नारद का श्वेतद्वीप-गमन; सप्तर्षियों का शास्त्र और राजा उपरिचर

श्लोक 1 (12.343.1)

स एवमुक्तो द्विपदां वरिष्ठो । नारायणेनोत्तमपूरुषेण । जगाद वाक्यं द्विपदां वरिष्ठं । नारायणं लोकहिताधिवासम् ॥

sa evamukto dvipadāṃ variṣṭho | nārāyaṇenottamapūruṣeṇa | jagāda vākyaṃ dvipadāṃ variṣṭhaṃ | nārāyaṇaṃ lokahitādhivāsam

परम पुरुष नारायण के इस प्रकार कहने पर द्विपदों में श्रेष्ठ नारद ने, द्विपदों में श्रेष्ठ तथा लोकहित के आश्रय नारायण से यह वचन कहा।

श्लोक 2 (12.343.2)

यदर्थमात्मप्रभवेह जन्म । त्वयोत्तमं धर्मगृहे चतुर्धा । तत्साध्यतां लोकहितार्थमद्य । गच्छामि द्रष्टुं प्रकृतिं तवाद्याम् ॥

yadarthamātmaprabhaveha janma | tvayottamaṃ dharmagṛhe caturdhā | tatsādhyatāṃ lokahitārthamadya | gacchāmi draṣṭuṃ prakṛtiṃ tavādyām

हे स्वयंभू, धर्म के घर में चार रूपों में आपने जिस उद्देश्य से यह उत्तम जन्म लिया है, वह आज लोकहित के लिए सिद्ध हो। मैं आपके आदि स्वरूप के दर्शन करने जाता हूँ।

श्लोक 3 (12.343.3)

वेदाः स्वधीता मम लोकनाथ । तप्तं तपो नानृतमुक्तपूर्वम् । पूजां गुरूणां सततं करोमि । परस्य गुह्यं न तु भिन्नपूर्वम् ॥

vedāḥ svadhītā mama lokanātha | taptaṃ tapo nānṛtamuktapūrvam | pūjāṃ gurūṇāṃ satataṃ karomi | parasya guhyaṃ na tu bhinnapūrvam

हे लोकनाथ, मैंने वेदों का भली-भाँति अध्ययन किया है, तप किया है और पहले कभी असत्य नहीं कहा। मैं सदा गुरुजनों की पूजा करता हूँ और मैंने पहले कभी किसी का रहस्य प्रकट नहीं किया।

श्लोक 4 (12.343.4)

गुप्तानि चत्वारि यथागमं मे । शत्रौ च मित्रे च समोऽस्मि नित्यम् । तं चादिदेवं सततं प्रपन्न । एकान्तभावेन वृणोम्यजस्रम् ॥

guptāni catvāri yathāgamaṃ me | śatrau ca mitre ca samo'smi nityam | taṃ cādidevaṃ satataṃ prapanna | ekāntabhāvena vṛṇomyajasram

शास्त्र के अनुसार मैंने अपनी चारों इन्द्रियों (हाथ, पैर, उदर और उपस्थ) को सुरक्षित रखा है। शत्रु और मित्र के प्रति मैं सदा समान हूँ। उन्हीं आदिदेव की शरण में मैं निरन्तर रहा हूँ और एकनिष्ठ भाव से उन्हें ही निरन्तर वरता हूँ।

श्लोक 5 (12.343.5)

एभिर्विशेषैः परिशुद्धसत्वः । कस्मान्न पश्येयमनन्तमीशम् । तत्पारमेष्ठ्यस्य वचो निशम्य । नारायणः शाश्वतधर्मगोप्ता ॥

ebhirviśeṣaiḥ pariśuddhasatvaḥ | kasmānna paśyeyamanantamīśam | tatpārameṣṭhyasya vaco niśamya | nārāyaṇaḥ śāśvatadharmagoptā

इन गुणों से मेरा अन्तःकरण पूर्ण रूप से शुद्ध है; तब मैं उन अनन्त ईश्वर को क्यों न देख सकूँ? ब्रह्मा के पुत्र के ये वचन सुनकर शाश्वत धर्म के रक्षक नारायण ने

श्लोक 6 (12.343.6)

गच्छेति तं नारदमुक्तबान्स । संपूजयित्वा विधिवत्क्रियाभिः । ततो विसृष्टः परमेष्ठिपुत्रः । सोऽभ्यर्चयित्वा तमृषिं पुराणम् ॥

gaccheti taṃ nāradamuktabānsa | saṃpūjayitvā vidhivatkriyābhiḥ | tato visṛṣṭaḥ parameṣṭhiputraḥ | so'bhyarcayitvā tamṛṣiṃ purāṇam

नारद से ‘जाओ’ कहा और विधिपूर्वक उनका सत्कार किया। तब विदा किए गए ब्रह्मा के पुत्र ने उस पुराण ऋषि की पूजा करके

श्लोक 7 (12.343.7)

खमुत्पपातोत्तमयोगयुक्त । स्ततोऽधिमेरौ सहसा निलिल्ये । तत्रावतस्थे च मुनिर्मुहूर्त । मेकान्तमासाद्य गिरेः स शृङ्गे ॥

khamutpapātottamayogayukta | stato'dhimerau sahasā nililye | tatrāvatasthe ca munirmuhūrta | mekāntamāsādya gireḥ sa śṛṅge

परम योगबल से युक्त होकर आकाश में उड़ा और फिर सहसा मेरु पर उतर आया। वहाँ वह मुनि पर्वत के एक एकान्त शिखर पर पहुँचकर क्षण भर ठहरा।

श्लोक 8 (12.343.8)

आलोकयन्नुत्तरपश्चिमेन । ददर्श चाप्यद्भुतमुक्तरूपम् । क्षीरोदधेर्योत्तरतो हि द्वीपः । श्वेतः स नाम्ना प्रथितो विशालः ॥

ālokayannuttarapaścimena | dadarśa cāpyadbhutamuktarūpam | kṣīrodadheryottarato hi dvīpaḥ | śvetaḥ sa nāmnā prathito viśālaḥ

उत्तर-पश्चिम की ओर देखते हुए उसने एक अद्भुत दृश्य देखा, जैसा कहा गया है: क्षीरसागर के उत्तर में एक विशाल द्वीप है, जो श्वेत नाम से प्रसिद्ध है।

श्लोक 9 (12.343.9)

मेरोः सहस्रैः स हि योजनानां । द्वात्रिंशतोर्ध्वं कविभिर्निरुक्तः । अनिन्द्रियाश्चानशनाश्च तत्र । निष्पन्दहीनाः सुसुगन्धिनस्ते ॥

meroḥ sahasraiḥ sa hi yojanānāṃ | dvātriṃśatordhvaṃ kavibhirniruktaḥ | anindriyāścānaśanāśca tatra | niṣpandahīnāḥ susugandhinaste

कवियों ने बताया है कि वह मेरु से बत्तीस हज़ार योजन ऊपर है। वहाँ के लोग इन्द्रियरहित, निराहार और निश्चल हैं, और उनसे सुन्दर सुगन्ध आती है।

श्लोक 10 (12.343.10)

श्वेताः पुमांसो गतसर्वपापा । श्चक्षुर्मुषः पापकृतां नराणाम् । वज्रास्थिकायाः सममानोन्माना । दिव्यावयवरूपाः शुभसारोपेताः ॥

śvetāḥ pumāṃso gatasarvapāpā | ścakṣurmuṣaḥ pāpakṛtāṃ narāṇām | vajrāsthikāyāḥ samamānonmānā | divyāvayavarūpāḥ śubhasāropetāḥ

वे श्वेत वर्ण के पुरुष हैं, सब पापों से रहित, जो पापी मनुष्यों की दृष्टि हर लेते हैं। उनके शरीर और अस्थियाँ वज्र जैसी कठोर हैं, वे माप और तौल में सम हैं, उनके अंग और रूप दिव्य हैं और वे उत्तम बल से सम्पन्न हैं।

श्लोक 11 (12.343.11)

छत्राकृतिशीर्षा मेघौघनिनादाः । सममुष्कचतुष्का राजीवच्छदपादाः । षष्ट्या दन्तैर्युक्ताः शुक्लैरष्टाभिर्दंष्ट्राभिर्ये । जिह्वाभिर्ये विश्ववक्रं लेलिह्यन्ते सूर्यप्रख्यम् ॥

chatrākṛtiśīrṣā meghaughaninādāḥ | samamuṣkacatuṣkā rājīvacchadapādāḥ | ṣaṣṭyā dantairyuktāḥ śuklairaṣṭābhirdaṃṣṭrābhirye | jihvābhirye viśvavakraṃ lelihyante sūryaprakhyam

उनके सिर छत्र के आकार के हैं और उनकी वाणी मेघसमूह की गर्जना जैसी है; उनके शरीर के चारों सन्धि-स्थान समान हैं और चरण कमल की पंखुड़ियों जैसे हैं। उनके साठ श्वेत दाँत और आठ दंष्ट्राएँ हैं, और वे अपनी जिह्वाओं से सूर्य के समान दीप्त विश्व-मुख को चाटते रहते हैं।

श्लोक 12 (12.343.12)

भक्त्या देवं विश्वोत्पन्नं यस्मात्सर्वे लोकाः सूताः । वेदा धर्मा मुनयः शान्ता देवाः सर्वे तस्य विसर्गाः ॥

bhaktyā devaṃ viśvotpannaṃ yasmātsarve lokāḥ sūtāḥ | vedā dharmā munayaḥ śāntā devāḥ sarve tasya visargāḥ

वे उन देव के भक्त हैं जिनसे विश्व उत्पन्न हुआ, जिनसे सब लोक जन्मे हैं। वेद, धर्म, शान्त मुनि और सब देवता उन्हीं की सृष्टि हैं।

श्लोक 13 (12.343.13)

अनिन्द्रिया निराहारा अनिष्पन्दाः सुगन्धिनः । कथं ते पुरुषा जाताः का तेषां गतिरुत्तमा ॥

anindriyā nirāhārā aniṣpandāḥ sugandhinaḥ | kathaṃ te puruṣā jātāḥ kā teṣāṃ gatiruttamā

इन्द्रियरहित, निराहार, निश्चल और सुगन्धित वे पुरुष कैसे उत्पन्न हुए? और उनकी परम गति क्या है?

श्लोक 14 (12.343.14)

ये च मुक्ता भवन्तीह नरा भरतसत्तम । तेषां लक्षणमेतद्धि तच्छ्वेतद्वीपवासिनाम् ॥

ye ca muktā bhavantīha narā bharatasattama | teṣāṃ lakṣaṇametaddhi tacchvetadvīpavāsinām

हे भरतश्रेष्ठ, इस लोक में जो मनुष्य मुक्त होते हैं, उनका यही लक्षण है, और यही श्वेतद्वीप के निवासियों का भी लक्षण है।

श्लोक 15 (12.343.15)

तस्मान्मे संशयं छिन्धि परं कौतूहलं हि मे । त्वं हि सर्वकथारामस्त्वां चैवोपाश्रिता वयम् ॥

tasmānme saṃśayaṃ chindhi paraṃ kautūhalaṃ hi me | tvaṃ hi sarvakathārāmastvāṃ caivopāśritā vayam

इसलिए मेरा संशय दूर कीजिए, मुझे बहुत उत्सुकता है। आप सब कथाओं के आनन्द-स्थल हैं और हम आपकी शरण में हैं।

श्लोक 16 (12.343.16)

विस्तीर्णैषा कथा राजञ्श्रुता मे पितृसन्निधौ । यैषा तव हि वक्तव्या कथासारो हि सा मता ॥

vistīrṇaiṣā kathā rājañśrutā me pitṛsannidhau | yaiṣā tava hi vaktavyā kathāsāro hi sā matā

हे राजन्, यह कथा बहुत विस्तृत है, जिसे मैंने अपने पिता के समीप सुना था। यही कथा तुमसे कही जानी चाहिए, क्योंकि यह कथाओं का सार मानी गई है।

श्लोक 17 (12.343.17)

शन्तनोः कथयामास नारदो मुनिसत्तमः । राज्ञा पृष्टः पुरा प्राह तत्राहं श्रुतवान्पुरा ॥

śantanoḥ kathayāmāsa nārado munisattamaḥ | rājñā pṛṣṭaḥ purā prāha tatrāhaṃ śrutavānpurā

मुनियों में श्रेष्ठ नारद ने यह कथा शन्तनु को सुनाई थी। राजा के पूछने पर उन्होंने पहले इसे कहा था, और वहीं मैंने इसे उस समय सुना था।

श्लोक 18 (12.343.18)

राजोपरिचरो नाम बभूवाधिपतिर्भुवः । आखण्डलसखः ख्यातो भक्तो नारायणं हरिं ॥

rājoparicaro nāma babhūvādhipatirbhuvaḥ | ākhaṇḍalasakhaḥ khyāto bhakto nārāyaṇaṃ hariṃ

उपरिचर नाम का एक राजा पृथ्वी का स्वामी था, जो इन्द्र का मित्र प्रसिद्ध था और नारायण हरि का भक्त था।

श्लोक 19 (12.343.19)

धार्मिको नित्यभक्तश्च पितुर्नित्यमतन्द्रितः । साम्राज्यं तेन संप्राप्तं नारायणवरात्पुरा ॥

dhārmiko nityabhaktaśca piturnityamatandritaḥ | sāmrājyaṃ tena saṃprāptaṃ nārāyaṇavarātpurā

वह धार्मिक था, सदा भक्त था और अपने पिता की सेवा में निरन्तर सावधान रहता था। उसने पहले नारायण के वरदान से साम्राज्य प्राप्त किया था।

श्लोक 20 (12.343.20)

सात्वतं विधिमास्थाय प्राक्सूर्यमुखनिःसृतम् । पूजयामास देवेशं तच्छेषेण पितामहान् ॥

sātvataṃ vidhimāsthāya prāksūryamukhaniḥsṛtam | pūjayāmāsa deveśaṃ taccheṣeṇa pitāmahān

प्राचीन काल में सूर्य के मुख से निकली सात्वत विधि का आश्रय लेकर उसने देवेश की पूजा की और उसके शेष से पितरों का सत्कार किया।

श्लोक 21 (12.343.21)

पितृशेषेण विप्रांश्च संविभज्याश्रितांश्च सः । शेषान्नभुक्सत्यपरः सर्वभूतेष्वहिंसकः ॥

pitṛśeṣeṇa viprāṃśca saṃvibhajyāśritāṃśca saḥ | śeṣānnabhuksatyaparaḥ sarvabhūteṣvahiṃsakaḥ

पितरों के भाग से बचे हुए अन्न को उसने ब्राह्मणों और आश्रितों में बाँटा और स्वयं शेष अन्न ही खाया। वह सत्य में तत्पर था और किसी प्राणी की हिंसा नहीं करता था।

श्लोक 22 (12.343.22)

सर्वभावेन भक्तः स देवदेवं जनार्दनम् । अनादिमध्यनिधनं लोककर्तारमव्ययम् ॥

sarvabhāvena bhaktaḥ sa devadevaṃ janārdanam | anādimadhyanidhanaṃ lokakartāramavyayam

वह पूरे भाव से देवों के देव जनार्दन का भक्त था, जो आदि, मध्य और अन्त से रहित, लोकों के कर्ता और अविनाशी हैं।

श्लोक 23 (12.343.23)

तस्य नारायणे भक्तिं वहतोऽमित्रकर्शिनः । एकशय्यासनं देवो दत्तवान्देवराट् स्वयम् ॥

tasya nārāyaṇe bhaktiṃ vahato'mitrakarśinaḥ | ekaśayyāsanaṃ devo dattavāndevarāṭ svayam

शत्रुओं का नाश करने वाला वह राजा जब नारायण के प्रति इस प्रकार भक्ति रखता था, तब देवराज ने स्वयं उसे अपनी शय्या और आसन पर स्थान दिया।

श्लोक 24 (12.343.24)

आत्मराज्यं धनं चैव कलत्रं वाहनं तथा । यत्तद्भागवतं सर्वमिति तत्प्रेषितं सदा ॥

ātmarājyaṃ dhanaṃ caiva kalatraṃ vāhanaṃ tathā | yattadbhāgavataṃ sarvamiti tatpreṣitaṃ sadā

अपना राज्य, धन, पत्नियाँ और वाहन, यह सब भगवान् का है, ऐसा मानकर वह इन्हें सदा उन्हीं को अर्पित करता रहता था।

श्लोक 25 (12.343.25)

काम्यनैमित्तिका राजन्यज्ञियाः परमक्रियाः । सर्वाः सात्वतमास्थाय विधिं चक्रे समाहितः ॥

kāmyanaimittikā rājanyajñiyāḥ paramakriyāḥ | sarvāḥ sātvatamāsthāya vidhiṃ cakre samāhitaḥ

हे राजन्, काम्य और नैमित्तिक सभी उत्तम यज्ञ-कर्म उसने सात्वत विधि का आश्रय लेकर एकाग्र मन से किए।

श्लोक 26 (12.343.26)

पाञ्चरात्रविदो मुख्यास्तस्य गेहे महात्मनः । वरान्नं भगवत्प्रोक्तं भुञ्जते वाऽग्रभोजनम् ॥

pāñcarātravido mukhyāstasya gehe mahātmanaḥ | varānnaṃ bhagavatproktaṃ bhuñjate vā'grabhojanam

उस महात्मा के घर में पाञ्चरात्र के श्रेष्ठ ज्ञाता भगवान् द्वारा बताए गए उत्तम अन्न को सबसे पहले भोजन के रूप में ग्रहण करते थे।

श्लोक 27 (12.343.27)

तस्य प्रशासतो राज्यं धर्मेणामित्रघातिनः । नानृता वाक्समभवन्मनो दुष्टं न चाभवत् । न च कायेन कृतवान्स पापं परमण्वपि ॥

tasya praśāsato rājyaṃ dharmeṇāmitraghātinaḥ | nānṛtā vāksamabhavanmano duṣṭaṃ na cābhavat | na ca kāyena kṛtavānsa pāpaṃ paramaṇvapi

शत्रुओं का नाश करने वाला वह धर्म से राज्य का शासन करता था; उसकी वाणी से कभी असत्य नहीं निकला, उसके मन में दुष्ट विचार नहीं आया, और उसने शरीर से अणु मात्र भी पाप नहीं किया।

श्लोक 28 (12.343.28)

ये हि ते ऋषयः ख्याताः सप्त चित्रशिखण्डिनः । तैरेकमतिभिर्भूत्वा यत्प्रोक्तं शास्त्रमुत्तमम् ॥

ye hi te ṛṣayaḥ khyātāḥ sapta citraśikhaṇḍinaḥ | tairekamatibhirbhūtvā yatproktaṃ śāstramuttamam

जो सात प्रसिद्ध ऋषि चित्रशिखण्डी कहलाते हैं, उन्होंने एकमत होकर जो उत्तम शास्त्र कहा,

श्लोक 29 (12.343.29)

वेदैश्चतुर्भिः समितं कृतं मेरौ महागिरौ । आस्यैः सप्तभिरुद्गीर्णं लोकधर्ममनुत्तमम् ॥

vedaiścaturbhiḥ samitaṃ kṛtaṃ merau mahāgirau | āsyaiḥ saptabhirudgīrṇaṃ lokadharmamanuttamam

वह शास्त्र चारों वेदों के समान है; महापर्वत मेरु पर रचा गया और सात मुखों से उच्चारित हुआ। वह संसार का अनुपम धर्म है।

श्लोक 30 (12.343.30)

मरीचिरत्र्यङ्गिरसौ पुलस्त्यः पुलहः क्रतुः । वसिष्ठश्च महातेजास्ते हि चित्रशिखण्डिनः ॥

marīciratryaṅgirasau pulastyaḥ pulahaḥ kratuḥ | vasiṣṭhaśca mahātejāste hi citraśikhaṇḍinaḥ

मरीचि, अत्रि, अङ्गिरा, पुलस्त्य, पुलह, क्रतु और महातेजस्वी वसिष्ठ, ये ही चित्रशिखण्डी हैं।

श्लोक 31 (12.343.31)

सप्त प्रकृतयो ह्येतास्तथा स्वायंभुवोऽष्टमः । एताभिर्धार्यते लोकस्ताभ्यः शास्त्रं विनिःसृतं ॥

sapta prakṛtayo hyetāstathā svāyaṃbhuvo'ṣṭamaḥ | etābhirdhāryate lokastābhyaḥ śāstraṃ viniḥsṛtaṃ

ये सात प्रकृतियाँ हैं और स्वायम्भुव मनु आठवें हैं। इनसे लोक धारण किया जाता है और इन्हीं से वह शास्त्र प्रकट हुआ।

श्लोक 32 (12.343.32)

एकाग्रमनसो दान्ता मुनयः संयमे रताः । भूतभव्यभविष्यज्ञाः सत्यधर्मपरायणाः ॥

ekāgramanaso dāntā munayaḥ saṃyame ratāḥ | bhūtabhavyabhaviṣyajñāḥ satyadharmaparāyaṇāḥ

वे मुनि एकाग्र मन वाले, जितेन्द्रिय और संयम में रत थे; भूत, वर्तमान और भविष्य के ज्ञाता तथा सत्य और धर्म में तत्पर थे।

श्लोक 33 (12.343.33)

इदं श्रेय इदं ब्रह्म इदं हितमनुत्तमम् । लोकान्संचिन्त्य मनसा ततः शास्त्रं प्रचक्रिरे ॥

idaṃ śreya idaṃ brahma idaṃ hitamanuttamam | lokānsaṃcintya manasā tataḥ śāstraṃ pracakrire

‘यही कल्याण है, यही ब्रह्म है, यही सर्वोत्तम हित है’, इस प्रकार लोकों के विषय में मन से विचार करके उन्होंने तब शास्त्र की रचना की।

श्लोक 34 (12.343.34)

तत्र धर्मार्थकामा हि मोक्षः पश्चाच्च कीर्तितः । मर्यादा विविधाश्चैव दिवि भूमौ च संस्थिताः ॥

tatra dharmārthakāmā hi mokṣaḥ paścācca kīrtitaḥ | maryādā vividhāścaiva divi bhūmau ca saṃsthitāḥ

उसमें धर्म, अर्थ और काम का वर्णन है, और अन्त में मोक्ष का; साथ ही स्वर्ग और पृथ्वी पर स्थापित अनेक प्रकार की मर्यादाएँ भी उसमें बताई गई हैं।

श्लोक 35 (12.343.35)

आराध्य तपसा देवं हरिं नारायणं प्रभुम् । दिव्यं वर्षसहस्रं वै सर्वे ते ऋषिभिः सह ॥

ārādhya tapasā devaṃ hariṃ nārāyaṇaṃ prabhum | divyaṃ varṣasahasraṃ vai sarve te ṛṣibhiḥ saha

देवता हरि नारायण प्रभु की तपस्या से आराधना करके, एक दिव्य सहस्र वर्ष तक, वे सब ऋषियों के साथ,

श्लोक 36 (12.343.36)

नारायणानुशिष्टा हि तदा देवी सरस्वती । विवेश तानृषीन्सर्वाँल्लोकानां हितकाम्यया ॥

nārāyaṇānuśiṣṭā hi tadā devī sarasvatī | viveśa tānṛṣīnsarvām̐llokānāṃ hitakāmyayā

तब नारायण के आदेश से देवी सरस्वती ने लोकों के कल्याण की इच्छा से उन सब ऋषियों में प्रवेश किया।

श्लोक 37 (12.343.37)

ततः प्रवर्तिता सम्यक्तपोविद्भिर्द्विजातिभिः । शब्दे चार्थे च हेतौ च एषा प्रथमसर्गजा ॥

tataḥ pravartitā samyaktapovidbhirdvijātibhiḥ | śabde cārthe ca hetau ca eṣā prathamasargajā

तब तपस्या के ज्ञाता उन द्विजों ने शब्द, अर्थ और हेतु में उसे भली-भाँति प्रवर्तित किया। यही प्रथम सृष्टि में उत्पन्न शास्त्र है।

श्लोक 38 (12.343.38)

आदावेव हि तच्छास्त्रमोंकारस्वरपूजितम् । ऋषिभिः श्रावितं तत्र यत्र कारुणिकोह्यसौ ॥

ādāveva hi tacchāstramoṃkārasvarapūjitam | ṛṣibhiḥ śrāvitaṃ tatra yatra kāruṇikohyasau

आरम्भ में ही ओंकार के स्वर से पूजित वह शास्त्र ऋषियों ने वहाँ सुनाया, जहाँ वे करुणामय भगवान् विराजमान हैं।

श्लोक 39 (12.343.39)

ततः प्रसन्नो भगवाननिर्दिष्टशरीरगः । ऋषीनुवाच तान्सर्वानदृश्यः पुरुषोत्तमः ॥

tataḥ prasanno bhagavānanirdiṣṭaśarīragaḥ | ṛṣīnuvāca tānsarvānadṛśyaḥ puruṣottamaḥ

तब प्रसन्न हुए भगवान् पुरुषोत्तम ने, जिनका शरीर निर्दिष्ट नहीं किया जा सकता और जो अदृश्य थे, उन सब ऋषियों से कहा।

श्लोक 40 (12.343.40)

कृतं शतसहस्रं हि श्लोकानां हितमुत्तमम् । लोकतन्त्रस्य कृत्स्नस्य यस्माद्धर्मः प्रवर्तते ॥

kṛtaṃ śatasahasraṃ hi ślokānāṃ hitamuttamam | lokatantrasya kṛtsnasya yasmāddharmaḥ pravartate

लोक की सम्पूर्ण व्यवस्था के लिए एक लाख श्लोकों की यह उत्तम और हितकारी रचना हुई है, जिससे धर्म प्रवर्तित होता है।

श्लोक 41 (12.343.41)

प्रवृत्तौ च निवृत्तौ च यस्मादेतद्भविष्यति । यजुर्ऋक्सामभिर्जुष्टमथर्वाङ्गिरसैस्तथा ॥

pravṛttau ca nivṛttau ca yasmādetadbhaviṣyati | yajurṛksāmabhirjuṣṭamatharvāṅgirasaistathā

चूँकि यह प्रवृत्ति और निवृत्ति दोनों मार्गों का आधार होगा, इसलिए यजुः, ऋक् और साम ने तथा अथर्वाङ्गिरस ने भी इसका अनुमोदन किया है।

श्लोक 42 (12.343.42)

यथाप्रमाणं हि मया कृतो ब्रह्म प्रसादतः । रुद्रश्च क्रोधजो विप्रा यूयं प्रकृतयस्तथा ॥

yathāpramāṇaṃ hi mayā kṛto brahma prasādataḥ | rudraśca krodhajo viprā yūyaṃ prakṛtayastathā

हे विप्रो, मैंने अपनी कृपा से ब्रह्मा को और क्रोध से उत्पन्न रुद्र को प्रमाण (प्राधिकारी) बनाया है, और इसी प्रकार आप प्रकृतियों को भी।

श्लोक 43 (12.343.43)

सूर्याचन्द्रमसौ वायुर्भूमिरापोऽग्निरेव च । सर्वे च नक्षत्रगणा यच्च भूताभिशब्दितम् ॥

sūryācandramasau vāyurbhūmirāpo'gnireva ca | sarve ca nakṣatragaṇā yacca bhūtābhiśabditam

सूर्य और चन्द्रमा, वायु, पृथ्वी, जल और अग्नि, सब नक्षत्रगण और जो कुछ भी प्राणी कहलाता है,

श्लोक 44 (12.343.44)

अधिकारेषु वर्तन्ते यथास्वं ब्रह्मवादिनः । सर्वे प्रमाणं हि यथा तथा तच्छास्त्रमुत्तमम् ॥

adhikāreṣu vartante yathāsvaṃ brahmavādinaḥ | sarve pramāṇaṃ hi yathā tathā tacchāstramuttamam

तथा सब ब्रह्मवादी, ये सब अपने-अपने अधिकारों में स्थित हैं। जैसे ये सब प्रमाण हैं, वैसे ही वह उत्तम शास्त्र भी प्रमाण होगा।

श्लोक 45 (12.343.45)

भविष्यति प्रमाणं वै एतन्मदनुशासनम् । तस्मात्प्रवक्ष्यते धर्मान्मनुः स्वायंभुवः स्वयम् ॥

bhaviṣyati pramāṇaṃ vai etanmadanuśāsanam | tasmātpravakṣyate dharmānmanuḥ svāyaṃbhuvaḥ svayam

मेरा यह अनुशासन प्रमाण होगा। इसलिए स्वायम्भुव मनु स्वयं धर्मों का उपदेश करेंगे।

श्लोक 46 (12.343.46)

उशना बृहस्पतिश्चैव यदोत्पन्नौ भविष्यतः । तदा प्रवक्ष्यतः शास्त्रं युष्मन्मतिभिरुद्धृतम् ॥

uśanā bṛhaspatiścaiva yadotpannau bhaviṣyataḥ | tadā pravakṣyataḥ śāstraṃ yuṣmanmatibhiruddhṛtam

जब उशना और बृहस्पति उत्पन्न होंगे, तब वे आपके विचारों से उद्धृत शास्त्र का उपदेश करेंगे।

श्लोक 47 (12.343.47)

स्वायंभुवेषु धर्मेषु शास्त्रे चोशनसा कृते । बृहस्पतिमते चैव लोकेषु प्रतिचारिते ॥

svāyaṃbhuveṣu dharmeṣu śāstre cośanasā kṛte | bṛhaspatimate caiva lokeṣu praticārite

जब स्वायम्भुव के धर्म, उशना द्वारा रचित शास्त्र और बृहस्पति का मत लोकों में प्रचारित हो चुकेंगे,

श्लोक 48 (12.343.48)

युष्मत्कृतमिदं शास्त्रं प्रजापालो वसुस्ततः । बृहस्पतिसकाशाद्वै प्राप्स्यते द्विजसत्तमाः ॥

yuṣmatkṛtamidaṃ śāstraṃ prajāpālo vasustataḥ | bṛhaspatisakāśādvai prāpsyate dvijasattamāḥ

तब प्रजा का पालन करने वाले राजा वसु, हे द्विजश्रेष्ठो, आपके द्वारा रचित इस शास्त्र को बृहस्पति से प्राप्त करेंगे।

श्लोक 49 (12.343.49)

स हि मद्भावनिरतो मद्भक्तश्च भविष्यति । तेन शास्त्रेण लोकेषु क्रियाः सर्वाः करिष्यति ॥

sa hi madbhāvanirato madbhaktaśca bhaviṣyati | tena śāstreṇa lokeṣu kriyāḥ sarvāḥ kariṣyati

वे मेरे भाव में लीन और मेरे भक्त होंगे, और उसी शास्त्र के अनुसार लोकों में सब कर्म करेंगे।

श्लोक 50 (12.343.50)

एतद्धि युष्मच्छास्त्राणां शास्त्रमुत्तमसंज्ञितम् । एतदर्थ्यं च धर्म्यं च रहस्यं चैतदुत्तमम् ॥

etaddhi yuṣmacchāstrāṇāṃ śāstramuttamasaṃjñitam | etadarthyaṃ ca dharmyaṃ ca rahasyaṃ caitaduttamam

आपके सब शास्त्रों में यही सर्वोत्तम कहा गया है; यह सार्थक और धर्मसम्मत है, और यही सबसे उत्तम रहस्य है।

श्लोक 51 (12.343.51)

अस्य प्रवर्तनाच्चैव प्रजावन्तो भविष्यथ । स च राजश्रिया युक्तो भविष्यति महान्वसुः ॥

asya pravartanāccaiva prajāvanto bhaviṣyatha | sa ca rājaśriyā yukto bhaviṣyati mahānvasuḥ

इसके प्रवर्तन से आप सन्तानवान् होंगे, और वसु राजलक्ष्मी से युक्त होकर महान् होंगे।

श्लोक 52 (12.343.52)

संस्थिते तु नृपे तस्मिञ्शास्त्रमेतत्सनातनम् । अन्तर्धास्यति तत्सर्वमेतद्वः कथितं मया ॥

saṃsthite tu nṛpe tasmiñśāstrametatsanātanam | antardhāsyati tatsarvametadvaḥ kathitaṃ mayā

जब वह राजा दिवंगत होगा, तब यह सनातन शास्त्र अन्तर्धान हो जाएगा। यह सब मैंने आपसे कह दिया।

श्लोक 53 (12.343.53)

एतावदुक्त्वा वचनमदृश्यः पुरुषोत्तमः । विसृज्य तानृषीन्सर्वान्कामपि प्रसृतो दिशम् ॥

etāvaduktvā vacanamadṛśyaḥ puruṣottamaḥ | visṛjya tānṛṣīnsarvānkāmapi prasṛto diśam

इतना कहकर अदृश्य पुरुषोत्तम ने उन सब ऋषियों को विदा किया और किसी दिशा में चले गए।

श्लोक 54 (12.343.54)

ततस्ते लोकपितरः सर्वलोकार्थचिन्तकाः । प्रावर्तयन्त तच्छास्त्रं धर्मयोनिं सनातनम् ॥

tataste lokapitaraḥ sarvalokārthacintakāḥ | prāvartayanta tacchāstraṃ dharmayoniṃ sanātanam

तब सब लोकों के हित का चिन्तन करने वाले उन लोकपितरों ने धर्म के उद्गम उस सनातन शास्त्र का प्रवर्तन किया।

श्लोक 55 (12.343.55)

उत्पन्नेऽङ्गिरसे चैव युगे प्रथमकल्पिते । साङ्गोपनिषदं शास्त्रं स्थापयित्वा बृहस्पतौ ॥

utpanne'ṅgirase caiva yuge prathamakalpite | sāṅgopaniṣadaṃ śāstraṃ sthāpayitvā bṛhaspatau

प्रथम कल्पित युग में अङ्गिरा के उत्पन्न होने पर, अङ्गों और उपनिषदों सहित उस शास्त्र को बृहस्पति को सौंपकर,

श्लोक 56 (12.343.56)

जग्मुर्यथेप्सितं देशं तपसे कृतनिश्चयाः । धारणात्सर्वलोकानां सर्वधर्मप्रवर्तकाः ॥

jagmuryathepsitaṃ deśaṃ tapase kṛtaniścayāḥ | dhāraṇātsarvalokānāṃ sarvadharmapravartakāḥ

वे सब धर्मों के प्रवर्तक, सब लोकों के धारण के कारण, तपस्या का निश्चय किए हुए अपने इच्छित स्थान को चले गए।