भीम और शल्य का गदायुद्ध

श्लोक 1 (9.11.1)

पतितं प्रेक्ष्य यन्तारं । शल्यः सर्वायसीं गदाम् । आदाय तरसा राजं- । स्तस्थौ गिरिरिवाचलः ॥

patitaṃ prekṣya yantāraṃ | śalyaḥ sarvāyasīṃ gadām | ādāya tarasā rājaṃ- | stasthau giririvācalaḥ

अपने सारथि को गिरा हुआ देखकर शल्य ने, हे राजन्, पूरी तरह लोहे से बनी अपनी गदा झटपट उठा ली और अचल पर्वत के समान डटकर खड़ा हो गया।

श्लोक 2 (9.11.2)

तं दीप्तमिव कालाग्निं । पाशहस्तमिवान्तकम् । सशृङ्गमिव कैलासं । सवज्रमिव वासवम् ॥

taṃ dīptamiva kālāgniṃ | pāśahastamivāntakam | saśṛṅgamiva kailāsaṃ | savajramiva vāsavam

वह प्रलय की प्रज्वलित अग्नि के समान, हाथ में पाश लिए यमराज के समान, शिखरों सहित कैलास के समान और वज्रधारी इन्द्र के समान दिखाई दे रहा था,

श्लोक 3 (9.11.3)

सशूलमिव हर्यक्षं । वने मत्तमिव द्विपम् । जवेनाभ्यपतद्भीमः । प्रगृह्य महतीं गदाम् ॥

saśūlamiva haryakṣaṃ | vane mattamiva dvipam | javenābhyapatadbhīmaḥ | pragṛhya mahatīṃ gadām

त्रिशूलधारी पिंगलनेत्र शिव के समान और वन में मदमत्त हाथी के समान भी। तब भीमसेन ने अपनी विशाल गदा उठाकर वेग से उस पर धावा बोला।

श्लोक 4 (9.11.4)

ततः शङ्खप्रणादश्च । तूर्याणां च सहस्रशः । सिंहनादश्च संजज्ञे । शूराणां हर्षवर्धनः ॥

tataḥ śaṅkhapraṇādaśca | tūryāṇāṃ ca sahasraśaḥ | siṃhanādaśca saṃjajñe | śūrāṇāṃ harṣavardhanaḥ

तब शंखों की ध्वनि और हज़ारों तुरहियों का नाद उठा, और वीरों के सिंहनाद गूँज उठे, जो उनका हर्ष बढ़ा रहे थे।

श्लोक 5 (9.11.5)

प्रेक्षन्तः सर्वतस्तौ हि । योधा योधमहाद्विपौ । तावकाश्च परे चैव । साधु साध्वित्यथाब्रुवन् ॥

prekṣantaḥ sarvatastau hi | yodhā yodhamahādvipau | tāvakāśca pare caiva | sādhu sādhvityathābruvan

योद्धाओं में महागजों के समान उन दोनों को चारों ओर से देखते हुए तुम्हारे पक्ष के और शत्रुपक्ष के योद्धा "साधु! साधु!" कह उठे।

श्लोक 6 (9.11.6)

न हि मद्राधिपादन्यो । रामाद्वा यदुनन्दनात् । सोढुमुत्सहते वेगं । भीमसेनस्य संयुगे ॥

na hi madrādhipādanyo | rāmādvā yadunandanāt | soḍhumutsahate vegaṃ | bhīmasenasya saṃyuge

युद्ध में भीमसेन का वेग मद्रराज के सिवा, या बलराम अथवा यदुओं के आनन्द के सिवा, कोई और सह नहीं सकता।

श्लोक 7 (9.11.7)

तथा मद्राधिपस्यापि । गदावेगं महात्मनः । सोढुमुत्सहते नान्यो । योधो युधि वृकोदरात् ॥

tathā madrādhipasyāpi | gadāvegaṃ mahātmanaḥ | soḍhumutsahate nānyo | yodho yudhi vṛkodarāt

और उसी प्रकार उन महात्मा मद्रराज की गदा का वेग युद्ध में वृकोदर के सिवा कोई और योद्धा सह नहीं सकता।

श्लोक 8 (9.11.8)

तौ वृषाविव नर्दन्तौ । मण्डलानि विचेरतुः । आवल्गितौ गदाहस्तौ । मद्रराजवृकोदरौ ॥

tau vṛṣāviva nardantau | maṇḍalāni viceratuḥ | āvalgitau gadāhastau | madrarājavṛkodarau

साँड़ों की तरह गरजते हुए, हाथों में गदा लिए उछलते-कूदते मद्रराज और वृकोदर मण्डल बाँधकर घूमने लगे।

श्लोक 9 (9.11.9)

मण्डलावर्तमार्गेषु । गदाविहरणेषु च । निर्विशेषमभूद्युद्धं । तयोः पुरुषसिंहयोः ॥

maṇḍalāvartamārgeṣu | gadāviharaṇeṣu ca | nirviśeṣamabhūdyuddhaṃ | tayoḥ puruṣasiṃhayoḥ

मण्डलाकार चालों में और गदा के खेल में उन दोनों पुरुषसिंहों का युद्ध बराबरी का रहा; दोनों में कोई अन्तर नहीं दिखाई दिया।

श्लोक 10 (9.11.10)

तप्तहेममयैः शुभ्रै- । र्बभूव भयवर्धनी । अग्निज्वालैरिवाविद्धा । पट्टैः शल्यस्य सा गदा ॥

taptahemamayaiḥ śubhrai- | rbabhūva bhayavardhanī | agnijvālairivāviddhā | paṭṭaiḥ śalyasya sā gadā

तपाए हुए सोने की चमकीली पट्टियों से मढ़ी शल्य की वह गदा ऐसी लगती थी मानो अग्नि की लपटों से जड़ी हो; वह भय बढ़ाने वाली थी।

श्लोक 11 (9.11.11)

तथैव चरतो मार्गा- । न्मण्डलेषु महात्मनः । विद्युदभ्रप्रतीकाशा । भीमस्य शुशुभे गदा ॥

tathaiva carato mārgā- | nmaṇḍaleṣu mahātmanaḥ | vidyudabhrapratīkāśā | bhīmasya śuśubhe gadā

इसी प्रकार मण्डलों में चलते हुए महात्मा भीम की गदा बादल में कौंधती बिजली के समान शोभित हो रही थी।

श्लोक 12 (9.11.12)

ताडिता मद्रराजेन । भीमस्य गदया गदा । दीप्यमानेव वै राज- । न्ससृजे पावकार्चिषः ॥

tāḍitā madrarājena | bhīmasya gadayā gadā | dīpyamāneva vai rāja- | nsasṛje pāvakārciṣaḥ

हे राजन्, मद्रराज की गदा से टकराने पर भीम की गदा मानो जल उठी और उससे अग्नि की चिनगारियाँ छूटने लगीं।

श्लोक 13 (9.11.13)

तथा भीमेन शल्यस्य । ताडिता गदया गदा । अङ्गारवर्षं मुमुचे । तदद्भुतमिवाभवत् ॥

tathā bhīmena śalyasya | tāḍitā gadayā gadā | aṅgāravarṣaṃ mumuce | tadadbhutamivābhavat

वैसे ही भीम की गदा से टकराने पर शल्य की गदा से भी अंगारों की वर्षा हुई; वह अद्भुत-सा दृश्य था।

श्लोक 14 (9.11.14)

दन्तैरिव महानागौ । शृङ्गैरिव महर्षभौ । तोत्त्रैरिव तदान्योन्यं । गदाग्राभ्यां निजघ्नतुः ॥

dantairiva mahānāgau | śṛṅgairiva maharṣabhau | tottrairiva tadānyonyaṃ | gadāgrābhyāṃ nijaghnatuḥ

जैसे दो विशाल हाथी दाँतों से और दो बलवान साँड़ सींगों से लड़ते हैं, और जैसे अंकुशों से मारा जाता है, वैसे ही वे दोनों उस समय गदाओं के अग्रभाग से एक-दूसरे पर प्रहार करने लगे।

श्लोक 15 (9.11.15)

तौ गदानिहतैर्गात्रैः । क्षणेन रुधिरोक्षितौ । प्रेक्षणीयतरावास्तां । पुष्पिताविव किंशुकौ ॥

tau gadānihatairgātraiḥ | kṣaṇena rudhirokṣitau | prekṣaṇīyatarāvāstāṃ | puṣpitāviva kiṃśukau

गदाओं की चोट से घायल अंगों वाले वे दोनों क्षण भर में लहू से लथपथ हो गए और खिले हुए किंशुक वृक्षों के समान और भी अधिक दर्शनीय लगने लगे।

श्लोक 16 (9.11.16)

गदया मद्रराजेन । सव्यदक्षिणमाहतः । भीमसेनो महाबाहु- । र्न चचालाचलो यथा ॥

gadayā madrarājena | savyadakṣiṇamāhataḥ | bhīmaseno mahābāhu- | rna cacālācalo yathā

मद्रराज की गदा से बाएँ और दाएँ चोट खाकर भी महाबाहु भीमसेन पर्वत की भाँति अपनी जगह से नहीं हिला।

श्लोक 17 (9.11.17)

तथा भीमगदावेगै- । स्ताड्यमानो मुहुर्मुहुः । शल्यो न विव्यथे राज- । न्दन्तिनेवाहतो गिरिः ॥

tathā bhīmagadāvegai- | stāḍyamāno muhurmuhuḥ | śalyo na vivyathe rāja- | ndantinevāhato giriḥ

और हे राजन्, भीम की गदा के प्रहारों से बार-बार पिटने पर भी शल्य हाथी से टकराए गए पर्वत के समान तनिक विचलित नहीं हुआ।

श्लोक 18 (9.11.18)

शुश्रुवे दिक्षु सर्वासु । तयोः पुरुषसिंहयोः । गदानिपातसंह्रादो । वज्रयोरिव निस्वनः ॥

śuśruve dikṣu sarvāsu | tayoḥ puruṣasiṃhayoḥ | gadānipātasaṃhrādo | vajrayoriva nisvanaḥ

उन दोनों पुरुषसिंहों की गदाओं के गिरने की गड़गड़ाहट सभी दिशाओं में सुनाई दी, जो दो वज्रों के टकराने की ध्वनि के समान थी।

श्लोक 19 (9.11.19)

निवृत्य तु महावीर्यौ । समुच्छ्रितगदावुभौ । पुनरन्तरमार्गस्थौ । मण्डलानि विचेरतुः ॥

nivṛtya tu mahāvīryau | samucchritagadāvubhau | punarantaramārgasthau | maṇḍalāni viceratuḥ

फिर वे दोनों महापराक्रमी पीछे हटे, गदाएँ ऊँची उठाईं, भीतरी मार्गों पर आ खड़े हुए और फिर मण्डल बाँधकर घूमने लगे।

श्लोक 20 (9.11.20)

अथाभ्येत्य पदान्यष्टौ । संनिपातोऽभवत्तयोः । उद्यम्य लोहदण्डाभ्या- । मतिमानुषकर्मणोः ॥

athābhyetya padānyaṣṭau | saṃnipāto'bhavattayoḥ | udyamya lohadaṇḍābhyā- | matimānuṣakarmaṇoḥ

फिर आठ पग आगे बढ़कर, लोहे के दण्ड उठाए हुए उन दोनों अलौकिक कर्म करने वालों की आपस में भिड़ंत हुई।

श्लोक 21 (9.11.21)

प्रार्थयानौ तदान्योऽन्यं । मण्डलानि विचेरतुः । क्रियाविशेषं कृतिनौ । दर्शयामासतुस्तदा ॥

prārthayānau tadānyo'nyaṃ | maṇḍalāni viceratuḥ | kriyāviśeṣaṃ kṛtinau | darśayāmāsatustadā

एक-दूसरे को पाने की इच्छा से वे मण्डल बाँधकर घूमते रहे और उन दोनों कुशल योद्धाओं ने उस समय अपने विशेष कौशल दिखाए।

श्लोक 22 (9.11.22)

अथोद्यम्य गदे घोरे । सशृङ्गाविव पर्वतौ । तावाजघ्नतुरन्योन्यं । यथा भूमिचलेऽचलौ ॥

athodyamya gade ghore | saśṛṅgāviva parvatau | tāvājaghnaturanyonyaṃ | yathā bhūmicale'calau

फिर अपनी भयंकर गदाएँ उठाकर, शिखरों वाले दो पर्वतों के समान, उन्होंने एक-दूसरे पर ऐसे प्रहार किया जैसे भूमि पर दो पर्वत टकरा रहे हों।

श्लोक 23 (9.11.23)

तौ परस्परवेगाच्च । गदाभ्यां च भृशाहतौ । युगपत्पेततुर्वीरा- । वुभाविन्द्रध्वजाविव ॥

tau parasparavegācca | gadābhyāṃ ca bhṛśāhatau | yugapatpetaturvīrā- | vubhāvindradhvajāviva

एक-दूसरे के वेग से और गदाओं से गहरी चोट खाकर वे दोनों वीर एक ही क्षण में इन्द्रध्वज के दो स्तम्भों की भाँति गिर पड़े।

श्लोक 24 (9.11.24)

उभयोः सेनयोर्वीरा- । स्तदा हाहाकृतोऽभवन् । भृशं मर्मण्यभिहता- । वुभावास्तां सुविह्वलौ ॥

ubhayoḥ senayorvīrā- | stadā hāhākṛto'bhavan | bhṛśaṃ marmaṇyabhihatā- | vubhāvāstāṃ suvihvalau

दोनों सेनाओं के वीर "हाय! हाय!" कर उठे। मर्मस्थलों पर कड़ी चोट खाकर वे दोनों अत्यन्त विह्वल हो गए।

श्लोक 25 (9.11.25)

ततः सगदमारोप्य । मद्राणामृषभं रथे । अपोवाह कृपः शल्यं । तूर्णमायोधनादपि ॥

tataḥ sagadamāropya | madrāṇāmṛṣabhaṃ rathe | apovāha kṛpaḥ śalyaṃ | tūrṇamāyodhanādapi

तब कृप ने मद्रों के उस वृषभ शल्य को गदा सहित अपने रथ पर चढ़ा लिया और तुरंत उसे रणभूमि से बाहर ले गए।

श्लोक 26 (9.11.26)

क्षीबवद्विह्वलत्वात्तु । निमेषात्पुनरुत्थितः । भीमसेनो गदापाणिः । समाह्वयत मद्रपम् ॥

kṣībavadvihvalatvāttu | nimeṣātpunarutthitaḥ | bhīmaseno gadāpāṇiḥ | samāhvayata madrapam

मदमत्त मनुष्य की तरह विह्वल होने पर भी गदा हाथ में लिए भीमसेन पलक झपकते फिर उठ खड़ा हुआ और उसने मद्रराज को ललकारा।

श्लोक 27 (9.11.27)

ततस्तु तावकाः शूरा । नानाशस्त्रसमायुताः । नानावादित्रशब्देन । पाण्डुसेनामयोधयन् ॥

tatastu tāvakāḥ śūrā | nānāśastrasamāyutāḥ | nānāvāditraśabdena | pāṇḍusenāmayodhayan

तब तुम्हारे वीर नाना प्रकार के शस्त्र लिए और नाना प्रकार के वाद्यों के नाद के साथ पाण्डव-सेना से लड़ने लगे।

श्लोक 28 (9.11.28)

भुजावुच्छ्रित्य शस्त्रं च । शब्देन महता ततः । अभ्यद्रवन्महाराज । दुर्योधनपुरोगमाः ॥

bhujāvucchritya śastraṃ ca | śabdena mahatā tataḥ | abhyadravanmahārāja | duryodhanapurogamāḥ

हे महाराज, भुजाएँ और शस्त्र उठाकर बड़ी गर्जना के साथ दुर्योधन को आगे करके वे टूट पड़े।

श्लोक 29 (9.11.29)

तदनीकमभिप्रेक्ष्य । ततस्ते पाण्डुनन्दनाः । प्रययुः सिंहनादेन । दुर्योधनवधेप्सया ॥

tadanīkamabhiprekṣya | tataste pāṇḍunandanāḥ | prayayuḥ siṃhanādena | duryodhanavadhepsayā

उस सेना को देखकर पाण्डुपुत्र दुर्योधन को मारने की इच्छा से सिंहनाद करते हुए आगे बढ़े।

श्लोक 30 (9.11.30)

तेषामापततां तूर्णं । पुत्रस्ते भरतर्षभ । प्रासेन चेकितानं वै । विव्याध हृदये भृशम् ॥

teṣāmāpatatāṃ tūrṇaṃ | putraste bharatarṣabha | prāsena cekitānaṃ vai | vivyādha hṛdaye bhṛśam

हे भरतश्रेष्ठ, उनके टूट पड़ने पर तुम्हारे पुत्र ने शीघ्र ही एक प्रास से चेकितान के हृदय में गहरा प्रहार किया।

श्लोक 31 (9.11.31)

स पपात रथोपस्थे । तव पुत्रेण ताडितः । रुधिरौघपरिक्लिन्नः । प्रविश्य विपुलं तमः ॥

sa papāta rathopasthe | tava putreṇa tāḍitaḥ | rudhiraughapariklinnaḥ | praviśya vipulaṃ tamaḥ

तुम्हारे पुत्र की चोट खाकर वह लहू की धारा में नहाया हुआ, गहरे अन्धकार में डूबता हुआ, रथ के पिछले भाग में गिर पड़ा।

श्लोक 32 (9.11.32)

चेकितानं हतं दृष्ट्वा । पाण्डवानां महारथाः । प्रसक्तमभ्यवर्षन्त । शरवर्षाणि भागशः ॥

cekitānaṃ hataṃ dṛṣṭvā | pāṇḍavānāṃ mahārathāḥ | prasaktamabhyavarṣanta | śaravarṣāṇi bhāgaśaḥ

चेकितान को गिरा देखकर पाण्डवों के महारथियों ने झुण्ड बाँधकर निरन्तर बाणों की वर्षा की।

श्लोक 33 (9.11.33)

तावकानामनीकेषु । पाण्डवा जितकाशिनः । व्यचरन्त महाराज । प्रेक्षणीयाः समन्ततः ॥

tāvakānāmanīkeṣu | pāṇḍavā jitakāśinaḥ | vyacaranta mahārāja | prekṣaṇīyāḥ samantataḥ

हे महाराज, विजय के उल्लास में भरे पाण्डव तुम्हारी सेनाओं में सब ओर विचरने लगे; वे देखने योग्य दिखाई देते थे।

श्लोक 34 (9.11.34)

कृपश्च कृतवर्मा च । सौबलश्च महाबलः । अयोधयन्धर्मराजं । मद्रराजपुरस्कृताः ॥

kṛpaśca kṛtavarmā ca | saubalaśca mahābalaḥ | ayodhayandharmarājaṃ | madrarājapuraskṛtāḥ

कृप, कृतवर्मा और महाबली सौबल शकुनि मद्रराज को आगे करके धर्मराज से लड़ने लगे।

श्लोक 35 (9.11.35)

भारद्वाजस्य हन्तारं । भूरिवीर्यपराक्रमम् । दुर्योधनो महाराज । धृष्टद्युम्नमयोधयत् ॥

bhāradvājasya hantāraṃ | bhūrivīryaparākramam | duryodhano mahārāja | dhṛṣṭadyumnamayodhayat

और हे महाराज, दुर्योधन ने भारद्वाज के पुत्र के संहारक, महान बल और पराक्रम वाले धृष्टद्युम्न से युद्ध किया।

श्लोक 36 (9.11.36)

त्रिसाहस्रा रथा राजं- । स्तव पुत्रेण चोदिताः । अयोधयन्त विजयं । द्रोणपुत्रपुरस्कृताः ॥

trisāhasrā rathā rājaṃ- | stava putreṇa coditāḥ | ayodhayanta vijayaṃ | droṇaputrapuraskṛtāḥ

हे राजन्, तुम्हारे पुत्र की प्रेरणा से तीन हज़ार रथ द्रोणपुत्र को आगे करके विजय के लिए लड़ने लगे।

श्लोक 37 (9.11.37)

विजये धृतसंकल्पाः । समभित्यक्तजीविताः । प्राविशंस्तावका राज- । न्हंसा इव महत्सरः ॥

vijaye dhṛtasaṃkalpāḥ | samabhityaktajīvitāḥ | prāviśaṃstāvakā rāja- | nhaṃsā iva mahatsaraḥ

विजय का दृढ़ संकल्प किए और प्राणों का मोह छोड़कर तुम्हारे योद्धा, हे राजन्, हंसों की तरह किसी विशाल सरोवर में घुस गए।

श्लोक 38 (9.11.38)

ततो युद्धमभूद्घोरं । परस्परवधैषिणाम् । अन्योन्यवधसंयुक्त- । मन्योन्यप्रीतिवर्धनम् ॥

tato yuddhamabhūdghoraṃ | parasparavadhaiṣiṇām | anyonyavadhasaṃyukta- | manyonyaprītivardhanam

तब एक-दूसरे का वध चाहने वालों के बीच भयंकर युद्ध छिड़ गया; वह परस्पर संहार से भरा था, फिर भी एक-दूसरे के प्रति उनकी प्रीति बढ़ा रहा था।

श्लोक 39 (9.11.39)

तस्मिन्प्रवृत्ते संग्रामे । राजन्वीरवरक्षये । अनिलेनेरितं घोर- । मुत्तस्थौ पार्थिवं रजः ॥

tasminpravṛtte saṃgrāme | rājanvīravarakṣaye | anileneritaṃ ghora- | muttasthau pārthivaṃ rajaḥ

हे राजन्, उस संग्राम के चल पड़ने पर, जब श्रेष्ठ वीरों का संहार हो रहा था, वायु से उड़ी भयंकर धूल उठ खड़ी हुई।

श्लोक 40 (9.11.40)

श्रवणान्नामधेयानां । पाण्डवानां च कीर्तनात् । परस्परं विजानीमो । ये चायुध्यन्नभीतवत् ॥

śravaṇānnāmadheyānāṃ | pāṇḍavānāṃ ca kīrtanāt | parasparaṃ vijānīmo | ye cāyudhyannabhītavat

नाम सुनने से और पाण्डवों के नामों के उच्चारण से ही हम एक-दूसरे को पहचान पाते थे, जो निर्भय होकर लड़ रहे थे।

श्लोक 41 (9.11.41)

तद्रजः पुरुषव्याघ्र । शोणितेन प्रशामितम् । दिशश्च विमला जज्ञु- । स्तस्मिन्रजसि शामिते ॥

tadrajaḥ puruṣavyāghra | śoṇitena praśāmitam | diśaśca vimalā jajñu- | stasminrajasi śāmite

हे पुरुषव्याघ्र, वह धूल रक्त से बैठ गई; और धूल के बैठ जाने पर दिशाएँ स्वच्छ हो गईं।

श्लोक 42 (9.11.42)

तथा प्रवृत्ते संग्रामे । घोररूपे भयानके । तावकानां परेषां च । नासीत्कश्चित्पराङ्मुखः ॥

tathā pravṛtte saṃgrāme | ghorarūpe bhayānake | tāvakānāṃ pareṣāṃ ca | nāsītkaścitparāṅmukhaḥ

इस प्रकार जब वह भयानक रूप वाला भीषण संग्राम चल रहा था, तब तुम्हारे और शत्रुओं के पक्ष में कोई भी पीठ दिखाने वाला नहीं था।

श्लोक 43 (9.11.43)

ब्रह्मलोकपरा भूत्वा । प्रार्थयन्तो जयं युधि । सुयुद्धेन पराक्रान्ता । नराः स्वर्गमभीप्सवः ॥

brahmalokaparā bhūtvā | prārthayanto jayaṃ yudhi | suyuddhena parākrāntā | narāḥ svargamabhīpsavaḥ

ब्रह्मलोक को लक्ष्य बनाकर और युद्ध में विजय की कामना करते हुए, उत्तम युद्ध से पराक्रम दिखाने वाले वे पुरुष स्वर्ग पाने की इच्छा से लड़ रहे थे।

श्लोक 44 (9.11.44)

भर्तृपिण्डविमोक्षार्थं । भर्तृकार्यविनिश्चिताः । स्वर्गसंसक्तमनसो । योधा युयुधिरे तदा ॥

bhartṛpiṇḍavimokṣārthaṃ | bhartṛkāryaviniścitāḥ | svargasaṃsaktamanaso | yodhā yuyudhire tadā

स्वामी के अन्न का ऋण चुकाने के लिए, स्वामी के कार्य में निश्चय के साथ जुटे हुए और स्वर्ग में मन लगाए हुए योद्धा उस समय लड़ रहे थे।

श्लोक 45 (9.11.45)

नानारूपाणि शस्त्राणि । विसृजन्तो महारथाः । अन्योन्यमभिगर्जन्तः । प्रहरन्तः परस्परम् ॥

nānārūpāṇi śastrāṇi | visṛjanto mahārathāḥ | anyonyamabhigarjantaḥ | praharantaḥ parasparam

नाना रूपों के शस्त्र फेंकते हुए महारथी एक-दूसरे पर गरजते और एक-दूसरे पर प्रहार करते थे।

श्लोक 46 (9.11.46)

हत विध्यत गृह्णीत । प्रहरध्वं निकृन्तत । इति स्म वाचः श्रूयन्ते । तव तेषां च वै बले ॥

hata vidhyata gṛhṇīta | praharadhvaṃ nikṛntata | iti sma vācaḥ śrūyante | tava teṣāṃ ca vai bale

"मारो! बेधो! पकड़ो! प्रहार करो! काट डालो!" ऐसी पुकारें तुम्हारी और उनकी सेना में सुनाई देती थीं।

श्लोक 47 (9.11.47)

ततः शल्यो महाराज । धर्मराजं युधिष्ठिरम् । विव्याध निशितैर्बाणै- । र्हन्तुकामो महारथम् ॥

tataḥ śalyo mahārāja | dharmarājaṃ yudhiṣṭhiram | vivyādha niśitairbāṇai- | rhantukāmo mahāratham

तब हे महाराज, शल्य ने उस महारथी धर्मराज युधिष्ठिर को मार डालने की इच्छा से तीखे बाणों से बेध दिया।

श्लोक 48 (9.11.48)

तस्य पार्थो महाराज । नाराचान्वै चतुर्दश । मर्माण्युद्दिश्य मर्मज्ञो । निचखान हसन्निव ॥

tasya pārtho mahārāja | nārācānvai caturdaśa | marmāṇyuddiśya marmajño | nicakhāna hasanniva

हे महाराज, मर्मों को जानने वाले पृथापुत्र युधिष्ठिर ने मानो हँसते हुए उसके मर्मस्थलों को लक्ष्य करके चौदह नाराच उसमें गाड़ दिए।

श्लोक 49 (9.11.49)

तं वार्य पाण्डवं बाणै- । र्हन्तुकामो महायशाः । विव्याध समरे क्रुद्धो । बहुभिः कङ्कपत्रिभिः ॥

taṃ vārya pāṇḍavaṃ bāṇai- | rhantukāmo mahāyaśāḥ | vivyādha samare kruddho | bahubhiḥ kaṅkapatribhiḥ

बाणों से उसे रोककर, पाण्डव को मार डालने की इच्छा वाले महायशस्वी शल्य ने क्रुद्ध होकर युद्ध में बहुत-से कंकपत्र बाणों से उसे बेध दिया।

श्लोक 50 (9.11.50)

अथ भूयो महाराज । शरेण नतपर्वणा । युधिष्ठिरं समाजघ्ने । सर्वसैन्यस्य पश्यतः ॥

atha bhūyo mahārāja | śareṇa nataparvaṇā | yudhiṣṭhiraṃ samājaghne | sarvasainyasya paśyataḥ

फिर हे महाराज, उसने समस्त सेना के देखते-देखते एक सीधी गाँठों वाले बाण से युधिष्ठिर को घायल कर दिया।

श्लोक 51 (9.11.51)

धर्मराजोऽपि संक्रुद्धो । मद्रराजं महायशाः । विव्याध निशितैर्बाणैः । कङ्कबर्हिणवाजितैः ॥

dharmarājo'pi saṃkruddho | madrarājaṃ mahāyaśāḥ | vivyādha niśitairbāṇaiḥ | kaṅkabarhiṇavājitaiḥ

धर्मराज ने भी क्रुद्ध होकर कंक और मोर के पंखों वाले तीखे बाणों से महायशस्वी मद्रराज को बेध दिया।

श्लोक 52 (9.11.52)

चन्द्रसेनं च सप्तत्या । सूतं च नवभिः शरैः । द्रुमसेनं चतुःषष्ट्या । निजघान महारथः ॥

candrasenaṃ ca saptatyā | sūtaṃ ca navabhiḥ śaraiḥ | drumasenaṃ catuḥṣaṣṭyā | nijaghāna mahārathaḥ

उस महारथी ने सत्तर बाणों से चन्द्रसेन को, नौ बाणों से सारथि को और चौंसठ बाणों से द्रुमसेन को मार गिराया।

श्लोक 53 (9.11.53)

चक्ररक्षे हते शल्यः । पाण्डवेन महात्मना । निजघान ततो राजं- । श्चेदीन्वै पञ्चविंशतिम् ॥

cakrarakṣe hate śalyaḥ | pāṇḍavena mahātmanā | nijaghāna tato rājaṃ- | ścedīnvai pañcaviṃśatim

उन महात्मा पाण्डव के हाथ से चक्ररक्षक के मारे जाने पर शल्य ने, हे राजन्, तब चेदियों में से पच्चीस को मार डाला।

श्लोक 54 (9.11.54)

सात्यकिं पञ्चविंशत्या । भीमसेनं च पञ्चभिः । माद्रीपुत्रौ शतेनाजौ । विव्याध निशितैः शरैः ॥

sātyakiṃ pañcaviṃśatyā | bhīmasenaṃ ca pañcabhiḥ | mādrīputrau śatenājau | vivyādha niśitaiḥ śaraiḥ

उसने तीखे बाणों से सात्यकि को पच्चीस से, भीमसेन को पाँच से और माद्री के दोनों पुत्रों को सौ से युद्ध में बेध दिया।

श्लोक 55 (9.11.55)

एवं विचरतस्तस्य । संग्रामे राजसत्तम । संप्रेषयच्छितान्पार्थः । शरानाशीविषोपमान् ॥

evaṃ vicaratastasya | saṃgrāme rājasattama | saṃpreṣayacchitānpārthaḥ | śarānāśīviṣopamān

हे राजाओं में श्रेष्ठ, संग्राम में उसके इस प्रकार विचरते समय पृथापुत्र युधिष्ठिर ने विषधर सर्पों के समान तीखे बाण छोड़े।

श्लोक 56 (9.11.56)

ध्वजाग्रं चास्य समरे । कुन्तीपुत्रो युधिष्ठिरः । प्रमुखे वर्तमानस्य । भल्लेनापहरद्रथात् ॥

dhvajāgraṃ cāsya samare | kuntīputro yudhiṣṭhiraḥ | pramukhe vartamānasya | bhallenāpaharadrathāt

और कुन्तीपुत्र युधिष्ठिर ने युद्ध में सामने डटे हुए शल्य के रथ से उसकी ध्वजा का अग्रभाग एक भल्ल से काट गिराया।

श्लोक 57 (9.11.57)

पाण्डुपुत्रेण वै तस्य । केतुं छिन्नं महात्मना । निपतन्तमपश्याम । गिरिशृङ्गमिवाहतम् ॥

pāṇḍuputreṇa vai tasya | ketuṃ chinnaṃ mahātmanā | nipatantamapaśyāma | giriśṛṅgamivāhatam

पाण्डुपुत्र महात्मा युधिष्ठिर के काटे हुए उसके ध्वज को हमने आहत पर्वत-शिखर की तरह गिरते देखा।

श्लोक 58 (9.11.58)

ध्वजं निपतितं दृष्ट्वा । पाण्डवं च व्यवस्थितम् । संक्रुद्धो मद्रराजोऽभू- । च्छरवर्षं मुमोच ह ॥

dhvajaṃ nipatitaṃ dṛṣṭvā | pāṇḍavaṃ ca vyavasthitam | saṃkruddho madrarājo'bhū- | ccharavarṣaṃ mumoca ha

अपने ध्वज को गिरा देखकर और पाण्डव को अडिग खड़ा पाकर मद्रराज अत्यन्त क्रुद्ध हो उठा और बाणों की वर्षा करने लगा।

श्लोक 59 (9.11.59)

शल्यः सायकवर्षेण । पर्जन्य इव वृष्टिमान् । अभ्यवर्षदमेयात्मा । क्षत्रियं क्षत्रियर्षभः ॥

śalyaḥ sāyakavarṣeṇa | parjanya iva vṛṣṭimān | abhyavarṣadameyātmā | kṣatriyaṃ kṣatriyarṣabhaḥ

अपार आत्मबल वाले, क्षत्रियों में वृषभ शल्य ने वर्षा करने वाले मेघ की तरह बाणों की झड़ी से उस क्षत्रिय युधिष्ठिर पर वर्षा की।

श्लोक 60 (9.11.60)

सात्यकिं भीमसेनं च । माद्रीपुत्रौ च पाण्डवौ । एकैकं पञ्चभिर्विद्ध्वा । युधिष्ठिरमपीडयत् ॥

sātyakiṃ bhīmasenaṃ ca | mādrīputrau ca pāṇḍavau | ekaikaṃ pañcabhirviddhvā | yudhiṣṭhiramapīḍayat

सात्यकि, भीमसेन और माद्री के दोनों पाण्डव पुत्रों में से प्रत्येक को पाँच-पाँच बाणों से बेधकर उसने युधिष्ठिर को पीड़ित किया।

श्लोक 61 (9.11.61)

ततो बाणमयं जालं । विततं पाण्डवोरसि । अपश्याम महाराज । मेघजालमिवोद्गतम् ॥

tato bāṇamayaṃ jālaṃ | vitataṃ pāṇḍavorasi | apaśyāma mahārāja | meghajālamivodgatam

तब, हे महाराज, हमने पाण्डव की छाती पर फैला हुआ बाणों का जाल देखा, जो उमड़ आए मेघ-समूह जैसा था।

श्लोक 62 (9.11.62)

तस्य शल्यो रणे क्रुद्धो । बाणैः संनतपर्वभिः । दिशः प्रच्छादयामास । प्रदिशश्च महारथः ॥

tasya śalyo raṇe kruddho | bāṇaiḥ saṃnataparvabhiḥ | diśaḥ pracchādayāmāsa | pradiśaśca mahārathaḥ

रण में क्रुद्ध हुए महारथी शल्य ने उसके चारों ओर सुडौल गाँठों वाले बाणों से दिशाओं और उपदिशाओं को ढक दिया।

श्लोक 63 (9.11.63)

ततो युधिष्ठिरो राजा । बाणजालेन पीडितः । बभूव हृतविक्रान्तो । जम्भो वृत्रहणा यथा ॥

tato yudhiṣṭhiro rājā | bāṇajālena pīḍitaḥ | babhūva hṛtavikrānto | jambho vṛtrahaṇā yathā

तब बाणों के जाल से पीड़ित राजा युधिष्ठिर पराक्रम से रहित हो गए, जैसे वृत्रहन्ता इन्द्र के सामने जम्भ हो गया था।