नारद द्वारा कृष्ण-तत्त्व की खोज

श्लोक 1 (12.209.1)

पितामह महाप्राज्ञ केशवस्य महात्मनः । वक्तुमर्हसि तत्त्वेन माहात्म्यं पुनरेव तु ॥

pitāmaha mahāprājña keśavasya mahātmanaḥ | vaktumarhasi tattvena māhātmyaṃ punareva tu

हे पितामह, हे महाप्राज्ञ! आप महात्मा केशव की महिमा को एक बार फिर यथार्थ रूप से कहें।

श्लोक 2 (12.209.2)

न तृप्याम्यहमप्येनं पश्यञ्शृण्वंश्च भारत । एवं कृष्णं महाबाहो तस्मादेतद्ब्रवीहि मे ॥

na tṛpyāmyahamapyenaṃ paśyañśṛṇvaṃśca bhārata | evaṃ kṛṣṇaṃ mahābāho tasmādetadbravīhi me

हे भारत! मैं उन्हें देखते और उनके विषय में सुनते हुए भी तृप्त नहीं होता। इसलिए हे महाबाहो, कृष्ण के विषय में यह कथा मुझे इसी प्रकार सुनाइए।

श्लोक 3 (12.209.3)

शृणु राजन्कथामेतां वैष्णवीं पापनाशनीम् । नारदो मां पुरा प्राह यामहं ते वदामि ताम् ॥

śṛṇu rājankathāmetāṃ vaiṣṇavīṃ pāpanāśanīm | nārado māṃ purā prāha yāmahaṃ te vadāmi tām

हे राजन्! पापों का नाश करने वाली विष्णु की यह कथा सुनिए। इसे पूर्वकाल में नारदजी ने मुझे सुनाया था; वही मैं आपको सुनाता हूँ।

श्लोक 4 (12.209.4)

देवर्षिर्नारदः पूर्वं तत्वं वेत्स्यामि वै हरेः । इति संचिन्त्य मनसा दध्यौ ब्रह्म सनातनम् ॥

devarṣirnāradaḥ pūrvaṃ tatvaṃ vetsyāmi vai hareḥ | iti saṃcintya manasā dadhyau brahma sanātanam

प्राचीन काल में देवर्षि नारद ने मन में सोचा, "मैं हरि के तत्त्व को जानूँगा", और यह विचार करके वे सनातन ब्रह्म का ध्यान करने लगे।

श्लोक 5 (12.209.5)

हिमालये शुभे दिव्ये दिव्यं वर्षशतं किल । अनुच्छ्वसन्निराहारः संयतात्मा जितेन्द्रियः ॥

himālaye śubhe divye divyaṃ varṣaśataṃ kila | anucchvasannirāhāraḥ saṃyatātmā jitendriyaḥ

कहते हैं कि शुभ और दिव्य हिमालय पर वे एक सौ दिव्य वर्षों तक बिना साँस लिये और बिना आहार के, मन को संयत और इन्द्रियों को जीते हुए स्थित रहे।

श्लोक 6 (12.209.6)

ततोऽन्तरिक्षे वागासीत्तं मुनिप्रवरं प्रति । मेघगम्भीरनिर्घोषा दिव्या बाह्याऽशरीरिणी ॥

tato'ntarikṣe vāgāsīttaṃ munipravaraṃ prati | meghagambhīranirghoṣā divyā bāhyā'śarīriṇī

तब आकाश में उस श्रेष्ठ मुनि से एक वाणी बोली, जो मेघ के समान गम्भीर घोष वाली, दिव्य, बाहर से आती हुई और शरीर से रहित थी।

श्लोक 7 (12.209.7)

किमर्थं त्वं समापन्नो ध्यानं मुनिवरोत्तम । अहं ददामि ते ज्ञानं धर्माद्यं वा वृणीष्व माम् ॥

kimarthaṃ tvaṃ samāpanno dhyānaṃ munivarottama | ahaṃ dadāmi te jñānaṃ dharmādyaṃ vā vṛṇīṣva mām

हे मुनिश्रेष्ठ! तुमने यह ध्यान किसलिए आरम्भ किया है? मैं तुम्हें ज्ञान दूँगा; अथवा मुझसे धर्म आदि का वर माँग लो।

श्लोक 8 (12.209.8)

तच्छ्रुत्वा मुनिरालोच्य संभ्रमाविष्टमानसः । किंनु स्यादिति संचिन्त्य वाक्यमाहापरं प्रति ॥

tacchrutvā munirālocya saṃbhramāviṣṭamānasaḥ | kiṃnu syāditi saṃcintya vākyamāhāparaṃ prati

यह सुनकर मुनि विचार में पड़ गए; उनका मन घबराहट से भर गया। "यह क्या हो सकता है?" ऐसा सोचकर उन्होंने उस बोलने वाले से आगे कहा।

श्लोक 9 (12.209.9)

कस्त्वं भवानण्डं बिभेद मध्ये । समास्थितो वाक्यमुदीरयन्माम् । न रूपमन्यत्तव दृश्यते वै । ईदृग्विधस्त्वं समधिष्ठितोऽसि ॥

kastvaṃ bhavānaṇḍaṃ bibheda madhye | samāsthito vākyamudīrayanmām | na rūpamanyattava dṛśyate vai | īdṛgvidhastvaṃ samadhiṣṭhito'si

"आप कौन हैं, जो अण्ड को भेदकर उसके मध्य में स्थित हुए मुझसे बोल रहे हैं? आपका कोई दूसरा रूप तो दिखाई नहीं देता, फिर भी आप इस प्रकार यहाँ स्थित हैं।"

श्लोक 10 (12.209.10)

पुनस्तमाह स मुनिमनन्तोऽहं बृहत्तरः । न मां मूढा विजानन्ति ज्ञानिनो मां विदन्त्युत ॥

punastamāha sa munimananto'haṃ bṛhattaraḥ | na māṃ mūḍhā vijānanti jñānino māṃ vidantyuta

उसने फिर मुनि से कहा, "मैं अनन्त हूँ, सबसे बड़ा हूँ। मूढ़ लोग मुझे नहीं जानते; ज्ञानी ही मुझे जानते हैं।"

श्लोक 11 (12.209.11)

तं प्रत्याह मुनिः श्रीमान्प्रणतो विनयान्वितः । भवन्तं ज्ञातुमिच्छामि तव तत्वं ब्रवीहि मे ॥

taṃ pratyāha muniḥ śrīmānpraṇato vinayānvitaḥ | bhavantaṃ jñātumicchāmi tava tatvaṃ bravīhi me

श्रीमान् मुनि ने विनय से झुककर उत्तर दिया, "मैं आपको जानना चाहता हूँ; मुझे अपना तत्त्व बताइए।"

श्लोक 12 (12.209.12)

तस्य तद्वचनं श्रुत्वा नारदं प्राह लोकपः । ज्ञानेन मां विजानीहि नान्यथा शक्तिरस्ति ते ॥

tasya tadvacanaṃ śrutvā nāradaṃ prāha lokapaḥ | jñānena māṃ vijānīhi nānyathā śaktirasti te

उसकी बात सुनकर लोकपाल ने नारद से कहा, "ज्ञान के द्वारा मुझे जानो; इसके सिवा तुम्हारे पास कोई और सामर्थ्य नहीं है।"

श्लोक 13 (12.209.13)

कीदृग्विधं तु तज्ज्ञानं येन जानामि ते तनुम् । अनन्त तन्मे ब्रूहि त्वं यद्यनुग्रहवानहम् ॥

kīdṛgvidhaṃ tu tajjñānaṃ yena jānāmi te tanum | ananta tanme brūhi tvaṃ yadyanugrahavānaham

वह ज्ञान कैसा है, जिससे मैं आपके स्वरूप को जान सकूँ? हे अनन्त! यदि मैं आपकी कृपा के योग्य हूँ तो वह मुझे बताइए।

श्लोक 14 (12.209.14)

विकल्पहीनं विपुलं तस्य चूरं शिवं परम् । ज्ञानं तत्तेन जानासि साधनं प्रति ते मुने ॥

vikalpahīnaṃ vipulaṃ tasya cūraṃ śivaṃ param | jñānaṃ tattena jānāsi sādhanaṃ prati te mune

वह ज्ञान विकल्पों से रहित और विशाल है; वह उसका चूर्ण कर देने वाला, कल्याणकारी और परम है। हे मुने! उसी से तुम मुझे जानते हो; वही तुम्हारे लिए साधन है।

श्लोक 15 (12.209.15)

अत्रावृत्य स्थितं ह्येतत्तच्छुद्धमितरन्मृषा । एतत्ते सर्वमाख्यातं संक्षेपान्मुनिसत्तम ॥

atrāvṛtya sthitaṃ hyetattacchuddhamitaranmṛṣā | etatte sarvamākhyātaṃ saṃkṣepānmunisattama

यहाँ यह सबको ढककर स्थित है; वही शुद्ध है और शेष सब मिथ्या है। हे मुनिश्रेष्ठ! यह सब मैंने तुम्हें संक्षेप में कह दिया।

श्लोक 16 (12.209.16)

त्वमेव तव यत्तत्वं ब्रूहि लोकगुरो मम । भवन्तं ज्ञातुमिच्छामि कीदृग्भूतस्त्वमव्यय ॥

tvameva tava yattatvaṃ brūhi lokaguro mama | bhavantaṃ jñātumicchāmi kīdṛgbhūtastvamavyaya

हे लोकगुरो! आपका जो तत्त्व है, वह आप ही मुझे बताइए। हे अव्यय! मैं आपको जानना चाहता हूँ कि आप कैसे स्वरूप वाले हैं।

श्लोक 17 (12.209.17)

ततः प्रहस्य भगवान्मेघगम्भीरया गिरा । प्राहेशः सर्वभूतानां न मे चास्यं श्रुतिर्न च ॥

tataḥ prahasya bhagavānmeghagambhīrayā girā | prāheśaḥ sarvabhūtānāṃ na me cāsyaṃ śrutirna ca

तब भगवान् ने हँसकर मेघ के समान गम्भीर वाणी में कहा, "मैं सब प्राणियों का स्वामी हूँ। मेरे न मुख है और न श्रवण।

श्लोक 18 (12.209.18)

न घ्राणजिह्वे दृक्चैव त्वचा नास्ति तथा मुने । कथं वक्ष्यामि चात्मानमशरीरस्तथाप्यहम् ॥

na ghrāṇajihve dṛkcaiva tvacā nāsti tathā mune | kathaṃ vakṣyāmi cātmānamaśarīrastathāpyaham

हे मुने! मेरे न नाक है, न जीभ, न आँख, और न त्वचा। मैं अशरीरी हूँ; फिर अपने विषय में कैसे कहूँ?"

श्लोक 19 (12.209.19)

तज्ज्ञात्वा विस्मयाविष्टो मुनिराह प्रणम्य तम् । येन त्वं पूर्वमात्मानमनन्तोऽहं बृहत्तरः । शक्तोऽहमिति मां प्रीतः प्रोक्तवानसि तत्कथम् ॥

tajjñātvā vismayāviṣṭo munirāha praṇamya tam | yena tvaṃ pūrvamātmānamananto'haṃ bṛhattaraḥ | śakto'hamiti māṃ prītaḥ proktavānasi tatkatham

यह जानकर मुनि विस्मय से भर गए और उन्हें प्रणाम करके बोले, "तब आपने पहले प्रसन्न होकर मुझसे अपने विषय में जो कहा था कि 'मैं अनन्त हूँ, सबसे बड़ा हूँ, समर्थ हूँ', वह कैसे?"

श्लोक 20 (12.209.20)

पुनस्तमाह भगवांस्तवाप्यक्षाणि सन्ति वै । त्वमेनं ब्रूहि चात्मानं यदि शक्नोषि नारद ॥

punastamāha bhagavāṃstavāpyakṣāṇi santi vai | tvamenaṃ brūhi cātmānaṃ yadi śaknoṣi nārada

भगवान् ने उनसे फिर कहा, "तुम्हारे भी तो इन्द्रियाँ हैं। नारद! यदि तुम कर सको तो अपने इस आत्मा का वर्णन करो।

श्लोक 21 (12.209.21)

आत्मा यथा तव मुने विदितस्तु भविष्यति । मां च जानासि तेन त्वमेकं साधनमावयोः । इत्युक्त्वा भगवान्देवस्ततो नोवाच किंचन ॥

ātmā yathā tava mune viditastu bhaviṣyati | māṃ ca jānāsi tena tvamekaṃ sādhanamāvayoḥ | ityuktvā bhagavāndevastato novāca kiṃcana

हे मुने! जैसे तुम्हें अपना आत्मा ज्ञात होगा, वैसे ही तुम मुझे भी जान लोगे; हम दोनों के लिए साधन एक ही है।" यह कहकर भगवान् देव फिर कुछ नहीं बोले।

श्लोक 22 (12.209.22)

नारदोऽप्युत्स्मयन्खिन्नः क्व गतोऽसाविति प्रभुः । स्थित्वा स दीर्घकालं च मुनिर्व्यामूढमानसः ॥

nārado'pyutsmayankhinnaḥ kva gato'sāviti prabhuḥ | sthitvā sa dīrghakālaṃ ca munirvyāmūḍhamānasaḥ

नारद मुस्कराते हुए भी खिन्न होकर सोचने लगे, "वे प्रभु कहाँ चले गए?" और वे मुनि बहुत देर तक मोह-ग्रस्त चित्त से वहीं खड़े रहे।

श्लोक 23 (12.209.23)

आह मां भगवान्देवस्त्वनन्तोऽहं बृहत्तरः । तेनाहमिति सर्वस्य को वानन्तो बृहत्तरः ॥

āha māṃ bhagavāndevastvananto'haṃ bṛhattaraḥ | tenāhamiti sarvasya ko vānanto bṛhattaraḥ

"भगवान् देव ने मुझसे कहा था, 'मैं अनन्त हूँ, सबसे बड़ा हूँ।' उस 'मैं' से उन्होंने क्या कहा? सब वस्तुओं में वास्तव में अनन्त और सबसे बड़ा कौन है?

श्लोक 24 (12.209.24)

केयमुर्वी ह्यनन्ताख्या बृहती नूनमेव सा । यस्यां जानन्ति भूतानि विलीनानि ततस्ततः । एनां पृच्छामि तरुणीं सैषा नूनमुवाच माम् ॥

keyamurvī hyanantākhyā bṛhatī nūnameva sā | yasyāṃ jānanti bhūtāni vilīnāni tatastataḥ | enāṃ pṛcchāmi taruṇīṃ saiṣā nūnamuvāca mām

यह पृथ्वी, जिसे अनन्ता कहते हैं, कौन है? निश्चय ही वही विशाल है, जिसमें प्राणी यहाँ-वहाँ लीन होते जाने वाले जाने जाते हैं। मैं इस तरुणी से पूछूँगा; निश्चय ही इसी ने मुझसे कहा था।"

श्लोक 25 (12.209.25)

इत्येवं स मुनिः श्रीमान्कृत्वा निश्चयमात्मनः । स भूतलं समाविश्य प्रणिपत्येदमब्रवीत् ॥

ityevaṃ sa muniḥ śrīmānkṛtvā niścayamātmanaḥ | sa bhūtalaṃ samāviśya praṇipatyedamabravīt

अपने मन में ऐसा निश्चय करके श्रीमान् मुनि भूतल पर उतरे और प्रणाम करके यह बोले।

श्लोक 26 (12.209.26)

आश्चर्यासि च धन्यासि बृहती त्वं वसुन्धरे । त्वामत्र वेत्तुमिच्छामि यादृग्भूताऽसि शोभने ॥

āścaryāsi ca dhanyāsi bṛhatī tvaṃ vasundhare | tvāmatra vettumicchāmi yādṛgbhūtā'si śobhane

"हे वसुन्धरे! तुम आश्चर्यरूप हो, धन्य हो और विशाल हो। हे शोभने! मैं तुम्हें जानना चाहता हूँ कि तुम कैसे स्वरूप वाली हो।"

श्लोक 27 (12.209.27)

तच्छ्रुत्वा धरणी देवी स्मयमानाऽब्रवीदिदम् । नाहं हि बृहती विप्र न चानन्ता च सत्तम ॥

tacchrutvā dharaṇī devī smayamānā'bravīdidam | nāhaṃ hi bṛhatī vipra na cānantā ca sattama

यह सुनकर देवी पृथ्वी ने मुस्कराते हुए कहा, "हे विप्र! मैं विशाल नहीं हूँ, और हे सत्तम! मैं अनन्त भी नहीं हूँ।

श्लोक 28 (12.209.28)

कारणं मम यो गन्धो गन्धात्मानं ब्रवीहि तम् । ततो मुनिस्तद्धि तत्वं प्रणिपत्येदमब्रवीत् ॥

kāraṇaṃ mama yo gandho gandhātmānaṃ bravīhi tam | tato munistaddhi tatvaṃ praṇipatyedamabravīt

मेरा जो कारण गन्ध है, उस गन्धात्मा से बात करो।" तब मुनि ने उस तत्त्व को प्रणाम करके यह कहा।

श्लोक 29 (12.209.29)

आश्चर्योऽसि च धन्योऽसि ह्यनन्तोऽसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryo'si ca dhanyo'si hyananto'si bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 30 (12.209.30)

ततो गन्धात्मकः सोऽनु प्रत्युवाच मुनिं प्रति । कारणं मे जलं मत्तो बृहत्तरतमं हि तत् ॥

tato gandhātmakaḥ so'nu pratyuvāca muniṃ prati | kāraṇaṃ me jalaṃ matto bṛhattaratamaṃ hi tat

तब गन्धात्मा ने मुनि को उत्तर दिया, "मेरा कारण जल है, जो मुझसे कहीं अधिक बड़ा है।"

श्लोक 31 (12.209.31)

स समुद्रं मुनिर्गत्वा प्रणिपत्येदमब्रवीत् । आश्चर्योसि च धन्योसि ह्यनन्तोसि बृहत्तरः ॥

sa samudraṃ munirgatvā praṇipatyedamabravīt | āścaryosi ca dhanyosi hyanantosi bṛhattaraḥ

मुनि समुद्र के पास गए और प्रणाम करके बोले, "आप आश्चर्यरूप हैं, धन्य हैं, अनन्त हैं और सबसे बड़े हैं।

श्लोक 32 (12.209.32)

भवन्तं वेत्तुमिच्छामि कीदृग्भूतस्त्वमव्यय । तच्छ्रुत्वा सरितानाथः समुद्रो मुनिमब्रवीत् ॥

bhavantaṃ vettumicchāmi kīdṛgbhūtastvamavyaya | tacchrutvā saritānāthaḥ samudro munimabravīt

हे अव्यय! मैं आपको जानना चाहता हूँ कि आप कैसे स्वरूप वाले हैं।" यह सुनकर नदियों के स्वामी समुद्र ने मुनि से कहा,

श्लोक 33 (12.209.33)

कारणं मेऽत्र संपृच्छ रसात्मानं बृहत्तरम् । ततो बृहत्तरं विद्वंस्त्वं पृच्छ मुनिसत्तम ॥

kāraṇaṃ me'tra saṃpṛccha rasātmānaṃ bṛhattaram | tato bṛhattaraṃ vidvaṃstvaṃ pṛccha munisattama

"यहाँ मेरे कारण, रसात्मा, के विषय में पूछो, जो मुझसे बड़ा है। हे विद्वन्! हे मुनिश्रेष्ठ! तब तुम उस बड़े से ही पूछो।"

श्लोक 34 (12.209.34)

ततो मुनिर्यथायोगं जलं तत्वमवेक्ष्य तत् । जलात्मानं प्रणम्याह जलतत्वस्थितो मुनिः ॥

tato muniryathāyogaṃ jalaṃ tatvamavekṣya tat | jalātmānaṃ praṇamyāha jalatatvasthito muniḥ

तब जल को ही तत्त्व मानकर यथोचित विचार करके, जलतत्त्व में स्थित मुनि ने जलात्मा को प्रणाम करके कहा।

श्लोक 35 (12.209.35)

आश्चर्योसि च धन्योसि ह्यनन्तोसि बृहत्तरः । भवन्तं श्रोतुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ śrotumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपसे सुनना चाहता हूँ कि आप कैसे स्वरूप वाले हैं।"

श्लोक 36 (12.209.36)

ततो रसात्मकः सोऽनु मुनिमाह पुनः पुनः । ममापि कारणं पृच्छ तेजोरूपं विभावसुम् । नाहं बृहत्तरो ब्रह्मन्नाप्यनन्तश्च सत्तम ॥

tato rasātmakaḥ so'nu munimāha punaḥ punaḥ | mamāpi kāraṇaṃ pṛccha tejorūpaṃ vibhāvasum | nāhaṃ bṛhattaro brahmannāpyanantaśca sattama

तब रसात्मा ने मुनि से बार-बार कहा, "मेरे भी कारण, तेजोरूप विभावसु (अग्नि) से पूछो। हे ब्रह्मन्! मैं बड़ा नहीं हूँ, और हे सत्तम! मैं अनन्त भी नहीं हूँ।"

श्लोक 37 (12.209.37)

ततोऽग्निं प्रणिपत्याह मुनिर्विस्मितमानसः । यज्ञात्मानं महावासं सर्वभूतनमस्कृतम् ॥

tato'gniṃ praṇipatyāha munirvismitamānasaḥ | yajñātmānaṃ mahāvāsaṃ sarvabhūtanamaskṛtam

तब विस्मित चित्त वाले मुनि ने यज्ञात्मा, महान् निवास-रूप और सब प्राणियों से नमस्कृत अग्नि को प्रणाम करके कहा,

श्लोक 38 (12.209.38)

आश्चर्योसि च धन्योसि ह्यनन्तश्च बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantaśca bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 39 (12.209.39)

ततः प्रहस्य भगवान्मुनिं स्विष्टकृदब्रवीत् । नाहं बृहत्तरो ब्रह्मन्नाप्यनन्तश्च सत्तम । कारणं मम रूपं यत्तं पृच्छ मुनिसत्तम ॥

tataḥ prahasya bhagavānmuniṃ sviṣṭakṛdabravīt | nāhaṃ bṛhattaro brahmannāpyanantaśca sattama | kāraṇaṃ mama rūpaṃ yattaṃ pṛccha munisattama

तब भगवान् स्विष्टकृत् (अग्नि) ने हँसकर मुनि से कहा, "हे ब्रह्मन्! मैं बड़ा नहीं हूँ, और हे सत्तम! अनन्त भी नहीं हूँ। मेरा कारण रूप है; हे मुनिश्रेष्ठ! उसी से पूछो।"

श्लोक 40 (12.209.40)

ततो योगक्रमेणैव प्रतीतं तं प्रविश्य सः । रूपात्मानं प्रणम्याह नारदो वदतांवरः ॥

tato yogakrameṇaiva pratītaṃ taṃ praviśya saḥ | rūpātmānaṃ praṇamyāha nārado vadatāṃvaraḥ

तब योग की रीति से उस प्रतीत हुए तत्त्व में प्रवेश करके वक्ताओं में श्रेष्ठ नारद ने रूपात्मा को प्रणाम करके कहा,

श्लोक 41 (12.209.41)

आश्चर्योसि च धन्योसि ह्यनन्तोसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 42 (12.209.42)

उत्स्मयित्वा तु रूपात्मा तं मुनिं प्रत्युवाच ह । वायुर्मे कारणं ब्रह्मंस्तं पृच्छ मुनिसत्तम । मत्तो बहुतरः श्रीमाननन्तश्च महाविलम् ॥

utsmayitvā tu rūpātmā taṃ muniṃ pratyuvāca ha | vāyurme kāraṇaṃ brahmaṃstaṃ pṛccha munisattama | matto bahutaraḥ śrīmānanantaśca mahāvilam

रूपात्मा ने मुस्कराकर उन मुनि को उत्तर दिया, "हे ब्रह्मन्! वायु मेरा कारण है; हे मुनिश्रेष्ठ! उसी से पूछो। वह मुझसे कहीं अधिक है, शोभायमान है, अनन्त है और महान् विवर के समान है।"

श्लोक 43 (12.209.43)

स मारुतं प्रणम्याह भगवान्मुनिसत्तमः । योगसिद्धो महायोगी ज्ञानविज्ञानपारगः ॥

sa mārutaṃ praṇamyāha bhagavānmunisattamaḥ | yogasiddho mahāyogī jñānavijñānapāragaḥ

योग में सिद्ध, महायोगी, ज्ञान और विज्ञान के पारगामी, पूज्य मुनिश्रेष्ठ ने मारुत को प्रणाम करके कहा,

श्लोक 44 (12.209.44)

आश्चर्योसि च धन्योसि ह्यनन्तोसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 45 (12.209.45)

ततो वायुर्हि संप्राह नारदं मुनिसत्तमम् । कारणं पृच्छ भगवन्स्पर्शात्मानं ममाद्य वै ॥

tato vāyurhi saṃprāha nāradaṃ munisattamam | kāraṇaṃ pṛccha bhagavansparśātmānaṃ mamādya vai

तब वायु ने मुनिश्रेष्ठ नारद से कहा, "हे भगवन्! अब मेरे कारण, स्पर्शात्मा, के विषय में पूछिए।

श्लोक 46 (12.209.46)

मत्तो बृहत्तरः श्रीमाननन्तश्च तथैव सः । ततोस्य वचनं श्रुत्वा स्पर्शात्मानमुवाच सः ॥

matto bṛhattaraḥ śrīmānanantaśca tathaiva saḥ | tatosya vacanaṃ śrutvā sparśātmānamuvāca saḥ

वह मुझसे बड़ा है, शोभायमान है और उसी प्रकार अनन्त भी है।" उसकी बात सुनकर नारद ने स्पर्शात्मा से कहा,

श्लोक 47 (12.209.47)

आश्चर्योसि च धन्योसि ह्यनन्तोसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 48 (12.209.48)

तस्य तद्वचनं श्रुत्वा स्पर्शात्मा मुनिमब्रवीत् । नाहं बृहत्तरो ब्रह्मन्नाप्यनन्तश्च सत्तम ॥

tasya tadvacanaṃ śrutvā sparśātmā munimabravīt | nāhaṃ bṛhattaro brahmannāpyanantaśca sattama

उसकी बात सुनकर स्पर्शात्मा ने मुनि से कहा, "हे ब्रह्मन्! मैं बड़ा नहीं हूँ, और हे सत्तम! अनन्त भी नहीं हूँ।

श्लोक 49 (12.209.49)

कारणं मम चैवेममाकाशं च बृहत्तरम् । तं पृच्छ मुनिशार्दूल सर्वव्यापिनमव्ययम् ॥

kāraṇaṃ mama caivemamākāśaṃ ca bṛhattaram | taṃ pṛccha muniśārdūla sarvavyāpinamavyayam

मेरा कारण यह आकाश है, जो मुझसे बड़ा है। हे मुनिशार्दूल! उसी से पूछो, जो सर्वव्यापी और अविनाशी है।"

श्लोक 50 (12.209.50)

तच्छ्रुत्वा नारदः श्रीमान्वाक्यं वाक्यविशारदः । आकाशं समुपागम्य प्रणम्याह कृताञ्जलिः ॥

tacchrutvā nāradaḥ śrīmānvākyaṃ vākyaviśāradaḥ | ākāśaṃ samupāgamya praṇamyāha kṛtāñjaliḥ

यह सुनकर वाक्पटु श्रीमान् नारद आकाश के पास गए और हाथ जोड़कर प्रणाम करके बोले,

श्लोक 51 (12.209.51)

आश्चर्योसि च धन्योसि ह्यनन्तोसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 52 (12.209.52)

आकाशस्तमुवाचेदं प्रहसन्मुनिसत्तमम् । नाहं बृहत्तरो ब्रह्मञ्शब्दो वै कारणं मम । तं पृच्छ मुनिशार्दूल स वै मत्तो बृहत्तरः ॥

ākāśastamuvācedaṃ prahasanmunisattamam | nāhaṃ bṛhattaro brahmañśabdo vai kāraṇaṃ mama | taṃ pṛccha muniśārdūla sa vai matto bṛhattaraḥ

आकाश ने हँसते हुए उन मुनिश्रेष्ठ से कहा, "हे ब्रह्मन्! मैं बड़ा नहीं हूँ; शब्द मेरा कारण है। हे मुनिशार्दूल! उसी से पूछो, वह निश्चय ही मुझसे बड़ा है।"

श्लोक 53 (12.209.53)

ततो ह्याविश्य चाकाशं शब्दात्मानमुवाच ह । स्वरव्यञ्जनसंयुक्तं नानाहेतुविभूषितम् । वेदाख्यं परमं गुह्यं वेदकारणमच्युतम् ॥

tato hyāviśya cākāśaṃ śabdātmānamuvāca ha | svaravyañjanasaṃyuktaṃ nānāhetuvibhūṣitam | vedākhyaṃ paramaṃ guhyaṃ vedakāraṇamacyutam

तब आकाश में प्रवेश करके उन्होंने शब्दात्मा से कहा, जो स्वर और व्यंजनों से युक्त है, अनेक हेतुओं से विभूषित है, वेद नाम से प्रसिद्ध है, परम गुप्त है, वेद का कारण है और अच्युत है।

श्लोक 54 (12.209.54)

आश्चर्योसि च धन्योसि ह्यनन्तोसि बृहत्तरः । भवन्तं श्रोतुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ śrotumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपसे सुनना चाहता हूँ कि आप कैसे स्वरूप वाले हैं।"

श्लोक 55 (12.209.55)

वेदात्मा प्रत्युवाचेदं नारदं मुनिपुङ्गवम् । मया कारणभूतेन सर्ववेत्ता पितामहः ॥

vedātmā pratyuvācedaṃ nāradaṃ munipuṅgavam | mayā kāraṇabhūtena sarvavettā pitāmahaḥ

वेदात्मा ने मुनिपुङ्गव नारद को उत्तर दिया, "मुझ कारणभूत के द्वारा ही पितामह सर्वज्ञ हैं।

श्लोक 56 (12.209.56)

ब्रह्मणो बुद्धिसंस्थानमास्थितोऽहं महामुने । तस्माद्बृहत्तरो मत्तः पद्मयोनिर्महामतिः । तं पृच्छ मुनिशार्दूल सर्वकारणकारणम् ॥

brahmaṇo buddhisaṃsthānamāsthito'haṃ mahāmune | tasmādbṛhattaro mattaḥ padmayonirmahāmatiḥ | taṃ pṛccha muniśārdūla sarvakāraṇakāraṇam

हे महामुने! मैं ब्रह्मा की बुद्धि के आश्रय में स्थित हूँ। इसलिए महामति कमलयोनि मुझसे बड़े हैं। हे मुनिशार्दूल! उन्हीं से पूछो, जो सब कारणों के कारण हैं।"

श्लोक 57 (12.209.57)

ब्रह्मलोकं ततो गत्वा नारदो मुनिपुङ्गवैः । सेव्यमानं महात्मानं लोकपालैर्मरुद्गणैः ॥

brahmalokaṃ tato gatvā nārado munipuṅgavaiḥ | sevyamānaṃ mahātmānaṃ lokapālairmarudgaṇaiḥ

तब नारद ब्रह्मलोक में गए, जहाँ वे महात्मा श्रेष्ठ मुनियों, लोकपालों और मरुद्गणों से सेवित हो रहे थे,

श्लोक 58 (12.209.58)

समुद्रैश्च सरिद्भिश्च भूततत्वैः सभूधरैः । गन्धर्वैरप्सरोभिश्च ज्योतिषां च गणैस्तथा ॥

samudraiśca saridbhiśca bhūtatatvaiḥ sabhūdharaiḥ | gandharvairapsarobhiśca jyotiṣāṃ ca gaṇaistathā

समुद्रों और नदियों से, पर्वतों सहित भूततत्त्वों से, गन्धर्वों और अप्सराओं से तथा ज्योतिर्गणों से भी,

श्लोक 59 (12.209.59)

स्तुतिस्तोमग्रहस्तोभैस्तथा वेदैर्मुनीश्वरैः । उपास्यमानं ब्रह्माणं लोकनाथं परात्परम् ॥

stutistomagrahastobhaistathā vedairmunīśvaraiḥ | upāsyamānaṃ brahmāṇaṃ lokanāthaṃ parātparam

और स्तुति-समूहों तथा स्तोभों से, वेदों से और मुनीश्वरों से उपासित हो रहे थे; वे लोकनाथ ब्रह्मा परात्पर थे,

श्लोक 60 (12.209.60)

हिरण्यगर्भं विश्वेशं चतुर्वक्त्रेण भूषितम् । प्रणम्य प्राञ्जलिः प्रह्वस्तमाह मुनिपुङ्गवः ॥

hiraṇyagarbhaṃ viśveśaṃ caturvaktreṇa bhūṣitam | praṇamya prāñjaliḥ prahvastamāha munipuṅgavaḥ

हिरण्यगर्भ, विश्वेश्वर और चार मुखों से सुशोभित थे। उन्हें हाथ जोड़कर विनम्रता से प्रणाम करके मुनिपुङ्गव ने कहा,

श्लोक 61 (12.209.61)

आश्चर्योसि च धन्योसि ह्यनन्तोसि बृहत्तरः । भवन्तं वेत्तुमिच्छामि कीदृग्भूतस्त्वमव्यय ॥

āścaryosi ca dhanyosi hyanantosi bṛhattaraḥ | bhavantaṃ vettumicchāmi kīdṛgbhūtastvamavyaya

"आप आश्चर्यरूप हैं, धन्य हैं, अनन्त हैं और सबसे बड़े हैं। हे अव्यय! मैं आपको जानना चाहता हूँ कि आप कैसे स्वरूप वाले हैं।"

श्लोक 62 (12.209.62)

तच्छ्रुत्वा भगवान्ब्रह्मा सर्वलोकपितामहः । उत्स्मयन्मुनिमाहेदं कर्ममूलस्य लोपकम् ॥

tacchrutvā bhagavānbrahmā sarvalokapitāmahaḥ | utsmayanmunimāhedaṃ karmamūlasya lopakam

यह सुनकर सब लोकों के पितामह भगवान् ब्रह्मा ने मुस्कराकर मुनि से कर्म की जड़ को काट देने वाली यह बात कही,

श्लोक 63 (12.209.63)

नाहं बृहत्तरो ब्रह्मन्नाप्यनन्तश्च सत्तम । लोकानां मम सर्वेषां नाथभूतो बृहत्तरः ॥

nāhaṃ bṛhattaro brahmannāpyanantaśca sattama | lokānāṃ mama sarveṣāṃ nāthabhūto bṛhattaraḥ

"हे ब्रह्मन्! मैं बड़ा नहीं हूँ, और हे सत्तम! अनन्त भी नहीं हूँ। जो बड़ा है, वह मेरे सब लोकों का भी स्वामी है।

श्लोक 64 (12.209.64)

नन्दगोपकुले गोपकुमारैः परिवारितः । समस्तजगतां गोप्ता गोपवेषेण संस्थितः ॥

nandagopakule gopakumāraiḥ parivāritaḥ | samastajagatāṃ goptā gopaveṣeṇa saṃsthitaḥ

नन्द गोप के कुल में गोप-बालकों से घिरा हुआ, समस्त जगत् का रक्षक गोप के वेश में स्थित है।

श्लोक 65 (12.209.65)

मद्रूपं च समास्थाय जगत्सृष्टिं करोति सः । ऐशानमास्थितः श्रीमान्हन्ति नित्यं हि पाति च ॥

madrūpaṃ ca samāsthāya jagatsṛṣṭiṃ karoti saḥ | aiśānamāsthitaḥ śrīmānhanti nityaṃ hi pāti ca

वह मेरा रूप धारण करके जगत् की सृष्टि करता है; ऐशान रूप में स्थित होकर वह श्रीमान् संहार करता है, और सदा पालन भी करता है।

श्लोक 66 (12.209.66)

विष्णुः स्वरूपरूपोऽसौ कारणं स हरिर्मम । तं पृच्छ मुनिशार्दूल स चानन्तो बृहत्तरः ॥

viṣṇuḥ svarūparūpo'sau kāraṇaṃ sa harirmama | taṃ pṛccha muniśārdūla sa cānanto bṛhattaraḥ

वह विष्णु अपने ही स्वरूप में स्थित है; वह हरि मेरा कारण है। हे मुनिशार्दूल! उसी से पूछो; वही अनन्त और सबसे बड़ा है।"

श्लोक 67 (12.209.67)

ततोऽवतीर्य भगवान्ब्रह्मलोकान्महामुनिः । नन्दगोपकुले विष्णुमेनं कृष्णं जगत्पतिम् ॥

tato'vatīrya bhagavānbrahmalokānmahāmuniḥ | nandagopakule viṣṇumenaṃ kṛṣṇaṃ jagatpatim

तब पूज्य महामुनि ब्रह्मलोक से उतरकर नन्द गोप के कुल में विष्णु-रूप जगत्पति इन कृष्ण के पास पहुँचे,

श्लोक 68 (12.209.68)

बालक्रीडनकासक्तं वत्सजालविभूषितम् । पाययित्वाथ बध्नन्तं धूलिधूम्राननं परम् ॥

bālakrīḍanakāsaktaṃ vatsajālavibhūṣitam | pāyayitvātha badhnantaṃ dhūlidhūmrānanaṃ param

जो बालक्रीड़ा में लगे थे, बछड़ों के समूह से सुशोभित थे, उन्हें पानी पिलाकर फिर बाँधते थे, और जिनका परम मुख धूल से धूसर हो रहा था,

श्लोक 69 (12.209.69)

गाहमानैर्हसद्भिश्च नृत्यद्भिश्च समन्ततः । पाणिवादनकैश्चैव संवृतं वेणुवादकैः ॥

gāhamānairhasadbhiśca nṛtyadbhiśca samantataḥ | pāṇivādanakaiścaiva saṃvṛtaṃ veṇuvādakaiḥ

और जो चारों ओर से उछलते-कूदते, हँसते, नाचते, ताली बजाते और वंशी बजाते बालकों से घिरे हुए थे।

श्लोक 70 (12.209.70)

प्रणिपत्याब्रवीदेनं नारदो भगवान्मुनिः । आश्चर्योसि च धन्योसि ह्यनन्तश्च बृहत्तरः । वेत्ताऽसि चाव्ययश्चासि वेत्तुमिच्छामि यादृशम् ॥

praṇipatyābravīdenaṃ nārado bhagavānmuniḥ | āścaryosi ca dhanyosi hyanantaśca bṛhattaraḥ | vettā'si cāvyayaścāsi vettumicchāmi yādṛśam

प्रणाम करके पूज्य मुनि नारद ने उनसे कहा, "आप आश्चर्यरूप हैं, धन्य हैं, अनन्त हैं और सबसे बड़े हैं; आप ज्ञाता हैं और अविनाशी हैं। आप जैसे हैं, उसे मैं जानना चाहता हूँ।"

श्लोक 71 (12.209.71)

ततः प्रहस्य भगवान्नारदं प्रत्युवाच ह । मत्तः परतरं नास्ति मत्तः सर्वं प्रतिष्ठितम् ॥

tataḥ prahasya bhagavānnāradaṃ pratyuvāca ha | mattaḥ parataraṃ nāsti mattaḥ sarvaṃ pratiṣṭhitam

तब भगवान् ने हँसकर नारद को उत्तर दिया, "मुझसे परे कुछ नहीं है; मुझमें ही सब कुछ प्रतिष्ठित है।

श्लोक 72 (12.209.72)

मत्तो बृहत्तरं नान्यदहमेव बृहत्तरः । आकाशे च स्थितः पूर्वमुक्तवानहमेव ते ॥

matto bṛhattaraṃ nānyadahameva bṛhattaraḥ | ākāśe ca sthitaḥ pūrvamuktavānahameva te

मुझसे बड़ा दूसरा कोई नहीं है; मैं ही सबसे बड़ा हूँ। आकाश में स्थित होकर पहले मैंने ही तुमसे यह कहा था।

श्लोक 73 (12.209.73)

न मां वेत्ति जनः कश्चिन्माया मम दुरत्यया । भक्त्या त्वनन्यया युक्ता मां विजानन्ति योगिनः ॥

na māṃ vetti janaḥ kaścinmāyā mama duratyayā | bhaktyā tvananyayā yuktā māṃ vijānanti yoginaḥ

मुझे कोई नहीं जानता; मेरी माया को पार करना कठिन है। अनन्य भक्ति से युक्त योगी ही मुझे जानते हैं।

श्लोक 74 (12.209.74)

प्रियोसि मम भक्तोसि मम तत्वं विलोकय । ददामि तव तज्ज्ञानं येन तत्वं प्रपश्यसि ॥

priyosi mama bhaktosi mama tatvaṃ vilokaya | dadāmi tava tajjñānaṃ yena tatvaṃ prapaśyasi

तुम मेरे प्रिय हो, मेरे भक्त हो; मेरे तत्त्व को देखो। मैं तुम्हें वह ज्ञान देता हूँ जिससे तुम तत्त्व को देख सको।

श्लोक 75 (12.209.75)

अन्येषां चैव भक्तानां मम योगरतात्मनाम् । ददामि दिव्यं ज्ञानं च येन तत्वं प्रपश्यसि ॥

anyeṣāṃ caiva bhaktānāṃ mama yogaratātmanām | dadāmi divyaṃ jñānaṃ ca yena tatvaṃ prapaśyasi

और मेरे अन्य भक्तों को भी, जिनका चित्त योग में रमता है, मैं दिव्य ज्ञान देता हूँ, जिससे वे तत्त्व को देखते हैं।

श्लोक 76 (12.209.76)

अन्येषां चैव भक्तानां मम योगरतात्मनाम् । ददामि दिव्यं ज्ञानं च तेन ते यान्ति मत्पदम् ॥

anyeṣāṃ caiva bhaktānāṃ mama yogaratātmanām | dadāmi divyaṃ jñānaṃ ca tena te yānti matpadam

और मेरे अन्य भक्तों को भी, जिनका चित्त योग में रमता है, मैं दिव्य ज्ञान देता हूँ, जिससे वे मेरे धाम को प्राप्त होते हैं।

श्लोक 77 (12.209.77)

एवमुक्त्वा ययौ कृष्णो नन्दगोपगृहं हरिः ॥

evamuktvā yayau kṛṣṇo nandagopagṛhaṃ hariḥ

ऐसा कहकर हरि कृष्ण नन्द गोप के घर चले गए।

श्लोक 78 (12.209.78)

एतत्ते कथितं राजन्विष्णुतत्वमनुत्तमम् । भजस्वैनं विशालाक्षं जपन्कृष्णेति सत्तम ॥

etatte kathitaṃ rājanviṣṇutatvamanuttamam | bhajasvainaṃ viśālākṣaṃ japankṛṣṇeti sattama

हे राजन्! विष्णु का यह परम उत्तम तत्त्व मैंने आपको कह सुनाया। हे सत्तम! उन विशाल नेत्रों वाले की "कृष्ण" का जप करते हुए उपासना कीजिए।

श्लोक 79 (12.209.79)

मोहयन्मां तथा त्वां च शृणोत्येष मयेरितान् । धर्मात्मा च महाबाहो भक्तान्रक्षति नान्यथा ॥

mohayanmāṃ tathā tvāṃ ca śṛṇotyeṣa mayeritān | dharmātmā ca mahābāho bhaktānrakṣati nānyathā

वे मेरे कहे हुए को सुनते हैं, मुझे और आपको भी मोहित करते हुए; वे धर्मात्मा महाबाहु अपने भक्तों की रक्षा करते हैं, इसके विपरीत नहीं।