गणों की उन्नति और पतन

श्लोक 1 (12.107.1)

ब्राह्मणक्षत्रियविशां शूद्राणां च परंतप । धर्मवृत्तं च वित्तं च वृत्त्युपायाः फलानि च ॥

brāhmaṇakṣatriyaviśāṃ śūdrāṇāṃ ca paraṃtapa | dharmavṛttaṃ ca vittaṃ ca vṛttyupāyāḥ phalāni ca

हे परंतप, ब्राह्मण, क्षत्रिय, वैश्य और शूद्रों के धर्म, आचार और धन, उनकी आजीविका के साधन और उनके फल;

श्लोक 2 (12.107.2)

राज्ञां वृत्तं च कोशं च कोशसंचयनं जयः । अमात्यगुणवृत्तिश्च प्रकृतीनां च वर्धनम् ॥

rājñāṃ vṛttaṃ ca kośaṃ ca kośasaṃcayanaṃ jayaḥ | amātyaguṇavṛttiśca prakṛtīnāṃ ca vardhanam

राजाओं का आचरण, कोश, कोश-संचय, विजय, मन्त्रियों के गुण और व्यवहार, तथा प्रजाओं की वृद्धि;

श्लोक 3 (12.107.3)

षाङ्गुण्यगुणकल्पश्च सेनानीतिस्तथैव च । दुष्टस्य च परिज्ञानमदुष्टस्य च लक्षणम् ॥

ṣāṅguṇyaguṇakalpaśca senānītistathaiva ca | duṣṭasya ca parijñānamaduṣṭasya ca lakṣaṇam

छह गुणों (षाड्गुण्य) की नीति का प्रयोग, सेना की नीति, दुष्ट की पहचान और अदुष्ट के लक्षण;

श्लोक 4 (12.107.4)

समहीनाधिकानां च यथावल्लक्षणं च यत् । मध्यमस्य च तुष्ट्यर्थं यथा स्थेयं विवर्धता ॥

samahīnādhikānāṃ ca yathāvallakṣaṇaṃ ca yat | madhyamasya ca tuṣṭyarthaṃ yathā stheyaṃ vivardhatā

समान, हीन और अधिक बलवालों के यथार्थ लक्षण, और बढ़ते हुए राजा को मध्यम को सन्तुष्ट रखने के लिए कैसे रहना चाहिए;

श्लोक 5 (12.107.5)

क्षीणग्रहणवृत्तिश्च यथा धर्मं प्रकीर्तितम् । लघुनाऽदेशरूपेण ग्रन्थयोगेन भारत ॥

kṣīṇagrahaṇavṛttiśca yathā dharmaṃ prakīrtitam | laghunā'deśarūpeṇa granthayogena bhārata

और क्षीण हुए लोगों की जीविका तथा उन्हें अपनाने का व्यवहार: हे भारत, यह सब धर्मानुसार संक्षेप में उपदेश के रूप में, एक संक्षिप्त ग्रन्थ की रीति से कहा गया है।

श्लोक 6 (12.107.6)

विजिगीषोस्तथा वृत्तमुक्तं चैव तथैव ते । गणानां वृत्तिमिच्छामि श्रोतुं मतिमतां वर ॥

vijigīṣostathā vṛttamuktaṃ caiva tathaiva te | gaṇānāṃ vṛttimicchāmi śrotuṃ matimatāṃ vara

विजय चाहने वाले का आचरण भी उसी प्रकार आपने बताया है। हे बुद्धिमानों में श्रेष्ठ, अब मैं गणों (गणराज्यों) की वृत्ति सुनना चाहता हूँ।

श्लोक 7 (12.107.7)

यथा गणाः प्रवर्धन्ते न भिद्यन्ते च भारत । अरींश्च विजिगीषन्ते सुहृदः प्राप्नुवन्ति च ॥

yathā gaṇāḥ pravardhante na bhidyante ca bhārata | arīṃśca vijigīṣante suhṛdaḥ prāpnuvanti ca

हे भारत, गण कैसे बढ़ते हैं और कैसे टूटते नहीं, कैसे शत्रुओं को जीतते और मित्रों को पाते हैं?

श्लोक 8 (12.107.8)

भेदमूलो विनाशो हि गणानामुपलक्षये । मन्त्रसंवरणं दुःखं बहूनामिति मे मतिः ॥

bhedamūlo vināśo hi gaṇānāmupalakṣaye | mantrasaṃvaraṇaṃ duḥkhaṃ bahūnāmiti me matiḥ

क्योंकि मैं देखता हूँ कि गणों का विनाश फूट में जड़ जमाए हुए है; और बहुत लोगों के लिए मन्त्र को गुप्त रखना कठिन है। ऐसा मेरा मत है।

श्लोक 9 (12.107.9)

एतदिच्छाम्यहं श्रोतुं निखिलेन परंतप । यथा च ते न भिद्येरंस्तच्च मे वद भारत ॥

etadicchāmyahaṃ śrotuṃ nikhilena paraṃtapa | yathā ca te na bhidyeraṃstacca me vada bhārata

हे परंतप, मैं यह सब पूरा सुनना चाहता हूँ; और हे भारत, यह भी बताइए कि वे कैसे न बँटें।

श्लोक 10 (12.107.10)

गणानां च कुलानां च राज्ञां भरतसत्तम । वैरसंदीपनावेतौ लोभामर्षौ नराधिप ॥

gaṇānāṃ ca kulānāṃ ca rājñāṃ bharatasattama | vairasaṃdīpanāvetau lobhāmarṣau narādhipa

हे भरतश्रेष्ठ, हे नराधिप, गणों, कुलों और राजाओं में लोभ और अमर्ष, ये दोनों ही वैर को सुलगाने वाले हैं।

श्लोक 11 (12.107.11)

लोभमेको हि वृणुते ततोऽमर्षमनन्तरम् । ततो ह्यमर्षसंयुक्तावन्योन्यजनिताशयौ ॥

lobhameko hi vṛṇute tato'marṣamanantaram | tato hyamarṣasaṃyuktāvanyonyajanitāśayau

पहले एक पक्ष लोभ को अपनाता है, उसके तुरन्त बाद अमर्ष आता है। फिर अमर्ष से जुड़े हुए वे दोनों एक-दूसरे के आशय को जन्म देते हैं।

श्लोक 12 (12.107.12)

चारमन्त्रबलादानैः सामदानविभेदनैः । क्षयव्ययभयोपायैः प्रकर्षन्तीतरेतरम् ॥

cāramantrabalādānaiḥ sāmadānavibhedanaiḥ | kṣayavyayabhayopāyaiḥ prakarṣantītaretaram

गुप्तचर, मन्त्रणा, बल और छीनने से, साम, दान और भेद से, तथा हानि, व्यय और भय पैदा करने वाले उपायों से वे एक-दूसरे को खींचते-सताते हैं।

श्लोक 13 (12.107.13)

तत्रादानेन भिद्यन्ते गणाः संघातवृत्तयः । भिन्ना विमनसः सर्वे गच्छन्त्यरिवशं भयात् ॥

tatrādānena bhidyante gaṇāḥ saṃghātavṛttayaḥ | bhinnā vimanasaḥ sarve gacchantyarivaśaṃ bhayāt

इनमें से छीनने के द्वारा संगठित रहने वाले गण टूटते हैं। टूटकर वे सब निराश हो जाते हैं और भय से शत्रु के वश में चले जाते हैं।

श्लोक 14 (12.107.14)

भेदे गणा विनश्युर्हि भिन्नास्तु सुजयाः परैः । तस्मात्संघातयोगेन प्रयतेरन्गणाः सदा ॥

bhede gaṇā vinaśyurhi bhinnāstu sujayāḥ paraiḥ | tasmātsaṃghātayogena prayaterangaṇāḥ sadā

फूट पड़ने पर गण नष्ट हो जाते हैं, और बँट जाने पर दूसरों द्वारा आसानी से जीत लिए जाते हैं। इसलिए गणों को सदा एकता के साथ चलने का प्रयत्न करना चाहिए।

श्लोक 15 (12.107.15)

अर्थाश्चैवाधिगम्यन्ते संघातबलपौरुषैः । बाह्याश्च मैत्रीं कुर्वन्ति तेषु संघातवृत्तिषु ॥

arthāścaivādhigamyante saṃghātabalapauruṣaiḥ | bāhyāśca maitrīṃ kurvanti teṣu saṃghātavṛttiṣu

संगठित बल और पौरुष से धन प्राप्त होता है, और जो एकता से रहते हैं उनके साथ बाहरी लोग भी मित्रता करते हैं।

श्लोक 16 (12.107.16)

ज्ञानवृद्धाः प्रशंसन्ति शुश्रूषन्तः परस्परम् । विनिवृत्ताभिसंधानाः सुखमेधन्ति सर्वशः ॥

jñānavṛddhāḥ praśaṃsanti śuśrūṣantaḥ parasparam | vinivṛttābhisaṃdhānāḥ sukhamedhanti sarvaśaḥ

ज्ञान में वृद्ध लोग परस्पर प्रशंसा और सेवा करते हुए, और शत्रुता की योजनाओं को छोड़कर, सब ओर सुखपूर्वक बढ़ते हैं।

श्लोक 17 (12.107.17)

धर्मिष्ठान्व्यवहारांश्च स्थापयन्तश्च शास्त्रतः । यथावत्प्रतिपश्यन्तो विवर्धन्ते गणोत्तमाः ॥

dharmiṣṭhānvyavahārāṃśca sthāpayantaśca śāstrataḥ | yathāvatpratipaśyanto vivardhante gaṇottamāḥ

श्रेष्ठ गण शास्त्र के अनुसार अत्यन्त धर्मसंगत व्यवहारों की स्थापना करके और बातों को ठीक-ठीक देखते हुए बढ़ते हैं।

श्लोक 18 (12.107.18)

पुत्रान्भ्रातृन्निगृह्णन्तो विनयन्तश्च तान्सदा । विनीतांश्च प्रगृह्णन्तो विवर्धन्ते गणोत्तमाः ॥

putrānbhrātṛnnigṛhṇanto vinayantaśca tānsadā | vinītāṃśca pragṛhṇanto vivardhante gaṇottamāḥ

श्रेष्ठ गण अपने पुत्रों और भाइयों को नियन्त्रित करके और सदा उन्हें अनुशासित करके, तथा अनुशासित हो चुकों को अपनाकर बढ़ते हैं।

श्लोक 19 (12.107.19)

चारमन्त्रविधानेषु कोशसंनिचयेषु च । नित्ययुक्ता महाबाहो वर्धन्ते सर्वतो गणाः ॥

cāramantravidhāneṣu kośasaṃnicayeṣu ca | nityayuktā mahābāho vardhante sarvato gaṇāḥ

हे महाबाहो, जो गण गुप्तचर और मन्त्रणा की व्यवस्था में तथा कोश के संचय में सदा तत्पर रहते हैं, वे सब ओर बढ़ते हैं।

श्लोक 20 (12.107.20)

प्राज्ञांश्चारान्महोत्साहान्कर्मसु स्थिरपौरुषान् । मानयन्तः सदा युक्ता विवर्धन्ते गणा नृप ॥

prājñāṃścārānmahotsāhānkarmasu sthirapauruṣān | mānayantaḥ sadā yuktā vivardhante gaṇā nṛpa

हे राजन्, जो गण बुद्धिमानों तथा उत्साही और कर्म में स्थिर पौरुष वाले गुप्तचरों का सदा सम्मान करते हुए सावधान रहते हैं, वे बढ़ते हैं।

श्लोक 21 (12.107.21)

द्रव्यवन्तश्च शूराश्च शस्त्रज्ञाः शास्त्रपारगाः । कृच्छ्रास्वापत्सु संमूढान्गणाः संतारयन्ति ते ॥

dravyavantaśca śūrāśca śastrajñāḥ śāstrapāragāḥ | kṛcchrāsvāpatsu saṃmūḍhāngaṇāḥ saṃtārayanti te

धनवान्, शूर, शस्त्रों के ज्ञाता और शास्त्रों में पारंगत लोग संकटों और आपत्तियों में घबराए हुए गणों को पार लगा देते हैं।

श्लोक 22 (12.107.22)

क्रोधो भेदो भयं दण्डः कर्षणं निग्रहो वधः । नयत्यरिवशं सद्यो गणान्भरतसत्तम ॥

krodho bhedo bhayaṃ daṇḍaḥ karṣaṇaṃ nigraho vadhaḥ | nayatyarivaśaṃ sadyo gaṇānbharatasattama

हे भरतश्रेष्ठ, क्रोध, फूट, भय, दण्ड, पीड़न, निग्रह और वध गणों को शीघ्र शत्रु के वश में पहुँचा देते हैं।

श्लोक 23 (12.107.23)

तस्मान्मानयितव्यास्ते गणमुख्याः प्रधानतः । लोकयात्रा समायत्ता भूयसी तेषु पार्थिव ॥

tasmānmānayitavyāste gaṇamukhyāḥ pradhānataḥ | lokayātrā samāyattā bhūyasī teṣu pārthiva

इसलिए उन गणमुख्यों का प्रमुखता से सम्मान करना चाहिए; हे राजन्, लोकयात्रा का बड़ा भार उन्हीं पर टिका है।

श्लोक 24 (12.107.24)

मन्त्रगुप्तिः प्रधानेषु चारश्चामित्रकर्शण । न गणाः कृत्स्नशो मन्त्रं श्रोतुमर्हन्ति भारत ॥

mantraguptiḥ pradhāneṣu cāraścāmitrakarśaṇa | na gaṇāḥ kṛtsnaśo mantraṃ śrotumarhanti bhārata

हे शत्रुओं को तपाने वाले, मन्त्र की गोपनीयता और गुप्तचरी प्रधानों के पास रहती है। हे भारत, गणों को पूरा मन्त्र नहीं सुनना चाहिए।

श्लोक 25 (12.107.25)

गणमुख्यैस्तु संभूय कार्यं गणहितं मिथः ॥

gaṇamukhyaistu saṃbhūya kāryaṃ gaṇahitaṃ mithaḥ

जो कार्य गण के हित का है, उसे गणमुख्यों को आपस में मिलकर परामर्श से करना चाहिए।

श्लोक 26 (12.107.26)

पृथग्गणस्य भिन्नस्य विततस्य ततोऽन्यथा । अर्थाः प्रत्यवसीदन्ति तथाऽनर्था भवन्ति च ॥

pṛthaggaṇasya bhinnasya vitatasya tato'nyathā | arthāḥ pratyavasīdanti tathā'narthā bhavanti ca

जब गण टुकड़ों में बँट जाता है, फूट जाता है और बिखर जाता है, तब उसके कार्य डूब जाते हैं और अनर्थ होने लगते हैं।

श्लोक 27 (12.107.27)

तेषामन्योन्यभिन्नानां स्वशक्तिमनुतिष्ठताम् । निग्रहः पण्डितैः कार्यः क्षिप्रमेव प्रधानतः ॥

teṣāmanyonyabhinnānāṃ svaśaktimanutiṣṭhatām | nigrahaḥ paṇḍitaiḥ kāryaḥ kṣiprameva pradhānataḥ

जो आपस में फूटे हुए अपनी-अपनी शक्ति से चलते हैं, उन पर पण्डितों को शीघ्र ही निग्रह करना चाहिए, मुख्यतः प्रधानों के द्वारा।

श्लोक 28 (12.107.28)

कुलेषु कलहा जाताः कुलवृद्धैरुपेक्षिताः । गोत्रस्य नाशं कुर्वन्ति गणभेदस्य कारकम् ॥

kuleṣu kalahā jātāḥ kulavṛddhairupekṣitāḥ | gotrasya nāśaṃ kurvanti gaṇabhedasya kārakam

कुलों में उठे कलहों की यदि कुल के वृद्ध उपेक्षा करें, तो वे गोत्र का नाश कर देते हैं और गण की फूट के कारण बनते हैं।

श्लोक 29 (12.107.29)

आभ्यन्तरं भयं रक्ष्यमसारं बाह्यतो भयम् । आभ्यन्तरं भयं राजन्सद्यो मूलानि कृन्तति ॥

ābhyantaraṃ bhayaṃ rakṣyamasāraṃ bāhyato bhayam | ābhyantaraṃ bhayaṃ rājansadyo mūlāni kṛntati

भीतरी भय से बचना चाहिए; बाहरी भय सारहीन है। हे राजन्, भीतरी भय तुरन्त जड़ों को काट डालता है।

श्लोक 30 (12.107.30)

अकस्मात्क्रोधमोहाभ्यां लोभाद्वाऽपि स्वभावजात् । अन्योन्यं नाभिभाषन्ते तत्पराभवलक्षणम् ॥

akasmātkrodhamohābhyāṃ lobhādvā'pi svabhāvajāt | anyonyaṃ nābhibhāṣante tatparābhavalakṣaṇam

जब अचानक क्रोध और मोह से, या स्वभाव से उत्पन्न लोभ से, वे आपस में बोलना बन्द कर देते हैं, तो यही उनकी पराजय का लक्षण है।

श्लोक 31 (12.107.31)

जात्या च सदृशाः सर्वे कुलेन सदृशास्तथा । न चोद्योगेन बुद्ध्या वा रूपद्रव्येण वा पुनः ॥

jātyā ca sadṛśāḥ sarve kulena sadṛśāstathā | na codyogena buddhyā vā rūpadravyeṇa vā punaḥ

सब जन्म में समान हैं और कुल में भी समान हैं, परन्तु उद्योग, बुद्धि, रूप या धन में समान नहीं हैं।

श्लोक 32 (12.107.32)

भेदाच्चैव प्रदानाच्च नाम्यन्ते रिपुभिर्गणाः । तस्मात्संघातमेवाहुर्गणानां शरणं महत् ॥

bhedāccaiva pradānācca nāmyante ripubhirgaṇāḥ | tasmātsaṃghātamevāhurgaṇānāṃ śaraṇaṃ mahat

शत्रु फूट और दान के द्वारा गणों को झुका लेते हैं। इसलिए कहते हैं कि एकता ही गणों का सबसे बड़ा आश्रय है।