क्षर और अक्षर: वसिष्ठ का करालजनक को उपदेश आरम्भ

श्लोक 1 (12.308.1)

किं तदक्षरमित्युक्तं यस्मान्नावर्तते पुनः । किंच तत्क्षरमित्युक्तं यस्मादावर्तते पुनः ॥

kiṃ tadakṣaramityuktaṃ yasmānnāvartate punaḥ | kiṃca tatkṣaramityuktaṃ yasmādāvartate punaḥ

वह क्या है जिसे अक्षर कहा गया है, जिससे फिर लौटना नहीं होता? और वह क्या है जिसे क्षर कहा गया है, जिससे फिर लौटना पड़ता है?

श्लोक 2 (12.308.2)

अक्षरक्षरयोर्व्यक्तिं पृच्छाम्यरिनिषूदन । उपलब्धुं महाबाहो तत्त्वेन कुरुनन्दन ॥

akṣarakṣarayorvyaktiṃ pṛcchāmyariniṣūdana | upalabdhuṃ mahābāho tattvena kurunandana

हे शत्रुओं का नाश करने वाले महाबाहु कुरुनन्दन, मैं आपसे अक्षर और क्षर का स्पष्ट स्वरूप पूछता हूँ, ताकि उन्हें यथार्थ रूप में समझ सकूँ।

श्लोक 3 (12.308.3)

त्वं हि ज्ञाननिधिर्विप्रैरुच्यसे वेदपारगैः । ऋषिभिश्च महाभागैर्यतिभिश्च महात्मभिः ॥

tvaṃ hi jñānanidhirviprairucyase vedapāragaiḥ | ṛṣibhiśca mahābhāgairyatibhiśca mahātmabhiḥ

वेदों में पारंगत विद्वान ब्राह्मण, महाभाग ऋषि और महात्मा यति सब आपको ज्ञान का भण्डार कहते हैं।

श्लोक 4 (12.308.4)

शेषमल्पं दिनानां ते दक्षिणायनभास्करे । आवृत्ते भगवत्यर्के गन्तासि परमां गतिम् ॥

śeṣamalpaṃ dinānāṃ te dakṣiṇāyanabhāskare | āvṛtte bhagavatyarke gantāsi paramāṃ gatim

सूर्य के दक्षिणायन में रहते आपके थोड़े ही दिन शेष हैं; जब भगवान् सूर्य लौट आयेंगे, तब आप परम गति को चले जायँगे।

श्लोक 5 (12.308.5)

त्वयि प्रतिगते श्रेयः कुतः श्रोष्यामहे वयम् । कुरुवंशप्रदीपस्त्वं ज्ञानदीपेन दीप्यसे ॥

tvayi pratigate śreyaḥ kutaḥ śroṣyāmahe vayam | kuruvaṃśapradīpastvaṃ jñānadīpena dīpyase

आपके चले जाने पर हम कल्याण की बात किससे सुनेंगे? आप कुरुवंश के दीपक हैं और ज्ञान के दीपक से प्रकाशित हैं।

श्लोक 6 (12.308.6)

तदेतच्छ्रोतुमिच्छामि त्वत्तः कुरुकुलोद्वह । न तृष्यामीह राजेन्द्र शृण्वन्नमृतमीदृशम् ॥

tadetacchrotumicchāmi tvattaḥ kurukulodvaha | na tṛṣyāmīha rājendra śṛṇvannamṛtamīdṛśam

हे कुरुकुल के धुरन्धर, यही मैं आपसे सुनना चाहता हूँ। हे राजेन्द्र, ऐसा अमृत सुनकर मैं तृप्त नहीं होता।

श्लोक 7 (12.308.7)

अत्र ते वर्तयिष्यामि इतिहासं पुरातनम् । वसिष्ठस्य च संवादं करालजनकस्य च ॥

atra te vartayiṣyāmi itihāsaṃ purātanam | vasiṣṭhasya ca saṃvādaṃ karālajanakasya ca

इस विषय में मैं तुम्हें एक प्राचीन इतिहास सुनाऊँगा: वसिष्ठ और करालजनक का संवाद।

श्लोक 8 (12.308.8)

वसिष्ठं श्रेष्ठमासीनमृषीणां भास्करद्युतिम् । पप्रच्छ जनको राजा ज्ञानं नैःश्रेयसं परम् ॥

vasiṣṭhaṃ śreṣṭhamāsīnamṛṣīṇāṃ bhāskaradyutim | papraccha janako rājā jñānaṃ naiḥśreyasaṃ param

राजा जनक ने ऋषियों में श्रेष्ठ, सूर्य के समान तेजस्वी वसिष्ठ से, जो वहाँ बैठे थे, परम कल्याणकारी उत्तम ज्ञान के विषय में पूछा।

श्लोक 9 (12.308.9)

परमध्यात्मकुशलमध्यात्मगतिनिश्चयम् । मैत्रावरुणिमासीनमभिवाद्य कृताञ्जलिः ॥

paramadhyātmakuśalamadhyātmagatiniścayam | maitrāvaruṇimāsīnamabhivādya kṛtāñjaliḥ

अध्यात्म में परम कुशल और आत्मा की गति का निश्चय रखने वाले, वहाँ बैठे हुए मैत्रावरुणि वसिष्ठ को हाथ जोड़कर प्रणाम करके

श्लोक 10 (12.308.10)

स्वक्षरं प्रश्रितं वाक्यं मधुरं चाप्यनुल्वणम् । पप्रच्छर्षिवरं राजा करालजनकः पुरा ॥

svakṣaraṃ praśritaṃ vākyaṃ madhuraṃ cāpyanulvaṇam | papraccharṣivaraṃ rājā karālajanakaḥ purā

राजा करालजनक ने पहले उन ऋषिश्रेष्ठ से सुन्दर, विनम्र, मधुर और कोमल वाणी में पूछा:

श्लोक 11 (12.308.11)

भगवञ्श्रोतुमिच्छामि परं ब्रह्म सनातनम् । यस्मान्न पुनरावृत्तिमाप्नुवन्ति मनीषिणः ॥

bhagavañśrotumicchāmi paraṃ brahma sanātanam | yasmānna punarāvṛttimāpnuvanti manīṣiṇaḥ

भगवन्, मैं उस परम सनातन ब्रह्म के विषय में सुनना चाहता हूँ, जिसे पाकर ज्ञानी लोग फिर नहीं लौटते।

श्लोक 12 (12.308.12)

यच्च तत्क्षरमित्युक्तं यत्रेदं क्षरते जगत् । यच्चाक्षरमिति प्रोक्तं शिवं क्षेम्यमनामयम् ॥

yacca tatkṣaramityuktaṃ yatredaṃ kṣarate jagat | yaccākṣaramiti proktaṃ śivaṃ kṣemyamanāmayam

और जिसे क्षर कहा गया है, जिसमें यह जगत् क्षीण होता है, उसके विषय में तथा जिसे अक्षर कहा गया है, जो शिव, क्षेम और रोगरहित है, उसके विषय में भी बताइये।

श्लोक 13 (12.308.13)

श्रूयतां पृथिवीपाल क्षरतीदं यथा जगत् । यन्न क्षरति पूर्वेण यावत्कालेन चाप्यथ ॥

śrūyatāṃ pṛthivīpāla kṣaratīdaṃ yathā jagat | yanna kṣarati pūrveṇa yāvatkālena cāpyatha

हे पृथ्वीपालक, सुनो: यह जगत् कैसे क्षीण होता है, कौन-सा तत्त्व क्षीण नहीं होता, और इसमें कितना समय लगता है।

श्लोक 14 (12.308.14)

युगं द्वादशसाहस्रं कल्पं विद्धि चतुर्युगम् । दशकल्पशतावृत्तमहस्तद्ब्राह्ममुच्यते ॥

yugaṃ dvādaśasāhasraṃ kalpaṃ viddhi caturyugam | daśakalpaśatāvṛttamahastadbrāhmamucyate

जानो कि एक युग बारह हजार वर्ष का होता है और चार युगों का एक कल्प होता है। दस सौ कल्पों की आवृत्ति से ब्रह्मा का एक दिन कहा जाता है।

श्लोक 15 (12.308.15)

रात्रिश्चैतावती राजन्यस्यान्ते प्रतिबुध्यते । सृजत्यनन्तकर्माणं महान्तं भूतमग्रजम् ॥

rātriścaitāvatī rājanyasyānte pratibudhyate | sṛjatyanantakarmāṇaṃ mahāntaṃ bhūtamagrajam

हे राजन्, रात्रि भी उतनी ही लम्बी होती है; उसके अन्त में वह जागता है और अनन्त कर्मों वाले, सबसे पहले उत्पन्न होने वाले महान् तत्त्व को रचता है,

श्लोक 16 (12.308.16)

मूर्तिमन्तममूर्तात्मा विश्वं शंभुः स्वयंभुवम् । अणिमा लघिमा प्राप्तिरीशानं ज्योतिरव्ययम् ॥

mūrtimantamamūrtātmā viśvaṃ śaṃbhuḥ svayaṃbhuvam | aṇimā laghimā prāptirīśānaṃ jyotiravyayam

निराकार शम्भु ने उस साकार स्वयम्भू को रचा, जो विश्वरूप है, जो अणिमा, लघिमा और प्राप्ति से सम्पन्न, सबका स्वामी और अविनाशी ज्योति है।

श्लोक 17 (12.308.17)

सर्वतः पाणिपादं तत्सर्वतोक्षिशिरोमुखम् । सर्वतः श्रुतिमल्लोके सर्वमावृत्य तिष्ठति ॥

sarvataḥ pāṇipādaṃ tatsarvatokṣiśiromukham | sarvataḥ śrutimalloke sarvamāvṛtya tiṣṭhati

उसके हाथ-पैर सब ओर हैं, नेत्र, सिर और मुख सब ओर हैं, उसके कान सब ओर हैं; वह लोक में सबको व्याप्त करके स्थित है।

श्लोक 18 (12.308.18)

हिरण्यगर्भो भगवानेष बुद्धिरिति स्मृतः । महानिति च योगेषु विरिञ्चिरिति चाप्यजः ॥

hiraṇyagarbho bhagavāneṣa buddhiriti smṛtaḥ | mahāniti ca yogeṣu viriñciriti cāpyajaḥ

ये भगवान् हिरण्यगर्भ बुद्धि कहे गये हैं; योगशास्त्रों में वे महान् कहे जाते हैं और वे अजन्मा विरिञ्चि भी हैं।

श्लोक 19 (12.308.19)

साङ्ख्ये च पठ्यते शास्त्रे नामभिर्बहुधात्मकः । विचित्ररूपो विश्वात्मा एकाक्षर इति स्मृतः ॥

sāṅkhye ca paṭhyate śāstre nāmabhirbahudhātmakaḥ | vicitrarūpo viśvātmā ekākṣara iti smṛtaḥ

साङ्ख्यशास्त्र में उसे अनेक नामों से पढ़ा गया है; वह अनेक रूपों वाला, विचित्र आकृति का, विश्व का आत्मा और एकाक्षर कहा गया है।

श्लोक 20 (12.308.20)

वृतं नैकात्मकं येन कृतं त्रैलोक्यमात्मना । तथैव बहुरूपत्वाद्विश्वरूप इति स्मृतः ॥

vṛtaṃ naikātmakaṃ yena kṛtaṃ trailokyamātmanā | tathaiva bahurūpatvādviśvarūpa iti smṛtaḥ

क्योंकि उसने अनेक स्वरूप वाले तीनों लोकों को अपने आप से रचा और व्याप्त किया है, तथा अनेक रूपों वाला होने से भी, वह विश्वरूप कहा गया है।

श्लोक 21 (12.308.21)

एष वै विक्रियापन्नः सृजत्यात्मानमात्मना । अहंकारं महातेजाः प्रजापतिरहंकृतम् ॥

eṣa vai vikriyāpannaḥ sṛjatyātmānamātmanā | ahaṃkāraṃ mahātejāḥ prajāpatirahaṃkṛtam

विकार को प्राप्त होकर महातेजस्वी प्रजापति स्वयं ही अपने आप को अहंकार के रूप में, 'मैं' की भावना के रूप में, रचता है।

श्लोक 22 (12.308.22)

अव्यक्ताद्व्यक्तमापन्नं विद्यासर्गं वदन्ति तम् । महान्तं चाप्यहंकारमविद्यासर्गमेव च ॥

avyaktādvyaktamāpannaṃ vidyāsargaṃ vadanti tam | mahāntaṃ cāpyahaṃkāramavidyāsargameva ca

जो अव्यक्त से व्यक्त रूप में आया, उसे वे विद्या की सृष्टि कहते हैं; और महत्तत्त्व तथा अहंकार को अविद्या की सृष्टि कहते हैं।

श्लोक 23 (12.308.23)

अपरश्च परश्चैव समुत्पन्नौ तथैकतः । विद्याविद्येति विख्याते श्रुतिशास्त्रार्थचिन्तकैः ॥

aparaśca paraścaiva samutpannau tathaikataḥ | vidyāvidyeti vikhyāte śrutiśāstrārthacintakaiḥ

पर और अपर दोनों साथ-साथ उत्पन्न हुए; श्रुति और शास्त्र के अर्थ का चिन्तन करने वाले उन्हें विद्या और अविद्या के नाम से जानते हैं।

श्लोक 24 (12.308.24)

भूतसर्गमहंकारात्तृतीयं विद्धि पार्थिव । अहंकारेषु सर्वेषु चतुर्थं विद्धि वैकृतम् ॥

bhūtasargamahaṃkārāttṛtīyaṃ viddhi pārthiva | ahaṃkāreṣu sarveṣu caturthaṃ viddhi vaikṛtam

हे राजन्, जान लो कि अहंकार से भूतों की सृष्टि तीसरी है; और सभी अहंकारों में विकारी अहंकार को चौथा जानो।

श्लोक 25 (12.308.25)

वायुर्ज्योतिरथाकाशमापोऽथ पृथिवी तथा । शब्दः स्पर्शश्च रूपं च रसो गन्धस्तथैव च ॥

vāyurjyotirathākāśamāpo'tha pṛthivī tathā | śabdaḥ sparśaśca rūpaṃ ca raso gandhastathaiva ca

वायु, अग्नि, आकाश, जल और पृथ्वी; तथा शब्द, स्पर्श, रूप, रस और गन्ध।

श्लोक 26 (12.308.26)

एवं युगपदुत्पन्नं दशवर्गमसंशयम् । पञ्चमं विद्धि राजेन्द्र भौतिकं सर्गमर्थवत् ॥

evaṃ yugapadutpannaṃ daśavargamasaṃśayam | pañcamaṃ viddhi rājendra bhautikaṃ sargamarthavat

इस प्रकार यह दस का समूह निःसन्देह एक साथ उत्पन्न हुआ। हे राजेन्द्र, पाँचवीं सृष्टि भौतिक सृष्टि को जानो, जो प्रयोजन से युक्त है।

श्लोक 27 (12.308.27)

श्रोत्रं त्वक्चक्षुषी जिह्वा घ्राणमेव च पञ्चमम् । वाक्च हस्तौ च पादौ च पायुर्मेढ्रं तथैव च ॥

śrotraṃ tvakcakṣuṣī jihvā ghrāṇameva ca pañcamam | vākca hastau ca pādau ca pāyurmeḍhraṃ tathaiva ca

कान, त्वचा, दोनों नेत्र, जीभ और पाँचवीं नासिका; वाणी, दोनों हाथ, दोनों पैर, गुदा और उसी प्रकार उपस्थ।

श्लोक 28 (12.308.28)

बुद्धीन्द्रियाणि चैतानि तथा कर्मेन्द्रियाणि च । संभूतानीह युगपन्मनसा सह पार्थिव ॥

buddhīndriyāṇi caitāni tathā karmendriyāṇi ca | saṃbhūtānīha yugapanmanasā saha pārthiva

ये ज्ञानेन्द्रियाँ और कर्मेन्द्रियाँ हैं, और हे राजन्, ये यहाँ मन के साथ एक ही समय उत्पन्न हुईं।

श्लोक 29 (12.308.29)

एषा तत्त्वचतुर्विंशत्सर्वाकृतिषु वर्तते । यां ज्ञात्वा नाभिशोचन्ति ब्राह्मणास्तत्त्वदर्शिनः ॥

eṣā tattvacaturviṃśatsarvākṛtiṣu vartate | yāṃ jñātvā nābhiśocanti brāhmaṇāstattvadarśinaḥ

तत्त्वों का यह चौबीस का समूह सभी आकृतियों में विद्यमान है; इसे जानकर तत्त्वदर्शी ब्राह्मण शोक नहीं करते।

श्लोक 30 (12.308.30)

एतद्देहं समाख्यानं त्रैलोक्ये सर्वदेहिषु । वेदितव्यं नरश्रेष्ठ सदेवनरदानवे ॥

etaddehaṃ samākhyānaṃ trailokye sarvadehiṣu | veditavyaṃ naraśreṣṭha sadevanaradānave

हे नरश्रेष्ठ, तीनों लोकों में सभी देहधारियों के विषय में यह देह का वर्णन जानने योग्य है; देवताओं, मनुष्यों और दानवों में,

श्लोक 31 (12.308.31)

सयक्षभूतगन्धर्वे सकिन्नरमहोरगे । सचारणपिशाचे वै सदेवर्षिनिशाचरे ॥

sayakṣabhūtagandharve sakinnaramahorage | sacāraṇapiśāce vai sadevarṣiniśācare

यक्षों, भूतों और गन्धर्वों में, किन्नरों और महानागों में, चारणों और पिशाचों में, देवर्षियों और राक्षसों में,

श्लोक 32 (12.308.32)

सदंशकीटमशके सपूतिकृमिमूषिके । शुनि श्वपाके चैणेये सचाण्डाले सपुल्कसे ॥

sadaṃśakīṭamaśake sapūtikṛmimūṣike | śuni śvapāke caiṇeye sacāṇḍāle sapulkase

डाँस, कीड़ों और मच्छरों में, सड़ने वाले कृमियों और चूहों में, कुत्तों, श्वपाकों, मृगों, चाण्डालों और पुल्कसों में,

श्लोक 33 (12.308.33)

हस्त्यश्वखरशार्दूले सवृके गवि चैव ह । यच्च मूर्तिमयं किंचित्सर्वत्रैतन्निदर्शनम् ॥

hastyaśvakharaśārdūle savṛke gavi caiva ha | yacca mūrtimayaṃ kiṃcitsarvatraitannidarśanam

हाथियों, घोड़ों, गधों, बाघों, भेड़ियों और गायों में; और जो कुछ भी कहीं रूपवान् है, उन सबके लिए यही उदाहरण है।

श्लोक 34 (12.308.34)

जले भुवि तथाऽऽकाशे नान्यत्रेति विनिश्चयः । स्थानं देहवतामस्ति इत्येवमनुशुश्रुम ॥

jale bhuvi tathā''kāśe nānyatreti viniścayaḥ | sthānaṃ dehavatāmasti ityevamanuśuśruma

जल में, पृथ्वी पर और उसी प्रकार आकाश में, और कहीं नहीं: यही निश्चित सिद्धान्त है। देहधारियों का निवास-स्थान यही है, ऐसा हमने सुना है।

श्लोक 35 (12.308.35)

कृत्स्नमेतावतस्तात क्षरते व्यक्तसंज्ञितम् । अहन्यहनि भूतात्मा ततः क्षर इति स्मृतः ॥

kṛtsnametāvatastāta kṣarate vyaktasaṃjñitam | ahanyahani bhūtātmā tataḥ kṣara iti smṛtaḥ

हे तात, इतना सब जो व्यक्त कहलाता है, दिन-प्रतिदिन क्षीण होता रहता है; इसीलिए भूतों का यह आत्मा क्षर कहा गया है।

श्लोक 36 (12.308.36)

एतद्धि क्षरमित्युक्तं क्षरतीदं यथा जगत् । जगन्मोहात्मकं प्राहुरव्यक्तं व्यक्तसंज्ञकम् ॥

etaddhi kṣaramityuktaṃ kṣaratīdaṃ yathā jagat | jaganmohātmakaṃ prāhuravyaktaṃ vyaktasaṃjñakam

यही क्षर कहा गया है, जिस प्रकार यह जगत् क्षीण होता है। वे जगत् को मोहरूप कहते हैं, जो अव्यक्त होकर व्यक्त नाम से जाना जाता है।

श्लोक 37 (12.308.37)

महांश्चैवाग्रजो नित्यमेतत्क्षरनिदर्शनम् । कथितं ते महाराजन्यस्मान्नावर्तते पुनः ॥

mahāṃścaivāgrajo nityametatkṣaranidarśanam | kathitaṃ te mahārājanyasmānnāvartate punaḥ

और आदि में उत्पन्न हुआ महान् तत्त्व सदा क्षर का उदाहरण है। हे महाराज, तुम्हें वह बता दिया गया जिससे फिर लौटना नहीं होता।

श्लोक 38 (12.308.38)

पञ्चविंशतिमो विष्णुर्निस्तत्त्वस्तत्त्वसंज्ञितः । तत्त्वसंश्रयणादेतत्तत्वमाहुर्मनीषिणः ॥

pañcaviṃśatimo viṣṇurnistattvastattvasaṃjñitaḥ | tattvasaṃśrayaṇādetattatvamāhurmanīṣiṇaḥ

पच्चीसवाँ विष्णु है, जो स्वयं तत्त्वरहित होकर भी तत्त्व कहलाता है; तत्त्वों का आश्रय लेने के कारण ज्ञानी लोग उसे तत्त्व कहते हैं।

श्लोक 39 (12.308.39)

यन्मर्त्यमसृजद्व्यक्तं तत्तन्मूर्त्यधितिष्ठति । चतुर्विंशतिमोऽव्यक्तो ह्यमूर्तः पञ्चविंशकः ॥

yanmartyamasṛjadvyaktaṃ tattanmūrtyadhitiṣṭhati | caturviṃśatimo'vyakto hyamūrtaḥ pañcaviṃśakaḥ

जिस-जिस मर्त्य व्यक्त रूप को उसने रचा, उस-उस रूप में वह अधिष्ठित होता है। चौबीसवाँ अव्यक्त है और पच्चीसवाँ अमूर्त है।

श्लोक 40 (12.308.40)

स एव हृदि सर्वासु मूर्तिष्वात्मावतिष्ठते । चेतयंश्चेतनान्नित्यं सर्वमूर्तिरमूर्तिमान् ॥

sa eva hṛdi sarvāsu mūrtiṣvātmāvatiṣṭhate | cetayaṃścetanānnityaṃ sarvamūrtiramūrtimān

वही सब शरीरों में हृदय में आत्मा रूप से स्थित है, सदा चेतनों को चेतना देता हुआ; वह सब रूपों वाला होकर भी अमूर्त है।

श्लोक 41 (12.308.41)

सर्वप्रत्ययधर्मिण्यां स सर्गः प्रत्ययात्मकः । गोचरे वर्तते नित्यं निर्गुणो गुणसंज्ञिते ॥

sarvapratyayadharmiṇyāṃ sa sargaḥ pratyayātmakaḥ | gocare vartate nityaṃ nirguṇo guṇasaṃjñite

सब प्रतीतियों के धर्म वाली उस सृष्टि में प्रतीतिरूप वह, स्वयं निर्गुण होकर भी, गुण नाम वाले विषय-क्षेत्र में सदा रहता है।

श्लोक 42 (12.308.42)

एवमेष महानात्मा सर्गप्रलयकोविदः । विकुर्वाणः प्रकृतिमानभिमन्यत्यबुद्धिमान् ॥

evameṣa mahānātmā sargapralayakovidaḥ | vikurvāṇaḥ prakṛtimānabhimanyatyabuddhimān

इस प्रकार सृष्टि और प्रलय को जानने वाला यह महान् आत्मा विकार को प्राप्त होकर और प्रकृति को अपनाकर, अज्ञान के कारण उसे ही अपना मान बैठता है।

श्लोक 43 (12.308.43)

तमः सत्वरजोयुक्तस्तासु तास्विह योनिषु । लीयतेऽप्रतिबुद्धत्वादबुद्धजनसेवनात् ॥

tamaḥ satvarajoyuktastāsu tāsviha yoniṣu | līyate'pratibuddhatvādabuddhajanasevanāt

तम, सत्त्व और रज से युक्त होकर वह जाग्रत न होने के कारण और अज्ञानियों की संगति से उन-उन योनियों में लीन होता है।

श्लोक 44 (12.308.44)

सहवासनिवासात्मा नान्योऽहमिति मन्यते । योऽहं सोऽहमिति ह्युक्त्वा गुणानेवानुवर्तते ॥

sahavāsanivāsātmā nānyo'hamiti manyate | yo'haṃ so'hamiti hyuktvā guṇānevānuvartate

उनके साथ रहने में ही जिसका आत्मभाव बैठ गया है, वह मानता है कि 'मैं इससे भिन्न नहीं हूँ'। 'जो मैं हूँ, वही मैं हूँ' ऐसा कहकर वह गुणों का ही अनुसरण करता है।

श्लोक 45 (12.308.45)

तमसा तामसान्भावान्विविधान्प्रतिपद्यते । रजसा राजसांश्चैव सात्विकान्सत्वसंश्रयात् ॥

tamasā tāmasānbhāvānvividhānpratipadyate | rajasā rājasāṃścaiva sātvikānsatvasaṃśrayāt

तमस् से वह नाना प्रकार की तामसी अवस्थाओं को, रजस् से राजसी अवस्थाओं को और सत्त्व का आश्रय लेने से सात्त्विकी अवस्थाओं को प्राप्त होता है।

श्लोक 46 (12.308.46)

शुक्ललोहितकृष्णानि रूपाण्येतानि त्रीणि तु । सर्वाण्येतानि रूपाणि यानीह प्राकृतानि वै ॥

śuklalohitakṛṣṇāni rūpāṇyetāni trīṇi tu | sarvāṇyetāni rūpāṇi yānīha prākṛtāni vai

श्वेत, लाल और काले ये तीन रूप हैं; और यहाँ जितने भी रूप हैं वे सब प्रकृति के हैं।

श्लोक 47 (12.308.47)

तामसा निरयं यान्ति राजसा मानुषानथ । सात्विका देवलोकाय गच्छन्ति सुखभागिनः ॥

tāmasā nirayaṃ yānti rājasā mānuṣānatha | sātvikā devalokāya gacchanti sukhabhāginaḥ

तामसी लोग नरक को जाते हैं, राजसी मनुष्यों में जन्म लेते हैं, और सात्त्विक लोग सुख के भागी होकर देवलोक को जाते हैं।

श्लोक 48 (12.308.48)

निष्कैवल्येन पापेन तिर्यग्योनिमवाप्नुयात् । पुण्यपापेन मानुष्यं पुण्येनैकेन देवताः ॥

niṣkaivalyena pāpena tiryagyonimavāpnuyāt | puṇyapāpena mānuṣyaṃ puṇyenaikena devatāḥ

केवल पाप से मनुष्य पशु-पक्षी की योनि पाता है; पुण्य और पाप दोनों से मनुष्य-जन्म और केवल पुण्य से देवत्व।

श्लोक 49 (12.308.49)

एवमव्यक्तविषयं क्षरमाहुर्मनीषिणः । पञ्चविंशतिमो योऽयं ज्ञानादेव प्रवर्तते ॥

evamavyaktaviṣayaṃ kṣaramāhurmanīṣiṇaḥ | pañcaviṃśatimo yo'yaṃ jñānādeva pravartate

इस प्रकार ज्ञानी जन अव्यक्त को विषय बनाने वाले को क्षर कहते हैं; किन्तु यह पच्चीसवाँ केवल ज्ञान से ही प्रवृत्त होता है।