विजय के लक्षण; सान्त्वना और क्षमा

श्लोक 1 (12.102.1)

जयिन्याः कानि रूपाणि भवन्ति भरतर्षभ । पृतनायाः प्रशस्तानि तानि चेच्छामि वेदितुम् ॥

jayinyāḥ kāni rūpāṇi bhavanti bharatarṣabha | pṛtanāyāḥ praśastāni tāni cecchāmi veditum

हे भरतश्रेष्ठ, विजय पाने वाली सेना के लक्षण क्या होते हैं? सेना के जो शुभ लक्षण हैं, उन्हें मैं जानना चाहता हूँ।

श्लोक 2 (12.102.2)

जयिन्या यानि रूपाणि भवन्ति भरतर्षभ । पृतनायाः प्रशस्तानि तानि वक्ष्यामि सर्वशः ॥

jayinyā yāni rūpāṇi bhavanti bharatarṣabha | pṛtanāyāḥ praśastāni tāni vakṣyāmi sarvaśaḥ

हे भरतश्रेष्ठ, विजयी सेना के जो लक्षण हैं, सेना के जो शुभ चिह्न हैं, उन्हें मैं पूरी तरह बताऊँगा।

श्लोक 3 (12.102.3)

दैवे पूर्वं प्रकुपिते मानुषे कालचोदिते । तद्विद्वांसोऽनुपश्यन्ति ज्ञानदीर्घेण चक्षुषा ॥

daive pūrvaṃ prakupite mānuṣe kālacodite | tadvidvāṃso'nupaśyanti jñānadīrgheṇa cakṣuṣā

जब देव पहले कुपित हो जाते हैं और मनुष्यों के कार्य काल से प्रेरित होते हैं, तब उसे जानने वाले ज्ञान की दूरदर्शी दृष्टि से उसे देख लेते हैं।

श्लोक 4 (12.102.4)

प्रायश्चित्तविधिं चात्र जपहोमांश्च तद्विदः । मङ्गलानि च कुर्वन्ति शमयन्त्यहितानि च ॥

prāyaścittavidhiṃ cātra japahomāṃśca tadvidaḥ | maṅgalāni ca kurvanti śamayantyahitāni ca

उसे जानने वाले प्रायश्चित्त की विधि, जप और होम बताते हैं और मंगल-कर्म करते हैं, और इस प्रकार अनिष्टों को शान्त कर देते हैं।

श्लोक 5 (12.102.5)

उदीर्णमनसो योधा वाहनानि च भारत । यस्यां भवन्ति सेनायां ध्रुवं तस्या जयो भवेत् ॥

udīrṇamanaso yodhā vāhanāni ca bhārata | yasyāṃ bhavanti senāyāṃ dhruvaṃ tasyā jayo bhavet

हे भारत, जिस सेना के योद्धा और वाहन उत्साह से भरे हों, उसकी विजय निश्चित है।

श्लोक 6 (12.102.6)

अन्वेव वायवो यान्ति तथैवेन्द्रधनूंषि च । अनुप्लवन्ते मेघाश्च तथाऽऽदित्यस्य रश्मयः ॥

anveva vāyavo yānti tathaivendradhanūṃṣi ca | anuplavante meghāśca tathā''dityasya raśmayaḥ

उसके पीछे-पीछे वायु चलती है, इन्द्रधनुष भी; मेघ उसके साथ तैरते हैं और सूर्य की किरणें भी।

श्लोक 7 (12.102.7)

गोमायवश्चानुलोमबला गृध्राश्च सर्वशः । अर्हयेयुर्यदा सेनां तदा सिद्धिरनुत्तमा ॥

gomāyavaścānulomabalā gṛdhrāśca sarvaśaḥ | arhayeyuryadā senāṃ tadā siddhiranuttamā

जब अनुकूल दिशा में चलने वाले सियार, बला पक्षी और सब ओर से गिद्ध किसी सेना का सम्मान करते हैं, तब उसकी सिद्धि सर्वोत्तम होती है।

श्लोक 8 (12.102.8)

प्रसन्नभाः पावकश्चोर्ध्वरश्मिः । प्रदक्षिणावर्तशिखो विधूमः । पुण्या गन्धाश्चाहुतीनां भवन्ति । जयस्यैतद्भाविनो रूपमाहुः ॥

prasannabhāḥ pāvakaścordhvaraśmiḥ | pradakṣiṇāvartaśikho vidhūmaḥ | puṇyā gandhāścāhutīnāṃ bhavanti | jayasyaitadbhāvino rūpamāhuḥ

स्वच्छ कान्ति वाली अग्नि, जिसकी लपटें ऊपर उठें, शिखा दाहिनी ओर घूमे, धुआँ न हो, और आहुतियों की पवित्र गन्ध उठे: यह आने वाली विजय का लक्षण कहा गया है।

श्लोक 9 (12.102.9)

गम्भीरशब्दाश्च महास्वनाश्च । शङ्खाश्च भेर्यश्च नदन्ति यत्र । युयुत्सवश्चाप्रतीपा भवन्ति । जयस्यैतद्भाविनो रूपमाहुः ॥

gambhīraśabdāśca mahāsvanāśca | śaṅkhāśca bheryaśca nadanti yatra | yuyutsavaścāpratīpā bhavanti | jayasyaitadbhāvino rūpamāhuḥ

जहाँ गम्भीर और ऊँची ध्वनियाँ हों, जहाँ शंख और भेरियाँ बजें, और योद्धा लड़ने को उत्सुक तथा अबाध हों: यह आने वाली विजय का लक्षण कहा गया है।

श्लोक 10 (12.102.10)

इष्टा मृगाः पृष्ठतो वामतश्च । संप्रस्थितानां च गमिष्यतां च । जिघांसतां दक्षिणाः सिद्धिमाहुः । ये त्वग्रतस्ते प्रतिषेधयन्ति ॥

iṣṭā mṛgāḥ pṛṣṭhato vāmataśca | saṃprasthitānāṃ ca gamiṣyatāṃ ca | jighāṃsatāṃ dakṣiṇāḥ siddhimāhuḥ | ye tvagrataste pratiṣedhayanti

प्रस्थान कर चुके और जाने वालों के लिए पीछे और बायीं ओर दिखे मृग शुभ हैं; मारने की इच्छा रखने वालों के लिए दाहिनी ओर के मृग सिद्धि देते हैं, ऐसा कहा गया है; किन्तु जो आगे हों, वे रोकते हैं।

श्लोक 11 (12.102.11)

माङ्गल्यशब्दाञ्शकुना वदन्ति । हंसाः क्रौञ्चाः शतपत्राश्च चाषाः । हृष्टा योधाः सत्ववन्तो भवन्ति । जयस्यैतद्भाविनो रूपमाहुः ॥

māṅgalyaśabdāñśakunā vadanti | haṃsāḥ krauñcāḥ śatapatrāśca cāṣāḥ | hṛṣṭā yodhāḥ satvavanto bhavanti | jayasyaitadbhāvino rūpamāhuḥ

पक्षी मंगलसूचक बोली बोलते हैं: हंस, क्रौंच, शतपत्र और चाष; योद्धा हर्षित और दृढ़ हो उठते हैं: यह आने वाली विजय का लक्षण कहा गया है।

श्लोक 12 (12.102.12)

शस्त्रैर्यन्त्रैः कवचैः केतुभिश्च । सुभानुभिर्मुखवर्णैश्च यूनाम् । भ्राजिष्मती दुष्प्रतिवीक्षणीया । येषां चमूस्तेऽभिभवन्ति शत्रून् ॥

śastrairyantraiḥ kavacaiḥ ketubhiśca | subhānubhirmukhavarṇaiśca yūnām | bhrājiṣmatī duṣprativīkṣaṇīyā | yeṣāṃ camūste'bhibhavanti śatrūn

जिनकी सेना शस्त्रों, यन्त्रों, कवचों और ध्वजाओं से तथा युवकों के दीप्त मुख-वर्णों से इतनी चमकती है कि उसकी ओर देखना कठिन होता है, वे शत्रुओं को पराजित कर देते हैं।

श्लोक 13 (12.102.13)

शुश्रूषवश्चानभिमानिनश्च । परस्परं सौहृदमास्थिताश्च । येषां योधाः शौर्यमनुष्ठिताश्च । जयस्यैतद्भाविनो रूपमाहुः ॥

śuśrūṣavaścānabhimāninaśca | parasparaṃ sauhṛdamāsthitāśca | yeṣāṃ yodhāḥ śauryamanuṣṭhitāśca | jayasyaitadbhāvino rūpamāhuḥ

आज्ञाकारी और अभिमानरहित, एक-दूसरे के प्रति सौहार्द से बँधे हुए, जिनके योद्धा शौर्य में लगे हों: यह आने वाली विजय का लक्षण कहा गया है।

श्लोक 14 (12.102.14)

शब्दाः स्पर्शास्तथा गन्धा विचरन्ति मनः प्रियाः । धैर्यं चाविशते योधान्विजयस्य मुखं च तत् ॥

śabdāḥ sparśāstathā gandhā vicaranti manaḥ priyāḥ | dhairyaṃ cāviśate yodhānvijayasya mukhaṃ ca tat

मन को प्रिय लगने वाले शब्द, स्पर्श और गन्ध चारों ओर फैलते हैं और योद्धाओं में धैर्य आ जाता है: यही विजय का मुख है।

श्लोक 15 (12.102.15)

शब्दो वामः प्रस्थितस्य दक्षिणः प्रविविक्षतः । पश्चात्संसाधयत्यर्थं पुरस्ताच्च निषेधति ॥

śabdo vāmaḥ prasthitasya dakṣiṇaḥ pravivikṣataḥ | paścātsaṃsādhayatyarthaṃ purastācca niṣedhati

प्रस्थान करने वाले के बायें और प्रवेश करने वाले के दाहिने शब्द सुनाई दे तो यदि वह पीछे से हो तो कार्य सिद्ध करता है, और यदि आगे से हो तो रोकता है।

श्लोक 16 (12.102.16)

संहत्य महतीं सेनां चतुरङ्गां युधिष्ठिर । साम्नैव वर्तयेः पूर्वं प्रयतेथास्ततो युधि ॥

saṃhatya mahatīṃ senāṃ caturaṅgāṃ yudhiṣṭhira | sāmnaiva vartayeḥ pūrvaṃ prayatethāstato yudhi

हे युधिष्ठिर, चतुरंगिणी विशाल सेना एकत्र करके पहले केवल सान्त्वना से काम लेना; उसके बाद युद्ध में प्रयत्न करना।

श्लोक 17 (12.102.17)

जघन्य एष विजयो यद्युद्धे सामभाषणम् । यादृच्छिको युधि जयो दैवेनेति विचारणम् ॥

jaghanya eṣa vijayo yadyuddhe sāmabhāṣaṇam | yādṛcchiko yudhi jayo daiveneti vicāraṇam

यह सबसे निम्न कोटि की विजय है, जो युद्ध में मिलती है, चाहे सान्त्वना के वचन भी कहे गए हों। युद्ध की जय संयोग से होती है; लोग विचार करके कहते हैं कि वह दैव का काम है।

श्लोक 18 (12.102.18)

आपगेव महावेगा त्रस्ता इव महामृगाः । दुर्निवार्यतमा चैव प्रभग्ना महती चमूः ॥

āpageva mahāvegā trastā iva mahāmṛgāḥ | durnivāryatamā caiva prabhagnā mahatī camūḥ

टूटी हुई विशाल सेना बाढ़ में उफनती नदी जैसी, डरे हुए बड़े पशुओं जैसी होती है; उसे रोकना अत्यन्त कठिन है।

श्लोक 19 (12.102.19)

भग्ना इत्येव भज्यन्ते विद्वांसोऽपि न कारणम् । उदारसारा महती रुरुसंघोपमा चमूः ॥

bhagnā ityeva bhajyante vidvāṃso'pi na kāraṇam | udārasārā mahatī rurusaṃghopamā camūḥ

"टूट गए!" इतना कहते ही लोग टूट जाते हैं, विद्वान् भी, बिना किसी कारण के। उत्तम सार वाली विशाल सेना भी रुरु मृगों के झुंड जैसी हो सकती है।

श्लोक 20 (12.102.20)

परस्परज्ञाः संहृष्टास्त्यक्तप्राणाः सुनिश्चिताः । अपि पञ्चाशतिः शूरा निघ्नन्ति परवाहिनीम् ॥

parasparajñāḥ saṃhṛṣṭāstyaktaprāṇāḥ suniścitāḥ | api pañcāśatiḥ śūrā nighnanti paravāhinīm

एक-दूसरे को जानने वाले, प्रसन्न, प्राण त्यागने को तैयार और दृढ़ निश्चयी पचास वीर भी शत्रु की सेना को कुचल डालते हैं।

श्लोक 21 (12.102.21)

अपि वा पञ्चषट्‌सप्तसंहिताः कृतनिश्चयाः । कुलीनाः पूजिताः सम्यग्विजयन्तीह शात्रवान् ॥

api vā pañcaṣaṭsaptasaṃhitāḥ kṛtaniścayāḥ | kulīnāḥ pūjitāḥ samyagvijayantīha śātravān

अथवा पाँच, छह या सात संगठित और दृढ़ निश्चय वाले, कुलीन और भली-भाँति सम्मानित वीर यहाँ शत्रुओं को जीत लेते हैं।

श्लोक 22 (12.102.22)

सन्निपातो न मन्तव्यः शक्ये सति कथंचन । सान्त्वभेदप्रदानानां युद्धमुत्तरमुच्यते ॥

sannipāto na mantavyaḥ śakye sati kathaṃcana | sāntvabhedapradānānāṃ yuddhamuttaramucyate

जहाँ संभव हो, वहाँ किसी प्रकार भी आमने-सामने के युद्ध का सहारा न लेना चाहिए; साम, भेद और दान के बाद युद्ध को अन्तिम उपाय कहा गया है।

श्लोक 23 (12.102.23)

संसर्पेण हि सेनाया भयं भीरून्प्रबाधते । वज्रादिव प्रज्वलितादियं स्वित्क्षपयिष्यति ॥

saṃsarpeṇa hi senāyā bhayaṃ bhīrūnprabādhate | vajrādiva prajvalitādiyaṃ svitkṣapayiṣyati

क्योंकि सेना के आगे बढ़ने पर भीरुओं को भय सताता है: "यह सेना जलते वज्र की तरह हमें अवश्य नष्ट कर देगी।"

श्लोक 24 (12.102.24)

अभिप्रयातां समितिं ज्ञात्वा ये प्रतियान्त्यथ । तेषां स्यन्दन्ति गात्राणि योधानां विषयस्य च ॥

abhiprayātāṃ samitiṃ jñātvā ye pratiyāntyatha | teṣāṃ syandanti gātrāṇi yodhānāṃ viṣayasya ca

जब वे जान लेते हैं कि सेना उन पर चढ़ आई है और उसका सामना करने निकलते हैं, तब योद्धाओं के और देश के भी अंग काँपने लगते हैं।

श्लोक 25 (12.102.25)

विषयो व्यथते राजन्सर्वः सस्थाणुजङ्गमः । अस्त्रप्रतापतप्तानां मज्जाः सीदन्ति देहिनाम् ॥

viṣayo vyathate rājansarvaḥ sasthāṇujaṅgamaḥ | astrapratāpataptānāṃ majjāḥ sīdanti dehinām

हे राजन्, सारा देश, स्थावर और जंगम सहित, काँप उठता है; शस्त्रों के ताप से तपे हुए प्राणियों की मज्जा बैठने लगती है।

श्लोक 26 (12.102.26)

तेषां सान्त्वं क्रूरमिश्रं प्रणेतव्यं पुनः पुनः । संपीड्यमाना हि परैर्योगमायान्ति सर्वतः ॥

teṣāṃ sāntvaṃ krūramiśraṃ praṇetavyaṃ punaḥ punaḥ | saṃpīḍyamānā hi parairyogamāyānti sarvataḥ

उन पर बार-बार कठोरता मिली हुई सान्त्वना का प्रयोग करना चाहिए; क्योंकि शत्रुओं से चारों ओर से दबाए जाने पर वे समझौते की ओर आ जाते हैं।

श्लोक 27 (12.102.27)

आन्तराणां च भेदार्थं चरानभ्यवचारयेत् । यश्च तस्मात्परो राजा तेन संधिः प्रशस्यते ॥

āntarāṇāṃ ca bhedārthaṃ carānabhyavacārayet | yaśca tasmātparo rājā tena saṃdhiḥ praśasyate

शत्रु के भीतरी लोगों में फूट डालने के लिए गुप्तचर भेजे; और जो राजा उस शत्रु से परे है, उसके साथ सन्धि करना प्रशस्त माना जाता है।

श्लोक 28 (12.102.28)

न हि तस्यान्यथा पीडा शक्या कर्तुं तथाविधा । यथा सार्धममित्रेण सर्वतः प्रतिबाधनम् ॥

na hi tasyānyathā pīḍā śakyā kartuṃ tathāvidhā | yathā sārdhamamitreṇa sarvataḥ pratibādhanam

उसे उस प्रकार की पीड़ा और किसी तरह नहीं दी जा सकती जैसी उसके शत्रु के साथ मिलकर चारों ओर से दबाने से दी जाती है।

श्लोक 29 (12.102.29)

क्षमा वै साधुमायाति न ह्यसाधून्क्षमा सदा । क्षमायाश्चाक्षमायाश्च पार्थ विद्धि प्रयोजनम् ॥

kṣamā vai sādhumāyāti na hyasādhūnkṣamā sadā | kṣamāyāścākṣamāyāśca pārtha viddhi prayojanam

क्षमा सज्जन के पास जाती है; दुष्टों के पास वह सदा नहीं जाती। हे पार्थ, क्षमा और अक्षमा का प्रयोजन समझ लो।

श्लोक 30 (12.102.30)

विजित्य क्षममाणस्य यशो राज्ञो विवर्धते । महापराधे ह्यप्यस्मिन्विश्वसन्त्यपि शत्रवः ॥

vijitya kṣamamāṇasya yaśo rājño vivardhate | mahāparādhe hyapyasminviśvasantyapi śatravaḥ

जीतकर क्षमा करने वाले राजा का यश बढ़ता है; उसके प्रति बड़ा अपराध करने पर भी शत्रु उस पर विश्वास करने लगते हैं।

श्लोक 31 (12.102.31)

मन्यन्ते कर्षयित्वा तु क्षमा साध्वीति शाम्बराः । असंतप्तं तु यद्दारु प्रत्येति प्रकृतिं पुनः ॥

manyante karṣayitvā tu kṣamā sādhvīti śāmbarāḥ | asaṃtaptaṃ tu yaddāru pratyeti prakṛtiṃ punaḥ

शम्बर के अनुयायी मानते हैं कि शत्रु को तपाने के बाद ही क्षमा उत्तम होती है; क्योंकि जो लकड़ी तपाई न गई हो, वह फिर अपने मूल रूप में लौट आती है।

श्लोक 32 (12.102.32)

नैतत्प्रशंसन्त्याचार्या न चैतत्साधु दर्शनम् । अक्रोधेनाविनाशेन नियन्तव्याः स्वपुत्रवत् ॥

naitatpraśaṃsantyācāryā na caitatsādhu darśanam | akrodhenāvināśena niyantavyāḥ svaputravat

आचार्य इसकी प्रशंसा नहीं करते, और यह दृष्टि भी ठीक नहीं है। उन्हें क्रोध और विनाश के बिना, अपने पुत्रों की तरह नियन्त्रित करना चाहिए।

श्लोक 33 (12.102.33)

द्वेष्यो भवति भूतानामुग्रो राजा युधिष्ठिर । मृदुमप्यवमन्यन्ते तस्मादुभयभाग्भवेत् ॥

dveṣyo bhavati bhūtānāmugro rājā yudhiṣṭhira | mṛdumapyavamanyante tasmādubhayabhāgbhavet

हे युधिष्ठिर, उग्र राजा प्राणियों का द्वेष्य बन जाता है, और मृदु की वे अवहेलना करते हैं; इसलिए वह दोनों का भागी बने।

श्लोक 34 (12.102.34)

प्रहरिष्यन्प्रियं ब्रूयात्प्रहरन्नपि भारत । प्रहृत्य च प्रियं ब्रूयाच्छोचन्निव रुदन्निव ॥

prahariṣyanpriyaṃ brūyātpraharannapi bhārata | prahṛtya ca priyaṃ brūyācchocanniva rudanniva

प्रहार करने से पहले प्रिय बोले, हे भारत, प्रहार करते हुए भी प्रिय बोले, और प्रहार करके भी प्रिय बोले, मानो शोक करता और रोता हुआ।

श्लोक 35 (12.102.35)

न मे प्रिया ये स्म हताः संप्रहृष्टाः परेऽपि च । न च कत्थनमेवाग्र्यमुच्यमानं पुनः पुनः ॥

na me priyā ye sma hatāḥ saṃprahṛṣṭāḥ pare'pi ca | na ca katthanamevāgryamucyamānaṃ punaḥ punaḥ

न वे मुझे प्रिय हैं जो मारे गए, न वे शत्रु जो हर्ष मना रहे हैं; और बार-बार कही जाती शेखी भी कोई श्रेष्ठ वस्तु नहीं है।

श्लोक 36 (12.102.36)

अहो जीवितमाकाङ्क्षेन्नेदृशो वधमर्हति । सुदुर्लभाः सुपुरुषाः संग्रामेष्वपलायिनः ॥

aho jīvitamākāṅkṣennedṛśo vadhamarhati | sudurlabhāḥ supuruṣāḥ saṃgrāmeṣvapalāyinaḥ

अहो, ऐसे पुरुष का जीवित रहना चाहिए था; वह वध के योग्य नहीं है। युद्धों में न भागने वाले सत्पुरुष अत्यन्त दुर्लभ हैं।

श्लोक 37 (12.102.37)

कृतं ममाप्रियं तेन येनायं निहतो मृधे । इति वाचा वदन्हन्तृन्पूजयेत रहोगतः ॥

kṛtaṃ mamāpriyaṃ tena yenāyaṃ nihato mṛdhe | iti vācā vadanhantṛnpūjayeta rahogataḥ

"जिसके द्वारा यह युद्ध में मारा गया, उसने मेरा अप्रिय किया है": ऐसा वाणी से कहते हुए भी वह एकान्त में मारने वालों का सत्कार करे।

श्लोक 38 (12.102.38)

हन्तॄणां च हतानां च पूजां कुर्याद्यथार्थतः । क्रोशेद्बाहुं प्रगृह्यापि चिकीर्षञ्जनसंग्रहम् ॥

hantṝṇāṃ ca hatānāṃ ca pūjāṃ kuryādyathārthataḥ | krośedbāhuṃ pragṛhyāpi cikīrṣañjanasaṃgraham

वह मारने वालों और मारे गए लोगों दोनों का यथोचित सम्मान करे, और लोगों को अपने साथ जोड़ने की इच्छा से भुजा उठाकर पुकार भी लगाए।

श्लोक 39 (12.102.39)

एवं सर्वास्ववस्थासु सान्त्वपूर्वं समाचरेत् । प्रियो भवति भूतानां धर्मज्ञो वीतभीर्नृपः ॥

evaṃ sarvāsvavasthāsu sāntvapūrvaṃ samācaret | priyo bhavati bhūtānāṃ dharmajño vītabhīrnṛpaḥ

इस प्रकार सभी परिस्थितियों में पहले सान्त्वना रखकर व्यवहार करने वाला, धर्म को जानने वाला और निर्भय राजा सब प्राणियों का प्रिय हो जाता है।

श्लोक 40 (12.102.40)

विश्वासं चात्र गच्छन्ति सर्वभूतानि भारत । विश्वस्तः शक्यते भोक्तुं यथाकालं समुत्थितः ॥

viśvāsaṃ cātra gacchanti sarvabhūtāni bhārata | viśvastaḥ śakyate bhoktuṃ yathākālaṃ samutthitaḥ

हे भारत, सब प्राणी उस पर विश्वास करते हैं; और जिस पर विश्वास किया जाता है, वह उचित समय पर उठ खड़ा होकर पृथ्वी का भोग कर सकता है।

श्लोक 41 (12.102.41)

तस्माद्विश्वासयेद्राजा सर्वभूतान्यमायया । सर्वतः परिरक्षेच्च यो महीं भोक्तुमिच्छति ॥

tasmādviśvāsayedrājā sarvabhūtānyamāyayā | sarvataḥ parirakṣecca yo mahīṃ bhoktumicchati

इसलिए जो राजा पृथ्वी का भोग करना चाहता है, वह छल के बिना सब प्राणियों का विश्वास जीते और सब ओर से उनकी रक्षा करे।