इन्द्र का मान्धाता को दस्युओं के धर्म पर उत्तर

श्लोक 1 (12.64.1)

एवंवीर्यः सर्वधर्मोपपन्नः । क्षात्रः श्रेष्ठः सर्वधर्मेषु धर्मः । पाल्यो युष्माभिर्लोकपालैरुदारै । र्विपर्यये स्यादभवः प्रजानाम् ॥

evaṃvīryaḥ sarvadharmopapannaḥ | kṣātraḥ śreṣṭhaḥ sarvadharmeṣu dharmaḥ | pālyo yuṣmābhirlokapālairudārai | rviparyaye syādabhavaḥ prajānām

ऐसी सामर्थ्यवाला, सब धर्मों से सम्पन्न क्षात्रधर्म सब धर्मों में श्रेष्ठ है। तुम उदार लोकपालों और नरसिंहों को इसकी रक्षा करनी चाहिए; इसके बिगड़ने पर प्रजाओं का नाश हो जाएगा।

श्लोक 2 (12.64.2)

भूसंस्कारं धर्मसंस्कारयोग्यं । दीक्षाचर्यां पालनं च प्रजानाम् । विद्याद्राज्ञः सर्वभूतानुकम्पा । देहत्यागं चाहवे धर्ममग्र्यम् ॥

bhūsaṃskāraṃ dharmasaṃskārayogyaṃ | dīkṣācaryāṃ pālanaṃ ca prajānām | vidyādrājñaḥ sarvabhūtānukampā | dehatyāgaṃ cāhave dharmamagryam

राजा को अपना प्रधान धर्म यह जानना चाहिए: भूमि का संस्कार, जो उसे धर्म के अनुकूल बनाता है; दीक्षा का आचरण; प्रजा का पालन; सब प्राणियों पर दया; और युद्ध में देह का त्याग।

श्लोक 3 (12.64.3)

त्यागं श्रेष्ठं मुनयो वै वदन्ति । सर्वश्रेष्ठं यच्छरीरं त्यजन्ति । नित्यं व्यक्तं राजधर्मेषु सर्वे । प्रत्यक्षं ते भूमिपाला यथैते ॥

tyāgaṃ śreṣṭhaṃ munayo vai vadanti | sarvaśreṣṭhaṃ yaccharīraṃ tyajanti | nityaṃ vyaktaṃ rājadharmeṣu sarve | pratyakṣaṃ te bhūmipālā yathaite

मुनि त्याग को श्रेष्ठ कहते हैं, और सबसे श्रेष्ठ वह है जिसमें लोग शरीर तक त्याग देते हैं। राजधर्मों में वह सदा प्रकट रहता है; वे भूमिपाल, जैसे ये यहाँ हैं, प्रत्यक्ष दिखाई देते हैं।

श्लोक 4 (12.64.4)

बहुश्रुत्या गुरुशुश्रूषया वा । परस्पराः संहननाद्वदन्ति । नित्यं धर्मं क्षत्रियो ब्रह्मचारी । चरेदेको ह्याश्रमं धर्मकामः ॥

bahuśrutyā guruśuśrūṣayā vā | parasparāḥ saṃhananādvadanti | nityaṃ dharmaṃ kṣatriyo brahmacārī | caredeko hyāśramaṃ dharmakāmaḥ

कुछ लोग कहते हैं कि वह बहुत शास्त्र सुनने से, या गुरु की सेवा से, या परस्पर संगठित होने से मिलता है। धर्म की इच्छा रखनेवाले क्षत्रिय को ब्रह्मचारी होकर अकेले ही अपने आश्रम के धर्म का सदा पालन करना चाहिए।

श्लोक 5 (12.64.5)

सामान्यार्थे व्यवहारे प्रवृत्ते । प्रियाप्रिये वर्जयन्नैव यत्नात् । चातुर्वर्ण्यं स्थापनात्पालनाच्च । तैस्तैर्योगैर्नियमैरौषधैश्च ॥

sāmānyārthe vyavahāre pravṛtte | priyāpriye varjayannaiva yatnāt | cāturvarṇyaṃ sthāpanātpālanācca | taistairyogairniyamairauṣadhaiśca

सबके सामान्य हित की बात का व्यवहार चल पड़ने पर वह प्रिय और अप्रिय को यत्नपूर्वक छोड़ दे; चारों वर्णों की स्थापना और पालन से तथा उन-उन उपायों, नियमों और औषधियों से,

श्लोक 6 (12.64.6)

सर्वोद्योगैराश्रमं धर्ममाहुः । क्षात्रं श्रेष्ठं सर्वधर्मोपपन्नम् । स्वंस्वं धर्मं येन चरन्ति वर्णा । स्तांस्तान्धर्मानन्यथार्थान्वदन्ति ॥

sarvodyogairāśramaṃ dharmamāhuḥ | kṣātraṃ śreṣṭhaṃ sarvadharmopapannam | svaṃsvaṃ dharmaṃ yena caranti varṇā | stāṃstāndharmānanyathārthānvadanti

वे इसे सब प्रकार के उद्योग से किया जानेवाला आश्रमधर्म कहते हैं: यह सर्वश्रेष्ठ क्षात्रधर्म सब धर्मों से युक्त है। इसी से वर्ण अपना-अपना धर्म निभाते हैं; उसके बिना उन-उन धर्मों को वे निष्फल कहते हैं।

श्लोक 7 (12.64.7)

निर्मर्यादान्नित्यमर्थे निविष्टा । नाहुस्तान्वै पशुभूतान्मनुष्यान् । यथा नीतिं गमयत्यर्थयोगा । च्छ्रेयस्तस्मादाश्रमात्क्षत्रधर्मः ॥

nirmaryādānnityamarthe niviṣṭā | nāhustānvai paśubhūtānmanuṣyān | yathā nītiṃ gamayatyarthayogā | cchreyastasmādāśramātkṣatradharmaḥ

मर्यादाहीन, सदा धन में ही लगे रहनेवाले मनुष्यों को वे पशुओं के समान कहते हैं। क्योंकि यह अर्थ के उचित उपयोग से नीति की ओर ले जाता है, इसलिए आश्रम से क्षात्रधर्म श्रेष्ठ है।

श्लोक 8 (12.64.8)

त्रैविद्यानां या गतिर्ब्राह्मणानां । ये चैवोक्ताः स्वाश्रमा ब्राह्मणानाम् । एतत्कर्म क्षत्रियस्याहुरग्र्य । मन्यत्कुर्वञ्छूद्रवच्छस्त्रवध्यः ॥

traividyānāṃ yā gatirbrāhmaṇānāṃ | ye caivoktāḥ svāśramā brāhmaṇānām | etatkarma kṣatriyasyāhuragrya | manyatkurvañchūdravacchastravadhyaḥ

तीनों वेदों के ज्ञाता ब्राह्मणों की जो गति है और ब्राह्मणों के जो आश्रम कहे गए हैं, यही कर्म क्षत्रिय का सर्वोपरि कर्म कहा जाता है; इसे छोड़कर कुछ और करनेवाला शूद्र के समान शस्त्र से वध के योग्य है।

श्लोक 9 (12.64.9)

चातुराश्रम्यधर्माश्च वेदवादाश्च पार्थिव । ब्राह्मणेनानुगन्तव्या नान्यो विद्यात्कदाचन ॥

cāturāśramyadharmāśca vedavādāśca pārthiva | brāhmaṇenānugantavyā nānyo vidyātkadācana

हे राजन्, चारों आश्रमों के धर्मों और वेद के उपदेशों का पालन ब्राह्मण को करना चाहिए; और कोई उन्हें कभी न सीखे।

श्लोक 10 (12.64.10)

अन्यथा वर्तमानस्य न सा वृत्तिः प्रकल्प्यते । कर्मणा वर्धते धर्मो यथा धर्मस्तथैव सः ॥

anyathā vartamānasya na sā vṛttiḥ prakalpyate | karmaṇā vardhate dharmo yathā dharmastathaiva saḥ

जो इससे भिन्न आचरण करता है, उसके लिए कोई वृत्ति निश्चित नहीं की जाती। कर्म से धर्म बढ़ता है; जैसा धर्म, वैसा ही वह मनुष्य।

श्लोक 11 (12.64.11)

यो विकर्मस्थितो विप्रो न स सन्मानमर्हति । कर्म स्वमप्रयुञ्जानमविश्वास्यं हि तं विदुः ॥

yo vikarmasthito vipro na sa sanmānamarhati | karma svamaprayuñjānamaviśvāsyaṃ hi taṃ viduḥ

जो ब्राह्मण निषिद्ध कर्म में स्थित है, वह सम्मान के योग्य नहीं; और जो अपने कर्म का प्रयोग नहीं करता, उसे वे अविश्वसनीय मानते हैं।

श्लोक 12 (12.64.12)

एते वर्णाः सर्वधर्मैश्च हीना । उत्क्रष्टव्याः क्षत्रियैरेव धर्माः । तस्माच्छ्रेष्ठा राजधर्मा न चान्ये । वीर्यश्रेष्ठा राजधर्मा मता मे ॥

ete varṇāḥ sarvadharmaiśca hīnā | utkraṣṭavyāḥ kṣatriyaireva dharmāḥ | tasmācchreṣṭhā rājadharmā na cānye | vīryaśreṣṭhā rājadharmā matā me

ये वर्ण यदि सब धर्मों से रहित हो जाएँ, तो इन्हें क्षत्रिय ही ऊपर उठाएँ; यही उनका धर्म है। इसलिए राजधर्म ही श्रेष्ठ हैं, दूसरे नहीं; पराक्रम में श्रेष्ठ राजधर्म मेरे मत में सर्वोपरि हैं।

श्लोक 13 (12.64.13)

यवनाः किराता गान्धाराश्चीनाः शबरबर्बराः । शकास्तुषाराः कङ्काश्च पल्लवाश्चान्ध्रमद्रकाः ॥

yavanāḥ kirātā gāndhārāścīnāḥ śabarabarbarāḥ | śakāstuṣārāḥ kaṅkāśca pallavāścāndhramadrakāḥ

यवन, किरात, गान्धार, चीन, शबर और बर्बर, शक, तुषार, कङ्क, पल्लव, आन्ध्र और मद्रक,

श्लोक 14 (12.64.14)

उष्ट्राः पुलिन्दा आरट्टाः काचा म्लेच्छाश्च सर्वशः । ब्रह्मक्षत्रप्रसूताश्च वैश्याः शूद्राश्च मानवाः ॥

uṣṭrāḥ pulindā āraṭṭāḥ kācā mlecchāśca sarvaśaḥ | brahmakṣatraprasūtāśca vaiśyāḥ śūdrāśca mānavāḥ

उष्ट्र, पुलिन्द, आरट्ट और काच, सब प्रकार के म्लेच्छ, तथा ब्राह्मण और क्षत्रियों से उत्पन्न, वैश्य और शूद्र मनुष्य,

श्लोक 15 (12.64.15)

कथं धर्मांश्चरिष्यन्ति सर्वे विषयवासिनः । मद्विधैश्च कथं स्थाप्याः सर्वे वै दस्युजीविनः ॥

kathaṃ dharmāṃścariṣyanti sarve viṣayavāsinaḥ | madvidhaiśca kathaṃ sthāpyāḥ sarve vai dasyujīvinaḥ

राज्य में बसनेवाले ये सब लोग धर्मों का आचरण कैसे करेंगे? और लूट-पाट से जीनेवाले ये सब मुझ जैसे लोगों द्वारा कैसे व्यवस्था में रखे जाएँगे?

श्लोक 16 (12.64.16)

एतदिच्छाम्यहं श्रोतुं मघवंस्तद्ब्रवीहि मे । त्वं बन्धुभूतो ह्यस्माकं क्षत्रियाणां सुरेश्वर ॥

etadicchāmyahaṃ śrotuṃ maghavaṃstadbravīhi me | tvaṃ bandhubhūto hyasmākaṃ kṣatriyāṇāṃ sureśvara

हे मघवन्, मैं यही सुनना चाहता हूँ; मुझे बताइए। हे सुरेश्वर, आप हम क्षत्रियों के बन्धु हैं।

श्लोक 17 (12.64.17)

मातापित्रोर्हि शुश्रूषा कर्तव्या सर्वदस्युभिः । आचार्यगुरुशुश्रूषा तथैवाश्रमवासिनाम् ॥

mātāpitrorhi śuśrūṣā kartavyā sarvadasyubhiḥ | ācāryaguruśuśrūṣā tathaivāśramavāsinām

सब दस्युओं को माता-पिता की सेवा करनी चाहिए, तथा आचार्यों और गुरुओं की सेवा, और इसी प्रकार आश्रमवासियों की भी।

श्लोक 18 (12.64.18)

भूमिपानां च शुश्रूषा कर्तव्या सर्वदस्युभिः । देशधर्मक्रियाश्चैव तेषां धर्मो विधीयते ॥

bhūmipānāṃ ca śuśrūṣā kartavyā sarvadasyubhiḥ | deśadharmakriyāścaiva teṣāṃ dharmo vidhīyate

सब दस्युओं को राजाओं की भी सेवा करनी चाहिए। अपने देश के धर्म की क्रियाएँ ही उनका निर्धारित धर्म हैं।

श्लोक 19 (12.64.19)

पितृयज्ञास्तथा कूपाः प्रपाश्च शयनानि च । दानानि च यथाकालं दातव्यानि द्विजातिषु ॥

pitṛyajñāstathā kūpāḥ prapāśca śayanāni ca | dānāni ca yathākālaṃ dātavyāni dvijātiṣu

पितृयज्ञ, कुएँ, प्याऊ और शय्याएँ, तथा समय पर दिए जानेवाले दान द्विजातियों को देने चाहिए।

श्लोक 20 (12.64.20)

अहिंसा सत्यमक्रोधो वृत्तिदायानुपालनम् । भरणं पुत्रदाराणां शौचमद्रोह एव च ॥

ahiṃsā satyamakrodho vṛttidāyānupālanam | bharaṇaṃ putradārāṇāṃ śaucamadroha eva ca

अहिंसा, सत्य, क्रोध का अभाव, आजीविका के लिए दिए गए दानों का पालन, स्त्री-पुत्रों का भरण-पोषण, शुचिता और द्रोह का अभाव।

श्लोक 21 (12.64.21)

दक्षिणा सर्वयज्ञानां दातव्या धर्ममिच्छता । पाकयज्ञा महार्थाश्च दातव्याः सर्वदस्युभिः ॥

dakṣiṇā sarvayajñānāṃ dātavyā dharmamicchatā | pākayajñā mahārthāśca dātavyāḥ sarvadasyubhiḥ

धर्म की इच्छा रखनेवाले को सब यज्ञों की दक्षिणा देनी चाहिए, और सब दस्युओं को बड़े-बड़े पाकयज्ञ करने चाहिए।

श्लोक 22 (12.64.22)

एतान्येवंप्रकाराणि विहितानि पुराऽनघ । सर्वलोकस्य कर्माणि कर्तव्यानीह पार्थिव ॥

etānyevaṃprakārāṇi vihitāni purā'nagha | sarvalokasya karmāṇi kartavyānīha pārthiva

हे निष्पाप, ऐसे ही कर्म पूर्वकाल में विहित किए गए हैं; हे राजन्, ये सारे लोक के कर्म हैं और यहाँ किए जाने चाहिए।

श्लोक 23 (12.64.23)

दृश्यन्ते मानुषे लोके सर्ववर्णेषु दस्यवः । लिङ्गान्तरे वर्तमाना आश्रमेषु तथैव च ॥

dṛśyante mānuṣe loke sarvavarṇeṣu dasyavaḥ | liṅgāntare vartamānā āśrameṣu tathaiva ca

मनुष्य-लोक में सभी वर्णों में दस्यु दिखाई देते हैं, जो दूसरे वेश में रहते हैं, और आश्रमों में भी इसी प्रकार।

श्लोक 24 (12.64.24)

विनष्टायां दण्डनीत्यां राजधर्मे विनाकृते । संप्रमुह्यन्ति भूतानि राजदौरात्म्यतोऽनघ ॥

vinaṣṭāyāṃ daṇḍanītyāṃ rājadharme vinākṛte | saṃpramuhyanti bhūtāni rājadaurātmyato'nagha

जब दण्डनीति नष्ट हो जाती और राजधर्म का परित्याग हो जाता है, तब हे निष्पाप, राजाओं की दुष्टता से प्राणी मोहग्रस्त हो जाते हैं।

श्लोक 25 (12.64.25)

असङ्ख्याता भविष्यन्ति भिक्षवो लिङ्गिनस्तथा । आश्रमाणां विकल्पाश्च वृत्तेऽस्मिन्वैकृते युगे ॥

asaṅkhyātā bhaviṣyanti bhikṣavo liṅginastathā | āśramāṇāṃ vikalpāśca vṛtte'sminvaikṛte yuge

भिक्षु और वेशधारी असंख्य हो जाएँगे, और इस बिगड़े हुए युग में आश्रमों के अनेक भेद हो जाएँगे।

श्लोक 26 (12.64.26)

अशृण्वानाः पुराणानां धर्माणां शतशो नराः । उत्पथं प्रतिपत्स्यन्ते काममन्युसमीरिताः ॥

aśṛṇvānāḥ purāṇānāṃ dharmāṇāṃ śataśo narāḥ | utpathaṃ pratipatsyante kāmamanyusamīritāḥ

सैकड़ों मनुष्य प्राचीन धर्मों को न सुनकर, काम और क्रोध से प्रेरित होकर कुमार्ग पर चल पड़ेंगे।

श्लोक 27 (12.64.27)

यदा निवर्त्यते पापो दण्डनीत्या महात्मभिः । तदा धर्मो न चलते संभूतः शाश्वतः पुरा ॥

yadā nivartyate pāpo daṇḍanītyā mahātmabhiḥ | tadā dharmo na calate saṃbhūtaḥ śāśvataḥ purā

जब महात्मा लोग दण्डनीति से पाप को रोक लेते हैं, तब पूर्वकाल से प्रकट शाश्वत धर्म विचलित नहीं होता।

श्लोक 28 (12.64.28)

सर्वलोकगुरुं चैव राजानं योऽवमन्यते । न तस्य दत्तं न कृतं न श्रुतं फलति क्वचित् ॥

sarvalokaguruṃ caiva rājānaṃ yo'vamanyate | na tasya dattaṃ na kṛtaṃ na śrutaṃ phalati kvacit

जो सारे लोक के गुरु राजा का अपमान करता है, उसका दिया हुआ, किया हुआ और सुना हुआ कुछ भी कभी फल नहीं देता।

श्लोक 29 (12.64.29)

मानुषाणामधिपतिं देवभूतं महाद्युतिम् । देवाश्च बहुमन्यन्ते धर्मकामं नरेश्वरम् ॥

mānuṣāṇāmadhipatiṃ devabhūtaṃ mahādyutim | devāśca bahumanyante dharmakāmaṃ nareśvaram

मनुष्यों के अधिपति, महातेजस्वी, देवतुल्य और धर्म की कामना करनेवाले राजा का देवता भी बहुत आदर करते हैं।

श्लोक 30 (12.64.30)

प्रजापतिर्हि भगवान्यः सर्वमसृजज्जगत् । स प्रवृत्तिनिवृत्त्यर्थं धर्माणां क्षत्रमिच्छति ॥

prajāpatirhi bhagavānyaḥ sarvamasṛjajjagat | sa pravṛttinivṛttyarthaṃ dharmāṇāṃ kṣatramicchati

जिन भगवान् प्रजापति ने सारे जगत् को रचा, वे धर्मों की प्रवृत्ति और निवृत्ति के लिए क्षत्रिय शक्ति को चाहते हैं।

श्लोक 31 (12.64.31)

प्रवृत्तस्य हि धर्मस्य बुद्ध्या यः स्मरते गतिम् । स मे मान्यश्च पूज्यश्च स च क्षत्रे प्रतिष्ठितः ॥

pravṛttasya hi dharmasya buddhyā yaḥ smarate gatim | sa me mānyaśca pūjyaśca sa ca kṣatre pratiṣṭhitaḥ

जो बुद्धि से प्रवृत्त हुए धर्म की गति का स्मरण रखता है, वह मेरे लिए मान्य और पूज्य है, और वह क्षत्रिय-धर्म में प्रतिष्ठित है।

श्लोक 32 (12.64.32)

एवमुक्त्वा स भगवान्मरुद्गणवृतः प्रभुः । जगाम भवनं विष्णुरक्षरं शाश्वतं परम् ॥

evamuktvā sa bhagavānmarudgaṇavṛtaḥ prabhuḥ | jagāma bhavanaṃ viṣṇurakṣaraṃ śāśvataṃ param

यह कहकर मरुद्गणों से घिरे हुए भगवान् प्रभु विष्णु अपने उस धाम को चले गए जो अविनाशी, शाश्वत और परम है।

श्लोक 33 (12.64.33)

एवं प्रवर्तिते धर्मे पुरा सुचरितेऽनघ । कः क्षत्रमतिवर्तेत चेतनावान्बहुश्रुतः ॥

evaṃ pravartite dharme purā sucarite'nagha | kaḥ kṣatramativarteta cetanāvānbahuśrutaḥ

हे निष्पाप, इस प्रकार पूर्वकाल में धर्म के भली-भाँति प्रवर्तित हो जाने पर, कौन विचारवान् और बहुश्रुत पुरुष क्षत्रिय की अवहेलना करेगा?

श्लोक 34 (12.64.34)

अन्यायेन प्रवृत्तानि निवृत्तानि तथैव च । अन्तरा विलयं यान्ति यथा पथि विचक्षुषः ॥

anyāyena pravṛttāni nivṛttāni tathaiva ca | antarā vilayaṃ yānti yathā pathi vicakṣuṣaḥ

जो अन्याय से आरम्भ किया जाता है और जो उसी प्रकार रोका जाता है, वह बीच में ही नष्ट हो जाता है, जैसे मार्ग में आँख-रहित मनुष्य।

श्लोक 35 (12.64.35)

आदौ प्रवर्तिते चक्रे तथैवादिपरायणे । वर्तस्व पुरुषव्याघ्र संविजानामि तेऽनघ ॥

ādau pravartite cakre tathaivādiparāyaṇe | vartasva puruṣavyāghra saṃvijānāmi te'nagha

आरम्भ में चक्र के प्रवर्तित हो जाने पर, और धर्म के पूर्वजों का आश्रय होने के कारण, हे पुरुषव्याघ्र, तुम इसके अनुसार चलो; हे निष्पाप, मैं तुम्हारी योग्यता जानता हूँ।