भीष्म द्वारा राजधर्म का आरम्भ

श्लोक 1 (12.55.1)

प्रणिपत्य हृषीकेशमभिवाद्य पितामहम् । अनुमान्य गुरून्सर्वान्पर्यपृच्छद्युधिष्ठिरः ॥

praṇipatya hṛṣīkeśamabhivādya pitāmaham | anumānya gurūnsarvānparyapṛcchadyudhiṣṭhiraḥ

वैशम्पायन ने कहा — हृषीकेश को प्रणाम कर, पितामह का अभिवादन कर और सब गुरुजनों का आदर करके युधिष्ठिर ने भीष्म से प्रश्न किया।

श्लोक 2 (12.55.2)

राज्ञां वै परमो धर्म इति धर्मविदो विदुः । महान्तमेतं भारं च मन्ये तद्ब्रूहि पार्थिव ॥

rājñāṃ vai paramo dharma iti dharmavido viduḥ | mahāntametaṃ bhāraṃ ca manye tadbrūhi pārthiva

धर्म के जानने वाले कहते हैं कि राजाओं का धर्म सबसे श्रेष्ठ है, और मैं इसे बहुत बड़ा भार मानता हूँ। हे राजन्, उसे मुझे बताइए।

श्लोक 3 (12.55.3)

राजधर्मान्विशेषेण कथयस्व पितामह । सर्वस्य जीवलोकस्य राजधर्मः परायणम् ॥

rājadharmānviśeṣeṇa kathayasva pitāmaha | sarvasya jīvalokasya rājadharmaḥ parāyaṇam

हे पितामह, विशेषकर राजधर्मों को कहिए; सम्पूर्ण जीव-जगत् के लिए राजधर्म ही आश्रय है।

श्लोक 4 (12.55.4)

त्रिवर्गो हि समासक्तो राजधर्मेषु कौरव । मोक्षधर्मश्च विस्पष्टः सकलोऽत्र समाहितः ॥

trivargo hi samāsakto rājadharmeṣu kaurava | mokṣadharmaśca vispaṣṭaḥ sakalo'tra samāhitaḥ

हे कौरव, तीनों पुरुषार्थ राजधर्मों में बँधे हैं, और मोक्षधर्म भी स्पष्ट रूप से उनमें पूरा-पूरा समाया हुआ है।

श्लोक 5 (12.55.5)

यथा हि रश्मयोऽश्वस्य द्विरदस्याङ्कुशो यथा । नरेन्द्रधर्मो लोकस्य तथा प्रग्रहणं स्मृतम् ॥

yathā hi raśmayo'śvasya dviradasyāṅkuśo yathā | narendradharmo lokasya tathā pragrahaṇaṃ smṛtam

जैसे घोड़े के लिए लगाम और हाथी के लिए अंकुश है, वैसे ही संसार के लिए राजधर्म है; उसे नियन्त्रण कहा गया है।

श्लोक 6 (12.55.6)

अत्र वै संप्रमूढे तु धर्मे राजर्षिसेविते । लोकस्य संस्था न भवेत्सर्वं च व्याकुलीभवेत् ॥

atra vai saṃpramūḍhe tu dharme rājarṣisevite | lokasya saṃsthā na bhavetsarvaṃ ca vyākulībhavet

यदि राजर्षियों द्वारा सेवित यह धर्म भ्रम में पड़ जाए, तो लोक की मर्यादा नहीं टिकेगी और सब कुछ अस्त-व्यस्त हो जाएगा।

श्लोक 7 (12.55.7)

उदयन्हि यथा सूर्यो नाशयत्यशुभं तमः । राजधर्मस्तथा लोक्यामाक्षिपत्यशुभां गतिम् ॥

udayanhi yathā sūryo nāśayatyaśubhaṃ tamaḥ | rājadharmastathā lokyāmākṣipatyaśubhāṃ gatim

जैसे उदय होता सूर्य अशुभ अन्धकार को नष्ट करता है, वैसे ही राजधर्म लोक की अशुभ गति को दूर कर देता है।

श्लोक 8 (12.55.8)

तदग्रे राजधर्मान्हि मदर्थे त्वं पितामह । प्रब्रूहि भरतश्रेष्ठ त्वं हि धर्मभूतां वरः ॥

tadagre rājadharmānhi madarthe tvaṃ pitāmaha | prabrūhi bharataśreṣṭha tvaṃ hi dharmabhūtāṃ varaḥ

इसलिए हे पितामह, हे भरतश्रेष्ठ, मेरे लिए सबसे पहले राजधर्मों को कहिए; क्योंकि आप धर्म धारण करने वालों में श्रेष्ठ हैं।

श्लोक 9 (12.55.9)

आगमश्च परस्त्वत्तः सर्वेषां नः परन्तप । भवन्तं हि परं बुद्धौ वासुदेवोऽभिमन्यते ॥

āgamaśca parastvattaḥ sarveṣāṃ naḥ parantapa | bhavantaṃ hi paraṃ buddhau vāsudevo'bhimanyate

हे परन्तप, हम सबके लिए परम ज्ञान का स्रोत आप ही हैं; वासुदेव भी आपको बुद्धि में सर्वोपरि मानते हैं।

श्लोक 10 (12.55.10)

नमो धर्माय महते नमः कृष्णाय वेधसे । ब्राह्मणेभ्यो नमस्कृत्य धर्मान्वक्ष्यामि शाश्वतान् ॥

namo dharmāya mahate namaḥ kṛṣṇāya vedhase | brāhmaṇebhyo namaskṛtya dharmānvakṣyāmi śāśvatān

भीष्म ने कहा — महान् धर्म को नमस्कार, विधाता कृष्ण को नमस्कार; ब्राह्मणों को प्रणाम करके मैं सनातन धर्मों का वर्णन करूँगा।

श्लोक 11 (12.55.11)

शृणु कार्त्स्न्येन मत्तस्त्वं राजधर्मान्युधिष्ठिर । निरुच्यमानान्नियतो यच्चान्यदपि वाञ्छसि ॥

śṛṇu kārtsnyena mattastvaṃ rājadharmānyudhiṣṭhira | nirucyamānānniyato yaccānyadapi vāñchasi

हे युधिष्ठिर, मैं जो राजधर्म तुम्हें पूरी तरह बताऊँगा, उन्हें और जो कुछ और जानना चाहो, उसे भी, ध्यान से सुनो।

श्लोक 12 (12.55.12)

आदावेव कुरुश्रेष्ठ राज्ञा रञ्जनमिच्छता । देवतानां द्विजानां च वर्तितव्यं यथाविधि ॥

ādāveva kuruśreṣṭha rājñā rañjanamicchatā | devatānāṃ dvijānāṃ ca vartitavyaṃ yathāvidhi

हे कुरुश्रेष्ठ, प्रजा को प्रसन्न करना चाहने वाले राजा को सबसे पहले देवताओं और ब्राह्मणों के प्रति विधि के अनुसार बर्ताव करना चाहिए।

श्लोक 13 (12.55.13)

दैवतान्यर्चयित्वा हि ब्राह्मणांश्च कुरूद्वह । आनृण्यं याति धर्मस्य लोकेन च समर्च्यते ॥

daivatānyarcayitvā hi brāhmaṇāṃśca kurūdvaha | ānṛṇyaṃ yāti dharmasya lokena ca samarcyate

हे कुरुश्रेष्ठ, देवताओं और ब्राह्मणों की पूजा करके राजा धर्म के ऋण से मुक्त हो जाता है और लोक में सम्मान पाता है।

श्लोक 14 (12.55.14)

उत्थानेन सदा पुत्र प्रयतेथा युधिष्ठिर । न ह्युत्थानमृते दैवं राज्ञामर्थं प्रसाधयेत् ॥

utthānena sadā putra prayatethā yudhiṣṭhira | na hyutthānamṛte daivaṃ rājñāmarthaṃ prasādhayet

हे पुत्र युधिष्ठिर, सदा उद्योग द्वारा प्रयत्न करते रहो; उद्योग के बिना दैव राजाओं का कार्य सिद्ध नहीं करता।

श्लोक 15 (12.55.15)

साधारणं द्वयं ह्येतद्दैवमुत्थानमेव च । पौरुषं हि परं मन्ये दैवं निश्चित्य मुह्यते ॥

sādhāraṇaṃ dvayaṃ hyetaddaivamutthānameva ca | pauruṣaṃ hi paraṃ manye daivaṃ niścitya muhyate

दैव और उद्योग दोनों साधारण साधन हैं; फिर भी मैं पुरुषार्थ को ही श्रेष्ठ मानता हूँ, क्योंकि केवल दैव पर निश्चय करने वाला मोहग्रस्त हो जाता है।

श्लोक 16 (12.55.16)

विपन्ने च समारम्भे सन्तापं मा स्म वै कृथाः । घटेतैवं सदाऽऽत्मानं राज्ञामेष परो नयः ॥

vipanne ca samārambhe santāpaṃ mā sma vai kṛthāḥ | ghaṭetaivaṃ sadā''tmānaṃ rājñāmeṣa paro nayaḥ

कार्य बिगड़ जाने पर शोक मत करना; इसी प्रकार सदा प्रयत्न में लगे रहना। राजाओं की यही परम नीति है।

श्लोक 17 (12.55.17)

न हि सत्यादृते किंचिद्राज्ञां वै सिद्धिकारकम् । सत्ये हि राजा निरतः प्रेत्य चेह च नन्दति ॥

na hi satyādṛte kiṃcidrājñāṃ vai siddhikārakam | satye hi rājā nirataḥ pretya ceha ca nandati

सत्य के बिना राजाओं को कोई सिद्धि नहीं मिलती; सत्य में स्थित राजा यहाँ भी और मरने के बाद भी आनन्द पाता है।

श्लोक 18 (12.55.18)

ऋषीणामपि राजेन्द्र सत्यमेव परं धनम् । तथा राज्ञां परं सत्यान्नान्यद्विश्वासकारणम् ॥

ṛṣīṇāmapi rājendra satyameva paraṃ dhanam | tathā rājñāṃ paraṃ satyānnānyadviśvāsakāraṇam

हे राजेन्द्र, ऋषियों के लिए भी सत्य ही परम धन है; और राजाओं के लिए सत्य से बढ़कर विश्वास का कोई कारण नहीं।

श्लोक 19 (12.55.19)

गुणवाञ्शीलवान्दान्तो मृदुदण्डो जितेन्द्रियः । सुदर्शः स्थूललक्ष्यश्च न भ्रश्येत सदा श्रियः ॥

guṇavāñśīlavāndānto mṛdudaṇḍo jitendriyaḥ | sudarśaḥ sthūlalakṣyaśca na bhraśyeta sadā śriyaḥ

जो गुणवान्, शीलवान्, संयमी, दण्ड में कोमल, जितेन्द्रिय, देखने में सुन्दर और उदार दाता होता है, वह कभी लक्ष्मी से भ्रष्ट नहीं होता।

श्लोक 20 (12.55.20)

आर्जवं सर्वकार्येषु श्रयेथाः कुरुनन्दन । पुनर्नयविचारेण त्रयीसंवरणेन च । आर्जवेन समायुक्ता मोदन्ते ऋषयो दिवि ॥

ārjavaṃ sarvakāryeṣu śrayethāḥ kurunandana | punarnayavicāreṇa trayīsaṃvaraṇena ca | ārjavena samāyuktā modante ṛṣayo divi

हे कुरुनन्दन, सब कार्यों में सरलता अपनाओ, साथ ही नीति का बार-बार विचार करो और त्रयी की रक्षा करो। सरलता से युक्त लोग स्वर्ग में ऋषियों के साथ आनन्द करते हैं।

श्लोक 21 (12.55.21)

मृदुर्हि राजा सततं लङ्घ्यो भवति सर्वशः । तीक्ष्णाच्चोद्विजते लोकस्तस्मादुभयमाचरेत् ॥

mṛdurhi rājā satataṃ laṅghyo bhavati sarvaśaḥ | tīkṣṇāccodvijate lokastasmādubhayamācaret

कोमल राजा का सब लोग सदा उल्लंघन करते हैं और कठोर राजा से लोग घबरा उठते हैं; इसलिए दोनों का आचरण करो।

श्लोक 22 (12.55.22)

अदण्ड्याश्चैव ते पुत्र विप्राः स्युर्ददतां वर । भूतमेतत्परं लोके ब्राह्मणा नाम पाण्डव ॥

adaṇḍyāścaiva te putra viprāḥ syurdadatāṃ vara | bhūtametatparaṃ loke brāhmaṇā nāma pāṇḍava

हे पुत्र, हे दाताओं में श्रेष्ठ, ब्राह्मण सदा दण्ड से मुक्त रहने चाहिए; हे पाण्डव, ब्राह्मण नामक प्राणी लोक में सर्वोच्च है।

श्लोक 23 (12.55.23)

मनुना चात्र राजेन्द्र गीतौ श्लोकौ महात्मना । धर्मेषु स्वेषु कौरव्य हृदि तौ कर्तुमर्हसि ॥

manunā cātra rājendra gītau ślokau mahātmanā | dharmeṣu sveṣu kauravya hṛdi tau kartumarhasi

हे राजेन्द्र, इस विषय में महात्मा मनु ने भी दो श्लोक गाए हैं; हे कौरव्य, अपने धर्मों में उन्हें हृदय में रखना तुम्हारे लिए उचित है।

श्लोक 24 (12.55.24)

अद्भ्योऽग्निर्ब्रह्मतः क्षत्रमश्मनो लोहमुत्थितम् । तेषां सर्वत्रगं तेजः स्वासु योनिषु शाम्यति ॥

adbhyo'gnirbrahmataḥ kṣatramaśmano lohamutthitam | teṣāṃ sarvatragaṃ tejaḥ svāsu yoniṣu śāmyati

जल से अग्नि उत्पन्न हुई, ब्राह्मण से क्षत्रिय, और पत्थर से लोहा उठा; उनका सर्वत्र पहुँचने वाला तेज अपने-अपने उद्गम में शान्त हो जाता है।

श्लोक 25 (12.55.25)

अयो हन्ति यदाऽश्मानमग्निरापो निहन्ति च । ब्रह्म च क्षत्रियो द्वेष्टि तदा सीदन्ति ते त्रयः ॥

ayo hanti yadā'śmānamagnirāpo nihanti ca | brahma ca kṣatriyo dveṣṭi tadā sīdanti te trayaḥ

जब लोहा पत्थर को मारता है, अग्नि जल को मारती है, या क्षत्रिय ब्राह्मण से द्वेष करता है, तब ये तीनों नष्ट होने लगते हैं।

श्लोक 26 (12.55.26)

एवं कृत्वा महाराज नमस्या एव ते द्विजाः । भौमं ब्रह्म द्विजश्रेष्ठा धारयन्ति शमान्विताः ॥

evaṃ kṛtvā mahārāja namasyā eva te dvijāḥ | bhaumaṃ brahma dvijaśreṣṭhā dhārayanti śamānvitāḥ

हे महाराज, ऐसा जानकर वे ब्राह्मण नमस्कार के योग्य ही हैं; शान्ति से युक्त द्विजश्रेष्ठ पृथ्वी के ब्रह्म को, अर्थात् वेद और यज्ञ को, धारण करते हैं।

श्लोक 27 (12.55.27)

एवं चैव नरव्याघ्र लोकयात्राविघातकाः । निग्राह्या एव बाहुभ्यां ब्राह्मणास्ते नरेश्वर ॥

evaṃ caiva naravyāghra lokayātrāvighātakāḥ | nigrāhyā eva bāhubhyāṃ brāhmaṇāste nareśvara

और इसी प्रकार, हे नरव्याघ्र, हे नरेश्वर, जो ब्राह्मण लोक-व्यवहार को बिगाड़ते हैं, उनका बाहुबल से निग्रह करना ही चाहिए।

श्लोक 28 (12.55.28)

श्लोकौ चोशनसा गीतौ पुरा तात महर्षिणा । तौ निवोध महाराज त्वमेकाग्रमना नृप ॥

ślokau cośanasā gītau purā tāta maharṣiṇā | tau nivodha mahārāja tvamekāgramanā nṛpa

हे तात, प्राचीन काल में महर्षि उशना ने भी दो श्लोक गाए थे; हे महाराज, एकाग्र मन से उन्हें सुनो।

श्लोक 29 (12.55.29)

उद्यम्य शस्त्रमायान्तमपि वेदान्तगं रणे । निगृह्णीयात्स्वधर्मेण धर्मापेक्षी नराधिपः ॥

udyamya śastramāyāntamapi vedāntagaṃ raṇe | nigṛhṇīyātsvadharmeṇa dharmāpekṣī narādhipaḥ

वेदान्त का ज्ञाता भी यदि शस्त्र उठाकर युद्ध में सामने आए, तो धर्म का ध्यान रखने वाले राजा को अपने धर्म के अनुसार उसे रोक देना चाहिए।

श्लोक 30 (12.55.30)

विनश्यमानं धर्मं हि योऽभिरक्षेत्स धर्मवित् । न तेन धर्महा स स्यान्मन्युस्तन्मन्युमृच्छति ॥

vinaśyamānaṃ dharmaṃ hi yo'bhirakṣetsa dharmavit | na tena dharmahā sa syānmanyustanmanyumṛcchati

जो नष्ट होते हुए धर्म की रक्षा करता है, वह धर्म को जानने वाला है; उससे वह धर्म का नाशक नहीं होता, क्योंकि क्रोध क्रोध से ही जा मिलता है।

श्लोक 31 (12.55.31)

एवं चैव नरश्रेष्ठ रक्ष्या एव द्विजातयः । सापराधानपि हि तान्विषयान्ते समुत्सृजेत् ॥

evaṃ caiva naraśreṣṭha rakṣyā eva dvijātayaḥ | sāparādhānapi hi tānviṣayānte samutsṛjet

हे नरश्रेष्ठ, इसी प्रकार ब्राह्मणों की रक्षा ही करनी चाहिए; अपराधी हों तो भी उन्हें राज्य की सीमा पर छोड़ दिया जाए।

श्लोक 32 (12.55.32)

अभिशस्तमपि ह्येषां पीडयेन्न विशांपते । ब्रह्मघ्ने गुरुतल्पे च भ्रूणहत्ये तथैव च ॥

abhiśastamapi hyeṣāṃ pīḍayenna viśāṃpate | brahmaghne gurutalpe ca bhrūṇahatye tathaiva ca

हे प्रजापति, उनमें से किसी पर अभियोग लगा हो तो भी उसे पीड़ित नहीं करना चाहिए, चाहे ब्रह्महत्या, गुरुपत्नीगमन या भ्रूणहत्या का ही दोष हो।

श्लोक 33 (12.55.33)

राजद्विष्टे च विप्रस्य विषयान्ते विवासनम् । विधीयते न शारीरं भयमेषां कदाचन ॥

rājadviṣṭe ca viprasya viṣayānte vivāsanam | vidhīyate na śārīraṃ bhayameṣāṃ kadācana

राजा के विरुद्ध अपराध करने वाले ब्राह्मण के लिए राज्य की सीमा पर निर्वासन ही विधान है; इन्हें कभी शारीरिक दण्ड का भय नहीं होना चाहिए।

श्लोक 34 (12.55.34)

दयिताश्च नरास्ते स्युर्भक्तिमन्तो द्विजेषु ये । न कोशः परमा तुष्टी राज्ञां भवति संचयात् ॥

dayitāśca narāste syurbhaktimanto dvijeṣu ye | na kośaḥ paramā tuṣṭī rājñāṃ bhavati saṃcayāt

जो लोग ब्राह्मणों के प्रति भक्ति रखते हैं, वे तुम्हें प्रिय हों; कोश का संचय करने से राजाओं को परम सन्तोष नहीं मिलता।

श्लोक 35 (12.55.35)

दुर्गेषु च महाराज षट्सु ये शास्त्रनिश्चिताः । सर्वदुर्गेषु मन्यन्ते नरदुर्गं सुदुर्गमम् ॥

durgeṣu ca mahārāja ṣaṭsu ye śāstraniścitāḥ | sarvadurgeṣu manyante naradurgaṃ sudurgamam

हे महाराज, शास्त्र में निश्चित छह प्रकार के दुर्गों में से सब दुर्गों में लोग नर-दुर्ग को सबसे दुर्गम मानते हैं।

श्लोक 36 (12.55.36)

तस्मान्नित्यं दया कार्या चातुर्वर्ण्ये विपश्चिता । धर्मात्मा सत्यवाक्चैव राजा रञ्जयति प्रजाः ॥

tasmānnityaṃ dayā kāryā cāturvarṇye vipaścitā | dharmātmā satyavākcaiva rājā rañjayati prajāḥ

इसलिए विद्वान् राजा को चारों वर्णों पर सदा दया करनी चाहिए; धर्मात्मा और सत्यवादी राजा प्रजा को प्रसन्न रखता है।

श्लोक 37 (12.55.37)

न च क्षान्तेन ते नित्यं भाव्यं पुरुषसत्तम । अधर्मो हि मृदू राजा क्षमावानिव कुञ्जरः ॥

na ca kṣāntena te nityaṃ bhāvyaṃ puruṣasattama | adharmo hi mṛdū rājā kṣamāvāniva kuñjaraḥ

पर हे पुरुषश्रेष्ठ, तुम्हें सदा क्षमाशील नहीं रहना चाहिए; कोमल राजा धर्म के प्रतिकूल है, जैसे सहनशील हाथी।

श्लोक 38 (12.55.38)

वार्हस्पत्ये च शास्त्रे च श्लोकोऽयं नियतः प्रभो । अस्मिन्नर्थे निगदितस्तन्मे निगदतः शृणु ॥

vārhaspatye ca śāstre ca śloko'yaṃ niyataḥ prabho | asminnarthe nigaditastanme nigadataḥ śṛṇu

बृहस्पति के शास्त्र में भी, हे प्रभो, यह श्लोक निश्चित रूप से मिलता है; इस विषय में जो कहा गया है, उसे मैं बता रहा हूँ, सुनो।

श्लोक 39 (12.55.39)

क्षममाणं नृपं नित्यं नीचः परिभवेज्जनः । हस्तियन्ता गजस्येव शिर एवारुरुक्षति ॥

kṣamamāṇaṃ nṛpaṃ nityaṃ nīcaḥ paribhavejjanaḥ | hastiyantā gajasyeva śira evārurukṣati

जो राजा सदा क्षमा करता रहता है, उसका नीच जन अपमान करता है, जैसे महावत हाथी के सिर पर चढ़ बैठता है।

श्लोक 40 (12.55.40)

तस्मान्नैव मृदुर्नित्यं तीक्ष्णो वाऽपि भवेन्नृपः । वसन्तेऽर्क इव श्रीमान्न शीतो न च घर्मदः ॥

tasmānnaiva mṛdurnityaṃ tīkṣṇo vā'pi bhavennṛpaḥ | vasante'rka iva śrīmānna śīto na ca gharmadaḥ

इसलिए राजा न सदा कोमल हो, न कठोर; वह वसन्त के सूर्य की तरह तेजस्वी हो, जो न ठण्डा है न तपाने वाला।

श्लोक 41 (12.55.41)

प्रत्यक्षेणानुमानेन तथौपम्यागमैरपि । परीक्ष्यास्ते महाराज स्वे परे चैव नित्यशः ॥

pratyakṣeṇānumānena tathaupamyāgamairapi | parīkṣyāste mahārāja sve pare caiva nityaśaḥ

हे महाराज, प्रत्यक्ष, अनुमान, उपमान और आगम द्वारा तुम्हें अपने और पराये, दोनों की सदा परीक्षा करनी चाहिए।

श्लोक 42 (12.55.42)

व्यसनानि च सर्वाणि त्यजेथा भूरिदक्षिण । न चैतानि प्रयुञ्जीथाः सङ्गं तु परिवर्जय ॥

vyasanāni ca sarvāṇi tyajethā bhūridakṣiṇa | na caitāni prayuñjīthāḥ saṅgaṃ tu parivarjaya

हे भूरिदक्षिण, सब व्यसनों को छोड़ दो; इनका सेवन मत करो और आसक्ति से दूर रहो।

श्लोक 43 (12.55.43)

व्यसनी यस्तु लोकेऽस्मिन्परिभूतो भवत्युत । उद्वेजयति लोकं च योऽतिद्वेषी महीपतिः ॥

vyasanī yastu loke'sminparibhūto bhavatyuta | udvejayati lokaṃ ca yo'tidveṣī mahīpatiḥ

इस लोक में व्यसनी का तिरस्कार होता है; और जो राजा अत्यन्त द्वेषी होता है, वह लोक को उद्विग्न कर देता है।

श्लोक 44 (12.55.44)

भवितव्यं सदा राज्ञा गर्भिणीसहधर्मिणा । कारणं च महाराज शृणु येनेदमुच्यते ॥

bhavitavyaṃ sadā rājñā garbhiṇīsahadharmiṇā | kāraṇaṃ ca mahārāja śṛṇu yenedamucyate

राजा को सदा गर्भिणी स्त्री के समान होना चाहिए; और हे महाराज, इसका कारण सुनो, जिससे यह कहा जाता है।

श्लोक 45 (12.55.45)

यथा हि गर्भिणी हित्वा स्वं प्रियं मनसोऽनुगम् । गर्भस्य हितमाधत्ते तथा राज्ञाऽप्यसंशयम् ॥

yathā hi garbhiṇī hitvā svaṃ priyaṃ manaso'nugam | garbhasya hitamādhatte tathā rājñā'pyasaṃśayam

जैसे गर्भिणी स्त्री मन के अनुकूल अपनी प्रिय वस्तु छोड़कर गर्भ के हित का काम करती है, वैसे ही राजा को भी निःसन्देह

श्लोक 46 (12.55.46)

वर्तितव्यं कुरुश्रेष्ठ सदा धर्मानुवर्तिना । स्वं प्रियं तु परित्यज्य यद्यल्लोकहितं भवेत् ॥

vartitavyaṃ kuruśreṣṭha sadā dharmānuvartinā | svaṃ priyaṃ tu parityajya yadyallokahitaṃ bhavet

हे कुरुश्रेष्ठ, अपनी प्रिय वस्तु को त्यागकर, जिसमें लोक का हित हो वही करते हुए, सदा धर्म का अनुसरण करके चलना चाहिए।

श्लोक 47 (12.55.47)

न सन्त्याज्यं च ते धैर्यं कदाचिदपि पाण्डव । धीरस्य स्पष्टदण्डस्य न ह्याज्ञा प्रतिहन्यते ॥

na santyājyaṃ ca te dhairyaṃ kadācidapi pāṇḍava | dhīrasya spaṣṭadaṇḍasya na hyājñā pratihanyate

और हे पाण्डव, तुम्हें अपना धैर्य कभी नहीं छोड़ना चाहिए; जो धीर है और स्पष्ट दण्ड देता है, उसकी आज्ञा कभी नहीं टाली जाती।

श्लोक 48 (12.55.48)

परिहासश्च भृत्यैस्ते नात्यर्थं वदतां वर । कर्तव्यो राजशार्दूल दोषमत्र हि मे शृणु ॥

parihāsaśca bhṛtyaiste nātyarthaṃ vadatāṃ vara | kartavyo rājaśārdūla doṣamatra hi me śṛṇu

हे वक्ताओं में श्रेष्ठ, सेवकों के साथ अधिक हँसी-मज़ाक मत करो; हे राजसिंह, इसमें जो दोष है, वह मुझसे सुनो।

श्लोक 49 (12.55.49)

अवमन्यन्ति भर्तारं सहर्षमुपजीविनः । स्वे स्थाने न च तिष्ठन्ति लङ्घयन्ति च तद्वचः ॥

avamanyanti bhartāraṃ saharṣamupajīvinaḥ | sve sthāne na ca tiṣṭhanti laṅghayanti ca tadvacaḥ

जो उस पर निर्भर हैं, वे मौज में आकर स्वामी का अपमान करने लगते हैं; वे अपने स्थान पर नहीं टिकते और उसकी बात का उल्लंघन करते हैं।

श्लोक 50 (12.55.50)

प्रेष्यमाणा विकल्पन्ते गुह्यं चाप्यनुयुञ्जते । अयाच्यं चैव याचन्ते भोज्यान्याहारयन्ति च ॥

preṣyamāṇā vikalpante guhyaṃ cāpyanuyuñjate | ayācyaṃ caiva yācante bhojyānyāhārayanti ca

भेजे जाने पर वे आनाकानी करते हैं, गुप्त बातें कुरेदते हैं, न माँगने योग्य चीज़ें माँगते हैं और अपने लिए स्वादिष्ट भोजन मँगवाते हैं।

श्लोक 51 (12.55.51)

क्रुध्यन्ति परिदीप्यन्ति भूमिपायाधितिष्ठते । उत्कोचैर्वञ्चनाभिश्च कार्याणि घ्नन्ति चास्य ते ॥

krudhyanti paridīpyanti bhūmipāyādhitiṣṭhate | utkocairvañcanābhiśca kāryāṇi ghnanti cāsya te

वे क्रोध करते हैं, भड़क उठते हैं, राजा पर चढ़े जाते हैं, और घूस तथा छल से उसके कार्यों को बिगाड़ देते हैं।

श्लोक 52 (12.55.52)

जर्झरं चास्य विषयं कुर्वन्ति प्रतिरूपकैः । स्त्रीरक्षिभिश्च सज्जन्ते तुल्यवेषा भवन्ति च ॥

jarjharaṃ cāsya viṣayaṃ kurvanti pratirūpakaiḥ | strīrakṣibhiśca sajjante tulyaveṣā bhavanti ca

वे नकली आज्ञापत्रों से उसके देश को खोखला कर देते हैं, अन्तःपुर के रक्षकों से मेल बढ़ाते हैं और उसके जैसे वेश पहनते हैं।

श्लोक 53 (12.55.53)

वान्तं निष्ठीवनं चैव कुर्वते चास्य सन्निधौ । निर्लज्जा राजशार्दूल व्याहरन्ति च तद्वचः ॥

vāntaṃ niṣṭhīvanaṃ caiva kurvate cāsya sannidhau | nirlajjā rājaśārdūla vyāharanti ca tadvacaḥ

वे उसके सामने उबकाई लेते और थूकते हैं, और बेशर्म होकर, हे राजसिंह, उसकी बातों का उलटा जवाब देते हैं।

श्लोक 54 (12.55.54)

हयं वा दन्तिनं वाऽपि रथं वा नृपसंमतम् । अधिरोहन्त्यवज्ञाय सहर्षाः पार्थिवे मृदौ ॥

hayaṃ vā dantinaṃ vā'pi rathaṃ vā nṛpasaṃmatam | adhirohantyavajñāya saharṣāḥ pārthive mṛdau

राजा के प्रिय घोड़े, हाथी या रथ पर वे राजा के कोमल होने पर उसकी अवज्ञा करके हर्ष में भरकर चढ़ बैठते हैं।

श्लोक 55 (12.55.55)

इदं ते दुष्करं राजन्निदं ते दुर्विचेष्टितम् । इत्येवं सुहृदो नाम ब्रुवते परिपद्गताः ॥

idaṃ te duṣkaraṃ rājannidaṃ te durviceṣṭitam | ityevaṃ suhṛdo nāma bruvate paripadgatāḥ

"आपका यह कार्य कठिन है, आपका यह आचरण बुरा है" — हे राजन्, सभा में बैठे हुए तथाकथित मित्र ऐसा कहते हैं।

श्लोक 56 (12.55.56)

क्रुद्धे चास्मिन्हसन्त्येव न च हृष्यन्ति पूजिताः । सङ्घर्षशीलाश्च तदा भवन्त्यन्योन्यकारणात् ॥

kruddhe cāsminhasantyeva na ca hṛṣyanti pūjitāḥ | saṅgharṣaśīlāśca tadā bhavantyanyonyakāraṇāt

उसके क्रुद्ध होने पर वे हँसते ही हैं, और सम्मान पाकर भी प्रसन्न नहीं होते; तब वे एक-दूसरे के कारण आपस में झगड़ने लगते हैं।

श्लोक 57 (12.55.57)

विस्रंसयन्ति मन्त्रं च विवृण्वन्ति च दुष्कृतम् । लीलया चैव कुर्वन्ति सावज्ञास्तस्य शासनम् ॥

visraṃsayanti mantraṃ ca vivṛṇvanti ca duṣkṛtam | līlayā caiva kurvanti sāvajñāstasya śāsanam

वे उसकी गुप्त मन्त्रणा बाहर फैला देते हैं, उसके दुष्कर्म प्रकट करते हैं और तिरस्कार के साथ खेल-खेल में उसकी आज्ञा का पालन करते हैं।

श्लोक 58 (12.55.58)

अलङ्काराणि भोज्यं च तथा स्नानानुलेपने । हेलमाना नरव्याघ्र स्वस्थास्तस्योपभुञ्जते ॥

alaṅkārāṇi bhojyaṃ ca tathā snānānulepane | helamānā naravyāghra svasthāstasyopabhuñjate

हे नरव्याघ्र, उसके अलंकार, भोजन, स्नान और उबटन का वे उसकी अवहेलना करते हुए निश्चिन्त होकर उपभोग करते हैं।

श्लोक 59 (12.55.59)

निन्दन्ते स्वानधीकारान्सन्त्यजन्ते च भारत । न वृत्त्या परितृष्यन्ति राजदेयं हरन्ति च ॥

nindante svānadhīkārānsantyajante ca bhārata | na vṛttyā paritṛṣyanti rājadeyaṃ haranti ca

हे भारत, वे अपने अधिकारों की निन्दा करके उन्हें छोड़ देते हैं; वे अपनी वृत्ति से सन्तुष्ट नहीं होते और राजा को देय धन हर लेते हैं।

श्लोक 60 (12.55.60)

क्रीडितुं तेन चेच्छन्ति ससूत्रेणेव पक्षिणा । अस्मत्प्रणेयो राजेति लोकांश्चैव वदन्त्युत ॥

krīḍituṃ tena cecchanti sasūtreṇeva pakṣiṇā | asmatpraṇeyo rājeti lokāṃścaiva vadantyuta

वे डोरी में बँधे पक्षी की तरह उसके साथ खेलना चाहते हैं, और लोगों से कहते हैं — "राजा हमारे ही चलाए चलता है।"

श्लोक 61 (12.55.61)

एते चैवापरे चैव दोषाः प्रादुर्भवन्त्युत । नृपतौ मार्दवोपेते हर्षुले च युधिष्ठिर ॥

ete caivāpare caiva doṣāḥ prādurbhavantyuta | nṛpatau mārdavopete harṣule ca yudhiṣṭhira

हे युधिष्ठिर, राजा के कोमल और हँसोड़ होने पर ये और दूसरे दोष भी उत्पन्न होते हैं।