अग्नि-सोम और ब्राह्मणों की महिमा

श्लोक 1 (12.351.1)

अग्नीषोमौ कथं पूर्वमेकयोनी प्रवर्तितौ । एष मे संशयो जातस्तं छिन्धि मधुसूदन ॥

agnīṣomau kathaṃ pūrvamekayonī pravartitau | eṣa me saṃśayo jātastaṃ chindhi madhusūdana

अग्नि और सोम पहले एक ही योनि से कैसे उत्पन्न किए गए? मुझे यह सन्देह हुआ है; हे मधुसूदन, इसे दूर कीजिए।

श्लोक 2 (12.351.2)

हन्त ते वर्तयिष्यामि पुराणं पाण्डुनन्दन । आत्मतेजोद्भवं पार्थ शृणुष्वैकमना मम ॥

hanta te vartayiṣyāmi purāṇaṃ pāṇḍunandana | ātmatejodbhavaṃ pārtha śṛṇuṣvaikamanā mama

अच्छा, हे पाण्डुनन्दन, मैं तुम्हें अपने ही तेज से उत्पन्न एक पुराना वृत्तान्त सुनाता हूँ। हे पार्थ, एकाग्र मन से सुनो।

श्लोक 3 (12.351.3)

सम्प्रक्षालनकालेऽतिक्रान्ते चतुर्थे युगसहस्रान्ते । अव्यक्ते सर्वभूतप्रलये स्थावरजङ्गमे । ज्योतिर्धरणिवायुरहितेऽन्धे तमसि जलैकार्णवे लोके । तम इत्येवाभिभूतेऽसञ्ज्ञकेऽद्वितीये प्रतिष्ठिते । नैव रात्र्यां न दिवसे न सति नासति न व्यक्ते नाव्यक्ते व्यवस्थिते । एतस्यामवस्थायां नारायणगुणाश्रयादक्षयादजरादनिन्द्रियादग्राह्यादसम्भवात्सत्यादहिंस्राल्ललामाद्विविधप्रवृत्तिविशेषात् अक्षयादजरामरादमूर्तितः सर्वव्यापिनः सर्वकर्तुः । शाश्वतात्तमसः पुरुषः प्रादुर्भूतो हरिरव्ययः ॥

samprakṣālanakāle'tikrānte caturthe yugasahasrānte | avyakte sarvabhūtapralaye sthāvarajaṅgame | jyotirdharaṇivāyurahite'ndhe tamasi jalaikārṇave loke | tama ityevābhibhūte'sañjñake'dvitīye pratiṣṭhite | naiva rātryāṃ na divase na sati nāsati na vyakte nāvyakte vyavasthite | etasyāmavasthāyāṃ nārāyaṇaguṇāśrayādakṣayādajarādanindriyādagrāhyādasambhavātsatyādahiṃsrāllalāmādvividhapravṛttiviśeṣāt akṣayādajarāmarādamūrtitaḥ sarvavyāpinaḥ sarvakartuḥ | śāśvatāttamasaḥ puruṣaḥ prādurbhūto hariravyayaḥ

जब महाप्रलय का समय बीत चुका, चौथे सहस्र-युग के अन्त में, जब सब कुछ अव्यक्त हो गया और स्थावर-जंगम सब प्राणी लीन हो चुके थे; जब लोक एक ही जलमय सागर था, अन्धकार में डूबा हुआ, जिसमें न ज्योति थी, न पृथ्वी, न वायु; जब सब कुछ केवल अन्धकार से ढका था, नामरहित, अद्वितीय, स्थिर, न रात में, न दिन में, न सत् में, न असत् में, न व्यक्त में, न अव्यक्त में स्थित; उस अवस्था में नारायण से — जो गुणों के आश्रय हैं, अक्षय, अजर, इन्द्रियरहित, अग्राह्य, अजन्मा, सत्य, अहिंसक, श्रेष्ठतम और नाना प्रकार की प्रवृत्तियों के भेदों के मूल हैं; जो अक्षय, अजर, अमर, निराकार, सर्वव्यापी और सबके कर्ता हैं — उस सनातन अन्धकार से पुरुष प्रकट हुआ: अविकारी हरि।

श्लोक 4 (12.351.4)

निदर्शनमपि ह्यत्र भवति । नासीदहो न रात्रिरासीत् । न सदासीन्नासदासीत् । तम एव पुरस्तादभवद्विश्वरूपम् । सा विश्वस्य जननीत्येवमस्यार्थोऽनुभाष्यते ॥

nidarśanamapi hyatra bhavati | nāsīdaho na rātrirāsīt | na sadāsīnnāsadāsīt | tama eva purastādabhavadviśvarūpam | sā viśvasya jananītyevamasyārtho'nubhāṣyate

इसका एक उदाहरण भी है: ‘न दिन था, न रात थी; न सत् था, न असत्। पहले केवल अन्धकार था, जो विश्वरूप था।’ ‘वह विश्व की जननी है’ — इस प्रकार इसका अर्थ आगे कहा जाता है।

श्लोक 5 (12.351.5)

तस्येदानीं तमःसम्भवस्य पुरुषस्य पद्मयोनेर्ब्रह्मणः प्रादुर्भावे स पुरुषः प्रजाः सिसृक्षमाणो नेत्राभ्यामग्नीषोमौ ससर्ज । ततो भूतसर्गे प्रवृत्ते प्रजाक्रमवशाद्ब्रह्मक्षत्रमुपातिष्ठत् । यः सोमस्तद्ब्रह्म यद्ब्रह्म ते ब्राह्मणाः । योऽग्निस्तत्क्षत्रं क्षत्राद्ब्रह्म बलवत्तरम् । कस्मादिति लोकप्रत्यक्षगुणमेतत्तद्यथा । ब्राह्मणेभ्यः परं भूतं नोत्पन्नपूर्वम् । दीप्यमानेऽग्नौ जुहोतीति कृत्वा ब्रवीमि । भूतसर्गः कृतो ब्रह्मणा भूतानि च प्रतिष्ठाप्य त्रैलोक्यं धार्यत इति ॥

tasyedānīṃ tamaḥsambhavasya puruṣasya padmayonerbrahmaṇaḥ prādurbhāve sa puruṣaḥ prajāḥ sisṛkṣamāṇo netrābhyāmagnīṣomau sasarja | tato bhūtasarge pravṛtte prajākramavaśādbrahmakṣatramupātiṣṭhat | yaḥ somastadbrahma yadbrahma te brāhmaṇāḥ | yo'gnistatkṣatraṃ kṣatrādbrahma balavattaram | kasmāditi lokapratyakṣaguṇametattadyathā | brāhmaṇebhyaḥ paraṃ bhūtaṃ notpannapūrvam | dīpyamāne'gnau juhotīti kṛtvā bravīmi | bhūtasargaḥ kṛto brahmaṇā bhūtāni ca pratiṣṭhāpya trailokyaṃ dhāryata iti

तब उस अन्धकार से उत्पन्न पुरुष ने कमलयोनि ब्रह्मा को प्रकट किया; फिर प्रजा की सृष्टि करने की इच्छा से उस पुरुष ने अपने दोनों नेत्रों से अग्नि और सोम को रचा। तब प्राणियों की सृष्टि आरम्भ होने पर, प्रजा के क्रम के अनुसार, ब्राह्मण और क्षत्रिय शक्तियाँ उपस्थित हुईं। जो सोम है वही ब्रह्म है, और जो ब्रह्म है वही ब्राह्मण हैं; जो अग्नि है वही क्षत्र है, और क्षत्र से ब्रह्म अधिक बलवान् है। क्यों? क्योंकि यह गुण सारे लोक को प्रत्यक्ष है: ब्राह्मणों से श्रेष्ठ कोई प्राणी पहले उत्पन्न नहीं हुआ। मैं यह इसलिए कहता हूँ कि आहुति प्रज्वलित अग्नि में ही दी जाती है। प्राणियों की सृष्टि ब्रह्मा ने की, और प्राणियों को प्रतिष्ठित करके तीनों लोक धारण किए जाते हैं।

श्लोक 6 (12.351.6)

मन्त्रवादोऽपि हि भवति । त्वमग्ने यज्ञानां होता विश्वेषाम् । हितो देवेभिर्मानुषे जने इति । निदर्शनं चात्र भवति । विश्वेषामग्ने यज्ञानां होतेति । हितो देवैर्मानुषैर्जगत इति । अग्निर्हि यज्ञानां होता कर्ता । स चाग्निर्ब्रह्म ॥

mantravādo'pi hi bhavati | tvamagne yajñānāṃ hotā viśveṣām | hito devebhirmānuṣe jane iti | nidarśanaṃ cātra bhavati | viśveṣāmagne yajñānāṃ hoteti | hito devairmānuṣairjagata iti | agnirhi yajñānāṃ hotā kartā | sa cāgnirbrahma

मन्त्र का भी वचन है: ‘हे अग्नि, तुम सब यज्ञों के होता हो, देवों द्वारा मनुष्यों में स्थापित।’ और इसका व्याख्यात्मक रूप है: ‘हे अग्नि, तुम सब यज्ञों के होता हो, देवों और मनुष्यों द्वारा जगत् के हित में स्थापित।’ क्योंकि अग्नि यज्ञों का होता और कर्ता है, और वह अग्नि ब्रह्म है।

श्लोक 7 (12.351.7)

न ह्यृते मन्त्राद्धवनमस्ति । न विना पुरुषं तपः सम्भवति । हविर्मन्त्राणां सम्पूजा विद्यते देवमनुष्याणामनेन त्वं होतेति नियुक्तः । ये च मानुषा होत्राधिकारास्ते च । ब्राह्मणस्य हि याजनं विधीयते न क्षत्रवैश्ययोर्द्विजात्योः । तस्माद्ब्राह्मणा ह्यग्निभूता यज्ञानुद्वहन्ति । यज्ञा देवांस्तर्पयन्ति देवाः पृथिवीं भावयन्ति ॥

na hyṛte mantrāddhavanamasti | na vinā puruṣaṃ tapaḥ sambhavati | havirmantrāṇāṃ sampūjā vidyate devamanuṣyāṇāmanena tvaṃ hoteti niyuktaḥ | ye ca mānuṣā hotrādhikārāste ca | brāhmaṇasya hi yājanaṃ vidhīyate na kṣatravaiśyayordvijātyoḥ | tasmādbrāhmaṇā hyagnibhūtā yajñānudvahanti | yajñā devāṃstarpayanti devāḥ pṛthivīṃ bhāvayanti

मन्त्र के बिना आहुति नहीं होती; पुरुष के बिना तप सम्भव नहीं। हवि और मन्त्रों द्वारा देवों और मनुष्यों की पूजा होती है, और इसी से उसे नियुक्त किया गया है: ‘तुम होता हो।’ और मनुष्यों में होता के जो अधिकार हैं, वे भी उन्हीं के हैं। दूसरों का यज्ञ कराना ब्राह्मण के लिए विहित है, क्षत्रिय और वैश्य — इन अन्य द्विजातियों — के लिए नहीं। इसलिए अग्निरूप ब्राह्मण यज्ञों का भार वहन करते हैं; यज्ञ देवताओं को तृप्त करते हैं; और देवता पृथ्वी का पोषण करते हैं।

श्लोक 8 (12.351.8)

शतपथे हि ब्राह्मणं भवति । अग्नौ समिद्धे स जुहोति यो विद्वान्ब्राह्मणमुखे दानाहुतिं जुहोति । एवमप्यग्निभूता ब्राह्मणा विद्वांसोऽग्निं भावयन्ति । अग्निर्विष्णुः सर्वभूतान्यनुप्रविश्य प्राणान्धारयति । अपि चात्र सनत्कुमारगीताः श्लोका भवन्ति ॥

śatapathe hi brāhmaṇaṃ bhavati | agnau samiddhe sa juhoti yo vidvānbrāhmaṇamukhe dānāhutiṃ juhoti | evamapyagnibhūtā brāhmaṇā vidvāṃso'gniṃ bhāvayanti | agnirviṣṇuḥ sarvabhūtānyanupraviśya prāṇāndhārayati | api cātra sanatkumāragītāḥ ślokā bhavanti

शतपथ ब्राह्मण में कहा है: ‘वह प्रज्वलित अग्नि में आहुति देता है, जो विद्वान् ब्राह्मण के मुख में दान-रूप आहुति देता है।’ इसी प्रकार अग्निरूप विद्वान् ब्राह्मण अग्नि का पोषण करते हैं। अग्नि विष्णु है, जो सब प्राणियों में प्रवेश करके उनके प्राणों को धारण करता है। और इस विषय में सनत्कुमार द्वारा गाए गए श्लोक भी हैं:

श्लोक 9 (12.351.9)

विश्वं ब्रह्मासृजत्पूर्वं सर्वादिर्निरवस्करम् । ब्रह्मघोषैर्दिवं तिष्ठन्त्यमरा ब्रह्मयोनयः ॥

viśvaṃ brahmāsṛjatpūrvaṃ sarvādirniravaskaram | brahmaghoṣairdivaṃ tiṣṭhantyamarā brahmayonayaḥ

ब्रह्मा ने पहले विश्व की रचना की, जो सबका आदि और निर्दोष है। वेद-घोष के बल से ब्रह्म से उत्पन्न देवता स्वर्ग में स्थित रहते हैं।

श्लोक 10 (12.351.10)

ब्राह्मणानां मतिर्वाक्यं कर्म श्रद्धा तपांसि च । धारयन्ति महीं द्यां च शैत्याद्वार्यमृतं यथा ॥

brāhmaṇānāṃ matirvākyaṃ karma śraddhā tapāṃsi ca | dhārayanti mahīṃ dyāṃ ca śaityādvāryamṛtaṃ yathā

ब्राह्मणों की मति, वाणी, कर्म, श्रद्धा और तप पृथ्वी और आकाश को धारण करते हैं, जैसे शीतलता के कारण अमृत-तुल्य जल जीवन को धारण करता है।

श्लोक 11 (12.351.11)

नास्ति सत्यात्परो धर्मो नास्ति मातृसमो गुरुः । ब्राह्मणेभ्यः परं नास्ति प्रेत्य चेह च भूतये ॥

nāsti satyātparo dharmo nāsti mātṛsamo guruḥ | brāhmaṇebhyaḥ paraṃ nāsti pretya ceha ca bhūtaye

सत्य से बढ़कर कोई धर्म नहीं, माता के समान कोई गुरु नहीं; इस लोक और परलोक में कल्याण के लिए ब्राह्मणों से बढ़कर कुछ नहीं।

श्लोक 12 (12.351.12)

नैषामुक्षा वर्धते नोत वाहा; न गर्गरो मथ्यते सम्प्रदाने । अपध्वस्ता दस्युभूता भवन्ति; येषां राष्ट्रे ब्राह्मणा वृत्तिहीनाः ॥

naiṣāmukṣā vardhate nota vāhā; na gargaro mathyate sampradāne | apadhvastā dasyubhūtā bhavanti; yeṣāṃ rāṣṭre brāhmaṇā vṛttihīnāḥ

जिन राज्यों में ब्राह्मण आजीविका से वंचित होते हैं, वहाँ न साँड़ बढ़ते हैं, न बोझ ढोने वाले पशु; दान के समय मथानी नहीं चलती। वे लोग नष्ट होकर डाकुओं जैसे हो जाते हैं।

श्लोक 13 (12.351.13)

वेदपुराणेतिहासप्रामाण्यान्नारायणमुखोद्गताः सर्वात्मानः सर्वकर्तारः सर्वभावनाश्च ब्राह्मणाः । वाक्समकालं हि तस्य देवस्य वरप्रदस्य ब्राह्मणाः प्रथमं प्रादुर्भूता ब्राह्मणेभ्यश्च शेषा वर्णाः प्रादुर्भूताः । इत्थं च सुरासुरविशिष्टा ब्राह्मणा यदा मया ब्रह्मभूतेन पुरा स्वयमेवोत्पादिताः सुरासुरमहर्षयो भूतविशेषाः स्थापिता निगृहीताश्च ॥

vedapurāṇetihāsaprāmāṇyānnārāyaṇamukhodgatāḥ sarvātmānaḥ sarvakartāraḥ sarvabhāvanāśca brāhmaṇāḥ | vāksamakālaṃ hi tasya devasya varapradasya brāhmaṇāḥ prathamaṃ prādurbhūtā brāhmaṇebhyaśca śeṣā varṇāḥ prādurbhūtāḥ | itthaṃ ca surāsuraviśiṣṭā brāhmaṇā yadā mayā brahmabhūtena purā svayamevotpāditāḥ surāsuramaharṣayo bhūtaviśeṣāḥ sthāpitā nigṛhītāśca

वेद, पुराण और इतिहास के प्रमाण से ब्राह्मण नारायण के मुख से निकले हैं; वे सबके आत्मा, सबके कर्ता और सबके पोषक हैं। वरदायक उन देव की वाणी के साथ ही ब्राह्मण सबसे पहले प्रकट हुए, और ब्राह्मणों से शेष वर्ण प्रकट हुए। और इस प्रकार, जब ब्रह्मभूत मैंने पूर्वकाल में स्वयं ही देवों और असुरों से श्रेष्ठ ब्राह्मणों को उत्पन्न किया, तब देव, असुर, महर्षि और अन्य भिन्न-भिन्न प्रकार के प्राणी अपने-अपने स्थान पर स्थापित किए गए, या फिर नियन्त्रित किए गए।

श्लोक 14 (12.351.14)

अहल्याधर्षणनिमित्तं हि गौतमाद्धरिश्मश्रुतामिन्द्रः प्राप्तः । कौशिकनिमित्तं चेन्द्रो मुष्कवियोगं मेषवृषणत्वं चावाप । अश्विनोर्ग्रहप्रतिषेधोद्यतवज्रस्य पुरंदरस्य च्यवनेन स्तम्भितो बाहुः । क्रतुवधप्राप्तमन्युना च दक्षेण भूयस्तपसा चात्मानं संयोज्य नेत्राकृतिरन्या ललाटे रुद्रस्योत्पादिता ॥

ahalyādharṣaṇanimittaṃ hi gautamāddhariśmaśrutāmindraḥ prāptaḥ | kauśikanimittaṃ cendro muṣkaviyogaṃ meṣavṛṣaṇatvaṃ cāvāpa | aśvinorgrahapratiṣedhodyatavajrasya puraṃdarasya cyavanena stambhito bāhuḥ | kratuvadhaprāptamanyunā ca dakṣeṇa bhūyastapasā cātmānaṃ saṃyojya netrākṛtiranyā lalāṭe rudrasyotpāditā

अहल्या के साथ अनाचार के कारण इन्द्र को गौतम से हरी-पीली दाढ़ी-मूँछ का शाप मिला। कौशिक के कारण इन्द्र को अण्डकोश का वियोग हुआ और उसे मेष के अण्डकोश प्राप्त हुए। जब पुरन्दर ने अश्विनीकुमारों को सोम-भाग से रोकने के लिए वज्र उठाया, तब च्यवन ने उसकी भुजा स्तम्भित कर दी। और यज्ञ के विनाश से क्रुद्ध दक्ष ने फिर तप करके अपने को उसके बल से जोड़ा और रुद्र के ललाट पर दूसरा नेत्र-आकार का चिह्न उत्पन्न कर दिया।

श्लोक 15 (12.351.15)

त्रिपुरवधार्थं दीक्षामभ्युपगतस्य रुद्रस्योशनसा शिरसो जटा उत्कृत्य प्रयुक्ताः । ततः प्रादुर्भूता भुजगाः । तैरस्य भुजगैः पीड्यमानः कण्ठो नीलतामुपनीतः । पूर्वे च मन्वन्तरे स्वायम्भुवे नारायणहस्तबन्धग्रहणान्नीलकण्ठत्वमेव वा ॥

tripuravadhārthaṃ dīkṣāmabhyupagatasya rudrasyośanasā śiraso jaṭā utkṛtya prayuktāḥ | tataḥ prādurbhūtā bhujagāḥ | tairasya bhujagaiḥ pīḍyamānaḥ kaṇṭho nīlatāmupanītaḥ | pūrve ca manvantare svāyambhuve nārāyaṇahastabandhagrahaṇānnīlakaṇṭhatvameva vā

जब रुद्र ने त्रिपुर के वध के लिए दीक्षा ली, तब उशना ने उनके सिर से जटाएँ नोचकर उन्हें फेंका। उनसे सर्प उत्पन्न हुए, और उन सर्पों से पीड़ित होकर उनका कण्ठ नीला हो गया; अथवा पूर्व स्वायम्भुव मन्वन्तर में नारायण द्वारा हाथों से पकड़े और बाँधे जाने से उनका कण्ठ नीला हुआ।

श्लोक 16 (12.351.16)

अमृतोत्पादने पुरश्चरणतामुपगतस्याङ्गिरसो बृहस्पतेरुपस्पृशतो न प्रसादं गतवत्यः किलापः । अथ बृहस्पतिरपां चुक्रोध । यस्मान्ममोपस्पृशतः कलुषीभूता न प्रसादमुपगतास्तस्मादद्यप्रभृति झषमकरमत्स्यकच्छपजन्तुसङ्कीर्णाः कलुषीभवतेति । तदाप्रभृत्यापो यादोभिः सङ्कीर्णाः संवृत्ताः ॥

amṛtotpādane puraścaraṇatāmupagatasyāṅgiraso bṛhaspaterupaspṛśato na prasādaṃ gatavatyaḥ kilāpaḥ | atha bṛhaspatirapāṃ cukrodha | yasmānmamopaspṛśataḥ kaluṣībhūtā na prasādamupagatāstasmādadyaprabhṛti jhaṣamakaramatsyakacchapajantusaṅkīrṇāḥ kaluṣībhavateti | tadāprabhṛtyāpo yādobhiḥ saṅkīrṇāḥ saṃvṛttāḥ

अमृत-मन्थन के समय आचमन करते हुए अंगिरा-पुत्र बृहस्पति के सामने, जो पूर्व-अनुष्ठान में लगे थे, जल निर्मल नहीं हुआ। तब बृहस्पति जल पर क्रुद्ध हुए और बोले: ‘तुम मेरे आचमन करते समय मलिन हो गए और स्वच्छ नहीं हुए, इसलिए आज से तुम मछली, मगर, बड़ी मछली, कछुए और अन्य जन्तुओं से भरे हुए मलिन हो जाओ।’ तभी से जल जलचरों से भरा रहता है।

श्लोक 17 (12.351.17)

विश्वरूपो वै त्वाष्ट्रः पुरोहितो देवानामासीत्स्वस्रीयोऽसुराणाम् । स प्रत्यक्षं देवेभ्यो भागमददत्परोक्षमसुरेभ्यः ॥

viśvarūpo vai tvāṣṭraḥ purohito devānāmāsītsvasrīyo'surāṇām | sa pratyakṣaṃ devebhyo bhāgamadadatparokṣamasurebhyaḥ

त्वष्टा के पुत्र विश्वरूप देवताओं के पुरोहित थे और असुरों के भानजे थे। वे देवताओं को उनका भाग प्रत्यक्ष देते थे और असुरों को परोक्ष में।

श्लोक 18 (12.351.18)

अथ हिरण्यकशिपुं पुरस्कृत्य विश्वरूपमातरं स्वसारमसुरा वरमयाचन्त । हे स्वसरयं ते पुत्रस्त्वाष्ट्रो विश्वरूपस्त्रिशिरा देवानां पुरोहितः प्रत्यक्षं देवेभ्यो भागमददत्परोक्षमस्माकम् । ततो देवा वर्धन्ते वयं क्षीयामः । तदेनं त्वं वारयितुमर्हसि तथा यथास्मान्भजेदिति ॥

atha hiraṇyakaśipuṃ puraskṛtya viśvarūpamātaraṃ svasāramasurā varamayācanta | he svasarayaṃ te putrastvāṣṭro viśvarūpastriśirā devānāṃ purohitaḥ pratyakṣaṃ devebhyo bhāgamadadatparokṣamasmākam | tato devā vardhante vayaṃ kṣīyāmaḥ | tadenaṃ tvaṃ vārayitumarhasi tathā yathāsmānbhajediti

तब असुरों ने हिरण्यकशिपु को आगे करके विश्वरूप की माता, अपनी बहन से वर माँगा: ‘बहन, तुम्हारा यह पुत्र, त्वष्टा का तीन सिरों वाला विश्वरूप, देवताओं का पुरोहित है; वह देवताओं को भाग प्रत्यक्ष देता है और हमें परोक्ष में। इससे देवता बढ़ते हैं और हम क्षीण होते हैं। तुम उसे रोको, जिससे वह हमारी ओर हो जाए।’

श्लोक 19 (12.351.19)

अथ विश्वरूपं नन्दनवनमुपगतं मातोवाच । पुत्र किं परपक्षवर्धनस्त्वं मातुलपक्षं नाशयसि । नार्हस्येवं कर्तुमिति । स विश्वरूपो मातुर्वाक्यमनतिक्रमणीयमिति मत्वा सम्पूज्य हिरण्यकशिपुमगात् ॥

atha viśvarūpaṃ nandanavanamupagataṃ mātovāca | putra kiṃ parapakṣavardhanastvaṃ mātulapakṣaṃ nāśayasi | nārhasyevaṃ kartumiti | sa viśvarūpo māturvākyamanatikramaṇīyamiti matvā sampūjya hiraṇyakaśipumagāt

तब नन्दन वन में गए हुए विश्वरूप से उनकी माता ने कहा: ‘पुत्र, तुम शत्रु-पक्ष को क्यों बढ़ाते हो और मामाओं के पक्ष का नाश क्यों करते हो? तुम्हें ऐसा नहीं करना चाहिए।’ माता का वचन अलंघनीय है, यह सोचकर विश्वरूप ने उनका सत्कार किया और हिरण्यकशिपु के पास चले गए।

श्लोक 20 (12.351.20)

हैरण्यगर्भाच्च वसिष्ठाद्धिरण्यकशिपुः शापं प्राप्तवान् । यस्मात्त्वयान्यो वृतो होता तस्मादसमाप्तयज्ञस्त्वमपूर्वात्सत्त्वजाताद्वधं प्राप्स्यसीति । तच्छापदानाद्धिरण्यकशिपुः प्राप्तवान्वधम् ॥

hairaṇyagarbhācca vasiṣṭhāddhiraṇyakaśipuḥ śāpaṃ prāptavān | yasmāttvayānyo vṛto hotā tasmādasamāptayajñastvamapūrvātsattvajātādvadhaṃ prāpsyasīti | tacchāpadānāddhiraṇyakaśipuḥ prāptavānvadham

हिरण्यगर्भ के वंशज वसिष्ठ से हिरण्यकशिपु को शाप मिला: ‘तुमने दूसरे को होता चुना है, इसलिए तुम्हारा यज्ञ अधूरा रहेगा और तुम एक अपूर्व प्रकार के प्राणी के हाथों मारे जाओगे।’ उस शाप के कारण हिरण्यकशिपु ने वध पाया।

श्लोक 21 (12.351.21)

विश्वरूपो मातृपक्षवर्धनोऽत्यर्थं तपस्यभवत् । तस्य व्रतभङ्गार्थमिन्द्रो बह्वीः श्रीमत्योऽप्सरसो नियुयोज । ताश्च दृष्ट्वा मनः क्षुभितं तस्याभवत्तासु चाप्सरःसु नचिरादेव सक्तोऽभवत् । सक्तं चैनं ज्ञात्वाप्सरस ऊचुर्गच्छामहे वयं यथागतमिति ॥

viśvarūpo mātṛpakṣavardhano'tyarthaṃ tapasyabhavat | tasya vratabhaṅgārthamindro bahvīḥ śrīmatyo'psaraso niyuyoja | tāśca dṛṣṭvā manaḥ kṣubhitaṃ tasyābhavattāsu cāpsaraḥsu nacirādeva sakto'bhavat | saktaṃ cainaṃ jñātvāpsarasa ūcurgacchāmahe vayaṃ yathāgatamiti

माता के पक्ष का हित चाहने वाले विश्वरूप ने अत्यन्त कठोर तप किया। उनका व्रत भंग करने के लिए इन्द्र ने बहुत-सी सुन्दर अप्सराओं को नियुक्त किया। उन्हें देखकर उनका मन क्षुब्ध हो गया और वे शीघ्र ही उन अप्सराओं में आसक्त हो गए। उन्हें आसक्त जानकर अप्सराएँ बोलीं: ‘हम जैसे आई थीं वैसे लौट जाती हैं।’

श्लोक 22 (12.351.22)

तास्त्वाष्ट्र उवाच । क्व गमिष्यथ आस्यतां तावन्मया सह श्रेयो भविष्यतीति । तास्तमब्रुवन् । वयं देवस्त्रियोऽप्सरस इन्द्रं वरदं पुरा प्रभविष्णुं वृणीमह इति ॥

tāstvāṣṭra uvāca | kva gamiṣyatha āsyatāṃ tāvanmayā saha śreyo bhaviṣyatīti | tāstamabruvan | vayaṃ devastriyo'psarasa indraṃ varadaṃ purā prabhaviṣṇuṃ vṛṇīmaha iti

त्वष्टा के पुत्र ने उनसे कहा: ‘कहाँ जाओगी? कुछ देर यहीं रहो; मेरे साथ रहने में तुम्हारा कल्याण होगा।’ उन्होंने उत्तर दिया: ‘हम देवताओं की स्त्रियाँ, अप्सराएँ हैं; हमने पहले से वरदायक, समर्थ इन्द्र को वरण किया है।’

श्लोक 23 (12.351.23)

अथ ता विश्वरूपोऽब्रवीदद्यैव सेन्द्रा देवा न भविष्यन्तीति । ततो मन्त्राञ्जजाप । तैर्मन्त्रैः प्रावर्धत त्रिशिराः । एकेनास्येन सर्वलोकेषु द्विजैः क्रियावद्भिर्यज्ञेषु सुहुतं सोमं पपावेकेनाप एकेन सेन्द्रान्देवान् । अथेन्द्रस्तं विवर्धमानं सोमपानाप्यायितसर्वगात्रं दृष्ट्वा चिन्तामापेदे ॥

atha tā viśvarūpo'bravīdadyaiva sendrā devā na bhaviṣyantīti | tato mantrāñjajāpa | tairmantraiḥ prāvardhata triśirāḥ | ekenāsyena sarvalokeṣu dvijaiḥ kriyāvadbhiryajñeṣu suhutaṃ somaṃ papāvekenāpa ekena sendrāndevān | athendrastaṃ vivardhamānaṃ somapānāpyāyitasarvagātraṃ dṛṣṭvā cintāmāpede

तब विश्वरूप ने उनसे कहा: ‘आज ही देवता इन्द्र से रहित हो जाएँगे।’ फिर उन्होंने मन्त्रों का जप किया, और उन मन्त्रों से तीन सिरों वाला बढ़ने लगा। एक मुख से उसने सब लोकों में कर्मनिष्ठ द्विजों के यज्ञों में भली-भाँति अर्पित सोम पिया, दूसरे से जल, और तीसरे से इन्द्र सहित देवताओं को। तब इन्द्र ने उसे बढ़ते और सोम-पान से पुष्ट अंगों वाला देखकर चिन्ता में पड़ गए।

श्लोक 24 (12.351.24)

देवाश्च ते सहेन्द्रेण ब्रह्माणमभिजग्मुरूचुश्च । विश्वरूपेण सर्वयज्ञेषु सुहुतः सोमः पीयते । वयमभागाः संवृत्ताः । असुरपक्षो वर्धते वयं क्षीयामः । तदर्हसि नो विधातुं श्रेयो यदनन्तरमिति ॥

devāśca te sahendreṇa brahmāṇamabhijagmurūcuśca | viśvarūpeṇa sarvayajñeṣu suhutaḥ somaḥ pīyate | vayamabhāgāḥ saṃvṛttāḥ | asurapakṣo vardhate vayaṃ kṣīyāmaḥ | tadarhasi no vidhātuṃ śreyo yadanantaramiti

इन्द्र सहित देवता ब्रह्मा के पास गए और बोले: ‘विश्वरूप सब यज्ञों में भली-भाँति अर्पित सोम पी रहा है; हम बिना भाग के रह गए हैं। असुरों का पक्ष बढ़ रहा है और हम क्षीण हो रहे हैं। आप आगे जो हमारे लिए कल्याणकारी हो वह विधान कीजिए।’

श्लोक 25 (12.351.25)

तान्ब्रह्मोवाच ऋषिर्भार्गवस्तपस्तप्यते दधीचः । स याच्यतां वरं यथा कलेवरं जह्यात् । तस्यास्थिभिर्वज्रं क्रियतामिति ॥

tānbrahmovāca ṛṣirbhārgavastapastapyate dadhīcaḥ | sa yācyatāṃ varaṃ yathā kalevaraṃ jahyāt | tasyāsthibhirvajraṃ kriyatāmiti

ब्रह्मा ने उनसे कहा: ‘भृगुवंशी ऋषि दधीचि तप कर रहे हैं। उनसे वर माँगो कि वे अपना शरीर त्याग दें; उनकी हड्डियों से वज्र बनाया जाए।’

श्लोक 26 (12.351.26)

देवास्तत्रागच्छन्यत्र दधीचो भगवानृषिस्तपस्तेपे । सेन्द्रा देवास्तमभिगम्योचुर्भगवंस्तपसः कुशलमविघ्नं चेति । तान्दधीच उवाच स्वागतं भवद्भ्यः किं क्रियताम् । यद्वक्ष्यथ तत्करिष्यामीति । ते तमब्रुवञ्शरीरपरित्यागं लोकहितार्थं भगवान्कर्तुमर्हतीति । अथ दधीचस्तथैवाविमनाः सुखदुःखसमो महायोगी आत्मानं समाधाय शरीरपरित्यागं चकार ॥

devāstatrāgacchanyatra dadhīco bhagavānṛṣistapastepe | sendrā devāstamabhigamyocurbhagavaṃstapasaḥ kuśalamavighnaṃ ceti | tāndadhīca uvāca svāgataṃ bhavadbhyaḥ kiṃ kriyatām | yadvakṣyatha tatkariṣyāmīti | te tamabruvañśarīraparityāgaṃ lokahitārthaṃ bhagavānkartumarhatīti | atha dadhīcastathaivāvimanāḥ sukhaduḥkhasamo mahāyogī ātmānaṃ samādhāya śarīraparityāgaṃ cakāra

देवता वहाँ गए जहाँ भगवान् ऋषि दधीचि तप कर रहे थे। इन्द्र सहित देवताओं ने उनके पास जाकर कहा: ‘भगवन्, आपके तप में कुशल और निर्विघ्नता तो है?’ दधीचि ने उनसे कहा: ‘आपका स्वागत है; क्या किया जाए? आप जो कहेंगे वही मैं करूँगा।’ उन्होंने उनसे कहा: ‘भगवन्, लोक के हित के लिए आप शरीर का त्याग कर दें।’ तब महायोगी दधीचि ने वैसे ही अविचलित मन से, सुख-दुःख में सम रहकर, अपने आत्मा को समाहित किया और शरीर त्याग दिया।

श्लोक 27 (12.351.27)

तस्य परमात्मन्यवसृते तान्यस्थीनि धाता सङ्गृह्य वज्रमकरोत् । तेन वज्रेणाभेद्येनाप्रधृष्येण ब्रह्मास्थिसम्भूतेन विष्णुप्रविष्टेनेन्द्रो विश्वरूपं जघान । शिरसां चास्य छेदनमकरोत् । तस्मादनन्तरं विश्वरूपगात्रमथनसम्भवं त्वष्ट्रोत्पादितमेवारिं वृत्रमिन्द्रो जघान ॥

tasya paramātmanyavasṛte tānyasthīni dhātā saṅgṛhya vajramakarot | tena vajreṇābhedyenāpradhṛṣyeṇa brahmāsthisambhūtena viṣṇupraviṣṭenendro viśvarūpaṃ jaghāna | śirasāṃ cāsya chedanamakarot | tasmādanantaraṃ viśvarūpagātramathanasambhavaṃ tvaṣṭrotpāditamevāriṃ vṛtramindro jaghāna

जब वे परमात्मा में लीन हो गए, तब धाता ने उन अस्थियों को इकट्ठा करके वज्र बनाया। ब्राह्मण की अस्थियों से उत्पन्न, विष्णु से अधिष्ठित, अभेद्य और दुर्धर्ष उस वज्र से इन्द्र ने विश्वरूप को मारा और उसके सिर काट डाले। उसके बाद विश्वरूप के शरीर के मन्थन से त्वष्टा द्वारा उत्पन्न शत्रु वृत्र को इन्द्र ने मार डाला।

श्लोक 28 (12.351.28)

तस्यां द्वैधीभूतायां ब्रह्मवध्यायां भयादिन्द्रो देवराज्यं परित्यज्य अप्सु सम्भवां शीतलां मानससरोगतां नलिनीं प्रपेदे । तत्र चैश्वर्ययोगादणुमात्रो भूत्वा बिसग्रन्थिं प्रविवेश ॥

tasyāṃ dvaidhībhūtāyāṃ brahmavadhyāyāṃ bhayādindro devarājyaṃ parityajya apsu sambhavāṃ śītalāṃ mānasasarogatāṃ nalinīṃ prapede | tatra caiśvaryayogādaṇumātro bhūtvā bisagranthiṃ praviveśa

जब ब्रह्महत्या दो भागों में बँट गई, तब उसके भय से इन्द्र देवराज्य छोड़कर जल में उत्पन्न मानस सरोवर की एक शीतल कमलिनी में जा छिपा। वहाँ अपने ऐश्वर्य-योग से अणु जितना छोटा होकर वह कमलनाल में घुस गया।

श्लोक 29 (12.351.29)

अथ ब्रह्मवध्याभयप्रनष्टे त्रैलोक्यनाथे शचीपतौ जगदनीश्वरं बभूव । देवान्रजस्तमश्चाविवेश । मन्त्रा न प्रावर्तन्त महर्षीणाम् । रक्षांसि प्रादुरभवन् । ब्रह्म चोत्सादनं जगाम । अनिन्द्राश्चाबला लोकाः सुप्रधृष्या बभूवुः ॥

atha brahmavadhyābhayapranaṣṭe trailokyanāthe śacīpatau jagadanīśvaraṃ babhūva | devānrajastamaścāviveśa | mantrā na prāvartanta maharṣīṇām | rakṣāṃsi prādurabhavan | brahma cotsādanaṃ jagāma | anindrāścābalā lokāḥ supradhṛṣyā babhūvuḥ

ब्रह्महत्या के भय से जब त्रिलोकीनाथ शचीपति अन्तर्धान हो गए, तब जगत् स्वामीहीन हो गया। देवताओं में रजस् और तमस् घुस गए। महर्षियों के मन्त्र प्रवृत्त नहीं हुए; राक्षस प्रकट हो गए; ब्रह्म का उच्छेद होने लगा; और इन्द्र से रहित लोक निर्बल और सरलता से पराभूत होने वाले हो गए।

श्लोक 30 (12.351.30)

अथ देवा ऋषयश्चायुषः पुत्रं नहुषं नाम देवराजत्वेऽभिषिषिचुः । नहुषः पञ्चभिः शतैर्ज्योतिषां ललाटे ज्वलद्भिः सर्वतेजोहरैस्त्रिविष्टपं पालयां बभूव । अथ लोकाः प्रकृतिमापेदिरे स्वस्थाश्च बभूवुः ॥

atha devā ṛṣayaścāyuṣaḥ putraṃ nahuṣaṃ nāma devarājatve'bhiṣiṣicuḥ | nahuṣaḥ pañcabhiḥ śatairjyotiṣāṃ lalāṭe jvaladbhiḥ sarvatejoharaistriviṣṭapaṃ pālayāṃ babhūva | atha lokāḥ prakṛtimāpedire svasthāśca babhūvuḥ

तब देवताओं और ऋषियों ने आयु के पुत्र नहुष को देवराज के पद पर अभिषिक्त किया। अपने ललाट पर जलती हुई पाँच सौ ज्योतियों से, जो सबका तेज हर लेती थीं, नहुष स्वर्ग का पालन करने लगा। तब लोक अपनी प्रकृति में लौट आए और स्वस्थ हो गए।

श्लोक 31 (12.351.31)

अथोवाच नहुषः । सर्वं मां शक्रोपभुक्तमुपस्थितमृते शचीमिति । स एवमुक्त्वा शचीसमीपमगमदुवाच चैनाम् । सुभगेऽहमिन्द्रो देवानां भजस्व मामिति । तं शची प्रत्युवाच । प्रकृत्या त्वं धर्मवत्सलः सोमवंशोद्भवश्च । नार्हसि परपत्नीधर्षणं कर्तुमिति ॥

athovāca nahuṣaḥ | sarvaṃ māṃ śakropabhuktamupasthitamṛte śacīmiti | sa evamuktvā śacīsamīpamagamaduvāca cainām | subhage'hamindro devānāṃ bhajasva māmiti | taṃ śacī pratyuvāca | prakṛtyā tvaṃ dharmavatsalaḥ somavaṃśodbhavaśca | nārhasi parapatnīdharṣaṇaṃ kartumiti

तब नहुष ने कहा: ‘शक्र द्वारा भोगा हुआ सब कुछ मेरे पास आ गया है, केवल शची को छोड़कर।’ यह कहकर वह शची के पास गया और उससे बोला: ‘सुभगे, मैं देवों का इन्द्र हूँ; मुझे स्वीकार करो।’ शची ने उससे कहा: ‘आप स्वभाव से धर्मप्रिय हैं और सोमवंश में उत्पन्न हैं। आपको पराई स्त्री का अपमान नहीं करना चाहिए।’

श्लोक 32 (12.351.32)

तामथोवाच नहुषः । ऐन्द्रं पदमध्यास्यते मया । अहमिन्द्रस्य राज्यरत्नहरो नात्राधर्मः कश्चित्त्वमिन्द्रभुक्तेति । सा तमुवाच । अस्ति मम किञ्चिद्व्रतमपर्यवसितम् । तस्यावभृथे त्वामुपगमिष्यामि कैश्चिदेवाहोभिरिति । स शच्यैवमभिहितो नहुषो जगाम ॥

tāmathovāca nahuṣaḥ | aindraṃ padamadhyāsyate mayā | ahamindrasya rājyaratnaharo nātrādharmaḥ kaścittvamindrabhukteti | sā tamuvāca | asti mama kiñcidvratamaparyavasitam | tasyāvabhṛthe tvāmupagamiṣyāmi kaiścidevāhobhiriti | sa śacyaivamabhihito nahuṣo jagāma

तब नहुष ने उससे कहा: ‘मैं अब इन्द्र के पद पर आसीन हूँ। मैं इन्द्र के राज्य और रत्नों को ग्रहण करता हूँ; इसमें कोई अधर्म नहीं। तुम इन्द्र की भोग्या रही हो।’ वह बोली: ‘मेरा एक व्रत अभी अधूरा है। उसके अवभृथ स्नान के बाद कुछ दिनों में मैं आपके पास आऊँगी।’ शची के ऐसा कहने पर नहुष चला गया।

श्लोक 33 (12.351.33)

अथ शची दुःखशोकार्ता भर्तृदर्शनलालसा नहुषभयगृहीता बृहस्पतिमुपागच्छत् । स च तामभिगतां दृष्ट्वैव ध्यानं प्रविश्य भर्तृकार्यतत्परां ज्ञात्वा बृहस्पतिरुवाच । अनेनैव व्रतेन तपसा चान्विता देवीं वरदामुपश्रुतिमाह्वय । सा तवेन्द्रं दर्शयिष्यतीति ॥

atha śacī duḥkhaśokārtā bhartṛdarśanalālasā nahuṣabhayagṛhītā bṛhaspatimupāgacchat | sa ca tāmabhigatāṃ dṛṣṭvaiva dhyānaṃ praviśya bhartṛkāryatatparāṃ jñātvā bṛhaspatiruvāca | anenaiva vratena tapasā cānvitā devīṃ varadāmupaśrutimāhvaya | sā tavendraṃ darśayiṣyatīti

तब दुःख और शोक से पीड़ित, पति को देखने की लालसा वाली और नहुष के भय से घिरी शची बृहस्पति के पास गई। उसे आई देखकर बृहस्पति ने ध्यान में प्रवेश किया, जाना कि वह पति के कार्य में तत्पर है, और कहा: ‘इसी व्रत और तप से युक्त होकर वरदायिनी देवी उपश्रुति का आवाहन करो; वह तुम्हें इन्द्र के दर्शन कराएगी।’

श्लोक 34 (12.351.34)

साथ महानियममास्थिता देवीं वरदामुपश्रुतिं मन्त्रैराह्वयत् । सोपश्रुतिः शचीसमीपमगात् । उवाच चैनामियमस्मि त्वयोपहूतोपस्थिता । किं ते प्रियं करवाणीति । तां मूर्ध्ना प्रणम्योवाच शची भगवत्यर्हसि मे भर्तारं दर्शयितुं त्वं सत्या मता चेति । सैनां मानसं सरोऽनयत् । तत्रेन्द्रं बिसग्रन्थिगतमदर्शयत् ॥

sātha mahāniyamamāsthitā devīṃ varadāmupaśrutiṃ mantrairāhvayat | sopaśrutiḥ śacīsamīpamagāt | uvāca caināmiyamasmi tvayopahūtopasthitā | kiṃ te priyaṃ karavāṇīti | tāṃ mūrdhnā praṇamyovāca śacī bhagavatyarhasi me bhartāraṃ darśayituṃ tvaṃ satyā matā ceti | saināṃ mānasaṃ saro'nayat | tatrendraṃ bisagranthigatamadarśayat

उसने महान् नियम धारण करके मन्त्रों से वरदायिनी देवी उपश्रुति का आवाहन किया। उपश्रुति शची के पास आई और बोली: ‘तुमने जिसे बुलाया वह मैं उपस्थित हूँ; तुम्हारा क्या प्रिय करूँ?’ शची ने सिर झुकाकर उससे कहा: ‘भगवती, आप मुझे मेरे पति के दर्शन करा दें; आप सत्यवादिनी मानी जाती हैं।’ वह उसे मानस सरोवर पर ले गई और वहाँ कमलनाल में छिपे इन्द्र को दिखाया।

श्लोक 35 (12.351.35)

तामिन्द्रः पत्नीं कृशां ग्लानां च दृष्ट्वा चिन्तयां बभूव । अहो मम महद्दुःखमिदमद्योपगतम् । नष्टं हि मामियमन्विष्योपागमद्दुःखार्तेति । तामिन्द्र उवाच कथं वर्तयसीति । सा तमुवाच । नहुषो मामाह्वयति । कालश्चास्य मया कृत इति ॥

tāmindraḥ patnīṃ kṛśāṃ glānāṃ ca dṛṣṭvā cintayāṃ babhūva | aho mama mahadduḥkhamidamadyopagatam | naṣṭaṃ hi māmiyamanviṣyopāgamadduḥkhārteti | tāmindra uvāca kathaṃ vartayasīti | sā tamuvāca | nahuṣo māmāhvayati | kālaścāsya mayā kṛta iti

अपनी पत्नी को दुर्बल और म्लान देखकर इन्द्र चिन्तित हुआ: ‘हाय, आज मुझ पर यह बड़ा दुःख आ गया है। मैं खो गया हूँ, यह दुःख से व्याकुल होकर मुझे खोजती हुई आई है।’ इन्द्र ने उससे कहा: ‘तुम कैसे निर्वाह कर रही हो?’ उसने कहा: ‘नहुष मुझे बुला रहा है। मैंने उसके लिए एक समय निश्चित किया है।’

श्लोक 36 (12.351.36)

तामिन्द्र उवाच । गच्छ । नहुषस्त्वया वाच्योऽपूर्वेण मामृषियुक्तेन यानेन त्वमधिरूढ उद्वहस्व । इन्द्रस्य हि महान्ति वाहनानि मनसः प्रियाण्यधिरूढानि मया । त्वमन्येनोपयातुमर्हसीति । सैवमुक्ता हृष्टा जगाम । इन्द्रोऽपि बिसग्रन्थिमेवाविवेश भूयः ॥

tāmindra uvāca | gaccha | nahuṣastvayā vācyo'pūrveṇa māmṛṣiyuktena yānena tvamadhirūḍha udvahasva | indrasya hi mahānti vāhanāni manasaḥ priyāṇyadhirūḍhāni mayā | tvamanyenopayātumarhasīti | saivamuktā hṛṣṭā jagāma | indro'pi bisagranthimevāviveśa bhūyaḥ

इन्द्र ने उससे कहा: ‘जाओ। तुम नहुष से कहना: “ऋषियों से जुते हुए, पहले कभी न प्रयुक्त हुए यान पर चढ़कर आओ और मुझे ले चलो।” इन्द्र के जो बड़े-बड़े वाहन मुझे प्रिय हैं, उन पर मैं चढ़ चुकी हूँ; तुम्हें किसी और वाहन से आना चाहिए।’ यह सुनकर वह प्रसन्न होकर चली गई; और इन्द्र फिर कमलनाल में प्रवेश कर गया।

श्लोक 37 (12.351.37)

अथेन्द्राणीमभ्यागतां दृष्ट्वोवाच नहुषः पूर्णः स काल इति । तं शच्यब्रवीच्छक्रेण यथोक्तम् । स महर्षियुक्तं वाहनमधिरूढः शचीसमीपमुपागच्छत् ॥

athendrāṇīmabhyāgatāṃ dṛṣṭvovāca nahuṣaḥ pūrṇaḥ sa kāla iti | taṃ śacyabravīcchakreṇa yathoktam | sa maharṣiyuktaṃ vāhanamadhirūḍhaḥ śacīsamīpamupāgacchat

तब शची को लौटी देखकर नहुष ने कहा: ‘वह समय पूरा हो गया।’ शची ने उसे वह बात बताई जो शक्र ने कही थी। तब वह महर्षियों से जुते वाहन पर चढ़कर शची के पास चला।

श्लोक 38 (12.351.38)

अथ मैत्रावरुणिः कुम्भयोनिरगस्त्यो महर्षीन्विक्रियमाणांस्तान्नहुषेणापश्यत् । पद्भ्यां च तेनास्पृश्यत । ततः स नहुषमब्रवीदकार्यप्रवृत्त पाप पतस्व महीम् । सर्पो भव यावद्भूमिर्गिरयश्च तिष्ठेयुस्तावदिति । स महर्षिवाक्यसमकालमेव तस्माद्यानादवापतत् ॥

atha maitrāvaruṇiḥ kumbhayoniragastyo maharṣīnvikriyamāṇāṃstānnahuṣeṇāpaśyat | padbhyāṃ ca tenāspṛśyata | tataḥ sa nahuṣamabravīdakāryapravṛtta pāpa patasva mahīm | sarpo bhava yāvadbhūmirgirayaśca tiṣṭheyustāvaditi | sa maharṣivākyasamakālameva tasmādyānādavāpatat

तब मित्रावरुण के पुत्र, घड़े से उत्पन्न अगस्त्य ने देखा कि नहुष महर्षियों को सता रहा है, और उसने अगस्त्य को पैर से छू दिया। अगस्त्य ने नहुष से कहा: ‘अकार्य में प्रवृत्त पापी, पृथ्वी पर गिर पड़! जब तक पृथ्वी और पर्वत रहें तब तक सर्प बना रह!’ महर्षि के वचन के साथ ही वह उस यान से गिर पड़ा।

श्लोक 39 (12.351.39)

अथानिन्द्रं पुनस्त्रैलोक्यमभवत् । ततो देवा ऋषयश्च भगवन्तं विष्णुं शरणमिन्द्रार्थेऽभिजग्मुः । ऊचुश्चैनं भगवन्निन्द्रं ब्रह्मवध्याभिभूतं त्रातुमर्हसीति । ततः स वरदस्तानब्रवीदश्वमेधं यज्ञं वैष्णवं शक्रोऽभियजतु । ततः स्वं स्थानं प्राप्स्यतीति ॥

athānindraṃ punastrailokyamabhavat | tato devā ṛṣayaśca bhagavantaṃ viṣṇuṃ śaraṇamindrārthe'bhijagmuḥ | ūcuścainaṃ bhagavannindraṃ brahmavadhyābhibhūtaṃ trātumarhasīti | tataḥ sa varadastānabravīdaśvamedhaṃ yajñaṃ vaiṣṇavaṃ śakro'bhiyajatu | tataḥ svaṃ sthānaṃ prāpsyatīti

तब तीनों लोक फिर इन्द्र से रहित हो गए। देवता और ऋषि इन्द्र के लिए भगवान् विष्णु की शरण में गए और उनसे बोले: ‘भगवन्, ब्रह्महत्या से अभिभूत इन्द्र की आप रक्षा करें।’ तब उन वरदायक ने उनसे कहा: ‘शक्र वैष्णव अश्वमेध यज्ञ करे; तब उसे अपना स्थान प्राप्त होगा।’

श्लोक 40 (12.351.40)

ततो देवा ऋषयश्चेन्द्रं नापश्यन्यदा तदा शचीमूचुर्गच्छ सुभगे इन्द्रमानयस्वेति । सा पुनस्तत्सरः समभ्यगच्छत् । इन्द्रश्च तस्मात्सरसः समुत्थाय बृहस्पतिमभिजगाम । बृहस्पतिश्चाश्वमेधं महाक्रतुं शक्रायाहरत् । ततः कृष्णसारङ्गं मेध्यमश्वमुत्सृज्य वाहनं तमेव कृत्वा इन्द्रं मरुत्पतिं बृहस्पतिः स्वस्थानं प्रापयामास ॥

tato devā ṛṣayaścendraṃ nāpaśyanyadā tadā śacīmūcurgaccha subhage indramānayasveti | sā punastatsaraḥ samabhyagacchat | indraśca tasmātsarasaḥ samutthāya bṛhaspatimabhijagāma | bṛhaspatiścāśvamedhaṃ mahākratuṃ śakrāyāharat | tataḥ kṛṣṇasāraṅgaṃ medhyamaśvamutsṛjya vāhanaṃ tameva kṛtvā indraṃ marutpatiṃ bṛhaspatiḥ svasthānaṃ prāpayāmāsa

तब जब देवता और ऋषि इन्द्र को न पा सके, तो उन्होंने शची से कहा: ‘सुभगे, जाओ और इन्द्र को ले आओ।’ वह फिर उसी सरोवर पर गई। इन्द्र उस सरोवर से उठकर बृहस्पति के पास गया। और बृहस्पति ने शक्र के लिए अश्वमेध महायज्ञ का आयोजन किया। काले चिह्नों वाले मेध्य अश्व को छोड़कर और उसी को वाहन बनाकर बृहस्पति ने मरुत्पति इन्द्र को उसके स्थान पर पहुँचा दिया।

श्लोक 41 (12.351.41)

ततः स देवराड्देवैरृषिभिः स्तूयमानस्त्रिविष्टपस्थो निष्कल्मषो बभूव । ब्रह्मवध्यां चतुर्षु स्थानेषु वनिताग्निवनस्पतिगोषु व्यभजत् । एवमिन्द्रो ब्रह्मतेजःप्रभावोपबृंहितः शत्रुवधं कृत्वा स्वस्थानं प्रापितः ॥

tataḥ sa devarāḍdevairṛṣibhiḥ stūyamānastriviṣṭapastho niṣkalmaṣo babhūva | brahmavadhyāṃ caturṣu sthāneṣu vanitāgnivanaspatigoṣu vyabhajat | evamindro brahmatejaḥprabhāvopabṛṃhitaḥ śatruvadhaṃ kṛtvā svasthānaṃ prāpitaḥ

तब देवराज देवताओं और ऋषियों से स्तुति पाते हुए स्वर्ग में स्थित होकर निष्कलंक हो गया। उसने ब्रह्महत्या को चार स्थानों में बाँट दिया: स्त्रियों, अग्नि, वनस्पतियों और गौओं में। इस प्रकार ब्राह्मण-तेज के प्रभाव से बढ़ा हुआ इन्द्र शत्रु का वध करके अपने स्थान पर पुनः स्थापित किया गया।

श्लोक 42 (12.351.42)

आकाशगङ्गागतश्च पुरा भरद्वाजो महर्षिरुपास्पृशंस्त्रीन्क्रमान्क्रमता विष्णुनाभ्यासादितः । स भरद्वाजेन ससलिलेन पाणिनोरसि ताडितः सलक्षणोरस्कः संवृत्तः ॥

ākāśagaṅgāgataśca purā bharadvājo maharṣirupāspṛśaṃstrīnkramānkramatā viṣṇunābhyāsāditaḥ | sa bharadvājena sasalilena pāṇinorasi tāḍitaḥ salakṣaṇoraskaḥ saṃvṛttaḥ

पूर्वकाल में आकाशगंगा पर गए हुए महर्षि भरद्वाज आचमन कर रहे थे, तभी तीन डग भरते हुए विष्णु उनके पास आ पहुँचे। भरद्वाज ने जल से भीगे हाथ से उनकी छाती पर प्रहार किया, और वे छाती पर चिह्न धारण करने वाले हो गए।

श्लोक 43 (12.351.43)

भृगुणा महर्षिणा शप्तोऽग्निः सर्वभक्षत्वमुपनीतः ॥

bhṛguṇā maharṣiṇā śapto'gniḥ sarvabhakṣatvamupanītaḥ

महर्षि भृगु ने अग्नि को शाप दिया, और वह सर्वभक्षी बना दिया गया।

श्लोक 44 (12.351.44)

अदितिर्वै देवानामन्नमपचदेतद्भुक्त्वासुरान्हनिष्यन्तीति । तत्र बुधो व्रतचर्यासमाप्तावागच्छत् । अदितिं चावोचद्भिक्षां देहीति । तत्र देवैः पूर्वमेतत्प्राश्यं नान्येनेत्यदितिर्भिक्षां नादात् । अथ भिक्षाप्रत्याख्यानरुषितेन बुधेन ब्रह्मभूतेन विवस्वतो द्वितीये जन्मन्यण्डसञ्ज्ञितस्याण्डं मारितमदित्याः । स मार्तण्डो विवस्वानभवच्छ्राद्धदेवः ॥

aditirvai devānāmannamapacadetadbhuktvāsurānhaniṣyantīti | tatra budho vratacaryāsamāptāvāgacchat | aditiṃ cāvocadbhikṣāṃ dehīti | tatra devaiḥ pūrvametatprāśyaṃ nānyenetyaditirbhikṣāṃ nādāt | atha bhikṣāpratyākhyānaruṣitena budhena brahmabhūtena vivasvato dvitīye janmanyaṇḍasañjñitasyāṇḍaṃ māritamadityāḥ | sa mārtaṇḍo vivasvānabhavacchrāddhadevaḥ

अदिति ने एक बार देवताओं के लिए अन्न पकाया, यह सोचकर कि इसे खाकर वे असुरों को मारेंगे। तभी व्रत की समाप्ति पर बुध वहाँ आए। उन्होंने अदिति से कहा, ‘भिक्षा दो।’ ‘इसे पहले देवता ही खाएँगे, और कोई नहीं’ — यह कहकर अदिति ने भिक्षा नहीं दी। तब भिक्षा के इनकार से क्रुद्ध, ब्रह्मभूत बुध ने विवस्वान् के दूसरे जन्म में अदिति के ‘अण्ड’ नामक पुत्र के अण्ड को मार डाला। वही मार्तण्ड विवस्वान् श्राद्धदेव हुए।

श्लोक 45 (12.351.45)

दक्षस्य वै दुहितरः षष्टिरासन् । ताभ्यः कश्यपाय त्रयोदश प्रादाद्दश धर्माय दश मनवे सप्तविंशतिमिन्दवे । तासु तुल्यासु नक्षत्राख्यां गतासु सोमो रोहिण्यामभ्यधिकां प्रीतिमकरोत् । ततस्ताः शेषाः पत्न्य ईर्ष्यावत्यः पितुः समीपं गत्वेममर्थं शशंसुः । भगवन्नस्मासु तुल्यप्रभावासु सोमो रोहिणीमधिकं भजतीति । सोऽब्रवीद्यक्ष्मैनमावेक्ष्यतीति ॥

dakṣasya vai duhitaraḥ ṣaṣṭirāsan | tābhyaḥ kaśyapāya trayodaśa prādāddaśa dharmāya daśa manave saptaviṃśatimindave | tāsu tulyāsu nakṣatrākhyāṃ gatāsu somo rohiṇyāmabhyadhikāṃ prītimakarot | tatastāḥ śeṣāḥ patnya īrṣyāvatyaḥ pituḥ samīpaṃ gatvemamarthaṃ śaśaṃsuḥ | bhagavannasmāsu tulyaprabhāvāsu somo rohiṇīmadhikaṃ bhajatīti | so'bravīdyakṣmainamāvekṣyatīti

दक्ष की साठ कन्याएँ थीं। उनमें से उसने तेरह कश्यप को, दस धर्म को, दस मनु को और सत्ताईस इन्दु (चन्द्रमा) को दीं। वे सब समान थीं और नक्षत्र नाम से प्रसिद्ध हुईं, पर सोम ने रोहिणी से अधिक प्रेम किया। तब शेष पत्नियाँ ईर्ष्या से भरकर पिता के पास गईं और उनसे यह बात कही: ‘भगवन्, हम समान प्रभाव वाली हैं, फिर भी सोम रोहिणी को अधिक चाहता है।’ दक्ष ने कहा, ‘इसे यक्ष्मा हो जाएगा।’

श्लोक 46 (12.351.46)

दक्षशापात्सोमं राजानं यक्ष्माविवेश । स यक्ष्मणाविष्टो दक्षमगमत् । दक्षश्चैनमब्रवीन्न समं वर्तस इति । तत्रर्षयः सोममब्रुवन्क्षीयसे यक्ष्मणा । पश्चिमस्यां दिशि समुद्रे हिरण्यसरस्तीर्थम् । तत्र गत्वात्मानमभिषेचयस्वेति । अथागच्छत्सोमस्तत्र हिरण्यसरस्तीर्थम् । गत्वा चात्मनः स्नपनमकरोत् । स्नात्वा चात्मानं पाप्मनो मोक्षयामास । तत्र चावभासितस्तीर्थे यदा सोमस्तदाप्रभृति तीर्थं तत्प्रभासमिति नाम्ना ख्यातं बभूव । तच्छापादद्यापि क्षीयते सोमोऽमावास्यान्तरस्थः । पौर्णमासीमात्रेऽधिष्ठितो मेघलेखाप्रतिच्छन्नं वपुर्दर्शयति । मेघसदृशं वर्णमगमत्तदस्य शशलक्ष्म विमलमभवत् ॥

dakṣaśāpātsomaṃ rājānaṃ yakṣmāviveśa | sa yakṣmaṇāviṣṭo dakṣamagamat | dakṣaścainamabravīnna samaṃ vartasa iti | tatrarṣayaḥ somamabruvankṣīyase yakṣmaṇā | paścimasyāṃ diśi samudre hiraṇyasarastīrtham | tatra gatvātmānamabhiṣecayasveti | athāgacchatsomastatra hiraṇyasarastīrtham | gatvā cātmanaḥ snapanamakarot | snātvā cātmānaṃ pāpmano mokṣayāmāsa | tatra cāvabhāsitastīrthe yadā somastadāprabhṛti tīrthaṃ tatprabhāsamiti nāmnā khyātaṃ babhūva | tacchāpādadyāpi kṣīyate somo'māvāsyāntarasthaḥ | paurṇamāsīmātre'dhiṣṭhito meghalekhāpraticchannaṃ vapurdarśayati | meghasadṛśaṃ varṇamagamattadasya śaśalakṣma vimalamabhavat

दक्ष के शाप से राजा सोम में यक्ष्मा घुस गया। यक्ष्मा से ग्रस्त वह दक्ष के पास गया, और दक्ष ने उससे कहा, ‘तुम सबके साथ समान व्यवहार नहीं करते।’ ऋषियों ने सोम से कहा, ‘तुम यक्ष्मा से क्षीण हो रहे हो। पश्चिम दिशा में समुद्र पर हिरण्यसर नामक तीर्थ है। वहाँ जाकर स्नान करो।’ तब सोम उस हिरण्यसर तीर्थ पर आया और उसने वहाँ स्नान किया। स्नान करके उसने अपने को पाप से मुक्त किया। उस तीर्थ पर सोम के प्रकाशित होने से उसी समय से वह तीर्थ ‘प्रभास’ नाम से प्रसिद्ध हुआ। उस शाप के कारण आज भी सोम क्षीण होता है, अमावास्या के अन्तराल में स्थित रहकर; पूर्णिमा के दिन ही स्थिर होकर वह मेघ-रेखा से ढका अपना शरीर दिखाता है। उसने मेघ-सा वर्ण धारण कर लिया, इसी से उसका शश-चिह्न निर्मल हो गया।

श्लोक 47 (12.351.47)

स्थूलशिरा महर्षिर्मेरोः प्रागुत्तरे दिग्भागे तपस्तेपे । तस्य तपस्तप्यमानस्य सर्वगन्धवहः शुचिर्वायुर्विवायमानः शरीरमस्पृशत् । स तपसा तापितशरीरः कृशो वायुनोपवीज्यमानो हृदयपरितोषमगमत् । तत्र तस्यानिलव्यजनकृतपरितोषस्य सद्यो वनस्पतयः पुष्पशोभां न दर्शितवन्त इति स एताञ्शशाप न सर्वकालं पुष्पवन्तो भविष्यथेति ॥

sthūlaśirā maharṣirmeroḥ prāguttare digbhāge tapastepe | tasya tapastapyamānasya sarvagandhavahaḥ śucirvāyurvivāyamānaḥ śarīramaspṛśat | sa tapasā tāpitaśarīraḥ kṛśo vāyunopavījyamāno hṛdayaparitoṣamagamat | tatra tasyānilavyajanakṛtaparitoṣasya sadyo vanaspatayaḥ puṣpaśobhāṃ na darśitavanta iti sa etāñśaśāpa na sarvakālaṃ puṣpavanto bhaviṣyatheti

महर्षि स्थूलशिरा ने मेरु की पूर्वोत्तर दिशा में तप किया। उनके तप करते समय सब गन्धों को वहन करने वाली शुद्ध वायु बहती हुई उनके शरीर को छू गई। तप से तपे हुए और कृश शरीर वाले वे वायु के झोंकों से पंखा झले जाते हुए हृदय में सन्तुष्ट हुए। तब वायु के पंखे से सन्तुष्ट हुए उन ऋषि को वनस्पतियों ने तुरन्त पुष्पों की शोभा नहीं दिखाई; इसलिए उन्होंने उन्हें शाप दिया: ‘तुम सब समय पुष्पों वाले नहीं रहोगे।’

श्लोक 48 (12.351.48)

नारायणो लोकहितार्थं वडवामुखो नाम महर्षिः पुराभवत् । तस्य मेरौ तपस्तप्यतः समुद्र आहूतो नागतः । तेनामर्षितेनात्मगात्रोष्मणा समुद्रः स्तिमितजलः कृतः । स्वेदप्रस्यन्दनसदृशश्चास्य लवणभावो जनितः । उक्तश्चापेयो भविष्यसि । एतच्च ते तोयं वडवामुखसञ्ज्ञितेन पीयमानं मधुरं भविष्यति । तदेतदद्यापि वडवामुखसञ्ज्ञितेनानुवर्तिना तोयं सामुद्रं पीयते ॥

nārāyaṇo lokahitārthaṃ vaḍavāmukho nāma maharṣiḥ purābhavat | tasya merau tapastapyataḥ samudra āhūto nāgataḥ | tenāmarṣitenātmagātroṣmaṇā samudraḥ stimitajalaḥ kṛtaḥ | svedaprasyandanasadṛśaścāsya lavaṇabhāvo janitaḥ | uktaścāpeyo bhaviṣyasi | etacca te toyaṃ vaḍavāmukhasañjñitena pīyamānaṃ madhuraṃ bhaviṣyati | tadetadadyāpi vaḍavāmukhasañjñitenānuvartinā toyaṃ sāmudraṃ pīyate

लोक के हित के लिए नारायण पूर्वकाल में वडवामुख नाम के महर्षि हुए। मेरु पर तप करते हुए उन्होंने समुद्र को बुलाया, पर वह नहीं आया। क्रुद्ध होकर उन्होंने अपने शरीर की ऊष्मा से समुद्र के जल को स्थिर कर दिया, और उसमें पसीने के टपकने जैसा खारापन उत्पन्न हो गया। उन्होंने कहा: ‘तुम पीने योग्य नहीं रहोगे। और तुम्हारा यह जल वडवामुख नामधारी द्वारा पिए जाने पर मीठा होगा।’ आज भी उनके अनुगामी वडवामुख द्वारा समुद्र का जल पिया जाता है।

श्लोक 49 (12.351.49)

हिमवतो गिरेर्दुहितरमुमां रुद्रश्चकमे । भृगुरपि च महर्षिर्हिमवन्तमागम्याब्रवीत्कन्यामुमां मे देहीति । तमब्रवीद्धिमवानभिलषितो वरो रुद्र इति । तमब्रवीद्भृगुर्यस्मात्त्वयाहं कन्यावरणकृतभावः प्रत्याख्यातस्तस्मान्न रत्नानां भवान्भाजनं भविष्यतीति । अद्यप्रभृत्येतदवस्थितमृषिवचनम् ॥

himavato girerduhitaramumāṃ rudraścakame | bhṛgurapi ca maharṣirhimavantamāgamyābravītkanyāmumāṃ me dehīti | tamabravīddhimavānabhilaṣito varo rudra iti | tamabravīdbhṛguryasmāttvayāhaṃ kanyāvaraṇakṛtabhāvaḥ pratyākhyātastasmānna ratnānāṃ bhavānbhājanaṃ bhaviṣyatīti | adyaprabhṛtyetadavasthitamṛṣivacanam

रुद्र ने हिमालय की पुत्री उमा को चाहा। महर्षि भृगु ने भी हिमालय के पास आकर कहा, ‘अपनी कन्या उमा मुझे दो।’ हिमालय ने उनसे कहा, ‘मैंने रुद्र को वर के रूप में चाहा है।’ भृगु ने उनसे कहा, ‘तुमने कन्या माँगने में मेरी इच्छा को ठुकरा दिया, इसलिए तुम रत्नों के पात्र नहीं रहोगे।’ उस दिन से ऋषि का यह वचन वैसा ही बना हुआ है।

श्लोक 50 (12.351.50)

तदेवंविधं माहात्म्यं ब्राह्मणानाम् । क्षत्रमपि शाश्वतीमव्ययां पृथिवीं पत्नीमभिगम्य बुभुजे । तदेतद्ब्रह्माग्नीषोमीयम् । तेन जगद्धार्यते ॥

tadevaṃvidhaṃ māhātmyaṃ brāhmaṇānām | kṣatramapi śāśvatīmavyayāṃ pṛthivīṃ patnīmabhigamya bubhuje | tadetadbrahmāgnīṣomīyam | tena jagaddhāryate

ब्राह्मणों की महिमा ऐसी है। क्षत्र ने भी शाश्वत, अविनाशी पृथ्वी को पत्नी रूप में पाकर उसका भोग किया। यही ब्रह्म का अग्नि-सोमात्मक रूप है; इसी से जगत् धारण किया जाता है।