दुर्योधन सन्धि को अस्वीकार करता है

श्लोक 1 (9.4.1)

एवमुक्तस्ततो राजा गौतमेन तपस्विना । निःश्वस्य दीर्घमुष्णं च तूष्णीमासीद्विशाम्पते ॥

evamuktastato rājā gautamena tapasvinā | niḥśvasya dīrghamuṣṇaṃ ca tūṣṇīmāsīdviśāmpate

तपस्वी गौतम (कृप) के इस प्रकार कहने पर राजा ने लम्बी, गरम साँस ली और, हे प्रजापति, चुप हो गया।

श्लोक 2 (9.4.2)

ततो मुहूर्तं स ध्यात्वा तव पुत्रो महामनाः । कृपं शारद्वतं वाक्यमित्युवाच परन्तपः ॥

tato muhūrtaṃ sa dhyātvā tava putro mahāmanāḥ | kṛpaṃ śāradvataṃ vākyamityuvāca parantapaḥ

तब क्षणभर सोचकर आपके उदारचित्त पुत्र, शत्रुओं को तपाने वाले दुर्योधन ने शारद्वत कृप से यह वचन कहा —

श्लोक 3 (9.4.3)

यत्किञ्चित्सुहृदा वाच्यं तत्सर्वं श्रावितो ह्यहम् । कृतं च भवता सर्वं प्राणान्सन्त्यज्य युध्यता ॥

yatkiñcitsuhṛdā vācyaṃ tatsarvaṃ śrāvito hyaham | kṛtaṃ ca bhavatā sarvaṃ prāṇānsantyajya yudhyatā

मित्र को जो कुछ कहना चाहिए, वह सब मुझे सुना दिया गया; और आपने प्राणों का मोह छोड़कर लड़ते हुए सब कुछ किया है।

श्लोक 4 (9.4.4)

गाहमानमनीकानि युध्यमानं महारथैः । पाण्डवैरतितेजोभिर्लोकस्त्वामनुदृष्टवान् ॥

gāhamānamanīkāni yudhyamānaṃ mahārathaiḥ | pāṇḍavairatitejobhirlokastvāmanudṛṣṭavān

संसार ने आपको सेनाओं में घुसते हुए और अत्यन्त तेजस्वी पाण्डवों तथा उनके महारथियों से लड़ते हुए देखा है।

श्लोक 5 (9.4.5)

सुहृदा यदिदं वाक्यं भवता श्रावितो ह्यहम् । न मां प्रीणाति तत्सर्वं मुमूर्षोरिव भेषजम् ॥

suhṛdā yadidaṃ vākyaṃ bhavatā śrāvito hyaham | na māṃ prīṇāti tatsarvaṃ mumūrṣoriva bheṣajam

पर आप जैसे मित्र ने जो बात मुझे सुनाई है, वह मुझे वैसे ही नहीं भाती, जैसे मरणासन्न मनुष्य को औषधि नहीं भाती।

श्लोक 6 (9.4.6)

हेतुकारणसंयुक्तं हितं वचनमुत्तमम् । उच्यमानं महाबाहो न मे विप्राग्र्य रोचते ॥

hetukāraṇasaṃyuktaṃ hitaṃ vacanamuttamam | ucyamānaṃ mahābāho na me viprāgrya rocate

हे महाबाहु, हे विप्रश्रेष्ठ, आपके वचन हेतु और कारण से युक्त, हितकर और उत्तम हैं, पर मुझे रुचते नहीं।

श्लोक 7 (9.4.7)

राज्याद्विनिकृतोऽस्माभिः कथं सोऽस्मासु विश्वसेत् ॥

rājyādvinikṛto'smābhiḥ kathaṃ so'smāsu viśvaset

हमने उसे राज्य से ठगकर वंचित किया; वह हम पर विश्वास कैसे करेगा?

श्लोक 8 (9.4.8)

अक्षद्यूते च नृपतिर्जितोऽस्माभिर्महाधनः । स कथं मम वाक्यानि श्रद्दध्याद्भूय एव तु ॥

akṣadyūte ca nṛpatirjito'smābhirmahādhanaḥ | sa kathaṃ mama vākyāni śraddadhyādbhūya eva tu

और उस महाधनवान् राजा को हमने द्यूत में हराया था; वह फिर मेरी बातों पर कैसे श्रद्धा करेगा?

श्लोक 9 (9.4.9)

तथा दूत्येन सम्प्राप्तः कृष्णः पार्थहिते रतः । प्रलब्धश्च हृषीकेशस्तच्च कर्माविचारितम् । स च मे वचनं ब्रह्मन्कथमेवाभिमन्यते ॥

tathā dūtyena samprāptaḥ kṛṣṇaḥ pārthahite rataḥ | pralabdhaśca hṛṣīkeśastacca karmāvicāritam | sa ca me vacanaṃ brahmankathamevābhimanyate

इसी प्रकार पार्थ के हित में लगे कृष्ण दूत बनकर हमारे पास आए थे, और हृषीकेश को छला गया; वह कर्म बिना विचारे किया गया था। हे ब्रह्मन्, तब वे मेरी बात कैसे मानेंगे?

श्लोक 10 (9.4.10)

विललाप च यत्कृष्णा सभामध्ये समेयुषी । न तन्मर्षयते कृष्णो न राज्यहरणं तथा ॥

vilalāpa ca yatkṛṣṇā sabhāmadhye sameyuṣī | na tanmarṣayate kṛṣṇo na rājyaharaṇaṃ tathā

सभा के बीच लाई गई द्रौपदी ने जो विलाप किया था, उसे कृष्ण क्षमा नहीं करते, और राज्य के छीने जाने को भी नहीं।

श्लोक 11 (9.4.11)

एकप्राणावुभौ कृष्णावन्योन्यमभिसंश्रितौ । पुरा यच्छ्रुतमेवासीदद्य पश्यामि तत्प्रभो ॥

ekaprāṇāvubhau kṛṣṇāvanyonyamabhisaṃśritau | purā yacchrutamevāsīdadya paśyāmi tatprabho

दोनों कृष्ण एक ही प्राण हैं और एक-दूसरे का आश्रय लिए हुए हैं; जो मैंने पहले सुना था, हे प्रभो, वही आज देख रहा हूँ।

श्लोक 12 (9.4.12)

स्वस्रीयं निहतं दृष्ट्वा दुःखं स्वपिति केशवः । कृतागसो वयं तस्य हितं मे स कथं चरेत् ॥

svasrīyaṃ nihataṃ dṛṣṭvā duḥkhaṃ svapiti keśavaḥ | kṛtāgaso vayaṃ tasya hitaṃ me sa kathaṃ caret

अपने भानजे को मरा देखकर केशव दुःख में सोते हैं। हम उनके अपराधी हैं; वे मेरे हित के लिए कैसे प्रयत्न करेंगे?

श्लोक 13 (9.4.13)

अभिमन्योर्विनाशेन न शर्म लभतेऽर्जुनः । स कथं मद्धिते यत्नं प्रकरिष्यति याचितः ॥

abhimanyorvināśena na śarma labhate'rjunaḥ | sa kathaṃ maddhite yatnaṃ prakariṣyati yācitaḥ

अभिमन्यु के विनाश से अर्जुन को शान्ति नहीं मिलती; माँगे जाने पर भी वह मेरे हित का प्रयत्न कैसे करेगा?

श्लोक 14 (9.4.14)

मध्यमः पाण्डवस्तीक्ष्णो भीमसेनो महाबलः । प्रतिज्ञातं च तेनोग्रं भज्येतापि न सन्नमेत् ॥

madhyamaḥ pāṇḍavastīkṣṇo bhīmaseno mahābalaḥ | pratijñātaṃ ca tenograṃ bhajyetāpi na sannamet

मँझला पाण्डव भीमसेन उग्र और महाबली है; उसने जो भयंकर प्रतिज्ञा की है, उसके लिए वह टूट भले जाए, झुकेगा नहीं।

श्लोक 15 (9.4.15)

उभौ तौ बद्धनिस्त्रिंशावुभौ चाबद्धकङ्कटौ । कृतवैरावुभौ वीरौ यमावपि यमोपमौ ॥

ubhau tau baddhanistriṃśāvubhau cābaddhakaṅkaṭau | kṛtavairāvubhau vīrau yamāvapi yamopamau

वे दोनों, जुड़वाँ भाई, तलवारें बाँधे और कवच कसे हुए हैं; दोनों वैर साधे हुए वीर हैं, साक्षात् यम के समान।

श्लोक 16 (9.4.16)

धृष्टद्युम्नः शिखण्डी च कृतवैरौ मया सह । तौ कथं मद्विते यत्नं कुर्यातां द्विजसत्तम ॥

dhṛṣṭadyumnaḥ śikhaṇḍī ca kṛtavairau mayā saha | tau kathaṃ madvite yatnaṃ kuryātāṃ dvijasattama

धृष्टद्युम्न और शिखण्डी ने मुझसे वैर बाँध रखा है; हे द्विजश्रेष्ठ, वे दोनों मेरे हित का प्रयत्न कैसे करेंगे?

श्लोक 17 (9.4.17)

दुःशासनेन यत्कृष्णा एकवस्त्रा रजस्वला । परिक्लिष्टा सभामध्ये सर्वलोकस्य पश्यतः ॥

duḥśāsanena yatkṛṣṇā ekavastrā rajasvalā | parikliṣṭā sabhāmadhye sarvalokasya paśyataḥ

जब दुःशासन ने एक ही वस्त्र पहने, रजस्वला द्रौपदी को सभा के बीच, सारे संसार के देखते-देखते, घसीटकर अपमानित किया —

श्लोक 18 (9.4.18)

तथा विवसनां दीनां स्मरन्त्यद्यापि पाण्डवाः । न निवारयितुं शक्याः सङ्ग्रामात्ते परन्तपाः ॥

tathā vivasanāṃ dīnāṃ smarantyadyāpi pāṇḍavāḥ | na nivārayituṃ śakyāḥ saṅgrāmātte parantapāḥ

तब वस्त्रहीन और दीन बनी उस द्रौपदी को पाण्डव आज भी याद करते हैं; वे शत्रुओं को तपाने वाले वीर युद्ध से रोके नहीं जा सकते।

श्लोक 19 (9.4.19)

यदा च द्रौपदी क्लिष्टा मद्विनाशाय दुःखिता । उग्रं तेपे तपः कृष्णा भर्तॄणामर्थसिद्धये । स्थण्डिले नित्यदा शेते यावद्वैरस्य यातनम् ॥

yadā ca draupadī kliṣṭā madvināśāya duḥkhitā | ugraṃ tepe tapaḥ kṛṣṇā bhartṝṇāmarthasiddhaye | sthaṇḍile nityadā śete yāvadvairasya yātanam

और जब अपमानित और दुखी द्रौपदी ने मेरे विनाश के लिए, अपने पतियों का प्रयोजन सिद्ध करने के निमित्त, उग्र तप किया, तब वह वैर का बदला चुकाए जाने तक नित्य भूमि पर ही सोती रही।

श्लोक 20 (9.4.20)

निक्षिप्य मानं दर्पं च वासुदेवसहोदरा । कृष्णायाः प्रेष्यवद्भूत्वा शुश्रूषां कुरुते सदा ॥

nikṣipya mānaṃ darpaṃ ca vāsudevasahodarā | kṛṣṇāyāḥ preṣyavadbhūtvā śuśrūṣāṃ kurute sadā

वासुदेव की सगी बहन (सुभद्रा) मान और घमण्ड छोड़कर द्रौपदी की दासी-सी बनकर सदा उसकी सेवा करती है।

श्लोक 21 (9.4.21)

इति सर्वं समुन्नद्धं न निर्वाति कथञ्चन । अभिमन्योर्विनाशेन स सन्धेयः कथं मया ॥

iti sarvaṃ samunnaddhaṃ na nirvāti kathañcana | abhimanyorvināśena sa sandheyaḥ kathaṃ mayā

यह सब कुछ तना हुआ है और किसी तरह शान्त नहीं होता। अभिमन्यु के विनाश के बाद मैं उससे सन्धि कैसे कर सकता हूँ?

श्लोक 22 (9.4.22)

कथं च राजा भुक्त्वेमां पृथिवीं सागराम्बराम् । पाण्डवानां प्रसादेन भोक्ष्ये राज्यमहं कथम् ॥

kathaṃ ca rājā bhuktvemāṃ pṛthivīṃ sāgarāmbarām | pāṇḍavānāṃ prasādena bhokṣye rājyamahaṃ katham

और समुद्र से घिरी इस पृथ्वी को राजा के रूप में भोग चुकने के बाद मैं पाण्डवों की कृपा से राज्य कैसे भोगूँगा?

श्लोक 23 (9.4.23)

उपर्युपरि राज्ञां वै ज्वलित्वा भास्करो यथा । युधिष्ठिरं कथं पश्चादनुयास्यामि दासवत् ॥

uparyupari rājñāṃ vai jvalitvā bhāskaro yathā | yudhiṣṭhiraṃ kathaṃ paścādanuyāsyāmi dāsavat

सब राजाओं के ऊपर सूर्य की तरह चमककर मैं अब युधिष्ठिर के पीछे दास की भाँति कैसे चलूँगा?

श्लोक 24 (9.4.24)

कथं भुक्त्वा स्वयं भोगान्दत्त्वा दायांश्च पुष्कलान् । कृपणं वर्तयिष्यामि कृपणैः सह जीविकाम् ॥

kathaṃ bhuktvā svayaṃ bhogāndattvā dāyāṃśca puṣkalān | kṛpaṇaṃ vartayiṣyāmi kṛpaṇaiḥ saha jīvikām

स्वयं सब भोग भोगकर और प्रचुर दान देकर मैं दीनों के साथ दीन-हीन जीवन कैसे बिताऊँगा?

श्लोक 25 (9.4.25)

नाभ्यसूयामि ते वाक्यमुक्तं स्निग्धं हितं त्वया । न तु सन्धिमहं मन्ये प्राप्तकालं कथञ्चन ॥

nābhyasūyāmi te vākyamuktaṃ snigdhaṃ hitaṃ tvayā | na tu sandhimahaṃ manye prāptakālaṃ kathañcana

मैं आपकी बात में दोष नहीं निकालता; आपने स्नेह से और मेरे हित की बात कही। पर मैं किसी प्रकार भी सन्धि को इस समय उचित नहीं मानता।

श्लोक 26 (9.4.26)

सुनीतमनुपश्यामि सुयुद्धेन परन्तप ॥

sunītamanupaśyāmi suyuddhena parantapa

हे परन्तप, मैं भली-भाँति लड़ने में ही सुनीति देखता हूँ।

श्लोक 27 (9.4.27)

नायं क्लीबायितुं कालः संयोद्धुं काल एव नः ॥

nāyaṃ klībāyituṃ kālaḥ saṃyoddhuṃ kāla eva naḥ

यह कायरों की तरह व्यवहार करने का समय नहीं है; यह हमारे लिए लड़ने का ही समय है।

श्लोक 28 (9.4.28)

इष्टं मे बहुभिर्यज्ञैर्दत्ता विप्रेषु दक्षिणाः । प्राप्ताः कामाः श्रुता वेदाः शत्रूणां मूर्ध्नि च स्थितम् ॥

iṣṭaṃ me bahubhiryajñairdattā vipreṣu dakṣiṇāḥ | prāptāḥ kāmāḥ śrutā vedāḥ śatrūṇāṃ mūrdhni ca sthitam

मैंने बहुत-से यज्ञ किए और ब्राह्मणों को दक्षिणाएँ दीं; मेरी कामनाएँ पूरी हुईं, वेद सुने गए, और मैं शत्रुओं के सिर पर पैर रखकर खड़ा रहा।

श्लोक 29 (9.4.29)

भृत्या मे सुभृतास्तात दीनश्चाभ्युद्धृतो जनः । नोत्साहेऽद्य द्विजश्रेष्ठ पाण्डवान्वक्तुमीदृशम् ॥

bhṛtyā me subhṛtāstāta dīnaścābhyuddhṛto janaḥ | notsāhe'dya dvijaśreṣṭha pāṇḍavānvaktumīdṛśam

मेरे सेवक भली-भाँति पाले गए, हे तात, और दुखियों का उद्धार किया गया। हे द्विजश्रेष्ठ, आज मुझमें पाण्डवों से ऐसी बात कहने का उत्साह नहीं है।

श्लोक 30 (9.4.30)

जितानि परराष्ट्राणि स्वराष्ट्रमनुपालितम् । भुक्ताश्च विविधा भोगास्त्रिवर्गः सेवितो मया ॥

jitāni pararāṣṭrāṇi svarāṣṭramanupālitam | bhuktāśca vividhā bhogāstrivargaḥ sevito mayā

शत्रुओं के राष्ट्र जीते गए, अपना राष्ट्र पाला गया; अनेक प्रकार के भोग भोगे गए, और मैंने धर्म, अर्थ और काम — इन तीनों वर्गों का सेवन किया।

श्लोक 31 (9.4.31)

पितॄणां गतमानृण्यं क्षत्रधर्मस्य चोभयोः । न ध्रुवं सुखमस्तीह कुतो राष्ट्रं कुतो यशः । इह कीर्तिर्विचेतव्या सा च युद्धेन नान्यथा ॥

pitṝṇāṃ gatamānṛṇyaṃ kṣatradharmasya cobhayoḥ | na dhruvaṃ sukhamastīha kuto rāṣṭraṃ kuto yaśaḥ | iha kīrtirvicetavyā sā ca yuddhena nānyathā

पितरों का और क्षत्रिय-धर्म का — दोनों का ऋण मैं चुका चुका। यहाँ कोई सुख स्थिर नहीं है; फिर राष्ट्र कहाँ, यश कहाँ? यहाँ कीर्ति ही खोजनी चाहिए, और वह युद्ध से ही मिलती है, और किसी प्रकार नहीं।

श्लोक 32 (9.4.32)

वृथा च यत्क्षत्रियस्य निधनं तद्विगर्हितम् । अधर्मः सुमहानेष यच्छय्यामरणं गृहे ॥

vṛthā ca yatkṣatriyasya nidhanaṃ tadvigarhitam | adharmaḥ sumahāneṣa yacchayyāmaraṇaṃ gṛhe

क्षत्रिय का व्यर्थ मर जाना निन्दित है; और घर में खाट पर मरना तो बहुत बड़ा अधर्म है।

श्लोक 33 (9.4.33)

अरण्ये यो विमुच्येत सङ्ग्रामे वा तनुं नृपः । क्रतूनाहृत्य महतो महिमानं स गच्छति ॥

araṇye yo vimucyeta saṅgrāme vā tanuṃ nṛpaḥ | kratūnāhṛtya mahato mahimānaṃ sa gacchati

जो राजा बड़े यज्ञ करके वन में अथवा संग्राम में शरीर छोड़ता है, वह महिमा को प्राप्त होता है।

श्लोक 34 (9.4.34)

कृपणं विलपन्नार्तो जरयाऽभिपरिप्लुतः । म्रियते रुदतां मध्ये ज्ञातीनां न स पूरुषः ॥

kṛpaṇaṃ vilapannārto jarayā'bhipariplutaḥ | mriyate rudatāṃ madhye jñātīnāṃ na sa pūruṣaḥ

जो दीन होकर विलाप करता हुआ, दुखी और बुढ़ापे से घिरा हुआ, रोते हुए बन्धुओं के बीच मरता है, वह पुरुष नहीं है।

श्लोक 35 (9.4.35)

त्यक्त्वा तु विविधान्भोगान्प्राप्तानां परमां गतिम् । अपीदानीं सुयुद्धेन गच्छेयं सत्सलोकताम् ॥

tyaktvā tu vividhānbhogānprāptānāṃ paramāṃ gatim | apīdānīṃ suyuddhena gaccheyaṃ satsalokatām

अनेक प्रकार के भोग त्यागकर, अब मैं अच्छे युद्ध द्वारा उस परम गति को पाऊँ जो पहले जा चुके वीरों को मिली है — सत्पुरुषों के साथ एक ही लोक में रहना।

श्लोक 36 (9.4.36)

शूराणामार्यवृत्तानां सङ्ग्रामेष्वनिवर्तिनाम् । धीमतां सत्यसन्धानां सर्वेषां क्रतुयाजिनाम् । शस्त्रावभृथपूतानां ध्रुवो वासस्त्रिविष्टपे ॥

śūrāṇāmāryavṛttānāṃ saṅgrāmeṣvanivartinām | dhīmatāṃ satyasandhānāṃ sarveṣāṃ kratuyājinām | śastrāvabhṛthapūtānāṃ dhruvo vāsastriviṣṭape

जो शूरवीर आर्य-आचरण वाले हैं, संग्रामों में पीछे न हटने वाले, बुद्धिमान और सत्य-प्रतिज्ञ हैं, सभी यज्ञ करने वाले हैं और शस्त्रों के अवभृथ-स्नान से पवित्र हुए हैं, उनका स्वर्ग में निवास निश्चित है।

श्लोक 37 (9.4.37)

मुदा नूनं प्रपश्यन्ति युद्धे ह्यप्सरसां गणाः ॥

mudā nūnaṃ prapaśyanti yuddhe hyapsarasāṃ gaṇāḥ

निश्चय ही अप्सराओं के समूह युद्ध में उन्हें आनन्द से देखते हैं।

श्लोक 38 (9.4.38)

पश्यन्ति नूनं पितरः पूजितान्सुरसंसदि । अप्सरोभिः परिवृतान्मोदमानांस्त्रिविष्टपे ॥

paśyanti nūnaṃ pitaraḥ pūjitānsurasaṃsadi | apsarobhiḥ parivṛtānmodamānāṃstriviṣṭape

निश्चय ही उनके पितर उन्हें देवताओं की सभा में सम्मानित, अप्सराओं से घिरे हुए और स्वर्ग में आनन्द मनाते हुए देखते हैं।

श्लोक 39 (9.4.39)

पन्थानममरैर्यान्तं शूरैश्चैवानिवर्तिभिः । अपि तत्सङ्गतं मार्गं वयमध्यारुहेमहि ॥

panthānamamarairyāntaṃ śūraiścaivānivartibhiḥ | api tatsaṅgataṃ mārgaṃ vayamadhyāruhemahi

जिस मार्ग पर अमर देवता और पीछे न हटने वाले शूर चले हैं, उसी मार्ग पर हम भी उनके साथ चढ़ें।

श्लोक 40 (9.4.40)

पितामहेन वृद्धेन तथाऽचार्येण धीमता । जयद्रथेन कर्णेन तथा दुःशासनेन च ॥

pitāmahena vṛddhena tathā'cāryeṇa dhīmatā | jayadrathena karṇena tathā duḥśāsanena ca

वृद्ध पितामह और बुद्धिमान आचार्य के साथ, जयद्रथ, कर्ण और दुःशासन के साथ —

श्लोक 41 (9.4.41)

घटमाना मदर्थेऽस्मिन्हताः शूरा जनाधिपाः । शेरते लोहिताक्ताङ्गाः पृथिव्यां शरविक्षताः ॥

ghaṭamānā madarthe'sminhatāḥ śūrā janādhipāḥ | śerate lohitāktāṅgāḥ pṛthivyāṃ śaravikṣatāḥ

मेरे लिए यत्न करते हुए मारे गए वे शूर राजा रक्त से सने अंगों से, बाणों से घायल, पृथ्वी पर पड़े हैं।

श्लोक 42 (9.4.42)

उत्तमास्त्रविदः शूरा यथोक्तक्रतुयाजिनः । त्यक्त्वा प्राणान्यथान्यायमिन्द्रसद्मसु धिष्ठिताः ॥

uttamāstravidaḥ śūrā yathoktakratuyājinaḥ | tyaktvā prāṇānyathānyāyamindrasadmasu dhiṣṭhitāḥ

श्रेष्ठ अस्त्रों के ज्ञाता वे शूर, विधि के अनुसार यज्ञ करने वाले, न्यायपूर्वक प्राण त्यागकर इन्द्र के भवनों में प्रतिष्ठित हैं।

श्लोक 43 (9.4.43)

तैः स्वयं रचितो मार्गो दुर्गमो हि पुनर्भवेत् । सम्पतद्भिर्महावेगैरितो यास्यामि सद्गतिम् ॥

taiḥ svayaṃ racito mārgo durgamo hi punarbhavet | sampatadbhirmahāvegairito yāsyāmi sadgatim

उन्होंने जो मार्ग स्वयं बनाया है, वह फिर कठिन हो जाएगा; इसलिए बड़े वेग से लपकते हुओं के साथ मैं यहाँ से सद्गति को जाऊँगा।

श्लोक 44 (9.4.44)

ये मदर्थे हताः शूरास्तेषां कृतमनुस्मरन् । ऋणं तत्प्रतिमुञ्चानो न राज्ये मन आदधे ॥

ye madarthe hatāḥ śūrāsteṣāṃ kṛtamanusmaran | ṛṇaṃ tatpratimuñcāno na rājye mana ādadhe

जो शूर मेरे लिए मारे गए, उनके किए हुए को याद करके और उस ऋण को चुकाते हुए मेरा मन राज्य में नहीं लगता।

श्लोक 45 (9.4.45)

पातयित्वा वयस्यांश्च भ्रातॄनथ पितामहान् । जीवितं यदि रक्षेयं लोको मां गर्हयेद्ध्रुवम् ॥

pātayitvā vayasyāṃśca bhrātṝnatha pitāmahān | jīvitaṃ yadi rakṣeyaṃ loko māṃ garhayeddhruvam

मित्रों, भाइयों और पितामहों को गिराकर यदि मैं अपना जीवन बचा लूँ, तो संसार निश्चय ही मेरी निन्दा करेगा।

श्लोक 46 (9.4.46)

कीदृशं च भवेद्राज्यं मम हीनस्य बन्धुभिः । सखिभिश्च विशेषेण प्रणिपत्य च पाण्डवम् ॥

kīdṛśaṃ ca bhavedrājyaṃ mama hīnasya bandhubhiḥ | sakhibhiśca viśeṣeṇa praṇipatya ca pāṇḍavam

बन्धुओं से और विशेषकर मित्रों से रहित होकर, तथा पाण्डव के आगे झुककर पाया हुआ राज्य मेरे लिए कैसा होगा?

श्लोक 47 (9.4.47)

सोऽहमेतादृशं कृत्वा जगतोऽस्य पराभवम् । सुयुद्धेन हतः स्वर्गं प्राप्स्यामि न तदन्यथा ॥

so'hametādṛśaṃ kṛtvā jagato'sya parābhavam | suyuddhena hataḥ svargaṃ prāpsyāmi na tadanyathā

जगत् का ऐसा विनाश करके मैं अच्छे युद्ध में मारा जाकर स्वर्ग पाऊँगा; इसके सिवा और कुछ नहीं होगा।

श्लोक 48 (9.4.48)

एवं दुर्योधनेनोक्ते सर्वे सम्पूज्य तद्वचः । साधुसाध्विति राजानं क्षत्रियाः सम्बभाषिरे ॥

evaṃ duryodhanenokte sarve sampūjya tadvacaḥ | sādhusādhviti rājānaṃ kṣatriyāḥ sambabhāṣire

दुर्योधन के ऐसा कहने पर सब क्षत्रियों ने उसकी बात का सम्मान किया और राजा से कहा, "साधु, साधु!"

श्लोक 49 (9.4.49)

पराजयमशोचन्तः कृतचित्ताश्च विक्रमे । सर्वे सुनिश्चिता योद्धुमुदग्रमनसोऽभवन् ॥

parājayamaśocantaḥ kṛtacittāśca vikrame | sarve suniścitā yoddhumudagramanaso'bhavan

पराजय का शोक न करते हुए, पराक्रम पर चित्त जमाए हुए, वे सब युद्ध करने का दृढ़ निश्चय करके उत्साह से भर उठे।

श्लोक 50 (9.4.50)

ततो वाहान्समाश्वास्य सर्वे युद्धाभिनन्दिनः । ऊने द्वियोजने गत्वा प्रत्यतिष्ठन्त कौरवाः ॥

tato vāhānsamāśvāsya sarve yuddhābhinandinaḥ | ūne dviyojane gatvā pratyatiṣṭhanta kauravāḥ

तब अपने वाहनों को विश्राम देकर, युद्ध में आनन्द पाने वाले सब कौरव दो योजन से कुछ कम चलकर ठहर गए।

श्लोक 51 (9.4.51)

आकाशे विद्रुमे पुण्ये प्रस्थे हिमवतः शुभे । अरुणां सरस्वतीं प्राप्य पपुः सस्नुश्च तज्जलम् ॥

ākāśe vidrume puṇye prasthe himavataḥ śubhe | aruṇāṃ sarasvatīṃ prāpya papuḥ sasnuśca tajjalam

हिमालय के पवित्र, शुभ, खुले आकाश वाले और मूँगे-से लाल पठार पर वे अरुणा सरस्वती तक पहुँचे, और उसका जल पिया और उसमें स्नान किया।

श्लोक 52 (9.4.52)

तव पुत्रकृतोत्साहाः पर्यवर्तन्त ते ततः । पर्यवस्थाप्य चात्मानमन्योन्येन पुनस्तदा । सर्वे राजन्न्यवर्तन्त क्षत्रियाः कालचोदिताः ॥

tava putrakṛtotsāhāḥ paryavartanta te tataḥ | paryavasthāpya cātmānamanyonyena punastadā | sarve rājannyavartanta kṣatriyāḥ kālacoditāḥ

आपके पुत्र से उत्साह पाकर वे लौट पड़े; और फिर एक-दूसरे का सहारा लेकर अपने को स्थिर करके, हे राजन्, सब क्षत्रिय काल से प्रेरित होकर युद्ध की ओर लौट गए।