सत्य और असत्य का विवेक

श्लोक 1 (12.109.1)

कथं धर्मे स्थातुमिच्छन्नरो वर्तेत भारत । तत्त्वं जिज्ञासमानाय प्रब्रूहि भरतर्षभ ॥

kathaṃ dharme sthātumicchannaro varteta bhārata | tattvaṃ jijñāsamānāya prabrūhi bharatarṣabha

हे भारत, धर्म में स्थित रहने की इच्छा वाला मनुष्य कैसे आचरण करे? हे भरतश्रेष्ठ, मैं तत्त्व जानना चाहता हूँ, मुझे बताइए।

श्लोक 2 (12.109.2)

सत्यं चैवानृतं चोभे लोकानावृत्य तिष्ठतः । तयोः किमाचरेद्राजन्पुरुषो धर्मनिश्चितः ॥

satyaṃ caivānṛtaṃ cobhe lokānāvṛtya tiṣṭhataḥ | tayoḥ kimācaredrājanpuruṣo dharmaniścitaḥ

सत्य और असत्य दोनों लोकों को ढककर खड़े हैं। हे राजन्, धर्म में निश्चित मनुष्य इन दोनों में से किसका आचरण करे?

श्लोक 3 (12.109.3)

किंस्वित्सत्यं किमनृतं किंस्विद्धर्म्यं सनातनम् । कस्मिन्काले वदेत्सत्यं कस्मिन्वाऽप्यनृतं वदेत् ॥

kiṃsvitsatyaṃ kimanṛtaṃ kiṃsviddharmyaṃ sanātanam | kasminkāle vadetsatyaṃ kasminvā'pyanṛtaṃ vadet

सत्य क्या है, असत्य क्या है, और सनातन धर्म क्या है? किस समय सत्य बोलना चाहिए और किस समय असत्य?

श्लोक 4 (12.109.4)

सत्यस्य वचनं साधु न सत्याद्विद्यते परम् । यत्तु लोके सुदुर्ज्ञेयं तत्ते वक्ष्यामि भारत ॥

satyasya vacanaṃ sādhu na satyādvidyate param | yattu loke sudurjñeyaṃ tatte vakṣyāmi bhārata

सत्य बोलना अच्छा है; सत्य से बढ़कर कुछ नहीं है। परन्तु संसार में जो बात बहुत कठिनाई से जानी जाती है, वह मैं तुम्हें बताऊँगा, हे भारत।

श्लोक 5 (12.109.5)

भवेत्सत्यं न वक्तव्यं वक्तव्यमनृतं भवेत् । यत्रानृतं भवेत्सत्यं सत्यं वाऽप्यनृतं भवेत् ॥

bhavetsatyaṃ na vaktavyaṃ vaktavyamanṛtaṃ bhavet | yatrānṛtaṃ bhavetsatyaṃ satyaṃ vā'pyanṛtaṃ bhavet

ऐसे अवसर होते हैं जब सत्य नहीं बोलना चाहिए और असत्य बोलना चाहिए: जहाँ असत्य सत्य बन जाए, या सत्य असत्य बन जाए।

श्लोक 6 (12.109.6)

तादृशो वर्धते पापो यत्र सत्यमनिश्चितम् । सत्यानृते विनिश्चित्य ततो भवति धर्मवित् ॥

tādṛśo vardhate pāpo yatra satyamaniścitam | satyānṛte viniścitya tato bhavati dharmavit

जहाँ सत्य अनिश्चित हो, वहाँ वैसा पाप बढ़ता है। सत्य और असत्य का निश्चय करके ही मनुष्य धर्म को जानने वाला होता है।

श्लोक 7 (12.109.7)

अप्यनार्योऽकृतप्रज्ञः पुरुषोऽप्यतिदारुणः । सुमहत्प्राप्नुयात्पुण्यं बलाकोऽन्धवधादिव ॥

apyanāryo'kṛtaprajñaḥ puruṣo'pyatidāruṇaḥ | sumahatprāpnuyātpuṇyaṃ balāko'ndhavadhādiva

नीच, अशिक्षित बुद्धि वाला और अत्यन्त क्रूर पुरुष भी बहुत बड़ा पुण्य पा सकता है, जैसे बलाक ने एक अन्धे का वध करके पाया।

श्लोक 8 (12.109.8)

किमाश्चर्यं च यन्मूढो धर्मकामोऽप्यधर्मवित् । सुमहत्प्राप्नुयात्पुण्यं गङ्गायामिव कौशिकः ॥

kimāścaryaṃ ca yanmūḍho dharmakāmo'pyadharmavit | sumahatprāpnuyātpuṇyaṃ gaṅgāyāmiva kauśikaḥ

और इसमें आश्चर्य ही क्या कि धर्म चाहने वाला, पर धर्म को न जानने वाला कोई मूढ़ बहुत बड़ा पुण्य पा ले, जैसे गंगा के तट पर कौशिक ने पाया?

श्लोक 9 (12.109.9)

तादृशोऽयमनुप्रश्नो यत्र धर्मः सुदुर्विदः । दुष्कारं चापि संख्यातुं तर्केणात्र व्यवस्यति ॥

tādṛśo'yamanupraśno yatra dharmaḥ sudurvidaḥ | duṣkāraṃ cāpi saṃkhyātuṃ tarkeṇātra vyavasyati

यह प्रश्न ऐसा ही है, जिसमें धर्म को जानना बहुत कठिन है; उसकी गणना करना भी कठिन है; यहाँ तर्क से ही निर्णय किया जाता है।

श्लोक 10 (12.109.10)

प्रभवार्थाय भूतानां धर्मप्रवचनं कृतम् । यः स्यात्प्रभवसंयुक्तः स धर्म इति निश्चयः ॥

prabhavārthāya bhūtānāṃ dharmapravacanaṃ kṛtam | yaḥ syātprabhavasaṃyuktaḥ sa dharma iti niścayaḥ

प्राणियों की समृद्धि के लिए धर्म का उपदेश किया गया है। जो समृद्धि से जुड़ा है, वही धर्म है: यह निश्चय है।

श्लोक 11 (12.109.11)

अहिंसा सत्यमक्रोधस्तपो दानं दमो मतिः । अनसूयाऽप्यमात्सर्यमनीर्ष्या शीलमेव च ॥

ahiṃsā satyamakrodhastapo dānaṃ damo matiḥ | anasūyā'pyamātsaryamanīrṣyā śīlameva ca

अहिंसा, सत्य, अक्रोध, तप, दान, दम, सद्बुद्धि, दोषदृष्टि का अभाव, मात्सर्य का अभाव, ईर्ष्या का अभाव और शील:

श्लोक 12 (12.109.12)

एष धर्मः कुरुश्रेष्ठ कथितः परमेष्ठिना । ब्रह्मणा देवदेवेन अयं चैव सनातनः ॥

eṣa dharmaḥ kuruśreṣṭha kathitaḥ parameṣṭhinā | brahmaṇā devadevena ayaṃ caiva sanātanaḥ

हे कुरुश्रेष्ठ, यही धर्म परमेष्ठी, देवों के देव ब्रह्मा ने कहा है; और यह सनातन है।

श्लोक 13 (12.109.13)

अस्मिन्धर्मे स्थितो राजन्नरो भद्राणि पश्यति । श्रौतो वधात्मको धर्म अहिंसापरमार्थिकः ॥

asmindharme sthito rājannaro bhadrāṇi paśyati | śrauto vadhātmako dharma ahiṃsāparamārthikaḥ

हे राजन्, इस धर्म में स्थित मनुष्य कल्याण देखता है। वेदविहित धर्म वधात्मक है, किन्तु उसका परम तात्पर्य अहिंसा है।

श्लोक 14 (12.109.14)

धारणाद्धर्ममित्याहुर्धर्मेण विधृताः प्रजाः । यः स्याद्धारणसंयुक्तः स धर्म इति निश्चयः ॥

dhāraṇāddharmamityāhurdharmeṇa vidhṛtāḥ prajāḥ | yaḥ syāddhāraṇasaṃyuktaḥ sa dharma iti niścayaḥ

धारण करने के कारण इसे धर्म कहते हैं; धर्म से ही प्रजाएँ धारण की गई हैं। जो धारण से जुड़ा है, वही धर्म है: यह निश्चय है।

श्लोक 15 (12.109.15)

अहिंसार्थाय भूतानां धर्मप्रवचनं कृतम् । यः स्यादहिंसासंयुक्तः स धर्म इति निश्चयः ॥

ahiṃsārthāya bhūtānāṃ dharmapravacanaṃ kṛtam | yaḥ syādahiṃsāsaṃyuktaḥ sa dharma iti niścayaḥ

प्राणियों की अहिंसा के लिए धर्म का उपदेश किया गया है। जो अहिंसा से जुड़ा है, वही धर्म है: यह निश्चय है।

श्लोक 16 (12.109.16)

श्रुतिं धर्मं वदन्त्यन्ये मानान्याहुः परे जनाः । न च तं स्वभ्यसूयामो न हि सर्वं विधीयते ॥

śrutiṃ dharmaṃ vadantyanye mānānyāhuḥ pare janāḥ | na ca taṃ svabhyasūyāmo na hi sarvaṃ vidhīyate

कुछ लोग श्रुति को धर्म कहते हैं; दूसरे लोग अन्य प्रमाणों की बात करते हैं। हम उसकी निन्दा नहीं करते, पर वहाँ सब कुछ विहित नहीं है।

श्लोक 17 (12.109.17)

येऽन्यायेन जिहीर्षन्तो धनमिच्छन्ति कर्हिचित् । तेभ्यस्तु न तदाख्येयं स धर्म इति निश्चयः ॥

ye'nyāyena jihīrṣanto dhanamicchanti karhicit | tebhyastu na tadākhyeyaṃ sa dharma iti niścayaḥ

जो अन्याय से धन छीनना चाहते हैं और कभी उसे माँगते हैं, उन्हें वह बताना नहीं चाहिए। वही धर्म है: यह निश्चय है।

श्लोक 18 (12.109.18)

अकूजनेन चेन्मोक्षो नावकूजेत्कथंचन । अवश्यं कूजितव्यं वा शङ्केरन्वाऽप्यकूजनात् ॥

akūjanena cenmokṣo nāvakūjetkathaṃcana | avaśyaṃ kūjitavyaṃ vā śaṅkeranvā'pyakūjanāt

यदि मौन रहने से छुटकारा हो जाए तो किसी प्रकार नहीं बोलना चाहिए; परन्तु यदि बोलना ही पड़े, या मौन से उन्हें शंका हो,

श्लोक 19 (12.109.19)

येऽन्ये वाऽप्यनृतं कुर्युः कुर्यादेव विचारणम् । श्रेयस्तत्रानृतं वक्तुं सत्यादिति विचारितम् ॥

ye'nye vā'pyanṛtaṃ kuryuḥ kuryādeva vicāraṇam | śreyastatrānṛtaṃ vaktuṃ satyāditi vicāritam

या अन्य जो लोग असत्य का सहारा लें, उन विषयों में भी विचार अवश्य करना चाहिए; ऐसे में सत्य से असत्य बोलना श्रेष्ठ ठहराया गया है।

श्लोक 20 (12.109.20)

अक्षयाद्यो वधं राजन्कुर्यादेवाविचारयन् । अबुध्वाऽनुशये दोषं श्रेयस्तच्चानृतं भवेत् ॥

akṣayādyo vadhaṃ rājankuryādevāvicārayan | abudhvā'nuśaye doṣaṃ śreyastaccānṛtaṃ bhavet

हे राजन्, यदि कोई अटल आग्रह के कारण बिना विचारे वध करा दे और बाद में पश्चात्ताप के रूप में आने वाले दोष को न समझे, तो उस अवस्था में असत्य ही श्रेष्ठ होगा।

श्लोक 21 (12.109.21)

न स्तेनैः सह संबन्धान्मुच्यते शपथादपि । श्रेयस्तत्रानृतं वक्तुं सत्यादिति हि धारणा ॥

na stenaiḥ saha saṃbandhānmucyate śapathādapi | śreyastatrānṛtaṃ vaktuṃ satyāditi hi dhāraṇā

शपथ लेने से भी मनुष्य चोरों के साथ सम्बन्ध से मुक्त नहीं होता; ऐसे में सत्य से असत्य बोलना श्रेष्ठ है, यही मान्यता है।

श्लोक 22 (12.109.22)

यः पापैः सह संबन्धान्मुच्यते शपथादपि । न च तेभ्यो धनं दद्याच्छक्ये सति कथंचन । पापेभ्यो हि धनं दत्तं दातारमपि पीडयेत् ॥

yaḥ pāpaiḥ saha saṃbandhānmucyate śapathādapi | na ca tebhyo dhanaṃ dadyācchakye sati kathaṃcana | pāpebhyo hi dhanaṃ dattaṃ dātāramapi pīḍayet

जो शपथ से भी पापियों के साथ सम्बन्ध से छूट जाता है, उसे सामर्थ्य रहते कभी उन्हें धन नहीं देना चाहिए; क्योंकि पापियों को दिया हुआ धन दाता को भी पीड़ा देता है।

श्लोक 23 (12.109.23)

स्वशरीरोपरोधेन धनमादातुमिच्छतः । सत्यसंप्रतिपत्त्यर्थं यद्ब्रूयुः साक्षिणः क्वचित् । अनुक्त्वा तत्र तद्वाच्यं सर्वे तेऽनृतवादिनः ॥

svaśarīroparodhena dhanamādātumicchataḥ | satyasaṃpratipattyarthaṃ yadbrūyuḥ sākṣiṇaḥ kvacit | anuktvā tatra tadvācyaṃ sarve te'nṛtavādinaḥ

जो अपने शरीर को कष्ट देकर भी धन लेना चाहता है, उसके विषय में सत्य सिद्ध करने के लिए साक्षी जब कहीं कुछ कहें, पर वहाँ जो कहना चाहिए उसे न कहें, तो वे सब असत्यवादी हैं।

श्लोक 24 (12.109.24)

प्राणात्यये विवाहे च वक्तव्यमनृतं भवेत् । अर्थस्य रक्षणार्थाय परेषां धर्मकारणात् ॥

prāṇātyaye vivāhe ca vaktavyamanṛtaṃ bhavet | arthasya rakṣaṇārthāya pareṣāṃ dharmakāraṇāt

प्राण-संकट में और विवाह के प्रसंग में असत्य बोला जा सकता है; धन की रक्षा के लिए और दूसरों के धर्म के कारण भी।

श्लोक 25 (12.109.25)

परेषां सिद्धिमाकाङ्क्षन्न च स्याद्धर्मभिक्षुकः । प्रतिश्रुत्य न दातव्यं श्वः कार्यस्तु बलात्कृतः ॥

pareṣāṃ siddhimākāṅkṣanna ca syāddharmabhikṣukaḥ | pratiśrutya na dātavyaṃ śvaḥ kāryastu balātkṛtaḥ

दूसरों की सिद्धि चाहते हुए वह धर्म का भिखारी न बने। वचन देने पर भी वह देना आवश्यक नहीं; बल से कराया गया कार्य कल पर टाला जा सकता है।

श्लोक 26 (12.109.26)

यः कश्चिद्धर्मसमयात्प्रच्युतो धर्मजीवनः । दण्डेनैव स हन्तव्यस्तं पन्थानं समाश्रितः ॥

yaḥ kaściddharmasamayātpracyuto dharmajīvanaḥ | daṇḍenaiva sa hantavyastaṃ panthānaṃ samāśritaḥ

जो कोई धर्म की मर्यादा से गिर गया है पर धर्म के सहारे जीविका चलाता है, उसे दण्ड से ही मारना चाहिए, क्योंकि उसने वही मार्ग अपनाया है।

श्लोक 27 (12.109.27)

च्युतः सदैव धर्मेभ्यो धनवान्धर्ममाश्रितः । कथं स्वधर्ममुत्सृज्य तमिच्छेदुपजीवितुम् ॥

cyutaḥ sadaiva dharmebhyo dhanavāndharmamāśritaḥ | kathaṃ svadharmamutsṛjya tamicchedupajīvitum

जो सदा धर्मों से गिरा हुआ है, फिर भी धनवान् होकर धर्म का आश्रय लेता है, वह अपना धर्म छोड़कर उसी के सहारे जीना कैसे चाह सकता है?

श्लोक 28 (12.109.28)

सर्वोपायैर्नियन्तव्यः पापो निकृतिजीवनः । धनमित्येव पापानां सर्वेषामिह निश्चयः ॥

sarvopāyairniyantavyaḥ pāpo nikṛtijīvanaḥ | dhanamityeva pāpānāṃ sarveṣāmiha niścayaḥ

छल से जीविका चलाने वाले पापी को सब उपायों से रोकना चाहिए। यहाँ सब पापियों का निश्चय धन ही है।

श्लोक 29 (12.109.29)

अविवाह्या ह्यसंभोज्या निकृत्या निरयं गताः । च्युता देवमनुष्येभ्यो यथा प्रेतास्तथैव ते । निर्यज्ञास्तपसा हीना मा स्म तैः सह संगमः ॥

avivāhyā hyasaṃbhojyā nikṛtyā nirayaṃ gatāḥ | cyutā devamanuṣyebhyo yathā pretāstathaiva te | niryajñāstapasā hīnā mā sma taiḥ saha saṃgamaḥ

जो छल से नरक को गए हैं, वे विवाह के योग्य नहीं और साथ भोजन के योग्य नहीं; देवों और मनुष्यों से गिरे हुए वे प्रेतों के समान ही हैं। यज्ञहीन और तपहीन उन लोगों के साथ हमारा संग न हो।

श्लोक 30 (12.109.30)

धनादानाद्दुःखतरं जीविता धिक्प्रयोजनम् । इदं ते रोचतां धर्म इति वाच्यं प्रयत्नतः ॥

dhanādānādduḥkhataraṃ jīvitā dhikprayojanam | idaṃ te rocatāṃ dharma iti vācyaṃ prayatnataḥ

यह धन छीने जाने से भी अधिक दुःखदायी है; ऐसे जीवन के प्रयोजन को धिक्कार है! "यह धर्म आपको रुचे": यही यत्नपूर्वक कहना चाहिए।

श्लोक 31 (12.109.31)

न कश्चिदस्ति पापानां धर्म इत्येष निश्चयः । तथाविधं च यो हन्यान्न स पापेन लिप्यते ॥

na kaścidasti pāpānāṃ dharma ityeṣa niścayaḥ | tathāvidhaṃ ca yo hanyānna sa pāpena lipyate

पापियों के लिए कोई धर्म नहीं है: यह निश्चय है। और जो ऐसे को मारता है, वह पाप से लिप्त नहीं होता।

श्लोक 32 (12.109.32)

स्वकर्मणा हतं हन्ति हत एव स हन्यते । तेषु यः समयं कश्चित्कुर्वीत हतबुद्धिषु ॥

svakarmaṇā hataṃ hanti hata eva sa hanyate | teṣu yaḥ samayaṃ kaścitkurvīta hatabuddhiṣu

वह उसे मारता है जो अपने कर्म से पहले ही मारा जा चुका है; मारा जा चुका ही फिर मारा जाता है। और जो कोई ऐसे नष्टबुद्धि लोगों से किसी प्रकार की संधि करे,

श्लोक 33 (12.109.33)

यथा काकास्तथैव श्वा तथैवोपधिजीवनः । ऊर्ध्वं देहविमोक्षान्ते भवन्त्येतासु योनिषु ॥

yathā kākāstathaiva śvā tathaivopadhijīvanaḥ | ūrdhvaṃ dehavimokṣānte bhavantyetāsu yoniṣu

जैसे कौए, वैसे कुत्ते, और वैसे ही छल से जीने वाले: देह छूटने के बाद वे इन्हीं योनियों में जन्म लेते हैं।

श्लोक 34 (12.109.34)

यस्मिन्यथा वर्तति यो मनुष्य । स्तस्मिंस्तथा वर्तितव्यं स धर्मः । मायाचारो मायया बाधितव्यः । साध्वाचारः साधुनैवाभ्युपेयः ॥

yasminyathā vartati yo manuṣya | stasmiṃstathā vartitavyaṃ sa dharmaḥ | māyācāro māyayā bādhitavyaḥ | sādhvācāraḥ sādhunaivābhyupeyaḥ

जो मनुष्य जिसके साथ जैसा बर्ताव करे, उसके साथ वैसा ही बर्ताव करना चाहिए: यही धर्म है। छली को छल से रोकना चाहिए और सदाचारी को सज्जनता से अपनाना चाहिए।