नारायण से व्यास का जन्म

श्लोक 1 (12.359.1)

साङ्ख्यं योगः पाञ्चरात्रं वेदारण्यकमेव च । ज्ञानान्येतानि ब्रह्मर्षे लोकेषु प्रचरन्ति ह ॥

sāṅkhyaṃ yogaḥ pāñcarātraṃ vedāraṇyakameva ca | jñānānyetāni brahmarṣe lokeṣu pracaranti ha

सांख्य, योग, पाञ्चरात्र और वेदों का आरण्यक भाग: हे ब्रह्मर्षे! ज्ञान की ये धाराएँ लोकों में प्रचलित हैं।

श्लोक 2 (12.359.2)

किमेतान्येकनिष्ठानि पृथङ्निष्ठानि वा मुने । प्रब्रूहि वै मया पृष्टः प्रवृत्तिं च यथाक्रमम् ॥

kimetānyekaniṣṭhāni pṛthaṅniṣṭhāni vā mune | prabrūhi vai mayā pṛṣṭaḥ pravṛttiṃ ca yathākramam

हे मुने! क्या ये सब एक ही निष्ठा पर आश्रित हैं, या इनकी निष्ठाएँ अलग-अलग हैं? मेरे पूछने पर आप इनकी प्रवृत्ति को क्रम से बताइए।

श्लोक 3 (12.359.3)

कथं वैकारिको गच्छेत्पुरुषः पुरुषोत्तमम् । वदस्व त्वं मया पृष्टः प्रवृत्तिं च यथाक्रमम् ॥

kathaṃ vaikāriko gacchetpuruṣaḥ puruṣottamam | vadasva tvaṃ mayā pṛṣṭaḥ pravṛttiṃ ca yathākramam

विकारों के जगत् में बँधा हुआ (वैकारिक) पुरुष परम पुरुष को कैसे प्राप्त होता है? मेरे पूछने पर आप क्रम से इसकी प्रवृत्ति बताइए।

श्लोक 4 (12.359.4)

जज्ञे बहुज्ञं परमत्युदारं । यं द्वीपमध्ये सुतमात्मवन्तम् । पराशरात्सत्यवती महर्षिं । तस्मै नमोऽज्ञानतमोनुदाय ॥

jajñe bahujñaṃ paramatyudāraṃ | yaṃ dvīpamadhye sutamātmavantam | parāśarātsatyavatī maharṣiṃ | tasmai namo'jñānatamonudāya

द्वीप के मध्य में सत्यवती ने पराशर से जिस अत्यन्त विद्वान्, परम उदार और आत्मवान् पुत्र महर्षि को जन्म दिया, अज्ञान के अन्धकार को दूर करने वाले उन महर्षि को नमस्कार है।

श्लोक 5 (12.359.5)

पितामहाद्यं प्रवदन्ति षष्ठं । महर्षिमार्षेयविभूतियुक्तम् । नारायणस्यांशजमेकपुत्रं । द्वैपायनं वेदमहानिधानम् ॥

pitāmahādyaṃ pravadanti ṣaṣṭhaṃ | maharṣimārṣeyavibhūtiyuktam | nārāyaṇasyāṃśajamekaputraṃ | dvaipāyanaṃ vedamahānidhānam

पितामह के आदि कारण से गिनने पर जिन्हें छठा कहा जाता है, जो ऋषिकुल की विभूति से युक्त महर्षि हैं, नारायण के अंश से उत्पन्न एकमात्र पुत्र और वेदों के महान् निधान हैं, वे द्वैपायन हैं।

श्लोक 6 (12.359.6)

तमादिकालेषु महाविभूति । र्नारायणो ब्रह्म महानिधानम् । ससर्ज पुत्रार्थमुदारतेजा । व्यासं महात्मानमजं पुराणम् ॥

tamādikāleṣu mahāvibhūti | rnārāyaṇo brahma mahānidhānam | sasarja putrārthamudāratejā | vyāsaṃ mahātmānamajaṃ purāṇam

आदिकाल में महान् ऐश्वर्य वाले, ब्रह्मस्वरूप और महान् निधि, उदार तेज वाले नारायण ने पुत्र के लिए उन महात्मा, अजन्मा और पुरातन व्यास की सृष्टि की।

श्लोक 7 (12.359.7)

त्वयैव कथितः पूर्वं संभवो द्विजसत्तम । वसिष्ठस्य सुतः शक्तिः शक्तिपुत्रः पराशरः ॥

tvayaiva kathitaḥ pūrvaṃ saṃbhavo dvijasattama | vasiṣṭhasya sutaḥ śaktiḥ śaktiputraḥ parāśaraḥ

हे द्विजश्रेष्ठ! उनकी उत्पत्ति आपने ही पहले बताई थी: वसिष्ठ के पुत्र शक्ति थे और शक्ति के पुत्र पराशर।

श्लोक 8 (12.359.8)

पराशरस्य दायादः कृष्णद्वैपायनो मुनिः । भूयो नारायणसुतं त्वमेवैनं प्रभाषसे ॥

parāśarasya dāyādaḥ kṛṣṇadvaipāyano muniḥ | bhūyo nārāyaṇasutaṃ tvamevainaṃ prabhāṣase

पराशर के उत्तराधिकारी मुनि कृष्णद्वैपायन हैं; फिर भी आप उन्हें नारायण का पुत्र कह रहे हैं।

श्लोक 9 (12.359.9)

किमतः पूर्वकं जन्म व्यासस्यामिततेजसः । कथयस्वोत्तममते जन्म नारायणोद्भवम् ॥

kimataḥ pūrvakaṃ janma vyāsasyāmitatejasaḥ | kathayasvottamamate janma nārāyaṇodbhavam

अपरिमित तेज वाले व्यास का इससे पहले कौन-सा जन्म हुआ था? हे उत्तम बुद्धि वाले! नारायण से हुआ उनका जन्म मुझे बताइए।

श्लोक 10 (12.359.10)

वेदार्थवेत्तुर्व्यासस्य धर्मिष्ठस्य तपोनिधेः । गुरोर्मे ज्ञाननिष्ठस्य हिमवत्पाद आसतः ॥

vedārthavetturvyāsasya dharmiṣṭhasya taponidheḥ | gurorme jñānaniṣṭhasya himavatpāda āsataḥ

वेदों के अर्थ को जानने वाले, धर्मनिष्ठ, तप के निधि और ज्ञान में स्थिर मेरे गुरु व्यास जब हिमालय की तलहटी में विराजमान थे,

श्लोक 11 (12.359.11)

कृत्वा भारतमाख्यानं तपः श्रान्तस्य धीमतः । शुश्रूषां तत्परा राजन्कृतवन्तो वयं तदा ॥

kṛtvā bhāratamākhyānaṃ tapaḥ śrāntasya dhīmataḥ | śuśrūṣāṃ tatparā rājankṛtavanto vayaṃ tadā

भारत का आख्यान रचकर तप से थके हुए उन बुद्धिमान् की सेवा में हम सब, हे राजन्, तब तत्पर रहे।

श्लोक 12 (12.359.12)

सुमन्तुर्जैमिनिश्चैव पैलश्च सुदृढव्रतः । अहं चतुर्थः शिष्यो वै शुको व्यासात्मजस्तथा ॥

sumanturjaiminiścaiva pailaśca sudṛḍhavrataḥ | ahaṃ caturthaḥ śiṣyo vai śuko vyāsātmajastathā

सुमन्तु, जैमिनि और दृढ़ व्रत वाले पैल; चौथा शिष्य मैं था और व्यास के पुत्र शुक भी शिष्य थे।

श्लोक 13 (12.359.13)

एभिः परिवृतो व्यासः शिष्यैः पञ्चभिरुत्तमैः । शुशुभे हिमवत्पादे भूतैर्भूतपतिर्यथा ॥

ebhiḥ parivṛto vyāsaḥ śiṣyaiḥ pañcabhiruttamaiḥ | śuśubhe himavatpāde bhūtairbhūtapatiryathā

इन पाँच श्रेष्ठ शिष्यों से घिरे हुए व्यास हिमालय की तलहटी में ऐसे शोभित हुए जैसे भूतों के बीच भूतों के स्वामी शिव।

श्लोक 14 (12.359.14)

वेदानावर्तयन्साङ्गान्भारतार्थांश्च सर्वशः । तमेकमनसं दान्तं युक्ता वयमुपास्महे ॥

vedānāvartayansāṅgānbhāratārthāṃśca sarvaśaḥ | tamekamanasaṃ dāntaṃ yuktā vayamupāsmahe

वे अंगों सहित वेदों का और भारत के अर्थों का सब प्रकार से पाठ करते थे, और हम संयत होकर उन एकाग्रचित्त, जितेन्द्रिय गुरु की उपासना करते थे।

श्लोक 15 (12.359.15)

कथान्तरेऽथकस्मिंश्चित्पृष्टोऽस्माभिर्द्विजोत्तमः । वेदार्थान्भारतार्थांश्च जन्म नारायणात्तथा ॥

kathāntare'thakasmiṃścitpṛṣṭo'smābhirdvijottamaḥ | vedārthānbhāratārthāṃśca janma nārāyaṇāttathā

एक बार बातचीत के बीच हमने उन द्विजश्रेष्ठ से वेदों और भारत के अर्थों के विषय में तथा नारायण से हुए उनके जन्म के विषय में पूछा।

श्लोक 16 (12.359.16)

स पूर्वमुक्त्वा वेदार्थान्भारतार्थांश्च तत्त्ववित् । नारायणादिदं जन्म व्याहर्तुमुपचक्रमे ॥

sa pūrvamuktvā vedārthānbhāratārthāṃśca tattvavit | nārāyaṇādidaṃ janma vyāhartumupacakrame

तत्त्व को जानने वाले उन्होंने पहले वेदों और भारत के अर्थ समझाकर फिर नारायण से हुए इस जन्म का वर्णन आरम्भ किया।

श्लोक 17 (12.359.17)

शृणुध्वमाख्यानवरमिदमार्षेयमुत्तमम् । आदिकालोद्भवं विप्रास्तपसाऽधिगतं मया ॥

śṛṇudhvamākhyānavaramidamārṣeyamuttamam | ādikālodbhavaṃ viprāstapasā'dhigataṃ mayā

हे ब्राह्मणो! ऋषियों की यह उत्तम और श्रेष्ठ कथा सुनो, जो आदिकाल की है और जिसे मैंने तपस्या से प्राप्त किया है।

श्लोक 18 (12.359.18)

प्राप्ते प्रजाविसर्गे वै सप्तमे पद्मसंभवे । नारायणो महायोगी शुभाशुभविवर्जितः ॥

prāpte prajāvisarge vai saptame padmasaṃbhave | nārāyaṇo mahāyogī śubhāśubhavivarjitaḥ

जब प्रजाओं की सातवीं सृष्टि का, अर्थात् पद्मजन्मा ब्रह्मा के प्रकट होने का समय आया, तब शुभ और अशुभ से परे महायोगी नारायण ने

श्लोक 19 (12.359.19)

ससृजे नाभितः पूर्वं ब्रह्माणममितप्रभः । ततः स प्रादुरभवदथैनं वाक्यमब्रवीत् ॥

sasṛje nābhitaḥ pūrvaṃ brahmāṇamamitaprabhaḥ | tataḥ sa prādurabhavadathainaṃ vākyamabravīt

अपनी नाभि से पहले अपरिमित तेज वाले ब्रह्मा को उत्पन्न किया; फिर उनके सामने प्रकट होकर उनसे यह वचन कहा:

श्लोक 20 (12.359.20)

मम त्वं नाभितो जातः प्रजासर्गकरः प्रभुः । सृज प्रजास्त्वं विविधा ब्रह्मन्सजडपण्डिताः ॥

mama tvaṃ nābhito jātaḥ prajāsargakaraḥ prabhuḥ | sṛja prajāstvaṃ vividhā brahmansajaḍapaṇḍitāḥ

"तुम मेरी नाभि से उत्पन्न हुए हो और प्रजाओं की सृष्टि करने वाले प्रभु हो। हे ब्रह्मन्! जड़ और पण्डित, सब प्रकार की प्रजाओं की सृष्टि करो।"

श्लोक 21 (12.359.21)

स एवमुक्तो विमुखश्चिन्ताव्याकुलमानसः । प्रणम्य वरदं देवमुवाच हरिमीश्वरम् ॥

sa evamukto vimukhaścintāvyākulamānasaḥ | praṇamya varadaṃ devamuvāca harimīśvaram

ऐसा कहे जाने पर वे उदास हो गए और उनका मन चिन्ता से व्याकुल हो उठा; उन्होंने वर देने वाले ईश्वर हरि को प्रणाम करके कहा:

श्लोक 22 (12.359.22)

का शक्तिर्मम देवेश प्रजाः स्रष्टुं नमोस्तु ते । अप्रज्ञावानहं देव विधत्स्व यदनन्तरम् ॥

kā śaktirmama deveśa prajāḥ sraṣṭuṃ namostu te | aprajñāvānahaṃ deva vidhatsva yadanantaram

"हे देवेश! प्रजाओं की सृष्टि करने की मुझमें क्या शक्ति है? आपको नमस्कार है। हे देव! मैं प्रज्ञाहीन हूँ; आगे जो उचित हो वह आप ही निश्चित कीजिए।"

श्लोक 23 (12.359.23)

स एवमुक्तो भगवान्भूत्वाऽथान्तर्हितस्ततः । चिन्तयामास देवेशो बुद्धिं बुद्धिमतांवरः । स्वरूपिणी ततो बुद्धिरुपतस्थे हरिं प्रभुम् ॥

sa evamukto bhagavānbhūtvā'thāntarhitastataḥ | cintayāmāsa deveśo buddhiṃ buddhimatāṃvaraḥ | svarūpiṇī tato buddhirupatasthe hariṃ prabhum

ऐसा कहे जाने पर भगवान् अन्तर्धान हो गए। तब बुद्धिमानों में श्रेष्ठ उन देवेश ने बुद्धि का चिन्तन किया, और रूप धारण किए हुए बुद्धि प्रभु हरि के सम्मुख उपस्थित हुई।

श्लोक 24 (12.359.24)

योगेन चैनां निर्योगः स्वयं नियुयुजे तदा । स तामैश्वर्ययोगस्थां बुद्धिं गतिमतीं सतीम् ॥

yogena caināṃ niryogaḥ svayaṃ niyuyuje tadā | sa tāmaiśvaryayogasthāṃ buddhiṃ gatimatīṃ satīm

तब स्वयं योग से परे रहने वाले उन्होंने योग द्वारा उस बुद्धि को नियुक्त किया, जो ऐश्वर्य-योग में स्थित, गतिमती और सती थी,

श्लोक 25 (12.359.25)

उवाच वचनं देवो बुद्धिं वै प्रभुरव्ययः । ब्रह्माणं प्रविशस्वेति लोकसृष्ट्यर्थसिद्धये । ततस्तमीश्वरादिष्टा बुद्धिः क्षिप्रं विवेश सा ॥

uvāca vacanaṃ devo buddhiṃ vai prabhuravyayaḥ | brahmāṇaṃ praviśasveti lokasṛṣṭyarthasiddhaye | tatastamīśvarādiṣṭā buddhiḥ kṣipraṃ viveśa sā

अविनाशी प्रभु देव ने बुद्धि से कहा: "लोकों की सृष्टि की सिद्धि के लिए ब्रह्मा में प्रवेश करो।" ईश्वर की आज्ञा पाकर बुद्धि शीघ्र ही उनमें प्रविष्ट हो गई।

श्लोक 26 (12.359.26)

अथैनं बुद्धिसंयुक्तं पुनः स ददृशे हरिः । भूयश्चैव वचः प्राह सृजेमा विविधाः प्रजाः ॥

athainaṃ buddhisaṃyuktaṃ punaḥ sa dadṛśe hariḥ | bhūyaścaiva vacaḥ prāha sṛjemā vividhāḥ prajāḥ

तब हरि ने उन्हें बुद्धि से संयुक्त देखा और फिर कहा: "इन अनेक प्रकार की प्रजाओं की सृष्टि करो।"

श्लोक 27 (12.359.27)

बाढमित्येव कृत्वाऽसौ यथाऽऽज्ञां शिरसा हरेः । एवमुक्त्वा स भगवांस्तत्रैवान्तरधायत ॥

bāḍhamityeva kṛtvā'sau yathā''jñāṃ śirasā hareḥ | evamuktvā sa bhagavāṃstatraivāntaradhāyata

"ऐसा ही हो" कहकर उन्होंने हरि की आज्ञा को शिरोधार्य किया। इस प्रकार कहकर भगवान् उसी स्थान पर अन्तर्धान हो गए।

श्लोक 28 (12.359.28)

प्राप चैनं मुहूर्तेन स्वं स्थानं देवसंज्ञितम् । तां चैव प्रकृतिं प्राप्य एकीभावगतोऽभवत् ॥

prāpa cainaṃ muhūrtena svaṃ sthānaṃ devasaṃjñitam | tāṃ caiva prakṛtiṃ prāpya ekībhāvagato'bhavat

क्षण भर में वे देवों के नाम से प्रसिद्ध अपने स्थान पर पहुँचे, और प्रकृति को प्राप्त होकर उसके साथ एकरूप हो गए।

श्लोक 29 (12.359.29)

अथास्य बुद्धिरभवत्पुनरन्या तदा किल । सृष्टाः प्रजा इमाः सर्वा ब्रह्मणा परमेष्ठिना ॥

athāsya buddhirabhavatpunaranyā tadā kila | sṛṣṭāḥ prajā imāḥ sarvā brahmaṇā parameṣṭhinā

तब, कहते हैं, उनके मन में एक और विचार उठा: "ये सारी प्रजाएँ परमेष्ठी ब्रह्मा ने रची हैं,

श्लोक 30 (12.359.30)

दैत्यदानवगन्धर्वरक्षोगणसमाकुला । जाता हीयं वसुमती भाराक्रान्ता तपस्विनी ॥

daityadānavagandharvarakṣogaṇasamākulā | jātā hīyaṃ vasumatī bhārākrāntā tapasvinī

और यह पृथ्वी दैत्यों, दानवों, गन्धर्वों और राक्षसों के समूहों से भर गई है तथा भार से दबी हुई दुःखी हो रही है।

श्लोक 31 (12.359.31)

बहवो बलिनः पृथ्व्यां दैत्यदानवराक्षसाः । भविष्यन्ति तपोयुक्ता वरान्प्राप्स्यन्ति चोत्तमान् ॥

bahavo balinaḥ pṛthvyāṃ daityadānavarākṣasāḥ | bhaviṣyanti tapoyuktā varānprāpsyanti cottamān

पृथ्वी पर अनेक बलवान् दैत्य, दानव और राक्षस उत्पन्न होंगे; वे तप में लगे रहकर उत्तम वर प्राप्त करेंगे।

श्लोक 32 (12.359.32)

अवश्यमेव तैः सर्वैर्वरदानेन दर्पितैः । बाधितव्याः सुरगणा ऋषयश्च तपोधनाः ॥

avaśyameva taiḥ sarvairvaradānena darpitaiḥ | bādhitavyāḥ suragaṇā ṛṣayaśca tapodhanāḥ

उन वरदानों से घमण्डी होकर वे सब अवश्य ही देवगणों को और तपस्वी ऋषियों को सताएँगे।

श्लोक 33 (12.359.33)

तत्र न्याय्यमिदं कर्तुं भारावतरणं मया । अथ नानासमुद्भूतैर्वसुधायां यथाक्रमम् ॥

tatra nyāyyamidaṃ kartuṃ bhārāvataraṇaṃ mayā | atha nānāsamudbhūtairvasudhāyāṃ yathākramam

ऐसी स्थिति में मेरे लिए उचित है कि मैं पृथ्वी पर क्रम से अनेक रूपों में जन्म लेकर उसका भार उतारूँ,

श्लोक 34 (12.359.34)

निग्रहेण च पापानां साधूनां प्रग्रहेण च । इदं तपस्विनी सत्या धारयिष्यति मेदिनी ॥

nigraheṇa ca pāpānāṃ sādhūnāṃ pragraheṇa ca | idaṃ tapasvinī satyā dhārayiṣyati medinī

क्योंकि पापियों का दमन और साधुओं का पालन करने से यह तपस्विनी और सत्यस्वरूपा पृथ्वी इस सबको धारण कर सकेगी।"

श्लोक 35 (12.359.35)

मया ह्येषा हि ध्रियते पातालस्थेन भोगिना । तस्मात्पृथ्व्याः परित्राणं करिष्ये संभवं गतः ॥

mayā hyeṣā hi dhriyate pātālasthena bhoginā | tasmātpṛthvyāḥ paritrāṇaṃ kariṣye saṃbhavaṃ gataḥ

"पाताल में रहने वाले शेषनाग के रूप में मैं ही उसे धारण करता हूँ; इसलिए जन्म ग्रहण करके मैं पृथ्वी की रक्षा करूँगा।"

श्लोक 36 (12.359.36)

एवं स चिन्तयित्वा तु भगवान्मधुसूदनः । रूपाण्यनेकान्यसृजत्प्रादुर्भावभवाय सः ॥

evaṃ sa cintayitvā tu bhagavānmadhusūdanaḥ | rūpāṇyanekānyasṛjatprādurbhāvabhavāya saḥ

इस प्रकार विचार करके भगवान् मधुसूदन ने अपने अवतारों के लिए अनेक रूप रचे।

श्लोक 37 (12.359.37)

वाराहं नारसिंहं च वामनं मानुषं तथा । एभिर्मया निहन्तव्याः दुर्विनीताः सुरारयः ॥

vārāhaṃ nārasiṃhaṃ ca vāmanaṃ mānuṣaṃ tathā | ebhirmayā nihantavyāḥ durvinītāḥ surārayaḥ

वराह, नृसिंह, वामन और मनुष्य: इन रूपों से मुझे देवताओं के उद्दण्ड शत्रुओं का संहार करना है।

श्लोक 38 (12.359.38)

अथ भूयो जगत्स्रष्टा भोःशब्देनानुनादयन् । सरस्वतीमुच्चचार तत्र सारस्वतोऽभवत् ॥

atha bhūyo jagatsraṣṭā bhoḥśabdenānunādayan | sarasvatīmuccacāra tatra sārasvato'bhavat

तब जगत् के सृष्टा ने "भोः" शब्द की गूँज उठाते हुए सरस्वती का उच्चारण किया, और वहीं सारस्वत उत्पन्न हुए।

श्लोक 39 (12.359.39)

अपान्तरतमा नाम सुतो वाक्संभवः प्रभोः । भूतभव्यभविष्यज्ञः सत्यवादी दृढव्रतः ॥

apāntaratamā nāma suto vāksaṃbhavaḥ prabhoḥ | bhūtabhavyabhaviṣyajñaḥ satyavādī dṛḍhavrataḥ

वे प्रभु की वाणी से उत्पन्न पुत्र थे, उनका नाम अपान्तरतमा था; वे भूत, वर्तमान और भविष्य के ज्ञाता, सत्यवादी और दृढ़ व्रत वाले थे।

श्लोक 40 (12.359.40)

तमुवाच नतं मूर्ध्ना देवानामादिरव्ययः । वेदाख्याने श्रुतिः कार्या त्वया मतिमतांवर ॥

tamuvāca nataṃ mūrdhnā devānāmādiravyayaḥ | vedākhyāne śrutiḥ kāryā tvayā matimatāṃvara

सिर झुकाए हुए उनसे देवताओं के आदि, अविनाशी प्रभु ने कहा: "हे बुद्धिमानों में श्रेष्ठ! वेदों के व्याख्यान में तुम्हें श्रुति की स्थापना करनी है।

श्लोक 41 (12.359.41)

तस्मात्कुरु यथाज्ञप्तं ममैतद्वचनं मुने । तेन भिन्नास्तदा वेदा मनोः स्वायंभुवेन्तरे ॥

tasmātkuru yathājñaptaṃ mamaitadvacanaṃ mune | tena bhinnāstadā vedā manoḥ svāyaṃbhuventare

इसलिए हे मुने! मेरी आज्ञा के अनुसार करो।" तब स्वायम्भुव मनु के अन्तर में उन्होंने वेदों का विभाग किया।

श्लोक 42 (12.359.42)

ततस्तुतोष भगवान्हरिस्तेनास्य कर्मणा । तपसा च सुतप्तेन यमेन नियमेन च ॥

tatastutoṣa bhagavānharistenāsya karmaṇā | tapasā ca sutaptena yamena niyamena ca

तब भगवान् हरि उनके उस कर्म से, उनकी भली-भाँति की हुई तपस्या से तथा उनके यम और नियम से प्रसन्न हुए।

श्लोक 43 (12.359.43)

मन्वन्तरेषु पुत्र त्वमेवं लोकप्रवर्तकः । भविष्यस्यचलो ब्रह्मन्नप्रधृष्यश्च नित्यशः ॥

manvantareṣu putra tvamevaṃ lokapravartakaḥ | bhaviṣyasyacalo brahmannapradhṛṣyaśca nityaśaḥ

"हे पुत्र! इस प्रकार तुम प्रत्येक मन्वन्तर में लोकों के प्रवर्तक रहोगे; हे ब्रह्मन्! तुम अचल और सदा अजेय रहोगे।

श्लोक 44 (12.359.44)

पुनस्तिष्ये च संप्राप्ते कुरवो नाम भारताः । भविष्यन्ति महात्मानो राजानः प्रथिता भुवि ॥

punastiṣye ca saṃprāpte kuravo nāma bhāratāḥ | bhaviṣyanti mahātmāno rājānaḥ prathitā bhuvi

और जब फिर तिष्य (कलि) युग आएगा, तब कुरु नाम के भरतवंशी महात्मा राजा पृथ्वी पर प्रसिद्ध होंगे।

श्लोक 45 (12.359.45)

तेषां त्वत्तः प्रसूतानां कुलभेदो भविष्यति । परस्परविनाशार्थं त्वामृते द्विजसत्तम ॥

teṣāṃ tvattaḥ prasūtānāṃ kulabhedo bhaviṣyati | parasparavināśārthaṃ tvāmṛte dvijasattama

तुमसे उत्पन्न उन लोगों के कुल में भेद पड़ेगा, जो उनके परस्पर विनाश का कारण होगा; हे द्विजश्रेष्ठ! केवल तुम उससे अलग रहोगे।

श्लोक 46 (12.359.46)

तत्राप्यनेकधा वेदान्भेत्स्यसे तपसाऽन्वितः । कृष्णे युगे च संप्राप्ते कृष्णवर्णो भविष्यसि ॥

tatrāpyanekadhā vedānbhetsyase tapasā'nvitaḥ | kṛṣṇe yuge ca saṃprāpte kṛṣṇavarṇo bhaviṣyasi

वहाँ भी तपस्या से युक्त होकर तुम वेदों के अनेक विभाग करोगे; और कृष्ण युग के आने पर तुम कृष्ण वर्ण वाले होगे।

श्लोक 47 (12.359.47)

धर्माणां विविधानां च कर्ता ज्ञानकरस्तथा । भविष्यसि तपोयुक्तो न च रागाद्विमोक्ष्यसे ॥

dharmāṇāṃ vividhānāṃ ca kartā jñānakarastathā | bhaviṣyasi tapoyukto na ca rāgādvimokṣyase

तुम अनेक प्रकार के धर्मों के रचयिता और ज्ञान के उत्पादक बनोगे; तप से युक्त होने पर भी तुम राग से मुक्त नहीं होगे।

श्लोक 48 (12.359.48)

वीतरागश्च पुत्रस्ते परमात्मा भविष्यति । महेश्वरप्रसादेन नैतद्वचनमन्यथा ॥

vītarāgaśca putraste paramātmā bhaviṣyati | maheśvaraprasādena naitadvacanamanyathā

तुम्हारा पुत्र वीतराग होकर परमात्मा बनेगा। महेश्वर की कृपा से यह वचन अन्यथा नहीं होगा।

श्लोक 49 (12.359.49)

यं मानसं वै प्रवदन्ति विप्राः । पितामहस्योत्तमबुद्धियुक्तम् । वसिष्ठमग्र्यं च तपोनिधानं । यस्यातिसूर्यं व्यरिरिच्यते भाः ॥

yaṃ mānasaṃ vai pravadanti viprāḥ | pitāmahasyottamabuddhiyuktam | vasiṣṭhamagryaṃ ca taponidhānaṃ | yasyātisūryaṃ vyariricyate bhāḥ

जिन्हें विप्र पितामह का मानस पुत्र, उत्तम बुद्धि वाला, श्रेष्ठ वसिष्ठ और तप का निधान कहते हैं, जिनकी कान्ति सूर्य को भी मात कर देती है;

श्लोक 50 (12.359.50)

तस्यान्वये चापि ततो महर्षिः । पराशरो नाम महाप्रभावः । पिता स ते वेदनिधिर्वरिष्ठो । महातपा वै तपसो निवासः ॥

tasyānvaye cāpi tato maharṣiḥ | parāśaro nāma mahāprabhāvaḥ | pitā sa te vedanidhirvariṣṭho | mahātapā vai tapaso nivāsaḥ

उनके वंश में पराशर नाम के महान् प्रभाव वाले महर्षि होंगे। वे तुम्हारे पिता होंगे, वेदों के श्रेष्ठ निधि, महातपस्वी और तप के निवासस्थान;

श्लोक 51 (12.359.51)

कानीनगर्भः पितृकन्यकायां । तस्मादृषेस्त्वं भविता च पुत्रः ॥

kānīnagarbhaḥ pitṛkanyakāyāṃ | tasmādṛṣestvaṃ bhavitā ca putraḥ

पितरों की कन्या से कन्यावस्था में गर्भ में आकर तुम उन ऋषि के पुत्र बनोगे।

श्लोक 52 (12.359.52)

भूतभव्यभविष्याणां ज्ञानानां वेत्स्यसे गतिम् । ये ह्यतिक्रान्तकाः पूर्वं सहस्रयुगपर्ययाः ॥

bhūtabhavyabhaviṣyāṇāṃ jñānānāṃ vetsyase gatim | ye hyatikrāntakāḥ pūrvaṃ sahasrayugaparyayāḥ

तुम भूत, भविष्य और वर्तमान के ज्ञान की गति को जानोगे, और जो हज़ारों युगचक्र पहले बीत चुके हैं,

श्लोक 53 (12.359.53)

तांश्च सर्वान्मयोद्दिष्टान्द्रक्ष्यसे तपसाऽन्वितः । पुनर्द्रक्ष्यसि चानेकसहस्रयुगपर्ययान् ॥

tāṃśca sarvānmayoddiṣṭāndrakṣyase tapasā'nvitaḥ | punardrakṣyasi cānekasahasrayugaparyayān

मेरे बताए हुए उन सबको तुम तपस्या के बल से देखोगे, और आगे आने वाले अनेक हज़ार युगचक्रों को भी फिर देखोगे।

श्लोक 54 (12.359.54)

अनादिनिधनं लोके चक्रहस्तं च मां मुने । अनुध्यानान्मम मुने नैतद्वचनमन्यथा । भविष्यति महासत्व ख्यातिश्चाप्यतुला तव ॥

anādinidhanaṃ loke cakrahastaṃ ca māṃ mune | anudhyānānmama mune naitadvacanamanyathā | bhaviṣyati mahāsatva khyātiścāpyatulā tava

हे मुने! लोक में आदि और अन्त से रहित, चक्र धारण करने वाले मेरा ध्यान करने से मेरा यह वचन अन्यथा नहीं होगा; और हे महासत्त्व! तुम्हारी कीर्ति अतुलनीय होगी।

श्लोक 55 (12.359.55)

शनैश्चरः सूर्यपुत्रो भविष्यति मनुर्महान् । तस्मिन्मन्वन्तरे चैव मन्वादिगणपूर्वकः । त्वमेव भविता वत्स मत्प्रसादान्न संशयः ॥

śanaiścaraḥ sūryaputro bhaviṣyati manurmahān | tasminmanvantare caiva manvādigaṇapūrvakaḥ | tvameva bhavitā vatsa matprasādānna saṃśayaḥ

सूर्य के पुत्र शनैश्चर महान् मनु होंगे; और उस मन्वन्तर में, हे वत्स! मेरी कृपा से तुम ही मनु आदि के गण में प्रधान होगे, इसमें संशय नहीं।

श्लोक 56 (12.359.56)

यत्किंचिद्विद्यते लोके सर्वं तन्मद्विचेष्टितम् । अन्यो ह्यन्यं चिन्तयति स्वच्छन्दं विदधाम्यहम् ॥

yatkiṃcidvidyate loke sarvaṃ tanmadviceṣṭitam | anyo hyanyaṃ cintayati svacchandaṃ vidadhāmyaham

लोक में जो कुछ भी है वह सब मेरी ही चेष्टा है। कोई कुछ सोचता है, कोई कुछ और, पर मैं अपनी इच्छा से जैसा चाहता हूँ वैसा ही विधान करता हूँ।"

श्लोक 57 (12.359.57)

एवं सारस्वतमृषिमपांतरतमं तथा । युक्त्वा वचनमीशानः साधयस्वेत्यथाब्रवीत् ॥

evaṃ sārasvatamṛṣimapāṃtaratamaṃ tathā | yuktvā vacanamīśānaḥ sādhayasvetyathābravīt

इस प्रकार सरस्वती के पुत्र ऋषि अपान्तरतमा को आदेश देकर प्रभु ने उनसे कहा, "इसे पूरा करो।"

श्लोक 58 (12.359.58)

सोहं तस्य प्रसादेन देवस्य हरिमेधसः । अपांतरतमो नाम्ना ततो जातोऽऽज्ञया हरेः ॥

sohaṃ tasya prasādena devasya harimedhasaḥ | apāṃtaratamo nāmnā tato jāto''jñayā hareḥ

वही मैं हूँ: उन बुद्धिमान् देव हरि की कृपा से और हरि की आज्ञा से मैं अपान्तरतमा नाम से उत्पन्न हुआ,

श्लोक 59 (12.359.59)

पुनश्च जातो विख्यातो वसिष्ठकुलनन्दनः ॥

punaśca jāto vikhyāto vasiṣṭhakulanandanaḥ

और फिर मैं वसिष्ठ के कुल का आनन्द बढ़ाने वाला प्रसिद्ध पुरुष होकर उत्पन्न हुआ।

श्लोक 60 (12.359.60)

तदेतत्कथितं जन्म मया पूर्वकमात्मनः । नारायणप्रसादेन तदा नारायणांशजम् ॥

tadetatkathitaṃ janma mayā pūrvakamātmanaḥ | nārāyaṇaprasādena tadā nārāyaṇāṃśajam

इस प्रकार मैंने अपना पूर्वजन्म सुनाया, जो नारायण की कृपा से नारायण के अंश से हुआ।

श्लोक 61 (12.359.61)

मया हि सुमहत्तप्तं तपः परमदारुणम् । पुरा मतिमतां श्रेष्ठाः परमेण समाधिना ॥

mayā hi sumahattaptaṃ tapaḥ paramadāruṇam | purā matimatāṃ śreṣṭhāḥ parameṇa samādhinā

हे बुद्धिमानों में श्रेष्ठ! पूर्वकाल में मैंने परम समाधि के साथ बहुत बड़ा और अत्यन्त कठोर तप किया था।

श्लोक 62 (12.359.62)

एतद्वः कथितं सर्वं यन्मां पृच्छत पुत्रकाः । पूर्वजन्म भविष्यं च भक्तानां स्नेहतो मया ॥

etadvaḥ kathitaṃ sarvaṃ yanmāṃ pṛcchata putrakāḥ | pūrvajanma bhaviṣyaṃ ca bhaktānāṃ snehato mayā

हे पुत्रो! तुमने मुझसे जो पूछा था वह सब, अर्थात् मेरा पूर्वजन्म और भविष्य, मैंने अपने भक्तों के प्रति स्नेह से तुम्हें बता दिया।

श्लोक 63 (12.359.63)

एष ते कथितः पूर्वः संभवोऽस्मद्गुरोर्नृप । व्यासस्याक्लिष्टमनसो यथा पृष्टः पुनः शृणु ॥

eṣa te kathitaḥ pūrvaḥ saṃbhavo'smadgurornṛpa | vyāsasyākliṣṭamanaso yathā pṛṣṭaḥ punaḥ śṛṇu

हे राजन्! हमारे गुरु अक्लिष्टमना व्यास की यह पहले की उत्पत्ति मैंने आपको बता दी; अब, जैसा आपने पूछा था, फिर सुनिए।

श्लोक 64 (12.359.64)

साङ्ख्यं योगः पाञ्चरात्रं वेदाः पाशुपतं तथा । ज्ञानान्येतानि राजर्षे विद्धि नानामतानि वै ॥

sāṅkhyaṃ yogaḥ pāñcarātraṃ vedāḥ pāśupataṃ tathā | jñānānyetāni rājarṣe viddhi nānāmatāni vai

सांख्य, योग, पाञ्चरात्र, वेद और पाशुपत: हे राजर्षे! इन्हें ज्ञान के भिन्न-भिन्न मत जानिए।

श्लोक 65 (12.359.65)

साङ्ख्यस्य वक्ता कपिलः परमर्षिः स उच्यते । हिरण्यगर्भो योगस्य वेत्ता नान्यः पुरातनः ॥

sāṅkhyasya vaktā kapilaḥ paramarṣiḥ sa ucyate | hiraṇyagarbho yogasya vettā nānyaḥ purātanaḥ

सांख्य के वक्ता परमर्षि कपिल कहे जाते हैं; योग के ज्ञाता हिरण्यगर्भ हैं, उनके समान पुरातन और कोई नहीं।

श्लोक 66 (12.359.66)

अपांतरतमाश्चैव वेदाचार्यः स उच्यते । प्राचीनगर्भं तमृषिं प्रवदन्तीह केचन ॥

apāṃtaratamāścaiva vedācāryaḥ sa ucyate | prācīnagarbhaṃ tamṛṣiṃ pravadantīha kecana

अपान्तरतमा वेदाचार्य कहे जाते हैं; कुछ लोग यहाँ उन ऋषि को प्राचीनगर्भ कहते हैं।

श्लोक 67 (12.359.67)

उमापतिर्भूतपतिः श्रीकण्ठो ब्रह्मणः सुतः । उक्तवानिदमव्यग्रो ज्ञानं पाशुपतं शिवः ॥

umāpatirbhūtapatiḥ śrīkaṇṭho brahmaṇaḥ sutaḥ | uktavānidamavyagro jñānaṃ pāśupataṃ śivaḥ

उमापति, भूतपति, श्रीकण्ठ, ब्रह्मा के पुत्र शिव ने शान्त चित्त से पाशुपत ज्ञान का उपदेश दिया।

श्लोक 68 (12.359.68)

पाञ्चरात्रस्य कृत्स्नस्य वक्ता तु भगवान्स्वयम् । सर्वेषु च नृपश्रेष्ठ ज्ञानेष्वेतेषु दृश्यते ॥

pāñcarātrasya kṛtsnasya vaktā tu bhagavānsvayam | sarveṣu ca nṛpaśreṣṭha jñāneṣveteṣu dṛśyate

सम्पूर्ण पाञ्चरात्र के वक्ता स्वयं भगवान् हैं; हे नृपश्रेष्ठ! इन सभी ज्ञान-परम्पराओं में वे ही दिखाई देते हैं।

श्लोक 69 (12.359.69)

यथागमं यथाज्ञानं निष्ठा नारायणः प्रभुः । न चैनमेवं जानन्ति तमोभूता विशांपते ॥

yathāgamaṃ yathājñānaṃ niṣṭhā nārāyaṇaḥ prabhuḥ | na cainamevaṃ jānanti tamobhūtā viśāṃpate

प्रत्येक शास्त्र और प्रत्येक ज्ञान के अनुसार अन्तिम आधार प्रभु नारायण हैं; पर अज्ञान में डूबे लोग उन्हें इस प्रकार नहीं जानते, हे राजन्।

श्लोक 70 (12.359.70)

तमेव शास्त्रकर्तारं प्रवदन्ति मनीषिणः । निष्ठां नारायणमृषिं नान्योस्तीति च वादिनः ॥

tameva śāstrakartāraṃ pravadanti manīṣiṇaḥ | niṣṭhāṃ nārāyaṇamṛṣiṃ nānyostīti ca vādinaḥ

मनीषी उन्हीं को शास्त्रों का कर्ता कहते हैं, और कहते हैं कि ऋषि नारायण ही अन्तिम आश्रय हैं, उनके सिवा और कोई नहीं।

श्लोक 71 (12.359.71)

निःसंशयेषु सर्वेषु नित्यं वसति वै हरिः । ससंशयान्हेतुबलान्नाध्यावसति माधवः ॥

niḥsaṃśayeṣu sarveṣu nityaṃ vasati vai hariḥ | sasaṃśayānhetubalānnādhyāvasati mādhavaḥ

हरि सदा उन सबमें निवास करते हैं जो संशय से रहित हैं; जो संशय से भरे हैं और तर्क के बल पर चलते हैं, उनमें माधव नहीं बसते।

श्लोक 72 (12.359.72)

पाञ्चरात्रविदो ये तु यथाक्रमपरा नृप । एकान्तभावोपगतास्ते हरिं प्रविशन्ति वै ॥

pāñcarātravido ye tu yathākramaparā nṛpa | ekāntabhāvopagatāste hariṃ praviśanti vai

जो पाञ्चरात्र को जानते हैं और क्रम से उसके नियमों में लगे रहते हैं, हे राजन्, वे एकनिष्ठ भक्ति को प्राप्त होकर हरि में प्रवेश करते हैं।

श्लोक 73 (12.359.73)

साङ्ख्यं च योगं च सनातने द्वे । वेदाश्च सर्वे निखिलेन राजन् । सर्वैः समस्तैर्ऋषिभिर्निरुक्तो । नारायणो विश्वमिदं पुराणम् ॥

sāṅkhyaṃ ca yogaṃ ca sanātane dve | vedāśca sarve nikhilena rājan | sarvaiḥ samastairṛṣibhirnirukto | nārāyaṇo viśvamidaṃ purāṇam

सांख्य और योग, ये दो सनातन मार्ग, और सम्पूर्ण वेद, हे राजन्: सभी ऋषियों ने मिलकर यही कहा है कि यह समस्त विश्व पुरातन नारायण ही है।

श्लोक 74 (12.359.74)

शुभाशुभं कर्म समीरितं य । त्प्रवर्तते सर्वलोकेषु किंचित् । तस्मादृषेस्तद्भवतीति विद्या । द्दिव्यन्तरिक्षे भुवि चाप्सु चेति ॥

śubhāśubhaṃ karma samīritaṃ ya | tpravartate sarvalokeṣu kiṃcit | tasmādṛṣestadbhavatīti vidyā | ddivyantarikṣe bhuvi cāpsu ceti

सब लोकों में जो कुछ भी शुभ या अशुभ कर्म प्रेरित होकर चलता है, उसे उन्हीं ऋषि से होने वाला जानना चाहिए: चाहे वह स्वर्ग में हो, अन्तरिक्ष में, पृथ्वी पर या जल में।