युधिष्ठिर द्वारा कार्यों का वितरण

श्लोक 1 (12.40.1)

प्रकृतीनां च तद्वाक्यं देशकालोपबृंहितम् । श्रुत्वा युधिष्ठिरो राजाऽथोत्तरं प्रत्यभाषत ॥

prakṛtīnāṃ ca tadvākyaṃ deśakālopabṛṃhitam | śrutvā yudhiṣṭhiro rājā'thottaraṃ pratyabhāṣata

देश और काल के अनुकूल प्रजा के उन वचनों को सुनकर राजा युधिष्ठिर ने तब उत्तर दिया।

श्लोक 2 (12.40.2)

धन्याः पाण्डुसुता नूनं येषां ब्राह्मणपुङ्गवाः । तथ्यान्वाप्यथवाऽतथ्यान्गुणानाहुः समागताः ॥

dhanyāḥ pāṇḍusutā nūnaṃ yeṣāṃ brāhmaṇapuṅgavāḥ | tathyānvāpyathavā'tathyānguṇānāhuḥ samāgatāḥ

"निश्चय ही पाण्डु के पुत्र धन्य हैं, क्योंकि यहाँ एकत्र हुए श्रेष्ठ ब्राह्मण उनके गुणों को, सच हों या न हों, बताते हैं।"

श्लोक 3 (12.40.3)

अनुग्राह्या वयं नूनं भवतामिति मे मतिः । यदेवं गुणसंपन्नानस्मान्ब्रूथ विमत्सराः ॥

anugrāhyā vayaṃ nūnaṃ bhavatāmiti me matiḥ | yadevaṃ guṇasaṃpannānasmānbrūtha vimatsarāḥ

"मेरा मत है कि हम आपके अनुग्रह के पात्र हैं, क्योंकि आप ईर्ष्या-रहित होकर हमें ऐसे गुणों वाला बताते हैं।"

श्लोक 4 (12.40.4)

धृतराष्ट्रो महाराजः पिता नो दैवतं परम् । शासनेऽस्य प्रिये चैव स्थेयं मत्प्रियकाङ्क्षिभिः ॥

dhṛtarāṣṭro mahārājaḥ pitā no daivataṃ param | śāsane'sya priye caiva stheyaṃ matpriyakāṅkṣibhiḥ

"महाराज धृतराष्ट्र हमारे पिता और परम देवता हैं। जो मेरा प्रिय करना चाहते हैं, उन्हें उनके शासन और उनके प्रिय में स्थित रहना चाहिए।"

श्लोक 5 (12.40.5)

एतदर्थं हि जीवामि कृत्वा ज्ञातिवधं महत् । अस्य शुश्रूषणं कार्यं मया नित्यमतन्द्रिणा ॥

etadarthaṃ hi jīvāmi kṛtvā jñātivadhaṃ mahat | asya śuśrūṣaṇaṃ kāryaṃ mayā nityamatandriṇā

"इसी के लिए मैं जीवित हूँ, जबकि मैंने जाति-बन्धुओं का महान् संहार करवाया है; मुझे बिना थके सदा इनकी सेवा करनी है।"

श्लोक 6 (12.40.6)

यदि चाहमनुग्राह्यो भवतां सुहृदां तथा । धृतराष्ट्रे यथापूर्वं वृत्तिं वर्तितुमर्हथ ॥

yadi cāhamanugrāhyo bhavatāṃ suhṛdāṃ tathā | dhṛtarāṣṭre yathāpūrvaṃ vṛttiṃ vartitumarhatha

"यदि आप मुझ पर और मेरे मित्रों पर अनुग्रह करना चाहते हैं, तो आपको धृतराष्ट्र के साथ पहले की तरह ही व्यवहार करना चाहिए।"

श्लोक 7 (12.40.7)

एष नाथो हि जगतो भवतां च मया सह । अस्य प्रसादे पृथिवी पाण्डवाः सर्व एव च ॥

eṣa nātho hi jagato bhavatāṃ ca mayā saha | asya prasāde pṛthivī pāṇḍavāḥ sarva eva ca

"वे जगत् के स्वामी हैं, आपके भी और मेरे भी। उनकी कृपा पर यह पृथ्वी और सब पाण्डव टिके हैं।"

श्लोक 8 (12.40.8)

एतन्मनसि कर्तव्यं भवद्भिर्वचनं मम । अनुज्ञाप्याथ तान्राजा यथेष्टं गम्यतामिति ॥

etanmanasi kartavyaṃ bhavadbhirvacanaṃ mama | anujñāpyātha tānrājā yatheṣṭaṃ gamyatāmiti

"आप मेरी इस बात को मन में रखिए।" फिर राजा ने उन्हें आज्ञा देकर कहा, "जैसी इच्छा हो, जाइए।"

श्लोक 9 (12.40.9)

पौरजानपदान्सर्वान्विसृज्य कुरुनन्दनः । यौवराज्येन कौन्तेयं भीमसेनमयोजयत् ॥

paurajānapadānsarvānvisṛjya kurunandanaḥ | yauvarājyena kaunteyaṃ bhīmasenamayojayat

सब नगरवासियों और ग्रामवासियों को विदा करके कुरुनन्दन ने भीमसेन को युवराज के पद पर नियुक्त किया।

श्लोक 10 (12.40.10)

मन्त्रे च निश्चये चैव षाङ्गुण्यस्य च चिन्तने । विदुरं बुद्धिसंपन्नं प्रीतिमान्स समादिशत् ॥

mantre ca niścaye caiva ṣāṅguṇyasya ca cintane | viduraṃ buddhisaṃpannaṃ prītimānsa samādiśat

मन्त्रणा, निश्चय और षाड्गुण्य के विचार के लिए उन्होंने प्रसन्न होकर बुद्धिमान् विदुर को नियुक्त किया।

श्लोक 11 (12.40.11)

कृताकृतपरिज्ञाने तथाऽऽयव्ययचिन्तने । संजयं योजयामास वृद्धं सर्वगुणैर्युतम् ॥

kṛtākṛtaparijñāne tathā''yavyayacintane | saṃjayaṃ yojayāmāsa vṛddhaṃ sarvaguṇairyutam

क्या किया गया और क्या नहीं किया गया इसे जानने और आय-व्यय के हिसाब के लिए उन्होंने सब गुणों से युक्त वृद्ध सञ्जय को नियुक्त किया।

श्लोक 12 (12.40.12)

बलस्य परिमाणे च भक्तवेतनयोस्तथा । नकुलं व्यादिशद्राजा कर्मणां चान्ववेक्षणे ॥

balasya parimāṇe ca bhaktavetanayostathā | nakulaṃ vyādiśadrājā karmaṇāṃ cānvavekṣaṇe

सेना का परिमाण जानने, भोजन और वेतन के प्रबन्ध तथा कार्यों की देखरेख के लिए राजा ने नकुल को नियुक्त किया।

श्लोक 13 (12.40.13)

परचक्रोपरोधे च दृप्तानां चावमर्दने । युधिष्ठिरो महाराज फल्गुनं व्यादिदेश ह ॥

paracakroparodhe ca dṛptānāṃ cāvamardane | yudhiṣṭhiro mahārāja phalgunaṃ vyādideśa ha

शत्रु-सेना के घेरे का सामना करने और घमण्डियों को कुचलने के लिए, हे महाराज, युधिष्ठिर ने फाल्गुन को नियुक्त किया।

श्लोक 14 (12.40.14)

द्विजानां देवकार्येषु कार्येष्वन्येषु चैव ह । धौम्यं पुरोधसां श्रेष्ठं नित्यमेव समादिशत् ॥

dvijānāṃ devakāryeṣu kāryeṣvanyeṣu caiva ha | dhaumyaṃ purodhasāṃ śreṣṭhaṃ nityameva samādiśat

ब्राह्मणों के देवकार्यों और अन्य कार्यों के लिए उन्होंने पुरोहितों में श्रेष्ठ धौम्य को सदा के लिए नियुक्त किया।

श्लोक 15 (12.40.15)

सहदेवं समीपस्थं नित्यमेव समादिशत् । तेन गोप्यो हि नृपतिः सर्वावस्थो विशांपते ॥

sahadevaṃ samīpasthaṃ nityameva samādiśat | tena gopyo hi nṛpatiḥ sarvāvastho viśāṃpate

सहदेव को उन्होंने सदा अपने समीप रहने का आदेश दिया, "क्योंकि हे प्रजापति, राजा की सब अवस्थाओं में उसी के द्वारा रक्षा होनी चाहिए।"

श्लोक 16 (12.40.16)

यान्यानमन्यद्योग्यांश्च येषु येष्विह कर्मसु । तांस्तांस्तेष्वेव युयुजे प्रीयमाणो महीपतिः ॥

yānyānamanyadyogyāṃśca yeṣu yeṣviha karmasu | tāṃstāṃsteṣveva yuyuje prīyamāṇo mahīpatiḥ

जिन्हें जिन कार्यों के योग्य समझा, उन्हें प्रसन्न होकर राजा ने उन्हीं कार्यों में लगा दिया।

श्लोक 17 (12.40.17)

विदुरं संजयं चैव युयुत्सुं च महामतिम् । अब्रवीत्परवीरघ्नो धर्मात्मा धर्मवत्सलः ॥

viduraṃ saṃjayaṃ caiva yuyutsuṃ ca mahāmatim | abravītparavīraghno dharmātmā dharmavatsalaḥ

शत्रु-वीरों का संहार करने वाले, धर्मात्मा और धर्मप्रिय राजा ने विदुर, सञ्जय और बुद्धिमान् युयुत्सु से कहा:

श्लोक 18 (12.40.18)

उत्थायोत्थाय तत्कार्यमस्य राज्ञः पितुर्मम । सर्वं भवद्भिः कर्तव्यमप्रमत्तैर्यथा मम ॥

utthāyotthāya tatkāryamasya rājñaḥ piturmama | sarvaṃ bhavadbhiḥ kartavyamapramattairyathā mama

"प्रतिदिन उठ-उठकर मेरे पिता इन राजा के जो भी कार्य हों, वे सब आप सावधान रहकर वैसे ही कीजिए जैसे मेरे लिए करते।"

श्लोक 19 (12.40.19)

पौरजानपदानां च यानि कार्याणि नित्यशः । राजानं समनुज्ञाप्य तानि कार्याणि धर्मतः ॥

paurajānapadānāṃ ca yāni kāryāṇi nityaśaḥ | rājānaṃ samanujñāpya tāni kāryāṇi dharmataḥ

"और नगरवासियों तथा ग्रामवासियों के जो कार्य नित्य हों, उन्हें राजा की अनुमति लेकर धर्म के अनुसार कीजिए।"