मनु का बृहस्पति को ज्ञान के फल का उपदेश

श्लोक 1 (12.199.1)

किं फलं ज्ञानयोगस्य वेदानां नियमस्य च । भूतात्मा च कथं ज्ञेयस्तन्मे ब्रूहि पितामह ॥

kiṃ phalaṃ jñānayogasya vedānāṃ niyamasya ca | bhūtātmā ca kathaṃ jñeyastanme brūhi pitāmaha

ज्ञानयोग का और वेदों के नियम का फल क्या है? और प्राणियों का आत्मा कैसे जाना जाए? पितामह, यह मुझे बताइए।

श्लोक 2 (12.199.2)

अत्राप्युदाहरन्तीममितिहासं पुरातनम् । मनोः प्रजापतेर्वादं महर्षेश्च बृहस्पतेः ॥

atrāpyudāharantīmamitihāsaṃ purātanam | manoḥ prajāpatervādaṃ maharṣeśca bṛhaspateḥ

इस विषय में लोग एक प्राचीन इतिहास सुनाते हैं: प्रजापति मनु और महर्षि बृहस्पति का संवाद।

श्लोक 3 (12.199.3)

प्रजापतिं श्रेष्ठतमं प्रजानां । देवर्षिसङ्घप्रवरो महर्षिः । बृहस्पतिः प्रश्नमिमं पुराणं । पप्रच्छ शिष्योऽथ गुरुं प्रणम्य ॥

prajāpatiṃ śreṣṭhatamaṃ prajānāṃ | devarṣisaṅghapravaro maharṣiḥ | bṛhaspatiḥ praśnamimaṃ purāṇaṃ | papraccha śiṣyo'tha guruṃ praṇamya

देवर्षियों के समूह में श्रेष्ठ महर्षि बृहस्पति ने प्रजाओं में श्रेष्ठतम प्रजापति को, अपने गुरु को, प्रणाम किया और शिष्य होकर उनसे यह प्राचीन प्रश्न पूछा:

श्लोक 4 (12.199.4)

यत्कारणं मन्त्रविधिः प्रवृत्तो । ज्ञाने फलं यत्प्रवदन्ति विप्राः । यन्मन्त्रशब्दैरकृतप्रकाशं । तदुच्यतां मे भगवन्यथावत् ॥

yatkāraṇaṃ mantravidhiḥ pravṛtto | jñāne phalaṃ yatpravadanti viprāḥ | yanmantraśabdairakṛtaprakāśaṃ | taducyatāṃ me bhagavanyathāvat

“हे भगवन्, मुझे यथार्थ रूप से बताइए कि मन्त्रों की विधि किस कारण प्रवृत्त हुई, ज्ञान में ब्राह्मण जिस फल को बताते हैं वह क्या है, और वह क्या है जिसे मन्त्रों के शब्द प्रकट नहीं करते।

श्लोक 5 (12.199.5)

यत्स्तोत्रशास्त्रागममन्त्रविद्भि । र्यज्ञैरनेकैरथ गोप्रदानैः । फलं महद्भिर्यदुपास्यते च । किं तत्कथं वा भविता क्व वा तत् ॥

yatstotraśāstrāgamamantravidbhi | ryajñairanekairatha gopradānaiḥ | phalaṃ mahadbhiryadupāsyate ca | kiṃ tatkathaṃ vā bhavitā kva vā tat

स्तोत्र, शास्त्र, आगम और मन्त्रों के जानने वाले महापुरुष अनेक यज्ञों और गोदानों से जिस फल की उपासना करते हैं, वह क्या है, कैसे होता है और कहाँ होता है?

श्लोक 6 (12.199.6)

मही महीजाः पवनोऽन्तरिक्षं । जलौकसश्चैव जलं तथा द्यौः । दिवौकसश्चापि यतः प्रसूता । स्तदुच्यतां मे भगवन्पुराणम् ॥

mahī mahījāḥ pavano'ntarikṣaṃ | jalaukasaścaiva jalaṃ tathā dyauḥ | divaukasaścāpi yataḥ prasūtā | staducyatāṃ me bhagavanpurāṇam

पृथ्वी और पृथ्वी से उत्पन्न वस्तुएँ, वायु और अन्तरिक्ष, जल और जलचर, द्युलोक और स्वर्गवासी — ये सब जिससे उत्पन्न हुए, हे भगवन्, वह पुरातन तत्त्व मुझे बताइए।

श्लोक 7 (12.199.7)

ज्ञानं यतः प्रार्थयते नरो वै । ततस्तदर्था भवति प्रवृत्तिः । न चाप्यहं वेद परं पुराणं । मिथ्याप्रवृत्तिं च कथं नु कुर्याम् ॥

jñānaṃ yataḥ prārthayate naro vai | tatastadarthā bhavati pravṛttiḥ | na cāpyahaṃ veda paraṃ purāṇaṃ | mithyāpravṛttiṃ ca kathaṃ nu kuryām

मनुष्य जिस उद्देश्य से ज्ञान चाहता है, उसकी प्रवृत्ति उसी उद्देश्य के लिए होती है। पर मैं उस परम पुरातन तत्त्व को नहीं जानता; तब मैं व्यर्थ प्रवृत्ति कैसे करूँ?

श्लोक 8 (12.199.8)

ऋक्सामसङ्घांश्च यजूंषि चाहं । छन्दांसि नक्षत्रगतिं निरुक्तम् । अधीत्य च व्याकरणं सकल्पं । शिक्षां च भूतप्रकृतिं न वेद्मि ॥

ṛksāmasaṅghāṃśca yajūṃṣi cāhaṃ | chandāṃsi nakṣatragatiṃ niruktam | adhītya ca vyākaraṇaṃ sakalpaṃ | śikṣāṃ ca bhūtaprakṛtiṃ na vedmi

मैंने ऋक्, साम और यजुः के समूह, छन्द, नक्षत्रों की गति, निरुक्त, व्याकरण, कल्प और शिक्षा पढ़ी है — फिर भी मैं प्राणियों की प्रकृति को नहीं जानता।

श्लोक 9 (12.199.9)

स मे भवाञ्शंसतु सर्वमेत । त्सामान्यशब्दैश्च विशेषणैश्च । स मे भवाञ्शंसतु तावदेत । ज्ज्ञाने फलं कर्मणि वा यदस्ति ॥

sa me bhavāñśaṃsatu sarvameta | tsāmānyaśabdaiśca viśeṣaṇaiśca | sa me bhavāñśaṃsatu tāvadeta | jjñāne phalaṃ karmaṇi vā yadasti

आप यह सब मुझे सामान्य शब्दों में भी बताइए और विशेष रूप से भी। ज्ञान में या कर्म में जो फल है, वह भी मुझे बताइए,

श्लोक 10 (12.199.10)

यथा च देहाच्च्यवते शरीरी । पुनः शरीरं च यथाऽभ्युपैति ॥

yathā ca dehāccyavate śarīrī | punaḥ śarīraṃ ca yathā'bhyupaiti

और देहधारी जीव किस प्रकार शरीर से निकलता है तथा फिर किस प्रकार दूसरे शरीर में प्रवेश करता है।”

श्लोक 11 (12.199.11)

यद्यत्प्रियं यस्य सुखं तदाहु । स्तदेव दुःखं प्रवदन्त्यनिष्टम् ॥

yadyatpriyaṃ yasya sukhaṃ tadāhu | stadeva duḥkhaṃ pravadantyaniṣṭam

“जो वस्तु जिसे प्रिय होती है, उसी को लोग सुख कहते हैं; और वही जब अनिष्ट हो तो उसे दुःख कहते हैं।

श्लोक 12 (12.199.12)

इष्टं च मे स्यादितरच्च न स्या । देतत्कृते कर्मविधिः प्रवृत्तः । इष्टं त्वनिष्टं च न मां भजेते । त्येतत्कृते ज्ञानविधिः प्रवृत्तः ॥

iṣṭaṃ ca me syāditaracca na syā | detatkṛte karmavidhiḥ pravṛttaḥ | iṣṭaṃ tvaniṣṭaṃ ca na māṃ bhajete | tyetatkṛte jñānavidhiḥ pravṛttaḥ

‘जो मुझे इष्ट है वह मिले और उसका उलटा न हो’ — इसी के लिए कर्म की विधि चली। ‘न इष्ट मेरे पास आए, न अनिष्ट’ — इसी के लिए ज्ञान की विधि चली।

श्लोक 13 (12.199.13)

कामात्मकाश्छन्दसि कर्मयोगा । एभिर्विमुक्तः परमश्नुवीत । नानाविधे कर्मपथे सुखार्थी । नरः प्रवृत्तो निरयं प्रयाति ॥

kāmātmakāśchandasi karmayogā | ebhirvimuktaḥ paramaśnuvīta | nānāvidhe karmapathe sukhārthī | naraḥ pravṛtto nirayaṃ prayāti

“वेद में बताए कर्मयोग कामना से प्रेरित होते हैं; इनसे छूटकर मनुष्य परम को पा सकता है। अनेक प्रकार के कर्ममार्ग में सुख की इच्छा से लगा हुआ मनुष्य नरक में जाता है।

श्लोक 14 (12.199.14)

इष्टं त्वनिष्टं च सुखासुखे च । साशीस्तपश्छन्दति कर्मभिश्च ॥

iṣṭaṃ tvaniṣṭaṃ ca sukhāsukhe ca | sāśīstapaśchandati karmabhiśca

“इष्ट और अनिष्ट, सुख और दुःख — आशाओं से भरा मनुष्य तप और कर्मों के द्वारा इन्हीं को चाहता है।

श्लोक 15 (12.199.15)

एभिर्विमुक्तः परमाविवेश । एतत्कृते कर्मविधिः प्रवृत्तः । कामात्मकांश्छन्दति कर्मयोग । एभिर्विमुक्तः परमाददीत ॥

ebhirvimuktaḥ paramāviveśa | etatkṛte karmavidhiḥ pravṛttaḥ | kāmātmakāṃśchandati karmayoga | ebhirvimuktaḥ paramādadīta

इनसे छूटकर वह परम में प्रविष्ट हुआ; इसी के लिए कर्म की विधि चली। वह कामना-प्रधान कर्ममार्गों को चाहता है; इनसे छूटकर वह परम को ग्रहण कर सकता है।

श्लोक 16 (12.199.16)

आत्मादिभिः कर्मभिरिध्यमानो । धर्मे प्रवृत्तो द्युतिमान्सुखार्थी । परं हि तत्कर्मफलादपेतं । निराशिषो यत्पदमाप्नुवन्ति ॥

ātmādibhiḥ karmabhiridhyamāno | dharme pravṛtto dyutimānsukhārthī | paraṃ hi tatkarmaphalādapetaṃ | nirāśiṣo yatpadamāpnuvanti

आत्मा आदि से आरम्भ होने वाले कर्मों से प्रदीप्त होकर जो धर्म में लगा है, तेजस्वी है और सुख चाहता है — वह परम पद, जो कर्मफल से परे है, निराशीः (आशारहित) लोग ही पाते हैं।

श्लोक 17 (12.199.17)

प्रजाः सृष्टा मनसा कर्मणा च । द्वावेवैतौ सत्पथौ लोकजुष्टौ । दृष्टं कर्माशाश्वतं चान्तवच्च । मनस्त्यागे कारणं नान्यदस्ति ॥

prajāḥ sṛṣṭā manasā karmaṇā ca | dvāvevaitau satpathau lokajuṣṭau | dṛṣṭaṃ karmāśāśvataṃ cāntavacca | manastyāge kāraṇaṃ nānyadasti

प्रजाएँ मन और कर्म से रची गईं; ये ही दो सत्पथ हैं, जिन्हें लोक अपनाता है। कर्म अनित्य और अन्त वाला दीखता है; मन के त्याग का इसके सिवा कोई कारण नहीं।

श्लोक 18 (12.199.18)

निराशिषो ब्रह्म परं ह्युपेतम् ॥

nirāśiṣo brahma paraṃ hyupetam

आशारहित लोग परम ब्रह्म को प्राप्त कर चुके हैं।

श्लोक 19 (12.199.19)

स्वेनात्मना चक्षुरिव प्रणेता । निशात्यये तमसा संवृतात्मा । ज्ञानं तु विज्ञानगुणेन युक्तं । कर्माशुभं पश्यति वर्जनीयम् ॥

svenātmanā cakṣuriva praṇetā | niśātyaye tamasā saṃvṛtātmā | jñānaṃ tu vijñānaguṇena yuktaṃ | karmāśubhaṃ paśyati varjanīyam

जैसे रात के अन्त में, जब अपना आत्मा अँधेरे से ढका हो, तब आँख स्वयं ही मार्ग दिखाने वाली होती है, वैसे ही विवेक के गुण से युक्त ज्ञान अशुभ कर्म को त्यागने योग्य देख लेता है।

श्लोक 20 (12.199.20)

सर्पान्कृशाग्राणि तथोदपानं । ज्ञात्वा मनुष्याः परिवर्जयन्ति । अज्ञानतस्तत्र पतन्ति मूढा । ज्ञाने फलं पश्य यथा विशिष्टम् ॥

sarpānkṛśāgrāṇi tathodapānaṃ | jñātvā manuṣyāḥ parivarjayanti | ajñānatastatra patanti mūḍhā | jñāne phalaṃ paśya yathā viśiṣṭam

साँप, कुश की नोकें और कुआँ — इन्हें जानकर मनुष्य इनसे बचते हैं; अज्ञान के कारण मूढ़ लोग उनमें गिर पड़ते हैं। देखो, ज्ञान में फल कितना विशिष्ट है।

श्लोक 21 (12.199.21)

कृत्स्नस्तु मन्त्रो विधिवत्प्रयुक्तो । यज्ञा यथोक्तास्त्विह दक्षिणाश्च । अन्नप्रदानं मनसः समाधिः । पञ्चात्मकं कर्मफलं वदन्ति ॥

kṛtsnastu mantro vidhivatprayukto | yajñā yathoktāstviha dakṣiṇāśca | annapradānaṃ manasaḥ samādhiḥ | pañcātmakaṃ karmaphalaṃ vadanti

विधिपूर्वक प्रयुक्त सम्पूर्ण मन्त्र, यथोक्त यज्ञ और दक्षिणाएँ, अन्नदान और मन की समाधि — इन पाँच को कर्म का फल कहते हैं।

श्लोक 22 (12.199.22)

गुणात्मकं कर्म वदन्ति वेदा । स्तस्मान्मन्त्रो मन्त्रपूर्वं हि कर्म । विधिर्विधेयं मनसोपपत्तिः । फलस्य भोक्ता तु तथा शरीरी ॥

guṇātmakaṃ karma vadanti vedā | stasmānmantro mantrapūrvaṃ hi karma | vidhirvidheyaṃ manasopapattiḥ | phalasya bhoktā tu tathā śarīrī

वेद कर्म को गुणों से युक्त बताते हैं; इसलिए कर्म मन्त्रपूर्वक ही होता है: विधि, विधेय कार्य और मन की सहमति — और फल का भोक्ता देहधारी जीव है।

श्लोक 23 (12.199.23)

शब्दाश्च रूपाणि रसाश्च पुण्याः । स्पर्शाश्च गन्धाश्च शुभास्तथैव । नरोऽत्र हि स्थानगतः प्रभुः स्या । देतत्फलं सिद्ध्यति कर्मणोऽस्य ॥

śabdāśca rūpāṇi rasāśca puṇyāḥ | sparśāśca gandhāśca śubhāstathaiva | naro'tra hi sthānagataḥ prabhuḥ syā | detatphalaṃ siddhyati karmaṇo'sya

पवित्र शब्द, रूप और रस, तथा शुभ स्पर्श और गन्ध — यहाँ अपने स्थान को पहुँचा हुआ मनुष्य इनका स्वामी हो सकता है; यही उसके कर्म का फल सिद्ध होता है।

श्लोक 24 (12.199.24)

यद्यच्छरीरेण करोति कर्म । शरीरयुक्तः समुपाश्नुते तत् । शरीरमेवायतनं सुखस्य । दुःखस्य चाप्यायतनं शरीरम् ॥

yadyaccharīreṇa karoti karma | śarīrayuktaḥ samupāśnute tat | śarīramevāyatanaṃ sukhasya | duḥkhasya cāpyāyatanaṃ śarīram

जो भी कर्म मनुष्य शरीर से करता है, उसका फल शरीर से युक्त होकर ही भोगता है। शरीर ही सुख का आधार है, और शरीर ही दुःख का भी आधार है।

श्लोक 25 (12.199.25)

वाचा तु यत्कर्म करोति किंचि । द्वाचैव सर्वं समुपाश्नुते तत् । मनस्तु यत्कर्म करोति किंचि । न्मनःस्थ एवायमुपाश्नुते तत् ॥

vācā tu yatkarma karoti kiṃci | dvācaiva sarvaṃ samupāśnute tat | manastu yatkarma karoti kiṃci | nmanaḥstha evāyamupāśnute tat

जो कर्म वाणी से करता है, उसका सारा फल वाणी से ही भोगता है; जो कर्म मन से करता है, उसे मन में स्थित रहकर ही भोगता है।

श्लोक 26 (12.199.26)

यथायथा कर्मगुणान् फलार्थी । करोत्ययं कर्मफले निविष्टः । तथातथाऽयं गुणसंप्रयुक्तः । शुभाशुभं कर्मफलं भुनक्ति ॥

yathāyathā karmaguṇān phalārthī | karotyayaṃ karmaphale niviṣṭaḥ | tathātathā'yaṃ guṇasaṃprayuktaḥ | śubhāśubhaṃ karmaphalaṃ bhunakti

फल चाहने वाला, कर्मफल में लगा हुआ यह पुरुष जैसे-जैसे गुणों वाले कर्म करता है, वैसे-वैसे गुणों से बँधकर वह शुभ-अशुभ कर्मफल भोगता है।

श्लोक 27 (12.199.27)

मत्स्यो यथा स्रोत इवाभिपाती । तथा कृतं पूर्वमुपैति कर्म । शुभे त्वसौ तुष्यति दुष्कृते तु । न तुष्यते वै परमः शरीरी ॥

matsyo yathā srota ivābhipātī | tathā kṛtaṃ pūrvamupaiti karma | śubhe tvasau tuṣyati duṣkṛte tu | na tuṣyate vai paramaḥ śarīrī

जैसे मछली धारा की ओर झपटती है, वैसे ही पहले किया हुआ कर्म कर्ता के पास लौट आता है। परम शरीरी शुभ कर्म में सन्तुष्ट होता है, पर दुष्कर्म में सन्तुष्ट नहीं होता।

श्लोक 28 (12.199.28)

यतो जगत्सर्वमिदं प्रसूतं । ज्ञात्वाऽऽत्मवन्तो ह्युपयान्ति शान्तिम् । यन्मन्त्रशब्दैरकृतप्रकाशं । तदुच्यमानं शृणु मे परं यत् ॥

yato jagatsarvamidaṃ prasūtaṃ | jñātvā''tmavanto hyupayānti śāntim | yanmantraśabdairakṛtaprakāśaṃ | taducyamānaṃ śṛṇu me paraṃ yat

जिससे यह सारा जगत् उत्पन्न हुआ है, जिसे जानकर आत्मवान् लोग शान्ति पाते हैं, और जिसे मन्त्रों के शब्द प्रकट नहीं करते — उस परम तत्त्व को, जैसा मैं कहता हूँ, मुझसे सुनो।

श्लोक 29 (12.199.29)

रसैर्विमुक्तं विविधैश्च गन्धै । रशब्दमस्पर्शमरूपवच्च । अग्राह्यमव्यक्तमवर्णमेकं । पञ्चप्रकारान्ससृजे प्रजानाम् ॥

rasairvimuktaṃ vividhaiśca gandhai | raśabdamasparśamarūpavacca | agrāhyamavyaktamavarṇamekaṃ | pañcaprakārānsasṛje prajānām

नाना रसों और गन्धों से रहित, शब्दहीन, स्पर्शहीन, रूपहीन, अग्राह्य, अव्यक्त, वर्णहीन और एक — उसने प्रजाओं के लिए पाँच प्रकार की सृष्टि की।

श्लोक 30 (12.199.30)

न स्त्री पुमान्नापि नपुंसकं च । न सन्न चासत्सदसच्च तन्न । पश्यन्ति तद्ब्रह्मविदो मनुष्या । स्तदक्षरं न क्षरतीति विद्धि ॥

na strī pumānnāpi napuṃsakaṃ ca | na sanna cāsatsadasacca tanna | paśyanti tadbrahmavido manuṣyā | stadakṣaraṃ na kṣaratīti viddhi

वह न स्त्री है, न पुरुष, न नपुंसक; न सत् है, न असत्, न दोनों। ब्रह्मवेत्ता मनुष्य उसे देखते हैं; उसे अक्षर जानो — जो कभी क्षीण नहीं होता।