ब्रह्मचर्य और शरीर का स्वरूप

श्लोक 1 (12.216.1)

अत्रोपायं प्रवक्ष्यामि यथावच्छास्त्रचक्षुषा । तत्त्वज्ञानाच्चरन्राजन्प्राप्नुयात्परमां गतिम् ॥

atropāyaṃ pravakṣyāmi yathāvacchāstracakṣuṣā | tattvajñānāccaranrājanprāpnuyātparamāṃ gatim

यहाँ मैं शास्त्ररूपी नेत्र से यथावत् उपाय बताऊँगा: हे राजन्, तत्त्वज्ञान के अनुसार आचरण करने वाला परम गति को पा सकता है।

श्लोक 2 (12.216.2)

सर्वेषामेव भूतानां पुरुषः श्रेष्ठ उच्यते । पुरुषेभ्यो द्विजानाहुर्द्विजेभ्यो मन्त्रदर्शिनः ॥

sarveṣāmeva bhūtānāṃ puruṣaḥ śreṣṭha ucyate | puruṣebhyo dvijānāhurdvijebhyo mantradarśinaḥ

सब प्राणियों में पुरुष श्रेष्ठ कहा जाता है; पुरुषों में द्विजों को श्रेष्ठ कहते हैं, और द्विजों में मन्त्रद्रष्टाओं को।

श्लोक 3 (12.216.3)

सर्वभूतात्मभूतास्ते सर्वज्ञाः सर्वदर्शिनः । ब्राह्मणा वेदशास्त्रज्ञास्तत्त्वार्थगतनिश्चयाः ॥

sarvabhūtātmabhūtāste sarvajñāḥ sarvadarśinaḥ | brāhmaṇā vedaśāstrajñāstattvārthagataniścayāḥ

वे सब भूतों के आत्मरूप, सर्वज्ञ और सर्वदर्शी हैं: वे वेद-शास्त्र के ज्ञाता ब्राह्मण हैं, जिन्हें तत्त्व के अर्थ का निश्चय हो चुका है।

श्लोक 4 (12.216.4)

नेत्रहीनो यथा ह्येकः कृच्छ्राणि लभतेऽध्वनि । ज्ञानहीनस्तथा लोके तस्माज्ज्ञानविदोऽधिकाः ॥

netrahīno yathā hyekaḥ kṛcchrāṇi labhate'dhvani | jñānahīnastathā loke tasmājjñānavido'dhikāḥ

जैसे अकेला अन्धा मार्ग में कष्ट पाता है, वैसे ही ज्ञानहीन मनुष्य संसार में कष्ट पाता है; इसलिए ज्ञानी श्रेष्ठ हैं।

श्लोक 5 (12.216.5)

तांस्तानुपासते धर्मान्धर्मकामा यथागमम् । न त्वेषामर्थसामान्यमन्तरेण गुणानिमान् ॥

tāṃstānupāsate dharmāndharmakāmā yathāgamam | na tveṣāmarthasāmānyamantareṇa guṇānimān

धर्म की इच्छा रखने वाले लोग शास्त्र के अनुसार उन-उन धर्मों का पालन करते हैं; पर इन गुणों के बिना उनका कोई समान प्रयोजन नहीं बनता।

श्लोक 6 (12.216.6)

वाग्देहमनसां शौचं क्षमा सत्यं धृतिः स्मृतिः । सर्वधर्मेषु धर्मज्ञा ज्ञापयन्ति गुणाञ्छुभान् ॥

vāgdehamanasāṃ śaucaṃ kṣamā satyaṃ dhṛtiḥ smṛtiḥ | sarvadharmeṣu dharmajñā jñāpayanti guṇāñchubhān

वाणी, शरीर और मन की शुद्धि, क्षमा, सत्य, धैर्य और स्मृति — धर्म को जानने वाले सब धर्मों में इन्हीं शुभ गुणों का उपदेश करते हैं।

श्लोक 7 (12.216.7)

यदिदं ब्रह्मणो रूपं ब्रह्मचर्यमिति स्मृतम् । परं तत्सर्वधर्मेभ्यस्तेन यान्ति परां गतिम् ॥

yadidaṃ brahmaṇo rūpaṃ brahmacaryamiti smṛtam | paraṃ tatsarvadharmebhyastena yānti parāṃ gatim

जिसे ब्रह्मचर्य कहा गया है, वह ब्रह्म का ही रूप है; वह सब धर्मों से श्रेष्ठ है, और उसी से लोग परम गति को प्राप्त होते हैं।

श्लोक 8 (12.216.8)

लिङ्गसंयोगहीनं यच्छब्दस्पर्शविवर्जितम् । श्रोत्रेण श्रवणं चैव चक्षुषा चैव दर्शनम् ॥

liṅgasaṃyogahīnaṃ yacchabdasparśavivarjitam | śrotreṇa śravaṇaṃ caiva cakṣuṣā caiva darśanam

जो लिंग के संयोग से रहित और शब्द तथा स्पर्श से रहित है, जिसमें कान से सुनना और आँख से देखना है,

श्लोक 9 (12.216.9)

वाक्संभाषाप्रवृत्तं यत्तन्मनः परिवर्जितम् । बुद्ध्या चाध्यवसीयीत ब्रह्मचर्यमकल्मषम् ॥

vāksaṃbhāṣāpravṛttaṃ yattanmanaḥ parivarjitam | buddhyā cādhyavasīyīta brahmacaryamakalmaṣam

जो वाणी और बातचीत से चलता है और जिससे मन हटा लिया गया है — उसे बुद्धि से निश्चय करके निर्मल ब्रह्मचर्य मानना चाहिए।

श्लोक 10 (12.216.10)

सम्यग्वृत्तिर्ब्रह्मलोकं प्राप्नुयान्मध्यमः सुरान् । द्विजाग्र्यो जायते विद्वान्कन्यसीं वृत्तिमास्थितः ॥

samyagvṛttirbrahmalokaṃ prāpnuyānmadhyamaḥ surān | dvijāgryo jāyate vidvānkanyasīṃ vṛttimāsthitaḥ

सम्यक् आचरण वाला ब्रह्मलोक पाता है; मध्यम आचरण वाला देवताओं को; और जो सबसे निम्न आचरण में स्थित है, वह विद्वान् श्रेष्ठ द्विज होकर जन्म लेता है।

श्लोक 11 (12.216.11)

सुदुष्करं ब्रह्मचर्यमुपायं तत्र मे शृणु । संप्रदीप्तमुदीर्णं च निगृह्णीयाद्द्विजो मनः ॥

suduṣkaraṃ brahmacaryamupāyaṃ tatra me śṛṇu | saṃpradīptamudīrṇaṃ ca nigṛhṇīyāddvijo manaḥ

ब्रह्मचर्य का पालन अत्यन्त कठिन है; उसका उपाय मुझसे सुनो। द्विज को चाहिए कि मन जब भड़ककर उमड़े तो उसे रोक ले।

श्लोक 12 (12.216.12)

योषितां न कथा श्राव्या न निरीक्ष्या निरम्बराः । कथंचिद्दर्शनादासां दुर्बलानां विशेद्रजः ॥

yoṣitāṃ na kathā śrāvyā na nirīkṣyā nirambarāḥ | kathaṃciddarśanādāsāṃ durbalānāṃ viśedrajaḥ

स्त्रियों की कथा नहीं सुननी चाहिए और उन्हें वस्त्रहीन नहीं देखना चाहिए। किसी प्रकार उन्हें देख लेने से दुर्बल पुरुषों में राग प्रवेश कर जाता है।

श्लोक 13 (12.216.13)

रागोत्पन्नश्चरेत्कृच्छ्रमह्नस्त्रिः प्रविशेदपः । मग्नस्त्वप्स्वेव मनसा त्रिर्जपेदघमर्षणम् ॥

rāgotpannaścaretkṛcchramahnastriḥ praviśedapaḥ | magnastvapsveva manasā trirjapedaghamarṣaṇam

राग उत्पन्न होने पर उसे कृच्छ्र तप करना चाहिए और दिन में तीन बार जल में प्रवेश करना चाहिए; जल में डूबे हुए ही मन से तीन बार अघमर्षण का जप करना चाहिए।

श्लोक 14 (12.216.14)

पाप्मानं निर्दहेदेवमन्तर्भूतरजोमयम् । ज्ञानयुक्तेन मनसा संततेन विचक्षणः ॥

pāpmānaṃ nirdahedevamantarbhūtarajomayam | jñānayuktena manasā saṃtatena vicakṣaṇaḥ

इस प्रकार विचक्षण पुरुष को ज्ञान से युक्त निरन्तर मन से अपने भीतर के राग रूपी पाप को जला देना चाहिए।

श्लोक 15 (12.216.15)

कुणपामेध्यसंयुक्तं यद्वदच्छिद्रबन्धनम् । तद्वद्देहगतं विद्यादात्मानं देहबन्धनम् ॥

kuṇapāmedhyasaṃyuktaṃ yadvadacchidrabandhanam | tadvaddehagataṃ vidyādātmānaṃ dehabandhanam

जैसे पूरी तरह बन्द थैली में शव और मल भरे रहते हैं, वैसे ही देह में स्थित आत्मा को देह से बँधा हुआ जानना चाहिए।

श्लोक 16 (12.216.16)

अमेध्यपूर्णं यद्भाण्डं श्लेष्मान्तकलिलावृतम् । नेच्छते वीक्षितुं भाण्डं कुतः स्प्रष्टुं प्रवर्तते ॥

amedhyapūrṇaṃ yadbhāṇḍaṃ śleṣmāntakalilāvṛtam | necchate vīkṣituṃ bhāṇḍaṃ kutaḥ spraṣṭuṃ pravartate

मल से भरे और कफ तथा मैल से ढके हुए घड़े को कोई देखना भी नहीं चाहता; फिर उसे छूने की प्रवृत्ति कैसे होती है?

श्लोक 17 (12.216.17)

देहभाण्डं मलैः पूर्णं बहिः स्वेदजलावृतम् । बीभत्सं नरनारीणां ज्ञानिनां नरकं मतम् ॥

dehabhāṇḍaṃ malaiḥ pūrṇaṃ bahiḥ svedajalāvṛtam | bībhatsaṃ naranārīṇāṃ jñānināṃ narakaṃ matam

देहरूपी पात्र मलों से भरा है और बाहर पसीने और जल से ढका है; स्त्री-पुरुषों के लिए यह घृणित है, और ज्ञानी इसे नरक मानते हैं।

श्लोक 18 (12.216.18)

छिद्रकुम्भो यथा स्रावं सृजते तद्गतं दृढम् । अन्तःस्थं स्रंसते तद्वज्जलं देहेषु देहिनाम् ॥

chidrakumbho yathā srāvaṃ sṛjate tadgataṃ dṛḍham | antaḥsthaṃ sraṃsate tadvajjalaṃ deheṣu dehinām

जैसे छेद वाला घड़ा भीतर भरे द्रव को लगातार बहाता है, वैसे ही देहधारियों के शरीरों में भीतर स्थित जल रिसता रहता है।

श्लोक 19 (12.216.19)

श्लेष्माश्रुमूत्रकलिलं पुरीषं शुक्लमेव च । कफजालविनिर्यासः सरसश्चित्त मुञ्चय ॥

śleṣmāśrumūtrakalilaṃ purīṣaṃ śuklameva ca | kaphajālaviniryāsaḥ sarasaścitta muñcaya

कफ, आँसू, मूत्र का मैल, मल और शुक्र भी, कफ के जालों का स्राव, रस से भरा — हे चित्त, इसे छोड़ दे।

श्लोक 20 (12.216.20)

वातपित्तकफान्रक्तं त्वङ्मांसं स्नायुमस्थि च । मज्जां देहं सिराजालैस्तर्पयन्ति रसा नृणाम् ॥

vātapittakaphānraktaṃ tvaṅmāṃsaṃ snāyumasthi ca | majjāṃ dehaṃ sirājālaistarpayanti rasā nṛṇām

रस नाड़ियों के जाल से मनुष्यों के वात, पित्त, कफ, रक्त, त्वचा, मांस, स्नायु, अस्थि, मज्जा और शरीर को तृप्त करते हैं।

श्लोक 21 (12.216.21)

दश विद्याद्धमन्योऽत्र पञ्चेन्द्रियगुणावहाः । याभिः सूक्ष्माः प्रजायन्ते धमन्योऽन्याः सहस्रशः ॥

daśa vidyāddhamanyo'tra pañcendriyaguṇāvahāḥ | yābhiḥ sūkṣmāḥ prajāyante dhamanyo'nyāḥ sahasraśaḥ

जानो कि यहाँ दस धमनियाँ हैं, जो पाँच इन्द्रियों के गुणों को वहन करती हैं; उनसे हजारों अन्य सूक्ष्म धमनियाँ फूटती हैं।

श्लोक 22 (12.216.22)

एवमेताः सिरा नद्यो रसोदा देहसागरम् । तर्पयन्ति यथाकालमापगा इव सागरम् ॥

evametāḥ sirā nadyo rasodā dehasāgaram | tarpayanti yathākālamāpagā iva sāgaram

इस प्रकार ये सिराएँ नदियों की तरह रस को देह-सागर तक ले जाती हैं और समय-समय पर उसे वैसे ही तृप्त करती हैं जैसे नदियाँ समुद्र को।

श्लोक 23 (12.216.23)

मध्ये च हृदयस्यैका सिरा तत्र मनोवहा । शुक्रं संकल्पजं नॄणां सर्वगात्रैर्विमुञ्चति ॥

madhye ca hṛdayasyaikā sirā tatra manovahā | śukraṃ saṃkalpajaṃ nṝṇāṃ sarvagātrairvimuñcati

हृदय के मध्य में एक सिरा है, जो मन को वहन करती है; वह मनुष्यों के संकल्प से उत्पन्न शुक्र को सब अंगों से छोड़ती है।

श्लोक 24 (12.216.24)

सर्वगात्रप्रतायिन्यस्तस्या ह्यनुगताः सिराः । नेत्रयोः प्रतिपद्यन्ते वहन्त्यस्तैजसं गुणम् ॥

sarvagātrapratāyinyastasyā hyanugatāḥ sirāḥ | netrayoḥ pratipadyante vahantyastaijasaṃ guṇam

सब अंगों में फैलने वाली सिराएँ उसके पीछे चलती हैं; वे नेत्रों तक पहुँचती हैं और तेज के गुण को वहन करती हैं।

श्लोक 25 (12.216.25)

पयस्यन्तर्हितं सर्पिर्यद्वन्निर्मथ्यते खजैः । शुक्रं निर्मथ्यते तद्वद्देहसंकल्पजैः खजैः ॥

payasyantarhitaṃ sarpiryadvannirmathyate khajaiḥ | śukraṃ nirmathyate tadvaddehasaṃkalpajaiḥ khajaiḥ

जैसे दूध में छिपा घी मथानी से मथकर निकाला जाता है, वैसे ही शरीर के संकल्प से उत्पन्न मन्थनों से शुक्र मथकर निकलता है।

श्लोक 26 (12.216.26)

स्वप्नेऽप्येवं यथाऽभ्येति मनः संकल्पजं रजः । शुक्रमस्पर्शजं देहात्सृजन्त्यस्य मनोवहाः ॥

svapne'pyevaṃ yathā'bhyeti manaḥ saṃkalpajaṃ rajaḥ | śukramasparśajaṃ dehātsṛjantyasya manovahāḥ

इसी प्रकार स्वप्न में भी, जब मन के संकल्प से उत्पन्न राग उठता है, तब मनोवह नाड़ियाँ बिना स्पर्श के देह से शुक्र को बाहर निकाल देती हैं।

श्लोक 27 (12.216.27)

महर्षिर्भगवानत्रिर्वेद तच्छुक्रसंभवम् । नृबीजमिन्द्रदैवत्यं तस्मादिन्द्रियमुच्यते ॥

maharṣirbhagavānatrirveda tacchukrasaṃbhavam | nṛbījamindradaivatyaṃ tasmādindriyamucyate

महर्षि भगवान् अत्रि ने शुक्र की उत्पत्ति को जाना: यह मनुष्य का बीज है, जिसके देवता इन्द्र हैं; इसी से इन्द्रिय कहलाती है।

श्लोक 28 (12.216.28)

ये वै शुक्रगतिं विद्युर्भूतसंकरकारिकाम् । विरागा दग्धदोषास्ते नाप्नुयुर्देहसंभवम् ॥

ye vai śukragatiṃ vidyurbhūtasaṃkarakārikām | virāgā dagdhadoṣāste nāpnuyurdehasaṃbhavam

जो भूतों के संकर को करने वाली शुक्र की गति को जानते हैं, वे विरक्त होकर दोषों को जला देते हैं और देह का जन्म नहीं पाते।

श्लोक 29 (12.216.29)

गुणानां साम्यमागम्य मनसैव मनोवहम् । देहकर्म नुदन्प्राणानन्तकाले विमुच्यते ॥

guṇānāṃ sāmyamāgamya manasaiva manovaham | dehakarma nudanprāṇānantakāle vimucyate

गुणों की साम्यावस्था को पाकर, मन से ही मनोवह को वश में करके, देह के कर्म और प्राणों को हटाता हुआ वह अन्त समय में मुक्त हो जाता है।

श्लोक 30 (12.216.30)

भविता मनसो ज्ञानं मन एव प्रजायते । ज्योतिष्मद्विरजो नित्यं मन्त्रसिद्धं महात्मनाम् ॥

bhavitā manaso jñānaṃ mana eva prajāyate | jyotiṣmadvirajo nityaṃ mantrasiddhaṃ mahātmanām

मन का ज्ञान होगा, और मन ही उससे उत्पन्न होता है: तेजोमय, रज से रहित, नित्य और महात्माओं में मन्त्र से सिद्ध।

श्लोक 31 (12.216.31)

तस्मात्तदभिघाताय कर्म कुर्यादकल्मषम् । देहबीजं समुत्पन्नमस्मिन्कर्मणि विद्यते ॥

tasmāttadabhighātāya karma kuryādakalmaṣam | dehabījaṃ samutpannamasminkarmaṇi vidyate

इसलिए उसे नष्ट करने के लिए निष्कलंक कर्म करना चाहिए। देह का बीज, एक बार उत्पन्न होने पर, इसी कर्म में रहता है।

श्लोक 32 (12.216.32)

न स्मरेन्न प्रयुञ्जीत ज्ञानी तत्कर्म बुद्धिमान् । रजस्तमश्च हित्वेह न तिर्यग्गतिमाप्नुयात् ॥

na smarenna prayuñjīta jñānī tatkarma buddhimān | rajastamaśca hitveha na tiryaggatimāpnuyāt

ज्ञानी बुद्धिमान् उस कर्म का न स्मरण करे, न प्रयोग करे; यहीं रजस् और तमस् को छोड़कर वह पशु-योनि को नहीं पाएगा।

श्लोक 33 (12.216.33)

तरुणाधिगतं ज्ञानं जरादुर्बलतां गतम् । विपक्वबुद्धिः कालेन आदत्ते मानसं बलम् ॥

taruṇādhigataṃ jñānaṃ jarādurbalatāṃ gatam | vipakvabuddhiḥ kālena ādatte mānasaṃ balam

तरुणाई में पाया हुआ ज्ञान जब बुढ़ापे की दुर्बलता को पहुँचता है, तब परिपक्व बुद्धि वाला पुरुष समय पर मन का बल ग्रहण कर लेता है।

श्लोक 34 (12.216.34)

एवं पुत्रकलत्रेषु ज्ञातिसंबन्धिबन्धुषु । आदत्ते हृदये कामं व्याध्यादिभिरभिप्लुतः ॥

evaṃ putrakalatreṣu jñātisaṃbandhibandhuṣu | ādatte hṛdaye kāmaṃ vyādhyādibhirabhiplutaḥ

इसी प्रकार पुत्रों, पत्नियों, जाति-बन्धुओं, सम्बन्धियों और मित्रों में, रोग आदि से पीड़ित होकर, वह हृदय में कामना को भर लेता है,

श्लोक 35 (12.216.35)

यतस्ततः परिपतन्नविन्दन्सुखमण्वपि । बहुदुःखसमापन्नः पश्चान्निर्वेदमास्थितः । ज्ञानवृक्षं समाश्रित्य पश्चान्निर्वृतिमश्नुते ॥

yatastataḥ paripatannavindansukhamaṇvapi | bahuduḥkhasamāpannaḥ paścānnirvedamāsthitaḥ | jñānavṛkṣaṃ samāśritya paścānnirvṛtimaśnute

इधर-उधर गिरता-पड़ता, अणु-मात्र भी सुख न पाता, बहुत दुःख से घिरा हुआ वह बाद में वैराग्य को प्राप्त होता है, और ज्ञानरूपी वृक्ष का आश्रय लेकर अन्त में शान्ति पाता है।

श्लोक 36 (12.216.36)

सुदुर्गमिव पन्थानमतीत्य गुणबन्धनम् । यथा पश्येत्तथा दोषानतीत्यामृतमश्नुते ॥

sudurgamiva panthānamatītya guṇabandhanam | yathā paśyettathā doṣānatītyāmṛtamaśnute

अत्यन्त दुर्गम मार्ग की तरह गुणों के बन्धन को पार करके, और दोषों को जैसे हैं वैसे देखकर, वह उन्हें लाँघता हुआ अमृत को प्राप्त करता है।