वानप्रस्थ, परिव्राजक और उत्तर का लोक

श्लोक 1 (12.190.1)

वानप्रस्थाः खलु ऋषिधर्ममनुसरन्तः पुण्यानि तीर्थानि नदीप्रस्रवणानि सुविविक्तेष्वरण्येषु मृगमहिषवराहसृमरगजाकीर्णेषु तपस्यन्तोऽनुसंचरन्ति । त्यक्तग्राम्यवस्त्राहारोपभोगा वन्यौषधिमूलफलपर्णपरिमितविचित्रनियताहाराः स्थानासनिनो भूमिपाषाणसिकताशर्करावालुकाभस्मशायिनः काशकुशचर्मवल्कलसंवृताङ्गाः केशश्मश्रुनखरोमधारिणो नियतकालोपस्पर्शना अस्कन्नहोमबलिकालानुष्ठायिनः समित्कुशकुसुमोपहारहोमार्जनलब्धविश्रामाः शीतोष्णपवननिष्टप्तविभिन्नसर्वत्वचो विविधनियमयोगचर्याविहितधर्मानुष्ठानहृतमांसशोणितास्त्वगस्थिभूता धृतिपराः सत्त्वयोगाच्छरीराण्युद्वहन्ति ॥

vānaprasthāḥ khalu ṛṣidharmamanusarantaḥ puṇyāni tīrthāni nadīprasravaṇāni suvivikteṣvaraṇyeṣu mṛgamahiṣavarāhasṛmaragajākīrṇeṣu tapasyanto'nusaṃcaranti | tyaktagrāmyavastrāhāropabhogā vanyauṣadhimūlaphalaparṇaparimitavicitraniyatāhārāḥ sthānāsanino bhūmipāṣāṇasikatāśarkarāvālukābhasmaśāyinaḥ kāśakuśacarmavalkalasaṃvṛtāṅgāḥ keśaśmaśrunakharomadhāriṇo niyatakālopasparśanā askannahomabalikālānuṣṭhāyinaḥ samitkuśakusumopahārahomārjanalabdhaviśrāmāḥ śītoṣṇapavananiṣṭaptavibhinnasarvatvaco vividhaniyamayogacaryāvihitadharmānuṣṭhānahṛtamāṃsaśoṇitāstvagasthibhūtā dhṛtiparāḥ sattvayogāccharīrāṇyudvahanti

वानप्रस्थ ऋषियों के धर्म का अनुसरण करते हुए, पुण्य तीर्थों, नदियों और झरनों के बीच, हिरण, भैंसे, सूअर, सृमर और हाथियों से भरे अत्यन्त एकान्त वनों में तप करते हुए विचरते हैं। वे ग्रामीण वस्त्र, आहार और भोगों को त्याग चुके होते हैं। उनका आहार वन की औषधियों, कन्द-मूल, फल और पत्तों का होता है, जो नपा-तुला, विविध और नियमित रहता है। वे खड़े रहने और बैठने के आसनों में स्थित रहते हैं, और भूमि, पत्थर, रेत, कंकड़, बालू या राख पर सोते हैं। उनके शरीर कास, कुश, चर्म और वल्कल से ढके होते हैं; वे केश, दाढ़ी-मूँछ, नख और रोम बढ़ने देते हैं। वे नियत समयों पर स्नान करते हैं और होम तथा बलि के कर्म ठीक समय पर बिना चूक करते हैं। समिधा, कुश और फूलों के चयन तथा होम की शुद्धि में ही उन्हें विश्राम मिलता है। सर्दी, गर्मी और हवा से तपकर उनके पूरे शरीर की त्वचा फट जाती है; अनेक प्रकार के नियमों, योग और साधनाओं के पालन से मांस और रक्त क्षीण हो जाने पर वे केवल त्वचा और हड्डियाँ रह जाते हैं। धैर्य में तत्पर रहकर वे सत्त्व की शक्ति से शरीर को ढोते हैं।

श्लोक 2 (12.190.2)

यस्त्वेतां नियतश्चर्यां ब्रह्मर्षिविहितां चरेत् । स दहेदग्निवद्दोषाञ्जयेल्लोकांश्च दुर्जयान् ॥

yastvetāṃ niyataścaryāṃ brahmarṣivihitāṃ caret | sa dahedagnivaddoṣāñjayellokāṃśca durjayān

जो संयमी पुरुष ब्रह्मर्षियों द्वारा विहित इस जीवन-चर्या का पालन करता है, वह अग्नि के समान अपने दोषों को जला देता है और कठिनाई से जीते जा सकने वाले लोकों को भी जीत लेता है।

श्लोक 3 (12.190.3)

परिव्राजकानां पुनराचारस्तद्यथा । विमुच्याग्निधनकलत्रपरिबर्हसङ्गानात्मनः स्नेहपाशानवधूय परिव्रजन्ति समलोष्टाश्मकाञ्चनास्त्रिवर्गप्रवृत्तेष्वारम्भेष्वसक्तबुद्धयोऽरिमित्रोदासीनेषु तुल्यवृत्तयः स्थावरजरायुजाण्डजस्वेदजोद्भिज्जानां भूतानां वाङ्मनःकर्मभिरनभिद्रोहिणोऽनिकेताः पर्वतपुलिनवृक्षमूलदेवतायतनान्यनुचरन्तो वासार्थमुपेयुर्नगरं ग्रामं वा नगरे पञ्चरात्रिका ग्रामैकरात्रिकाः । प्रविश्य च प्राणधारणमात्रार्थं द्विजातीनां भवनान्यसंकीर्णकर्मणामुपतिष्ठेयुः पात्रपतितायाचितभैक्षाः कामक्रोधदर्पमोहलोभकार्पण्यदम्भपरिवादाभिमानहिंसानिवृत्ता इति ॥

parivrājakānāṃ punarācārastadyathā | vimucyāgnidhanakalatraparibarhasaṅgānātmanaḥ snehapāśānavadhūya parivrajanti samaloṣṭāśmakāñcanāstrivargapravṛtteṣvārambheṣvasaktabuddhayo'rimitrodāsīneṣu tulyavṛttayaḥ sthāvarajarāyujāṇḍajasvedajodbhijjānāṃ bhūtānāṃ vāṅmanaḥkarmabhiranabhidrohiṇo'niketāḥ parvatapulinavṛkṣamūladevatāyatanānyanucaranto vāsārthamupeyurnagaraṃ grāmaṃ vā nagare pañcarātrikā grāmaikarātrikāḥ | praviśya ca prāṇadhāraṇamātrārthaṃ dvijātīnāṃ bhavanānyasaṃkīrṇakarmaṇāmupatiṣṭheyuḥ pātrapatitāyācitabhaikṣāḥ kāmakrodhadarpamohalobhakārpaṇyadambhaparivādābhimānahiṃsānivṛttā iti

अब परिव्राजकों का आचार इस प्रकार है। अग्नि, धन, पत्नी और गृहस्थी की सामग्री के सङ्ग को छोड़कर और अपने प्रति स्नेह के पाशों को झटककर वे संन्यास लेकर विचरते हैं। उनके लिए मिट्टी का ढेला, पत्थर और सोना समान हैं; त्रिवर्ग से जुड़े कार्यों में उनकी बुद्धि आसक्त नहीं होती; शत्रु, मित्र और उदासीन के साथ वे समान व्यवहार करते हैं; वाणी, मन और कर्म से वे किसी भी प्राणी से द्रोह नहीं करते, चाहे वे स्थावर हों या जरायुज, अण्डज, स्वेदज और उद्भिज। घर-रहित होकर वे पर्वतों, नदी-तटों, वृक्षों के मूल और देवालयों में घूमते हैं; ठहरने के लिए वे किसी नगर या गाँव में जा सकते हैं, नगर में पाँच रात और गाँव में एक रात। प्रवेश करके वे केवल प्राण-धारण के लिए ऐसे द्विजों के घरों में जाएँ जिनका आचरण शुद्ध हो, और भिक्षापात्र में बिना माँगे जो पड़ जाए, वही लें; काम, क्रोध, दर्प, मोह, लोभ, कृपणता, दम्भ, निन्दा, अभिमान और हिंसा से वे दूर रहें।

श्लोक 4 (12.190.4)

अभयं सर्वभूतेभ्यो दत्त्वा चरति यो मुनिः । भवति चात्र श्लोकः । न तस्य सर्वभूतेभ्यो भयमुत्पद्यते क्व चित् ॥

abhayaṃ sarvabhūtebhyo dattvā carati yo muniḥ | bhavati cātra ślokaḥ | na tasya sarvabhūtebhyo bhayamutpadyate kva cit

जो मुनि सब प्राणियों को अभय देकर विचरता है (इस विषय में एक श्लोक है), उसके लिए किसी भी प्राणी से कभी भय उत्पन्न नहीं होता।

श्लोक 5 (12.190.5)

कृत्वाग्निहोत्रं स्वशरीरसंस्थं । शारीरमग्निं स्वमुखे जुहोति । यो भैक्षचर्योपगतैर्हविर्भि- । श्चिताग्निनां स व्यतियाति लोकान् ॥

kṛtvāgnihotraṃ svaśarīrasaṃsthaṃ | śārīramagniṃ svamukhe juhoti | yo bhaikṣacaryopagatairhavirbhi- | ścitāgnināṃ sa vyatiyāti lokān

अग्निहोत्र को अपने शरीर में स्थित करके वह शरीर की अग्नि में अपने ही मुख में आहुति देता है; जो भिक्षा के भ्रमण से प्राप्त हविष्यों के द्वारा ऐसा करता है, वह अग्निचयन करने वालों के लोकों को लाँघ जाता है।

श्लोक 6 (12.190.6)

मोक्षाश्रमं यः कुरुते यथोक्तं । शुचिः सुसंकल्पितबुद्धियुक्तः । अनिन्धनं ज्योतिरिव प्रशान्तं । स ब्रह्मलोकं श्रयते द्विजातिः ॥

mokṣāśramaṃ yaḥ kurute yathoktaṃ | śuciḥ susaṃkalpitabuddhiyuktaḥ | anindhanaṃ jyotiriva praśāntaṃ | sa brahmalokaṃ śrayate dvijātiḥ

जो शुद्ध द्विज, भली-भाँति निश्चित बुद्धि से युक्त होकर मोक्षाश्रम का यथोक्त पालन करता है, वह बिना ईंधन की ज्योति के समान शान्त होकर ब्रह्मलोक को प्राप्त होता है।

श्लोक 7 (12.190.7)

अस्माल्लोकात्परो लोकः श्रूयते नोपलभ्यते । तमहं ज्ञातुमिच्छामि तद्भवान्वक्तुमर्हति ॥

asmāllokātparo lokaḥ śrūyate nopalabhyate | tamahaṃ jñātumicchāmi tadbhavānvaktumarhati

सुना जाता है कि इस लोक से परे एक लोक है, परन्तु वह दिखाई नहीं देता। मैं उसे जानना चाहता हूँ; आप मुझे बताइए।

श्लोक 8 (12.190.8)

उत्तरे हिमवत्पार्श्वे पुण्ये सर्वगुणान्विते । पुण्यः क्षेम्यश्च काम्यश्च स वरो लोक उच्यते ॥

uttare himavatpārśve puṇye sarvaguṇānvite | puṇyaḥ kṣemyaśca kāmyaśca sa varo loka ucyate

हिमालय के उत्तरी पार्श्व में, उस पुण्य और सब गुणों से सम्पन्न प्रदेश में, वह श्रेष्ठ लोक बताया जाता है, जो पुण्यमय, कल्याणकारी और काम्य है।

श्लोक 9 (12.190.9)

तत्र ह्यपापकर्माणः शुचयोऽत्यन्तनिर्मलाः । लोभमोहपरित्यक्ता मानवा निरुपद्रवाः ॥

tatra hyapāpakarmāṇaḥ śucayo'tyantanirmalāḥ | lobhamohaparityaktā mānavā nirupadravāḥ

वहाँ पापरहित कर्म करने वाले, पवित्र और अत्यन्त निर्मल, लोभ और मोह से मुक्त तथा उपद्रवों से रहित मनुष्य रहते हैं।

श्लोक 10 (12.190.10)

स स्वर्गसदृशो देशस्तत्र ह्युक्ताः शुभा गुणाः । काले मृत्युः प्रभवति स्पृशन्ति व्याधयो न च ॥

sa svargasadṛśo deśastatra hyuktāḥ śubhā guṇāḥ | kāle mṛtyuḥ prabhavati spṛśanti vyādhayo na ca

वह प्रदेश स्वर्ग के समान है, क्योंकि वहाँ शुभ गुण बताए गए हैं। मृत्यु ठीक समय पर ही आती है और रोग उन्हें छूते नहीं।

श्लोक 11 (12.190.11)

न लोभः परदारेषु स्वदारनिरतो जनः । न चान्योन्यवधस्तत्र द्रव्येषु न च विस्मयः । परोक्षधर्मो नैवास्ति संदेहो नापि जायते ॥

na lobhaḥ paradāreṣu svadāranirato janaḥ | na cānyonyavadhastatra dravyeṣu na ca vismayaḥ | parokṣadharmo naivāsti saṃdeho nāpi jāyate

वहाँ के लोग अपनी ही पत्नियों में सन्तुष्ट रहते हैं और दूसरों की पत्नियों के प्रति उनमें लोभ नहीं है। वहाँ धन के लिए एक-दूसरे का वध नहीं होता और न अहंकार है। वहाँ कोई धर्म ऐसा नहीं जिसका फल दिखाई न दे, और सन्देह भी उत्पन्न नहीं होता।

श्लोक 12 (12.190.12)

कृतस्य तु फलं तत्र प्रत्यक्षमुपलभ्यते । शय्यायानासनोपेताः प्रासादभवनाश्रयाः । सर्वकामैर्वृताः के चिद्धेमाभरणभूषिताः ॥

kṛtasya tu phalaṃ tatra pratyakṣamupalabhyate | śayyāyānāsanopetāḥ prāsādabhavanāśrayāḥ | sarvakāmairvṛtāḥ ke ciddhemābharaṇabhūṣitāḥ

वहाँ किए हुए कर्म का फल प्रत्यक्ष दिखाई देता है: कुछ लोग शय्या, वाहन और आसनों से सम्पन्न होकर महलों और भवनों में रहते हैं; कुछ सब इच्छित वस्तुओं से घिरे हुए और सोने के आभूषणों से सजे रहते हैं।

श्लोक 13 (12.190.13)

प्राणधारणमात्रं तु केषां चिदुपपद्यते । श्रमेण महता के चित्कुर्वन्ति प्राणधारणम् ॥

prāṇadhāraṇamātraṃ tu keṣāṃ cidupapadyate | śrameṇa mahatā ke citkurvanti prāṇadhāraṇam

कुछ को केवल प्राण-धारण भर का साधन मिलता है; कुछ बड़े परिश्रम से प्राण-धारण करते हैं।

श्लोक 14 (12.190.14)

इह धर्मपराः के चित्के चिन्नैकृतिका नराः । सुखिता दुःखिताः के चिन्निर्धना धनिनोऽपरे ॥

iha dharmaparāḥ ke citke cinnaikṛtikā narāḥ | sukhitā duḥkhitāḥ ke cinnirdhanā dhanino'pare

यहाँ कोई धर्म में तत्पर हैं और कोई छली; कोई सुखी हैं और कोई दुःखी; कोई निर्धन हैं और कोई धनी।

श्लोक 15 (12.190.15)

इह श्रमो भयं मोहः क्षुधा तीव्रा च जायते । लोभश्चार्थकृतो नॄणां येन मुह्यन्ति पण्डिताः ॥

iha śramo bhayaṃ mohaḥ kṣudhā tīvrā ca jāyate | lobhaścārthakṛto nṝṇāṃ yena muhyanti paṇḍitāḥ

यहाँ परिश्रम, भय, मोह और तीव्र भूख उत्पन्न होती है, तथा मनुष्यों में धन के लिए लोभ पैदा होता है, जिससे पण्डित भी मोहित हो जाते हैं।

श्लोक 16 (12.190.16)

इह चिन्ता बहुविधा धर्माधर्मस्य कर्मणः । यस्तद्वेदोभयं प्राज्ञः पाप्मना न स लिप्यते ॥

iha cintā bahuvidhā dharmādharmasya karmaṇaḥ | yastadvedobhayaṃ prājñaḥ pāpmanā na sa lipyate

यहाँ कर्म के धर्म या अधर्म होने के विषय में अनेक प्रकार का चिन्तन होता है। जो बुद्धिमान दोनों को जानता है, वह पाप से लिप्त नहीं होता।

श्लोक 17 (12.190.17)

सोपधं निकृतिः स्तेयं परिवादोऽभ्यसूयता । परोपघातो हिंसा च पैशुन्यमनृतं तथा ॥

sopadhaṃ nikṛtiḥ steyaṃ parivādo'bhyasūyatā | paropaghāto hiṃsā ca paiśunyamanṛtaṃ tathā

छल, ठगी, चोरी, निन्दा, डाह, दूसरों को हानि पहुँचाना, हिंसा, चुगली और झूठ:

श्लोक 18 (12.190.18)

एतानासेवते यस्तु तपस्तस्य प्रहीयते । यस्त्वेतान्नाचरेद्विद्वांस्तपस्तस्याभिवर्धते ॥

etānāsevate yastu tapastasya prahīyate | yastvetānnācaredvidvāṃstapastasyābhivardhate

जो इनका सेवन करता है, उसका तप क्षीण हो जाता है; और जो विद्वान इनका आचरण नहीं करता, उसका तप बढ़ता है।

श्लोक 19 (12.190.19)

कर्मभूमिरियं लोक इह कृत्वा शुभाशुभम् । शुभैः शुभमवाप्नोति कृत्वाशुभमतोऽन्यथा ॥

karmabhūmiriyaṃ loka iha kṛtvā śubhāśubham | śubhaiḥ śubhamavāpnoti kṛtvāśubhamato'nyathā

यह लोक कर्मभूमि है। यहाँ शुभ और अशुभ कर्म करके मनुष्य शुभ कर्मों से शुभ फल पाता है, और अशुभ करके इससे उलटा फल पाता है।

श्लोक 20 (12.190.20)

इह प्रजापतिः पूर्वं देवाः सर्षिगणास्तथा । इष्ट्वेष्टतपसः पूता ब्रह्मलोकमुपाश्रिताः ॥

iha prajāpatiḥ pūrvaṃ devāḥ sarṣigaṇāstathā | iṣṭveṣṭatapasaḥ pūtā brahmalokamupāśritāḥ

यहीं पहले प्रजापति, देवता और ऋषिगण भी अभीष्ट यज्ञ और तप करके पवित्र हुए और ब्रह्मलोक को प्राप्त हुए।

श्लोक 21 (12.190.21)

उत्तरः पृथिवीभागः सर्वपुण्यतमः शुभः । इहत्यास्तत्र जायन्ते ये वै पुण्यकृतो जनाः ॥

uttaraḥ pṛthivībhāgaḥ sarvapuṇyatamaḥ śubhaḥ | ihatyāstatra jāyante ye vai puṇyakṛto janāḥ

पृथ्वी का उत्तरी भाग सबसे अधिक पुण्यमय और शुभ है। इस लोक के जो लोग पुण्य कर्म करने वाले हैं, वे वहाँ जन्म लेते हैं।

श्लोक 22 (12.190.22)

असत्कर्माणि कुर्वन्तस्तिर्यग्योनिषु चापरे । क्षीणायुषस्तथैवान्ये नश्यन्ति पृथिवीतले ॥

asatkarmāṇi kurvantastiryagyoniṣu cāpare | kṣīṇāyuṣastathaivānye naśyanti pṛthivītale

अन्य लोग बुरे कर्म करते हुए पशु-योनियों में जाते हैं; और कुछ दूसरे आयु के क्षीण हो जाने पर पृथ्वी पर ही नष्ट हो जाते हैं।

श्लोक 23 (12.190.23)

अन्योन्यभक्षणे सक्ता लोभमोहसमन्विताः । इहैव परिवर्तन्ते न ते यान्त्युत्तरां दिशम् ॥

anyonyabhakṣaṇe saktā lobhamohasamanvitāḥ | ihaiva parivartante na te yāntyuttarāṃ diśam

जो एक-दूसरे को खाने में लगे रहते हैं और लोभ तथा मोह से भरे हैं, वे यहीं चक्कर काटते रहते हैं; वे उत्तर दिशा को नहीं जाते।

श्लोक 24 (12.190.24)

ये गुरूनुपसेवन्ते नियता ब्रह्मचारिणः । पन्थानं सर्वलोकानां ते जानन्ति मनीषिणः ॥

ye gurūnupasevante niyatā brahmacāriṇaḥ | panthānaṃ sarvalokānāṃ te jānanti manīṣiṇaḥ

जो संयमी ब्रह्मचारी गुरुओं की सेवा करते हैं, वे बुद्धिमान सब लोकों के मार्ग को जानते हैं।

श्लोक 25 (12.190.25)

इत्युक्तोऽयं मया धर्मः संक्षेपाद्ब्रह्मनिर्मितः । धर्माधर्मौ हि लोकस्य यो वै वेत्ति स बुद्धिमान् ॥

ityukto'yaṃ mayā dharmaḥ saṃkṣepādbrahmanirmitaḥ | dharmādharmau hi lokasya yo vai vetti sa buddhimān

इस प्रकार मैंने ब्रह्मा द्वारा रचे गए इस धर्म को संक्षेप में कहा। जो सचमुच लोक के धर्म और अधर्म को जानता है, वही बुद्धिमान है।

श्लोक 26 (12.190.26)

इत्युक्तो भृगुणा राजन्भरद्वाजः प्रतापवान् । भृगुं परमधर्मात्मा विस्मितः प्रत्यपूजयत् ॥

ityukto bhṛguṇā rājanbharadvājaḥ pratāpavān | bhṛguṃ paramadharmātmā vismitaḥ pratyapūjayat

भृगु के ऐसा कहने पर, हे राजन्, परम धर्मात्मा और प्रतापी भरद्वाज विस्मित हुए और उन्होंने भृगु का प्रत्युत्तर में सत्कार किया।

श्लोक 27 (12.190.27)

एष ते प्रभवो राजञ्जगतः संप्रकीर्तितः । निखिलेन महाप्राज्ञ किं भूयः श्रोतुमिच्छसि ॥

eṣa te prabhavo rājañjagataḥ saṃprakīrtitaḥ | nikhilena mahāprājña kiṃ bhūyaḥ śrotumicchasi

हे राजन्, मैंने तुम्हें जगत् की यह उत्पत्ति पूरी तरह सुना दी। हे महाप्राज्ञ, अब और क्या सुनना चाहते हो?