कर्ण के पतन के बाद शल्य दुर्योधन को रणभूमि दिखाते हैं

श्लोक 1 (8.99.1)

शल्यस्तु कर्णार्जुनयोर्विमर्दे । बलानि दृष्ट्वा मृदितानि बाणैः । दुर्योधनं यान्तमवेक्षमाणो । संदर्शयद्भारत युद्धभूमिम् ॥

śalyastu karṇārjunayorvimarde | balāni dṛṣṭvā mṛditāni bāṇaiḥ | duryodhanaṃ yāntamavekṣamāṇo | saṃdarśayadbhārata yuddhabhūmim

कर्ण और अर्जुन के उस भीषण संघर्ष में बाणों से कुचली गई सेनाओं को देखकर और जाते हुए दुर्योधन की ओर दृष्टि डालकर शल्य ने, हे भारत, उसे रणभूमि दिखाई।

श्लोक 2 (8.99.2)

निपातितस्यन्दनवाजिनागं । दृष्ट्वा बलं तद्धतसूतपुत्रम् । दुर्योधनोऽश्रुप्रतिपूर्णनेत्रो । मुहुर्मुहुर्न्यश्वसदार्तरूपः ॥

nipātitasyandanavājināgaṃ | dṛṣṭvā balaṃ taddhatasūtaputram | duryodhano'śrupratipūrṇanetro | muhurmuhurnyaśvasadārtarūpaḥ

रथ, घोड़े और हाथी गिरे हुए तथा सूतपुत्र मारा गया, इस दशा में उस सेना को देखकर दुर्योधन की आँखें आँसुओं से भर आईं और वह पीड़ा से बार-बार आहें भरने लगा।

श्लोक 3 (8.99.3)

कर्णं तु शूरं पतितं पृथिव्यां । शराचितं शोणितदिग्धगात्रम् । यदृच्छया सूर्यमिवावनिस्थं । दिदृक्षवः संपरिवार्य तस्थुः ॥

karṇaṃ tu śūraṃ patitaṃ pṛthivyāṃ | śarācitaṃ śoṇitadigdhagātram | yadṛcchayā sūryamivāvanisthaṃ | didṛkṣavaḥ saṃparivārya tasthuḥ

वीर कर्ण पृथ्वी पर पड़ा था, बाणों से बिंधा हुआ और रक्त से सने अंगों वाला, मानो संयोग से सूर्य ही धरती पर आ टिका हो; उसे देखने के इच्छुक लोग चारों ओर से घेरकर खड़े थे।

श्लोक 4 (8.99.4)

प्रहृष्टवित्रस्तविषण्णविस्मृता- । स्तथापरे शोकगता इवाभवन् । परे त्वदीयाश्च परस्परेण । यथा यथैषां प्रकृतिस्तथाभवन् ॥

prahṛṣṭavitrastaviṣaṇṇavismṛtā- | stathāpare śokagatā ivābhavan | pare tvadīyāśca paraspareṇa | yathā yathaiṣāṃ prakṛtistathābhavan

कोई हर्षित था, कोई भयभीत, कोई उदास और कोई किंकर्तव्यविमूढ़, और कुछ मानो शोक में डूबे थे; शत्रु और आपके अपने लोग, दोनों ही, अपने-अपने स्वभाव के अनुसार व्यवहार कर रहे थे।

श्लोक 5 (8.99.5)

प्रविद्धवर्माभरणाम्बरायुधं । धनंजयेनाभिहतं हतौजसम् । निशम्य कर्णं कुरवः प्रदुद्रुवु- । र्हतर्षभा गाव इवाकुलाकुलाः ॥

praviddhavarmābharaṇāmbarāyudhaṃ | dhanaṃjayenābhihataṃ hataujasam | niśamya karṇaṃ kuravaḥ pradudruvu- | rhatarṣabhā gāva ivākulākulāḥ

कवच, आभूषण, वस्त्र और शस्त्र बिखरे हुए तथा तेज खो चुके कर्ण को धनंजय के हाथों मारा गया देखकर कौरव ऐसे भाग चले जैसे साँड के मारे जाने पर घबराई हुई गायें।

श्लोक 6 (8.99.6)

कृत्वा विमर्दं भृशमर्जुनेन । कर्णं हतं केसरिणेव नागम् । दृष्ट्वा शयानं भुवि मद्रराजो । भीतोऽपसर्पत्सरथः सुशीघ्रम् ॥

kṛtvā vimardaṃ bhṛśamarjunena | karṇaṃ hataṃ kesariṇeva nāgam | dṛṣṭvā śayānaṃ bhuvi madrarājo | bhīto'pasarpatsarathaḥ suśīghram

जिसे अर्जुन ने युद्ध में भली-भाँति कुचलकर वैसे ही मार गिराया था जैसे सिंह हाथी को, उस कर्ण को भूमि पर पड़ा देखकर मद्रराज भयभीत हो अपने रथ के साथ शीघ्र ही पीछे हट गया।

श्लोक 7 (8.99.7)

मद्राधिपश्चापि विमूढचेता- । स्तूर्णं रथेनापहृतध्वजेन । दुर्योधनस्यान्तिकमेत्य शीघ्रं । संभाष्य दुःखार्तमुवाच वाक्यम् ॥

madrādhipaścāpi vimūḍhacetā- | stūrṇaṃ rathenāpahṛtadhvajena | duryodhanasyāntikametya śīghraṃ | saṃbhāṣya duḥkhārtamuvāca vākyam

मद्रराज भी, जिसका चित्त घबरा गया था, ध्वजा गिर चुके अपने रथ में तेजी से दुर्योधन के पास पहुँचा और शोक से पीड़ित उससे बात करके यह वचन बोला।

श्लोक 8 (8.99.8)

विशीर्णनागाश्वरथप्रवीरं । बलं त्वदीयं यमराष्ट्रकल्पम् । अन्योन्यमासाद्य हतं महद्भि- । र्नराश्वनागैर्गिरिकूटकल्पैः ॥

viśīrṇanāgāśvarathapravīraṃ | balaṃ tvadīyaṃ yamarāṣṭrakalpam | anyonyamāsādya hataṃ mahadbhi- | rnarāśvanāgairgirikūṭakalpaiḥ

आपकी सेना, जिसके हाथी, घोड़े, रथ और प्रमुख वीर बिखर गए हैं, यमलोक के समान हो गई है; पर्वत-शिखरों जैसे विशाल मनुष्य, घोड़े और हाथी एक-दूसरे से टकराकर मरे पड़े हैं।

श्लोक 9 (8.99.9)

नैतादृशं भारत युद्धमासी- । द्यथाद्य कर्णार्जुनयोर्बभूव । ग्रस्तौ हि कर्णेन समेत्य कृष्णा- । वन्ये च सर्वे तव शत्रवो ये ॥

naitādṛśaṃ bhārata yuddhamāsī- | dyathādya karṇārjunayorbabhūva | grastau hi karṇena sametya kṛṣṇā- | vanye ca sarve tava śatravo ye

हे भारत, आज कर्ण और अर्जुन के बीच जैसा युद्ध हुआ, वैसा पहले कभी नहीं हुआ; क्योंकि उस भिड़ंत में कर्ण ने दोनों कृष्णों को और आपके अन्य सब शत्रुओं को भी अपनी पकड़ में ले लिया था।

श्लोक 10 (8.99.10)

दैवं तु यत्तत्स्ववशं प्रवृत्तं । तत्पाण्डवान्पाति हिनस्ति चास्मान् । तवार्थसिद्ध्यर्थकरा हि सर्वे । प्रसह्य वीरा निहता द्विषद्भिः ॥

daivaṃ tu yattatsvavaśaṃ pravṛttaṃ | tatpāṇḍavānpāti hinasti cāsmān | tavārthasiddhyarthakarā hi sarve | prasahya vīrā nihatā dviṣadbhiḥ

पर वह दैव, जो अपनी ही इच्छा से चलता है, पाण्डवों की रक्षा करता है और हमारा नाश करता है; आपका प्रयोजन सिद्ध करने में लगे सभी वीर शत्रुओं के हाथों बलपूर्वक मारे गए हैं।

श्लोक 11 (8.99.11)

कुबेरवैवस्वतवासवानां । तुल्यप्रभावाम्बुपतेश्च वीराः । वीर्येण शौर्येण बलेन चैव । तैस्तैश्च युक्ता विपुलैर्गुणौघैः ॥

kuberavaivasvatavāsavānāṃ | tulyaprabhāvāmbupateśca vīrāḥ | vīryeṇa śauryeṇa balena caiva | taistaiśca yuktā vipulairguṇaughaiḥ

कुबेर, वैवस्वत (यम), वासव (इन्द्र) और जल के स्वामी (वरुण) के समान प्रभाव वाले वे वीर, जो पराक्रम, शौर्य और बल में तथा अपने-अपने अनेक विपुल गुणों से सम्पन्न थे,

श्लोक 12 (8.99.12)

अवध्यकल्पा निहता नरेन्द्रा- । स्तवार्थकामा युधि पाण्डवेयैः । तन्मा शुचो भारत दिष्टमेतत् । पर्यायसिद्धिर्न सदास्ति सिद्धिः ॥

avadhyakalpā nihatā narendrā- | stavārthakāmā yudhi pāṇḍaveyaiḥ | tanmā śuco bhārata diṣṭametat | paryāyasiddhirna sadāsti siddhiḥ

जो प्रायः अवध्य थे और आपका हित चाहते थे, वे राजा युद्ध में पाण्डवों के हाथों मारे गए। इसलिए, हे भारत, शोक मत कीजिए; यह नियति है: सफलता बारी-बारी से आती है, सदा एक के पास नहीं रहती।

श्लोक 13 (8.99.13)

एतद्वचो मद्रपतेर्निशम्य । स्वं चापनीतं मनसा निरीक्ष्य । दुर्योधनो दीनमना विसंज्ञः । पुनः पुनर्न्यश्वसदार्तरूपः ॥

etadvaco madrapaterniśamya | svaṃ cāpanītaṃ manasā nirīkṣya | duryodhano dīnamanā visaṃjñaḥ | punaḥ punarnyaśvasadārtarūpaḥ

मद्रराज के ये वचन सुनकर और अपने ही अनुचित आचरण को मन में देखकर दुर्योधन दीन-चित्त और संज्ञाहीन-सा हो बार-बार पीड़ा से आहें भरने लगा।

श्लोक 14 (8.99.14)

तं ध्यानमूकं कृपणं भृशार्तम् । आर्तायनिर्दीनमुवाच वाक्यम् । पश्येदमुग्रं नरवाजिनागै- । रायोधनं वीरहतैः प्रपन्नम् ॥

taṃ dhyānamūkaṃ kṛpaṇaṃ bhṛśārtam | ārtāyanirdīnamuvāca vākyam | paśyedamugraṃ naravājināgai- | rāyodhanaṃ vīrahataiḥ prapannam

चिन्ता में मौन, दीन और अत्यन्त व्यथित उस दुर्योधन से आर्तायनि (शल्य) ने ये करुण वचन कहे: देखिए, वीरों के हाथों मारे गए मनुष्यों, घोड़ों और हाथियों से पटी हुई यह भयानक रणभूमि,

श्लोक 15 (8.99.15)

महीधराभैः पतितैर्महागजैः । सकृत्प्रविद्धैः शरविद्धमर्मभिः । तैर्विह्वलद्भिश्च गतासुभिश्च । प्रध्वस्तयन्त्रायुधवर्मयोधैः ॥

mahīdharābhaiḥ patitairmahāgajaiḥ | sakṛtpraviddhaiḥ śaraviddhamarmabhiḥ | tairvihvaladbhiśca gatāsubhiśca | pradhvastayantrāyudhavarmayodhaiḥ

पर्वतों जैसे विशाल हाथियों से, जो एक ही बार बिंधकर गिरे हैं और जिनके मर्मस्थान बाणों से छिद गए हैं, कुछ तड़पते हुए और कुछ प्राणहीन, तथा उन योद्धाओं से जिनके यन्त्र, शस्त्र और कवच चूर-चूर हो गए हैं,

श्लोक 16 (8.99.16)

वज्रापविद्धैरिव चाचलेन्द्रै- । र्विभिन्नपाषाणमृगद्रुमौषधैः । प्रविद्धघण्टाङ्कुशतोमरध्वजैः । सहेममालै रुधिरौघसंप्लुतैः ॥

vajrāpaviddhairiva cācalendrai- | rvibhinnapāṣāṇamṛgadrumauṣadhaiḥ | praviddhaghaṇṭāṅkuśatomaradhvajaiḥ | sahemamālai rudhiraughasaṃplutaiḥ

वज्र से फेंके गए विशाल पर्वतों जैसे, जिनके पत्थर, पशु, वृक्ष और ओषधियाँ चूर-चूर हो गई हैं; जिनकी घण्टियाँ, अंकुश, तोमर और ध्वजाएँ दूर जा गिरी हैं, जो सुनहरी मालाओं से सजे और रक्त की धाराओं में डूबे हैं,

श्लोक 17 (8.99.17)

शरावभिन्नैः पतितैश्च वाजिभिः । श्वसद्भिरन्यैः क्षतजं वमद्भिः । दीनैः स्तनद्भिः परिवृत्तनेत्रै- । र्महीं दशद्भिः कृपणं नदद्भिः ॥

śarāvabhinnaiḥ patitaiśca vājibhiḥ | śvasadbhiranyaiḥ kṣatajaṃ vamadbhiḥ | dīnaiḥ stanadbhiḥ parivṛttanetrai- | rmahīṃ daśadbhiḥ kṛpaṇaṃ nadadbhiḥ

बाणों से बिंधकर गिरे घोड़ों से भी, जिनमें कुछ हाँफ रहे हैं, कुछ रक्त उगल रहे हैं, कुछ दीन भाव से कराहते, आँखें घुमाते, धरती को दाँतों से काटते और करुण स्वर में पुकारते हैं,

श्लोक 18 (8.99.18)

तथापविद्धैर्गजवाजियोधै- । र्मन्दासुभिश्चैव गतासुभिश्च । नराश्वनागैश्च रथैश्च मर्दितै- । र्मही महावैतरणीव दुर्दृशा ॥

tathāpaviddhairgajavājiyodhai- | rmandāsubhiścaiva gatāsubhiśca | narāśvanāgaiśca rathaiśca marditai- | rmahī mahāvaitaraṇīva durdṛśā

इसी प्रकार गिरे हुए हाथियों, घोड़ों और योद्धाओं से, जिनमें कुछ मन्द साँसों वाले हैं और कुछ प्राणहीन; मनुष्यों, घोड़ों, हाथियों और रथों के कुचले जाने से यह धरती महावैतरणी के समान देखने में कठिन हो गई है।

श्लोक 19 (8.99.19)

गजैर्निकृत्तापरहस्तगात्रै- । रुद्वेपमानैः पतितैः पृथिव्याम् । यशस्विभिर्नागरथाश्वयोधिभिः । पदातिभिश्चाभिमुखैर्हतैः परैः । विशीर्णवर्माभरणाम्बरायुधै- । र्वृता निशान्तैरिव पावकैर्मही ॥

gajairnikṛttāparahastagātrai- | rudvepamānaiḥ patitaiḥ pṛthivyām | yaśasvibhirnāgarathāśvayodhibhiḥ | padātibhiścābhimukhairhataiḥ paraiḥ | viśīrṇavarmābharaṇāmbarāyudhai- | rvṛtā niśāntairiva pāvakairmahī

जिनकी सूँड़ें और अंग कट गए हैं, ऐसे काँपते हुए, भूमि पर गिरे हाथियों से; हाथियों, रथों और घोड़ों पर लड़ने वाले यशस्वी योद्धाओं से, और शत्रु के सामने डटे रहकर मारे गए पैदल सैनिकों से; तथा बिखरे हुए कवच, आभूषण, वस्त्र और शस्त्रों से यह धरती ऐसी ढकी है मानो रात्रि के अन्त की अग्नियों से घिरी हो।

श्लोक 20 (8.99.20)

शरप्रहाराभिहतैर्महाबलै- । रवेक्ष्यमाणैः पतितैः सहस्रशः । प्रनष्टसंज्ञैः पुनरुच्छ्वसद्भि- । र्मही बभूवानुगतैरिवाग्निभिः । दिवश्च्युतैर्भूरतिदीप्तिमद्भि- । र्नक्तं ग्रहैर्द्यौरमलेव दीप्तैः ॥

śaraprahārābhihatairmahābalai- | ravekṣyamāṇaiḥ patitaiḥ sahasraśaḥ | pranaṣṭasaṃjñaiḥ punarucchvasadbhi- | rmahī babhūvānugatairivāgnibhiḥ | divaścyutairbhūratidīptimadbhi- | rnaktaṃ grahairdyauramaleva dīptaiḥ

बाणों के प्रहार से मारे गए महाबली योद्धाओं से, जो हज़ारों की संख्या में पड़े दिखाई देते हैं, कुछ अचेत और कुछ फिर साँस लेते हुए, यह धरती मानो अग्नियों से घिरी हुई है; और स्वर्ग से गिरे हुए इन दीप्तिमान वीरों से वह वैसे ही चमक रही है जैसे रात में निर्मल आकाश चमकते हुए ग्रहों से।

श्लोक 21 (8.99.21)

शरास्तु कर्णार्जुनबाहुमुक्ता । विदार्य नागाश्वमनुष्यदेहान् । प्राणान्निरस्याशु महीमतीयु- । र्महोरगा वासमिवाभितोऽस्त्रैः ॥

śarāstu karṇārjunabāhumuktā | vidārya nāgāśvamanuṣyadehān | prāṇānnirasyāśu mahīmatīyu- | rmahoragā vāsamivābhito'straiḥ

कर्ण और अर्जुन की भुजाओं से छूटे बाण हाथियों, घोड़ों और मनुष्यों के शरीर चीरकर उनके प्राण झट हर लेते और धरती में वैसे ही समा जाते थे जैसे बड़े सर्प अपने बिल में, जबकि चारों ओर अस्त्र बरस रहे थे।

श्लोक 22 (8.99.22)

हतैर्मनुष्याश्वगजैश्च संख्ये । शरावभिन्नैश्च रथैर्बभूव । धनंजयस्याधिरथेश्च मार्गे । गजैरगम्या वसुधातिदुर्गा ॥

hatairmanuṣyāśvagajaiśca saṃkhye | śarāvabhinnaiśca rathairbabhūva | dhanaṃjayasyādhiratheśca mārge | gajairagamyā vasudhātidurgā

युद्ध में मारे गए मनुष्यों, घोड़ों और हाथियों तथा बाणों से टूटे रथों के कारण धनंजय और अधिरथ-पुत्र के मार्ग की भूमि हाथियों के लिए भी अगम्य और अत्यन्त दुर्गम हो गई है।

श्लोक 23 (8.99.23)

रथैर्वरेषून्मथितैश्च योधैः । संस्यूतसूताश्ववरायुधध्वजैः । विशीर्णशस्त्रैर्विनिकृत्तबन्धुरै- । र्निकृत्तचक्राक्षयुगत्रिवेणुभिः ॥

rathairvareṣūnmathitaiśca yodhaiḥ | saṃsyūtasūtāśvavarāyudhadhvajaiḥ | viśīrṇaśastrairvinikṛttabandhurai- | rnikṛttacakrākṣayugatriveṇubhiḥ

चुने हुए बाणों से कुचले गए रथों और योद्धाओं से; आपस में गुँथ गए सारथियों, उत्तम घोड़ों, शस्त्रों और ध्वजाओं से; बिखरे शस्त्रों, कटे हुए रथ-आसनों, और कटे हुए पहियों, धुरियों, जुओं तथा रथ-दण्डों से,

श्लोक 24 (8.99.24)

विमुक्तयन्त्रैर्निहतैरयस्मयै- । र्हतानुषङ्गैर्विनिषङ्गबन्धुरैः । प्रभग्ननीडैर्मणिहेममण्डितैः । स्तृता मही द्यौरिव शारदैर्घनैः ॥

vimuktayantrairnihatairayasmayai- | rhatānuṣaṅgairviniṣaṅgabandhuraiḥ | prabhagnanīḍairmaṇihemamaṇḍitaiḥ | stṛtā mahī dyauriva śāradairghanaiḥ

जिनकी लगामें छूट गई हैं, लोहे के साज टूट गए हैं, सामग्री नष्ट हो गई है, तरकस और आसन उखड़ गए हैं, जिनके ढाँचे बिखर गए हैं, ऐसे मणि और सोने से सजे रथों से यह भूमि वैसे ही पटी हुई है जैसे शरद् ऋतु के बादलों से आकाश।

श्लोक 25 (8.99.25)

विकृष्यमाणैर्जवनैरलंकृतै- । र्हतेश्वरैराजिरथैः सुकल्पितैः । मनुष्यमातङ्गरथाश्वराशिभि- । र्द्रुतं व्रजन्तो बहुधा विचूर्णिताः ॥

vikṛṣyamāṇairjavanairalaṃkṛtai- | rhateśvarairājirathaiḥ sukalpitaiḥ | manuṣyamātaṅgarathāśvarāśibhi- | rdrutaṃ vrajanto bahudhā vicūrṇitāḥ

घसीटे जाते हुए सजे-धजे तेज़ घोड़ों से, स्वामियों के मारे जाने पर भी भली-भाँति सजे युद्ध-रथों से, और मनुष्यों, हाथियों, रथों तथा घोड़ों के ढेरों से, उधर से शीघ्रता से निकलने वाले अनेक प्रकार से कुचल गए।

श्लोक 26 (8.99.26)

सहेमपट्टाः परिघाः परश्वधाः । कडङ्गरायोमुसलानि पट्टिशाः । पेतुश्च खड्गा विमला विकोशा । गदाश्च जाम्बूनदपट्टबद्धाः ॥

sahemapaṭṭāḥ parighāḥ paraśvadhāḥ | kaḍaṅgarāyomusalāni paṭṭiśāḥ | petuśca khaḍgā vimalā vikośā | gadāśca jāmbūnadapaṭṭabaddhāḥ

सोने की पट्टियों वाले परिघ, फरसे, कडंगर, लोहे के मूसल और पट्टिश वहाँ गिरे पड़े थे; साथ ही उजली खुली तलवारें और जाम्बूनद सोने की पट्टियों से बँधी गदाएँ भी।

श्लोक 27 (8.99.27)

चापानि रुक्माङ्गदभूषणानि । शराश्च कार्तस्वरचित्रपुङ्खाः । ऋष्ट्यश्च पीता विमला विकोशाः । प्रासाः सखड्गाः कनकावभासाः ॥

cāpāni rukmāṅgadabhūṣaṇāni | śarāśca kārtasvaracitrapuṅkhāḥ | ṛṣṭyaśca pītā vimalā vikośāḥ | prāsāḥ sakhaḍgāḥ kanakāvabhāsāḥ

सोने के बाजूबन्द जैसे अलंकारों वाले धनुष, सुनहरे रंग-बिरंगे पंखों वाले बाण, पीली, उजली, म्यान से बाहर ऋष्टियाँ और स्वर्ण-सी चमकती तलवारों सहित बर्छियाँ वहाँ बिखरी पड़ी थीं।

श्लोक 28 (8.99.28)

छत्राणि वालव्यजनानि शङ्खाः । स्रजश्च पुष्पोत्तमहेमचित्राः । कुथाः पताकाम्बरवेष्टिताश्च । किरीटमाला मुकुटाश्च शुभ्राः ॥

chatrāṇi vālavyajanāni śaṅkhāḥ | srajaśca puṣpottamahemacitrāḥ | kuthāḥ patākāmbaraveṣṭitāśca | kirīṭamālā mukuṭāśca śubhrāḥ

छत्र, चँवर, शंख, उत्तम पुष्पों और सोने से विचित्र मालाएँ, ध्वजाओं और वस्त्रों में लिपटे हाथियों के झूल, मुकुटों की मालाएँ और चमकते किरीट वहाँ बिखरे पड़े थे।

श्लोक 29 (8.99.29)

प्रकीर्णका विप्रकीर्णाः कुथाश्च । प्रधानमुक्तातरलाश्च हाराः । आपीडकेयूरवराङ्गदानि । ग्रैवेयनिष्काः ससुवर्णसूत्राः ॥

prakīrṇakā viprakīrṇāḥ kuthāśca | pradhānamuktātaralāśca hārāḥ | āpīḍakeyūravarāṅgadāni | graiveyaniṣkāḥ sasuvarṇasūtrāḥ

चँवर और झूल बिखरे पड़े थे, बड़े चंचल मोतियों वाले हार, शिरोमाल्य और बाजूबन्द, उत्तम कंगन, कण्ठहार और सोने के धागे में पिरोए पदक भी,

श्लोक 30 (8.99.30)

मण्युत्तमा वज्रसुवर्णमुक्ता । रत्नानि चोच्चावचमङ्गलानि । गात्राणि चात्यन्तसुखोचितानि । शिरांसि चेन्दुप्रतिमाननानि ॥

maṇyuttamā vajrasuvarṇamuktā | ratnāni coccāvacamaṅgalāni | gātrāṇi cātyantasukhocitāni | śirāṃsi cendupratimānanāni

उत्तम मणियाँ, हीरे, सोना और मोती, तरह-तरह के मंगलकारी रत्न, अत्यन्त सुख में पले अंग और चन्द्रमा जैसे मुखों वाले सिर भी,

श्लोक 31 (8.99.31)

देहांश्च भोगांश्च परिच्छदांश्च । त्यक्त्वा मनोज्ञानि सुखानि चापि । स्वधर्मनिष्ठां महतीमवाप्य । व्याप्तांश्च लोकान्यशसा समीयुः ॥

dehāṃśca bhogāṃśca paricchadāṃśca | tyaktvā manojñāni sukhāni cāpi | svadharmaniṣṭhāṃ mahatīmavāpya | vyāptāṃśca lokānyaśasā samīyuḥ

शरीर, भोग, परिजन और मन को भाने वाले सुखों को त्यागकर, अपने धर्म में महान् निष्ठा पाकर, वे अपने यश से भरे लोकों को जा पहुँचे हैं।

श्लोक 32 (8.99.32)

इत्येवमुक्त्वा विरराम शल्यो । दुर्योधनः शोकपरीतचेताः । हा कर्ण हा कर्ण इति ब्रुवाण । आर्तो विसंज्ञो भृशमश्रुनेत्रः ॥

ityevamuktvā virarāma śalyo | duryodhanaḥ śokaparītacetāḥ | hā karṇa hā karṇa iti bruvāṇa | ārto visaṃjño bhṛśamaśrunetraḥ

यह कहकर शल्य चुप हो गए; और दुर्योधन, जिसका चित्त शोक से भर गया था, "हा कर्ण! हा कर्ण!" पुकारता हुआ, आर्त, संज्ञाहीन और आँसू बहाता हुआ वहीं रह गया।

श्लोक 33 (8.99.33)

तं द्रोणपुत्रप्रमुखा नरेन्द्राः । सर्वे समाश्वास्य सह प्रयान्ति । निरीक्षमाणा मुहुरर्जुनस्य । ध्वजं महान्तं यशसा ज्वलन्तम् ॥

taṃ droṇaputrapramukhā narendrāḥ | sarve samāśvāsya saha prayānti | nirīkṣamāṇā muhurarjunasya | dhvajaṃ mahāntaṃ yaśasā jvalantam

द्रोणपुत्र अश्वत्थामा के नेतृत्व में सब राजाओं ने उसे ढाढ़स बँधाया और उसके साथ चल पड़े, और बार-बार अर्जुन की उस विशाल, यश से जगमगाती ध्वजा की ओर देखते रहे।

श्लोक 34 (8.99.34)

नराश्वमातङ्गशरीरजेन । रक्तेन सिक्ता रुधिरेण भूमिः । रक्ताम्बरस्रक्तपनीययोगान् । नारी प्रकाशा इव सर्वगम्या ॥

narāśvamātaṅgaśarīrajena | raktena siktā rudhireṇa bhūmiḥ | raktāmbarasraktapanīyayogān | nārī prakāśā iva sarvagamyā

मनुष्यों, घोड़ों और हाथियों के शरीरों से बहे रक्त से सींची हुई भूमि, लाल वस्त्र और माला तथा सोने के आभूषण पहने, सबके लिए सुलभ किसी नारी के समान शोभित हुई।

श्लोक 35 (8.99.35)

प्रच्छन्नरूपा रुधिरेण राजन् । रौद्रे मुहूर्तेऽतिविराजमानाः । नैवावतस्थुः कुरवः समीक्ष्य । प्रव्राजिता देवलोकाश्च सर्वे ॥

pracchannarūpā rudhireṇa rājan | raudre muhūrte'tivirājamānāḥ | naivāvatasthuḥ kuravaḥ samīkṣya | pravrājitā devalokāśca sarve

रक्त से ढके रूपों वाले कौरव उस भयंकर घड़ी में अत्यन्त दीप्त दिखाई देते थे, हे राजन्; पर यह देखकर वे वहाँ ठहरे नहीं, और देवलोकों के सब निवासी भी वहाँ से चले गए थे।

श्लोक 36 (8.99.36)

वधेन कर्णस्य सुदुःखितास्ते । हा कर्ण हा कर्ण इति ब्रुवाणाः । द्रुतं प्रयाताः शिबिराणि राजन् । दिवाकरं रक्तमवेक्षमाणाः ॥

vadhena karṇasya suduḥkhitāste | hā karṇa hā karṇa iti bruvāṇāḥ | drutaṃ prayātāḥ śibirāṇi rājan | divākaraṃ raktamavekṣamāṇāḥ

कर्ण के वध से अत्यन्त दुःखी वे "हा कर्ण! हा कर्ण!" पुकारते हुए, हे राजन्, लाल हो चुके सूर्य को देखते हुए शीघ्रता से अपने शिविरों की ओर चल पड़े।

श्लोक 37 (8.99.37)

गाण्डीवमुक्तैस्तु सुवर्णपुङ्खैः । शितैः शरैः शोणितदिग्धवाजैः । शरैश्चिताङ्गो भुवि भाति कर्णो । हतोऽपि सन्सूर्य इवांशुमाली ॥

gāṇḍīvamuktaistu suvarṇapuṅkhaiḥ | śitaiḥ śaraiḥ śoṇitadigdhavājaiḥ | śaraiścitāṅgo bhuvi bhāti karṇo | hato'pi sansūrya ivāṃśumālī

गाण्डीव से छूटे, सोने के पंखों वाले, रक्त से सने पंखों वाले तीखे बाणों से बिंधे अंगों वाला कर्ण मरकर भी भूमि पर किरणमाली सूर्य के समान शोभित है।

श्लोक 38 (8.99.38)

कर्णस्य देहं रुधिरावसिक्तं । भक्तानुकम्पी भगवान्विवस्वान् । स्पृष्ट्वा करैर्लोहितरक्तरूपः । सिष्णासुरभ्येति परं समुद्रम् ॥

karṇasya dehaṃ rudhirāvasiktaṃ | bhaktānukampī bhagavānvivasvān | spṛṣṭvā karairlohitaraktarūpaḥ | siṣṇāsurabhyeti paraṃ samudram

रक्त से भीगे कर्ण के शरीर को अपनी किरणों से छूकर, भक्तों पर दया करने वाले भगवान् विवस्वान् स्वयं गहरे लाल रंग के हो गए और मानो स्नान की इच्छा से दूर के महासागर की ओर चल पड़े।

श्लोक 39 (8.99.39)

इतीव संचिन्त्य सुरर्षिसंघाः । संप्रस्थिता यान्ति यथानिकेतम् । संचिन्तयित्वा च जना विसस्रु- । र्यथासुखं खं च महीतलं च ॥

itīva saṃcintya surarṣisaṃghāḥ | saṃprasthitā yānti yathāniketam | saṃcintayitvā ca janā visasru- | ryathāsukhaṃ khaṃ ca mahītalaṃ ca

ऐसा सोचकर देवताओं और ऋषियों के समूह प्रस्थान कर अपने-अपने निवास को चले गए; और लोग भी विचार करके अपनी इच्छा से आकाश और पृथ्वीतल में इधर-उधर चले गए।

श्लोक 40 (8.99.40)

तदद्भुतं प्राणभृतां भयंकरं । निशम्य युद्धं कुरुवीरमुख्ययोः । धनंजयस्याधिरथेश्च विस्मिताः । प्रशंसमानाः प्रययुस्तदा जनाः ॥

tadadbhutaṃ prāṇabhṛtāṃ bhayaṃkaraṃ | niśamya yuddhaṃ kuruvīramukhyayoḥ | dhanaṃjayasyādhiratheśca vismitāḥ | praśaṃsamānāḥ prayayustadā janāḥ

कुरुवीरों में प्रमुख उन दोनों वीरों के उस अद्भुत और प्राणियों के लिए भयंकर युद्ध को सुनकर लोग विस्मित हो धनंजय और अधिरथ-पुत्र की प्रशंसा करते हुए चले गए।