आपत्काल में कोश भरने के विषय में भीष्म का उपदेश

श्लोक 1 (12.130.1)

मित्रैः प्रहीयमाणस्य बह्वमित्रस्य का गतिः । राज्ञः संक्षीणकोशस्य बलहीनस्य भारत ॥

mitraiḥ prahīyamāṇasya bahvamitrasya kā gatiḥ | rājñaḥ saṃkṣīṇakośasya balahīnasya bhārata

हे भारत! उस राजा के लिए क्या उपाय है जिसे मित्र छोड़ते जा रहे हैं और जिसके शत्रु बहुत हैं, जिसका कोश क्षीण हो गया है और जिसका बल घट गया है;

श्लोक 2 (12.130.2)

दुष्टामात्यसहायस्य श्रुतमन्त्रस्य सर्वतः । राज्यात्प्रच्यवमानस्य गतिमन्यामपश्यतः ॥

duṣṭāmātyasahāyasya śrutamantrasya sarvataḥ | rājyātpracyavamānasya gatimanyāmapaśyataḥ

जिसके सहायक मन्त्री दुष्ट हैं और जिसकी मन्त्रणा सब ओर प्रकट हो चुकी है, जो राज्य से च्युत हो रहा है और कोई दूसरा सहारा नहीं देखता;

श्लोक 3 (12.130.3)

परचक्राभियातस्य परराष्ट्राणि मृद्नतः । विग्रहे वर्तमानस्य दुर्बलस्य बलीयसा ॥

paracakrābhiyātasya pararāṣṭrāṇi mṛdnataḥ | vigrahe vartamānasya durbalasya balīyasā

जिस पर पराई सेना ने आक्रमण किया है, जबकि वह स्वयं दूसरे राष्ट्रों को रौंद रहा है, जो युद्ध में लगा है और बलवान् के सामने दुर्बल है;

श्लोक 4 (12.130.4)

असंविहितराष्ट्रस्य देशकालावजानतः । अप्राप्यं च भवेत्सान्त्वं भेदो वाऽप्यतिपीडनात् । जीवितं त्वर्थहेतोर्वा तत्र किं सुकृतं भवेत् ॥

asaṃvihitarāṣṭrasya deśakālāvajānataḥ | aprāpyaṃ ca bhavetsāntvaṃ bhedo vā'pyatipīḍanāt | jīvitaṃ tvarthahetorvā tatra kiṃ sukṛtaṃ bhavet

जिसका राष्ट्र सुव्यवस्थित नहीं है और जो देश और काल की उपेक्षा करता है - उसके लिए सान्त्वना अप्राप्य हो जाएगी, या अत्यधिक पीड़ा के कारण फूट डालना भी; और उसके प्राण या धन के विषय में वहाँ उचित मार्ग क्या होगा?

श्लोक 5 (12.130.5)

गुह्यं मा धर्ममप्राक्षीरतीव भरतर्षभ । प्रवक्तुं नोत्सहे पृष्टो धर्ममेतं युधिष्ठिर ॥

guhyaṃ mā dharmamaprākṣīratīva bharatarṣabha | pravaktuṃ notsahe pṛṣṭo dharmametaṃ yudhiṣṭhira

हे भरतश्रेष्ठ! इस गुह्य धर्म के विषय में मुझसे इतना आग्रह करके मत पूछो; हे युधिष्ठिर! पूछे जाने पर भी मैं इस धर्म को बताने का साहस नहीं करता।

श्लोक 6 (12.130.6)

धर्मो ह्यणीयान्वचनाद्बुद्धेश्च भरतर्षभ । श्रुत्वौपम्यं सदाचारैः साधुर्भवति स क्वचित् ॥

dharmo hyaṇīyānvacanādbuddheśca bharatarṣabha | śrutvaupamyaṃ sadācāraiḥ sādhurbhavati sa kvacit

हे भरतश्रेष्ठ! धर्म वाणी और बुद्धि से भी अधिक सूक्ष्म है; सदाचारी लोगों से उपमाएँ सुनकर मनुष्य भला बनता है - पर कभी-कभी ही।

श्लोक 7 (12.130.7)

कर्मणा बुद्धिपूर्वेण भवत्याढ्यो न वा पुनः । तादृशोऽयमनुप्रश्नस्तद्ध्यायस्व स्वया धिया ॥

karmaṇā buddhipūrveṇa bhavatyāḍhyo na vā punaḥ | tādṛśo'yamanupraśnastaddhyāyasva svayā dhiyā

सोच-समझकर किए गए कर्म से मनुष्य धनी होता है, या फिर नहीं होता; तुम्हारा यह प्रश्न वैसा ही है - इसे अपनी ही बुद्धि से सोचो।

श्लोक 8 (12.130.8)

उपायं धर्मबहुलं यात्रार्थं शृणु भारत । नाहमेतादृशे धर्मे बुभूषे धर्मकारणात् ॥

upāyaṃ dharmabahulaṃ yātrārthaṃ śṛṇu bhārata | nāhametādṛśe dharme bubhūṣe dharmakāraṇāt

हे भारत! धर्म से भरे और राज्य के निर्वाह के लिए उपयोगी एक उपाय को सुनो; मैं इस प्रकार के धर्म का आचरण धर्म के ही लिए नहीं चाहता।

श्लोक 9 (12.130.9)

दुःखादान इह ह्येष स्यात्तु पश्चात्क्षमो मम । अभिगम्य मतीनां हि सर्वासामेव निश्चयम् ॥

duḥkhādāna iha hyeṣa syāttu paścātkṣamo mama | abhigamya matīnāṃ hi sarvāsāmeva niścayam

यहाँ यह दुःख देकर ली जाने वाली वस्तु है; फिर भी सब मतों के निश्चय को परखने के बाद मुझे यह पीछे उचित प्रतीत होता है।

श्लोक 10 (12.130.10)

यथायथा हि पुरुषो नित्यं शास्त्रमवेक्षते । तथातथा विजानाति विज्ञानं चास्य रोचते ॥

yathāyathā hi puruṣo nityaṃ śāstramavekṣate | tathātathā vijānāti vijñānaṃ cāsya rocate

मनुष्य जैसे-जैसे नित्य शास्त्र को देखता है, वैसे-वैसे समझता जाता है, और उसे अपनी समझ भी रुचती जाती है।

श्लोक 11 (12.130.11)

अविज्ञानादयोगो हि पुरुषस्योपजायते । विज्ञानादपि योगश्च योगो भूतिकरः परः ॥

avijñānādayogo hi puruṣasyopajāyate | vijñānādapi yogaśca yogo bhūtikaraḥ paraḥ

समझ के अभाव से मनुष्य में उपाय का अभाव उत्पन्न होता है; समझ से उपाय सधता है, और उपाय ही परम कल्याणकारी है।

श्लोक 12 (12.130.12)

अशङ्कमानो वचनमनसूयुरिदं शृणु । राज्ञः कोशक्षयादेव जायते बलसंक्षयः ॥

aśaṅkamāno vacanamanasūyuridaṃ śṛṇu | rājñaḥ kośakṣayādeva jāyate balasaṃkṣayaḥ

इन वचनों को बिना शंका और बिना दोष-दृष्टि के सुनो: राजा के बल का क्षय कोश के क्षय से ही होता है।

श्लोक 13 (12.130.13)

कोशं संजनयेद्राजा नित्यमेभ्यो यथाबलम् । कालं प्राप्यानुगृह्णीयादेष धर्मोऽत्र सांप्रतम् ॥

kośaṃ saṃjanayedrājā nityamebhyo yathābalam | kālaṃ prāpyānugṛhṇīyādeṣa dharmo'tra sāṃpratam

राजा को चाहिए कि इनसे उनकी सामर्थ्य के अनुसार सदा कोश भरे; और उचित समय आने पर उन पर अनुग्रह करे। इस समय यहाँ यही धर्म है।

श्लोक 14 (12.130.14)

उपायधर्मं प्राप्यैनं पूर्वैराचरितं जनैः । अन्यो धर्मः समर्थानामापत्स्वल्पश्च भारत ॥

upāyadharmaṃ prāpyainaṃ pūrvairācaritaṃ janaiḥ | anyo dharmaḥ samarthānāmāpatsvalpaśca bhārata

पूर्वकाल के लोगों द्वारा आचरित इस गौण धर्म का आश्रय लेकर - समर्थों के लिए एक धर्म है, और आपत्तियों में, हे भारत! दूसरा, छोटा धर्म है।

श्लोक 15 (12.130.15)

प्रकार्यं प्रोच्यते धर्मो वृत्तिर्धर्मे गरीयसी । धर्मं प्राप्य यथान्यायं न बलीयान्निषीदति ॥

prakāryaṃ procyate dharmo vṛttirdharme garīyasī | dharmaṃ prāpya yathānyāyaṃ na balīyānniṣīdati

कहा जाता है कि धर्म वही है जिसे निभाना ही पड़ता है; धर्म में जीविका का भार अधिक है। जो उचित रीति से धर्म को पाकर चलता है, वह बलवान् होकर नहीं डूबता।

श्लोक 16 (12.130.16)

यस्माद्धर्मस्योपचितिरेकान्तेन न विद्यते । तस्मादापद्यधर्मोऽपि श्रूयते धर्मलक्षणः ॥

yasmāddharmasyopacitirekāntena na vidyate | tasmādāpadyadharmo'pi śrūyate dharmalakṣaṇaḥ

क्योंकि धर्म का संचय सर्वथा निरपेक्ष रूप में नहीं पाया जाता, इसलिए आपत्ति में अधर्म भी धर्म का लक्षण लिए हुए सुना जाता है।

श्लोक 17 (12.130.17)

अधर्मो जायते तस्मिन्निति वै कवयो विदुः । अनन्तरं क्षत्रियस्य तत्र किं विचिकित्स्यते ॥

adharmo jāyate tasminniti vai kavayo viduḥ | anantaraṃ kṣatriyasya tatra kiṃ vicikitsyate

"उसमें अधर्म उत्पन्न होता है" - ऐसा ज्ञानी कहते हैं; पर क्षत्रिय के लिए उसके बाद शंका करने को क्या रहता है?

श्लोक 18 (12.130.18)

यथास्य धर्मो न ग्लायेन्नेयाच्छत्रुवशं यथा । तत्कर्तव्यमिहेत्याहुर्नात्मानमवसादयेत् ॥

yathāsya dharmo na glāyenneyācchatruvaśaṃ yathā | tatkartavyamihetyāhurnātmānamavasādayet

जिस उपाय से उसका धर्म क्षीण न हो और वह शत्रु के वश में न पड़े, वही यहाँ करना चाहिए, ऐसा कहते हैं; वह अपने को निराश न होने दे।

श्लोक 19 (12.130.19)

सर्वात्मनैव धर्मस्य न परस्य न चात्मनः । सर्वोपायैरुज्जिहीर्षेदात्मानमिति निश्चयः ॥

sarvātmanaiva dharmasya na parasya na cātmanaḥ | sarvopāyairujjihīrṣedātmānamiti niścayaḥ

पूरे मन से - न दूसरे के धर्म के लिए, न अपने धर्म के लिए ही - वह सब उपायों से अपने आप को ही उबारना चाहे; यही निश्चय है।

श्लोक 20 (12.130.20)

तत्र धर्मविदस्तात निश्चयो धर्मनैपुणैः । उद्यमं जीवनं क्षात्रे बाहुवीर्यादिति श्रुतिः ॥

tatra dharmavidastāta niścayo dharmanaipuṇaiḥ | udyamaṃ jīvanaṃ kṣātre bāhuvīryāditi śrutiḥ

हे तात! इस विषय में धर्म के निपुण जानकारों का निश्चय है कि क्षत्रिय में जीविका उद्योग से, भुजाओं के बल से होती है; ऐसी श्रुति है।

श्लोक 21 (12.130.21)

क्षत्रियो वृत्तिसंरोधे कस्य नादातुमर्हति । अन्यत्र तापसस्वाच्च श्रोत्रियस्वाच्च भारत ॥

kṣatriyo vṛttisaṃrodhe kasya nādātumarhati | anyatra tāpasasvācca śrotriyasvācca bhārata

हे भारत! जीविका रुक जाने पर क्षत्रिय किसका धन नहीं ले सकता, सिवा तपस्वी और श्रोत्रिय ब्राह्मण के धन के?

श्लोक 22 (12.130.22)

यथा वै ब्राह्मणः सीदन्नयाज्यमपि याजयेत् । अभोज्यमपि चाश्नीयात्तत्रेदं नात्र संशयः ॥

yathā vai brāhmaṇaḥ sīdannayājyamapi yājayet | abhojyamapi cāśnīyāttatredaṃ nātra saṃśayaḥ

जैसे संकट में पड़ा ब्राह्मण अयाज्य का भी यज्ञ करा सकता है और अभोज्य अन्न भी खा सकता है - इसमें संदेह नहीं, यहाँ भी वही बात है।

श्लोक 23 (12.130.23)

पीडितस्य किमद्वारमुत्पथेनार्दितस्य च । अद्वारतः प्रद्रवति यथा भवति पीडितः ॥

pīḍitasya kimadvāramutpathenārditasya ca | advārataḥ pradravati yathā bhavati pīḍitaḥ

जो पीड़ित है और रास्ते से हटा दिया गया है, उसके लिए कौन-सी जगह द्वार नहीं है? पीड़ित होने पर मनुष्य बिना द्वार की जगह से भी भाग निकलता है।

श्लोक 24 (12.130.24)

तस्य कोशबलग्लान्यां सर्वलोकपराभवः । भैक्षचर्या न विहिता न च विट्शूद्रजीविका ॥

tasya kośabalaglānyāṃ sarvalokaparābhavaḥ | bhaikṣacaryā na vihitā na ca viṭśūdrajīvikā

जब उसका कोश और बल क्षीण हो जाता है, तब सारे लोक का पराभव होता है; उसके लिए भिक्षाचर्या विहित नहीं है, न वैश्य या शूद्र की जीविका।

श्लोक 25 (12.130.25)

स्वधर्मानन्तरावृत्तिर्याऽन्यामनुपजीवतः । जहतः प्रथमं कल्पमनुकल्पेन जीवनम् ॥

svadharmānantarāvṛttiryā'nyāmanupajīvataḥ | jahataḥ prathamaṃ kalpamanukalpena jīvanam

अपने धर्म के निकट की जीविका उसके लिए है जो दूसरे की जीविका पर नहीं जीता; जो मुख्य विधि को छोड़ता है, उसके लिए गौण विधि से जीना ठहरता है।

श्लोक 26 (12.130.26)

आपद्गतेन धर्माणामन्यायेनोपजीवनम् । अपि ह्येतद्ब्राह्मणेषु दृष्टं वृत्तिपरिक्षये ॥

āpadgatena dharmāṇāmanyāyenopajīvanam | api hyetadbrāhmaṇeṣu dṛṣṭaṃ vṛttiparikṣaye

आपत्ति में पड़े हुए के लिए धर्मों में अन्यथा अनुचित साधन से भी जीना मान्य है; ब्राह्मणों में भी जीविका के नष्ट होने पर यह देखा गया है।

श्लोक 27 (12.130.27)

क्षत्रिये संशयः कस्मादित्येतन्निश्चितं सदा । आददीत विशिष्टेभ्यो नावसीदेत्कथंचन ॥

kṣatriye saṃśayaḥ kasmādityetanniścitaṃ sadā | ādadīta viśiṣṭebhyo nāvasīdetkathaṃcana

क्षत्रिय के विषय में संशय कैसा? यह सदा निश्चित है कि वह श्रेष्ठजनों से भी ले सकता है और किसी भी प्रकार निराश होकर नहीं डूबे।

श्लोक 28 (12.130.28)

आर्तानां रक्षितारं च प्रजानां क्षत्रियं विदुः । तस्मात्संरक्षता कार्यमादानं क्षत्रबन्धुना ॥

ārtānāṃ rakṣitāraṃ ca prajānāṃ kṣatriyaṃ viduḥ | tasmātsaṃrakṣatā kāryamādānaṃ kṣatrabandhunā

क्षत्रिय को प्रजा के दुःखियों का रक्षक जाना जाता है; इसलिए रक्षा करने वाले क्षत्रिय को कर आदि लेना ही चाहिए।

श्लोक 29 (12.130.29)

अन्यत्रापि विहिंसाया वृत्तिर्नेहास्ति कस्यचित् । अप्यरण्यसमुत्थस्य एकस्य चरतो मुनेः ॥

anyatrāpi vihiṃsāyā vṛttirnehāsti kasyacit | apyaraṇyasamutthasya ekasya carato muneḥ

इसके सिवा यहाँ किसी के लिए भी हिंसा से रहित जीविका नहीं है - वन में उपजे पर अकेले विचरने वाले मुनि के लिए भी नहीं।

श्लोक 30 (12.130.30)

न शङ्खलिखितां वृत्तिं शक्यमास्थाय जीवितुम् । विशेषतः कुरुश्रेष्ठ प्रजापालनमीप्सता ॥

na śaṅkhalikhitāṃ vṛttiṃ śakyamāsthāya jīvitum | viśeṣataḥ kuruśreṣṭha prajāpālanamīpsatā

शंख और लिखित की जीविका का आश्रय लेकर जीना सम्भव नहीं है - विशेषकर, हे कुरुश्रेष्ठ! प्रजा का पालन चाहने वाले के लिए।

श्लोक 31 (12.130.31)

परस्पराभिहरणं राज्ञा राष्ट्रेण चापदि । नित्यमेव हि कर्तव्यमेष धर्मः सनातनः ॥

parasparābhiharaṇaṃ rājñā rāṣṭreṇa cāpadi | nityameva hi kartavyameṣa dharmaḥ sanātanaḥ

आपत्ति के समय राजा और राष्ट्र को सदा एक-दूसरे से सहारा लेना और देना चाहिए; यही सनातन धर्म है।

श्लोक 32 (12.130.32)

राजा राष्ट्रं यथापत्सु द्रव्यौधैः परिरक्षति । राष्ट्रेण राजा व्यसने परिरक्ष्यस्तथा भवेत् ॥

rājā rāṣṭraṃ yathāpatsu dravyaudhaiḥ parirakṣati | rāṣṭreṇa rājā vyasane parirakṣyastathā bhavet

जैसे राजा आपत्तियों में धन की धाराओं से राष्ट्र की रक्षा करता है, वैसे ही संकट में राष्ट्र को राजा की रक्षा करनी चाहिए।

श्लोक 33 (12.130.33)

कोशं दण्डं बलं मित्रं यदन्यदपि संचितम् । न कुर्वीतान्तरं राष्ट्रे राजा परिगतः क्षुधा ॥

kośaṃ daṇḍaṃ balaṃ mitraṃ yadanyadapi saṃcitam | na kurvītāntaraṃ rāṣṭre rājā parigataḥ kṣudhā

कोश, दण्ड, बल, मित्र और जो कुछ और संचित है - भूख से घिरा हुआ राजा उसमें से कुछ भी राष्ट्र से अलग न रखे।

श्लोक 34 (12.130.34)

बीजं भक्तेन संपाद्यमिति धर्मविदो विदुः । अत्रैतच्छम्बरस्याहुर्महामायस्य दर्शनम् ॥

bījaṃ bhaktena saṃpādyamiti dharmavido viduḥ | atraitacchambarasyāhurmahāmāyasya darśanam

बीज भोजन के अन्न से जुटाना चाहिए - ऐसा धर्म के जानकार कहते हैं; इस विषय में वे महामायावी शम्बर का मत उद्धृत करते हैं।

श्लोक 35 (12.130.35)

धिक्तस्य जीवितं राज्ञो राष्ट्रं यस्यावसीदति । अवृत्त्यान्यमनुष्योऽपि यो वैदेशिक इत्यपि ॥

dhiktasya jīvitaṃ rājño rāṣṭraṃ yasyāvasīdati | avṛttyānyamanuṣyo'pi yo vaideśika ityapi

धिक्कार है उस राजा के जीवन को जिसका राष्ट्र जीविका के अभाव में डूब जाता है, जो मनुष्य ही नहीं रहा, या जो परदेशी की तरह दूसरे देश पर जीता है।

श्लोक 36 (12.130.36)

राज्ञः कोशबलं मूलं कोशमूलं पुनर्बलम् । तन्मूलं सर्वधर्माणां धर्ममूलाः पुनः प्रजाः ॥

rājñaḥ kośabalaṃ mūlaṃ kośamūlaṃ punarbalam | tanmūlaṃ sarvadharmāṇāṃ dharmamūlāḥ punaḥ prajāḥ

राजा का मूल कोश और बल है; बल का मूल कोश है; वह बल सब धर्मों का मूल है; और प्रजा धर्म पर टिकी है।

श्लोक 37 (12.130.37)

नान्यानपीडयित्वेह कोशः शक्यः कुतो बलम् । तदर्थं पीडयित्वा च न दोषं प्राप्तुमर्हति ॥

nānyānapīḍayitveha kośaḥ śakyaḥ kuto balam | tadarthaṃ pīḍayitvā ca na doṣaṃ prāptumarhati

यहाँ दूसरों को पीड़ा दिए बिना कोश नहीं मिल सकता, तो बल कहाँ से आएगा? उस प्रयोजन से पीड़ा देने पर भी वह दोष का भागी नहीं होता।

श्लोक 38 (12.130.38)

अकार्यमपि कार्यार्थं क्रियते यज्ञकर्मसु । एतस्मिन्कारणे राजा न दोषं प्राप्तुमर्हति ॥

akāryamapi kāryārthaṃ kriyate yajñakarmasu | etasminkāraṇe rājā na doṣaṃ prāptumarhati

यज्ञ-कर्मों में कार्य के लिए अकार्य भी किया जाता है; इसी कारण राजा दोष का भागी नहीं होता।

श्लोक 39 (12.130.39)

अर्थार्थमन्यद्भवति विपरीतमथापरम् । अनर्थार्थमथाप्यन्यत्तत्सर्वं ह्यर्थकारणम् । एवं बुद्ध्या संप्रपश्येन्मेधावी कार्यनिश्चयम् ॥

arthārthamanyadbhavati viparītamathāparam | anarthārthamathāpyanyattatsarvaṃ hyarthakāraṇam | evaṃ buddhyā saṃprapaśyenmedhāvī kāryaniścayam

कोई वस्तु अर्थ के लिए होती है, कोई उसके विपरीत, कोई अनर्थ के लिए - पर वह सब अर्थ का ही कारण है। इस प्रकार बुद्धिमान् को बुद्धि से कर्तव्य का निश्चय देखना चाहिए।

श्लोक 40 (12.130.40)

यज्ञार्थमन्यद्भवति यज्ञोऽन्यार्थस्तथा परः । यज्ञस्वार्थार्थमेवान्यत्तत्सर्वं यज्ञसाधकम् ॥

yajñārthamanyadbhavati yajño'nyārthastathā paraḥ | yajñasvārthārthamevānyattatsarvaṃ yajñasādhakam

एक वस्तु यज्ञ के लिए होती है; यज्ञ स्वयं किसी और प्रयोजन के लिए है, और वह किसी और के लिए; और एक अन्य वस्तु यज्ञ के अपने ही प्रयोजन के लिए है - वह सब यज्ञ का साधन है।

श्लोक 41 (12.130.41)

उपमामत्र वक्ष्यामि धर्मतत्त्वप्रकाशिनीम् ॥

upamāmatra vakṣyāmi dharmatattvaprakāśinīm

यहाँ मैं एक उपमा दूँगा जो धर्म के तत्त्व को स्पष्ट करती है।

श्लोक 42 (12.130.42)

यूपं छिन्दन्ति यज्ञार्थं तत्र ये परिपन्थिनः । द्रुमाः केचन सामन्ता ध्रुवं छिन्दन्ति तानपि ॥

yūpaṃ chindanti yajñārthaṃ tatra ye paripanthinaḥ | drumāḥ kecana sāmantā dhruvaṃ chindanti tānapi

जब यज्ञ के लिए यूप काटा जाता है, तब उसके मार्ग में जो आसपास के वृक्ष बाधक होते हैं, उन्हें भी निश्चय ही काट डालते हैं।

श्लोक 43 (12.130.43)

ते चापि निपतन्तोऽन्यान्निघ्नन्त्यपि वनस्पतीन् । एवं कोशस्य महतो ये नराः परिपन्थिनः । तानहत्वा न पश्यामि सिद्धिमत्र परंतप ॥

te cāpi nipatanto'nyānnighnantyapi vanaspatīn | evaṃ kośasya mahato ye narāḥ paripanthinaḥ | tānahatvā na paśyāmi siddhimatra paraṃtapa

और वे वृक्ष भी गिरते हुए दूसरे वृक्षों को गिरा देते हैं। इसी प्रकार महान् कोश के जो लोग बाधक हैं, उन्हें मारे बिना मुझे यहाँ सफलता नहीं दिखती, हे परंतप!

श्लोक 44 (12.130.44)

धनेन जयते लोकमिमं चामुं च भारत । सत्यं च धर्मवचनं यथा नास्त्यधनस्तथा ॥

dhanena jayate lokamimaṃ cāmuṃ ca bhārata | satyaṃ ca dharmavacanaṃ yathā nāstyadhanastathā

हे भारत! धन से मनुष्य इस लोक और परलोक को जीतता है; और धर्म का यह वचन सत्य है कि निर्धन मनुष्य न होने के बराबर है।

श्लोक 45 (12.130.45)

सर्वोपायैराददीत धनं यज्ञप्रयोजनम् । न तुल्यदोषः स्यादेवं कार्याकार्येषु भारत ॥

sarvopāyairādadīta dhanaṃ yajñaprayojanam | na tulyadoṣaḥ syādevaṃ kāryākāryeṣu bhārata

यज्ञ के प्रयोजन से वह सब उपायों से धन ले सकता है; इस प्रकार, हे भारत! कर्तव्य-अकर्तव्य के अन्य विषयों के समान दोष उसे नहीं लगता।

श्लोक 46 (12.130.46)

नोभौ संभवतो राजन्कथंचिदपि भारत । न ह्यरण्येषु पश्यामि धनवृद्धानहं क्वचित् ॥

nobhau saṃbhavato rājankathaṃcidapi bhārata | na hyaraṇyeṣu paśyāmi dhanavṛddhānahaṃ kvacit

हे राजन्! हे भारत! ये दोनों किसी प्रकार एक साथ नहीं हो सकते; क्योंकि मैं वनों में कहीं भी किसी को धन से बढ़ा हुआ नहीं देखता।

श्लोक 47 (12.130.47)

यदिदं दृश्यते वित्तं पृथिव्यामिह किंचन । ममेदं स्यान्ममेदं स्यादित्येवं मन्यते जनः ॥

yadidaṃ dṛśyate vittaṃ pṛthivyāmiha kiṃcana | mamedaṃ syānmamedaṃ syādityevaṃ manyate janaḥ

पृथ्वी पर जो भी यह धन दिखाई देता है - "यह मेरा हो, यह मेरा हो" - ऐसा लोग सोचते हैं।

श्लोक 48 (12.130.48)

न च राज्ञः समो धर्मः कश्चिदस्ति कथंचन । धर्मः संशब्दितो राज्ञामापदर्थस्ततोऽन्यथा ॥

na ca rājñaḥ samo dharmaḥ kaścidasti kathaṃcana | dharmaḥ saṃśabdito rājñāmāpadarthastato'nyathā

राजा के लिए कोई एक धर्म सब अवस्थाओं में एक-सा नहीं है: राजाओं का धर्म एक रूप में कहा गया है, पर आपत्ति में उसका प्रयोजन अन्यथा हो जाता है।

श्लोक 49 (12.130.49)

ज्ञानेन कर्मणा चान्ये तपन्त्यन्ये तपस्विनः । बुद्ध्या दाक्ष्येण चैवान्ये चिन्वन्ति धनसंचयान् ॥

jñānena karmaṇā cānye tapantyanye tapasvinaḥ | buddhyā dākṣyeṇa caivānye cinvanti dhanasaṃcayān

कुछ लोग ज्ञान और कर्म से, दूसरे तपस्वी तप से, और अन्य लोग बुद्धि और कुशलता से धन के ढेर जुटाते हैं।

श्लोक 50 (12.130.50)

अधनं दुर्बलं प्राहुर्धनेन बलवान्भवेत् । सर्वं बलवतः प्राप्यं सर्वं तरति कोशवान् ॥

adhanaṃ durbalaṃ prāhurdhanena balavānbhavet | sarvaṃ balavataḥ prāpyaṃ sarvaṃ tarati kośavān

निर्धन को दुर्बल कहते हैं; धन से मनुष्य बलवान् होता है। जो कुछ पाने योग्य है वह सब बलवान् को मिलता है, और कोश वाला सब कुछ पार कर जाता है।

श्लोक 51 (12.130.51)

कोशो धर्मश्च कामश्च परलोकस्तथा ह्ययम् । तं धर्मेण विलिप्सेत नाधर्मेण कदाचन ॥

kośo dharmaśca kāmaśca paralokastathā hyayam | taṃ dharmeṇa vilipseta nādharmeṇa kadācana

कोश ही धर्म और काम है, परलोक और यह लोक भी; उसे धर्म से पाने की इच्छा करे, अधर्म से कभी नहीं।