उपवासी ब्राह्मण से नाग-बान्धवों की प्रार्थना

श्लोक 1 (12.368.1)

अथ तेन नरश्रेष्ठ ब्राह्मणेन तपस्विना । निराहारेण वसता दुःखितास्ते भुजङ्गमाः ॥

atha tena naraśreṣṭha brāhmaṇena tapasvinā | nirāhāreṇa vasatā duḥkhitāste bhujaṅgamāḥ

हे नरश्रेष्ठ, तब उस तपस्वी ब्राह्मण को निराहार रहते देखकर वे नाग दुःखी हो गए।

श्लोक 2 (12.368.2)

सर्वे संभूय सहिता ह्यस्य नागस्य बान्धवाः । भ्रातरस्तनया भार्या ययुस्तं ब्राह्मणं प्रति ॥

sarve saṃbhūya sahitā hyasya nāgasya bāndhavāḥ | bhrātarastanayā bhāryā yayustaṃ brāhmaṇaṃ prati

उस नाग के सब बान्धव, उसके भाई, पुत्र और पत्नियाँ, एक साथ इकट्ठे होकर उस ब्राह्मण के पास गए।

श्लोक 3 (12.368.3)

तेऽपश्यन्पुलिने तं वै विविक्ते नियतव्रतम् । समासीनं निराहारं द्विजं जप्यपरायणम् ॥

te'paśyanpuline taṃ vai vivikte niyatavratam | samāsīnaṃ nirāhāraṃ dvijaṃ japyaparāyaṇam

उन्होंने नदी के एकान्त तट पर नियम-व्रत में दृढ़, उपवास किए हुए, जप में लगे हुए उस द्विज को बैठे देखा।

श्लोक 4 (12.368.4)

ते सर्वे समभिक्रम्य विप्रमभ्यर्च्य चासकृत् । ऊचुर्वाक्यमसंदिग्धमातिथेयस्य बान्धवाः ॥

te sarve samabhikramya vipramabhyarcya cāsakṛt | ūcurvākyamasaṃdigdhamātitheyasya bāndhavāḥ

वे सब ब्राह्मण के पास गए, बार-बार उसकी पूजा की, और आतिथ्य करनेवाले उस नाग के बान्धवों ने उससे स्पष्ट वचन कहे।

श्लोक 5 (12.368.5)

षष्ठो हि दिवसस्तेऽद्य प्राप्तस्येह तपोधन । न चाभिभाषसे किंचिदाहारं धर्मवत्सल ॥

ṣaṣṭho hi divasaste'dya prāptasyeha tapodhana | na cābhibhāṣase kiṃcidāhāraṃ dharmavatsala

हे तपोधन, यहाँ आए आज आपको छठा दिन है, और हे धर्मप्रिय, आप आहार के विषय में कुछ भी नहीं माँगते।

श्लोक 6 (12.368.6)

अस्मानभिगतश्चासि वयं च त्वामुपस्थिताः । कार्यं चातिथ्यमस्माभिरीप्सितं तव ऋद्धिमत् ॥

asmānabhigataścāsi vayaṃ ca tvāmupasthitāḥ | kāryaṃ cātithyamasmābhirīpsitaṃ tava ṛddhimat

आप हमारे पास आए हैं और हम भी आपके पास आए हैं; हम आपका भरपूर आतिथ्य करना चाहते हैं।

श्लोक 7 (12.368.7)

मूलं फलं वा पर्णं वा पयो वा द्विजसत्तम । आहारहेतोरन्नं वा भोक्तुमर्हसि ब्राह्मण ॥

mūlaṃ phalaṃ vā parṇaṃ vā payo vā dvijasattama | āhārahetorannaṃ vā bhoktumarhasi brāhmaṇa

हे द्विजश्रेष्ठ, मूल, फल, पत्ते, दूध या अन्न, कुछ भी आहार के रूप में आपको ग्रहण करना चाहिए, हे ब्राह्मण।

श्लोक 8 (12.368.8)

त्यक्ताहारेण भवता वने निवसता त्वया । बालवृद्धमिदं सर्वं पीड्यते धर्मसंकरात् ॥

tyaktāhāreṇa bhavatā vane nivasatā tvayā | bālavṛddhamidaṃ sarvaṃ pīḍyate dharmasaṃkarāt

आप वन में रहते हुए भोजन छोड़ बैठे हैं, इसलिए धर्म के संकट से हम सब, बालक और वृद्ध, पीड़ित हो रहे हैं।

श्लोक 9 (12.368.9)

न हि नो भ्रूणहा कश्चित्पन्नगेष्विह विद्यते । पूर्वाशी वा कुले ह्यस्मिन्देवतातिथिबन्धुषु ॥

na hi no bhrūṇahā kaścitpannageṣviha vidyate | pūrvāśī vā kule hyasmindevatātithibandhuṣu

हम नागों में कोई भ्रूणहत्यारा नहीं है, और इस कुल में ऐसा कोई नहीं जो देवताओं, अतिथियों और बन्धुओं से पहले खाता हो।

श्लोक 10 (12.368.10)

उपदेशेन युष्माकमाहारोऽयं कृतो मया । द्विरूनं दशरात्रं वै नागस्यागमनं प्रति ॥

upadeśena yuṣmākamāhāro'yaṃ kṛto mayā | dvirūnaṃ daśarātraṃ vai nāgasyāgamanaṃ prati

आपकी बताई बात के अनुसार मैंने यह आहार निश्चित किया है: दस में दो कम, यानी आठ रात, नाग के आने तक।

श्लोक 11 (12.368.11)

यद्यष्टरात्रेऽतिक्रान्ते नागमिष्यति पन्नगः । तदाहारं करिष्यामि तन्निमित्तमिदं व्रतम् ॥

yadyaṣṭarātre'tikrānte nāgamiṣyati pannagaḥ | tadāhāraṃ kariṣyāmi tannimittamidaṃ vratam

यदि आठवीं रात बीत जाने पर भी वह नाग न आया, तब मैं आहार करूँगा; मेरा यह व्रत उसी के निमित्त है।

श्लोक 12 (12.368.12)

कर्तव्यो न च संतापो गम्यतां च यथागतम् । तन्निमित्तमिदं सर्वं नैतद्भेत्तुमिहार्हथ ॥

kartavyo na ca saṃtāpo gamyatāṃ ca yathāgatam | tannimittamidaṃ sarvaṃ naitadbhettumihārhatha

आपको चिन्ता नहीं करनी चाहिए; जैसे आए थे वैसे ही लौट जाइए। यह सारा व्रत उसी के निमित्त है, आपको इसे भंग नहीं करना चाहिए।

श्लोक 13 (12.368.13)

ते तेन समनुज्ञाता ब्राह्मणेन भुजङ्गमाः । स्वमेव भवनं जग्मुरकृतार्था नरर्षभ ॥

te tena samanujñātā brāhmaṇena bhujaṅgamāḥ | svameva bhavanaṃ jagmurakṛtārthā nararṣabha

हे नरश्रेष्ठ, ब्राह्मण से इस प्रकार विदा पाकर वे नाग बिना अपना उद्देश्य पूरा किए अपने ही भवन को लौट गए।