अश्वत्थामा की शिव-स्तुति और अग्नि में आत्म-आहुति

श्लोक 1 (10.7.1)

एवं सञ्चिन्तयित्वा तु द्रोणपुत्रो विशाम्पते । अवतीर्य रथोपस्थाद्दध्यौ स प्रयतः स्थितः ॥

evaṃ sañcintayitvā tu droṇaputro viśāmpate | avatīrya rathopasthāddadhyau sa prayataḥ sthitaḥ

हे राजन्, ऐसा सोचकर द्रोणपुत्र रथ के बैठने के स्थान से उतरा और संयम के साथ खड़ा होकर ध्यान करने लगा।

श्लोक 2 (10.7.2)

उग्रं स्थाणुं शिवं रुद्रं शर्वमीशानमीश्वरम् । गिरिशं वरदं देवं भवभावनमव्ययम् ॥

ugraṃ sthāṇuṃ śivaṃ rudraṃ śarvamīśānamīśvaram | giriśaṃ varadaṃ devaṃ bhavabhāvanamavyayam

उग्र, स्थाणु, शिव, रुद्र, शर्व, ईशान, ईश्वर, गिरीश, वरदायक देव, सब प्राणियों के उत्पत्तिकर्ता, अविनाशी;

श्लोक 3 (10.7.3)

शितिकण्ठमजं रुद्रं दक्षक्रतुहरं हरम् । विश्वरूपं विरूपाक्षं बहुरूपमुमापतिम् ॥

śitikaṇṭhamajaṃ rudraṃ dakṣakratuharaṃ haram | viśvarūpaṃ virūpākṣaṃ bahurūpamumāpatim

नीलकण्ठ, अजन्मा, रुद्र, दक्ष का यज्ञ नष्ट करनेवाले हर, विश्वरूप, विरूपाक्ष, बहुरूप, उमापति;

श्लोक 4 (10.7.4)

श्मशानवासिनं दृप्तं महागणपतिं विभुम् । खट्वाङ्गधारिणं मुण्डं जटिलं ब्रह्मचारिणम् ॥

śmaśānavāsinaṃ dṛptaṃ mahāgaṇapatiṃ vibhum | khaṭvāṅgadhāriṇaṃ muṇḍaṃ jaṭilaṃ brahmacāriṇam

श्मशान में वास करनेवाले, दृप्त, गणों के महान् अधिपति, सर्वव्यापी, खट्वाङ्ग धारण करनेवाले, मुण्डित-शिर, जटाधारी, ब्रह्मचारी:

श्लोक 5 (10.7.5)

मनसा ह्यनुचिन्त्यैनं दुष्करेणाल्पचेतसा । अद्य भूतोपहारेण यक्ष्ये त्रिपुराघातिनम् ॥

manasā hyanucintyainaṃ duṣkareṇālpacetasā | adya bhūtopahāreṇa yakṣye tripurāghātinam

छोटी बुद्धिवाले के लिए जो अत्यन्त कठिन है, वह मन से उनका ध्यान करके मैं आज त्रिपुर का संहार करनेवाले की भूतों की भेंट से पूजा करूँगा।

श्लोक 6 (10.7.6)

स्तुतं स्तुत्यं स्तूयमानममोघं कृत्तिवाससम् । विलोहितं नीलकण्ठमसह्यं दुर्निवारणम् ॥

stutaṃ stutyaṃ stūyamānamamoghaṃ kṛttivāsasam | vilohitaṃ nīlakaṇṭhamasahyaṃ durnivāraṇam

जिनकी स्तुति हुई है, जो स्तुति के योग्य हैं और जिनकी स्तुति की जा रही है, अमोघ, चर्म-वस्त्रधारी, विलोहित, नीलकण्ठ, असह्य, जिन्हें रोका नहीं जा सकता;

श्लोक 7 (10.7.7)

शुक्रं विश्वसृजं ब्रह्म ब्रह्मचारिणमेव च । व्रतवन्तं तपोनिष्ठमनन्तं तपतां गतिम् ॥

śukraṃ viśvasṛjaṃ brahma brahmacāriṇameva ca | vratavantaṃ taponiṣṭhamanantaṃ tapatāṃ gatim

शुक्र, विश्व के रचयिता, ब्रह्म, ब्रह्मचारी, व्रतधारी, तप में दृढ़, अनन्त, तपस्वियों की गति;

श्लोक 8 (10.7.8)

बहुरूपं गणाध्यक्षं त्र्यक्षं पारिषदप्रियम् । धनाध्यक्षप्रियसखं गौरीहृदयवल्लभम् ॥

bahurūpaṃ gaṇādhyakṣaṃ tryakṣaṃ pāriṣadapriyam | dhanādhyakṣapriyasakhaṃ gaurīhṛdayavallabham

बहुरूप, गणाध्यक्ष, त्रिनेत्र, पार्षदों के प्रिय, धनपति कुबेर के प्रिय सखा, गौरी के हृदय के प्रिय;

श्लोक 9 (10.7.9)

कुमारपितरं पिङ्गं गोवृषोत्तमवाहनम् । कृत्तिवाससमत्युग्रमातोषणतत्परम् ॥

kumārapitaraṃ piṅgaṃ govṛṣottamavāhanam | kṛttivāsasamatyugramātoṣaṇatatparam

कुमार के पिता, पिङ्गल वर्णवाले, श्रेष्ठ वृषभ पर सवार, चर्म-वस्त्रधारी, अत्यन्त उग्र, सदा सन्तुष्ट करने में तत्पर;

श्लोक 10 (10.7.10)

परं परेभ्यः परमं परं यस्मान्न विद्यते । इष्वस्त्रोत्तमभर्तारं दिगन्तं देशरक्षिणम् ॥

paraṃ parebhyaḥ paramaṃ paraṃ yasmānna vidyate | iṣvastrottamabhartāraṃ digantaṃ deśarakṣiṇam

परों से भी पर, जिनसे परे कुछ नहीं, श्रेष्ठ धनुष और अस्त्रों के स्वामी, दिशाओं के अन्त, देशों के रक्षक;

श्लोक 11 (10.7.11)

हिरण्यकवचं देवं चन्द्रमौलिविभूषणम् । प्रपद्ये शरणं देवं परमेण समाधिना ॥

hiraṇyakavacaṃ devaṃ candramaulivibhūṣaṇam | prapadye śaraṇaṃ devaṃ parameṇa samādhinā

स्वर्णमय कवचवाले, चन्द्रमा को मुकुट की तरह धारण किए हुए उन देव की मैं परम एकाग्रता से शरण लेता हूँ।

श्लोक 12 (10.7.12)

इमां चेदापदं घोरां तराम्यद्य सुदुस्तराम् । सर्वभूतोपहारेण यक्ष्येऽहं शुचिना शुचिम् ॥

imāṃ cedāpadaṃ ghorāṃ tarāmyadya sudustarām | sarvabhūtopahāreṇa yakṣye'haṃ śucinā śucim

यदि मैं आज इस भयंकर और अत्यन्त दुस्तर विपत्ति को पार कर गया, तो मैं स्वयं शुद्ध होकर उन शुद्ध देव की समस्त प्राणियों की भेंट से पूजा करूँगा।

श्लोक 13 (10.7.13)

इति तस्य व्यवसितं ज्ञात्वा योगात्सुकर्मणः । पुरस्तात्काञ्चनी वेदी प्रादुरासीन्महात्मनः ॥

iti tasya vyavasitaṃ jñātvā yogātsukarmaṇaḥ | purastātkāñcanī vedī prādurāsīnmahātmanaḥ

योग से उस सुकर्मा के निश्चय को जानकर उस महात्मा के सामने एक सुनहरी वेदी प्रकट हुई।

श्लोक 14 (10.7.14)

तस्यां वेद्यां तदा राजंश्चित्रभानुरजायत । स दिशो विदिशः खं च ज्वालाभिरिव पूरयन् ॥

tasyāṃ vedyāṃ tadā rājaṃścitrabhānurajāyata | sa diśo vidiśaḥ khaṃ ca jvālābhiriva pūrayan

हे राजन्, उस वेदी पर तब अग्नि प्रकट हुआ, जो अपनी ज्वालाओं से दिशाओं, उपदिशाओं और आकाश को मानो भर रहा था।

श्लोक 15 (10.7.15)

दीप्तास्यनयनाश्चात्र नैकपादशिरोधराः । रत्नचित्राङ्गदधराः समुद्यतकरास्तथा ॥

dīptāsyanayanāścātra naikapādaśirodharāḥ | ratnacitrāṅgadadharāḥ samudyatakarāstathā

वहाँ दहकते मुखों और नेत्रोंवाले, अनेक पैरों, शिरों और गर्दनोंवाले, रत्नजटित बाजूबन्द पहने और हाथ उठाए हुए गण प्रकट हुए।

श्लोक 16 (10.7.16)

द्विपाः शैलप्रतीकाशाः प्रादुरासन्महागणाः । श्ववराहोष्ट्ररूपाश्च हयगोमायुगोमुखाः ॥

dvipāḥ śailapratīkāśāḥ prādurāsanmahāgaṇāḥ | śvavarāhoṣṭrarūpāśca hayagomāyugomukhāḥ

हाथियों और पर्वतों जैसे विशाल महागण प्रकट हुए; कुछ कुत्तों, सूअरों और ऊँटों के रूपवाले थे, कुछ के मुख घोड़ों, गीदड़ों और गायों के थे;

श्लोक 17 (10.7.17)

ऋक्षमार्जारवदना व्याघ्रद्वीपिमुखास्तथा । काकवक्त्राः प्लुवमुखाः शुकवक्त्रास्तथैव च ॥

ṛkṣamārjāravadanā vyāghradvīpimukhāstathā | kākavaktrāḥ pluvamukhāḥ śukavaktrāstathaiva ca

कुछ के मुख रीछों और बिल्लियों, बाघों और तेंदुओं के थे; कुछ कौओं, मेंढकों और तोतों के मुखवाले थे;

श्लोक 18 (10.7.18)

महाजगरवक्त्राश्च हंसवक्त्राः शितप्रभाः । दार्वाघाटमुखाश्चापि चाषवक्त्राश्च भारत ॥

mahājagaravaktrāśca haṃsavaktrāḥ śitaprabhāḥ | dārvāghāṭamukhāścāpi cāṣavaktrāśca bhārata

हे भारत, कुछ बड़े अजगरों के, कुछ तीक्ष्ण कान्तिवाले हंसों के, कुछ कठफोड़वों के और कुछ नीलकण्ठ पक्षियों के मुखवाले थे;

श्लोक 19 (10.7.19)

कूर्मनक्रमुखाश्चैव शिंशुमारमुखास्तथा । महामकरवक्त्राश्च तिमिवक्त्रास्तथैव च ॥

kūrmanakramukhāścaiva śiṃśumāramukhāstathā | mahāmakaravaktrāśca timivaktrāstathaiva ca

कुछ कछुओं, मगरों और शिंशुमारों के मुखवाले थे; कुछ बड़े मकरों और तिमि मछलियों के मुखवाले थे;

श्लोक 20 (10.7.20)

हरिवक्त्राः क्रौञ्चमुखाः कपोताभमुखास्तथा । पारावतमुखाश्चैव मद्गुवक्त्रास्तथैव च ॥

harivaktrāḥ krauñcamukhāḥ kapotābhamukhāstathā | pārāvatamukhāścaiva madguvaktrāstathaiva ca

कुछ सिंहों, क्रौञ्च पक्षियों और कपोतवर्ण पक्षियों के मुखवाले थे; कुछ कबूतरों और जलकाकों के मुखवाले थे;

श्लोक 21 (10.7.21)

पाणिकर्णाः सहस्राक्षास्तथैव च महोदराः । निर्मांसाः काकवक्त्राश्च श्येनवक्त्राश्च भारत ॥

pāṇikarṇāḥ sahasrākṣāstathaiva ca mahodarāḥ | nirmāṃsāḥ kākavaktrāśca śyenavaktrāśca bhārata

कुछ के कानों की जगह हाथ थे, कुछ सहस्राक्ष और बड़े पेटवाले थे; हे भारत, कुछ मांसहीन थे, कुछ कौओं और बाजों के मुखवाले थे;

श्लोक 22 (10.7.22)

तथैवाशिरसो राजन्नृक्षवक्त्राश्च भीषणाः । प्रदीप्तनेत्रजिह्वाश्च ज्वालावर्णास्तथैव च ॥

tathaivāśiraso rājannṛkṣavaktrāśca bhīṣaṇāḥ | pradīptanetrajihvāśca jvālāvarṇāstathaiva ca

हे राजन्, कुछ बिना शिर के थे, कुछ रीछ-मुख और भयंकर थे; कुछ के नेत्र और जीभें दहक रही थीं, कुछ ज्वाला के रंग के थे;

श्लोक 23 (10.7.23)

ज्वालाकेशाश्च राजेन्द्र ज्वलद्रोमचतुर्भुजाः । मेषवक्त्रास्तथैवान्ये तथा छागमुखा नृप ॥

jvālākeśāśca rājendra jvaladromacaturbhujāḥ | meṣavaktrāstathaivānye tathā chāgamukhā nṛpa

हे राजेन्द्र, कुछ ज्वाला जैसे केशोंवाले थे, कुछ जलते रोमोंवाले और चार भुजाओंवाले थे; हे नृप, और कुछ मेढ़े के मुखवाले तथा कुछ बकरे के मुखवाले थे।

श्लोक 24 (10.7.24)

शङ्खाभाः शङ्खवक्त्राश्च शङ्खवर्णास्तथैव च । शङ्खमालापरिकराः शङ्खध्वनिसमस्वनाः ॥

śaṅkhābhāḥ śaṅkhavaktrāśca śaṅkhavarṇāstathaiva ca | śaṅkhamālāparikarāḥ śaṅkhadhvanisamasvanāḥ

कुछ शङ्ख जैसी चमकवाले, शङ्ख-मुख और शङ्ख के रंगवाले थे; वे शङ्खों की मालाओं से घिरे थे और उनकी आवाज़ शङ्ख की ध्वनि जैसी थी;

श्लोक 25 (10.7.25)

जटाधराः पञ्चशिखास्तथा मुण्डाः कृशोदराः । चतुर्दंष्ट्राश्चतुर्जिह्वाः शङ्कुकर्णाः किरीटिनः ॥

jaṭādharāḥ pañcaśikhāstathā muṇḍāḥ kṛśodarāḥ | caturdaṃṣṭrāścaturjihvāḥ śaṅkukarṇāḥ kirīṭinaḥ

कुछ जटाधारी थे, कुछ पाँच शिखाओंवाले, कुछ मुण्डित, पतले पेटवाले, चार दाढ़ों और चार जीभोंवाले, खूँटी जैसे कानोंवाले और मुकुटधारी थे;

श्लोक 26 (10.7.26)

मौञ्जीधराश्च राजेन्द्र तथा कुञ्चितमूर्धजाः । उष्णीषिणः कुण्डलिनश्चारुवक्त्राः स्वलङ्कृताः ॥

mauñjīdharāśca rājendra tathā kuñcitamūrdhajāḥ | uṣṇīṣiṇaḥ kuṇḍalinaścāruvaktrāḥ svalaṅkṛtāḥ

हे राजेन्द्र, कुछ मूँज की मेखला पहने थे, कुछ घुँघराले केशोंवाले, पगड़ीधारी, कुण्डलधारी, सुन्दर मुखवाले और भली-भाँति अलंकृत थे;

श्लोक 27 (10.7.27)

पद्मोत्पलापीडधरास्तथा मुकुटधारिणः । महात्म्येन च संयुक्ताः शतशोऽथ सहस्रशः ॥

padmotpalāpīḍadharāstathā mukuṭadhāriṇaḥ | mahātmyena ca saṃyuktāḥ śataśo'tha sahasraśaḥ

वे कमल और नीलकमल की मालाएँ पहने थे, मुकुट धारण किए थे और महिमा से युक्त थे; वे सैकड़ों-हज़ारों की संख्या में थे;

श्लोक 28 (10.7.28)

शतघ्नीचक्रहस्ताश्च तथा मुसलपाणयः । भुशुण्डीपाशहस्ताश्च दण्डहस्ताश्च भारत ॥

śataghnīcakrahastāśca tathā musalapāṇayaḥ | bhuśuṇḍīpāśahastāśca daṇḍahastāśca bhārata

हे भारत, उनके हाथों में शतघ्नी और चक्र थे, कुछ मूसल लिए थे, कुछ के हाथों में भुशुण्डी और पाश थे, कुछ के हाथों में दण्ड थे;

श्लोक 29 (10.7.29)

पृष्ठेषु बद्धेषुधयश्चित्रबाणोत्कटास्तथा । सध्वजाः सपताकाश्च सघण्टाः सपरश्वथाः ॥

pṛṣṭheṣu baddheṣudhayaścitrabāṇotkaṭāstathā | sadhvajāḥ sapatākāśca saghaṇṭāḥ saparaśvathāḥ

उनकी पीठों पर तरकस बँधे थे, वे रंग-बिरंगे बाणों से दमक रहे थे; उनके साथ ध्वज, पताकाएँ, घण्टे और कुल्हाड़े थे;

श्लोक 30 (10.7.30)

महापाशोद्यतकरास्तथा लगुडपाणयः । स्थूणाहस्ताः खङ्गहस्ताः सर्पोच्छ्रितकिरीटिनः ॥

mahāpāśodyatakarāstathā laguḍapāṇayaḥ | sthūṇāhastāḥ khaṅgahastāḥ sarpocchritakirīṭinaḥ

उनके हाथों में उठे हुए बड़े पाश थे, कुछ लाठियाँ लिए थे, कुछ के हाथों में खम्भे और तलवारें थीं; उनके मुकुटों में सर्प ऊपर उठे हुए थे;

श्लोक 31 (10.7.31)

महासर्पाङ्गदधराश्चित्राभरणधारिणः । रजोध्वजाः पङ्कदिग्धाः सर्वे चित्राम्बरस्रजः । नीलाङ्गाः पिङ्गलाङ्गाश्च मुण्डवक्त्रास्तथैव च ॥

mahāsarpāṅgadadharāścitrābharaṇadhāriṇaḥ | rajodhvajāḥ paṅkadigdhāḥ sarve citrāmbarasrajaḥ | nīlāṅgāḥ piṅgalāṅgāśca muṇḍavaktrāstathaiva ca

वे बड़े सर्पों को बाजूबन्द बनाए थे, विचित्र आभूषण पहने थे, धूल की ध्वजावाले थे और कीचड़ से लिपे थे; सब रंग-बिरंगे वस्त्र और मालाएँ धारण किए थे; कुछ नीले अंगोंवाले थे, कुछ पीले अंगोंवाले, और कुछ मुण्डित मुखवाले।

श्लोक 32 (10.7.32)

भेरीशङ्खमृदङ्गांश्च झर्झरानकगोमुखान् । अवादयन्पारिषदाः प्रहृष्टाः कनकप्रभाः ॥

bherīśaṅkhamṛdaṅgāṃśca jharjharānakagomukhān | avādayanpāriṣadāḥ prahṛṣṭāḥ kanakaprabhāḥ

सोने जैसी आभावाले, हर्ष से भरे पार्षद भेरी, शङ्ख, मृदङ्ग, झर्झर, आनक और गोमुख बजा रहे थे।

श्लोक 33 (10.7.33)

गायमानास्तथैवान्ये संहृष्टाः पुरुषर्षभाः । लङ्घयन्तः प्लुवन्तश्च वल्गन्तश्च महारथाः ॥

gāyamānāstathaivānye saṃhṛṣṭāḥ puruṣarṣabhāḥ | laṅghayantaḥ pluvantaśca valgantaśca mahārathāḥ

दूसरे, हर्ष से भरे पुरुषश्रेष्ठ, गा रहे थे; वे महारथी कूदते, उछलते और ठुमकते थे;

श्लोक 34 (10.7.34)

धावन्तो जवनाश्चण्डाः पावकोद्धूतमूर्धजाः । मत्ता इव महानागा विनदन्तो मुहुर्मुहुः ॥

dhāvanto javanāścaṇḍāḥ pāvakoddhūtamūrdhajāḥ | mattā iva mahānāgā vinadanto muhurmuhuḥ

वे दौड़ते थे, वेगवान् और प्रचण्ड थे, उनके केश अग्नि से उड़ रहे थे, और वे मतवाले बड़े हाथियों की तरह बार-बार गरज रहे थे;

श्लोक 35 (10.7.35)

सुभीमा घोररूपाश्च शूलपट्टसपाणयः । नानाविरागवसनाश्चित्रमाल्यानुलेपनाः ॥

subhīmā ghorarūpāśca śūlapaṭṭasapāṇayaḥ | nānāvirāgavasanāścitramālyānulepanāḥ

वे अत्यन्त भयंकर और घोर रूपवाले थे, हाथों में त्रिशूल और पट्टिश लिए थे; उनके वस्त्र अनेक रंगों के थे और माला तथा लेप भी रंग-बिरंगे थे;

श्लोक 36 (10.7.36)

रत्नचित्राङ्गदधराः समुद्यतकरास्तथा । हन्तारो द्विषतां शूराः प्रसह्यासह्यविक्रमाः ॥

ratnacitrāṅgadadharāḥ samudyatakarāstathā | hantāro dviṣatāṃ śūrāḥ prasahyāsahyavikramāḥ

वे रत्नजटित बाजूबन्द पहने और शस्त्र उठाए हुए थे; वे शत्रुओं का संहार करनेवाले शूर थे, जिनका पराक्रम बलपूर्वक असह्य को भी दबा देता था;

श्लोक 37 (10.7.37)

पातारोऽसृग्वसाज्यानां मांसान्त्रकृतभोजनाः । चूडालाः कर्णिकाराश्च प्रहृष्टाः पिठरोदराः ॥

pātāro'sṛgvasājyānāṃ māṃsāntrakṛtabhojanāḥ | cūḍālāḥ karṇikārāśca prahṛṣṭāḥ piṭharodarāḥ

वे रक्त और चर्बी पीनेवाले थे, मांस और आँतों का भोजन करते थे; कुछ चोटीवाले थे, कुछ कर्णिकार के फूल पहने थे; वे प्रसन्न थे और उनके पेट घड़े जैसे थे;

श्लोक 38 (10.7.38)

अतिह्रस्वातिदीर्घाश्च प्रलम्बाश्चातिभैरवाः । विकटाः काललंबोष्ठा बृहच्छेफाण्डपिण्डिकाः ॥

atihrasvātidīrghāśca pralambāścātibhairavāḥ | vikaṭāḥ kālalaṃboṣṭhā bṛhacchephāṇḍapiṇḍikāḥ

कुछ बहुत नाटे थे, कुछ बहुत लम्बे और लम्बी काया के, अत्यन्त भीषण और विकट थे; उनके ओठ काले और लटकते हुए थे और उनके अंग, अण्ड और पिंडलियाँ बहुत बड़ी थीं;

श्लोक 39 (10.7.39)

महार्हनानाविकटा मुण्डाश्च जटिलाः परे । सार्केन्दुग्रहनक्षत्रां द्यां कुर्युस्ते महीतले ॥

mahārhanānāvikaṭā muṇḍāśca jaṭilāḥ pare | sārkendugrahanakṣatrāṃ dyāṃ kuryuste mahītale

वे महामूल्यवान् और अनेक भयंकर रूपोंवाले थे, कोई मुण्डित था, कोई जटाधारी; वे ऐसे थे कि सूर्य, चन्द्रमा, ग्रहों और नक्षत्रों सहित आकाश को पृथ्वी पर उतार लाएँ,

श्लोक 40 (10.7.40)

उत्सहेरंश्च ये हन्तुं भूतग्रामं चतुर्विधम् । ये च वीतभया नित्यं हरस्य भ्रुकुटीसहाः ॥

utsaheraṃśca ye hantuṃ bhūtagrāmaṃ caturvidham | ye ca vītabhayā nityaṃ harasya bhrukuṭīsahāḥ

जो चारों प्रकार के प्राणिसमूह को मारने का साहस रखते थे, जो सदा निर्भय थे और हर की भौंहों के तनाव को सह लेते थे;

श्लोक 41 (10.7.41)

कामकारकरा नित्यं त्रैलोक्यस्येश्वरेश्वराः । नित्यानन्दप्रमुदिता वागीशा वीतमत्सराः ॥

kāmakārakarā nityaṃ trailokyasyeśvareśvarāḥ | nityānandapramuditā vāgīśā vītamatsarāḥ

जो मनमानी करनेवाले थे, तीनों लोकों के ईश्वरों के भी ईश्वर थे, नित्य आनन्द में प्रमुदित, वाणी के स्वामी और ईर्ष्या से रहित थे;

श्लोक 42 (10.7.42)

प्राप्याष्टगुणमैश्वर्यं ये न यास्यन्ति वै स्मयम् । येषां विस्मयते नित्यं भगवान्कर्मभिर्हरः ॥

prāpyāṣṭaguṇamaiśvaryaṃ ye na yāsyanti vai smayam | yeṣāṃ vismayate nityaṃ bhagavānkarmabhirharaḥ

जो आठ गुणों से युक्त ऐश्वर्य पाकर भी कभी गर्व नहीं करते, और जिनके कर्मों पर स्वयं भगवान् हर सदा विस्मित होते हैं;

श्लोक 43 (10.7.43)

मनोवाक्कर्मभिर्युक्तैर्नित्यमाराधितश्च यैः । मनोवाक्कर्मभिर्भक्तान्पाति पुत्रानिवौरसान् ॥

manovākkarmabhiryuktairnityamārādhitaśca yaiḥ | manovākkarmabhirbhaktānpāti putrānivaurasān

जो मन, वाणी और कर्म से सदा उनकी आराधना करते हैं, और जिन भक्तों की वे भी मन, वाणी और कर्म से अपने औरस पुत्रों की तरह रक्षा करते हैं।

श्लोक 44 (10.7.44)

पिबन्तोऽसृग्वसाश्चान्ये क्रुद्धा ब्रह्मद्विषां सदा । चतुर्विधात्मकं सोमं ये पिबन्ति च सर्वदा ॥

pibanto'sṛgvasāścānye kruddhā brahmadviṣāṃ sadā | caturvidhātmakaṃ somaṃ ye pibanti ca sarvadā

कुछ दूसरे, जो ब्राह्मणों के शत्रुओं पर सदा क्रुद्ध रहते थे, उनका रक्त और चर्बी पीते थे; और कुछ चार प्रकार के सोम का सदा पान करते थे;

श्लोक 45 (10.7.45)

श्रुतेन ब्रह्मचर्येण तपसा च दमेन च । ये समाराध्य शूलाङ्कं भवसायुज्यमागताः ॥

śrutena brahmacaryeṇa tapasā ca damena ca | ye samārādhya śūlāṅkaṃ bhavasāyujyamāgatāḥ

जिन्होंने शास्त्रज्ञान, ब्रह्मचर्य, तप और इन्द्रिय-संयम से शूलचिह्नवाले देव की आराधना करके भव की सायुज्य-मुक्ति पाई थी,

श्लोक 46 (10.7.46)

यैरात्मभूतैर्भगवान्पार्वत्या च महेश्वरः । महाभूतगणैर्भुङ्क्ते भूतभव्यभवत्प्रभुः ॥

yairātmabhūtairbhagavānpārvatyā ca maheśvaraḥ | mahābhūtagaṇairbhuṅkte bhūtabhavyabhavatprabhuḥ

और जिन अपने आत्मस्वरूप महाभूतगणों के साथ भूत, भविष्य और वर्तमान के स्वामी भगवान् महेश्वर पार्वती सहित आनन्द करते हैं।

श्लोक 47 (10.7.47)

नानावादित्रहसितक्ष्वेडितोत्कृष्टगर्जितैः । सन्त्रासयन्तस्ते विश्वमश्वत्थामानमभ्ययुः ॥

nānāvāditrahasitakṣveḍitotkṛṣṭagarjitaiḥ | santrāsayantaste viśvamaśvatthāmānamabhyayuḥ

अनेक वाद्यों की ध्वनि, हँसी, किलकारियों, चीत्कारों और गर्जनाओं से विश्व को भयभीत करते हुए वे अश्वत्थामा की ओर बढ़े।

श्लोक 48 (10.7.48)

संस्तुवन्तो महादेवं भाः कुर्वाणाः सुवर्चसः । विवर्धयिषवो द्रौणेर्महिमानं महात्मनः ॥

saṃstuvanto mahādevaṃ bhāḥ kurvāṇāḥ suvarcasaḥ | vivardhayiṣavo drauṇermahimānaṃ mahātmanaḥ

महादेव की स्तुति करते हुए, तेज से दमकते हुए, वे महात्मा द्रोणपुत्र की महिमा बढ़ाना चाहते थे।

श्लोक 49 (10.7.49)

जिज्ञासमानास्तत्तेजः सौप्तिकं च दिदृक्षवः । भीमोग्रपरिघालातशूलपट्टसपाणयः । घोररूपाः समाजग्मुर्भूतसङ्घाः सहस्रशः ॥

jijñāsamānāstattejaḥ sauptikaṃ ca didṛkṣavaḥ | bhīmograparighālātaśūlapaṭṭasapāṇayaḥ | ghorarūpāḥ samājagmurbhūtasaṅghāḥ sahasraśaḥ

उसके तेज की परीक्षा लेने और सोतों पर उसका आक्रमण देखने की इच्छा से, हाथों में भयंकर परिघ, अलात, शूल और पट्टिश लिए, घोर रूपवाले भूतों के समूह हज़ारों की संख्या में एकत्र हुए।

श्लोक 50 (10.7.50)

जनयेयुर्भयं ये स्म त्रैलोक्यस्यापि दर्शनात् । न च तान्प्रेक्षमाणोऽपि व्यथामुपजगाम ह ॥

janayeyurbhayaṃ ye sma trailokyasyāpi darśanāt | na ca tānprekṣamāṇo'pi vyathāmupajagāma ha

ये ऐसे प्राणी थे जो अपने दर्शन से तीनों लोकों में भी भय उत्पन्न कर दें; फिर भी उन्हें देखकर वह जरा भी विचलित नहीं हुआ।

श्लोक 51 (10.7.51)

अथ द्रौणिर्धनुष्पाणिर्बद्धगोधाङ्गुलित्रवान् । स्वयमेवात्मनात्मानमुपहारमुपाहरत् ॥

atha drauṇirdhanuṣpāṇirbaddhagodhāṅgulitravān | svayamevātmanātmānamupahāramupāharat

तब द्रोणपुत्र ने धनुष हाथ में लिए, उँगलियों पर गोह की खाल का दस्ताना बाँधे, स्वयं ही अपने को भेंट के रूप में अर्पित किया।

श्लोक 52 (10.7.52)

धनूंषि समिधस्तत्र पवित्राणि सिताः शराः । हविरात्मवतश्चात्मा तस्मिन्भारत कर्मणि ॥

dhanūṃṣi samidhastatra pavitrāṇi sitāḥ śarāḥ | havirātmavataścātmā tasminbhārata karmaṇi

हे भारत, उस यज्ञ में धनुष समिधाएँ थे, उजले बाण पवित्र कुश थे, और आत्मसंयमी का अपना आत्मा ही हवि था।

श्लोक 53 (10.7.53)

ततः सौम्येन मन्त्रेण द्रोणपुत्रः प्रतापवान् । उपहारं महामन्युरथात्मानमुपाहरत् ॥

tataḥ saumyena mantreṇa droṇaputraḥ pratāpavān | upahāraṃ mahāmanyurathātmānamupāharat

तब प्रतापी द्रोणपुत्र ने महाक्रोध के साथ सोम-देवता के मन्त्र से हवि प्रस्तुत की और फिर स्वयं को अर्पित किया।

श्लोक 54 (10.7.54)

तं रुद्रं रौद्रकर्माणं रौद्रैः कर्मभिरच्युतम् । अभिष्टुत्य महात्मानमित्युवाच कृताञ्जलिः ॥

taṃ rudraṃ raudrakarmāṇaṃ raudraiḥ karmabhiracyutam | abhiṣṭutya mahātmānamityuvāca kṛtāñjaliḥ

रौद्र कर्म करनेवाले, अच्युत, महात्मा रुद्र की रौद्र कर्मों से स्तुति करके उसने हाथ जोड़कर यह कहा।

श्लोक 55 (10.7.55)

इममात्मानमद्याहं जातमाङ्गिरसे कुले । स्वग्नौ जुहोमि भगवन्प्रतिगृह्णीष्व मां बलिम् ॥

imamātmānamadyāhaṃ jātamāṅgirase kule | svagnau juhomi bhagavanpratigṛhṇīṣva māṃ balim

आज मैं, अङ्गिरा के कुल में जन्मा, अपने इस आत्मा को भली-भाँति प्रज्वलित अग्नि में आहुति देता हूँ। हे भगवन्, मुझे अपनी भेंट के रूप में स्वीकार कीजिए।

श्लोक 56 (10.7.56)

भवद्भक्त्या महादेव परमेण समाधिना । अस्यामापदि विश्वात्मन्नुपाकुर्मि तवाग्रतः ॥

bhavadbhaktyā mahādeva parameṇa samādhinā | asyāmāpadi viśvātmannupākurmi tavāgrataḥ

हे महादेव, आपकी भक्ति से और परम एकाग्रता से, हे विश्वात्मन्, इस विपत्ति में मैं आपके सामने यह भेंट अर्पित करता हूँ।

श्लोक 57 (10.7.57)

त्वयि सर्वाणि भूतानि सर्वभूतेषु चासि वै । गुणानां हि प्रधानानां कैवल्यं त्वयि तिष्ठति ॥

tvayi sarvāṇi bhūtāni sarvabhūteṣu cāsi vai | guṇānāṃ hi pradhānānāṃ kaivalyaṃ tvayi tiṣṭhati

सब प्राणी आप में हैं, और आप सब प्राणियों में हैं; प्रधान गुणों की एकता आप ही में स्थित है।

श्लोक 58 (10.7.58)

सर्वभूताश्रय विभो हविर्भूतमवस्थितम् । प्रतिगृहाण मां देव यद्यशक्याः परे मया ॥

sarvabhūtāśraya vibho havirbhūtamavasthitam | pratigṛhāṇa māṃ deva yadyaśakyāḥ pare mayā

हे सर्वभूताश्रय विभो, हवि के रूप में मैं यहाँ उपस्थित हूँ; हे देव, यदि शत्रु मेरे वश में नहीं आ सकते, तो मुझे स्वीकार कीजिए।

श्लोक 59 (10.7.59)

इत्युक्त्वा द्रौणिरास्थाय तां वेदीं दीप्तपावकाम् । सन्त्यज्यात्मानमारुह्य कृष्णवर्त्मन्युपाविशत् ॥

ityuktvā drauṇirāsthāya tāṃ vedīṃ dīptapāvakām | santyajyātmānamāruhya kṛṣṇavartmanyupāviśat

यह कहकर द्रोणपुत्र उस दहकती अग्निवाली वेदी पर चढ़ा, अपने को समर्पित कर दिया और अग्नि में बैठ गया।

श्लोक 60 (10.7.60)

तमूर्ध्वबाहुं निश्चेष्टं दृष्ट्वा हविरुपस्थितम् । अब्रवीद्भगवान्साक्षान्महादेवो हसन्निव ॥

tamūrdhvabāhuṃ niśceṣṭaṃ dṛṣṭvā havirupasthitam | abravīdbhagavānsākṣānmahādevo hasanniva

उसे हाथ ऊपर उठाए, निश्चेष्ट, हवि के रूप में उपस्थित देखकर भगवान् महादेव ने स्वयं मानो हँसते हुए कहा।

श्लोक 61 (10.7.61)

सत्यशौचार्जवत्यागैस्तपसा नियमेन च । क्षान्त्या भक्त्या च धृत्या च कर्मणा मनसा गिरा ॥

satyaśaucārjavatyāgaistapasā niyamena ca | kṣāntyā bhaktyā ca dhṛtyā ca karmaṇā manasā girā

सत्य, शुद्धि, सरलता और त्याग से, तप और नियम से, क्षमा, भक्ति और धैर्य से, कर्म, मन और वाणी से,

श्लोक 62 (10.7.62)

यथावदहमाराद्धः कृष्णेनाक्लिष्टकर्मणा । तस्मादिष्टतमः कृष्णादन्यो मम न विद्यते ॥

yathāvadahamārāddhaḥ kṛṣṇenākliṣṭakarmaṇā | tasmādiṣṭatamaḥ kṛṣṇādanyo mama na vidyate

अक्लिष्टकर्मा कृष्ण ने मेरी यथोचित आराधना की है; इसलिए कृष्ण से अधिक प्रिय मुझे और कोई नहीं।

श्लोक 63 (10.7.63)

कुर्वता तात सम्मानं त्वां च जिज्ञासता मया । पाञ्चालाः सर्वदा गुप्ता मायाश्च बहुशः कृताः ॥

kurvatā tāta sammānaṃ tvāṃ ca jijñāsatā mayā | pāñcālāḥ sarvadā guptā māyāśca bahuśaḥ kṛtāḥ

हे तात, उनका सम्मान करते हुए और तुम्हारी परीक्षा लेते हुए मैंने पाञ्चालों की सदा रक्षा की, और अनेक मायाएँ भी रचीं।

श्लोक 64 (10.7.64)

कृतस्तस्यैव सम्मानः पाञ्चालान्रक्षता मया । अभिभूतास्तु कालेन नैषामद्यास्ति जीवितम् ॥

kṛtastasyaiva sammānaḥ pāñcālānrakṣatā mayā | abhibhūtāstu kālena naiṣāmadyāsti jīvitam

पाञ्चालों की रक्षा करके मैंने उनका वह सम्मान किया; परन्तु अब काल ने उन्हें घेर लिया है, आज उनका जीवन शेष नहीं है।

श्लोक 65 (10.7.65)

एवमुक्त्वा महात्मानं भगवानात्मनस्तनुम् । आविवेश ददौ चास्मै विमलं खङ्गमुत्तमम् ॥

evamuktvā mahātmānaṃ bhagavānātmanastanum | āviveśa dadau cāsmai vimalaṃ khaṅgamuttamam

यह कहकर भगवान् अपने शरीर के साथ उस महात्मा में प्रविष्ट हो गए और उसे एक निर्मल उत्तम तलवार दी।

श्लोक 66 (10.7.66)

अथाविष्टो भगवता भूयो जज्वाल तेजसा । वेगवांश्चाभवद्युद्धे देवसृष्टेन तेजसा ॥

athāviṣṭo bhagavatā bhūyo jajvāla tejasā | vegavāṃścābhavadyuddhe devasṛṣṭena tejasā

तब भगवान् से आविष्ट होकर वह फिर तेज से जल उठा, और देवता के रचे तेज से वह युद्ध में प्रबल हो गया।

श्लोक 67 (10.7.67)

तं दृष्ट्वा तानि भूतानि रक्षांसि च समाद्रवन् । अभितः शिबिरं यान्तं द्रोणपुत्रं महारथम् । देवदेवं हरं स्थाणुं यान्तं साक्षादिवेश्वरम् ॥

taṃ dṛṣṭvā tāni bhūtāni rakṣāṃsi ca samādravan | abhitaḥ śibiraṃ yāntaṃ droṇaputraṃ mahāratham | devadevaṃ haraṃ sthāṇuṃ yāntaṃ sākṣādiveśvaram

उसे देखकर वे भूत और राक्षस, शिविर की ओर जाते हुए महारथी द्रोणपुत्र के चारों ओर दौड़ पड़े, जो साक्षात् ईश्वर, देवदेव हर स्थाणु के समान जा रहा था।