सहदेव की राजाओं को चुनौती

श्लोक 1 (2.42.1)

गाङ्गेयेनैवमुक्तस्तु शिशुपालश्चुकोप तम् । क्रुद्धं सुनीथं दृष्ट्वाऽथ सहदेवोऽब्रवीत्तदा ॥

gāṅgeyenaivamuktastu śiśupālaścukopa tam | kruddhaṃ sunīthaṃ dṛṣṭvā'tha sahadevo'bravīttadā

गंगापुत्र भीष्म के ऐसा कहने पर शिशुपाल उन पर क्रुद्ध हो गया। सुनीथ को क्रोधित देखकर तब सहदेव बोले —

श्लोक 2 (2.42.2)

मतिपूर्वमिदं सर्वं चेदिराज मया कृतम् । तन्मे निगदतस्तत्त्वं कारणादत्र मे शृणु ॥

matipūrvamidaṃ sarvaṃ cedirāja mayā kṛtam | tanme nigadatastattvaṃ kāraṇādatra me śṛṇu

"हे चेदिराज, यह सब मैंने सोच-समझकर किया है। मैं इसका जो तत्त्व बता रहा हूँ, उसे और इसका कारण मुझसे सुनो।

श्लोक 3 (2.42.3)

स पार्थिवानां सर्वेषां गुरुः कृष्णोऽपरो न हि । तस्मादभ्यर्चितोऽस्माभिः सर्वे संमन्तुमर्हथ ॥

sa pārthivānāṃ sarveṣāṃ guruḥ kṛṣṇo'paro na hi | tasmādabhyarcito'smābhiḥ sarve saṃmantumarhatha

कृष्ण सब राजाओं के गुरु हैं, दूसरा कोई नहीं; इसीलिए हमने उनकी पूजा की है, और आप सबको इसे स्वीकार करना चाहिए।

श्लोक 4 (2.42.4)

यो वा न सहते कश्चिद्राज्ञां सबलवाहनः । क्षिप्रं युद्धाय निर्यातु तस्य मूर्ध्न्याहितं पदम् ॥

yo vā na sahate kaścidrājñāṃ sabalavāhanaḥ | kṣipraṃ yuddhāya niryātu tasya mūrdhnyāhitaṃ padam

यदि कोई राजा अपनी सेना और वाहनों सहित इसे सहन न कर सके, तो वह शीघ्र युद्ध के लिए निकल आए। उसके सिर पर मैंने अपना पैर रख दिया है।

श्लोक 5 (2.42.5)

एवमुक्तो मया हेतुरुत्तरं प्रब्रवीतु मे ॥

evamukto mayā heturuttaraṃ prabravītu me

मैंने अपना कारण बता दिया है; अब वह मुझे उत्तर दे।"

श्लोक 6 (2.42.6)

ततो न व्याजहारैषां कश्चिद्बुद्धिमतां सताम् ॥

tato na vyājahāraiṣāṃ kaścidbuddhimatāṃ satām

तब उन बुद्धिमान सज्जनों में से किसी ने कुछ नहीं कहा,

श्लोक 7 (2.42.7)

मानिनां बलिनां राज्ञां मध्ये सन्दर्शिते पदे । एवमुक्ते सुनीथस्य सहदेवेन केशवे ॥

mānināṃ balināṃ rājñāṃ madhye sandarśite pade | evamukte sunīthasya sahadevena keśave

जब उन्होंने उन अभिमानी और बलवान राजाओं के बीच अपना पैर दिखाया था। सहदेव के केशव के विषय में ऐसा कहने पर सुनीथ की

श्लोक 8 (2.42.8)

स्वभावरक्ते नयने कोपाद्रक्ततरे कृते । तस्य कोपं समुद्भूतं ज्ञात्वा भीष्मः प्रतापवान् ॥

svabhāvarakte nayane kopādraktatare kṛte | tasya kopaṃ samudbhūtaṃ jñātvā bhīṣmaḥ pratāpavān

स्वभाव से ही लाल आँखें क्रोध से और भी लाल हो गईं। उसके भीतर उठे क्रोध को जानकर प्रतापी भीष्म ने

श्लोक 9 (2.42.9)

आचचक्षे पुनस्तस्मै कृष्णस्यैवोत्तरान्गुणान् । स सुनीथं समामन्त्र्य तांश्च सर्वान्महीक्षितः ॥

ācacakṣe punastasmai kṛṣṇasyaivottarānguṇān | sa sunīthaṃ samāmantrya tāṃśca sarvānmahīkṣitaḥ

उसे फिर से स्वयं कृष्ण के श्रेष्ठ गुण बताए। सुनीथ और उन सब राजाओं को सम्बोधित करके

श्लोक 10 (2.42.10)

उवाच वदतां श्रेष्ठ इदं मतिमतां वरः । सहदेवेन राजानो यदुक्तं केशवं प्रति । तत्तथेति विजानीध्वं भूयश्चात्र विबोधत ॥

uvāca vadatāṃ śreṣṭha idaṃ matimatāṃ varaḥ | sahadevena rājāno yaduktaṃ keśavaṃ prati | tattatheti vijānīdhvaṃ bhūyaścātra vibodhata

वक्ताओं में श्रेष्ठ और बुद्धिमानों में अग्रणी भीष्म ने यह कहा — "हे राजाओ, सहदेव ने केशव के विषय में जो कहा है, उसे सत्य जानो; और इस विषय में आगे भी सुनो।"