पद्मनाभ का लौटना और पत्नी द्वारा कर्तव्य का कथन

श्लोक 1 (12.369.1)

अथ काले बहुतिथे पूर्णे प्राप्तो भुजङ्गमः । दत्ताभ्यनुज्ञः स्वं वेश्म कृतकर्मा विवस्वता ॥

atha kāle bahutithe pūrṇe prāpto bhujaṅgamaḥ | dattābhyanujñaḥ svaṃ veśma kṛtakarmā vivasvatā

तब बहुत दिन बीत जाने पर, अवधि पूरी होने पर, विवस्वान् (सूर्य) के प्रति अपना कार्य पूरा करके और छुट्टी पाकर वह नाग अपने घर लौट आया।

श्लोक 2 (12.369.2)

तं भार्याऽप्युपचक्राम पादशौचादिभिर्गुणैः । उपपन्नां च तां साध्वीं पन्नगः पर्यपृच्छत ॥

taṃ bhāryā'pyupacakrāma pādaśaucādibhirguṇaiḥ | upapannāṃ ca tāṃ sādhvīṃ pannagaḥ paryapṛcchata

उसकी पत्नी भी पैर धोने आदि सत्कारों के साथ उसके पास आई; और सेवा में लगी उस साध्वी से नाग ने पूछा।

श्लोक 3 (12.369.3)

अथ त्वमसि कल्याणि देवतातिथिपूजने । पूर्वमुक्तेन विधिना युक्ता कर्मसु वर्तसे ॥

atha tvamasi kalyāṇi devatātithipūjane | pūrvamuktena vidhinā yuktā karmasu vartase

हे कल्याणी, क्या तुम देवताओं और अतिथियों की पूजा में, जैसा मैंने पहले कहा था उसी विधि से, अपने कर्मों में लगी रही हो?

श्लोक 4 (12.369.4)

न खल्वस्यकृतार्थेन स्त्रीबुद्ध्या मार्दवीकृता । मद्वियोगेन सुश्रोणि विमुक्ता धर्मसेतुना ॥

na khalvasyakṛtārthena strībuddhyā mārdavīkṛtā | madviyogena suśroṇi vimuktā dharmasetunā

हे सुश्रोणि, मुझसे बिछुड़ने पर स्त्री-बुद्धि से कोमल पड़कर, अपना प्रयोजन अधूरा रखते हुए, तुमने धर्म के सेतु को छोड़ तो नहीं दिया?

श्लोक 5 (12.369.5)

शिष्याणां गुरुशुश्रूषा विप्राणां वेदधारणम् । भृत्यानां स्वामिवचनं राज्ञो लोकानुपालनम् ॥

śiṣyāṇāṃ guruśuśrūṣā viprāṇāṃ vedadhāraṇam | bhṛtyānāṃ svāmivacanaṃ rājño lokānupālanam

शिष्यों के लिए गुरु की सेवा, ब्राह्मणों के लिए वेद को धारण करना, सेवकों के लिए स्वामी की आज्ञा मानना और राजाओं के लिए लोक का पालन करना (धर्म है);

श्लोक 6 (12.369.6)

सर्वभूतपरित्राणं क्षत्रधर्म इहोच्यते । वैश्यानां यज्ञसंवृत्तिरातिथेयसमन्विता ॥

sarvabhūtaparitrāṇaṃ kṣatradharma ihocyate | vaiśyānāṃ yajñasaṃvṛttirātitheyasamanvitā

सब प्राणियों की रक्षा करना यहाँ क्षत्रिय का धर्म कहा जाता है; वैश्यों के लिए आतिथ्य सहित यज्ञ का निर्वाह (धर्म है);

श्लोक 7 (12.369.7)

विप्रक्षत्रियवैश्यानां शुश्रूषा शूद्रकर्म तत् । गृहस्थधर्मो नागेन्द्र सर्वभूतहितैषिता ॥

viprakṣatriyavaiśyānāṃ śuśrūṣā śūdrakarma tat | gṛhasthadharmo nāgendra sarvabhūtahitaiṣitā

ब्राह्मणों, क्षत्रियों और वैश्यों की सेवा शूद्र का कर्म है। हे नागेन्द्र, गृहस्थ का धर्म है सब प्राणियों का हित चाहना;

श्लोक 8 (12.369.8)

नियताहारता नित्यं व्रतचर्या यथाक्रमम् । धर्मो हि धर्मसंबन्धादिन्द्रियाणां विशेषतः ॥

niyatāhāratā nityaṃ vratacaryā yathākramam | dharmo hi dharmasaṃbandhādindriyāṇāṃ viśeṣataḥ

सदा नियमित आहार और क्रम से व्रतों का पालन (भी धर्म है); क्योंकि धर्म धर्म के सम्बन्ध से ही होता है, और विशेषकर इन्द्रियों के संयम से।

श्लोक 9 (12.369.9)

अहं कस्य कुतो वाऽपि कः को मे ह भवेदिति । प्रयोजनमतिर्नित्यमेवं मोक्षाश्रमे वसेत् ॥

ahaṃ kasya kuto vā'pi kaḥ ko me ha bhavediti | prayojanamatirnityamevaṃ mokṣāśrame vaset

"मैं किसका हूँ? कहाँ से हूँ? मैं कौन हूँ और मेरा कौन है?" इस प्रकार प्रयोजन की ओर बुद्धि रखनेवाला मनुष्य सदा मोक्ष-आश्रम में रहे।

श्लोक 10 (12.369.10)

पतिव्रतात्वं भार्यायाः परमो धर्म उच्यते । तवोपदेशान्नागेन्द्र तच्च तत्त्वेन वेद्मि वै ॥

pativratātvaṃ bhāryāyāḥ paramo dharma ucyate | tavopadeśānnāgendra tacca tattvena vedmi vai

पत्नी के लिए पति-भक्ति परम धर्म कहा जाता है। और हे नागेन्द्र, आपके उपदेश से मैं उसे यथार्थ रूप में जानती हूँ।

श्लोक 11 (12.369.11)

साऽहं धर्मं विजानन्ती धर्मनित्ये त्वयि स्थिते । सत्पथं कथमृत्सृज्य यास्यामि विपथं पथः ॥

sā'haṃ dharmaṃ vijānantī dharmanitye tvayi sthite | satpathaṃ kathamṛtsṛjya yāsyāmi vipathaṃ pathaḥ

इस प्रकार धर्म को जानती हुई, और आपके सदा धर्म में स्थिर रहते हुए, मैं सन्मार्ग को छोड़कर पथ से भटककर कुमार्ग पर कैसे जाऊँगी?

श्लोक 12 (12.369.12)

देवतानां महाभाग धर्मचर्या न हीयते । अतिथीनां च सत्कारे नित्ययुक्ताऽस्म्यतन्द्रिता ॥

devatānāṃ mahābhāga dharmacaryā na hīyate | atithīnāṃ ca satkāre nityayuktā'smyatandritā

हे महाभाग, देवताओं के प्रति मेरी धर्मचर्या कभी नहीं छूटती, और अतिथियों के सत्कार में मैं सदा लगी रहती हूँ और आलस्य नहीं करती।

श्लोक 13 (12.369.13)

सप्ताष्टदिवसास्त्वद्य विप्रस्येहागतस्य वै । तच्च कार्यं न मे ख्याति दर्शनं तव काङ्क्षति ॥

saptāṣṭadivasāstvadya viprasyehāgatasya vai | tacca kāryaṃ na me khyāti darśanaṃ tava kāṅkṣati

सात-आठ दिन हुए एक ब्राह्मण यहाँ आया है; वह अपना प्रयोजन मुझे नहीं बताता, केवल आपके दर्शन की इच्छा करता है।

श्लोक 14 (12.369.14)

गोमत्यास्त्वेष पुलिने त्वद्दर्शनसमुत्सुकः । आसीनो वर्तयन्ब्रह्म ब्राह्मणः संशितव्रतः ॥

gomatyāstveṣa puline tvaddarśanasamutsukaḥ | āsīno vartayanbrahma brāhmaṇaḥ saṃśitavrataḥ

वह दृढ़ व्रतवाला ब्राह्मण इस समय गोमती के तट पर बैठा वेद का पाठ करता हुआ आपके दर्शन के लिए उत्सुक है।

श्लोक 15 (12.369.15)

अहं त्वनेन नागेन्द्र सत्यपूर्वं समाहिता । प्रस्थाप्यो मत्सकाशं स संप्राप्तो भुजगोत्तमः ॥

ahaṃ tvanena nāgendra satyapūrvaṃ samāhitā | prasthāpyo matsakāśaṃ sa saṃprāpto bhujagottamaḥ

हे नागेन्द्र, उसने मुझसे सत्य ही कहा है और मैंने उसकी बात ध्यान में रखी है: "वह श्रेष्ठ नाग जब आ जाए, तब उसे मेरे पास भेज देना।"

श्लोक 16 (12.369.16)

एतच्छ्रुत्वा महाप्राज्ञ तत्र गन्तुं त्वमर्हसि । दातुमर्हसि वा तस्य दर्शनं दर्शनश्रवः ॥

etacchrutvā mahāprājña tatra gantuṃ tvamarhasi | dātumarhasi vā tasya darśanaṃ darśanaśravaḥ

हे महाप्राज्ञ, यह सुनकर आपको वहाँ जाना चाहिए, या कम से कम हे नाग, उसे अपना दर्शन तो देना ही चाहिए।