सत्य, असत्य और सुख का स्वरूप

श्लोक 1 (12.188.1)

सत्यं ब्रह्म तपः सत्यं सत्यं सृजति च प्रजाः । सत्येन धार्यते लोकः स्वर्गं सत्येन गच्छति ॥

satyaṃ brahma tapaḥ satyaṃ satyaṃ sṛjati ca prajāḥ | satyena dhāryate lokaḥ svargaṃ satyena gacchati

सत्य ही ब्रह्म है, सत्य ही तप है; सत्य ही प्रजाओं की सृष्टि करता है। सत्य से ही लोक धारण किया जाता है और सत्य से ही मनुष्य स्वर्ग को जाता है।

श्लोक 2 (12.188.2)

अनृतं तमसो रूपं तमसा नीयते ह्यधः । तमोग्रस्ता न पश्यन्ति प्रकाशं तमसावृतम् ॥

anṛtaṃ tamaso rūpaṃ tamasā nīyate hyadhaḥ | tamograstā na paśyanti prakāśaṃ tamasāvṛtam

असत्य अन्धकार का रूप है, और अन्धकार के द्वारा ही मनुष्य नीचे की ओर ले जाया जाता है। अन्धकार से ग्रस्त लोग उस प्रकाश को नहीं देख पाते, जो अन्धकार से ढका हुआ है।

श्लोक 3 (12.188.3)

स्वर्गः प्रकाश इत्याहुर्नरकं तम एव च । सत्यानृतात्तदुभयं प्राप्यते जगतीचरैः ॥

svargaḥ prakāśa ityāhurnarakaṃ tama eva ca | satyānṛtāttadubhayaṃ prāpyate jagatīcaraiḥ

कहते हैं कि स्वर्ग प्रकाश है और नरक अन्धकार ही है। पृथ्वी पर विचरने वाले प्राणी सत्य और असत्य के कारण इन दोनों में से एक को प्राप्त होते हैं।

श्लोक 4 (12.188.4)

तत्र त्वेवंविधा वृत्तिर्लोके सत्यानृता भवेत् । धर्माधर्मौ प्रकाशश्च तमो दुःखं सुखं तथा ॥

tatra tvevaṃvidhā vṛttirloke satyānṛtā bhavet | dharmādharmau prakāśaśca tamo duḥkhaṃ sukhaṃ tathā

इसी कारण इस लोक में आचरण ऐसा बनता है जिसमें सत्य और असत्य मिले रहते हैं: धर्म और अधर्म, प्रकाश और अन्धकार, दुःख और सुख।

श्लोक 5 (12.188.5)

तत्र यत्सत्यं स धर्मो यो धर्मः स प्रकाशो यः प्रकाशस्तत्सुखमिति । तत्र यदनृतं सोऽधर्मो योऽधर्मस्तत्तमो यत्तमस्तद्दुःखमिति ॥

tatra yatsatyaṃ sa dharmo yo dharmaḥ sa prakāśo yaḥ prakāśastatsukhamiti | tatra yadanṛtaṃ so'dharmo yo'dharmastattamo yattamastadduḥkhamiti

इनमें जो सत्य है, वही धर्म है; जो धर्म है, वही प्रकाश है; और जो प्रकाश है, वही सुख है। जो असत्य है, वही अधर्म है; जो अधर्म है, वही अन्धकार है; और जो अन्धकार है, वही दुःख है।

श्लोक 6 (12.188.6)

शारीरैर्मानसैर्दुःखैः सुखैश्चाप्यसुखोदयैः । अत्रोच्यते । लोकसृष्टिं प्रपश्यन्तो न मुह्यन्ति विचक्षणाः ॥

śārīrairmānasairduḥkhaiḥ sukhaiścāpyasukhodayaiḥ | atrocyate | lokasṛṣṭiṃ prapaśyanto na muhyanti vicakṣaṇāḥ

शारीरिक और मानसिक दुःखों के बीच, और उन सुखों के बीच जिनका फल अशान्ति है (इस विषय में कहा जाता है), लोक की सृष्टि को भली-भाँति देखने वाले विवेकी जन मोह में नहीं पड़ते।

श्लोक 7 (12.188.7)

तत्र दुःखविमोक्षार्थं प्रयतेत विचक्षणः । सुखं ह्यनित्यं भूतानामिह लोके परत्र च ॥

tatra duḥkhavimokṣārthaṃ prayateta vicakṣaṇaḥ | sukhaṃ hyanityaṃ bhūtānāmiha loke paratra ca

इसलिए विवेकी पुरुष को दुःख से छूटने का प्रयत्न करना चाहिए; क्योंकि प्राणियों का सुख इस लोक में भी और परलोक में भी अनित्य है।

श्लोक 8 (12.188.8)

राहुग्रस्तस्य सोमस्य यथा ज्योत्स्ना न भासते । तथा तमोभिभूतानां भूतानां भ्रश्यते सुखम् ॥

rāhugrastasya somasya yathā jyotsnā na bhāsate | tathā tamobhibhūtānāṃ bhūtānāṃ bhraśyate sukham

जैसे राहु से ग्रसे हुए चन्द्रमा की चाँदनी नहीं चमकती, वैसे ही अन्धकार से दबे हुए प्राणियों का सुख नष्ट हो जाता है।

श्लोक 9 (12.188.9)

तत्खलु द्विविधं सुखमुच्यते शारीरं मानसं च । इह खल्वमुष्मिंश्च लोके सर्वारम्भप्रवृत्तयः सुखार्था अभिधीयन्ते । न ह्यतस्त्रिवर्गफलं विशिष्टतरमस्ति । स एष काम्यो गुणविशेषो धर्मार्थयोरारम्भस्तद्धेतुरस्योत्पत्तिः सुखप्रयोजना ॥

tatkhalu dvividhaṃ sukhamucyate śārīraṃ mānasaṃ ca | iha khalvamuṣmiṃśca loke sarvārambhapravṛttayaḥ sukhārthā abhidhīyante | na hyatastrivargaphalaṃ viśiṣṭataramasti | sa eṣa kāmyo guṇaviśeṣo dharmārthayorārambhastaddheturasyotpattiḥ sukhaprayojanā

वह सुख दो प्रकार का कहा जाता है: शारीरिक और मानसिक। इस लोक में और परलोक में भी सारे कार्य और प्रयत्न सुख के लिए ही कहे गए हैं। क्योंकि त्रिवर्ग का कोई भी फल इस सुख से बढ़कर नहीं है। यही वह चाहने योग्य विशेष गुण है; धर्म और अर्थ का आरम्भ उसी का कारण है, और उसकी उत्पत्ति का प्रयोजन सुख ही है।

श्लोक 10 (12.188.10)

यदेतद्भवताभिहितं सुखानां परमाः स्त्रिय इति तन्न गृह्णीमः । न ह्येषामृषीणां महति स्थितानामप्राप्य एष गुणविशेषो न चैनमभिलषन्ति । श्रूयते च भगवांस्त्रिलोककृद्ब्रह्मा प्रभुरेकाकी तिष्ठति । ब्रह्मचारी न कामसुखेष्वात्मानमवदधाति । अपि च भगवान्विश्वेश्वर उमापतिः काममभिवर्तमानमनङ्गत्वेन शममनयत् । तस्माद्ब्रूमो न महात्मभिरयं प्रतिगृहीतो न त्वेष तावद्विशिष्टो गुण इति नैतद्भगवतः प्रत्येमि । भगवता तूक्तं सुखानां परमाः स्त्रिय इति । लोकप्रवादोऽपि च भवति द्विविधः फलोदयः सुकृतात्सुखमवाप्यते दुष्कृताद्दुःखमिति । अत्रोच्यताम् ॥

yadetadbhavatābhihitaṃ sukhānāṃ paramāḥ striya iti tanna gṛhṇīmaḥ | na hyeṣāmṛṣīṇāṃ mahati sthitānāmaprāpya eṣa guṇaviśeṣo na cainamabhilaṣanti | śrūyate ca bhagavāṃstrilokakṛdbrahmā prabhurekākī tiṣṭhati | brahmacārī na kāmasukheṣvātmānamavadadhāti | api ca bhagavānviśveśvara umāpatiḥ kāmamabhivartamānamanaṅgatvena śamamanayat | tasmādbrūmo na mahātmabhirayaṃ pratigṛhīto na tveṣa tāvadviśiṣṭo guṇa iti naitadbhagavataḥ pratyemi | bhagavatā tūktaṃ sukhānāṃ paramāḥ striya iti | lokapravādo'pi ca bhavati dvividhaḥ phalodayaḥ sukṛtātsukhamavāpyate duṣkṛtādduḥkhamiti | atrocyatām

आपने जो यह कहा कि स्त्रियाँ सुखों में सर्वश्रेष्ठ हैं, उसे हम स्वीकार नहीं करते। महान पद पर स्थित इन ऋषियों के लिए यह विशेष गुण अप्राप्य नहीं है, फिर भी वे इसकी अभिलाषा नहीं करते। सुना जाता है कि तीनों लोकों के रचयिता प्रभु भगवान ब्रह्मा अकेले रहते हैं; ब्रह्मचारी होकर वे कामसुखों में अपना मन नहीं लगाते। और विश्वेश्वर, उमापति भगवान ने अपनी ओर बढ़ते हुए काम को अनङ्ग बनाकर शान्त कर दिया। इसलिए हम कहते हैं कि महात्माओं ने इसे नहीं अपनाया और यह उतना श्रेष्ठ गुण नहीं है; भगवन्, आपकी यह बात मैं नहीं मानता। फिर भी आपने कहा है कि स्त्रियाँ सुखों में सर्वश्रेष्ठ हैं। लोक में यह कहावत भी है कि फल का उदय दो प्रकार का होता है: सत्कर्म से सुख मिलता है और दुष्कर्म से दुःख। इस विषय में कृपया समझाइए।

श्लोक 11 (12.188.11)

अनृतात्खलु तमः प्रादुर्भूतं तमोग्रस्ता अधर्ममेवानुवर्तन्ते न धर्मम् । क्रोधलोभमोहमानानृतादिभिरवच्छन्ना न खल्वस्मिंल्लोके न चामुत्र सुखमाप्नुवन्ति । विविधव्याधिगणोपतापैरवकीर्यन्ते । वधबन्धरोगपरिक्लेशादिभिश्च क्षुत्पिपासाश्रमकृतैरुपतापैरुपतप्यन्ते । चण्डवातात्युष्णातिशीतकृतैश्च प्रतिभयैः शारीरैर्दुःखैरुपतप्यन्ते । बन्धुधनविनाशविप्रयोगकृतैश्च मानसैः शोकैरभिभूयन्ते जरामृत्युकृतैश्चान्यैरिति ॥

anṛtātkhalu tamaḥ prādurbhūtaṃ tamograstā adharmamevānuvartante na dharmam | krodhalobhamohamānānṛtādibhiravacchannā na khalvasmiṃlloke na cāmutra sukhamāpnuvanti | vividhavyādhigaṇopatāpairavakīryante | vadhabandharogaparikleśādibhiśca kṣutpipāsāśramakṛtairupatāpairupatapyante | caṇḍavātātyuṣṇātiśītakṛtaiśca pratibhayaiḥ śārīrairduḥkhairupatapyante | bandhudhanavināśaviprayogakṛtaiśca mānasaiḥ śokairabhibhūyante jarāmṛtyukṛtaiścānyairiti

असत्य से ही अन्धकार प्रकट हुआ, और अन्धकार से ग्रस्त लोग अधर्म का ही अनुसरण करते हैं, धर्म का नहीं। क्रोध, लोभ, मोह, अभिमान और असत्य आदि से ढके हुए वे न इस लोक में सुख पाते हैं, न परलोक में। वे अनेक प्रकार के रोग-समूहों की पीड़ाओं से घिरे रहते हैं। वध, बन्धन और रोग के क्लेश आदि से तथा भूख, प्यास और थकान से उत्पन्न सन्तापों से वे तपते हैं। प्रचण्ड वायु, अत्यन्त गर्मी और अत्यन्त सर्दी से उत्पन्न भयों और शारीरिक दुःखों से वे तपते हैं। और बन्धुओं तथा धन के नाश और वियोग से उत्पन्न मानसिक शोकों से, तथा बुढ़ापे और मृत्यु से उत्पन्न अन्य शोकों से भी वे दबे रहते हैं।

श्लोक 12 (12.188.12)

यस्त्वेतैः शारीरैर्मानसैर्दुःखैर्न स्पृश्यते स सुखं वेद । न चैते दोषाः स्वर्गे प्रादुर्भवन्ति । तत्र भवति खलु ॥

yastvetaiḥ śārīrairmānasairduḥkhairna spṛśyate sa sukhaṃ veda | na caite doṣāḥ svarge prādurbhavanti | tatra bhavati khalu

किन्तु जो इन शारीरिक और मानसिक दुःखों से स्पृष्ट नहीं होता, वही सुख को जानता है। और ये दोष स्वर्ग में उत्पन्न नहीं होते। उस स्थान के विषय में यह कहा गया है:

श्लोक 13 (12.188.13)

सुसुखः पवनः स्वर्गे गन्धश्च सुरभिस्तथा । क्षुत्पिपासाश्रमो नास्ति न जरा न च पापकम् ॥

susukhaḥ pavanaḥ svarge gandhaśca surabhistathā | kṣutpipāsāśramo nāsti na jarā na ca pāpakam

स्वर्ग में हवा अत्यन्त सुखद है और गन्ध भी मनोहर है। वहाँ न भूख है, न प्यास, न थकान; न बुढ़ापा है और न पाप।

श्लोक 14 (12.188.14)

नित्यमेव सुखं स्वर्गे सुखं दुःखमिहोभयम् । नरके दुःखमेवाहुः समं तु परमं पदम् ॥

nityameva sukhaṃ svarge sukhaṃ duḥkhamihobhayam | narake duḥkhamevāhuḥ samaṃ tu paramaṃ padam

स्वर्ग में सदा सुख ही है; यहाँ पृथ्वी पर सुख और दुःख दोनों हैं; नरक में, कहते हैं, केवल दुःख ही है। परन्तु परम पद सम अवस्था है।

श्लोक 15 (12.188.15)

पृथिवी सर्वभूतानां जनित्री तद्विधाः स्त्रियः । पुमान्प्रजापतिस्तत्र शुक्रं तेजोमयं विदुः ॥

pṛthivī sarvabhūtānāṃ janitrī tadvidhāḥ striyaḥ | pumānprajāpatistatra śukraṃ tejomayaṃ viduḥ

पृथ्वी सब प्राणियों की माता है, और स्त्रियाँ उसी के समान हैं। वहाँ पुरुष प्रजापति है, और वीर्य को वे तेजोमय जानते हैं।

श्लोक 16 (12.188.16)

इत्येतल्लोकनिर्माणं ब्रह्मणा विहितं पुरा । प्रजा विपरिवर्तन्ते स्वैः स्वैः कर्मभिरावृताः ॥

ityetallokanirmāṇaṃ brahmaṇā vihitaṃ purā | prajā viparivartante svaiḥ svaiḥ karmabhirāvṛtāḥ

ब्रह्मा ने बहुत पहले इस प्रकार इस लोक की रचना की। प्रजाएँ अपने-अपने कर्मों से घिरी हुई चक्र में घूमती रहती हैं।