कृतघ्न गौतम का वध

श्लोक 1 (12.171.1)

अथ तत्र महार्चिष्माननलो वातसारथिः । तस्याविदूरे रक्षार्थं खगेन्द्रेण कृतोऽभवत् ॥

atha tatra mahārciṣmānanalo vātasārathiḥ | tasyāvidūre rakṣārthaṃ khagendreṇa kṛto'bhavat

वहाँ उनके समीप ही पक्षिराज ने रक्षा के लिए एक प्रचण्ड ज्वालाओं वाली अग्नि जला रखी थी, जिसे वायु प्रज्वलित कर रही थी।

श्लोक 2 (12.171.2)

स चापि पार्श्वे सुष्वाप विश्वस्तो बकराट् तदा । कृतघ्नस्तु स दुष्टात्मा तं जिघांसुरजागरीत् ॥

sa cāpi pārśve suṣvāpa viśvasto bakarāṭ tadā | kṛtaghnastu sa duṣṭātmā taṃ jighāṃsurajāgarīt

बकराज विश्वास करके उसके पास ही सो गया; किन्तु वह दुष्टात्मा कृतघ्न उसे मारने की इच्छा से जागता रहा।

श्लोक 3 (12.171.3)

ततोऽलातेन दीप्तेन स सुप्तं निजघान तम् । निहत्य च मुदा युक्तः सोऽनुबन्धं न दृष्टवान् ॥

tato'lātena dīptena sa suptaṃ nijaghāna tam | nihatya ca mudā yuktaḥ so'nubandhaṃ na dṛṣṭavān

तब उसने जलती हुई लकड़ी से सोये हुए उस पक्षी को मार डाला और उसे मारकर प्रसन्न हुआ; उसने परिणाम की कोई चिन्ता नहीं की।

श्लोक 4 (12.171.4)

स तं विपक्षरोमाणं कृत्वाऽग्नावपचत्तदा । तं गृहीत्वा सुवर्णं च ययौ द्रुततरं द्विजः ॥

sa taṃ vipakṣaromāṇaṃ kṛtvā'gnāvapacattadā | taṃ gṛhītvā suvarṇaṃ ca yayau drutataraṃ dvijaḥ

उसने उसके पंख झुलसाकर उसे आग में पकाया और उसे तथा सोने को लेकर वह ब्राह्मण बहुत तेज़ी से चल पड़ा।

श्लोक 5 (12.171.5)

ततो दाक्षायणीपुत्रं नागतं तं तु भारत । विरूपाक्षश्चिन्तयन्वै हृदयेन विदूयता ॥

tato dākṣāyaṇīputraṃ nāgataṃ taṃ tu bhārata | virūpākṣaścintayanvai hṛdayena vidūyatā

हे भारत, तब दाक्षायणी के पुत्र राजधर्मा के न लौटने पर विरूपाक्ष पीड़ित हृदय से चिन्ता करने लगे।

श्लोक 6 (12.171.6)

ततोऽन्यस्मिन्गते चाह्नि विरूपाक्षोऽब्रवीत्सुतम् । न प्रेक्षे राजधर्माणमद्य पुत्र खगोत्तमम् ॥

tato'nyasmingate cāhni virūpākṣo'bravītsutam | na prekṣe rājadharmāṇamadya putra khagottamam

अगले दिन विरूपाक्ष ने अपने पुत्र से कहा, "पुत्र, आज मैं पक्षिश्रेष्ठ राजधर्मा को नहीं देख रहा हूँ।"

श्लोक 7 (12.171.7)

स पूर्वसन्ध्यां ब्रह्माणं वन्दितुं याति सर्वदा । मां चादृष्ट्वा कदाचित्स न गच्छति गृहं खगः ॥

sa pūrvasandhyāṃ brahmāṇaṃ vandituṃ yāti sarvadā | māṃ cādṛṣṭvā kadācitsa na gacchati gṛhaṃ khagaḥ

वह सदा प्रातःसन्ध्या के समय ब्रह्मा की वन्दना करने जाता है, और मुझे देखे बिना वह पक्षी कभी घर नहीं जाता।

श्लोक 8 (12.171.8)

द्विरात्रमुभयोः सन्ध्योर्नाभ्यगच्छन्ममालयम् । तस्मान्न शुद्ध्यते भावो मम स ज्ञायतां सुहृत् ॥

dvirātramubhayoḥ sandhyornābhyagacchanmamālayam | tasmānna śuddhyate bhāvo mama sa jñāyatāṃ suhṛt

दो दिन से वह दोनों सन्ध्याओं में मेरे घर नहीं आया, इसलिए मेरा मन शान्त नहीं है। उस मित्र का पता लगाया जाए।

श्लोक 9 (12.171.9)

स्वाध्यायेन वियुक्तो हि ब्रह्मवर्चसवर्जितः । स गतस्तत्र मे शङ्का हन्यात्तं स द्विजाधमः ॥

svādhyāyena viyukto hi brahmavarcasavarjitaḥ | sa gatastatra me śaṅkā hanyāttaṃ sa dvijādhamaḥ

वह (गौतम) वेदाध्ययन से रहित और ब्रह्मतेज से हीन है। वह वहीं गया था, और मुझे शंका है कि उस अधम ब्राह्मण ने उसे मार डाला हो।

श्लोक 10 (12.171.10)

दुराचारः स दुर्बुद्धिरिङ्गितैर्लक्षितो मया । निष्कृपो दारुणाकारो दुष्टो दस्युरिवाधमः । गौतमः स गतस्तत्र तेनोद्विग्नं मनो मम ॥

durācāraḥ sa durbuddhiriṅgitairlakṣito mayā | niṣkṛpo dāruṇākāro duṣṭo dasyurivādhamaḥ | gautamaḥ sa gatastatra tenodvignaṃ mano mama

उसके हाव-भाव से मैंने उसे पहचान लिया था: वह दुराचारी, दुर्बुद्धि, निर्दय, भयानक आकृति वाला, दुष्ट और अधम डाकू के समान है। वही गौतम वहाँ गया है, इसी से मेरा मन उद्विग्न है।

श्लोक 11 (12.171.11)

पुत्र शीघ्रमितो गत्वा राजधर्मनिवेशनम् । ज्ञायतां स विशुद्धात्मा यदि जीवति वा चिरम् ॥

putra śīghramito gatvā rājadharmaniveśanam | jñāyatāṃ sa viśuddhātmā yadi jīvati vā ciram

पुत्र, तुम शीघ्र यहाँ से राजधर्मा के घर जाओ और पता लगाओ कि वह शुद्धात्मा जीवित है या नहीं।

श्लोक 12 (12.171.12)

स एवमुक्तस्त्वरितो रक्षोभिः सहितो ययौ । न्यग्रोधे राजधर्माणमपश्यन्निहतं ततः ॥

sa evamuktastvarito rakṣobhiḥ sahito yayau | nyagrodhe rājadharmāṇamapaśyannihataṃ tataḥ

यह आदेश पाकर वह कुछ राक्षसों के साथ तुरन्त चल पड़ा और वहाँ बरगद के नीचे राजधर्मा को मरा हुआ पड़ा देखा।

श्लोक 13 (12.171.13)

रुदित्वा बहुशस्तस्मै विलप्य च स राक्षसः । गतो रोषसमाविष्टो गौतमग्रहणाय वै ॥

ruditvā bahuśastasmai vilapya ca sa rākṣasaḥ | gato roṣasamāviṣṭo gautamagrahaṇāya vai

उसके लिए बहुत रोकर और विलाप करके वह राक्षस क्रोध से भरकर गौतम को पकड़ने चल पड़ा।

श्लोक 14 (12.171.14)

गृहीतो गौतमः पापो रक्षोभिः क्रोधमूर्च्छितैः । राजधर्मशरीरस्य कङ्कालश्चाप्यथो धृतः ॥

gṛhīto gautamaḥ pāpo rakṣobhiḥ krodhamūrcchitaiḥ | rājadharmaśarīrasya kaṅkālaścāpyatho dhṛtaḥ

क्रोध से मूर्छित-से हुए राक्षसों ने पापी गौतम को पकड़ लिया और राजधर्मा का कंकाल भी उठा लिया।

श्लोक 15 (12.171.15)

मनुव्रजं तु नगरं यातुधानास्ततो गताः । क्रोधरक्तेक्षणा घोरा गौतमस्य वधे धृताः ॥

manuvrajaṃ tu nagaraṃ yātudhānāstato gatāḥ | krodharaktekṣaṇā ghorā gautamasya vadhe dhṛtāḥ

तब यातुधान मनुव्रज नामक नगर को गए; वे भयंकर थे, क्रोध से उनकी आँखें लाल थीं और वे गौतम के वध पर तुले हुए थे।

श्लोक 16 (12.171.16)

पार्थिवस्याग्रतो न्यस्तः कङ्कालो राजधर्मणः । तं दृष्ट्वा विमना राजा सामात्यः सगणोऽभवत् ॥

pārthivasyāgrato nyastaḥ kaṅkālo rājadharmaṇaḥ | taṃ dṛṣṭvā vimanā rājā sāmātyaḥ sagaṇo'bhavat

राजधर्मा का कंकाल राजा के सामने रख दिया गया; उसे देखकर राजा अपने अमात्यों और गणों सहित उदास हो गया।

श्लोक 17 (12.171.17)

आर्तरावो महानासीद्गृहे तस्य महात्मनः । समुत्थितः स्त्रीसङ्घस्य निहते काश्यपात्मजे ॥

ārtarāvo mahānāsīdgṛhe tasya mahātmanaḥ | samutthitaḥ strīsaṅghasya nihate kāśyapātmaje

काश्यप के पुत्र के मारे जाने पर उस महात्मा राजा के घर में स्त्रियों के समूह से बड़ा करुण क्रन्दन उठा।

श्लोक 18 (12.171.18)

राजा चैवाब्रवीत्पुत्रं पापोऽयं वध्यतामिति ॥

rājā caivābravītputraṃ pāpo'yaṃ vadhyatāmiti

और राजा ने अपने पुत्र से कहा, "इस पापी का वध किया जाए।"

श्लोक 19 (12.171.19)

अस्य मांसं वयं सर्वे खादिष्यामः समागताः । पापकृत्पापकर्मा च पापात्मा पापमास्थितः । हन्तव्य एव पापात्मा कृतघ्नो नात्र संशयः ॥

asya māṃsaṃ vayaṃ sarve khādiṣyāmaḥ samāgatāḥ | pāpakṛtpāpakarmā ca pāpātmā pāpamāsthitaḥ | hantavya eva pāpātmā kṛtaghno nātra saṃśayaḥ

"हम सब इकट्ठे होकर इसका मांस खाएँगे। यह पाप करने वाला है, इसके कर्म पापमय हैं, इसकी आत्मा पापी है, यह पाप में ही स्थित है। यह कृतघ्न पापी निश्चय ही मारने योग्य है, इसमें सन्देह नहीं।"

श्लोक 20 (12.171.20)

कृतघ्नं पापकर्माणं न भक्षयितुमुत्सहे । दासेभ्यो दीयतामेष मित्रध्रुक्पुरुषाधमः ॥

kṛtaghnaṃ pāpakarmāṇaṃ na bhakṣayitumutsahe | dāsebhyo dīyatāmeṣa mitradhrukpuruṣādhamaḥ

"मैं पापकर्मा कृतघ्न को खाने का साहस नहीं करता। इस मित्रद्रोही नराधम को सेवकों को दे दिया जाए।"

श्लोक 21 (12.171.21)

दासाः सर्वे समाहूता यातुधानास्तथा परे । नेच्छन्ति स्म कृतघ्नं तं खादितुं पुरुषोत्तम ॥

dāsāḥ sarve samāhūtā yātudhānāstathā pare | necchanti sma kṛtaghnaṃ taṃ khādituṃ puruṣottama

हे पुरुषोत्तम, सब सेवक और दूसरे यातुधान बुलाए गए, पर उन्होंने उस कृतघ्न को खाना नहीं चाहा।

श्लोक 22 (12.171.22)

शिरोभिश्चागता भूमिं महाराज ततो बलात् । मानार्थं जातु निर्बन्धं किल्विषं दातुमर्हसि ॥

śirobhiścāgatā bhūmiṃ mahārāja tato balāt | mānārthaṃ jātu nirbandhaṃ kilviṣaṃ dātumarhasi

हे महाराज, तब उन्होंने भूमि पर सिर झुकाकर आग्रहपूर्वक कहा, "सम्मान के लिए कभी ऐसा हठ न कीजिए; यह पाप हम पर डालना आपको उचित नहीं।"

श्लोक 23 (12.171.23)

यातुधाना नृपेणोक्ताः पापकर्मा विशस्यताम् । दह्यतां त्यज्यतां वाऽयं दर्शनादपनीयताम् ॥

yātudhānā nṛpeṇoktāḥ pāpakarmā viśasyatām | dahyatāṃ tyajyatāṃ vā'yaṃ darśanādapanīyatām

राजा ने यातुधानों को आज्ञा दी, "इस पापी के टुकड़े कर दो; इसे जला दो, या फेंक दो, या मेरी आँखों के सामने से हटा दो।"

श्लोक 24 (12.171.24)

ततस्ते रुषिता दासाः शूलपट्टसपाणयः । खण्डशो विकृतं हत्वा क्रव्याद्भ्यो ह्यददुस्तदा ॥

tataste ruṣitā dāsāḥ śūlapaṭṭasapāṇayaḥ | khaṇḍaśo vikṛtaṃ hatvā kravyādbhyo hyadadustadā

तब क्रुद्ध सेवकों ने हाथों में शूल और पट्टिश लेकर उस विकृत शरीर वाले को टुकड़े-टुकड़े कर डाला और मांसभक्षियों को दे दिया।

श्लोक 25 (12.171.25)

क्रव्यादास्त्वपि राजेन्द्र नेच्छन्ति पिशिताशनाः । मृतानपि हि क्रव्यादाः कृतघ्नान्नोपभुञ्जते ॥

kravyādāstvapi rājendra necchanti piśitāśanāḥ | mṛtānapi hi kravyādāḥ kṛtaghnānnopabhuñjate

हे राजेन्द्र, मांस खाने वाले जीवों ने भी उसे नहीं चाहा; मांसभक्षी मरे हुए कृतघ्नों को भी नहीं खाते।

श्लोक 26 (12.171.26)

ब्रह्मस्वहरणे चोरे ब्रह्मघ्ने गुरुतल्पगे । निष्कृतिर्विहिता सद्भिः कृतघ्ने नास्ति निष्कृतिः ॥

brahmasvaharaṇe core brahmaghne gurutalpage | niṣkṛtirvihitā sadbhiḥ kṛtaghne nāsti niṣkṛtiḥ

ब्राह्मण का धन हरने वाले, चोर, ब्रह्महत्यारे और गुरुपत्नीगामी के लिए सज्जनों ने प्रायश्चित्त का विधान किया है; कृतघ्न के लिए कोई प्रायश्चित्त नहीं है।

श्लोक 27 (12.171.27)

मित्रद्रुहं कृतघ्नं च नृशंसं च नराधमम् । क्रव्यादाः किमयश्चैव नोपभुञ्जन्ति वै सदा ॥

mitradruhaṃ kṛtaghnaṃ ca nṛśaṃsaṃ ca narādhamam | kravyādāḥ kimayaścaiva nopabhuñjanti vai sadā

मित्रद्रोही, कृतघ्न, क्रूर और नराधम को मांसभक्षी जीव और कीड़े भी कभी नहीं खाते।