṣaṇena bāṇairbahudhā vyaśātayat

उसका जो बहुमूल्य, चमकता हुआ उत्तम कवच श्रेष्ठ कारीगरों ने बहुत समय तक यत्न से बनाया था, उसे पाण्डव ने क्षणभर में अपने बाणों से कई जगह से तोड़ डाला।

श्लोक 58 (8.97.58)

तस्येषुभिः खण्डितकुण्डलोऽन्तः परिक्षतश्चाभ्यधिकं तदानीम् । सलोहिताङ्गश्रवणश्चकाशे सलोहिताङ्गश्रवणो यथा दिवि ॥

tasyeṣubhiḥ khaṇḍitakuṇḍalo'ntaḥ parikṣataścābhyadhikaṃ tadānīm | salohitāṅgaśravaṇaścakāśe salohitāṅgaśravaṇo yathā divi

उसके बाणों से उसके कुण्डल कट गए और उस समय वह भीतर तक और भी अधिक घायल हो गया; रक्त से लाल अंगों और कानों के साथ वह आकाश में श्रवण नक्षत्र के साथ स्थित मंगल की भाँति शोभित हुआ।

श्लोक 59 (8.97.59)

स तं विवर्माणमथोत्तमेषुभिः शितैश्चतुर्भिः कुपितः पराभिनत् । स विव्यथेऽत्यर्थमरिप्रताडितो यथाऽऽतुरः पित्तकफानिलज्वरैः ॥

sa taṃ vivarmāṇamathottameṣubhiḥ śitaiścaturbhiḥ kupitaḥ parābhinat | sa vivyathe'tyarthamaripratāḍito yathā''turaḥ pittakaphānilajvaraiḥ

क्रुद्ध अर्जुन ने कवचहीन कर्ण को चार तीखे उत्तम बाणों से बींध दिया; शत्रु की मार से कर्ण अत्यन्त पीड़ित हुआ, जैसे पित्त, कफ और वात के ज्वरों से कोई रोगी तड़पता है।

श्लोक 60 (8.97.60)

महाधनुर्मण्डलनिः सृतैः शितैः क्रियाप्रयत्नप्रहितैर्बलेन च । ततक्ष कर्णं बहुभिः शरोत्तमैर्बिभेद मर्मस्वपि चार्जुनस्त्वरन् ॥

mahādhanurmaṇḍalaniḥ sṛtaiḥ śitaiḥ kriyāprayatnaprahitairbalena ca | tatakṣa karṇaṃ bahubhiḥ śarottamairbibheda marmasvapi cārjunastvaran

जल्दी करते हुए अर्जुन ने अपने विशाल धनुष के मण्डल से निकले, कौशल, प्रयत्न और बल से छोड़े गए तीखे, उत्तम बाणों से कर्ण को छील डाला और उसके मर्मस्थलों को भी बींध दिया।

श्लोक 61 (8.97.61)

दृढाहतः पत्रिभिरुग्रवेगैः पार्थेन कर्णो विविधैः शिताग्रैः । बभौ गिरिर्गैरिकधातुरक्तः क्षरन्प्रपातैरिव रक्तमम्भः ॥

dṛḍhāhataḥ patribhirugravegaiḥ pārthena karṇo vividhaiḥ śitāgraiḥ | babhau girirgairikadhāturaktaḥ kṣaranprapātairiva raktamambhaḥ

पार्थ के उग्र वेग वाले, नाना प्रकार के तीखी नोक वाले बाणों से गहरी चोट खाया हुआ कर्ण गेरू से लाल हुए उस पर्वत जैसा लगा, जिससे झरनों के रूप में लाल जल बह रहा हो।

श्लोक 62 (8.97.62)

ततोऽर्जुनः कर्णमवक्रगैर्नवैः सुवर्णपुङ्खैः सुदृढैरयस्मयैः । यमाग्निदण्डप्रतिमैः स्तनान्तरे पराभिनत्क्रौञ्चमिवाद्रिमग्निजः ॥

tato'rjunaḥ karṇamavakragairnavaiḥ suvarṇapuṅkhaiḥ sudṛḍhairayasmayaiḥ | yamāgnidaṇḍapratimaiḥ stanāntare parābhinatkrauñcamivādrimagnijaḥ

तब अर्जुन ने सीधे जाने वाले, नए, सोने के पंखों वाले, दृढ़ लोहे के बने, यम और अग्नि के दण्ड के समान बाणों से कर्ण की छाती में वैसे ही प्रहार किया, जैसे अग्नि-पुत्र (कार्तिकेय) ने क्रौञ्च पर्वत को भेदा था।

श्लोक 63 (8.97.63)

ततः शरावापमपास्य सूतजो धनुश्च तच्छक्रशरासनोपमम् । ततो रथस्थः स मुमोह च स्खलन् प्रशीर्णमुष्टिः सुभृशाहतः प्रभो ॥

tataḥ śarāvāpamapāsya sūtajo dhanuśca tacchakraśarāsanopamam | tato rathasthaḥ sa mumoha ca skhalan praśīrṇamuṣṭiḥ subhṛśāhataḥ prabho

तब सूतपुत्र ने तरकश और इन्द्र के धनुष के समान उस धनुष को छोड़ दिया, और रथ पर खड़ा-खड़ा लड़खड़ाता हुआ मूर्छित हो गया; उसकी पकड़ ढीली पड़ गई थी और वह बहुत बुरी तरह घायल हुआ था, हे प्रभो।

श्लोक 64 (8.97.64)

न चार्जुनस्तं व्यसने तदेयिवान्निहन्तुमार्यः पुरुषव्रते स्थितः । ततस्तमिन्द्रावरजः सुसंभ्रमादुवाच किं पाण्डव हे प्रमाद्यसे ॥

na cārjunastaṃ vyasane tadeyivānnihantumāryaḥ puruṣavrate sthitaḥ | tatastamindrāvarajaḥ susaṃbhramāduvāca kiṃ pāṇḍava he pramādyase

किन्तु पुरुषार्थ के व्रत में स्थित श्रेष्ठ अर्जुन ने उसे संकट में पड़ा देखकर उसे मारने का प्रयास नहीं किया। तब इन्द्र के छोटे भाई (कृष्ण) ने बड़ी घबराहट से कहा, "पाण्डव, तुम क्यों ढील कर रहे हो?"

श्लोक 65 (8.97.65)

नैवाहितानां सततं विपश्चितः क्षणं प्रतीक्षन्त्यपि दुर्बलीयसाम् । विशेषतोऽरीन्व्यसनेषु पण्डितो निहत्य धर्मं च यशश्च विन्दते ॥

naivāhitānāṃ satataṃ vipaścitaḥ kṣaṇaṃ pratīkṣantyapi durbalīyasām | viśeṣato'rīnvyasaneṣu paṇḍito nihatya dharmaṃ ca yaśaśca vindate

बुद्धिमान लोग शत्रुओं के मामले में, चाहे वे अत्यन्त दुर्बल ही क्यों न हों, कभी क्षणभर की भी प्रतीक्षा नहीं करते; और विशेषकर विपत्ति में पड़े शत्रुओं को मारकर विवेकी पुरुष धर्म और यश दोनों पाता है।

श्लोक 66 (8.97.66)

तदेकवीरं तव चाहितं सदा त्वरस्व कर्णं सहसाऽभिमर्दितुम् । पुरा समर्थः समुपैति सूतजो भिन्धि त्वमेनं नमुचिं यथा हरिः ॥

tadekavīraṃ tava cāhitaṃ sadā tvarasva karṇaṃ sahasā'bhimarditum | purā samarthaḥ samupaiti sūtajo bhindhi tvamenaṃ namuciṃ yathā hariḥ

इसलिए तुम्हारे सदा के शत्रु उस अकेले वीर कर्ण को तुरन्त कुचल डालने की शीघ्रता करो, इससे पहले कि सूतपुत्र सँभलकर सामर्थ्य पाकर तुम पर आ पड़े। उसे वैसे ही चीर डालो जैसे हरि ने नमुचि को चीरा था।

श्लोक 67 (8.97.67)

ततस्तदेवेत्यभिपूज्य सत्वरं जनार्दनं कर्णमविध्यदर्जुनः । शरोत्तमैः सर्वकुरुत्तमस्त्वरंस्तथा यथा शम्बरहा पुरा बलिम् ॥

tatastadevetyabhipūjya satvaraṃ janārdanaṃ karṇamavidhyadarjunaḥ | śarottamaiḥ sarvakuruttamastvaraṃstathā yathā śambarahā purā balim

तब "ऐसा ही हो" कहकर जनार्दन की बात का अभिनन्दन करते हुए, सब कुरुओं में श्रेष्ठ अर्जुन ने शीघ्रता से अपने उत्तम बाणों से कर्ण को वैसे ही बींधा, जैसे शम्बर का वध करने वाले ने पूर्वकाल में बलि को बींधा था।

श्लोक 68 (8.97.68)

साश्चं तु कर्णं सरथं किरीटी समाचिनोद्भारत वत्सदन्तैः । प्रच्छादयामास दिशश्च बाणैः सर्वप्रयत्नात्तपनीयपुङ्खैः ॥

sāścaṃ tu karṇaṃ sarathaṃ kirīṭī samācinodbhārata vatsadantaiḥ | pracchādayāmāsa diśaśca bāṇaiḥ sarvaprayatnāttapanīyapuṅkhaiḥ

हे भारत, किरीटी ने घोड़ों और रथ सहित कर्ण को वत्सदन्त बाणों से ढक दिया और पूरे प्रयत्न से सोने के पंखों वाले बाणों से दिशाओं को भी छा दिया।

श्लोक 69 (8.97.69)

स वत्सदन्तैः पृथुपीनवक्षाः समाचितः सोऽधिरथिर्विभाति । सुपुष्पिताशोकपलाशशाल्मलिर्यथाऽचलश्चन्दनकाननायुतः ॥

sa vatsadantaiḥ pṛthupīnavakṣāḥ samācitaḥ so'dhirathirvibhāti | supuṣpitāśokapalāśaśālmaliryathā'calaścandanakānanāyutaḥ

वत्सदन्त बाणों से बिंधा, चौड़ी और भरी छाती वाला वह अधिरथ-पुत्र चन्दन के वनों से घिरे उस पर्वत के समान शोभित हुआ, जिस पर अशोक, पलाश और शाल्मली के वृक्ष खूब फूले हों।

श्लोक 70 (8.97.70)

शरैः शरीरे बहुभिः समर्पितैर्विभाति कर्णः समरे विशांपते । महीरुहैराचितसानुकन्दरो यथा गिरीन्द्रः स्फुटकर्णिकारवान् ॥

śaraiḥ śarīre bahubhiḥ samarpitairvibhāti karṇaḥ samare viśāṃpate | mahīruhairācitasānukandaro yathā girīndraḥ sphuṭakarṇikāravān

हे राजन्, शरीर में गड़े हुए अनेक बाणों से कर्ण युद्ध में उस गिरिराज के समान शोभित हुआ, जिसकी ढलानें और कन्दराएँ वृक्षों से ढकी हों और जिस पर कर्णिकार खिले हों।

श्लोक 71 (8.97.71)

स बाणसङ्घान्बहुधा व्यवासृजन् विभाति कर्णः शरजालरश्मिवान् । सलोहितो रक्तगभस्तिमण्डलो दिवाकरोऽस्ताभिमुखो यथा तथा ॥

sa bāṇasaṅghānbahudhā vyavāsṛjan vibhāti karṇaḥ śarajālaraśmivān | salohito raktagabhastimaṇḍalo divākaro'stābhimukho yathā tathā

अनेक प्रकार से बाणों के समूह छोड़ता हुआ, रक्त से लाल, बाणों के जाल को ही अपनी किरणें बनाए हुए कर्ण अस्ताचल की ओर ढलते सूर्य के समान शोभित हुआ, जिसका किरण-मण्डल लाल हो गया हो।

श्लोक 72 (8.97.72)

बाह्वन्तरादाधिरथेर्विमुक्तान् बाणान्महाहीनिव दीप्यमानान् । व्यध्वंसयन्नर्जुनवाहुमुक्ताः शराः समासाद्य दिशः शिताग्राः ॥

bāhvantarādādhirathervimuktān bāṇānmahāhīniva dīpyamānān | vyadhvaṃsayannarjunavāhumuktāḥ śarāḥ samāsādya diśaḥ śitāgrāḥ

अर्जुन की भुजाओं से छूटे तीखी नोक वाले बाणों ने दिशाओं में पहुँचकर अधिरथ-पुत्र की भुजाओं के बीच से छूटे, महासर्पों की तरह जलते हुए बाणों को नष्ट कर डाला।

श्लोक 73 (8.97.73)

ततः स कर्णः समवाप्य धैर्यं बाणान्विमुञ्चन्कुपिताहिकल्पान् । विव्याध पार्थं दशभिः पृषत्कैः कृष्णं च षड्भिः कुपिताहिकल्पैः ॥

tataḥ sa karṇaḥ samavāpya dhairyaṃ bāṇānvimuñcankupitāhikalpān | vivyādha pārthaṃ daśabhiḥ pṛṣatkaiḥ kṛṣṇaṃ ca ṣaḍbhiḥ kupitāhikalpaiḥ

तब धैर्य पाकर कर्ण ने क्रुद्ध सर्पों जैसे बाण छोड़ते हुए पार्थ को दस बाणों से और कृष्ण को छह, वैसे ही कुपित सर्पों-जैसे बाणों से बींध दिया।

श्लोक 74 (8.97.74)

ततः किरीटी भृशमुग्रनिःस्वनं महाशरं सर्पविषानलोपमम् । अयस्मयं रौद्रमहास्त्रसंभृतं महाहवे क्षेप्तुमना महामतिः ॥

tataḥ kirīṭī bhṛśamugraniḥsvanaṃ mahāśaraṃ sarpaviṣānalopamam | ayasmayaṃ raudramahāstrasaṃbhṛtaṃ mahāhave kṣeptumanā mahāmatiḥ

तब महामति किरीटी उस महायुद्ध में एक बड़ा लौह-बाण छोड़ने को उद्यत हुआ, जो अत्यन्त भयंकर ध्वनि करने वाला, सर्प-विष और अग्नि के समान था और जिसमें भयंकर महास्त्र का आवाहन किया गया था।

श्लोक 75 (8.97.75)

कालो ह्यदृश्यो नृप विप्रशापान्निदर्शयन्कर्णवधं ब्रुवाणः । भूमिस्तु चक्रं ग्रसतीत्यवोचत्कर्णस्य तस्मिन्वधकाल आगते ॥

kālo hyadṛśyo nṛpa vipraśāpānnidarśayankarṇavadhaṃ bruvāṇaḥ | bhūmistu cakraṃ grasatītyavocatkarṇasya tasminvadhakāla āgate

हे राजन्, ब्राह्मण के शाप से अदृश्य काल ने कर्ण के वध को सूचित करते हुए कहा, "पृथ्वी चक्र को निगल रही है"—जब कर्ण के वध का वह समय आ पहुँचा।

श्लोक 76 (8.97.76)

न चास्य घोरं प्रतिभाति चास्त्रं यद्भार्गवोऽस्मै प्रददौ महात्मा । चक्रं च वामं ग्रसते भूमिरस्य प्राप्ते तस्मिन्वधकाले नृवीर ॥

na cāsya ghoraṃ pratibhāti cāstraṃ yadbhārgavo'smai pradadau mahātmā | cakraṃ ca vāmaṃ grasate bhūmirasya prāpte tasminvadhakāle nṛvīra

जो भयंकर अस्त्र महात्मा भार्गव ने उसे दिया था, वह उसे सूझ नहीं रहा था, और उसके वध का वह समय आने पर, हे नरवीर, पृथ्वी उसके बायें पहिये को निगल रही थी।

श्लोक 77 (8.97.77)

ततो रथो घूर्णितवान्नरेन्द्र शापात्तदा ब्राह्मणसत्तमस्य । प्राप्तं वधं शंसति चाप्यथास्त्रं प्रणश्यमानं द्विजमुख्यशापात् ॥

tato ratho ghūrṇitavānnarendra śāpāttadā brāhmaṇasattamasya | prāptaṃ vadhaṃ śaṃsati cāpyathāstraṃ praṇaśyamānaṃ dvijamukhyaśāpāt

तब, हे नरेन्द्र, उस श्रेष्ठ ब्राह्मण के शाप से रथ डगमगाने लगा, और द्विजश्रेष्ठ के शाप से लुप्त होता हुआ अस्त्र मानो उसके वध के आ पहुँचने की सूचना दे रहा था।

श्लोक 78 (8.97.78)

ततश्चक्रमपतत्तस्य भूमौ स विह्वलः समरे सूतपुत्रः । सवेदिकश्चैत्य इवातिमात्रः सुपुष्पितो भूमितले निमग्नः ॥

tataścakramapatattasya bhūmau sa vihvalaḥ samare sūtaputraḥ | savedikaścaitya ivātimātraḥ supuṣpito bhūmitale nimagnaḥ

तब उसका पहिया धरती में गिर गया और सूतपुत्र युद्ध में घबरा उठा; धरती में धँसा हुआ वह फूलों से लदे, वेदी सहित किसी चैत्य (पूजा-स्थल) के समान लग रहा था।

श्लोक 79 (8.97.79)

मग्ने रथे ब्राह्मणशापमूढो ह्यस्त्रं च तं मोघमिषुं च सर्पम् । अमृष्यमाणो व्यसनानि तानि हस्तौ विधुन्वन्विजगर्ह धर्मम् ॥

magne rathe brāhmaṇaśāpamūḍho hyastraṃ ca taṃ moghamiṣuṃ ca sarpam | amṛṣyamāṇo vyasanāni tāni hastau vidhunvanvijagarha dharmam

रथ के धँस जाने पर, ब्राह्मण के शाप से मूढ़ हुए, अस्त्र के नष्ट हो जाने और सर्प-बाण के व्यर्थ चले जाने पर, उन विपत्तियों को न सह सकने से उसने हाथ झटकते हुए धर्म की निन्दा की।

श्लोक 80 (8.97.80)

धर्मप्रधानं किल पाति धर्म इत्यब्रुवन्धर्मविदः सदैव । वयं च धर्मे प्रयताम नित्यं चर्तुं यथाशक्ति यथाश्रुतं च । स चापि निघ्नाति न पाति भक्तान् मन्ये न नित्यं परिपाति धर्मः ॥

dharmapradhānaṃ kila pāti dharma ityabruvandharmavidaḥ sadaiva | vayaṃ ca dharme prayatāma nityaṃ cartuṃ yathāśakti yathāśrutaṃ ca | sa cāpi nighnāti na pāti bhaktān manye na nityaṃ paripāti dharmaḥ

"धर्म को जानने वाले सदा यही कहते आए हैं कि जिसके लिए धर्म सबसे ऊपर है, उसकी रक्षा धर्म करता है। हम भी सदा अपनी शक्ति और सुने हुए के अनुसार धर्म का आचरण करने का प्रयत्न करते हैं। फिर भी वह अपने भक्तों को मारता है, उनकी रक्षा नहीं करता; मैं मानता हूँ कि धर्म सदा रक्षा नहीं करता।"

श्लोक 81 (8.97.81)

एवं ब्रुवन्प्रस्खलिताश्वसूतो विचाल्यमानोऽर्जुनबाणपातैः । मर्माभिघाताच्छिथिलः क्रियासु पुनः पुनर्धर्ममसौ जगर्ह ॥

evaṃ bruvanpraskhalitāśvasūto vicālyamāno'rjunabāṇapātaiḥ | marmābhighātācchithilaḥ kriyāsu punaḥ punardharmamasau jagarha

ऐसा कहते हुए, जिसके घोड़े और सारथि लड़खड़ा रहे थे, जो अर्जुन के बाणों की मार से डगमगा रहा था और मर्मस्थलों पर चोट के कारण कर्मों में शिथिल हो गया था, उसने बार-बार धर्म की निन्दा की।

श्लोक 82 (8.97.82)

ततः शरैर्भीमतरैरविध्यत्त्रिभिराहवे । हस्ते कृष्णं तथा पार्थमभ्यविध्यच्च सप्तभिः ॥

tataḥ śarairbhīmatarairavidhyattribhirāhave | haste kṛṣṇaṃ tathā pārthamabhyavidhyacca saptabhiḥ

फिर युद्ध में उसने तीन अत्यन्त भयंकर बाणों से कृष्ण के हाथ में चोट की और सात बाणों से पार्थ को भी बींध दिया।

श्लोक 83 (8.97.83)

ततोऽर्जुनः सप्तदश तिग्मवेगानजिह्मगान् । इन्द्राशनिसमान्घोरानसृजत्पावकोपमान् ॥

tato'rjunaḥ saptadaśa tigmavegānajihmagān | indrāśanisamānghorānasṛjatpāvakopamān

तब अर्जुन ने इन्द्र के वज्र और अग्नि के समान भयंकर, तीव्र वेग वाले, सीधे जाने वाले सत्रह बाण छोड़े।

श्लोक 84 (8.97.84)

निर्भिद्य ते भीमवेगा ह्यपतन्पृथिवीतले । कम्पितात्मा ततः कर्णः शक्त्या चेष्टामदर्शयत् ॥

nirbhidya te bhīmavegā hyapatanpṛthivītale | kampitātmā tataḥ karṇaḥ śaktyā ceṣṭāmadarśayat

उसे भेदकर वे भयंकर वेग वाले बाण धरती पर जा गिरे; तब काँपते हुए कर्ण ने फिर भी अपनी शक्ति भर प्रयास दिखाया।

श्लोक 85 (8.97.85)

बलेनाथ स संस्तभ्य ब्रह्मास्त्रं समुदैरयत् । ऐन्द्रं ततोऽर्जुनश्चापि तं दृष्ट्वाऽभ्युपमन्त्रयत् ॥

balenātha sa saṃstabhya brahmāstraṃ samudairayat | aindraṃ tato'rjunaścāpi taṃ dṛṣṭvā'bhyupamantrayat

तब उसने बलपूर्वक अपने को सँभालकर ब्रह्मास्त्र का प्रयोग किया; और उसे देखकर अर्जुन ने भी ऐन्द्र अस्त्र का आवाहन किया।

श्लोक 86 (8.97.86)

गाण्डीवं ज्यां च बाणांश्च सोऽनुमन्त्र्य परंतपः । व्यसृजच्छरवर्षाणि वर्षाणीव पुरंदरः ॥

gāṇḍīvaṃ jyāṃ ca bāṇāṃśca so'numantrya paraṃtapaḥ | vyasṛjaccharavarṣāṇi varṣāṇīva puraṃdaraḥ

गाण्डीव, उसकी प्रत्यंचा और बाणों को मन्त्र से अभिमन्त्रित करके उस परंतप ने पुरन्दर की वर्षा के समान बाणों की वर्षा छोड़ दी।

श्लोक 87 (8.97.87)

ततस्तेजोमया वाणा रथात्पार्थस्य निःसृताः । प्रादुरासन्महावीर्याः कर्णस्य रथमन्तिकात् । स कर्णोऽग्रसदस्यास्त्रं कुर्वन्मोक्षं महारथः ॥

tatastejomayā vāṇā rathātpārthasya niḥsṛtāḥ | prādurāsanmahāvīryāḥ karṇasya rathamantikāt | sa karṇo'grasadasyāstraṃ kurvanmokṣaṃ mahārathaḥ

तब पार्थ के रथ से तेजोमय बाण निकले और कर्ण के रथ के पास महान पराक्रम के साथ प्रकट हुए; और महारथी कर्ण ने अपना अस्त्र छोड़ते हुए उनके अस्त्र को निगल लिया।

श्लोक 88 (8.97.88)

ततोऽब्रवीद्वृष्णिवीरस्तस्मिन्नस्त्रे विनाशिते । विसृजास्त्रं परं पार्थ राधेयो ग्रसते शरान् ॥

tato'bravīdvṛṣṇivīrastasminnastre vināśite | visṛjāstraṃ paraṃ pārtha rādheyo grasate śarān

तब उस अस्त्र के नष्ट हो जाने पर वृष्णिवीर ने कहा, "पार्थ, कोई और श्रेष्ठ अस्त्र छोड़ो; राधेय तुम्हारे बाणों को निगल रहा है।"

श्लोक 89 (8.97.89)

ततो ब्रह्मास्त्रमत्युग्रं संमन्त्र्य समयोजयत् । छादयित्वा ततो बाणैः कर्णं प्रत्यस्यदर्जुनः ॥

tato brahmāstramatyugraṃ saṃmantrya samayojayat | chādayitvā tato bāṇaiḥ karṇaṃ pratyasyadarjunaḥ

तब अर्जुन ने अत्यन्त उग्र ब्रह्मास्त्र का आवाहन करके उसे धनुष पर चढ़ाया और बाणों से कर्ण को ढककर उस पर प्रत्युत्तर में बाण छोड़े।

श्लोक 90 (8.97.90)

द्वितीयां च तृतीयां च चतुर्थीं पञ्चमीं तथा । षष्ठीमथास्य चिच्छेद सप्तमीं च तथाऽष्टमीम् । नवमीं दशमीं चास्य तथा चैकादशीं वृषः ॥

dvitīyāṃ ca tṛtīyāṃ ca caturthīṃ pañcamīṃ tathā | ṣaṣṭhīmathāsya ciccheda saptamīṃ ca tathā'ṣṭamīm | navamīṃ daśamīṃ cāsya tathā caikādaśīṃ vṛṣaḥ

वृष ने अर्जुन की दूसरी, तीसरी, चौथी और पाँचवीं प्रत्यंचा काट डाली, फिर छठी, सातवीं और आठवीं, और नौवीं, दसवीं तथा ग्यारहवीं भी।

श्लोक 91 (8.97.91)

ज्याशतं शतसंधानः स कर्णो नावबुध्यते ॥

jyāśataṃ śatasaṃdhānaḥ sa karṇo nāvabudhyate

सौ बाण एक साथ साधने वाला वह कर्ण सौ प्रत्यंचाओं को पहचान नहीं पाया।

श्लोक 92 (8.97.92)

ततो ज्यां विनिधायान्यामभिमन्त्र्य च पाण्डवः । शरैरवाकिरत्कर्णं दीप्यमानैरिवाहिभिः ॥

tato jyāṃ vinidhāyānyāmabhimantrya ca pāṇḍavaḥ | śarairavākiratkarṇaṃ dīpyamānairivāhibhiḥ

तब पाण्डव ने दूसरी प्रत्यंचा चढ़ाकर उसे अभिमन्त्रित किया और सर्पों की तरह जलते हुए बाणों से कर्ण को ढक दिया।

श्लोक 93 (8.97.93)

तस्य ज्याच्छेदनं कर्णो ज्यावधानं च संयुगे । नान्वबुध्यत शीघ्रत्वात्तदद्भुतमिवाभवत् ॥

tasya jyācchedanaṃ karṇo jyāvadhānaṃ ca saṃyuge | nānvabudhyata śīghratvāttadadbhutamivābhavat

युद्ध में कर्ण को अर्जुन की प्रत्यंचा के कटने और नई प्रत्यंचा चढ़ाए जाने का वेग के कारण पता ही न चला; वह बड़ी अद्भुत बात लगी।

श्लोक 94 (8.97.94)

अस्त्रैरस्त्राणि संवार्य प्रनिघ्नन्सव्यसाचिनः । चक्रे चाप्यधिकं पार्थात्स्ववीर्यमतिदर्शयन् ॥

astrairastrāṇi saṃvārya pranighnansavyasācinaḥ | cakre cāpyadhikaṃ pārthātsvavīryamatidarśayan

सव्यसाची के अस्त्रों को अपने अस्त्रों से रोककर नष्ट करता हुआ उसने अपना पराक्रम इतना दिखाया कि वह पार्थ के पराक्रम से भी बढ़ गया।

श्लोक 95 (8.97.95)

ततः कर्णोऽर्जुनं दृष्ट्वा स्वस्यास्त्रेण च पीडितम् । अभ्यसेत्यब्रवीत्पार्थमातिष्ठास्त्रं व्रजेति च ॥

tataḥ karṇo'rjunaṃ dṛṣṭvā svasyāstreṇa ca pīḍitam | abhyasetyabravītpārthamātiṣṭhāstraṃ vrajeti ca

तब कर्ण ने अर्जुन को अपने अस्त्र से पीड़ित देखकर पार्थ से कहा, "चलाओ! अस्त्र का सहारा लो और आगे बढ़ो!"

श्लोक 96 (8.97.96)

ततोऽग्निसदृशं घोरं शरं सर्पविषोपमम् । अश्मसारमयं दिव्यमभिमन्त्र्य परंतपः । रौद्रमस्त्रं समाधाय क्षेप्तुकामः किरीटिने ॥

tato'gnisadṛśaṃ ghoraṃ śaraṃ sarpaviṣopamam | aśmasāramayaṃ divyamabhimantrya paraṃtapaḥ | raudramastraṃ samādhāya kṣeptukāmaḥ kirīṭine

तब उस परंतप ने अग्नि के समान तेजस्वी, सर्प-विष जैसे, कठोर लोहे के बने भयंकर दिव्य बाण को अभिमन्त्रित करके उस पर रौद्र अस्त्र चढ़ाया, और किरीटी पर छोड़ने की इच्छा की।

श्लोक 97 (8.97.97)

ततोऽग्रसन्मही चक्रं राधेयस्य तदा नृप ॥

tato'grasanmahī cakraṃ rādheyasya tadā nṛpa

तब, हे राजन्, पृथ्वी ने राधेय के पहिये को निगल लिया।

श्लोक 98 (8.97.98)

ततोऽवतीर्य राधेयो रथादाशु समुद्यतः । चक्रं भुजाभ्यामालम्ब्य समुत्क्षेप्तुमियेष सः ॥

tato'vatīrya rādheyo rathādāśu samudyataḥ | cakraṃ bhujābhyāmālambya samutkṣeptumiyeṣa saḥ

तब राधेय तुरन्त रथ से उतरा और दोनों भुजाओं से पहिये को पकड़कर उसे उठाने का प्रयास करने लगा।

श्लोक 99 (8.97.99)

सप्तद्वीपा वसुमती सशैलवनकानना । गीर्णचक्रा समुत्क्षिप्ता कर्णेन चतुरङ्गुलम् ॥

saptadvīpā vasumatī saśailavanakānanā | gīrṇacakrā samutkṣiptā karṇena caturaṅgulam

सात द्वीपों, पर्वतों, वनों और उपवनों सहित जिस पृथ्वी ने पहिये को निगल लिया था, उसे कर्ण ने चार अँगुल ऊपर उठा दिया।

श्लोक 100 (8.97.100)

ग्रस्तचक्रस्तु राधेयः क्रोधादश्रूण्यवर्तयत् । अर्जुनं वीक्ष्य संरब्धमिदं वचनमब्रवीत् ॥

grastacakrastu rādheyaḥ krodhādaśrūṇyavartayat | arjunaṃ vīkṣya saṃrabdhamidaṃ vacanamabravīt

पर पहिया फँस जाने से राधेय क्रोध के कारण आँसू बहाने लगा; और क्रुद्ध अर्जुन की ओर देखकर उसने ये वचन कहे।

श्लोक 101 (8.97.101)

भोभो पार्थ महेष्वास मुहूर्तं परिपालय । यावच्चक्रमिदं ग्रस्तमुद्धरामि महीतलात् ॥

bhobho pārtha maheṣvāsa muhūrtaṃ paripālaya | yāvaccakramidaṃ grastamuddharāmi mahītalāt

"अरे पार्थ, महान धनुर्धर, ज़रा क्षणभर रुको, जब तक मैं धरती में फँसे इस पहिये को निकाल लूँ।"

श्लोक 102 (8.97.102)

सव्यं चक्रं महीग्रस्तं दृष्ट्वा दैवादिदं मम । पार्थ कापुरुषाचीर्णमभिसन्धिं विसर्जय ॥

savyaṃ cakraṃ mahīgrastaṃ dṛṣṭvā daivādidaṃ mama | pārtha kāpuruṣācīrṇamabhisandhiṃ visarjaya

"पार्थ, दैववश पृथ्वी में धँसे हुए मेरे इस बायें पहिये को देखकर, कायरों द्वारा अपनाई जाने वाली इस नीयत को छोड़ दो।"

श्लोक 103 (8.97.103)

न त्वं कापुरुषाचीर्णं मार्गमास्थातुमर्हसि । ख्यातस्त्वमसि कौन्तेय विशिष्टो रणकर्मसु । विशिष्टतरमेव त्वं कर्तुमर्हसि पाण्डव ॥

na tvaṃ kāpuruṣācīrṇaṃ mārgamāsthātumarhasi | khyātastvamasi kaunteya viśiṣṭo raṇakarmasu | viśiṣṭatarameva tvaṃ kartumarhasi pāṇḍava

"तुम्हें कायरों के चले मार्ग पर नहीं चलना चाहिए। हे कुन्तीपुत्र, तुम युद्ध-कर्मों में श्रेष्ठ के रूप में प्रसिद्ध हो; हे पाण्डव, तुम्हें उससे भी बढ़कर श्रेष्ठ कर्म करना चाहिए।"

श्लोक 104 (8.97.104)

प्रकीर्णकेशे विमुखे ब्राह्मणेऽथ कृताञ्जलौ । शरणागते न्यस्तशस्त्रे याचमाने तथाऽर्जुन ॥

prakīrṇakeśe vimukhe brāhmaṇe'tha kṛtāñjalau | śaraṇāgate nyastaśastre yācamāne tathā'rjuna

"जिसके केश बिखरे हों, जो मुँह फेर चुका हो, जो ब्राह्मण हो, हाथ जोड़े खड़ा हो, शरण में आया हो, जिसने शस्त्र रख दिए हों, या जो याचना कर रहा हो, हे अर्जुन—"

श्लोक 105 (8.97.105)

अबाणे भ्रष्टकवचे भ्रष्टभग्नायुधे तथा । न विमुञ्चन्ति शस्त्राणि शूराः साधुव्रते स्थिताः ॥

abāṇe bhraṣṭakavace bhraṣṭabhagnāyudhe tathā | na vimuñcanti śastrāṇi śūrāḥ sādhuvrate sthitāḥ

"या जिसके पास बाण न हों, कवच गिर गया हो, या शस्त्र गिर-टूट गए हों—ऐसे पर साधुव्रत में स्थित शूरवीर शस्त्र नहीं चलाते।"

श्लोक 106 (8.97.106)

त्वं च शूरतमो लोके साधुवृत्तश्च पाण्डव । अभिज्ञो युद्धधर्माणां तस्मात्क्षममुहूर्तकम् ॥

tvaṃ ca śūratamo loke sādhuvṛttaśca pāṇḍava | abhijño yuddhadharmāṇāṃ tasmātkṣamamuhūrtakam

"और हे पाण्डव, तुम लोक में सबसे बड़े शूर हो, सदाचारी हो और युद्ध के धर्मों के ज्ञाता हो; इसलिए क्षणभर की क्षमा करो।"

श्लोक 107 (8.97.107)

दिव्यास्त्रविदमेयात्मा कार्तवीर्यसमो युधि । यावच्चक्रमिदं ग्रस्तमुद्धरामि महाभुज ॥

divyāstravidameyātmā kārtavīryasamo yudhi | yāvaccakramidaṃ grastamuddharāmi mahābhuja

"हे दिव्यास्त्रों के ज्ञाता, अपरिमित आत्मबल वाले, युद्ध में कार्तवीर्य के समान महाबाहु, जब तक मैं धरती में फँसे इस पहिये को निकाल लूँ, तब तक रुको।"

श्लोक 108 (8.97.108)

न मां रथस्थो भूमिष्ठं विकलं हन्तुमर्हसि । न वासुदेवात्त्वत्तो वा पाण्डवेय बिभेम्यहम् ॥

na māṃ rathastho bhūmiṣṭhaṃ vikalaṃ hantumarhasi | na vāsudevāttvatto vā pāṇḍaveya bibhemyaham

"रथ पर खड़े होकर तुम्हें धरती पर खड़े, असहाय मुझ को मारना उचित नहीं। हे पाण्डुपुत्र, मैं न वासुदेव से डरता हूँ, न तुमसे।"

श्लोक 109 (8.97.109)

त्वं हि क्षत्रियदायादो महाकुलविवर्धनः । अतस्त्वां प्रब्रवीम्येष मुहूर्तं क्षम पाण्डव ॥

tvaṃ hi kṣatriyadāyādo mahākulavivardhanaḥ | atastvāṃ prabravīmyeṣa muhūrtaṃ kṣama pāṇḍava

"तुम क्षत्रिय-धर्म के उत्तराधिकारी हो और महान कुल को बढ़ाने वाले हो; इसीलिए मैं तुमसे कहता हूँ कि हे पाण्डव, क्षणभर क्षमा करो।"