अर्जुन के रथ का भस्म होना; कृष्ण का गान्धारी के पास जाना

श्लोक 1 (9.63.1)

ततस्ते प्रययुः सर्वे निवासाय महीक्षितः । शङ्खान्प्रध्मापयन्तो वै हृष्टाः परिघबाहवः ॥

tataste prayayuḥ sarve nivāsāya mahīkṣitaḥ | śaṅkhānpradhmāpayanto vai hṛṣṭāḥ parighabāhavaḥ

तब वे सब राजा अपने-अपने विश्राम-स्थानों की ओर चल पड़े; परिघ के समान भुजाओं वाले वे हर्षित होकर शंख बजाते जाते थे।

श्लोक 2 (9.63.2)

पाण्डवान्गच्छतश्चापि शिबिरं नो विशाम्पते । महेष्वासोऽन्वगात्पश्चाद्युयुत्सुः सात्यकिस्तथा ॥

pāṇḍavāngacchataścāpi śibiraṃ no viśāmpate | maheṣvāso'nvagātpaścādyuyutsuḥ sātyakistathā

हे विशाम्पते! जब पाण्डव हमारे शिविर की ओर चले, तब महान् धनुर्धर युयुत्सु और सात्यकि भी उनके पीछे-पीछे गए।

श्लोक 3 (9.63.3)

धृष्टद्युम्नः शिखण्डी च द्रौपदेयाश्च सर्वशः । सर्वे चान्ये महेष्वासा ययुः स्वशिबिराण्युत ॥

dhṛṣṭadyumnaḥ śikhaṇḍī ca draupadeyāśca sarvaśaḥ | sarve cānye maheṣvāsā yayuḥ svaśibirāṇyuta

धृष्टद्युम्न, शिखण्डी और द्रौपदी के सभी पुत्र, तथा अन्य सब महान् धनुर्धर अपने-अपने शिविरों को चले गए।

श्लोक 4 (9.63.4)

ततस्ते प्राविशन्पार्था हतत्विट्कं हतेश्वरम् । दुर्योधनस्य शिबिरं रङ्गवन्निःसृते जने ॥

tataste prāviśanpārthā hatatviṭkaṃ hateśvaram | duryodhanasya śibiraṃ raṅgavanniḥsṛte jane

तब पाण्डवों ने दुर्योधन के शिविर में प्रवेश किया, जिसकी शोभा चली गई थी और जिसका स्वामी मारा जा चुका था; लोगों के निकल जाने पर वह खाली रंगशाला-सा लग रहा था।

श्लोक 5 (9.63.5)

गतोत्सवं पुरमिव हृतनागमिव ह्रदम् । स्त्रीवर्षवरभूयिष्ठं वृद्धामात्यैरधिष्ठितम् ॥

gatotsavaṃ puramiva hṛtanāgamiva hradam | strīvarṣavarabhūyiṣṭhaṃ vṛddhāmātyairadhiṣṭhitam

वह उस नगर-सा था जिसका उत्सव समाप्त हो गया हो, उस सरोवर-सा जिसका हाथी हर लिया गया हो; वहाँ अधिकतर स्त्रियाँ और नपुंसक सेवक थे और वृद्ध मन्त्री उसकी रखवाली कर रहे थे।

श्लोक 6 (9.63.6)

तत्रैतान्पर्युपातिष्ठन्दुर्योधन पुरःसराः । कृताञ्जलिपुटा राजन्काषायमलिनाम्बराः ॥

tatraitānparyupātiṣṭhanduryodhana puraḥsarāḥ | kṛtāñjalipuṭā rājankāṣāyamalināmbarāḥ

हे राजन्! वहाँ दुर्योधन के आगे-आगे चलने वाले सेवक हाथ जोड़े, मैले गेरुए वस्त्र पहने उनकी सेवा में उपस्थित हुए।

श्लोक 7 (9.63.7)

शिबिरं समनुप्राप्य कुरुराजस्य पाण्डवाः । अवतेरुर्महाराज रथेभ्यो रथसत्तमाः ॥

śibiraṃ samanuprāpya kururājasya pāṇḍavāḥ | avaterurmahārāja rathebhyo rathasattamāḥ

हे महाराज! कुरुराज के शिविर में पहुँचकर रथियों में श्रेष्ठ पाण्डव अपने रथों से उतर पड़े।

श्लोक 8 (9.63.8)

ततो गाण्डीवधन्वानमभ्यभाषत केशवः । स्थितः प्रियहिते नित्यमतीव भरतर्षभ ॥

tato gāṇḍīvadhanvānamabhyabhāṣata keśavaḥ | sthitaḥ priyahite nityamatīva bharatarṣabha

तब केशव ने गाण्डीवधारी से कहा, "हे भरतश्रेष्ठ! तुम जो सदा प्रिय और हित के कार्य में दृढ़ रहते हो,

श्लोक 9 (9.63.9)

अवरोपय गाण्डीवमक्षयौ च महेषुधी । अथाहमवरोक्ष्यामि पश्चाद्भरतसत्तम । स्वयं चैवावरोह त्वमेतच्छ्रेयस्तवानघ ॥

avaropaya gāṇḍīvamakṣayau ca maheṣudhī | athāhamavarokṣyāmi paścādbharatasattama | svayaṃ caivāvaroha tvametacchreyastavānagha

गाण्डीव और दोनों अक्षय तरकस नीचे रख दो। हे भरतसत्तम! उसके बाद मैं उतरूँगा। हे निष्पाप! तुम स्वयं पहले उतरो; इसी में तुम्हारा कल्याण है।"

श्लोक 10 (9.63.10)

तच्चाकरोत्तथा वीरः पाण्डुपुत्रो धनञ्जयः ॥

taccākarottathā vīraḥ pāṇḍuputro dhanañjayaḥ

वीर पाण्डुपुत्र धनञ्जय ने वैसा ही किया।

श्लोक 11 (9.63.11)

अथ पश्चात्ततः कृष्णो रश्मीनुत्सृज्य वाजिनाम् । अवारोहत मेधावी रथाद्गाण्डीवधन्वनः ॥

atha paścāttataḥ kṛṣṇo raśmīnutsṛjya vājinām | avārohata medhāvī rathādgāṇḍīvadhanvanaḥ

तब उसके बाद बुद्धिमान् कृष्ण घोड़ों की रास छोड़कर गाण्डीवधारी के रथ से उतर पड़े।

श्लोक 12 (9.63.12)

अथावतीर्णे भूतानामीश्वरे सुमहात्मनि । कपिरप्याश्वपाक्रामत्सहदेवैर्ध्वजालयैः ॥

athāvatīrṇe bhūtānāmīśvare sumahātmani | kapirapyāśvapākrāmatsahadevairdhvajālayaiḥ

जब प्राणियों के स्वामी महात्मा कृष्ण उतर गए, तब ध्वज में रहने वाले देवताओं के साथ वानर भी शीघ्र ही वहाँ से चला गया।

श्लोक 13 (9.63.13)

स दग्धो द्रोणकर्णाभ्यां दिव्यैरस्त्रैर्महारथः । अथ दीप्तोऽग्निना ह्याशु प्रजज्वाल महीपते ॥

sa dagdho droṇakarṇābhyāṃ divyairastrairmahārathaḥ | atha dīpto'gninā hyāśu prajajvāla mahīpate

हे महीपते! द्रोण और कर्ण के दिव्य अस्त्रों से पहले ही जला हुआ वह महारथ अब आग से दहककर सहसा धधक उठा।

श्लोक 14 (9.63.14)

सोपासङ्गः सरश्मिश्च साश्वः सयुगबन्धनः । भस्मीभूतोऽपतद्भूमौ रथो गाण्डीवधन्वनः ॥

sopāsaṅgaḥ saraśmiśca sāśvaḥ sayugabandhanaḥ | bhasmībhūto'patadbhūmau ratho gāṇḍīvadhanvanaḥ

तरकसों, रास, घोड़ों और जुए की रस्सियों सहित गाण्डीवधारी का वह रथ जलकर राख होता हुआ भूमि पर गिर पड़ा।

श्लोक 15 (9.63.15)

तं तथा भस्मभूतं तु दृष्ट्वा पाण्डुसुताः प्रभो । अभवन्विस्मिता राजन्नर्जुनश्चेदमब्रवीत् ॥

taṃ tathā bhasmabhūtaṃ tu dṛṣṭvā pāṇḍusutāḥ prabho | abhavanvismitā rājannarjunaścedamabravīt

हे प्रभो! उसे इस प्रकार भस्म हुआ देखकर पाण्डुपुत्र विस्मित हो गए, हे राजन्! और अर्जुन ने यह कहा:

श्लोक 16 (9.63.16)

कृताञ्जलिः सप्रणयं प्रणिपत्याभिवाद्य ह । गोविन्द कस्माद्भगवन्रथो दग्धोऽयमग्निना ॥

kṛtāñjaliḥ sapraṇayaṃ praṇipatyābhivādya ha | govinda kasmādbhagavanratho dagdho'yamagninā

हाथ जोड़कर, प्रेम से प्रणाम और अभिवादन करके उसने कहा, "हे गोविन्द! हे भगवन्! यह रथ आग से क्यों जल गया?

श्लोक 17 (9.63.17)

किमेतन्महदाश्चर्यमभवद्यदुनन्दन । तन्मे ब्रूहि महाबाहो श्रोतव्यं यदि मन्यसे ॥

kimetanmahadāścaryamabhavadyadunandana | tanme brūhi mahābāho śrotavyaṃ yadi manyase

हे यदुनन्दन! यह कैसा महान् आश्चर्य हुआ? हे महाबाहो! यदि आप मुझे सुनने योग्य मानें तो मुझसे कहिए।"

श्लोक 18 (9.63.18)

द्रोणकर्णास्त्रनिर्दग्धः पूर्वमेवायमर्जुन । मदास्थितत्वात्समरे न विशीर्णः परन्तप ॥

droṇakarṇāstranirdagdhaḥ pūrvamevāyamarjuna | madāsthitatvātsamare na viśīrṇaḥ parantapa

वासुदेव ने कहा, "हे अर्जुन! यह रथ तो पहले ही द्रोण और कर्ण के अस्त्रों से जल चुका था; हे परन्तप! युद्ध में मेरे उस पर बैठे रहने से ही यह बिखरा नहीं।

श्लोक 19 (9.63.19)

इदानीं तु विशीर्णोऽयं दग्धो ब्रह्मास्त्रतेजसा । मया विमुक्तः कौन्तेय त्वय्यद्य कृतकर्मणि ॥

idānīṃ tu viśīrṇo'yaṃ dagdho brahmāstratejasā | mayā vimuktaḥ kaunteya tvayyadya kṛtakarmaṇi

अब ब्रह्मास्त्र के तेज से जला हुआ यह बिखर गया है, क्योंकि हे कौन्तेय! तुम्हारा कार्य पूरा हो जाने पर आज मैंने इसे छोड़ दिया है।"

श्लोक 20 (9.63.20)

ईषदुत्स्मयमानस्तु भगवान्केशवोऽरिहा । परिष्वज्य च राजानं युधिष्ठिरमभाषत ॥

īṣadutsmayamānastu bhagavānkeśavo'rihā | pariṣvajya ca rājānaṃ yudhiṣṭhiramabhāṣata

थोड़ा मुसकराते हुए भगवान् केशव, शत्रुओं के संहारक, ने राजा युधिष्ठिर को गले लगाकर उनसे कहा:

श्लोक 21 (9.63.21)

दिष्ट्या जयसि कौन्तेय दिष्ट्या ते शत्रवो जिताः । दिष्ट्या गाण्डीवधन्वा च भीमसेनश्च पाण्डवः ॥

diṣṭyā jayasi kaunteya diṣṭyā te śatravo jitāḥ | diṣṭyā gāṇḍīvadhanvā ca bhīmasenaśca pāṇḍavaḥ

"हे कौन्तेय! सौभाग्य से तुमने विजय पाई; सौभाग्य से तुम्हारे शत्रु जीत लिए गए; सौभाग्य से गाण्डीवधारी और पाण्डव भीमसेन सुरक्षित हैं।

श्लोक 22 (9.63.22)

त्वं चापि कुशली राजन्माद्रीपुत्रौ च पाण्डवौ । मुक्ता वीरक्षयादस्मात्सङ्ग्रामान्निहतद्विषः । क्षिप्रमुत्तरकालानि कुरु कार्याणि भारत ॥

tvaṃ cāpi kuśalī rājanmādrīputrau ca pāṇḍavau | muktā vīrakṣayādasmātsaṅgrāmānnihatadviṣaḥ | kṣipramuttarakālāni kuru kāryāṇi bhārata

हे राजन्! तुम भी कुशल हो, और माद्री के दोनों पाण्डव पुत्र भी; शत्रुओं का संहार करके तुम वीरों का क्षय करने वाले इस संग्राम से बच निकले हो। हे भारत! अब आगे के कार्य शीघ्र करो।

श्लोक 23 (9.63.23)

उपयातमुपप्लाव्यं सह गाण्डीवधन्वना । आनीय मधुपर्कं मां यत्पुरा त्वमवोचथाः ॥

upayātamupaplāvyaṃ saha gāṇḍīvadhanvanā | ānīya madhuparkaṃ māṃ yatpurā tvamavocathāḥ

जब मैं गाण्डीवधारी के साथ उपप्लव्य आया था और तुमने मधुपर्क लाकर मेरा सत्कार किया था, तब तुमने मुझसे कहा था:

श्लोक 24 (9.63.24)

एष भ्राता सखा चैव तव कृष्ण धनञ्जयः । रक्षितव्यो महाबाहो सर्वास्वापत्स्विति प्रभो ॥

eṣa bhrātā sakhā caiva tava kṛṣṇa dhanañjayaḥ | rakṣitavyo mahābāho sarvāsvāpatsviti prabho

"हे कृष्ण! यह धनञ्जय आपका भाई और मित्र है; हे महाबाहो! हे प्रभो! सभी आपत्तियों में इसकी रक्षा करनी चाहिए।"

श्लोक 25 (9.63.25)

तव चैव ब्रुवाणस्य तथेत्येवाहमब्रुवम् ॥

tava caiva bruvāṇasya tathetyevāhamabruvam

और जब आप यह कह रहे थे, तब मैंने उत्तर दिया था, "ऐसा ही हो।"

श्लोक 26 (9.63.26)

स सव्यसाची गुप्तस्ते विजयी च जनेश्वर । भ्रातृभिः सह राजेन्द्र शूरः सत्यपराक्रमः । मुक्तो वीरक्षयादस्मात्सङ्ग्रामाद्रोमहर्षणात् ॥

sa savyasācī guptaste vijayī ca janeśvara | bhrātṛbhiḥ saha rājendra śūraḥ satyaparākramaḥ | mukto vīrakṣayādasmātsaṅgrāmādromaharṣaṇāt

हे जनेश्वर! आपके द्वारा रक्षित वह सव्यसाची विजयी है; और हे राजेन्द्र! वह सत्यपराक्रमी वीर अपने भाइयों सहित वीरों का नाश करने वाले, रोंगटे खड़े कर देने वाले इस संग्राम से बच निकला है।"

श्लोक 27 (9.63.27)

एवमुक्तस्तु कृष्णेन धर्मराजो युधिष्ठिरः । हृष्टरोमा महाराज प्रत्युवाच जनार्दनम् ॥

evamuktastu kṛṣṇena dharmarājo yudhiṣṭhiraḥ | hṛṣṭaromā mahārāja pratyuvāca janārdanam

हे महाराज! कृष्ण के ऐसा कहने पर धर्मराज युधिष्ठिर ने रोमाञ्चित होकर जनार्दन को उत्तर दिया।

श्लोक 28 (9.63.28)

प्रमुक्तं द्रोणकर्णाभ्यां ब्रह्मास्त्रमरिमर्दन । कस्त्वदन्यः सहेत्साक्षादपि वज्री पुरन्दरः ॥

pramuktaṃ droṇakarṇābhyāṃ brahmāstramarimardana | kastvadanyaḥ sahetsākṣādapi vajrī purandaraḥ

युधिष्ठिर ने कहा, "हे अरिमर्दन! द्रोण और कर्ण ने ब्रह्मास्त्र चलाया था; आपके सिवा उसे प्रत्यक्ष कौन सह सकता था, वज्रधारी पुरन्दर (इन्द्र) भी नहीं।

श्लोक 29 (9.63.29)

भवतस्तु प्रसादेन संग्रामे बहवो हताः । महारणगतः पार्थो यच्च नासीत्पराङ्मुखः ॥

bhavatastu prasādena saṃgrāme bahavo hatāḥ | mahāraṇagataḥ pārtho yacca nāsītparāṅmukhaḥ

आपकी कृपा से युद्ध में बहुत-से शत्रु मारे गए, और पार्थ महायुद्ध में उतरकर भी कभी पीठ दिखाने वाला नहीं हुआ।

श्लोक 30 (9.63.30)

तथा तव महाबाहो पर्यायैर्बहुभिर्मया । कर्मणामनुसन्धानात्तेजस्वी जगति श्रुता ॥

tathā tava mahābāho paryāyairbahubhirmayā | karmaṇāmanusandhānāttejasvī jagati śrutā

और इसी प्रकार हे महाबाहो! अनेक अवसरों पर आपके कर्मों के क्रम को देखते हुए मैंने जाना है कि आप संसार में तेजस्वी हैं।

श्लोक 31 (9.63.31)

उपप्लाव्ये महर्षिर्मे कृष्णद्वैपायनोऽब्रवीत् । यतो धर्मस्ततः कृष्णो यतः कृष्णस्ततो जयः ॥

upaplāvye maharṣirme kṛṣṇadvaipāyano'bravīt | yato dharmastataḥ kṛṣṇo yataḥ kṛṣṇastato jayaḥ

उपप्लव्य में महर्षि कृष्णद्वैपायन ने मुझसे कहा था, "जहाँ धर्म है वहाँ कृष्ण हैं, और जहाँ कृष्ण हैं वहाँ विजय है।"

श्लोक 32 (9.63.32)

एवमुक्तस्ततः कृष्णः प्रत्युवाच युधिष्ठिरम् । न तुल्याश्चार्जुनस्येह बलेन कुरुनन्दन ॥

evamuktastataḥ kṛṣṇaḥ pratyuvāca yudhiṣṭhiram | na tulyāścārjunasyeha balena kurunandana

ऐसा कहे जाने पर कृष्ण ने युधिष्ठिर को उत्तर दिया, "हे कुरुनन्दन! बल में यहाँ कोई भी अर्जुन की बराबरी का नहीं है।

श्लोक 33 (9.63.33)

स एष सर्वाण्यस्त्राणि दिव्यानि प्राप्य शङ्करात् । मत्समो वा विशिष्टो वा रणे त्वमिति पाण्डवः । अनुज्ञातः पाण्डुसुतः पुनः प्रत्यागमन्महीम् ॥

sa eṣa sarvāṇyastrāṇi divyāni prāpya śaṅkarāt | matsamo vā viśiṣṭo vā raṇe tvamiti pāṇḍavaḥ | anujñātaḥ pāṇḍusutaḥ punaḥ pratyāgamanmahīm

उसने शंकर से सब दिव्य अस्त्र प्राप्त किए; शंकर ने उससे कहा, "हे पाण्डव! युद्ध में तुम मेरे समान हो या मुझसे भी बढ़कर।" और आज्ञा पाकर वह पाण्डुपुत्र फिर पृथ्वी पर लौट आया।

श्लोक 34 (9.63.34)

भूतं भव्यं भविष्यच्च अनुज्ञातस्त्वया विभो । निमेषार्धान्नरव्याघ्रो नयेदिति मतिर्मम ॥

bhūtaṃ bhavyaṃ bhaviṣyacca anujñātastvayā vibho | nimeṣārdhānnaravyāghro nayediti matirmama

हे विभो! आपकी आज्ञा मिल जाए तो मेरा विचार है कि वह नरश्रेष्ठ आँख झपकने के आधे क्षण में भूत, वर्तमान और भविष्य को समाप्त कर सकता है।

श्लोक 35 (9.63.35)

द्रोणं भीष्मं कृपं कर्णं द्रोणपुत्रं जयद्रथम् । निहन्तुं शक्नुयात्क्रुद्धो निमेषार्धाद्धनञ्जयः ॥

droṇaṃ bhīṣmaṃ kṛpaṃ karṇaṃ droṇaputraṃ jayadratham | nihantuṃ śaknuyātkruddho nimeṣārdhāddhanañjayaḥ

क्रुद्ध होने पर धनञ्जय द्रोण, भीष्म, कृप, कर्ण, द्रोणपुत्र और जयद्रथ को आँख झपकने के आधे क्षण में मार सकता है।

श्लोक 36 (9.63.36)

सदेवासुरगन्धर्वान्सयक्षोरगराक्षसान् । त्रीन्वा लोकान्विजेतुं स शक्तः किमिह मानुषान् ॥

sadevāsuragandharvānsayakṣoragarākṣasān | trīnvā lokānvijetuṃ sa śaktaḥ kimiha mānuṣān

वह देवता, असुर, गन्धर्व, यक्ष, नाग और राक्षसों सहित तीनों लोकों को जीतने में समर्थ है; फिर यहाँ के मनुष्यों की तो बात ही क्या?

श्लोक 37 (9.63.37)

विधिना विहितं चासौ मया सञ्चोदितोऽपि सन् । न चकार मतिं हन्तुं ततस्ते बलवत्तराः ॥

vidhinā vihitaṃ cāsau mayā sañcodito'pi san | na cakāra matiṃ hantuṃ tataste balavattarāḥ

परन्तु यह विधाता का ठहराया हुआ था; मेरे प्रेरित करने पर भी उसने उन्हें मारने का निश्चय नहीं किया, इसलिए वे बलवान् सिद्ध हुए।

श्लोक 38 (9.63.38)

अत्र गीता मया सुष्ठु गिरः सत्या महीपते । दर्शितं मयि सर्वं च तेनासौ जितवान्रिपून् ॥

atra gītā mayā suṣṭhu giraḥ satyā mahīpate | darśitaṃ mayi sarvaṃ ca tenāsau jitavānripūn

हे महीपते! इस विषय में मैंने सच्ची बातें भली प्रकार कही हैं; मुझमें सब कुछ दिखाया गया और उसी से उसने शत्रुओं को जीता।

श्लोक 39 (9.63.39)

अर्जुनोऽपि महाबाहुर्मया तुल्यो महीपते । स महेश्वरलब्धास्त्रः किं न कुर्याद्विभुः प्रभो ॥

arjuno'pi mahābāhurmayā tulyo mahīpate | sa maheśvaralabdhāstraḥ kiṃ na kuryādvibhuḥ prabho

हे महीपते! महाबाहु अर्जुन भी मेरे समान है; महेश्वर से अस्त्र पाकर वह समर्थ वीर क्या नहीं कर सकता, हे प्रभो?"

श्लोक 40 (9.63.40)

इत्येवमुक्ते ते वीराः शिबिरं तव भारत । प्रविश्य प्रत्यपद्यन्त कोशरत्नर्द्धिसञ्चयान् ॥

ityevamukte te vīrāḥ śibiraṃ tava bhārata | praviśya pratyapadyanta kośaratnarddhisañcayān

हे भारत! ऐसा कहे जाने पर वे वीर तुम्हारे शिविर में घुसे और कोश, रत्न तथा ऋद्धि के ढेरों को अपने अधिकार में ले लिया।

श्लोक 41 (9.63.41)

रजतं जातरूपं च मणीनथ च मौक्तिकान् । भूषणान्यथ मुख्यानि कम्बलान्यजिनानि च ॥

rajataṃ jātarūpaṃ ca maṇīnatha ca mauktikān | bhūṣaṇānyatha mukhyāni kambalānyajināni ca

चाँदी, सोना, मणियाँ और मोती, उत्तम आभूषण, कम्बल और मृगचर्म,

श्लोक 42 (9.63.42)

गजानश्वान्रथांश्चैव महान्ति शयनानि च । दासीदासमसंख्येयं राज्योपकरणानि च ॥

gajānaśvānrathāṃścaiva mahānti śayanāni ca | dāsīdāsamasaṃkhyeyaṃ rājyopakaraṇāni ca

हाथी, घोड़े, रथ, बड़े-बड़े पलंग, असंख्य दास-दासियाँ और राजकीय उपकरण।

श्लोक 43 (9.63.43)

ते प्राप्य धनमक्षय्यं त्वदीयं भरतर्षभ । उदक्रोशन्महाभागा नरेन्द्र विजितारयः ॥

te prāpya dhanamakṣayyaṃ tvadīyaṃ bharatarṣabha | udakrośanmahābhāgā narendra vijitārayaḥ

हे भरतश्रेष्ठ! आपका अक्षय धन पाकर शत्रुओं को जीतने वाले वे सौभाग्यशाली नरेश ऊँचे स्वर में जयघोष करने लगे।

श्लोक 44 (9.63.44)

ते तु वीराः समाश्वस्य वाहनान्यवमुच्य च । अतिष्ठन्त मुहुः सर्वे पाण्डवा विगतज्वराः ॥

te tu vīrāḥ samāśvasya vāhanānyavamucya ca | atiṣṭhanta muhuḥ sarve pāṇḍavā vigatajvarāḥ

फिर वे सब वीर पाण्डव आश्वस्त होकर, वाहनों को खोलकर, चिन्ता से मुक्त वहाँ कुछ देर ठहरे रहे।

श्लोक 45 (9.63.45)

अथाब्रवीन्महाराज वासुदेवो महायशाः । अस्माभिर्मङ्गलार्थाय वस्तव्यं शिबिराद्बहिः ॥

athābravīnmahārāja vāsudevo mahāyaśāḥ | asmābhirmaṅgalārthāya vastavyaṃ śibirādbahiḥ

हे महाराज! तब महायशस्वी वासुदेव ने कहा, "मङ्गल के लिए हमें शिविर के बाहर रहना चाहिए।"

श्लोक 46 (9.63.46)

तथेत्युक्त्वा हि ते सर्वे पाण्डवाः सात्यकिस्तथा । वासुदेवेन सहिता मङ्गलार्थं बहिर्ययुः ॥

tathetyuktvā hi te sarve pāṇḍavāḥ sātyakistathā | vāsudevena sahitā maṅgalārthaṃ bahiryayuḥ

"ऐसा ही हो" कहकर सब पाण्डव और सात्यकि वासुदेव के साथ मङ्गल के लिए बाहर चले गए।

श्लोक 47 (9.63.47)

ते समासाद्य सरितं पुण्यामोघवतीं नृप । न्यवसन्नथ तां रात्रिं पाण्डवा हतशत्रवः ॥

te samāsādya saritaṃ puṇyāmoghavatīṃ nṛpa | nyavasannatha tāṃ rātriṃ pāṇḍavā hataśatravaḥ

हे राजन्! पवित्र ओघवती नदी के तट पर पहुँचकर शत्रुओं को मार चुके पाण्डवों ने वह रात वहीं बिताई।

श्लोक 48 (9.63.48)

युधिष्ठिरस्ततो राजा प्राप्तकालमचिन्तयन् ॥

yudhiṣṭhirastato rājā prāptakālamacintayan

तब राजा युधिष्ठिर ने सोचा कि अब समय के अनुसार क्या करना चाहिए।

श्लोक 49 (9.63.49)

तत्र ते गमनं प्राप्तं रोचते तव माधव । गान्धार्याः क्रोधदीप्तायाः प्रशमार्थमरिन्दम ॥

tatra te gamanaṃ prāptaṃ rocate tava mādhava | gāndhāryāḥ krodhadīptāyāḥ praśamārthamarindama

हे माधव! मुझे लगता है कि अब आपके वहाँ जाने का समय आ गया है, ताकि क्रोध से जलती हुई गान्धारी शान्त हो जाएँ, हे अरिन्दम!

श्लोक 50 (9.63.50)

हेतुकारणयुक्तैश्च वाक्यैः कालसमीरितैः । क्षिप्रमेव महाभाग गान्धारीं प्रशमिष्यसि । पितामहश्च भगवान्व्यासस्तत्र भविष्यति ॥

hetukāraṇayuktaiśca vākyaiḥ kālasamīritaiḥ | kṣiprameva mahābhāga gāndhārīṃ praśamiṣyasi | pitāmahaśca bhagavānvyāsastatra bhaviṣyati

कारण और हेतु से युक्त तथा समय के अनुकूल वचनों से आप शीघ्र ही गान्धारी को शान्त कर देंगे, हे महाभाग! और पितामह भगवान् व्यास भी वहाँ होंगे।

श्लोक 51 (9.63.51)

ततः सम्प्रेषयामासुर्यादवं नागसाह्वयम् ॥

tataḥ sampreṣayāmāsuryādavaṃ nāgasāhvayam

तब उन्होंने यादव (कृष्ण) को हस्तिनापुर भेजा।

श्लोक 52 (9.63.52)

स च प्रायाज्जवेनाशु वासुदेवः प्रतापवान् । दारुकं रथमारोप्य येन राजाऽम्बिकासुतः ॥

sa ca prāyājjavenāśu vāsudevaḥ pratāpavān | dārukaṃ rathamāropya yena rājā'mbikāsutaḥ

और प्रतापी वासुदेव दारुक को रथ पर चढ़ाकर तेज़ी से उस ओर चल पड़े जहाँ अम्बिका के पुत्र राजा धृतराष्ट्र थे।

श्लोक 53 (9.63.53)

तमूचुः सम्प्रयास्यन्तं शैब्यसुग्रीववाहनम् । प्रत्याश्वासय गान्धारीं हतपुत्रां यशस्विनीम् ॥

tamūcuḥ samprayāsyantaṃ śaibyasugrīvavāhanam | pratyāśvāsaya gāndhārīṃ hataputrāṃ yaśasvinīm

जब वे शैब्य और सुग्रीव नामक घोड़ों के रथ पर चलने लगे, तब उन्होंने उनसे कहा, "पुत्रों को खो चुकी यशस्विनी गान्धारी को सान्त्वना दीजिए।"

श्लोक 54 (9.63.54)

स प्रायात्पाण्डवैरुक्तस्तत्पुरं सात्वतां वरः । आससाद ततः क्षिप्रं गान्धारीं निहतात्मजाम् ॥

sa prāyātpāṇḍavairuktastatpuraṃ sātvatāṃ varaḥ | āsasāda tataḥ kṣipraṃ gāndhārīṃ nihatātmajām

पाण्डवों के ऐसा कहने पर सात्वतों में श्रेष्ठ कृष्ण उस नगर को गए और शीघ्र ही पुत्रहीन गान्धारी के पास पहुँचे।