वसुहोम मान्धाता को दण्ड की उत्पत्ति बताते हैं

श्लोक 1 (12.122.1)

अत्राप्युदाहरन्तीममितिहासं पुरातनम् । अङ्गेषु राजा द्युतिमान्वसुहोम इति श्रुतः ॥

atrāpyudāharantīmamitihāsaṃ purātanam | aṅgeṣu rājā dyutimānvasuhoma iti śrutaḥ

इस विषय में लोग एक प्राचीन इतिहास भी सुनाते हैं: अंग देश में वसुहोम नाम से प्रसिद्ध एक तेजस्वी राजा था।

श्लोक 2 (12.122.2)

स राजा धर्मविन्नित्यं सह पत्न्या महातपाः । मुञ्जपृष्ठं जगामाथ देवर्षिगणसेवितम् ॥

sa rājā dharmavinnityaṃ saha patnyā mahātapāḥ | muñjapṛṣṭhaṃ jagāmātha devarṣigaṇasevitam

सदा धर्म में लगे रहने वाले और महान् तपस्वी वह राजा अपनी पत्नी के साथ देवर्षियों के समूहों से सेवित मुञ्जपृष्ठ नामक स्थान में गया।

श्लोक 3 (12.122.3)

तत्र शृङ्गे हिमवतो वसतिं समुपागमत् । यत्र मुञ्जवटे रामो जटाहरणमादिशत् ॥

tatra śṛṅge himavato vasatiṃ samupāgamat | yatra muñjavaṭe rāmo jaṭāharaṇamādiśat

वहाँ हिमालय के एक शिखर पर उसने निवास किया, उसी स्थान पर जहाँ मुञ्ज-वट के नीचे राम ने जटाएँ उतारने का आदेश दिया था।

श्लोक 4 (12.122.4)

तदादि च महाप्राज्ञः ऋषिभिः संशितव्रतैः । मुञ्जपृष्ठ इति प्रोक्तः स देशो रुद्रसेवितः ॥

tadādi ca mahāprājñaḥ ṛṣibhiḥ saṃśitavrataiḥ | muñjapṛṣṭha iti proktaḥ sa deśo rudrasevitaḥ

हे महाप्राज्ञ, तभी से कठोर व्रत वाले ऋषियों ने रुद्र से सेवित उस प्रदेश को 'मुञ्जपृष्ठ' कहा।

श्लोक 5 (12.122.5)

स तत्र बहुभिर्युक्तस्तदा श्रुतिमयैर्गुणैः । ब्राह्मणानामनुमतो देवर्षिसदृशोऽभवत् ॥

sa tatra bahubhiryuktastadā śrutimayairguṇaiḥ | brāhmaṇānāmanumato devarṣisadṛśo'bhavat

वहाँ श्रुति से उपजे अनेक गुणों से युक्त होकर और ब्राह्मणों की सम्मति पाकर वह देवर्षि के समान हो गया।

श्लोक 6 (12.122.6)

तं कदाचिददीनात्मा सखा शक्रस्य मानितः । अभ्यगच्छन्महीपालो मान्धाता शत्रुकर्शनः ॥

taṃ kadācidadīnātmā sakhā śakrasya mānitaḥ | abhyagacchanmahīpālo māndhātā śatrukarśanaḥ

एक बार उदार हृदय वाले, इन्द्र के सम्मानित मित्र और शत्रुओं को सतानेवाले राजा मान्धाता उससे मिलने आए।

श्लोक 7 (12.122.7)

सोपसृत्य तु मान्धाता वसुहोमं नराधिपम् । दृष्ट्वा प्रकृष्टतपसं विनयेनोपतिष्ठते ॥

sopasṛtya tu māndhātā vasuhomaṃ narādhipam | dṛṣṭvā prakṛṣṭatapasaṃ vinayenopatiṣṭhate

राजा वसुहोम के पास पहुँचकर और उन्हें उत्कृष्ट तपस्वी देखकर मान्धाता विनय के साथ उनके सामने खड़े हुए।

श्लोक 8 (12.122.8)

वसुहोमोऽपि राज्ञो वै गामर्घ्यं च न्यवेदयत् । सप्ताङ्गस्य तु राज्यस्य पप्रच्छ कुशलाव्ययौ ॥

vasuhomo'pi rājño vai gāmarghyaṃ ca nyavedayat | saptāṅgasya tu rājyasya papraccha kuśalāvyayau

वसुहोम ने भी राजा को गाय और अर्घ्य निवेदित किया और सात अंगों वाले उनके राज्य की कुशल तथा अक्षय स्थिति पूछी।

श्लोक 9 (12.122.9)

सद्भिराचरितं पूर्वं यथावदनुयायिनम् । अब्रवीद्वसुहोमस्तं राजन्किं करवाणि ते ॥

sadbhirācaritaṃ pūrvaṃ yathāvadanuyāyinam | abravīdvasuhomastaṃ rājankiṃ karavāṇi te

फिर सज्जनों द्वारा पहले से आचरित मार्ग का ठीक-ठीक अनुसरण करने वाले उन राजा से वसुहोम ने कहा, "हे राजन्, मैं आपके लिए क्या करूँ?

श्लोक 10 (12.122.10)

सोऽब्रवीत्परमप्रीतो मान्धाता राजसत्तमः । वसुहोमं महाप्राज्ञमासीनं कुरुनन्दन ॥

so'bravītparamaprīto māndhātā rājasattamaḥ | vasuhomaṃ mahāprājñamāsīnaṃ kurunandana

हे कुरुनन्दन, परम प्रसन्न राजश्रेष्ठ मान्धाता ने वहाँ बैठे हुए महाप्राज्ञ वसुहोम से कहा।

श्लोक 11 (12.122.11)

बृहस्पतेर्मतं राजन्नधीतं सकलं त्वया । तथैवौशनसं शास्त्रं विज्ञातं ते नरोत्तम ॥

bṛhaspatermataṃ rājannadhītaṃ sakalaṃ tvayā | tathaivauśanasaṃ śāstraṃ vijñātaṃ te narottama

हे राजन्, आपने बृहस्पति का सारा मत पढ़ा है, और हे नरोत्तम, उशना का शास्त्र भी आप जानते हैं।

श्लोक 12 (12.122.12)

तदहं श्रोतुमिच्छामि दण्ड उत्पद्यते कथम् । किं वाऽस्य पूर्वं जागर्ति किं वा परममुच्यते ॥

tadahaṃ śrotumicchāmi daṇḍa utpadyate katham | kiṃ vā'sya pūrvaṃ jāgarti kiṃ vā paramamucyate

वही मैं सुनना चाहता हूँ: दण्ड कैसे उत्पन्न होता है? उससे पहले कौन जागता है, और सर्वोच्च किसे कहा जाता है?

श्लोक 13 (12.122.13)

कथं क्षत्रियसंस्थश्च दण्डः संप्रत्यवस्थितः । ब्रूहि मे तद्यथातत्वं ददाम्याचार्यवेतनम् ॥

kathaṃ kṣatriyasaṃsthaśca daṇḍaḥ saṃpratyavasthitaḥ | brūhi me tadyathātatvaṃ dadāmyācāryavetanam

और क्षत्रियों में दण्ड कैसे प्रतिष्ठित हुआ? यह मुझे यथार्थ रूप में बताइए; मैं आपको गुरुदक्षिणा दूँगा।

श्लोक 14 (12.122.14)

शृणु राजन्यथा दण्डः संभूतो लोकसंग्रहः । प्रजाविनयरक्षार्थं धर्मस्यात्मा सनातनः ॥

śṛṇu rājanyathā daṇḍaḥ saṃbhūto lokasaṃgrahaḥ | prajāvinayarakṣārthaṃ dharmasyātmā sanātanaḥ

हे राजन्, सुनिए कि दण्ड कैसे उत्पन्न हुआ — लोक को धारण करने वाला, धर्म का सनातन आत्मा, प्रजा के अनुशासन और रक्षा के लिए।

श्लोक 15 (12.122.15)

ब्रह्मा यियक्षुर्भगवान्सर्वलोकपितामहः । ऋत्विजं नात्मनस्तुल्यं ददर्शेति हि नः श्रुतम् ॥

brahmā yiyakṣurbhagavānsarvalokapitāmahaḥ | ṛtvijaṃ nātmanastulyaṃ dadarśeti hi naḥ śrutam

हमने सुना है कि सब लोकों के पितामह भगवान् ब्रह्मा ने यज्ञ करने की इच्छा से देखा कि उनके समान कोई ऋत्विज नहीं है।

श्लोक 16 (12.122.16)

स गर्भं भगवान्देवो बहुवर्षाण्यधारयत् । अथ पूर्णे सहस्रे तु स गर्भः क्षुवतोऽपतत् ॥

sa garbhaṃ bhagavāndevo bahuvarṣāṇyadhārayat | atha pūrṇe sahasre tu sa garbhaḥ kṣuvato'patat

भगवान् देव ने बहुत वर्षों तक एक गर्भ धारण किया; और जब एक हजार वर्ष पूरे हुए तो छींकते समय वह गर्भ गिर पड़ा।

श्लोक 17 (12.122.17)

स क्षुपो नाम संभूतः प्रजापतिररिंदम् । ऋत्विगासीन्महाराज यज्ञे तस्य महात्मनः ॥

sa kṣupo nāma saṃbhūtaḥ prajāpatirariṃdam | ṛtvigāsīnmahārāja yajñe tasya mahātmanaḥ

हे शत्रुदमन, वह क्षुप नाम का प्रजापति होकर उत्पन्न हुआ; और हे महाराज, उन महात्मा के यज्ञ में वही ऋत्विज हुआ।

श्लोक 18 (12.122.18)

तस्मिन्प्रवृत्ते सत्रे तु ब्रह्मणः पार्थिवर्षभ । इष्टरूपप्रचारत्वाद्दण्डः सोऽन्तर्हितोऽभवत् ॥

tasminpravṛtte satre tu brahmaṇaḥ pārthivarṣabha | iṣṭarūpapracāratvāddaṇḍaḥ so'ntarhito'bhavat

हे नृपश्रेष्ठ, ब्रह्मा का वह सत्र आरम्भ होने पर दण्ड, यज्ञ के अभीष्ट रूपों में लगे होने के कारण, अन्तर्धान हो गया।

श्लोक 19 (12.122.19)

तस्मिन्नन्तर्हिते चापि प्रजानां संकरोऽभवत् । नैव कार्यं न वा कार्यं भोज्याभोज्यं न विद्यते ॥

tasminnantarhite cāpi prajānāṃ saṃkaro'bhavat | naiva kāryaṃ na vā kāryaṃ bhojyābhojyaṃ na vidyate

उसके अन्तर्धान होने पर प्रजाओं में गड़बड़ी फैल गई। क्या करना चाहिए और क्या नहीं, यह नहीं रहा, और खाने योग्य और न खाने योग्य का भेद भी नहीं रहा;

श्लोक 20 (12.122.20)

पेयापेये कुतः सिद्धिर्हिसन्ति च परस्परम् । गम्यागम्यं तदा नासीत्स्वं परस्वं च वै समम् ॥

peyāpeye kutaḥ siddhirhisanti ca parasparam | gamyāgamyaṃ tadā nāsītsvaṃ parasvaṃ ca vai samam

पीने और न पीने योग्य की कोई निश्चितता नहीं रही, और वे एक-दूसरे की हिंसा करने लगे। गमन करने योग्य और न करने योग्य का भेद नहीं रहा, और अपना तथा पराया धन समान हो गया।

श्लोक 21 (12.122.21)

परस्परं विलुम्पन्ति सारमेया यथाऽऽमिषम् । अबलान्बलिनो जघ्नुर्निर्मर्यादं प्रवर्तते ॥

parasparaṃ vilumpanti sārameyā yathā''miṣam | abalānbalino jaghnurnirmaryādaṃ pravartate

वे कुत्तों के मांस के लिए झपटने की तरह एक-दूसरे को लूटने लगे; बलवान निर्बलों को मारने लगे; सब कुछ मर्यादा के बिना चलने लगा।

श्लोक 22 (12.122.22)

ततः पितामहो विष्णुं भगवन्तं सनातनम् । संपूज्य वरदं देवं महादेवमथाब्रवीत् ॥

tataḥ pitāmaho viṣṇuṃ bhagavantaṃ sanātanam | saṃpūjya varadaṃ devaṃ mahādevamathābravīt

तब पितामह ने सनातन भगवान् विष्णु का पूजन करके वरदायक देव महादेव से कहा:

श्लोक 23 (12.122.23)

अत्र त्वमनुकम्पां वै कर्तुमर्हसि शङ्कर । अयं विष्णुः सखा तुभ्यं धर्मस्य परिरक्षणे ॥

atra tvamanukampāṃ vai kartumarhasi śaṅkara | ayaṃ viṣṇuḥ sakhā tubhyaṃ dharmasya parirakṣaṇe

हे शंकर, आपको इस विषय में कृपा करनी चाहिए। धर्म की रक्षा में ये विष्णु आपके मित्र हैं।

श्लोक 24 (12.122.24)

त्वं हि सर्वविधानज्ञः सत्वानां त्वं गतिः परा । संकरो न भवेदत्र यथा तद्वै विधीयताम् ॥

tvaṃ hi sarvavidhānajñaḥ satvānāṃ tvaṃ gatiḥ parā | saṃkaro na bhavedatra yathā tadvai vidhīyatām

आप सब विधानों को जानने वाले हैं और प्राणियों की परम गति हैं। ऐसा उपाय कीजिए कि यहाँ गड़बड़ी न हो।

श्लोक 25 (12.122.25)

ततः स भगवान्ध्यात्वा तदा शूलवरायुधः । देवदेवो महादेवः कारणं जगतः परम् ॥

tataḥ sa bhagavāndhyātvā tadā śūlavarāyudhaḥ | devadevo mahādevaḥ kāraṇaṃ jagataḥ param

तब श्रेष्ठ आयुध त्रिशूल धारण करने वाले उन भगवान् ने ध्यान किया — देवताओं के देव महादेव, जगत् के परम कारण —

श्लोक 26 (12.122.26)

ब्रह्मविष्ण्विन्द्रसहितः सर्वैश्च ससुरासुरैः । लोकसन्धारणार्थं च लोकसंकरनाशनम् । आत्मानमात्माना दण्डं ससृजे देवसत्तमः ॥

brahmaviṣṇvindrasahitaḥ sarvaiśca sasurāsuraiḥ | lokasandhāraṇārthaṃ ca lokasaṃkaranāśanam | ātmānamātmānā daṇḍaṃ sasṛje devasattamaḥ

ब्रह्मा, विष्णु, इन्द्र तथा सब देवताओं और असुरों के साथ, लोक को धारण करने और उसकी गड़बड़ी मिटाने के लिए, उन देवश्रेष्ठ ने अपने आप से अपने ही द्वारा दण्ड को रच दिया।

श्लोक 27 (12.122.27)

तस्माच्च धर्मचरणान्नीतिं देवीं सरस्वतीम् । असृजद्दण्डनीतिं वै त्रिषु लोकेषु विश्रुताम् ॥

tasmācca dharmacaraṇānnītiṃ devīṃ sarasvatīm | asṛjaddaṇḍanītiṃ vai triṣu lokeṣu viśrutām

और उस धर्माचरण से उन्होंने देवी नीति, सरस्वती, को रचा, जो तीनों लोकों में दण्डनीति के नाम से प्रसिद्ध है।

श्लोक 28 (12.122.28)

यथाऽसौ नीयते दण्डः सततं पापकारिषु । दण्डस्य नयनात्सा हि दण्डनीतिरिहोच्यते ॥

yathā'sau nīyate daṇḍaḥ satataṃ pāpakāriṣu | daṇḍasya nayanātsā hi daṇḍanītirihocyate

क्योंकि दण्ड सदा पापियों पर चलाया जाता है, और दण्ड को चलाने के कारण वह यहाँ दण्डनीति कही जाती है।

श्लोक 29 (12.122.29)

भूयः स भगवान्ध्यात्वा चिरं शूलधरः प्रभुः । असृजत्सर्वशास्त्राणि महादेवो महेश्वरः ॥

bhūyaḥ sa bhagavāndhyātvā ciraṃ śūladharaḥ prabhuḥ | asṛjatsarvaśāstrāṇi mahādevo maheśvaraḥ

फिर त्रिशूलधारी प्रभु ने बहुत देर तक ध्यान किया, और महेश्वर महादेव ने सब शास्त्रों की रचना की।

श्लोक 30 (12.122.30)

दण्डनीतेः प्रयोगार्थं प्रमाणानि च सर्वशः । विद्याश्चतस्रः कूटस्थास्तासां भेदविकल्पनाः ॥

daṇḍanīteḥ prayogārthaṃ pramāṇāni ca sarvaśaḥ | vidyāścatasraḥ kūṭasthāstāsāṃ bhedavikalpanāḥ

दण्डनीति के प्रयोग के लिए और उसके सब प्रमाणों के लिए: चार मूल विद्याएँ, और उनके भेद तथा उपभेद।

श्लोक 31 (12.122.31)

अङ्गानि वेदाश्चत्वारो मीमांसा न्यायविस्तरः । पुराणं धर्मशास्त्रं च विद्या ह्येताश्चतुर्दश ॥

aṅgāni vedāścatvāro mīmāṃsā nyāyavistaraḥ | purāṇaṃ dharmaśāstraṃ ca vidyā hyetāścaturdaśa

अंग, चार वेद, मीमांसा, न्याय का विस्तार, पुराण और धर्मशास्त्र — ये चौदह विद्याएँ हैं।

श्लोक 32 (12.122.32)

आयुर्वेदो धनुर्वेदो गान्धर्वश्चेति ते त्रयः । अर्थशास्त्रं चतुर्थं तु विद्या ह्यष्टादशैव तु ॥

āyurvedo dhanurvedo gāndharvaśceti te trayaḥ | arthaśāstraṃ caturthaṃ tu vidyā hyaṣṭādaśaiva tu

आयुर्वेद, धनुर्वेद और गान्धर्व — ये तीन और हैं, तथा चौथा अर्थशास्त्र है। इस प्रकार विद्याएँ ठीक अठारह हैं।

श्लोक 33 (12.122.33)

दश चाष्टौ च विख्याता एता धर्मस्य संहिताः । एतासामेव विद्यानां व्यासमाह महेश्वरः ॥

daśa cāṣṭau ca vikhyātā etā dharmasya saṃhitāḥ | etāsāmeva vidyānāṃ vyāsamāha maheśvaraḥ

ये अठारह धर्म की संहिताएँ प्रसिद्ध हैं; और इन्हीं विद्याओं का विस्तार महेश्वर ने कहा।

श्लोक 34 (12.122.34)

शतानि त्रीणि शास्त्राणां महातन्त्राणि सप्ततिम् । व्यास एव तु विद्यानां महादेवेन कीर्तितः ॥

śatāni trīṇi śāstrāṇāṃ mahātantrāṇi saptatim | vyāsa eva tu vidyānāṃ mahādevena kīrtitaḥ

तीन सौ शास्त्र और सत्तर महातन्त्र — विद्याओं का ऐसा विस्तार स्वयं महादेव ने बताया।

श्लोक 35 (12.122.35)

तन्त्रं पाशुपतं नाम पञ्चरात्रं च विश्रुतम् । योगशास्त्रं च साङ्ख्यं च तन्त्रं लोकायतं तथा ॥

tantraṃ pāśupataṃ nāma pañcarātraṃ ca viśrutam | yogaśāstraṃ ca sāṅkhyaṃ ca tantraṃ lokāyataṃ tathā

पाशुपत नामक तन्त्र, प्रसिद्ध पाञ्चरात्र, योगशास्त्र, साङ्ख्य और वैसे ही लोकायत तन्त्र;

श्लोक 36 (12.122.36)

तन्त्रं ब्रह्मतुला नाम तर्कविद्या दिवौकसाम् । सुखदुःखार्थजिज्ञासा कारणं चेति विश्रुतम् ॥

tantraṃ brahmatulā nāma tarkavidyā divaukasām | sukhaduḥkhārthajijñāsā kāraṇaṃ ceti viśrutam

ब्रह्मतुला नामक तन्त्र, स्वर्गवासियों की तर्कविद्या, सुख-दुःख के अर्थ की जिज्ञासा, और 'कारण' — ये प्रसिद्ध हैं।

श्लोक 37 (12.122.37)

तर्कविद्यास्तथा चाष्टौ स चोक्तो न्यायविस्तरः । दश चाष्टौ च विज्ञेयाः पौराणा यज्ञसंहिताः ॥

tarkavidyāstathā cāṣṭau sa cokto nyāyavistaraḥ | daśa cāṣṭau ca vijñeyāḥ paurāṇā yajñasaṃhitāḥ

तर्कविद्याएँ आठ हैं, और उसी को न्याय का विस्तार कहा गया है; और अठारह पौराणिक यज्ञ-संहिताएँ जाननी चाहिए।

श्लोक 38 (12.122.38)

पुराणाश्च प्रणीताश्च तावदेवेह संहिताः । धर्मशास्त्राणि तद्वच्च एकार्थानि च नान्यथा ॥

purāṇāśca praṇītāśca tāvadeveha saṃhitāḥ | dharmaśāstrāṇi tadvacca ekārthāni ca nānyathā

पुराण और रची हुई संहिताएँ यहाँ उतनी ही हैं; उसी प्रकार धर्मशास्त्र भी हैं। उनका एक ही प्रयोजन है, अन्यथा नहीं।

श्लोक 39 (12.122.39)

एकार्थानि पुराणानि वेदाश्चैकार्थसंहिताः । नानार्थानि च सर्वाणि ततः शास्त्राणि शंकरः ॥

ekārthāni purāṇāni vedāścaikārthasaṃhitāḥ | nānārthāni ca sarvāṇi tataḥ śāstrāṇi śaṃkaraḥ

पुराणों का एक ही अर्थ है, और वेदों तथा उनकी संहिताओं का भी एक ही अर्थ है; अन्य सब शास्त्र अनेक अर्थ वाले हैं। फिर शंकर ने —

श्लोक 40 (12.122.40)

प्रोवाच भगवान्देवः कालज्ञानानि यानि च । चतुःषष्टिप्रमाणानि आयुर्वेदं च सोत्तरम् ॥

provāca bhagavāndevaḥ kālajñānāni yāni ca | catuḥṣaṣṭipramāṇāni āyurvedaṃ ca sottaram

भगवान् देव ने शास्त्र कहे — जिनमें कालज्ञान सम्बन्धी विद्याएँ, चौंसठ प्रमाण और उत्तर-भाग सहित आयुर्वेद भी हैं।

श्लोक 41 (12.122.41)

अष्टादशविकल्पां तां दण्डनीतिं च शाश्वतीम् । गान्धर्वमितिहासं च नानाविस्तरमुक्तवान् ॥

aṣṭādaśavikalpāṃ tāṃ daṇḍanītiṃ ca śāśvatīm | gāndharvamitihāsaṃ ca nānāvistaramuktavān

उन्होंने अठारह भेदों वाली सनातन दण्डनीति, गान्धर्व विद्या और इतिहास को भी अनेक प्रकार से विस्तारपूर्वक कहा।

श्लोक 42 (12.122.42)

इत्येताः शंकरप्रोक्ता विद्याः शब्दार्थसंहिताः । पुनर्भेदसहस्रं तु तासामेव तु विस्तरः ॥

ityetāḥ śaṃkaraproktā vidyāḥ śabdārthasaṃhitāḥ | punarbhedasahasraṃ tu tāsāmeva tu vistaraḥ

शंकर द्वारा कही गई ये विद्याएँ शब्द और अर्थ से युक्त हैं; और फिर उन्हीं का विस्तार हजार भेदों वाला है।

श्लोक 43 (12.122.43)

ऋषिभिर्देवगन्धर्वैः सविकल्पः सविस्तरः । शश्वदभ्यस्यते लोके वेद एव तु सर्वशः ॥

ṛṣibhirdevagandharvaiḥ savikalpaḥ savistaraḥ | śaśvadabhyasyate loke veda eva tu sarvaśaḥ

भेदों और विस्तार के साथ उनका ऋषि, देवता और गन्धर्व लोक में निरन्तर अभ्यास करते हैं; फिर भी सब प्रकार से वह वेद ही है।

श्लोक 44 (12.122.44)

वेदाश्चतस्रः संक्षिप्ता वेदवादाश्च ते स्मृताः । एतासां पारगो यश्च स चोक्तो वेदपारगः ॥

vedāścatasraḥ saṃkṣiptā vedavādāśca te smṛtāḥ | etāsāṃ pārago yaśca sa cokto vedapāragaḥ

चारों वेदों का संक्षेप वेदवाद कहा गया है। जो इनके पार पहुँच गया है, वह वेदपारग कहलाता है।

श्लोक 45 (12.122.45)

वेदानां पारगो रुद्रो विष्णुरिन्द्रो बृहस्पतिः । शक्रः स्वायंभुवश्चैव मनुः परमधर्मवित् ॥

vedānāṃ pārago rudro viṣṇurindro bṛhaspatiḥ | śakraḥ svāyaṃbhuvaścaiva manuḥ paramadharmavit

रुद्र, विष्णु, इन्द्र, बृहस्पति, शक्र और परम धर्मज्ञ स्वायम्भुव मनु वेदों के पारगामी हैं;

श्लोक 46 (12.122.46)

ब्रह्मा च परमो देवः सदा सर्वैः सुरासुरैः । सर्वस्यानुग्रहाच्चैव व्यासो वै वेदपारगः ॥

brahmā ca paramo devaḥ sadā sarvaiḥ surāsuraiḥ | sarvasyānugrahāccaiva vyāso vai vedapāragaḥ

और परम देव ब्रह्मा, जो सदा सब देवताओं और असुरों के बीच हैं; तथा सबकी कृपा से व्यास भी वेदपारग हुए हैं।

श्लोक 47 (12.122.47)

अहं शान्तनवो भीष्मः प्रसादान्माधवस्य च । शंकरस्य प्रसादाच्च ब्रह्मणश्च कुरूद्वह । वेदपारग इत्युक्तो याज्ञवल्क्यश्च सर्वशः ॥

ahaṃ śāntanavo bhīṣmaḥ prasādānmādhavasya ca | śaṃkarasya prasādācca brahmaṇaśca kurūdvaha | vedapāraga ityukto yājñavalkyaśca sarvaśaḥ

हे कुरुश्रेष्ठ, मैं शान्तनु-पुत्र भीष्म माधव की कृपा से, तथा शंकर और ब्रह्मा की कृपा से वेदपारग कहा गया हूँ; और याज्ञवल्क्य भी सब प्रकार से वेदपारग कहे गए हैं।

श्लोक 48 (12.122.48)

कल्पेकल्पे महाभागैर्ऋषिभिस्तत्त्वदर्शिभिः । ऋषिपुत्रैर्ऋषिगणैर्भिद्यन्ते मिश्रकैरपि ॥

kalpekalpe mahābhāgairṛṣibhistattvadarśibhiḥ | ṛṣiputrairṛṣigaṇairbhidyante miśrakairapi

प्रत्येक कल्प में तत्त्व को देखने वाले महाभाग ऋषि, ऋषिपुत्र, ऋषि-समूह और मिश्र दल भी उनका विभाग करते हैं।

श्लोक 49 (12.122.49)

शिवेन ब्रह्मणा चैव विष्णुना च विकल्पिताः । आदिकल्पे पुनश्चैव भिद्यन्ते साधुभिः पुनः ॥

śivena brahmaṇā caiva viṣṇunā ca vikalpitāḥ | ādikalpe punaścaiva bhidyante sādhubhiḥ punaḥ

शिव, ब्रह्मा और विष्णु ने उनकी व्यवस्था की; और फिर आदि कल्प में सज्जन उनका पुनः विभाग करते हैं।

श्लोक 50 (12.122.50)

इदानीमपि विद्वद्भिर्भिद्यन्ते च विकल्पकैः । पूर्वजन्मानुसारेण बहुधेयं सरस्वती ॥

idānīmapi vidvadbhirbhidyante ca vikalpakaiḥ | pūrvajanmānusāreṇa bahudheyaṃ sarasvatī

अब भी विद्वान् विभाजक उनका विभाग करते हैं; पूर्वजन्म के अनुसार यह सरस्वती अनेक रूपों वाली हो जाती है।

श्लोक 51 (12.122.51)

भूयः स भगवान्ध्यात्वा चिरं शूलवरायुधः । तस्यतस्य निकायस्य चकारैकैकमीश्वरम् ॥

bhūyaḥ sa bhagavāndhyātvā ciraṃ śūlavarāyudhaḥ | tasyatasya nikāyasya cakāraikaikamīśvaram

फिर श्रेष्ठ त्रिशूलधारी भगवान् ने बहुत देर तक ध्यान करके हर वर्ग के प्राणियों के लिए एक-एक स्वामी नियुक्त किया।

श्लोक 52 (12.122.52)

देवानामीश्वरं चक्रे दैवं दशशतेक्षणम् । यमं वैवस्वतं चापि पितॄणामकरोत्पतिम् ॥

devānāmīśvaraṃ cakre daivaṃ daśaśatekṣaṇam | yamaṃ vaivasvataṃ cāpi pitṝṇāmakarotpatim

देवताओं का स्वामी उन्होंने सहस्र नेत्रों वाले देव इन्द्र को बनाया, और वैवस्वत यम को पितरों का अधिपति बनाया।

श्लोक 53 (12.122.53)

अपां राज्ये सुराणां च विदधे वरुणं प्रभुम् । धनानां राक्षसानां च कुवेरमपि चेश्वरम् ॥

apāṃ rājye surāṇāṃ ca vidadhe varuṇaṃ prabhum | dhanānāṃ rākṣasānāṃ ca kuveramapi ceśvaram

जल और देवताओं के राज्य पर उन्होंने वरुण को प्रभु नियुक्त किया, और कुबेर को धन तथा राक्षसों का स्वामी बनाया।

श्लोक 54 (12.122.54)

पर्वतानां पतिं मेरुं सरितां च महोदधिम् । मृत्युं प्राणेश्वरमथो तेजसां च हुताशनम् ॥

parvatānāṃ patiṃ meruṃ saritāṃ ca mahodadhim | mṛtyuṃ prāṇeśvaramatho tejasāṃ ca hutāśanam

पर्वतों का स्वामी मेरु को, नदियों का स्वामी महासागर को, प्राणों का स्वामी मृत्यु को, और तेजों का स्वामी अग्नि को बनाया।

श्लोक 55 (12.122.55)

रुद्राणामपि चेशानं गोप्तारं विदधे प्रभुः । महात्मानं महादेवं विशालाक्षं सनातनम् ॥

rudrāṇāmapi ceśānaṃ goptāraṃ vidadhe prabhuḥ | mahātmānaṃ mahādevaṃ viśālākṣaṃ sanātanam

रुद्रों के ऊपर भी प्रभु ने एक स्वामी और रक्षक नियुक्त किया: महात्मा, विशाल नेत्रों वाले सनातन महादेव को।

श्लोक 56 (12.122.56)

दश चैकश्च ये रुद्रास्तस्यैते मूर्तिसंभवाः । नानारूपधरो देवः स एव भगवाञ्शिवः ॥

daśa caikaśca ye rudrāstasyaite mūrtisaṃbhavāḥ | nānārūpadharo devaḥ sa eva bhagavāñśivaḥ

जो ग्यारह रुद्र हैं, वे उसी की मूर्तियों से उत्पन्न हैं; अनेक रूप धारण करने वाले देव स्वयं भगवान् शिव ही हैं।

श्लोक 57 (12.122.57)

वसिष्ठमीशं विप्राणां वसूनां जातवेदसम् । तेजसां भास्करं चक्रे नक्षत्राणां निशाकरम् ॥

vasiṣṭhamīśaṃ viprāṇāṃ vasūnāṃ jātavedasam | tejasāṃ bhāskaraṃ cakre nakṣatrāṇāṃ niśākaram

ब्राह्मणों का स्वामी वसिष्ठ को, वसुओं का स्वामी जातवेदा (अग्नि) को, तेजों का स्वामी सूर्य को और नक्षत्रों का स्वामी चन्द्रमा को बनाया।

श्लोक 58 (12.122.58)

वीरुधां वसुमन्तं च भूतानां च प्रभुं वरम् । कुमारं द्वादशभुजं स्कन्दं राजानमादिशत् ॥

vīrudhāṃ vasumantaṃ ca bhūtānāṃ ca prabhuṃ varam | kumāraṃ dvādaśabhujaṃ skandaṃ rājānamādiśat

लताओं और वनस्पतियों के लिए उन्होंने वसुमान् को नियुक्त किया, और प्राणियों के श्रेष्ठ प्रभु तथा राजा के रूप में बारह भुजाओं वाले कुमार स्कन्द को नियुक्त किया।

श्लोक 59 (12.122.59)

कालं सर्वेशमकरोत्संहारविनयात्मकम् । मृत्योश्चतुर्विभागस्य दुःखस्य च सुखस्य च ॥

kālaṃ sarveśamakarotsaṃhāravinayātmakam | mṛtyoścaturvibhāgasya duḥkhasya ca sukhasya ca

उन्होंने संहार और अनुशासन के स्वभाव वाले काल को सबका स्वामी बनाया, तथा चार विभागों वाली मृत्यु, दुःख और सुख का भी।

श्लोक 60 (12.122.60)

ईश्वरो देवदेवस्तु राजराजो नराधिपः । सर्वेषामेव रुद्राणां शूलपाणिरिति श्रुतिः ॥

īśvaro devadevastu rājarājo narādhipaḥ | sarveṣāmeva rudrāṇāṃ śūlapāṇiriti śrutiḥ

ईश्वर, देवों के देव, राजाओं के राजा और मनुष्यों के अधिपति — समस्त रुद्रों के ऊपर श्रुति के अनुसार शूलपाणि हैं।

श्लोक 61 (12.122.61)

ईश्वरश्चेतनः कर्ता पुरुषः कारणं शिवः । विष्णुर्ब्रह्मा शशी सूर्यः शक्रो देवाश्च सान्वयाः ॥

īśvaraścetanaḥ kartā puruṣaḥ kāraṇaṃ śivaḥ | viṣṇurbrahmā śaśī sūryaḥ śakro devāśca sānvayāḥ

शिव ही ईश्वर हैं, वही चेतन, कर्ता, पुरुष और कारण हैं; और विष्णु, ब्रह्मा, चन्द्रमा, सूर्य, शक्र तथा परिवार सहित देवता भी।

श्लोक 62 (12.122.62)

सृजते ग्रसते चैतत्तमोभूतमिदं यथा । अप्रज्ञातं जगत्सर्वं यदा ह्येको महेश्वरः ॥

sṛjate grasate caitattamobhūtamidaṃ yathā | aprajñātaṃ jagatsarvaṃ yadā hyeko maheśvaraḥ

वही इस सबको रचते और ग्रस लेते हैं, जैसे तब जब सारा जगत् अन्धकारमय होकर अज्ञात हो जाता है और केवल एक महेश्वर ही रहते हैं।

श्लोक 63 (12.122.63)

तमेनं ब्रह्मणः पुत्रमनुजातं क्षुपं ददौ । प्रजानामधिपं श्रेष्ठं सर्वधर्मभृतामपि ॥

tamenaṃ brahmaṇaḥ putramanujātaṃ kṣupaṃ dadau | prajānāmadhipaṃ śreṣṭhaṃ sarvadharmabhṛtāmapi

फिर उन्होंने ब्रह्मा के पुत्र रूप में उत्पन्न उन्हीं क्षुप को प्रजाओं का अधिपति बनाया, जो सब धर्म धारण करने वालों में श्रेष्ठ थे।

श्लोक 64 (12.122.64)

महादेवस्ततस्तस्मिन्वृत्ते यज्ञे समाहितः । दण्डं धर्मस्य गोप्तारं विष्णवे सत्कृतं ददौ ॥

mahādevastatastasminvṛtte yajñe samāhitaḥ | daṇḍaṃ dharmasya goptāraṃ viṣṇave satkṛtaṃ dadau

तब यज्ञ पूर्ण हो जाने पर समाहित चित्त महादेव ने धर्म के रक्षक दण्ड को आदरपूर्वक विष्णु को दे दिया।

श्लोक 65 (12.122.65)

विष्णुरङ्गिरसे प्रादादङ्गिरा मुनिसत्तमः । प्रादादिन्द्रमरीचिभ्यां मरीचिर्भृगवे ददौ ॥

viṣṇuraṅgirase prādādaṅgirā munisattamaḥ | prādādindramarīcibhyāṃ marīcirbhṛgave dadau

विष्णु ने उसे अंगिरा को दिया; मुनिश्रेष्ठ अंगिरा ने इन्द्र और मरीचि को दिया; मरीचि ने भृगु को दिया।

श्लोक 66 (12.122.66)

भृगुर्ददावृषिभ्यस्तु दण्डं धर्मसमाहितम् । ऋषयो लोकपालेभ्यो लोकपालाः क्षुपाय च ॥

bhṛgurdadāvṛṣibhyastu daṇḍaṃ dharmasamāhitam | ṛṣayo lokapālebhyo lokapālāḥ kṣupāya ca

भृगु ने धर्म से युक्त दण्ड ऋषियों को दिया; ऋषियों ने लोकपालों को दिया; और लोकपालों ने क्षुप को दिया।

श्लोक 67 (12.122.67)

क्षुपस्तु मनवे प्रादादादित्यतनयाय च । पुत्रेभ्यः श्राद्धदेवस्तु सूक्ष्मधर्मार्थकारणात् ॥

kṣupastu manave prādādādityatanayāya ca | putrebhyaḥ śrāddhadevastu sūkṣmadharmārthakāraṇāt

क्षुप ने उसे आदित्य के पुत्र मनु को दिया; और श्राद्धदेव ने सूक्ष्म धर्मार्थ के कारण उसे अपने पुत्रों को दिया।

श्लोक 68 (12.122.68)

विभज्य दण्डः कर्तव्यो दण्डे तु नयमिच्छता । दुर्वाचा निग्रहो दण्डो हिरण्यं बाह्यतः क्रिया ॥

vibhajya daṇḍaḥ kartavyo daṇḍe tu nayamicchatā | durvācā nigraho daṇḍo hiraṇyaṃ bāhyataḥ kriyā

जो दण्ड के प्रयोग में नीति चाहता है, उसे विवेक करके दण्ड देना चाहिए: कठोर वचनों से फटकार, सोने का जुर्माना, और बाहर की कार्रवाई;

श्लोक 69 (12.122.69)

व्यङ्गत्वं च शरीरस्य वधो वाऽनल्पकारणात् । शरीरपीडा कार्या तु स्वदेशाच्च विवासनम् ॥

vyaṅgatvaṃ ca śarīrasya vadho vā'nalpakāraṇāt | śarīrapīḍā kāryā tu svadeśācca vivāsanam

शरीर को अंगहीन करना, या गम्भीर कारण होने पर वध; शरीर को पीड़ा पहुँचाई जा सकती है, और अपने देश से निर्वासन भी।

श्लोक 70 (12.122.70)

तं ददौ सूर्यपुत्राय मनवे रक्षणात्मकम् । आनुपूर्व्याच्च दण्डोऽयं प्रजा जागर्ति पालयन् ॥

taṃ dadau sūryaputrāya manave rakṣaṇātmakam | ānupūrvyācca daṇḍo'yaṃ prajā jāgarti pālayan

रक्षा करने के स्वभाव वाले उस दण्ड को क्षुप ने सूर्य-पुत्र मनु को दिया। और इसी क्रम से यह दण्ड प्रजा की रक्षा करता हुआ जागता रहता है।

श्लोक 71 (12.122.71)

इन्द्रो जागर्ति भगवानिन्द्रादग्निर्विभावसुः । अग्नेर्जागर्ति वरुणो वरुणाच्च प्रजापतिः ॥

indro jāgarti bhagavānindrādagnirvibhāvasuḥ | agnerjāgarti varuṇo varuṇācca prajāpatiḥ

भगवान् इन्द्र जागते हैं; इन्द्र के बाद तेजस्वी अग्नि; अग्नि के बाद वरुण जागते हैं; और वरुण के बाद प्रजापति।

श्लोक 72 (12.122.72)

प्रजापतेस्ततो धर्मो जागर्ति विनयात्मकः । धर्माच्च ब्रह्मणः पुत्रो व्यवसायः सनातनः ॥

prajāpatestato dharmo jāgarti vinayātmakaḥ | dharmācca brahmaṇaḥ putro vyavasāyaḥ sanātanaḥ

प्रजापति के बाद अनुशासन-स्वरूप धर्म जागता है; और धर्म के बाद ब्रह्मा का पुत्र सनातन व्यवसाय (दृढ़ निश्चय)।

श्लोक 73 (12.122.73)

व्यवसायात्ततस्तेजो जागर्ति परिपालयत् । ओषध्यस्तेजसस्तस्मादोषधीभ्यश्च पर्वताः ॥

vyavasāyāttatastejo jāgarti paripālayat | oṣadhyastejasastasmādoṣadhībhyaśca parvatāḥ

व्यवसाय के बाद सबका पालन करता हुआ तेज जागता है; तेज के बाद ओषधियाँ; और ओषधियों के बाद पर्वत।

श्लोक 74 (12.122.74)

पर्वतेभ्यश्च जागर्ति रसो रसगुणात्तथा । जागर्ति निर्ऋतिर्देवी ज्योतींषि निर्ऋतीमनु ॥

parvatebhyaśca jāgarti raso rasaguṇāttathā | jāgarti nirṛtirdevī jyotīṃṣi nirṛtīmanu

पर्वतों के बाद रस जागता है, और रस के गुण से फिर देवी निर्ऋति; और निर्ऋति के पीछे ज्योतियाँ।

श्लोक 75 (12.122.75)

वेदाः प्रतिष्ठा ज्योतिर्भ्यस्ततो हयशिराः प्रभुः । ब्रह्मा पितामहस्तस्माज्जागर्ति प्रभुरव्ययः ॥

vedāḥ pratiṣṭhā jyotirbhyastato hayaśirāḥ prabhuḥ | brahmā pitāmahastasmājjāgarti prabhuravyayaḥ

ज्योतियों के बाद वेद, जो आधार हैं; फिर प्रभु हयशिरा; उनके बाद अविनाशी प्रभु पितामह ब्रह्मा जागते हैं।

श्लोक 76 (12.122.76)

पितामहान्महादेवो जागर्ति भगवाञ्शिवः । विश्वेदेवाः शिवाच्चापि विश्वेभ्य ऋषयस्तथा ॥

pitāmahānmahādevo jāgarti bhagavāñśivaḥ | viśvedevāḥ śivāccāpi viśvebhya ṛṣayastathā

पितामह के बाद भगवान् शिव महादेव जागते हैं; शिव के बाद विश्वेदेव; और विश्वेदेवों के बाद ऋषि।

श्लोक 77 (12.122.77)

ऋषिभ्यो भगवान्सोमः सोमाद्देवाः सनातनाः । देवेभ्यो ब्राह्मणा लोके जाग्रतीत्युपधारय ॥

ṛṣibhyo bhagavānsomaḥ somāddevāḥ sanātanāḥ | devebhyo brāhmaṇā loke jāgratītyupadhāraya

ऋषियों के बाद भगवान् सोम; सोम के बाद सनातन देवता; और देवताओं के बाद लोक में ब्राह्मण जागते हैं — ऐसा समझो।

श्लोक 78 (12.122.78)

ब्राह्मणेभ्यश्च राजन्या लोकान्रक्षन्ति धर्मताः । स्थावरं जङ्गमं चैव क्षत्रियेभ्यः सनातनम् ॥

brāhmaṇebhyaśca rājanyā lokānrakṣanti dharmatāḥ | sthāvaraṃ jaṅgamaṃ caiva kṣatriyebhyaḥ sanātanam

और ब्राह्मणों के बाद राजा धर्मपूर्वक लोकों की रक्षा करते हैं; तथा क्षत्रियों के बाद स्थावर और जंगम सनातन प्राणी-जगत् है।

श्लोक 79 (12.122.79)

प्रजा जाग्रति लोकेऽस्मिन्दण्डो जागर्ति तासु च । सर्वसंक्षेपको दण्डः पितामहसुतः प्रभुः ॥

prajā jāgrati loke'smindaṇḍo jāgarti tāsu ca | sarvasaṃkṣepako daṇḍaḥ pitāmahasutaḥ prabhuḥ

इस लोक में प्रजाएँ जागती हैं और उन पर दण्ड जागता है। पितामह का पुत्र, प्रभु दण्ड, सबको संयम में रखने वाला है।

श्लोक 80 (12.122.80)

जागर्ति कालः पूर्वं च मध्ये चान्ते च भारत । ईशः सर्वस्य कालो हि महादेवः प्रजापतिः ॥

jāgarti kālaḥ pūrvaṃ ca madhye cānte ca bhārata | īśaḥ sarvasya kālo hi mahādevaḥ prajāpatiḥ

हे भारत, काल आदि में, मध्य में और अन्त में जागता है। क्योंकि काल ही सबका स्वामी है — वही महादेव और प्रजापति है।

श्लोक 81 (12.122.81)

देवदेवः शिवः सर्वो जागर्ति सततं प्रभुः । कपर्दी शंकरो रुद्रो भवः स्थाणुरुमापतिः ॥

devadevaḥ śivaḥ sarvo jāgarti satataṃ prabhuḥ | kapardī śaṃkaro rudro bhavaḥ sthāṇurumāpatiḥ

देवों के देव प्रभु शिव, जो सर्वरूप हैं, निरन्तर जागते हैं — कपर्दी, शंकर, रुद्र, भव, स्थाणु और उमापति।

श्लोक 82 (12.122.82)

इत्येष दण्डो व्याख्यातस्तथौषध्यस्तथापरे । भूमिपालो यथान्यायं वर्तेतानेन धर्मवित् ॥

ityeṣa daṇḍo vyākhyātastathauṣadhyastathāpare | bhūmipālo yathānyāyaṃ vartetānena dharmavit

इस प्रकार दण्ड की व्याख्या की गई, तथा ओषधियों और अन्य क्रमों की भी। धर्म जानने वाला राजा इसके अनुसार न्यायपूर्वक व्यवहार करे।

श्लोक 83 (12.122.83)

इतीदं वसुहोमस्य योऽऽत्मवाञ्शृणुयान्मतम् । श्रुत्वा सम्यक्प्रवर्तेत स लोकानाप्नुयान्नृपः ॥

itīdaṃ vasuhomasya yo''tmavāñśṛṇuyānmatam | śrutvā samyakpravarteta sa lokānāpnuyānnṛpaḥ

जो संयमी राजा वसुहोम का यह मत सुनेगा और सुनकर उचित रूप से आचरण करेगा, वह उत्तम लोकों को प्राप्त करेगा।

श्लोक 84 (12.122.84)

इति ते सर्वमाख्यातं यो दण्डो मनुजर्षभ । नियन्ता सर्वलोकस्य धर्माक्रान्तस्य भारत ॥

iti te sarvamākhyātaṃ yo daṇḍo manujarṣabha | niyantā sarvalokasya dharmākrāntasya bhārata

हे नरश्रेष्ठ, इस प्रकार मैंने तुम्हें दण्ड के विषय में सब कुछ कह दिया — जो धर्म की पकड़ में बँधे हुए सम्पूर्ण जगत् का नियन्ता है, हे भारत।

श्लोक 85 (12.122.85)

वसुहोमाच्छ्रुतं राज्ञा मान्धात्रा भूभृता पुरा । मयापि कथितं राजन्नाख्यानं प्रथितं मया ॥

vasuhomācchrutaṃ rājñā māndhātrā bhūbhṛtā purā | mayāpi kathitaṃ rājannākhyānaṃ prathitaṃ mayā

पहले पृथ्वी के स्वामी राजा मान्धाता ने यह वसुहोम से सुना था; हे राजन्, मैंने भी इस प्रसिद्ध आख्यान को कहा है।